TTDL-ZABTER-09-TA-050: Difference between revisions
From Dudjom Wiki
TTDL-ZABTER-09-TA-050
No edit summary |
m (Text replacement - "ཧོཿ" to "ཧོཿ ") |
||
| Line 36: | Line 36: | ||
<h1>Tibetan Text</h1> | <h1>Tibetan Text</h1> | ||
<onlyinclude> | <onlyinclude> | ||
{{TibP|ཐྂ༎༔ ཟབ་གསང་མཁའ་འགྲོའི་སྙིང་ཐིག་ལས༔ དམོད་ངན་རྡོ་རྗེའི་ཐོག་མདའ་བཞུགས་སོ༔ ཧོཿ དགོངས་སུ་གསོལ་ལོ༔ ཧོཿ དགོངས་སུ་གསོལ་ལོ༔ | {{TibP|ཐྂ༎༔ ཟབ་གསང་མཁའ་འགྲོའི་སྙིང་ཐིག་ལས༔ དམོད་ངན་རྡོ་རྗེའི་ཐོག་མདའ་བཞུགས་སོ༔ ཧོཿ དགོངས་སུ་གསོལ་ལོ༔ ཧོཿ དགོངས་སུ་གསོལ་ལོ༔ ཧོཿ དགོངས་སུ་གསོལ་ལོ༔ རྩ་བརྒྱུད་རིག་འཛིན་བླ་མ༔ ཡི་དམ་ཞི་ཁྲོ་རྒྱ་མཚོ༔ མཁའ་འགྲོ་འཁོར་འདས་དབང་མོ༔ ལེགས་ལྡན་མ་ཧཱ་ཀཱ་ལ༔ དཔལ་མགོན་ཕྱག་བཞི་ཡབ་ཡུམ༔ མ་མོ་སྲིད་པའི་རྒྱལ་མོ༔ གནོད་སྦྱིན་ཤན་པ་དམར་ནག༔ གཟའ་བདུད་དུག་གི་སྤུ་གྲི༔ ཞིང་སྐྱོང་ཀུན་དགའ་གཞོན་ནུ༔ ལྷ་ཆེན་དབང་ཕྱུག་ཆེན་པོ༔ དམ་ཅན་རྡོ་རྗེ་ལེགས་པ༔ གཤིན་རྗེ་ཡ་མ་རཱ་ཙ༔ སྲོག་བདག་པེ་ཧར་རྒྱལ་པོ༔ འཛམ་གླིང་བརྟན་མ་བཅུ་གཉིས་ལ་སོགས་པའི་ཡེ་ཤེས་དང་ལས་ལ་གྲུབ་པའི་བཀའ་སྲུང་ཆོས་སྐྱོང་ལྷ་སྲིན་སྡེ་བརྒྱད་སྣང་སྲིད་ལྷ་འདྲེ་མཐུ་བོ་ཆེ་རྣམས་གསན་ཅིང་དགོངས་སུ་གསོལ༔ ངས་ནི་རིག་འཛིན་བརྒྱུད་པ་དང་བཅས་པའི་བཀའ་སྲུང་དང་དམ་ཚིག་གཉན་པོ་དཔང་དུ་བཙུག་ནས་ཁྱེད་ལ་སྙན་གསན་དབབ་པ་ནི༔ སངས་རྒྱས་བསྟན་པ་བཤིག་པའི་བདུད་སྡེ༔ དམ་པའི་ཆོས་ཁྲིམས་བཤིག་པའི་ལྟ་ལོག༔ དགེ་འདུན་སྡེ་དཔུང་བཅོམ་པའི་རཱུ་ཏྲ༔ ས་ལམ་བར་ཆད་བྱེད་པའི་ཆོམ་པོ༔ མཚན་ལྡན་བླ་མ་དམ་པའི་སྐུ་དགྲ༔ རྣལ་འབྱོར་བདག་ཅག་རྣམས་ཀྱི་སྒོས་དགྲ༔ བསམ་ངན་སྦྱོར་རྩུབ་བྱེད་པའི་བྱད་མ༔ གནོད་གདུག་དྲག་ཤུལ་གྱི་སེམས་དང་ལྡན་ཞིང་༔ ཕོད་བཙུགས་པ༔ དོ་བསྡོ་བ༔ ཡ་བཟུང་བ༔ འགྲས་བཙལ་བ༔ སྔ་དགྲ་ལག་ལེན་ལ་བཏབ་པ༔ ད་དགྲ་ཐད་དུ་བཙུགས་པ༔ ཕྱི་དགྲ་ཡིད་ལ་སེམས་པའི་དགྲ་བོ་སྤྱི་དང་༔ བྱེ་བྲག་ཏུ་ཡིད་ལ་བརྣག་པའི་དགྲ་བོ་ཆེ་གེ་མོའི་བུ་ཕོ་རྒྱུད་བུ་མོ་མོ་རྒྱུད་མཐའ་རྩ་སྐྱེ་རྒྱུད་དང་བཅས་པའི་ཚེ་བླ་སྲོག་གསུམ་ཤ་ཁྲག་རུས་གསུམ་ཚེ་བསོད་ནམས་ཁ་རྗེ་དབང་ཐང་དང་བཅས་པ་ཐམས་ཅད་ལྷག་མ་རྗེས་ཤུལ་ཙམ་ཡང་མ་ལུས་པར་ཤ་ཁྲག་དམར་གྱི་གཏོར་མ་འདི་དང་མཉམ་དུ་བཞེས་ཤིག་རོལ་ཅིག༔ ལོ་ཟླར་འགྱངས་སུ་མ་ཤོར༔ སྔོན་བསགས་ལས་ཀྱི་མཐའ་མ་སྒུག༔ སྐྱེ་འཆིའི་ཚད་ཀྱི་ཁུང་མ་བཙུན༔ སྐྱེ་བ་ཕྱི་མ་ལ་དུས་མ་བཏབ༔ ཞུ་བཤགས་འཇལ་གསུམ་ལ་སྙིང་བརྩེ་མ་བྱེད་པར་དུས་ད་ལྟ་ཉིད་དུ་ལྟ་བའི་མིག་འབྲས་ཐང་ལ་འཕོངས་ཤིག༔ འགུལ་བསྐྱོད་བྱེད་པའི་རྐང་ལག་ཆོད་ཅིག༔ སྙིང་ཁྲག་དམར་པོ་ཁ་ནས་དྲོངས་ཤིག༔ ནང་རོལ་རྒྱུ་ལོང་འོག་སྒོར་འཕོངས་ཤིག༔ ཁ་ཟས་ཀྱི་ལྷག་མ་མིད་དུ་མ་ཤོར༔ མི་ཚིག་གཏམ་གྱི་མཇུག་མ་རྫོགས་པར་གྲི་ཐབས་དང་གཟེར་ཐབས་ཧུར་ཐུམ་དྲག་པོས་སོད་ཅིག་སྒྲོལ་ཞིག༔ ཤ་ཁྲག་རུས་གསུམ་ལ་རྔམས་པར་རོལ་ཞིག༔ བཞེས་བཞེས་བཞེས༔ ཁ་ཁ་ཁཱ་ཧི་ཁཱ་ཧི༔ ཞེས་དྲག་པོའི་འུར་ཆེམ་དང་བཞེས་རོལ་བྱའོ༔ བཀའ་སྲུང་གཉན་པོ་སྒྲུབ་པའི་བུས༔ རྟག་ཏུ་འདི་ལ་བརྩོན་གྱུར་ན༔ དགྲ་དཔུང་རྡོ་རྗེ་ཡིན་ཡང་འཇིག༔ ཐེ་ཚོམ་མེད་དོ་རྡོ་རྗེའི་ཚིག༔ དམོད་ངན་རྡོ་རྗེའི་ཐོག་མདའ་འདི༔ གཟའ་བདུད་དུག་གི་སྤུ་གྲིས་སྲུངས༔ དམ་ཉམས་ལག་ཏུ་ཤོར་ར་རེ༔ ས་མ་ཡ༔ རྒྱ་རྒྱ་རྒྱ༔ གཏེར་རྒྱ༔ སྦས་རྒྱ༔ གཏད་རྒྱ༔ ཟབ་རྒྱ༔ གསང་རྒྱ༔ བརྡ་ཐིམ༔ ཞེས་པ་འདི་ཡང་ཁྲག་འཐུང་བདུད་འཇོམས་རྡོ་རྗེའི་གཏེར་མའོ། །དགེའོ།། །།}} | ||
</onlyinclude> | </onlyinclude> | ||
{{TsagliCall}} | {{TsagliCall}} | ||
<headertabs/> | <headertabs/> | ||
Latest revision as of 09:31, 4 September 2025
| Wylie title | zab gsang mkha' 'gro'i snying thig las: dmod ngan rdo rje'i thog mda': | |
|---|---|---|
| Location | bdud 'joms gling pa zab gter Volume 9, Text 50, Pages 395-397 (Folios 1a1 to 2a3) | |
| Author | བདུད་འཇོམས་གླིང་པ་ | |
| Citation | Khrag 'thung Bdud 'joms gling pa. Zab gsang mkha' 'gro'i snying thig las dmod ngan rdo rje'i thog mda'. In Sprul pa'i gter chen bdud 'joms gling pa'i zab gter gsang ba'i chos sde, Vol. 9: 395-397. Thimphu, Bhutan: Lama Kuenzang Wangdue, 2004. | |
| Side notes | Recto: dmod ngan Verso: bdud 'joms bka' srung skor | |
| More details More details | ||
| Tertön | བདུད་འཇོམས་གླིང་པ་ (bdud 'joms gling pa) | |
| Genre | Activity Practices - las tshogs | |
| Cycle | ཟབ་གསང་མཁའ་འགྲོའི་སྙིང་ཐིག་ (zab gsang mkha' 'gro'i snying thig) | |
| Colophon |
ཞེས་པ་འདི་ཡང་ཁྲག་འཐུང་བདུད་འཇོམས་རྡོ་རྗེའི་གཏེར་མའོ། །དགེའོ།། | |
|
zhes pa 'di yang khrag 'thung bdud 'joms rdo rje'i gter ma'o/_/dge'o// | ||
