DJYD-KABUM-12-NA-006: Difference between revisions

From Dudjom Wiki
DJYD-KABUM-12-NA-006
No edit summary
m (Text replacement - "༴" to "༴ ")
 
(7 intermediate revisions by the same user not shown)
Line 2: Line 2:
|classification=Tibetan Publications
|classification=Tibetan Publications
|subclass=Tibetan Texts
|subclass=Tibetan Texts
|fulltitletib=དབང་ཆེན་རྟ་མགྲིན་ཡང་ཁྲོས་ནག་པོའི་ཕོ་ཉ་ཕག་སྡིག་ཁྱུང་གསུམ་གྱི་སྒོས་སྒྲུབ་རྡོ་རྗེའི་ཐོག་མདའ་ལོག་འདྲེན་ཀླད་འགེམ།
|fulltitle=dbang chen rta mgrin yang khros nag po'i pho nya phag sdig khyung gsum gyi sgos sgrub rdo rje'i thog mda' log 'dren klad 'gem
|citation=[[Dudjom Rinpoche]] 'Jigs bral ye shes rdo rje. ''Dbang chen rta mgrin yang khros nag po'i pho nya phag sdig khyung gsum gyi sgos sgrub rdo rje'i thog mda' log 'dren klad 'gem''. In ''Bdud 'joms 'jigs bral ye shes rdo rje'i gsung 'bum dam chos rin chen nor bu'i bang mdzod'', Vol. 12: 135-178. Kalimpong: Dupjung Lama, 1979-1985.
|collectiontitletib=བདུད་འཇོམས་རིན་པོ་ཆེ་བཀའ་འབུམ།
|collectiontitle=bdud 'joms rin po che bka' 'bum
|collectiontitle=bdud 'joms rin po che bka' 'bum
|collectiontitletib=བདུད་འཇོམས་རིན་པོ་ཆེ་བཀའ་འབུམ།
|totalvolumes=25
|author=Dudjom Rinpoche
|author=Dudjom Rinpoche
|authortib=བདུད་འཇོམས་འཇིགས་བྲལ་ཡེ་ཤེས་རྡོ་རྗེ་
|citation=[[Dudjom Rinpoche]] 'Jigs bral ye shes rdo rje. ''''. In ''Bdud 'joms 'jigs bral ye shes rdo rje'i gsung 'bum dam chos rin chen nor bu'i bang mdzod'', Vol. 12: . Kalimpong: Dupjung Lama, 1979-1985.
|sourcerevealer=bdud 'joms gling pa
|sourcerevealer=bdud 'joms gling pa
|sourcerevealertib=བདུད་འཇོམས་གླིང་པ་
|tibgenre=Sadhanas - Evocation Ritual - sgrub thabs
|terma=Yes
|terma=Yes
|deity=rta mgrin
|deity=dur phag nag mo;za byed lcags sdig nag po;khyung chen;
|cycle=khro rgyal khams gsum rol pa rta mgrin yang khros nag po
|cycle=khro rgyal khams gsum rol pa rta mgrin yang khros nag po
|cycletib=ཁྲོ་རྒྱལ་ཁམས་གསུམ་རོལ་པ་རྟ་མགྲིན་ཡང་ཁྲོས་ནག་པོ་
|cycletib=ཁྲོ་རྒྱལ་ཁམས་གསུམ་རོལ་པ་རྟ་མགྲིན་ཡང་ཁྲོས་ནག་པོ་
|parentcycle=zab gsang mkha' 'gro'i snying thig
|parentcycle=zab gsang mkha' 'gro'i snying thig
|parentcycletib=ཟབ་གསང་མཁའ་འགྲོའི་སྙིང་ཐིག་
|parentcycletib=ཟབ་གསང་མཁའ་འགྲོའི་སྙིང་ཐིག་
|versonotes=bdud 'joms yang khros
|language=Tibetan
|language=Tibetan
|volumenumber=12
|volnumtib=༡༢
|volnumtib=༡༢
|volyigtib=ན
|volyigtib=ན
|volumenumber=12
|totalvolumes=25
|volumeLetter=NA
|textnuminvol=006
|textnuminvol=006
|pagenumbers=135-178
|totalpages=44
|beginfolioline=1a1
|endfolioline=22b3
|totalfolios=22
|multivolumework=No
|rectonotes=sgos sgrub
|versonotes=bdud 'joms yang khros
|colophontib=ཅེས་པའང་གཏེར་གཞུང་གི་དགོངས་པ་མ་ནོར་བར་སྙིང་པོའི་བཅུད་བསྡུས་ནས་ཡང་ཁྲོས་ཡིག་ཆའི་གསལ་བྱེད་དཀྱུས་གཅིག་ཏུ་འཇིགས་བྲལ་ཡེ་ཤེས་རྡོ་རྗེས་བསྡེབས་པ་ཛ་ཡནྟུ།།
|colophonwylie=ces pa'ang gter gzhung gi dgongs pa ma nor bar snying po'i bcud bsdus nas yang khros yig cha'i gsal byed dkyus gcig tu 'jigs bral ye shes rdo rjes bsdebs pa dza yan+tu//
|pdflink=File:DJYD-KABUM-12-NA-006.pdf
|pdflink=File:DJYD-KABUM-12-NA-006.pdf
|authortib=བདུད་འཇོམས་འཇིགས་བྲལ་ཡེ་ཤེས་རྡོ་རྗེ་
|sourcerevealertib=བདུད་འཇོམས་གླིང་པ་
|volumeLetter=NA
|InitCategories=Dudjom Tersar Project; DJYD-KABUM-Volume-12-NA
|InitCategories=Dudjom Tersar Project; DJYD-KABUM-Volume-12-NA
}}
}}
Line 30: Line 42:
{{TibP|༄༅།  །དབང་ཆེན་རྟ་མགྲིན་ཡང་ཁྲོས་ནག་པོའི་ཕོ་ཉ་ཕག་སྡིག་ཁྱུང་གསུམ་གྱི་སྒོས་སྒྲུབ་རྡོ་རྗེའི་ཐོག་མདའ་ལོག་འདྲེན་ཀླད་འགེམ་ཞེས་བྱ་བ་བཞུགས་སོ།  །
{{TibP|༄༅།  །དབང་ཆེན་རྟ་མགྲིན་ཡང་ཁྲོས་ནག་པོའི་ཕོ་ཉ་ཕག་སྡིག་ཁྱུང་གསུམ་གྱི་སྒོས་སྒྲུབ་རྡོ་རྗེའི་ཐོག་མདའ་ལོག་འདྲེན་ཀླད་འགེམ་ཞེས་བྱ་བ་བཞུགས་སོ།  །


(1བ)ཤྲཱི་བི་ཛ་ཡ་ནྟུ།   ཁམས་གསུམ་དབང་སྡུད་གདུག་ཅན་མཐར་མཛད་པ།  །བླ་མ་ཡང་ཁྲོས་ནག་པོར་གུས་བཏུད་ནས།  །གང་དེའི་ལས་ཀྱི་ཕོ་ཉ་མི་བཟད་པ།  །ཕག་སྡིག་ཁྱུང་གི་ཕྲིན་ལས་འདིར་གསལ་བྱ།  །(དེའང་དཔལ་རྟ་མགྲིན་ནག་པོའི་གཏུམ་དྲག་ལས་ཀྱི་ཕོ་ཉ་གདུག་རྔམས་མཐུ་རྩལ་རྣོ་མྱུར་ཐོག་རྒོད་འབར་བ་ལྟ་བུའི་ཕྲིན་ལས་ཀྱི་མདེའུ་ཁ་སྦྱོར་བར་བྱ་བ་ལ་གསུམ།  སྦྱོར་བ་བཤམ་བཀོད།  དངོས་གཞི་སོ་སོའི་ཕྲིན་ལས།  རྗེས་བསྡུ་བའི་ལས་རིམ་མོ།  །)
 
