DJYD-KABUM-05-CA-021

Previous Text Back to Volume PageNext Text

Wylie title	bla ma dgongs pa 'dus pa'i bka' srung gter srung gi gsol mchod mdor bsdus
Location	bdud 'joms rin po che'i bka' 'bum Volume 5, Text 21, Pages 451-452 (Folios 1a1 to 1b6)
Author	བདུད་འཇོམས་འཇིགས་བྲལ་ཡེ་ཤེས་རྡོ་རྗེ་
Citation	Dudjom Rinpoche 'Jigs bral ye shes rdo rje. Bla ma dgongs pa 'dus pa'i bka' srung gter srung gi gsol mchod mdor bsdus. In Bdud 'joms 'jigs bral ye shes rdo rje'i gsung 'bum dam chos rin chen nor bu'i bang mdzod, Vol. 5: 451-452. Kalimpong: Dupjung Lama, 1979-1985.
Side notes	Recto: gter srung   Verso: sangs gling dgongs 'dus
More details More details
Tertön	སངས་རྒྱས་གླིང་པ་ (sangs rgyas gling pa)
Genre	Protector Rituals - gsol mchod
Cycle	བླ་མ་དགོངས་པ་འདུས་པ་ (bla ma dgongs pa 'dus pa)
Colophon	First colophon: །ཞེས་པའང་གཏེར་གཞུང་ལས་བཏུས་པ་སྟེ་འཇིགས་བྲལ་ཡེ་ཤེས་རྡོ་རྗེས་སོ།། Second colophon: ཅེས་པའང་བུམ་ཐང་དབང་འདུས་ཆོས་གླིང་དུ་ལམ་འདིའི་སྨིན་གྲོལ་དགའ་སྟོན་ཐོག་མར་སྤེལ་བའི་དུས་ཚེས་བཟང་པོར་འཇིགས་བྲལ་ཡེ་ཤེས་རྡོ་རྗེས་འདུན་སྨོན་དུ་བྲིས་པ་སིདྡྷི་རསྟུ།།
	First colophon: zhes pa'ang gter gzhung las btus pa ste 'jigs bral ye shes rdo rjes so// Second colophon: ces pa'ang bum thang dbang 'dus chos gling du lam 'di'i smin grol dga' ston thog mar spel ba'i dus tshes bzang por 'jigs bral ye shes rdo rjes 'dun smon du bris pa sid+d+hi rastu//

Tibetan Text

[edit]

