TTDL-ZABTER-16-MA-003: Difference between revisions
From Dudjom Wiki
TTDL-ZABTER-16-MA-003
No edit summary |
m (Text replacement - "ཧོཿ" to "ཧོཿ ") |
||
| Line 37: | Line 37: | ||
<h1>Tibetan Text</h1> | <h1>Tibetan Text</h1> | ||
<onlyinclude> | <onlyinclude> | ||
{{TibP|༁ྃ༔ ལེགས་ལྡན་ཞྭ་ཡི་རྒྱང་གླུ་བཞུགས་སོ༔ ཆུ་ཕོ་སྤྲེའུའི་ལོ་ཧོར་ཟླ་གསུམ་པའི་ཚེས་བཅུ་དགུའི་ནུབ་མོ་མགོན་པོ་ལེགས་ལྡན་ཡིན་ཟེར་བའི་རྟ་ནག་རྟིང་དཀར་ཅན་ཞིག་གིས་འདི་སྐད༔ | {{TibP|༁ྃ༔ ལེགས་ལྡན་ཞྭ་ཡི་རྒྱང་གླུ་བཞུགས་སོ༔ ཆུ་ཕོ་སྤྲེའུའི་ལོ་ཧོར་ཟླ་གསུམ་པའི་ཚེས་བཅུ་དགུའི་ནུབ་མོ་མགོན་པོ་ལེགས་ལྡན་ཡིན་ཟེར་བའི་རྟ་ནག་རྟིང་དཀར་ཅན་ཞིག་གིས་འདི་སྐད༔ ཧོཿ ལྷ་ནི་ཀུན་ཏུ་བཟང་པོ་ཡིན༔ མི་ནི་ལེགས་ལྡན་ནག་པོ་ཡིན༔ རྟ་ནི་བདུད་རྟ་རྟིང་དཀར་ཡིན༔ གོས་ནི་རྒྱ་བེར་བརྗིད་ལྡན་ཡིན༔ མཚོན་ནི་ཙནྡན་བིང་ཆེན་ཡིན༔ རྒྱན་ནི་རིན་ཆེན་སྣ་ཚོགས་ཡིན༔ ཞྭ་ནི་གཙུག་ཏོར་ནོར་བུ་ཡིན༔ བཟོ་མཁན་ལྷ་ཆེན་ཚངས་པ་ཡིན༔ དབྱིབས་ནི་རིན་ཆེན་རི་བོ་ཡིན༔ ཏོག་ནི་རྒྱལ་བའི་གཙུག་ཏོར་ཡིན༔ ཆིངས་ནི་འཁོར་འདས་གཉིས་མེད་ཡིན༔ མཁའ་འགྲོ་འབུམ་གྱི་ལྕང་ལོའི་ཏོག༔ ཟར་བུ་མ་བཅོས་འདབས་ཚར་ཡིན༔ ལར་ནི་ཞྭ་འདིའི་མཚན་ཉིད་ལ༔ རྩེ་མོ་རབ་ཏུ་རྣོ་བ་ནི༔ ཆེ་བཙན་འགྲན་ཟླ་བྲལ་བའི་རྟགས༔ ནོར་བུའི་དབྱིབས་སུ་འདུག་པ་ནི༔ དགོས་འདོད་རེ་བ་སྐོང་བའི་རྟགས༔ ཁ་དོག་སྔོ་མདངས་ཆགས་པ་ནི༔ ཆོས་སྐུ་སྐྱེ་བ་མེད་པའི་རྟགས༔ དར་ཆིངས་ཁ་དོག་དམར་བ་ནི༔ ལོངས་སྐུ་འགགས་པ་མེད་པའི་རྟགས༔ ཕྲག་པ་ཡངས་ཤིང་རྒྱས་པ་ནི༔ གསང་སྔགས་བསྟན་པ་རྒྱས་པའི་རྟགས༔ སྐེད་ཞོལ་དྲང་ལ་སྨད་འཁྱུག་པ༔ མདོ་སྔགས་ཟུང་དུ་འབྲེལ་བའི་རྟགས༔ གཉེར་མ་དྲུག་ཅུ་རྩ་བཞི་ནི༔ འབུམ་ཕྲག་དྲུག་ཅུའི་ཐེག་བཅུད་རྟགས༔ གཉེར་རྩེ་ཆིངས་འོག་འདུད་པ་ནི༔ འུབ་ཆུབ་རོལ་པར་གཅིག་པའི་རྟགས༔ འདབ་འཁོར་རབ་ཏུ་རྒྱས་པ་ནི༔ ཆོས་འཁོར་ཡོངས་ལ་དབང་བའི་རྟགས༔ འདབས་ཞལ་འཐུག་ལ་ཟུར་མཛེས་པ༔ བསྟན་པ་མཐའ་ནས་རྒྱས་པའི་རྟགས༔ ནང་ཚར་སྣ་ལྔ་ཞོལ་བ་ནི༔ ཆོས་ཕུང་བརྒྱད་ཁྲིར་དབང་འབྱོར་རྟགས༔ ཁ་ཏོག་དཀར་ལ་གསལ་བ་ནི༔ སྤྲུལ་སྐུས་འགྲོ་དོན་མཐར་ཕྱིན་རྟགས༔ ཁྲ་དང་ཉི་མ་རྒྱལ་ཕུར་བུ༔ འཕྲད་ཚེ་ཞྭ་འདི་བཟོ་བའི་དུས༔ རྩེ་ནང་རྣམ་རྒྱལ་འཁོར་ལོ་བཞུགས༔ བསྟན་པའི་སྙིང་པོའི་རབ་གནས་བྱ༔ གྱོན་ན་ཕྱོགས་ལས་རྣམ་རྒྱལ་ཏེ༔ དོན་ཀུན་འགྲུབ་པར་གདོན་མི་ཟ༔ ང་འོང་དགའ་ལྡན་ཡུལ་ནས་འོང་༔ འགྲོ་ཡང་དགའ་ལྡན་གནས་སུ་འགྲོ༔ མི་ཡུལ་བདེ་སྐྱིད་བཀྲ་ཤིས་ཤོག༔ ཅེས་ཟེར་མི་སྣང་བར་ཡལ་ལོ༔ བདུད་འཇོམས་ཁྲོ་ལོད་རྩལ་གྱིས་སོ།།}} | ||
</onlyinclude> | </onlyinclude> | ||
{{TsagliCall}} | {{TsagliCall}} | ||
<headertabs/> | <headertabs/> | ||
Latest revision as of 09:40, 4 September 2025
| Wylie title | legs ldan zhwa yi rgyang glu: | |
|---|---|---|
| Location | bdud 'joms gling pa zab gter Volume 16, Text 3, Pages 11-12 (Folios 1a1 to 1b5) | |
| Author | བདུད་འཇོམས་གླིང་པ་ | |
| Citation | Khrag 'thung Bdud 'joms gling pa. Legs ldan zhwa yi rgyang glu. In Sprul pa'i gter chen bdud 'joms gling pa'i zab gter gsang ba'i chos sde, Vol. 16: 11-12. Thimphu, Bhutan: Lama Kuenzang Wangdue, 2004. | |
| Side notes | Recto: zhwa bshad Verso: bdud 'joms zab gter | |
| More details More details | ||
| Tertön | བདུད་འཇོམས་གླིང་པ་ (bdud 'joms gling pa) | |
| Genre | Vajra Songs - rdo rje'i glu | |
| Cycle | དག་སྣང་ཡེ་ཤེས་དྲྭ་བ་ (dag snang ye shes drwa ba) | |
| Colophon |
བདུད་འཇོམས་ཁྲོ་ལོད་རྩལ་གྱིས་སོ། | |
|
bdud 'joms khro lod rtsal gyis so/ | ||