(དང་པོ་ནི།   རྩ་བའི་ཟློག་དཀྱིལ་གྱི་མདུན་དང་གཡས་གཡོན་དུ་ལྕགས་སྣོད་ལ་སོགས་པར་འབྲུ་ནག་གི་རྗེན་ཕྱེ་དུག་ཁྲག་མྱོས་བྱེད་ཀྱིས་བྲུས་པའི་ཟན་ལས།  མདུན་དུ་རྩ་བར།  འཁོར་ལོ་རྩིབས་བརྒྱད་ལྟེ་བ་རུ༔  པདྨ་འདབ་བརྒྱད་བྲིས་པའི་སྟེང་༔   (2ན) དམར་གཏོར་ཕག་ཟེ་འདྲ་བ་ལ༔  རྩང་དགུ་གཟུགས་ལ་མེ་རིས་བརྒྱན༔  དེ་ལ་ཁྲག་ཀོང་སྐྱུ་གུས་བསྐོར༔  མདུན་དུ་མཆོད་པའི་རྫས་ཚོགས་བཤམ༔  ཞེས་དང༌།  གཡོན་དུ།  ཁམ་སའམ་ནི་བག་ཟན་ལ༔  ལྕགས་ཀྱི་སྡིག་པ་མགོ་དགུ་པ༔  རྭ་ནི་བཅོ་བརྒྱུད་ལུས་ཀུན་ཏུ༔  མིག་དང་གཉེར་མས་གང་བ་ཞིག༔  བཟོས་ཏེ་གྲུ་གསུམ་གདན་ལ་བཞག༔  མཐར་ནི་རྩང་གི་ར་བས་བསྐོར༔    མཆོད་རྫས་ཁྲག་ཀོང་ཤ་དུམ་དང་༔  འབྲུ་ནག་གཏོར་མ་དམར་གྱིས་བྱུག༔  ཁ་དགུར་སྒྲོན་ཤིང་མེ་རྫས་གཟུག༔  དྲག་པོའི་རྣམ་ལྔ་མཆོད་རྫས་བཤམ༔  ཞེས་དང༌།  གཡས་སུ།  དེ་ལ་རི་རབ་ཆེན་པོའི་རྩེར༔  དཔག་བསམ་ཤིང་གི་ཡལ་ག་ལྔར༔  ཡེ་ཤེས་བྱ་ཁྱུང་རིགས་ལྔ་བཀོད༔  མཆོད་རྫས་ཉེར་སྤྱོད་འདོད་(2བ)ཡོན་དང་༔  ཀླུ་ནོར་སྣ་ཚོགས་ཅི་རིགས་བཀོད༔  ཤ་ཁྲག་གཏོར་མ་ལ་སོགས་པའི༔  ག་ཎའི་ལོངས་སྤྱོད་སྣ་ཚོགས་བཤམ༔  ཞེས་པ་ལྟར་དྲག་རྒྱན་རྔམས་བརྗིད་དང་ལྡན་པ་སོ་སོར་བཀོད་པའི་མཐར་དྲག་པོའི་ཉེར་སྤྱོད་ཀྱིས་བསྐོར།  གཞན་ཡང་ཐུན་མཚམས་སུ་འབུལ་བྱའི་དམར་གཏོར་ཁྲག་སྐྱེམས་སོགས་ཉེ་བར་མཁོ་བའི་ཡོ་བྱད་ཐམས་ཅད་ཚོགས་པར་བྱའོ།  །)
༄༅། །ཤྲཱི་བི་ཛ་ཡ་ནྟུ།   ཁམས་གསུམ་དབང་སྡུད་གདུག་ཅན་མཐར་མཛད་པ།  །བླ་མ་ཡང་ཁྲོས་ནག་པོར་གུས་བཏུད་ནས།  །གང་དེའི་ལས་ཀྱི་ཕོ་ཉ་མི་བཟད་པ།  །ཕག་སྡིག་ཁྱུང་གི་ཕྲིན་ལས་འདིར་གསལ་བྱ།  །{{TibChung|དེའང་དཔལ་རྟ་མགྲིན་ནག་པོའི་གཏུམ་དྲག་ལས་ཀྱི་ཕོ་ཉ་གདུག་རྔམས་མཐུ་རྩལ་རྣོ་མྱུར་ཐོག་རྒོད་འབར་བ་ལྟ་བུའི་ཕྲིན་ལས་ཀྱི་མདེའུ་ཁ་སྦྱོར་བར་བྱ་བ་ལ་གསུམ།  སྦྱོར་བ་བཤམ་བཀོད།  དངོས་གཞི་སོ་སོའི་ཕྲིན་ལས།  རྗེས་བསྡུ་བའི་ལས་རིམ་མོ།  །དང་པོ་ནི།   རྩ་བའི་ཟློག་དཀྱིལ་གྱི་མདུན་དང་གཡས་གཡོན་དུ་ལྕགས་སྣོད་ལ་སོགས་པར་འབྲུ་ནག་གི་རྗེན་ཕྱེ་དུག་ཁྲག་མྱོས་བྱེད་ཀྱིས་བྲུས་པའི་ཟན་ལས།  མདུན་དུ་རྩ་བར།  འཁོར་ལོ་རྩིབས་བརྒྱད་ལྟེ་བ་རུ༔  པདྨ་འདབ་བརྒྱད་བྲིས་པའི་སྟེང་༔   {{TibChung|[2a]}}  དམར་གཏོར་ཕག་ཟེ་འདྲ་བ་ལ༔  རྩང་དགུ་གཟུགས་ལ་མེ་རིས་བརྒྱན༔  དེ་ལ་ཁྲག་ཀོང་སྐྱུ་གུས་བསྐོར༔  མདུན་དུ་མཆོད་པའི་རྫས་ཚོགས་བཤམ༔  ཞེས་དང༌།  གཡོན་དུ།  ཁམ་སའམ་ནི་བག་ཟན་ལ༔  ལྕགས་ཀྱི་སྡིག་པ་མགོ་དགུ་པ༔  རྭ་ནི་བཅོ་བརྒྱུད་ལུས་ཀུན་ཏུ༔  མིག་དང་གཉེར་མས་གང་བ་ཞིག༔  བཟོས་ཏེ་གྲུ་གསུམ་གདན་ལ་བཞག༔  མཐར་ནི་རྩང་གི་ར་བས་བསྐོར༔    མཆོད་རྫས་ཁྲག་ཀོང་ཤ་དུམ་དང་༔  འབྲུ་ནག་གཏོར་མ་དམར་གྱིས་བྱུག༔  ཁ་དགུར་སྒྲོན་ཤིང་མེ་རྫས་གཟུག༔  དྲག་པོའི་རྣམ་ལྔ་མཆོད་རྫས་བཤམ༔  ཞེས་དང༌།  གཡས་སུ།  དེ་ལ་རི་རབ་ཆེན་པོའི་རྩེར༔  དཔག་བསམ་ཤིང་གི་ཡལ་ག་ལྔར༔  ཡེ་ཤེས་བྱ་ཁྱུང་རིགས་ལྔ་བཀོད༔  མཆོད་རྫས་ཉེར་སྤྱོད་འདོད་ {{TibChung|[2b]}} ཡོན་དང་༔  ཀླུ་ནོར་སྣ་ཚོགས་ཅི་རིགས་བཀོད༔  ཤ་ཁྲག་གཏོར་མ་ལ་སོགས་པའི༔  ག་ཎའི་ལོངས་སྤྱོད་སྣ་ཚོགས་བཤམ༔  ཞེས་པ་ལྟར་དྲག་རྒྱན་རྔམས་བརྗིད་དང་ལྡན་པ་སོ་སོར་བཀོད་པའི་མཐར་དྲག་པོའི་ཉེར་སྤྱོད་ཀྱིས་བསྐོར།  གཞན་ཡང་ཐུན་མཚམས་སུ་འབུལ་བྱའི་དམར་གཏོར་ཁྲག་སྐྱེམས་སོགས་ཉེ་བར་མཁོ་བའི་ཡོ་བྱད་ཐམས་ཅད་ཚོགས་པར་བྱའོ།  །གཉིས་པ་ཕྲིན་ལས་དངོས་ཀྱི་གཞུང་བསྲང་བ་ནི།   ཡང་ཁྲོས་རྩ་བའི་ཕྲིན་ལས་ཀྱི་གཞུང་བསྲང་སྟེ་བཟླས་པའི་མཐར་ཐུག་གི་བར་སྔོན་དུ་འགྲོ་བས།  སྒོས་ཀྱི་ཕྲིན་ལས་ལ་གསུམ་གྱི།  དང་པོ་སྒྲོལ་ཡུམ་དར་ཕག་ནག་མོའི་ཕྲིན་ལས་ནི།  མདུན་རྟེན།}}    ཤུ་ནྱ་ཏ{{TibChung|ས་བསང་སྦྱང་།}}    སྟོང་པའི་ངང་ལས་མདུན་དུ་གནམ་ལྕགས་ཀྱི་འཁོར་ལོ་རྩིབས་བརྒྱད་པའི་ལྟེ་བར་བཙན་དུག་ནག་པོའི་ངད་རླངས་འཕྱོ་བའི་དུག་གི་པདྨ་འདབ་བརྒྱད་གྱེས་པའི་སྟེང་དུ་འཁོར་འདས་ཡོངས་ཀྱི་སྲོག་ཐིག་ཡི་གེ་ཧཱུྃ་ནག་པོ་མེ་འབར་བ་ལས་འོད་ཟེར་ཕྱོགས་བཅུར་འཕྲོས་པས་རྒྱལ་བ་སྲས་དང་བཅས་པ་ཐམས་ཅད་ལ་མཉེས་པའི་མཆོད་པ་ཕུལ༔  ཚུར་འདུས་རྒྱལ་བ་རྒྱ་མཚོའི་མཐུ་ནུས་གཟི་བྱིན་དང་བཅས་པ་ཧཱུྃ་ལ་ཐིམ༔  ཡང་འོད་ཟེར་དཔག་ཏུ་མེད་པ་འཕྲོས་པས་སྡེ་བརྒྱད་ཀླུ་གཉན་ལྷ་འདྲེའི་ཚོགས་ཐམས་ཅད་ཚར་བཅད༔  དེ་དག་གི་མཐུ་ནུས་སྲོག་གི་སྙིང་པོ་ཐམས་ཅད་འཕྲོག་ཅིང་བསྡུས་ཏེ་ཧཱུྃ་ལ་ཐིམ༔   {{TibChung|[3a]}} འཁོར་འདས་ཡོངས་ཀྱི་བདག་མོའི་སྐུ་གསུང་ཐུགས་ཡོན་ཏན་ཕྲིན་ལས་མི་ཟད་པ་རྒྱན་གྱི་འཁོར་ལོ་ཐམས་ཅད་ཧཱུྃ་ལ་ཐིམ༔  དེ་ཡོངས་སུ་གྱུར་པ་ལས་སྲིད་པའི་ཕག་རྒོད་ནག་མོ་མགོ་དགུ་པ་མིག་ནས་ཉི་མ་འབུམ་གྱི་འོད་ཟེར་བཀྱེ་བ༔  མཆེ་བ་ཟླ་ཚེས་སྟོང་གི་འོད་ལྟར་དཀར་ཞིང་འབར་བས་སྲིད་པ་གསུམ་པོ་ཟས་སུ་ཟ་བ༔  སྟེང་གི་ཞལ་གསུམ་གྱེན་དུ་བལྟ་ཞིང་༔  བར་གྱི་ཞལ་གསུམ་བར་སྣང་གི་ཁམས་སུ་བལྟ་བ༔  འོག་གི་ཞལ་གསུམ་ཐུར་དུ་བལྟ་ཞིང་ཁམས་གསུམ་ཤ་ཁྲག་ལ་རྔམས་པའི་ངར་སྒྲ་དང་ངུར་སྒྲ་སྒྲོགས་པས་ས་གསུམ་གཡོ་འཁྲུགས་བྱེད་པ༔  