༄༅། །བླ་མ་དགོངས་པ་འདུས་པའི་བཀའ་སྲུང་གཏེར་སྲུང་གི་གསོལ་མཆོད་མདོར་བསྡུས་ནི། མཆོད་གཏོར་ རཾ་ཡཾ་ཁཾ་གིས་བསང་སྦྱང་། ཨོཾ་ཨཱཿཧཱུཾ་གིས་བྱིན་གྱིས་བརླདས་ལ། ཧྲཱིཿ བདུད་བཞིའི་དཔུང་འཇོམས་དཔའ་བོ་རྟ་མགྲིན་དཔལ༔ ཚེ་བཙན་དཔེ་མེད་ཡབ་ཡུམ་སྲས་འཁོར་བཅས༔ ཤ་ཟདྷཱ་ཀི་བདུད་མོ་ཁ་མོ་ཆེ༔ བཙན་རྒོད་དགེ་བསྙེན་སྦྱིན་འཁོར་བཅས་རྣམས༔ ཁས་བླངས་དམ་བཅས་བཞིན་དུ་ད་ཚུར་བྱོན༔ གནོད་བྱེད་དགྲ་བགེགས་བསྒྲལ་བའི་གདན་ལ་བཞུགས༔ དངོས་འབྱོར་ཡིད་སྤྲུལ་མཐུན་རྫས་དཔག་མེད་དང་༔ སྨན་རཀ་གཏོར་མའི་མཆོད་པ་འདི་བཞེས་ལ༔ ཕྲིན་ལས་རྣམ་བཞི་ལྷུན་གྱིས་འགྲུབ་པར་མཛོད༔ ཨོཾ་བཛྲ་པུཥྤེ་སོགས་ནས། ཤཔྡ་པཉྩ་ཨ་མྲྀ་ཏ་ར་ཀྟམ་ཧཱ་སརྦ་པཱུ་ཛ་ཧོཿ ཞེས་དང་། ཧ་ཡ་གྲཱི་ཝ་ཨེ་ཀ་ཛ་ཊཱི་ཡཀྵ་ཡཀྵ་ཏྲི་དུ་ཏྲི་ཕུ་མ་ཡ་ཙཀྵ་ཨི་དཾ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི༔ ཞེས་པས་རྟ་ནག་འཁོར་བཅས་དང་། བྷྱོ་ཤ་ཟ་དྷཱ་ཀི་ནཱི་མ་མོ་ཙིཏྟ་ཧྲཱིཾ་ཧཱུཾ་ཛཿཨི་དཾ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི༔ ཞེས་པས་ཤ་ཟ་ཁ་མོ་ཆེ་དང་། ཨོཾ་ནཱ་ག་ཙནྟྲི་ཙ་ར་རཱ་ཏྲི་གིང་ཀ་ར་ཡཀྵ་ཡཀྵ་ས་མ་ཡ་ཧཱུཾ་ཕཊ༔ ཨི་དཾ་བ་ལིཾ་ཏ་ཁ་ཁ་ཁཱ་ཧི༔ ཞེས་པས་བཙན་རྒོད་བཅས་སོ་སོར་ཅི་རིགས་པས་ཕུལ་ལ། ཧཱུཾ་ཧྲཱིཿསངས་རྒྱས་བསྟན་པ་སྲུང་བའི་མཐུ་རྩལ་ཅན༔ བཀའ་ཡི་སྲུང་མ་དམ་ཅན་འཁོར་དང་བཅས༔ ཁྱེད་རྣམས་སྔོན་ཚེ་པདྨ་ཐོད་ཕྲེང་གིས༔ དཔལ་གྱི་བསམ་ཡས་མཆིམས་ཕུ་དགེ་གོང་དུ༔ རྩ་གསུམ་ལྷ་ཡི་དཀྱིལ་འཁོར་ཞལ་ཕྱེས་ནས༔ ཡང་ཟབ་བཀའ་ཡི་ཆོས་སྲུང་གཉེར་བྱང་གཏད༔ ནམ་ཞིག་ལས་ལྡན་བསྟན་པ་སྤེལ་བའི་ཚེ༔ བཤད་སྒྲུབ་བསྟན་པ་མཐའ་རུ་རྒྱས་བྱེད་ཅིང་༔ དམ་ལྡན་རྣལ་འབྱོར་བུ་བཞིན་སྐྱོང་དགོས་པའི༔ བཀའ་བསྒོས་དམ་ཚིག་རྡོ་རྗེ་སྤྱི་བོར་བཞག༔ ཇི་ལྟར་རྒྱལ་བའི་བཀའ་ལས་མ་འདའ་བར༔ རྣལ་འབྱོར་བདག་ཅག་འཁོར་དང་བཅས་པ་ཡི༔ སྔོན་ལས་འཕྲལ་རྐྱེན་བར་ཆད་ཞི་བ་དང་༔ ཚེ་དཔལ་ལོངས་སྤྱོད་མངའ་ཐང་རྒྱས་པ་དང་༔ ལྷ་མི་ཆེ་བཙན་དབང་དུ་འདུ་བ་དང་༔ གནོད་བྱེད་དགྲ་བགེགས་ཐལ་བའི་རྡུལ་དུ་རློག༔ བཤད་སྒྲུབ་བསྟན་པ་དུས་འདིར་རྒྱས་པར་མཛོད༔ ཅེས་བསྐུལ་ཞིང་ཕུད་སྐྱེམས་འཐོར། གཏོར་མགྲོན་ཡེ་ཤེས་པ་ཨོཾ་ཨཱཿ ཧཱུཾ་གིས་རང་ལ་བསྡུ། འཇིག་རྟེན་པ་རྣམས་གཙྪས་རང་གནས་སུ་གཤེགས་པར་བྱའོ། །ཞེས་པའང་གཏེར་གཞུང་ལས་བཏུས་པ་སྟེ་འཇིགས་བྲལ་ཡེ་ཤེས་རྡོ་རྗེས་སོ།། །། བརྒྱུད་གསུམ་རིག་འཛིན་ཌཱ་ཀིའི་ཐུགས་ཀྱི་བཅུད། །བོད་ཡུལ་ས་འོག་ཀུན་གྱི་གཏེར་གཅིག་མ། །ཟབ་གསང་བླ་མ་དགོངས་པ་འདུས་ཆེན་གྱི། །བཤད་སྒྲུབ་བསྟན་པ་འཛམ་གླིང་ཀུན་ཁྱབ་ཤོག །ཅེས་པའང་བུམ་ཐང་དབང་འདུས་ཆོས་གླིང་དུ་ལམ་འདིའི་སྨིན་གྲོལ་དགའ་སྟོན་ཐོག་མར་སྤེལ་བའི་དུས་ཚེས་བཟང་པོར་འཇིགས་བྲལ་ཡེ་ཤེས་རྡོ་རྗེས་འདུན་སྨོན་དུ་བྲིས་པ་སིདྡྷི་རསྟུ།། །།