རྐང་ལག་སྡེར་བཞིས་སྣང་སྲིད་ཐམས་ཅད་གནོན་པ༔  ཁ་དང་བུ་ག་ཐམས་ཅད་ནས་མེ་རླུང་ཕག་ཁྱུང་དཔག་ཏུ་མེད་པ་འཕྲོ་བས་སྡེ་བརྒྱད་འབྱུང་པོ་ནད་རིམས་ཀྱི་བདག་པོ་གཉན་དང་ཀླུ་གདོན་ཐམས་ཅད་ཧབ་ཧབ་ཟ་ཞིང་བསྲེགས་པ་ཡེ་ཤེས་ཀྱི་མེ་དཔུང་འབར་བའི་ཀློང་དུ་གསལ་བར་གྱུར༔  དེ་ལས་འོད་ཟེར་རབ་ཏུ་འཕྲོས་པས་འཁོར་འདས་ཡོངས་ཀྱི་དབང་ཕྱུག་ཆེན་མོ་ཆོས་ཀྱི་དབྱིངས་ལས་གཟུགས་ཀྱི་སྐུར་བཞེངས་ཏེ་བྱོན་པར་{{TibChung|བསམ་ཞིང༌།  སྤྱན་འདྲེན་པ་ནི།}}    ཕེཾ༔  ཁྱབ་གདལ་ནམ་མཁའི་ཁོར་ཡུག་ནས༔   {{TibChung|[3b]}} སྲིད་པའི་དབང་མོ་ཆེན་མོ་ནི༔  དྲག་གཏུམ་ཟ་བྱེད་འཇིགས་པའི་སྐུ༔  དུར་ཕག་ནག་མོའི་སྐུར་བཞེངས་ལ༔  སྒྲུབ་པའི་གནས་འདིར་ད་ཚུར་བྱོན༔  དུག་གསུམ་འཁྲུགས་པའི་རྒྱུ་རྐྱེན་ལས༔  བྱུང་བའི་སྡེ་བརྒྱད་ནད་རིམས་གདོན༔  མ་ལུས་སྒྲོལ་འཇོམས་བསྲེག་བཟློག་གི༔  མངོན་སྤྱོད་མཛད་ཕྱིར་གཤེགས་སུ་གསོལ༔  བཛྲ་ས་མ་ཡ་ཛ་ཛ༔  {{TibChung|བཞུགས་སུ་གསོལ་བ་ནི།}}    ཕེཾ༔  དུར་ཁྲོད་འབར་བའི་གཞལ་ཡས་འདིར༔  ཟ་བྱེད་ཆེན་མོ་འཁོར་དང་བཅས༔  དམ་ཚིག་ཡེ་ཤེས་དབྱེར་མེད་དུ༔  བཞུགས་ནས་མངོན་སྤྱོད་ཕྲིན་ལས་མཛོད༔  བཛྲ་ས་མ་ཡ་ཏིཥྛ་ལྷན༔  {{TibChung|ཕྱག་འཚལ་བ་ནི།}}    ན་མོ༔  ཁམས་གསུམ་སྒྲོལ་བའི་མཐུ་མོ་ཆེ༔  འཁོར་འདས་ལྟོ་བར་ཆུབ་སྦུམ་མ༔  སྲིད་པའི་དུར་ཕག་ཆེན་མོ་ལ༔  གདུག་པ་འདུལ་ཕྱིར་ཕྱག་འཚལ་ལོ༔  ན་མོ་ན་མ་ཧོཿ {{TibChung|མཆོད་པ་འབུལ་བ་ནི།}}    ཛཿ སྲིད་པའི་དུར་ཕག་ཆེན་མོ་ལ༔  ཉེར་སྤྱོད་བདུན་གྱི་མཆོད་པ་འབུལ༔  འདོད་ཡོན་ལྔ་ཡི་མཆོད་པ་འབུལ༔  སྨན་གཏོར་རཀྟའི་མཆོད་པ་འབུལ༔  དགྲ་བགེགས་ཤ་ཁྲག་སྲོག་གིས་མཆོད༔  དུག་གསུམ་རྒྱུ་རྐྱེན་ལས་བྱུང་བའི༔  གདུག་པ་བསྒྲལ་བའི་མཆོད་པ་འབུལ༔  བཞེས་ནས་འཇིག་ {{TibChung|[4a]}} རྟེན་བདེ་བར་མཛོད༔  ཨོཾ་བཛྲ་ཨརྒྷཾ་པཱདྱཾ་{{TibChung|སོགས་ནས་}} ཤཔྡ་རཱུ་སོགས་སྤརྴེ་སརྦ་པཉྩ་ཨ་མྲྀ་ཏ་རཀྟ་བ་ལིཾ་ཏ་མ་ཧཱ་མཱཾ་ས་རཀྟ་ཙིཏྟ་ལ་ཁཱ་ཧི༔  {{TibChung|བསྟོད་པ་ནི།}}    ཕེཾ༔  དུས་གསུམ་སངས་རྒྱས་ཀུན་བསྐྱེད་ཡུམ༔  སྐུ་དང་ཡེ་ཤེས་ལྷུན་གྲུབ་རྫོགས༔  ཆོས་རྣམསཆོས་ཉིད་ཀློང་སྒྲོལ་མ༔  བདག་ལྟའི་རུ་ཏྲ་འཁོར་བའི་སྡེ༔  བདག་མེད་རོལ་པར་རོལ་བྱེད་མ༔  ཟ་བྱེད་ཆེན་མོ་ཁྱོད་ལ་བསྟོད༔  {{TibChung|འཛབ་བཟླ་བ་ནི།}}    ཧཱུྃ༔  ཟ་བྱེད་ཕག་མོའི་ཐུགས་ཀ་རུ༔  ཉི་ཟླའི་གྭའུ་ཁ་སྦྱོར་ནང་༔  ཧཱུྃ་མཐར་སྔགས་ཀྱི་ཕྲེང་བས་བསྐོར༔  བཟླས་པས་ཐུགས་དམ་བརྒྱུད་བསྐུལ་ཏེ༔  དགྲ་བགེགས་སྡེ་བརྒྱད་ནད་རིམས་གདོན༔  ས་བདག་ཀླུ་གཉན་གནོད་བྱེད་ཀུན༔  མེ་རླུང་དུག་གི་སྤུ་གྲིས་བསད༔  སྤྲུལ་པ་ཕག་རྒོད་འབར་བ་ཡིས༔  རྗེས་ཤུལ་མེད་པར་ཟོས་པར་གྱུར༔  ཧཱུྃ་ཌཱ་ཀི་ནི་ཕེ་ཁྱིམ་ཕེཾ་ཛ༔  {{TibChung|ཞེས་གཙོ་བོར་བཟླ་ཞིང༌།  མཐར་ལས་སྔགས་ནི།}}    གནོད་བྱེད་སརྦ་ཤ་ཏྲཱུཾ་མཱ་ར་ཡ་རྦད་བྷྱོམ་ཛྭ་ལ་རཾ་པ་ཡེ་སྭཱ་ཧཱ༔  {{TibChung|ཞེས་ཤམ་བུ་སྦྱར་ལ་བཟླ།  གཞན་དུ་གནོད་བྱེད་སརྦ་ཤ་ཏྲཱུཾ་གྱི་མལ་དུ།}}   གནོད་བྱེད་གཉན་པརྤ་ཏའམ།  ནཱ་ག་ཙི་ཙི་ཛྭ་ལའམ།  སརྦ་ཛྭ་རའམ།  ཏྲི་རཱ་ཛའམ།  བྱད་མ་རྦོད་གཏོང་{{TibChung|སོགས་ {{TibChung|[4b]}}  གང་འདོད་དུ་ཁ་བསྒྱུར་བས་ཆོག་གོ  །ཐུན་མཚམས་སུ་གཏོར་མ་འབུལ་བ་ནི།  དམར་གཏོར་ཤ་ཁྲག་གིས་བརྒྱན་པར་རཀྟས་བྲན་ལ།  བདེན་སྟོབས་བརྗོད་པ་སྤྱི་ལྟར་ལས།}}    ཁྱད་པར་དབང་ཆེན་རྟ་མགྲིན་ཡང་ཁྲོས་ནག་པོ་སྒྲོལ་ཡུམ་དུར་ཕག་ནག་མོ་སྤྲུལ་པ་ལས་མཁན་ཕོ་ཉའི་དམག་ཚོགས་འཁོར་དང་བཅས་པ་རྣམས་ཀྱི་བཀའ་བདེན་པ་དང༌།  བདེན་པ་ཆེན་པོའི་མཐུ་ལ་བརྟེན་ནས།  བདག་ཅག་དཔོན་སློབ་ཡོན་མཆོད་འཁོར་དང་བཅས་པའི་ཚེ་ལ་བརྐུ་བ༔  སྲོག་ལ་འཇབ་པ༔  བླ་ལ་ཁྱེར་བ༔    ཡིད་ལ་བརྣག་པ༔  མི་ལ་ན་ཚ༔  ཕྱུགས་ལ་གོད་ཁ་སོགས་གཏོང་བའི་རྒྱལ་འགོང་བསེན་མོ་དམ་སྲི་འབྱུང་པོ་ནད་བདག་ཡམས་བདག་གནོད་ཅིང་འཚེ་བ་ཐམས་ཅད་ཤ་ཁྲག་དམར་གྱི་གཏོར་མ་འདི་ལ་ཁུག་ཅིག༔  ཧཱུྃ་ཌཱ་ཀི་ནི་ཕེ་ཁྱི་མ་ཕེཾ༔  ཛཿནྲྀ་ཏྲི་བཛྲ་ཨངྐུ་ཤ་ཛཿ ཛཿཧཱུྃ་བཾ་ཧོཿ {{TibChung|ཞེས་ལན་གསུམ་སོགས་ཀྱིས་བཀུག་ལ།}}    དབྱིངས་ནས་ཐུན་ཚོན་སྣ་ཚོགས་ཀྱི་ཆར་བབས་པས་དམིགས་བྱའི་གཟུགས་ཕུང་ཚལ་པ་དུམ་བུ་ཐལ་བའི་རྡུལ་ཕྲན་བཞིན་དུ་བརླག་པར་{{TibChung|བསམ།}}    ཨོཾ་ཨཱཿཧཱུཾ༔  ཧོཿ {{TibChung|ས་བདུད་རྩིར་སྦར་ནས།}}    དགྲ་བགེགས་བསྒྲལ་བའི་ཤ་རི་ཁྲག་མཚོ་དེ་ཉིད་སྒྲོལ་བྱེད་དུར་ཕག་ནག་མོས་ཁྱི་ལྟོག་གིས་ཤ་ཟན་རོལ་པ་བཞིན་ཧབ་ཧབ་མྱག་མྱག་ཏུ་གསོལ་བར་{{TibChung|བསམ་ཞིང༌།}}    {{TibChung|[5a]}} མ་མ་ཕེ་ཁྱི་མ་ཨི་ངཾ་བ་ལིཾ་ཏ་ཁཱ་ཧི༔  མ་ཧཱ་མཱཾ་ས་ཁཱ་ཧི༔  མ་ཧཱ་རཀྟ༴   མ་ཧཱ་ཙིཏྟ༴   མ་ཧཱ་བ་སུ་ཏ༴   མ་ཧཱ་ཀེཾ་ནི་རི་ཏི༴   གནོད་བྱེད་གཉན་དང་ཀླུ་གདོན་ནད་རིམས་ཡམས་ནད་ཐམས་ཅད་མཱ་ར་ཡ་ཛྭ་ལ་རཾ་ཁཱ་ཧི༔    {{TibChung|ཞེས་ལན་བདུན་ནམ་གསུམ་གྱིས་བསྟབ་ལ།}}    ཛཿབྷྱོ༔  འཁོར་འདས་ཡོངས་ཀྱི་ཁྱབ་བདག་མོ༔  འབྱུང་བ་ལྔ་ཡི་དབང་ཕྱུག་མ༔  མ་ངེས་སྤྲུལ་པའི་གར་མཁན་མོ༔  དགའ་ན་གདོད་མའི་སངས་རྒྱས་སྟོན༔  འཁྲུགས་ན་ངན་འགྲོའི་ཆད་པ་གཅོད༔  ལེགས་ཉེས་གཉིས་ཀྱི་གཉེར་ཁ་འཛིན༔  སྲིད་པའི་དུར་ཕག་མགོ་དགུ་མ༔  ཁྱོད་ཀྱི་ཐུགས་དམ་བསྐང་བའི་ཕྱིར༔  འདོད་ཡོན་ལྔ་ཡི་གཏོར་མ་འབུལ༔  བཞེས་ནས་རྣལ་འབྱོར་བདག་སྐྱོངས་ཤིག༔  ཤ་ཁྲག་དམར་གྱིས་གཏོར་མ་འབུལ༔  བཞེས་ནས་དགྲ་བགེགས་རྡུལ་དུ་རློག༔  དགྲ་བགེགས་གནོད་བྱེད་མ་ལུས་པ༔  ཞལ་དུ་བསྟབ་བོ་བཞེས་མཛོད་ལ༔  དྲག་པོ་མངོན་སྤྱོད་ཕྲིན་ལས་ཀྱིས༔  གནོད་བྱེད་དགྲ་བགེགས་ཚར་ཆོད་ཅིག༔  དུས་ལ་བབ་བོ་ས་མ་ཡ༔  {{TibChung|ཞེས་ཕྲིན་ལས་གསོལ།  དེ་ནས་ཐུགས་དམ་བསྐུལ་ཞིང་བཟློག་པའི་ཕྲིན་ལས་བཅོལ་བ་ནི།}}    ཧཱུཾ་ཕེཾ་ཛཿ གནམ་ལྕགས་འཁོར་ལོ་འབར་བའི་གདན་སྟེང་དུ༔  མྱོས་ {{TibChung|[5b]}} བྱེད་དུག་གི་མེ་ཏོག་པདྨ་ལ༔  མ་མོ་མཁའ་འགྲོ་ཡོངས་འདུས་བདག་ཉིད་དཔལ༔  ཟ་བྱེད་སྲིད་པའི་དུར་ཕག་མགོ་དགུ་མ༔  སྟེང་གི་ཞལ་གསུམ་གྱེན་དུ་བལྟ་བ་ཡིས༔  ཁམས་གསུམ་ལྷ་ཡི་གདོན་ཚོགས་ཧབ་ཀྱིས་ཟ༔  བར་ཞལ་གསུམ་གྱིས་བར་སྣང་བལྟ་བ་ཡིས༔  སྡེ་བརྒྱད་ལྷ་འདྲེའི་གདོན་ཚོགས་མ་ལུས་ཟ༔  འོག་གི་ཞལ་གསུམ་ཐུར་དུ་བལྟ་བ་ཡིས༔  ཀླུ་གཉན་ས་བདག་གདོན་ཚོགས་ཟས་སུ་ཟ༔  མེ་རླུང་དུག་གི་འཚུབས་མ་ཕྱོགས་བཅུར་འཕྲོ༔  ནད་རིམས་ཡམས་ནད་ཐམས་ཅད་བསྲེགས་ཤིང་གཞོམ༔  རྐང་བཞིས་སྐྱེ་བ་རྣམ་བཞིའི་སྒོ་འཕར་གཅོད༔  མཇུག་མས་ཁམས་གསུམ་འཁོར་བའི་སྐྱེ་རྒྱུད་གཅོད༔  སྤྲུལ་པ་ཕག་ཁྱུང་འབར་བའི་ཁྲ་ཐབས་ཀྱིས༔  ཐོགས་བཅས་ཐོགས་མེད་དགྲ་བགེགས་ཐམས་ཅད་སྒྲོལ༔  བསྐུལ་ལོ་ཐུགས་དམ་གཉན་པོ་གནད་ནས་བསྐུལ༔  མངོན་སྤྱོད་དྲག་པོའི་ཕྲིན་ལས་དུས་ལ་བབ༔  བྷྱོ་ཛཿ ང་རྒྱལ་ལས་བྱུང་ལྷ་ཡི་གདོན་ཚོགས་རྣམས༔  སྲིད་པའི་དུར་ཕག་ནག་མོའི་སྟོབས་ཀྱིས་ཟློག༔  ཕྲག་དོག་ལས་བྱུང་ལྷ་མིན་གདོན་ཚོགས་ཀུན༔  སྲིད་པའི་དུར་ཕག་ནག་མོའི་སྟོབས་ཀྱིས་ཟློག༔  དུགལྔ་ལས་གྱུར་མི་ཡིས་རྒོལ་ངན་ཀུན༔  སྲིད་པའི་དུར་ {{TibChung|[6a]}} ཕག་ནག་མོའི༴   གཏི་མུག་ལས་བྱུང་དུད་འགྲོས་རྒོལ༴   སྲིད་པའི༴   འདོད་ཆགས་ལས་བྱུང་ཡི་དྭགས་གདོན་ཚོགས་ཀུན༔  སྲིད་པའི་དུར་ཕག༴   ཞེ་སྡང་ལས་བྱུང་དམྱལ་བའི་གནོད་འཚེ་ཀུན༔  སྲིད་པའི༴   སྲིད་པ་ལྷ་ཡིས་རྒོལ་ངན་་གནོད་འཚེ་ཀུན༔  སྲིད་པའི་དུར༴   འཆི་བདག་གཤིན་རྗེས་རྒོལ་ངན་གནོད༴   སྲིད་པའི་དུར༴   མ་མོ་མཁའ་འགྲོས་རྒོལ༴   སྲིད་པའི་དུར༴   ནག་པོ་བདུད་ཀྱིས་རྒོལ་ངན༴   སྲིད་པའི་དུར༴   རཀྟ་སྲིན་པོས་རྒོལ་ངན༴   སྲིད་པའི་དུར༴   དམར་པོ་བཙན་གྱིས༴   སྲིད་པའི༴   འཇིགས་བྱེད་གནོད་སྦྱིན༴   སྲིད་པའི་དུར༴   ཀླུ་གཉན་བདག༴   སྲིད་པའི༴     རཱ་ཧུ་ལ་ཡིས༴   སྲིད་པའི༴   རྡོ་རྗེ་ལེགས་པས༴   སྲིད་པའི༴   གནམ་ཐེའུ་དཀར་པོས༴   སྲིད་པའི༴   བར་ཐེའུ་ཁྲ་བོས༴   སྲིད་པའི༴   སཐེའུ་ནག་པོས༴   སྲིད་པའི༴   གཞི་བདག་ཡུལ་ལྷས༴   སྲིད་པའི༴     མི་མ་ཡིན་གྱིས༴   སྲིད་པའི༴   བྱད་མ་རྦོད་གཏོད་རྒོལ༴   སྲིད་པའི༴   གྲི་སྲི་ཕོ་མོས༴   སྲིད་པའི༴   སྔོན་ལས་འཕྲལ་རྐྱེན་ངན་པ་ཐམས་ཅད་ཀུན༴   སྲིད་པའི༴   མི་ཡི་ན་ཚ་ཕྱུགས་ཀྱི་གོད་ཡམས་ཀུན༔   {{TibChung|[6b]}} སྲིད་པའི༴   མོ་རྩིས་རྨི་ལྟས་མཚན་མ་ངན་པ་ཀུན༔  སྲིད་པའི༴   འཇིགས་པ་ཆེན་པོ་བརྒྱད་དང་བཅུ་དྲུག་ཀུན༔  སྲིད་པའི་དུར་ཕག་ནག་མོའི་སྟོབས་ཀྱིས་ཟློག༔  སྡང་བར་བྱེད་པའི་དགྲ་བོའི་སྟེང་དུ་བསྒྱུར༔  གནོད་པར་བྱེད་པའི་བགེགས་ཀྱི་སྟེང་དུ་བསྒྱུར༔  སངས་རྒྱས་བསྟན་བཤིག་ལག་དམར་སྟེང་དུ༴   དཀོན་མཆོག་དབུ་འཕང་སྨད་པའི༴   སྲིད་པའི་དུར་ཕག་ནག་མོའི་སྟོབས་ཀྱིས་བསྒྱུར༔  ཆོས་ཉིད་རྣམ་དག་བདེན་པའི་སྟོབས་ཀྱིས་ཟློག༔  རྒྱུ་འབྲས་ཟབ་མོའི་སྟོབས་ཀྱིས་ཟློག༔  ཨེ་ས་མ་ཡ་བྷྱོ་བྷྱོ་ཟློག་ཟློག༔  མཱ་ར་ཡ་ཕཊ་རྦད་ནན་བྷྱོ་ཟློག༔  {{TibChung|ཅེས་བཟློག་པའི་ཕྲིན་ལས་བསྐུལ་ལོ།  །གཉིས་པ་ཟ་བྱེད་ལྕགས་སྡིག་ནག་པོའི་ཕྲིན་ལས་ནི།   མདུན་རྟེན།}}    སྭ་བྷཱ་ཝ་{{TibChung|ས་སྟོང་པར་སྦྱང༌།}}    སྟོང་པའི་ངང་ལས་ཡཾ་ལས་རླུང་གི་དཀྱིལ་འཁོར་གྲུ་གསུམ་པའི་སྟེང་དུ༔  རཾ་ལས་བསྐལ་པའི་མེ་དཔུང་དམར་ནག་རབ་ཏུ་འབར་བའི་ཀློང་དུ་ཡི་གེ་དུ་ནག་པོ་འོད་ཀྱི་ཐིག་ལེའི་སྦུབས་སུ་གནས་པ་ལས་འོད་འཕྲོས་པས༔  ཕྱོགས་བཅུ་དུས་གསུམ་གྱི་རྒྱལ་བ་སྲས་དང་བཅས་པ་ཐམས་ཅད་ལ་མཉེས་པའི་མཆོད་པ་ཕུལ་ཞིང་ཐུགས་དམ་གྱི་རྒྱུད་བསྐུལ༔  སྐུ་གསུང་ཐུགས་ཡོན་ཏན་ཕྲིན་ {{TibChung|[7a]}} ལས་མི་ཟད་པ་རྒྱན་གྱི་འཁོར་ལོ་ཐམས་ཅད་འོད་ཟེར་གྱི་རྣམ་པར་ཚུར་འདུས་ཏེ་སྲོག་ཡིག་ལ་ཐིམ༔  ཡང་འོད་ཟེར་ཕྱོགས་བཅུར་འཕྲོས་པས་དགྲ་བགེགས་གདུག་པ་ཅན་སྡང་སེམས་དང་ལྡན་པ་རྣམས་ཚར་བཅད༔  དེ་དག་ཚེ་དང་བསོད་ནམས་མཐུ་སྟོབས་ནུས་པ་ཐམས་ཅད་ཚུར་འདུས་སྲོག་གི་ཡི་གེ་ལ་ཐིམ༔  དེ་ཡོངས་སུ་གྱུར་པ་ལས་ལྕགས་ཀྱི་སྡིག་པ་ནག་པོ་མགོ་དགུ་ཁ་དགུ་རྭ་ཅོ་བརྒྱད་ཡོད་པ་མགོ་ལུས་མེད་པར་མིག་དང་གཉེར་མས་གང་བ༔  ཁ་ནས་དུག་ཁྲག་དང་ནད་ཀྱི་སྐྱེན་མདའ་འཕེན་པ༔  མེ་ལས་མེ་སྟག་འཕྲོ་བ་བཞིན་དུ་སྡིག་པའི་ཚྭ་ཚྭ་སྐར་ལྟར་འཁྲིགས་པས་རྒྱལ་བསེན་གདུག་པའི་སྙིང་ཁྲག་རྡུབ་པ༔  ཡེ་ཤེས་ཀྱི་མེ་དཔུང་དམར་ནག་འབར་བའི་ཀློང་དུ་གསལ་བར་གྱུར༔  དེ་ལས་འོད་ཟེར་འཕྲོས་པས་ཕྱོགས་བཅུ་དུས་གསུམ་གྱི་རྒྱལ་བ་སྲས་དང་བཅས་པ་ཐམས་ཅད་ཆོས་ཀྱི་དབྱིངས་ནས་གཟུགས་ཀྱི་སྐུ་ལྕགས་སྡིག་མགོ་དགུ་མེ་འབར་གྱི་རྣམ་པ་ཅན་དུ་བཞེངས་ནས་རྒྱ་མཚོ་ཆེན་པོ་ལ་ཁ་ཆར་བབས་པ་ལྟར་དམ་ཚིག་པ་ལ་གཉིས་མེད་དུ་ཐིམ་པར་{{TibChung|བསམ་ཞིང༌།  སྤྱན་འདྲེན་པ་ནི།}}    ཧཱུྃ༔  སྐུ་གསུམ་རྒྱལ་བའི་ཞིང་ཁམས་ནས༔  རྟ་མགྲིན་ཡང་ཁྲོས་ནག་པོ་དང་༔  དུས་ {{TibChung|[7b]}} གསུམ་རྒྱལ་བ་སྲས་དང་བཅས༔  ལྕགས་སྡིག་ནག་པོའི་སྐུར་བཞེངས་ལ༔  གནས་འདིར་སྤྱན་འདྲེན་གཤེགས་སུ་གསོལ༔  འོག་མིན་སྟུག་པོ་བཀོད་པ་ནས༔  བུདྡྷ་རིགས་ཀྱི་དཀྱིལ་འཁོར་ལྷ༔  ལྕགས་སྡིག་ནག་པོའི་སྐུར་བཞེངས་ལ༔  གཏི་མུག་གཞོམ་ཕྱིར་གཤེགས་སུ་གསོལ༔  ཤར་ཕྱོགས་མངོན་དགའི་ཞིང་ཁམས་ནས༔  རྡོ་རྗེ་རིགས་ཀྱི་དཀྱིལ་འཁོར་ལྷ༔  ལྕགས་སྡིག་ནག་པོའི༴     ཞེ་སྡང་གཞོམ་ཕྱིར༴   ལྷོ་ཕྱོགས་དཔལ་ལྡན་ཞིང་ཁམས་ནས༔  རིན་ཆེན་རིགས་ཀྱི་དཀྱིལ་འཁོར་ལྷ༔  ལྕགས་སྡིག་ནག་པོའི༴   ང་རྒྱལ་གཞོམ་ཕྱིར༴   ནུབ་ཕྱོགས་བདེ་ཆེན་ཞིང་ཁམས་ནས༔    པདྨ་རིགས་ཀྱི་དཀྱིལ་འཁོར་ལྷ༔  ལྕགས་སྡིག་ནག་པོའི༴   ང་རྒྱལ་གཞོམ་ཕྱིར༴   ནུབ་ཕྱོགས་བདེ་ཆེན་ཞིང་ཁམས་ནས༔    པདྨ་རིགས་ཀྱི་དཀྱིལ་འཁོར་ལྷ༔    ལྕགས་སྡིག་ནག་པོའི༴   འདོད་ཆགས་གཞོམ་ཕྱིར༴   བྱང་ཕྱོགས་ལས་རབ་ཞིང་ཁམས་ནས༔      ཀརྨ་རིགས་ཀྱི་དཀྱིལ་འཁོར་ལྷ༔      ལྕགས་སྡིག་ནག་པོའི༴   ཕྲག་དོག་གཞོམ་ཕྱིར༴   དབང་དྲག་རོལ་པའི་དཀྱིལ་འཁོར་ནས༔  གུ་རུ་དྲག་པོའི་ལྷ་ཚོགས་རྣམས༔  ལྕགས་སྡིག་ནག་པོའི་སྐུར་བཞེངས་ལ༔  རྒྱལ་བསེན་གཞོམ་ཕྱིར ༴   ཆོས་ཉིད་རོལ་པའི་ཀློང་ཡངས་ནས༔  ཡེ་ཤེས་སྒྱུ་འཕྲུལ་རྟེན་བརྟེན་པ༔  མི་མངོན་དབྱིངས་ {{TibChung|[8a]}} ནས་སྐུར་བཞེངས་ལ༔  རྒྱལ་བསེན་འཇོམས་ཕྱིར༴   མཐའ་དམག་བཟློག་ཕྱིར༴     ནད་རིམས་འཇོམས་ཕྱིར༴   གོད་ཡམས་བཟློག་ཕྱིར༴   རྦོད་གཏོང་བཟློག་ཕྱིར༴   མུ་གེའི་བསྐལ་པ་ངན་པ་དང༌།  འཁྲུག་རྩོད་མཚོན་བསྐལ་བཟློག་པའི་ཕྱིར༔  གཞན་གྱིས་མི་ཐུབ་དྲག་ཤུལ་ཅན༔  ཟ་བྱེད་ལྕགས་སྡིག་ནག་པོའི་སྐུར༔  བཞེངས་ནས་གནས་འདིར་གཤེགས་སུ་གསོལ༔  གུ་རུ་དེ་ཝ་ཌཱ་ཀི་ནཱི་ནག་པོ་ཏི་པ་རཱ་ཛ་བཛྲ་མ་ཡ་ཛ་ཛ༔  {{TibChung|བཞུགས་སུ་གསོལ་བ་ནི།}}    ཧཱུཾ༔  བདག་ལྟའི་རུ་ཏྲ་བསྒྲལ་བའི་ཁྲིར༔  ཟ་བྱེད་ཆེན་པོ་བཞུགས་སུ་གསོལ༔  སྒྲོལ་བྱེད་ཆེན་པོ་བཞུགས་སུ་གསོལ༔  འཇིགས་བྱེད་ཆེན་པོ༴   གསོད་བྱེད་ཆེན་པོ་བཞུགས་སུ་གསོལ༔  བཞུགས་ནས་དྲག་པོའི་ཕྲིན་ལས་མཛོད༔  བཛྲ་ས་མ་ཡ་ཏིཥྛ་ལྷན༔  {{TibChung|ཕྱག་འཚལ་བ་ནི།}}    ན་མོ༔  རྒྱལ་ཀུན་ཕྲིན་ལས་མངའ་བདག་ལ༔  བསྐལ་ངན་བཟློག་ཕྱིར་ཕྱག་འཚལ་ལོ༔  དགྲ་བགེགས་སྒྲོལ་ཕྱིར༴     ཕྲིན་ལས་སྒྲུབ་ཕྱིར་ཕྱག་ཀྱང་འཚལ༔  ན་མོ་པཱུ་རུ་ཤ་ཡ་ ཧོཿ    {{TibChung|མཆོད་པ་འབུལ་བ་ནི།}}    ཧཱུཾ༔  བདག་འཛིན་རུ་ཏྲ་བསྒྲལ་བ་ལས༔  དམར་ཆེན་ཁྲག་གི་ཨརྒྷཾ་དང་༔  དབང་ལྔའི་མེ་ཏོག་ཤ་ {{TibChung|[8b]}} ཚིལ་སྤོས༔  ཞུན་ཆེན་མར་མེ་མཁྲིས་པའི་དྲི༔  ཤ་རུས་ཞལ་ཟས་སྣ་ཚོགས་པ༔  འཇིགས་བྱེད་ཆེན་པོ་ཁྱེད་ལ་འབུལ༔  ཉོན་མོངས་དུག་ལྔ་དུག་གསུམ་དང་༔  འབྲེལ་བའི་གདོན་བགེགས་ལོག་འདྲེན་གྱི༔  ཤ་ཁྲག་སྲོག་དབུགས་ཕུང་པོ་ལྔ༔  ཁམས་དང་སྐྱེ་མཆེད་དབང་ཡུལ་བཅས༔  འཇིགས་བྱེད་ཆེན་པོ་ཁྱོད་ལ་འབུལ༔  ཤ་ཁྲག་དམར་གྱི་གཏོར་མ་འབུལ༔  དམ་རྫས་རྒྱན་གྱི་གཏོར་མ༴   འདོད་ཡོན་རྒྱན་གྱི་མཆོད་འབུལ་བཞེས༔  བཞེས་ནས་གདུག་པ་ཀུན་འདུས་མཛོད༔  ཨོཾ་བཛྲ་ཨརྒྷཾ་{{TibChung|སོགས་ནས།}}    ཤཔྡ་མ་ཧཱ་མཱཾ་ས་རཀྟ་ཀིཾ་ནི་རི་ཏི་ཙིཏྟ་བ་སུ་ཏ་སརྦ་པཱུ་ཛ་ ཧོཿ    རཱུ་པ་ཤཔྡ་གྷནྡྷེ་ར་ས་སྤརྴེ་པྲ་ཏཱི་ཙྪ་པཱུ་ཛ་ཧོཿ {{TibChung|བསྟོད་པ་ནི།}}    ཧཱུྃ༔  དུས་གསུམ་རྒྱལ་དང་རྒྱལ་སྲས་ཐམས་ཅད་ཀྱི༔  ཕྲིན་ལས་མཐུ་སྟོབས་ནུས་པ་གཅིག་བསྡུས་པ༔  མི་སྲུན་དྲག་ཤུལ་རྔམས་པའི་སྐུར་སྟོན་ཅིང་༔  རྒྱལ་བསེན་དམ་སྲིའི་གཤེད་དུ་ལྷུན་གྱིས་གྲུབ༔  འཇིགས་བྱེད་ཆེན་པོ་ཁྱེད་ལ་ཕྱག་འཚལ་བསྟོད༔  རྩ་ཞལ་གསུམ་གྱིས་གདོན་གསུམ་ཟས་སུ་རོལ༔  རྭ་ཡིས་སྟེང་གི་ལྷ་གདོན་ཐམས་ཅད་འབིགས༔  གཡས་ཞལ་གསུམ་གྱིས་གཉན་དང་སྡེ་བརྒྱད་འཇོམས༔  གཡོན་ཞལ་གསུམ་ {{TibChung|[9a]}} གྱིས་དུས་འཁྲུགས་མཚོན་བསྐལ་གཞོམ༔  མཇུག་མ་བྱ་རོག་གདོང་གིས་ཀླུ་གདོན་ཟ༔  བསྐལ་པའི་མེ་འབར་སྲིད་གསུམ་གདུག་པ་བསྲེགས༔  དུག་གི་རླངས་པས་སྨོན་ལོག་དགྲ་འདྲེ་གསོད༔  སྤྱན་མིག་སྟོང་གིས་ཁམས་གསུམ་ས་ལེར་གཟིགས༔  སྤྲུལ་པ་དུག་མཚོན་ཐུན་གྱི་ཡོ་ལང་འགྱེད༔  སྤྲུལ་པའི་ལྕགས་སྡིག་མེ་སྟག་བཞིན་དུ་འཕྲོ༔  སྲིད་གསུམ་གདུག་པ་འདུལ་མཛད་ཁྱོད་ལ་བསྟོད༔  སྤྲོས་བྲལ་ཆོས་དབྱིངས་ངང་ལས་མ་གཡོས་ཀྱང་༔  གདུལ་དཀའ་འདུལ་ཕྱིར་ཐབས་ཀྱི་སྐུར་སྟོན་ཅིང་༔  ཁྱད་པར་ཞིང་བཅུའི་སྲོག་གི་གཤེད་དུ་བཞེངས༔  འཁོར་བའི་རྒྱུ་རྐྱེན་གསོད་པའི་ཕོ་ཉ་བ༔  འགོང་པོ་སྤུན་དགུའི་གཤེད་པོ་ཁྱོད་ལ་བསྟོད༔  བདག་དང་བསྟན་འགྲོ་ཡོངས་ལ་འཚེ་བྱེད་པའི༔  སྨོན་ལམ་ལོག་པའི་དགྲ་འདྲེའི་སྙིང་ཁྲག་འཐུང་༔  ཉོན་མོངས་དུག་ལྔའི་རྒྱུད་དུ་འཁྲུལ་པ་ཡི༔  བག་ཆགས་ལས་ཀྱི་རྣམ་སྨིན་འབྲས་བུ་ལས༔  སྐྱེ་འགྲོའི་སྲོག་ལ་རྒྱུ་ཞིང་དུས་ཀུན་ཏུ༔  ལས་རླུང་རྟར་ཞོན་གདུག་རྩུབ་མཚོན་ཐོགས་ཏེ༔  དལ་མེད་སྲིད་པའི་ཁམས་སུ་རྒྱུ་བ་ཡིས༔  ཐར་མེད་ལས་ཀྱི་ས་བོན་འདེབས་མཆིས་པའི༔  མ་རིག་འདྲེ་གདོན་རྒྱལ་བསེན་བདུད་དམ་སྲི༔   {{TibChung|[9b]}} གཞན་གྱིས་ཐུལ་དཀའ་འཇིགས་བྱེད་ཁྱོད་ལ་གཏད༔  མ་ཤོར་ཉོན་མོངས་འཁྲུལ་པའི་གཞི་རྩ་བཤིག༔  ཁམས་གསུམ་འཁོར་བའི་སྐྱེ་རྒྱུད་གཅོད་པར་མཛོད༔  དམ་ཚིག་དུས་ལ་བབ་བོ་ས་མ་ཡ༔  {{TibChung|ཞེས་བསྟོད།  འཛབ་བཟླ་བ་ནི།}}    དུས་གསུམ་སངས་རྒྱས་ཐམས་ཅད་ཀྱི་མཐུ་སྟོབས་ནུས་པ་མ་ལུས་པ་གཅིག་ཏུ་བསྡུས་ཏེ་ལྕགས་སྡིག་ནག་པོའི་རྣམ་པར་ཤར་བའི་སྙིང་གར་ཧཱུཾ་ནག་པོ་མེ་འབར་བའི་མཐར་སྔགས་ཕྲེང་འོད་དམར་གྱི་ཟེར་ཐག་མགལ་མེའི་འཁོར་ལོ་ལྟར་སྒ་ར་ར་གཡས་སུ་འཁོར་བ་ལས་འོད་ཟེར་དཔག་ཏུ་མེད་པ་འཕྲོས་པས་འཁོར་འདས་ཀྱི་དྭངས་བཅུད་མཐུ་ནུས་ཐམས་ཅད་བསྡུས་ཏེ་ལྕགས་སྡིག་ལ་ཐིམ་པས་བཀྲག་མདངས་གཟི་བརྗིད་བསྐལ་པའི་མེ་ཡི་ཕུང་པོ་ལྟར་རབ་ཏུ་རྒྱས་ཤིང་འབར་བར་བསམ་ལ།  ཨོཾ་ཧཱུྃ་ཏྲཱཾ་ཧྲཱིཿཨཱཿཏི་པ་ཀ་ལ་རཱ་ཛ་ཕེཾ་ཕེཾ་ཛ་ཛ༔  {{TibChung|ཞེས་ཅི་ནུས་སུ་བཟླ་བ་བསྙེན་པ་དང༌།  ལས་སྦྱོར་དྲག་སྔགས་ནི།}}    ཨོཾ་ཧཱུྃ་ཏྲཱཾ་ཧྲཱིཿཨཱཿ ནག་པོ་ཏི་པ་རཱ་ཛ་ས་མ་ཡ་རྦད་བྷྱོ༔  ཏྲི་རཱ་ཛ་རྒྱལ་པོའི་ཙིཏྟ་ཟུངས་ཟུངས༔  བསེན་མོའི་སྲོག་ལ་ཡ་རྦདཿ ཡ་ཏྲི་ཡ༔  ཡ་ཏྲི་ཡ༔  མ་ཏྲི་ཡ༔  མ་ཏྲི་ཡ༔  མ་ཞུ་ཏྲི་ཡ༔  མ་ཞུ་ཏྲི་ཡ༔  ཏྲི་རཱ་ཛ་རྒྱལ་བསེན་གདུག་པའི་བླ་ལ་རྦད་རྦད༔  ཚེ་ལ་རྦད་རྦད༔  སྲོག་ལ་རྦད་རྦད༔  དུ་ཏྲི་ {{TibChung|[10a]}} ཀ་ལ་རཱུ་པ་གནོད་བྱེད་འབྱུང་པོ་ཐམས་ཅད་མཱ་ར་ཡ་སོད་སོད་རྦད་བྷྱོ༔  མཱཾ་ས་རཀྟ་ཙིཏྟ་བ་སུ་ཏ་ཀེཾ་ནི་རི་ཏི་ལ་ཁཱ་ཧི་ཛྭ་ལ་རཾ་པ་ཡེ་སྭཱ་ཧཱ་༔  {{TibChung|ཞེས་བསྙེན་པའི་བཅུ་ཆ་ཙམ་བཟླ།  ཐུན་མཚམས་སུ་གཏོར་མ་འབུལ་བ་ནི།  དམར་གཏོར་ཤ་ཁྲག་གིས་བརྒྱན་པར་རཀྟས་བྲན་ལ།  བདེན་སྟོབས་བརྗོད་པ་སྤྱི་ལྟར་ལས}}    ཁྱད་པར་དབང་ཆེན་རྟ་མགྲིན་ཡང་ཁྲོས་ནག་པོ་ལས་མཁན་ཟ་བྱེད་ལྕགས་སྡིག་ནག་པོ་སྤྲུལ་པ་ཕོ་ཉའི་དམག་ཚོགས་འཁོར་དང་བཅས་པ་རྣམས་ཀྱིས་བཀའ་བདེན་པ་དང༌།  བདེན་པ་ཆེན་པོའི་མཐུ་ལ་བརྟེན་ནས།  བདག་ཅག་དཔོན་སློབ་ཡོན་མཆོད་འཁོར་དང་བཅས་པའི་ཚེ་ལ་བརྐུ་བ༔  སྲོག་ལ་འཇབ་པ༔  བླ་ལ་ཁྱེར་བ༔  ཡིད་ལ་བརྣག་པ༔  མི་ལ་ན་ཚ༔  ཕྱུགས་ལ་གོད་ཁ༔  བློ་ཉེས་འཁོན་འཁྲུགས༔    སྙིང་རླུང་སྨྱོ་འབོགས་སོགས་གཏོང་བའི་རྒྱལ་འགོང་བསེན་ཀེག་སྲི་སྨྱོ་འདྲེ་ཟ་འདྲེ་འབྱུང་པོ་གནོད་ཅིང་འཚེ་བ་ཐམས་ཅད་ཤ་ཁྲག་དམར་གྱི་གཏོར་མ་འདི་ལ་ཁུག་ཅིག༔    ཏི་པ་ཀ་ལ་རཱ་རྫ་ས་མ་ཡ་ནྲྀ་ཏྲི་བཛྲ་ཨངྐུ་ཤ་ཛཿ ཛཿཧཱུྃ་བཾ་ ཧོཿ    {{TibChung|ཞེས་ལན་གསུམ་སོགས་ཀྱིས་བཀུག་ལ།}}    དབྱིངས་ནས་ཐུན་མཚོན་སྣ་ཚོགས་ཀྱི་ཆར་བབས་པས་དམིགས་བྱའི་གཟུགས་ཕུང་ཚལ་པ་དུམ་བུ་ཐལ་བའི་རྡུལ་ཕྲན་བཞིན་དུ {{TibChung|[10b]}} བརླག་པར་{{TibChung|བསམ།}}    ཨོཾ་ཨཱཿཧཱུཾ་ཧོཿ {{TibChung|ས་བདུད་རྩི་སྤར་ནས།}}    དགྲ་བགེགས་བསྒྲལ་བའི་ཤ་རི་ཁྲག་མཚོ་དེ་ཉིད་ཟ་བྱེད་ལྕགས་སྡིག་ནག་པོས་ཁྱི་ལྟོག་གིས་ཤ་ཟན་རོལ་པ་བཞིན་ཧབ་ཧབ་མྱག་མྱག་ཏུ་གསོལ་བར་{{TibChung|བསམ་ཞིང༌།}}    ནག་པོ་ཏི་པ་རཱ་ཛ་ས་མ་ཡ་གནོད་བྱེད་གདུག་པ་ཅན་གྱི་མ་ཧཱ་མཱཾ་ས་རཀྟ་ཙིཏྟ་ལ་ཁ་རཾ་ཁཱ་ཧི༔  {{TibChung|ཞེས་ལན་དགུར་ཕུལ་ནས།}}    ཧཱུྃ༔  ཟ་གསོད་ལས་ཀྱི་ཕོ་ཉ་རྔམས་པའི་སྐུ༔  དྲག་ཤུལ་སྟོབས་ལྡན་ལྕགས་སྡིག་ནག་པོ་ཁྱོད༔  ཤ་ཁྲག་དམར་གྱི་གཏོར་མ་འདི་བཞེས་ལ༔  དྲག་ཁྲོས་རྔམས་པའི་ཚུལ་གྱིས་སྐུར་བཞེངས་ནས༔  རྭ་ཡིས་སྟེང་གི་ལྷ་གདོན་འདུལ་བར་མཛོད༔  མགོ་དགུས་ཕྱོགས་མཚམས་གདོན་ཚོགས་ཐམས་ཅད་ཐུལ༔  འགོང་པོ་སྤུན་དགུའི་སྡེ་དཔུང་ཆམ་ལ་ཕོབ༔  ཤ་ཁྲག་ཕུང་ཁམས་སྐྱེ་མཆེད་ཟས་སུ་རོལ༔  རྣམ་ཤེས་འཁྲུལ་མི་ཤེས་པའི་དབྱིངས་སུ་སྤོར༔  བདག་སོགས་སྙིགས་མ་ལྔ་བདོའི་སེམས་ཅན་གྱི༔  མི་བཟོད་སྡུག་བསྔལ་ན་ཚ་རྐྱེན་སྣང་ཀུན༔  ཞི་བཟློག་གཞོམ་པའི་ཕྲིན་ལས་ད་མཛོད་ཅིག༔  ཐུགས་དམ་དུས་ལ་བབ་བོ་ས་མ་ཡ༔  {{TibChung|ཞེས་ཕྲིན་ལས་གསོལ།  དེ་ནས་ཐུགས་དམ་བསྐུལ་ཞིང་བཟློག་པའི་ཕྲིན་ལས་བཅོལ་བ་ནི།}}    ཧཱུྃ་ཛཿ སྐུ་གསུམ་ལྷུན་གྱིས་གྲུབ་པའི་དཀྱིལ་ {{TibChung|[11a]}} འཁོར་ནས༔  ཞི་ཁྲོ་རྡོ་རྗེ་དབྱིངས་ཀྱི་ལྷ་ཚོགས་རྣམས༔  བསྐུལ་ལོ་ཐུགས་དམ་གཉན་པོ་གནད་ནས་བསྐུལ༔  ཟ་བྱེད་ལྕགས་སྡིག་ནག་པོའི་སྐུར་བཞེངས་ལ༔  རྒྱལ་འགོང་དམ་སྲིད་འདུལ་བའི་ཕྲིན་ལས་མཛོད༔  ཕྲིན་ལས་མངོན་སྤྱོད་ལྷུན་གྲུབ་དཀྱིལ་འཁོར་ནས༔  བཀའ་སྲུང་དྲེགས་པ་དམ་ཅན་རྒྱ་མཚོའི་ཚོགས༔  བསྐུལ་ལོ་བསྐུལ་ལོ་ཐུགས་དམ་དུས་ལ་བབ༔  ཟ་བྱེད་ལྕགས་སྡིག་ནག་པོའི་སྐུར་བཞེངས་ལ༔  བདུད་དང་དམ་སྲི་དུས་མཐའི་འགོང་ནག་སོགས༔  བསྒྲལ་ཞིང་བརླག་པའི་ཕྲིན་ལས་ད་མཛོད་ལ༔  བསྟན་འགྲོ་བདེ་ལ་འགོད་པའི་ཕྲིན་ལས་མཛོད༔  གང་གི་མི་ཤིགས་ཡེ་ཤེས་རྡོ་རྗེའི་སྐུ༔  བལྟར་མི་བཟོད་ཅིང་ཉེ་བར་མི་ནུས་པའི༔  དྲག་ཤུལ་སྟོབས་ཀྱི་བདག་པོ་ཆེ་བའི་མཆོག༔  ཕྲིན་ལས་མངའ་བདག་ལྕགས་སྡིག་ནག་པོ་ཁྱོད༔  སྔོན་གྱི་སྨོན་ལམ་མཐུ་དང་རང་དམ་གྱིས༔  བསྐུལ་ལོ་ཐུགས་དམ་གཉན་པོ་གནད་ནས་བསྐུལ༔  རྦད་དོ་དམ་སྲི་རྒྱལ་བསེན་སྲོག་ལ་རྦད༔  སྐྱེ་འགྲོའི་བདེ་བཅོམ་ནག་ཕྱོགས་བདུད་སྡེའི་དཔུང་༔  གཟུགས་ཅན་གཟུགས་མེད་དགྲ་དང་བགེགས་ལ་རྦད༔  རྗེས་ལྷག་མེད་པར་མྱུར་དུ་ད་སྒྲོལ་ཅིག༔  ཐུགས་ {{TibChung|[11b]}} དམ་དུས་ལ་བབ་བོ་ས་མ་ཡ༔  ཧཱུྃ་བྷྱོ༔  ཞི་ཁྲོ་བཀའ་བརྒྱད་ཡོངས་འདུས་ཕྲིན་ལས་དཔལ༔  དཔལ་དགུའི་སྤྱི་གཟུགས་འཇིགས་བྱེད་ཆེན་པོ་ཁྱོད༔  བསྐུལ་ལོ་རྦད་དོ་མངོན་སྤྱོད་ཕྲིན་ལས་མཛོད༔  ཕྱོགས་བཞི་མཚམས་བརྒྱད་སྟེང་འོག་བར་གསུམ་ནས༔  རྒོལ་ཞིང་སྡང་བའི་དགྲ་བགེགས་གནོད་བྱེད་ཀུན༔  བཟློག་བསྒྱུར་མངོན་སྤྱོད་དྲག་པོའི་ཕྲིན་ལས་མཛོད༔  དབུས་ཕྱོགས་སྟུག་པོ་བཀོད་པའི་ཞིང་ཁམས་ནས༔  སངས་རྒྱས་རིགས་ཀྱི་ཕྲིན་ལས་མངའ་བདག་ཁྱོད༔  གཏི་མུག་དགྲ་བགེགས་བཟློག་པའི་ཕོ་ཉར་བསྐུལ ༔  སྟེང་འོག་བར་གསུམ་དགྲ་བགེགས་གནོད་བྱེད་ཟློག༔  རྡོ་རྗེ་རིགས་ཀྱི་ཕྲིན་ལས་མངའ་བདག་ཁྱོད༔  ཞེ་སྡང་དགྲ་བགེགས་བཟློག་བསྒྱུར་ལས་ལ་བསྐུལ༔  ཤར་གྱི་ཕྱོགས་ཀྱི་དགྲ་བགེགས་གནོད་བྱེད་ཟློག༔  ཞེ་སྡང་ལས་གྱུར་ནད་རིམས་གཞོམ་པར་མཛོད༔  རིན་ཆེན་རིགས་ཀྱི་ཕྲིན་ལས་མངའ་བདག་ཁྱོད༔  ང་རྒྱལ་དགྲ་བགེགས་བཟློག་བསྒྱུར་ལས་ལ་བསྐུལ༔  ལྷོ་ཡི་ཕྱོགས་ཀྱི་དགྲ་བགེགས་གནོད་བྱེད༴   ང་རྒྱལ་ལས་བྱུང་ནད་རིམས་གཞོམ་པར༴   པདྨ་རིགས་ཀྱི་ཕྲིན་ལས་མངའ༴   འདོད་ཆགས་དགྲ་བགེགས་བཟློག་བསྒྱུར༴   ནུབ་ {{TibChung|[12a]}} ཀྱི་ཕྱོགས་ཀྱི་དགྲ་བགེགས་གནོད༴   འདོད་ཆགས་ལས་བྱུང་ནད་རིམས༴   ཀརྨ་རིགས་ཀྱི་ཕྲིན་ལས་མངའ༔  ཕྲག་དོག་དགྲ་བགེགས་བཟློག་བསྒྱུར༴   བྱང་གི་ཕྱོགས་ཀྱི་དགྲ་བགེགས༴   ཕྲག་དོག་ལས་བྱུང་ནད་རིམས༴   རིགས་འདུས་བླ་མའི་ཕྲིན་ལས༴   ཕོ་གདོན་མ་ལུས་འདུས་པའི༴     རྒྱལ་འགོང་གདུག་པའི་གདོན་ཚོགས་བཟློག་ཏུ་གསོལ༔  ཞེ་སྡང་རྒྱལ་པོའི་ནད་རྣམས་གདོན་པར་མཛོད༔  ཡི་དམ་རྒྱུད་སྡེའི་ཕྲིན་ལས་མངའ་བདག་ཁྱོད༔  གཏི་མུག་ཀླུ་གདོན་འདུལ་བའི་ལས་ལ་བསྐུལ༔  ཀླུ་གཉན་ས་བདག་གདོན་ཚོགས་བཟློག་ཏུ་གསོལ༔  གཏི་མུག་ལས་བྱུང་ནད་རིམས་གཞོམ་པར་མཛོད༔  མ་དང་མཁའ་འགྲོའི་ཕྲིན་ལས་མངའ་བདག་ཁྱོད༔  འདོད་ཆགས་མོ་གདོན་འདུལ་བའི་ལས་ལ་བསྐུལ༔  མོ་གདོན་བསེན་མོའི་གདོན་ཚོགས་བཟློག་ཏུ་གསོལ༔  འདོད་ཆགས་ལས་བྱུང་ནད་རིམས་གཞོམ་པར་མཛོད༔  ཡེ་ཤེས་འཇིག་རྟེན་སྲུང་མའི་མངའ་བདག་ཁྱོད༔  བྱད་ཁ་རྦོད་གཏོང་བཟློག་བསྒྱུར་ལས་ལ་བསྐུལ༔  བན་བོན་ཀླ་ཀློའི་བྱད་ཁ་རྦོད་གཏོང་ཟློག༔  ཕ་རོལ་བསམ་སྦྱོར་ངན་པའི་ནད་གཞོམ་མཛོད༔  བཞི་བརྒྱ་རྩ་བཞིའི་ནད་རྣམས་དགྲ་ལ་ཟློག༔   {{TibChung|[12b]}} སྟོང་ཕྲག་བརྒྱད་ཅུའི་བགེགས་རྣམས་དགྲ་ལ༴     མོ་རྩིས་རྨི་ངན་ཐན་ལྟས་ངན་པ་ཟློག༔  ལོ་ཟླ་ཞག་དུས་ཟ་མའི༴   གེགས་རྣམས༴   ནད་མཚོན་མུ་གེའི་བསྐལ་པ་ངན་པ༴   མི་ནད་ནོར་གྱི་གོད་ཁ་མཐའ་དག༴   མདོར་ན་མི་མཐུན་ཕྱོགས་ངན་ཐམས་ཅད་ཀུན༔  ཞི་འཇོམས་མནན་བསད་བསྲེག་བཟློག་ཕྲིན་ལས་མཛོད༔  བཀའ་དང་དམ་ཚིག་གཉན་པོ་དཔང་བཙུག་གོ༔  གུ་རུ་དེ་ཝཌཱ་ཀི་ནཱི་ནག་པོ་ཏི་པ་རཱ་ཛ་ས་མ་ཡ་གནོད་བྱེད་སརྦ་ཤ་ཏྲཱུཾ་མཱ་ར་ཡ་རྦད་སོད་བྷྱོ་ཟློག༔  {{TibChung|ཅེས་བཟློག་པའི་ཕྲིན་ལས་བཅོལ།  རྗེས་ཟ་ལམ་བསྟན་པ་ནི།}}    ཧཱུྃ་བྷྱོ༔  ཆོས་དབྱིངས་སྐྱེ་བ་མེད་པའི་མཁའ་ཀློང་ནས༔  ཆོས་སྐུའི་དཀྱིལ་འཁོར་རྒྱ་མཚོ་དབྱིངས་ནས་བཞེངས༔  རང་བཞིན་འགགས་པ་མེད་པའི་དཀྱིལ་འཁོར་ནས༔  ལྷུན་གྲུབ་ལོངས་སྐུའི་དཀྱིལ་འཁོར་དབྱིངས་ནས་བཞེངས༔  ཀུན་ཁྱབ་ཕྱོགས་མཐའ་ཡས་པའི་འཇིག་རྟེན་ནས༔  སྤྲུལ་སྐུའི་དཀྱིལ་འཁོར་མ་ལུས་སྐུར་བཞེངས་ཤིག༔  ཟ་བྱེད་ལྕགས་སྡིག་འདི་ལ་ནུས་བྱིན་བསྐྱེད༔  ཧཱུྃ་བྷྱོ༔  ཟ་བྱེད་གསོད་བྱེད་ལས་ཀྱི་ཕོ་ཉ་ཁྱེད༔  ཆོས་ཤིག་རྒྱུག་ཅིག་རྒྱལ་པོའི་ཡུལ་དུ་ཆོས༔  རྒྱལ་འགོང་གདུག་པའི་སྡེ་ཚོགས་ཆམ་ལ་ཕོབ༔  ཆོས་ཤིག་རྒྱུག་ཅིག་བསེན་མོའི་ཡུལ་དུ་ཆོས༔   {{TibChung|[13a]}} མོ་གདོན་འདྲེ་མོའི་སྡེ་ཚོགས་ཆམ་ལ་ཕོབ༔  ཆོས་ཤིག་རྒྱུག་ཅིག་ཀླུ་ཡི་ཡུལ་དུ་ཆོས༔  ཀླུ་གཉན་ས་བདག་སྡེ་ཚོགས་ཆམ་ལ་ཕོབ༔  ཆོས་ཤིག་རྒྱུག་ཅིག་བྱད་མའི་ཡུལ་དུ་ཆོས༔  བྱད་མ་རྦོད་གཏོང་མ་ལུས་ཆམ་ལ་ཕོབ༔  ཆོས་ཤིག་རྒྱུག་ཅིག་གདོན་གྱི་ཡུལ་དུ་ཆོས༔  ཕྱོགས་བཅུའི་གདོན་ཚོགས་འབྱུང་པོ་ཆམ་ལ་ཕོབ༔  གུ་རུ་དེ་ཝ་ཌཱ་ཀི་ནི་ནག་པོ་ཏི་པ་རཱ་ཛ་ས་མ་ཡ་ཆོ་ཆོ་རྒྱུགས་རྒྱུགས་རྦད་རྦད་བྷྱོ་བྷྱོ་གནོད་བྱེད་སརྦ་ཤ་ཏྲཱུཾ་མཱ་ར་ཡ་རྦད་སོད་ཁ་རཾ་ཁཱ་ཧི༔  {{TibChung|ཞེས་ལོ་བདུད་ཕྱོགས་སམ་གནོད་པའི་ཕྱོགས་སུ་བསྐྱལ་ལོ།  །གསུམ་པ་ཁྱུང་ནག་དུག་གི་སྤྲུ་གྲིའི་ཕྲིན་ལས་ནི།   མདུན་རྟེན།}}    ཤུ་ནྱ་ཏ{{TibChung|ས་བསང་སྦྱང༌།}}    སྟོང་པའི་ངང་ལས་མདུན་དུ་དུག་གི་རྒྱ་མཚོ་ཆེན་པོ་གཏིང་ཟབ་པའི་ཀློང་དུ་དཔག་བསམ་གྱི་ལྗོན་ཤིང་སྡོང་པོ་ཆེ་བ་ཡལ་ག་ལྔ་རུ་གྱེས་པའི་ཕྱོགས་བཞི་དབུས་ལྔར་པདྨ་དང་ཉི་མའི་གདན་ལ་རང་ཉིད་དྲག་པོའི་ཐུགས་ཀ་ནས་ཁྲ་ཡིག་ལྔ་འཕྲོས་ནས་བབས་པ་ལས་འོད་ཟེར་ཡར་འཕྲོས་དུས་གསུམ་གྱི་རྒྱལ་བ་སྲས་དང་བཅས་པ་མཆོད༔  དབང་བྱིན་དངོས་གྲུབ་ཐམས་ཅད་ཚུལ་འདུས་ཁྲོཾ་ཡིག་རྣམས་ལ་ཐིམ༔  མར་འཕྲོས་དགྲ་བགེགས་ལོག་འདྲེན་ཀླུ་གཉན་གདུག་པ་ཅན་ཐམས་ཅད་ཚར་བཅད༔   {{TibChung|[13b]}} དེ་དག་གི་ཚེ་ བསོད་དཔལ་ཡོན་ནུས་མཐུ་ཐམས་ཅད་ཚུར་འདུས་ཁྲོཾ་ཡིག་རྣམས་ལ་ཐིམ༔  དབུས་ཀྱི་ཁྲོཾ་ལས་རྒྱལ་རིགས་ཀླུའི་གཉེན་པོ་ཡེ་ཤེས་ཀྱི་བྱ་ཁྱུང་མཐིང་ནག་ཆོས་དབྱིངས་ཡེ་ཤེས་ཀྱི་མེ་དཔུང་མཐིང་ནག་ཏུ་འབར་བ༔  ཤར་གྱི་ཁྲོཾ་ལས་རྡོ་རྗེ་རིགས་ཀླུའི་གཉེན་པོ་དུང་གི་བྱ་ཁྱུང་དཀར་པོ་མེ་ལོང་ཡེ་ཤེས་ཀྱི་མེ་འབར་བ༔  ལྷོ་ཡི་ཁྲོཾ་ལས་དམངས་རིགས་ཀླུའི་གཉེན་པོ་གསེར་གྱི་བྱ་ཁྱུང་སེར་པོ་མཉམ་ཉིད་ཡེ་ཤེས་ཀྱི་མེ་འབར་བ༔  ནུབ་ཀྱི་ཁྲོཾ་ལས་བྲམ་ཟེའི་ཀླུའི་གཉེན་པོ་ཟངས་ཀྱི་བྱ་ཁྱུང་དམར་པོ་སོར་རྟོག་ཡེ་ཤེས་མེ་འབར་བ༔  བྱང་གི་ཁྲོཾ་ལས་གདོལ་རིགས་ཀླུའི་གཉེན་པོ་དུག་ཁྱུང་ནག་པོ་བྱ་གྲུབ་ཡེ་ཤེས་ཀྱི་མེ་འབར་བ༔  ཀུན་ཀྱང་གནམ་ལྕགས་ཀྱི་རྭ་གཉིས་གནམ་ལ་གཟེང་བ༔  སྤྱན་གསུམ་ཉི་མ་འབུམ་གྱི་འོད་ཟེར་འབར་ཞིང་འཕྲོ་བ༔  ཁྲོ་གཉེར་ཆུའི་གཉེར་མ་ལྟར་དུ་འཁྲུགས་པ༔  ལྕགས་ཀྱི་སྡེར་མོས་ཀླུ་གཉན་རིགས་ལྔ་རྒྱ་མཚོའི་གཏིང་ནས་འདྲེན་ཅིང་གནམ་ལྕགས་ཀྱི་མཆུས་མགོ་བོ་ཉོག་ཉོག་ཏུ་ཟ་བ༔  མེའི་གཤོག་པ་རྡེབ་པས་ཉི་ཟླ་ཙོག་པུར་འཕེན་ཅིང་༔  སྤུ་རྣམས་སྤྲུགས་པས་ཉི་ཚན་དང་བྱེ་ཚན་དང་རྡོ་རྗེའི་སེར་བ་དྲག་ཏུ་འབེབས་པ༔  ཀྲིཾ་ཀྲིཾ་གི་སྒྲ་དྲག་པོ་བསྒྲགས་པ་ཙམ་གྱིས་ས་ {{TibChung|[14a]}} བདག་ཀླུ་གཉན་ཐམས་ཅད་བརྒྱལ་ཞིང་འབོག་པ༔   ཁྱུང་གི་ཚྭ་ཚྭ་འཇིག་རྟེན་གྱི་ཁམས་ཐམས་ཅད་ཁྱབ་པར་འཕྲོས་པས་ཕྱོགས་བཅུའི་སྡེ་བརྒྱད་ཐམས་ཅད་ཆུ་ཐིག་ཧུབ་ཀྱིས་བཏབ་པ་བཞིན་དུ་ཧབ་ཧབ་གསོལ་བ༔  རྐང་པས་གཟའ་ཀླུ་སྡེ་བརྒྱད་ཐམས་ཅད་གནོན་ཅིང་རྭ་བར་ན་ཡིད་བཞིན་གྱི་ནོར་བུ་དབང་གི་རྒྱལ་པོས་སྒྲུབ་པ་པོ་ལ་དངོས་གྲུབ་ཀྱི་ཆར་ཆེན་པོ་འབེབས་པ༔  མཚོན་ཆ་ ཐུན་རྫས་སྣ་ཚོགས་ཀྱི་བུ་ཡུག་འཚུབས་པས་བྱད་མ་གནོད་བྱེད་ཐམས་ཅད་རྡུལ་དུ་བརླག་པ༔  ཐུགས་ལས་སྤྲུལ་པའི་བཀའ་སྲུང་དྲེགས་པའི་ཚོགས་ནམ་མཁའི་མཐའ་དང་མཉམ་པར་འཕྲོས་ནས་བསྟན་དགྲ་སྡེ་དང་བཅས་པ་ཐམས་ཅད་ཐལ་བར་བརླག་ཅིང་ཟས་སུ་ཟ་བར་གྱུར༔  དེ་ལྟར་གསལ་བའི་སྤྱི་བོར་ཨོཾ་དཀར་པོ ༔  མགྲིན་པར་ཨཱཿདམར་པོ༔  ཐུགས་ཀར་ཧཱུྃ་མཐིང་ནག༔  དེ་གསུམ་ལས་འོད་ཟེར་དཔག་ཏུ་མེད་པ་འཕྲོས་པས་ཕྱོགས་བཅུའི་རྒྱལ་བ་སྲས་དང་བཅས་པ་ཐམས་ཅད་ཀྱི་ཐུགས་དམ་གྱི་རྒྱུད་བསྐུལ༔  ཆོས་ཀྱི་དབྱིངས་ནས་གཟུགས་ཀྱི་སྐུ་བྱ་ཁྱུང་རིགས་ལྔའི་སྐུར་བཞེངས་ཏེ་བསྐྱེད་པའི་ལྷ་རྣམས་ལ་སིབ་སིབ་ཐིམ་པར་{{TibChung|བསམ་ཞིང༌།  སྤྱན་འདྲེན་པ་ནི།}}    ཧཱུྃ༔  ཆོས་ཀྱི་ {{TibChung|[14b]}} དབྱིངས་ཀྱི་ཡེ་ཤེས་སྐུ༔   བུདྡྷ་རིགས་ཀྱི་དཀྱིལ་འཁོར་ལྷ༔  སངས་རྒྱས་ཁྱུང་ཆེན་སྐུར་བཞེངས་ཤིག༔  གཏི་མུག་འདུལ་ཕྱིར་གཤེགས་སུ་གསོལ༔  མེ་ལོང་ལྟ་བུའི་ཡེ་ཤེས་སྐུ་བཛྲ་རིགས་ཀྱི་དཀྱིལ་འཁོར་ལྷ༔  རྡོ་རྗེ་ཁྱུང་ཆེན་སྐུར་བཞེངས་ཤིག༔  ཞེ་སྡང་འདུལ་ཕྱིར་གཤེགས་སུ་གསོལ༔  མཉམ་པ་ཉིད་ཀྱི་ཡེ་ཤེས་སྐུ༔  རཏྣ་རིགས་ཀྱི་དཀྱིལ་འཁོར་ལྷ༔  རིན་ཆེན་ཁྱུང་ཆེན་སྐུར་བཞེངས་ཤིག༔  ང་རྒྱལ་འདུལ་ཕྱིར་གཤེགས་སུ་གསོལ༔  སོ་སོར་རྟོག་པའི་ཡེ་ཤེས་སྐུ༔  པདྨ་རིགས་ཀྱི་དཀྱིལ་འཁོར་ལྷ༔  གསུང་གི་ཁྱུང་ཆེན་སྐུར་བཞེངས་ཤིག༔  འདོད་ཆགས་འདུལ་ཕྱིར་གཤེགས་སུ་གསོལ༔  བྱ་བ་གྲུབ་པའི་ཡེ་ཤེས་སྐུ༔  ཀརྨ་རིགས་ཀྱི་དཀྱིལ་འཁོར་ལྷ༔  ལས་ཀྱི་ཁྱུང་ཆེན་སྐུར་བཞེངས་ཤིག༔  ཕྲག་དོག་འཇོམས་ཕྱིར་གཤེགས་སུ་གསོལ༔    བུདྡྷ་བཛྲ་རཏྣ་པདྨ་ཀརྨ་ཁྲོཾ་ག་རུ་ཌ་སརྦ་བཛྲ་ས་མ་ཡ་ཛ་ཛ༔  {{TibChung|བཞུགས་སུ་གསོལ་བ་ནི།}}    ཧཱུྃ༔  བདག་འཛིན་གདུག་པ་ཀླུ་གཉན་ཁྲིར༔  དམ་ཚིག་ཡེ་ཤེས་དབྱེར་མེད་པར༔  འཇིགས་བྱེད་བྱ་ཁྱུང་བཞུགས་སུ་གསོལ༔  བདུད་འདུལ་ཁྱུང་ལྔ་བཞུགས་སུ་གསོལ༔  བཛྲ་ས་མ་ཡ་ཏིཥྛ་ལྷན༔  {{TibChung|ཕྱག་འཚལ་བ་ནི།}}    ན་མོ༔   {{TibChung|[15a]}} བདག་ལྟའི་རཱུ་ཏྲ་བཤིགས་པ་དང་༔   རྒྱུ་དྲུག་འཁོར་བ་གཞོམ་པའི་ཕྱིར༔  ཡེ་ཤེས་ཁྱུང་ཆེན་རིགས་ལྔ་ལ༔  རྣམ་གསུམ་གུས་པས་ཕྱག་འཚལ་ལོ༔  ན་མོ་པཱུ་རུ་ཤ་ཡ་ ཧོཿ    {{TibChung|མཆོད་པ་འབུལ་བ་ནི།}}    ཧཱུྃ༔  གཟུང་འཛིན་བདག་མེད་ཆེར་བསྒྲལ་བའི༔  སྣང་སྲིད་མཆོད་པའི་སྤྲིན་དུ་བསྒྱུར༔  ཡེ་ཤེས་ཁྱུང་ཆེན་དགྱེས་ཕྱིར་འབུལ༔  ཆོས་ཉིད་རང་ངོར་རང་གྲོལ་མཛོད༔  སྟོང་ཉིད་དྭངས་གསལ་ཆེན་པོའི་མཁར༔  ཅིར་ཡང་སྣང་བའི་སྒྱུ་འཕྲུལ་ལས༔  ཉེར་སྤྱོད་བདུན་དང་འདོད་ཡོན་ལྔ༔  སྨན་གཏོར་རཀྟ་བྱང་ཆུབ་སེམས༔  ཤ་ལྔ་བདུད་རྩི་རྣམ་པ་ལྔ༔  དགྲ་བགེགས་གདུག་པའི་དབང་ཡུལ་བླ༔  ཕུང་ཁམས་སྐྱེ་མཆེད་མ་ལུས་པ༔  ཡེ་ཤེས་བྱ་ཁྱུང་དགྱེས་ཕྱིར་འབུལ༔  ཁྱད་པར་ཀླུ་གཉན་གནོད་བྱེད་སྡེ༔  ཆབ་སྲིད་འབངས་འཁོར་མཐུ་ནུས་བཅས༔  ཡེ་ཤེས་བྱ་ཁྱུང་དགྱེས་ཕྱིར་འབུལ༔  བཞེས་ནས་འཇིག་རྟེན་བདེ་ལེགས་མཛོད༔  ཨོཾ་བཛྲ་ཨརྒྷཾ་ནས་ཤཔྡ་རཱུ་པ་{{TibChung|སོགས་}} སྤརྴེ་དྷརྨ་པྲ་ཏཱི་ཙྪ་སྭཱ་ཧཱ༔  མ་ཧཱ་པཉྩ་ཨ་མྲྀ་ཏ་རཀྟ་བ་ལིཾ་ཏ་ཁཱ་ཧི༔  མ་ཧཱ་མཱཾ་ས་རཀྟ་ཙིཏྟ་ཀིཾ་ནི་རི་ཏི་ལ་ཁཱ་ཧི༔  {{TibChung|བསྟོད་པ་ནི།}}    ཧཱུྃ༔  གདོད་ནས་ཡེ་སངས་རྒྱས་པ་ཆོས་ཀྱི་སྐུ༔  ལྷུན་གྲུབ་རོལ་པ་ཡེ་ཤེས་ལྔ་ {{TibChung|[15b]}} ཡི་དལ༔   གང་འདུལ་ཐབས་ཀྱིས་རབ་འཇིགས་སྐུར་སྟོན་པ༔  བཅོམ་ལྡན་བྱ་ཁྱུང་རིགས་ལྔའི་སྐུ་ལ་བསྟོད༔  མཐོང་བ་ཙམ་གྱིས་ཆོས་ཉིད་དོན་རྟོགས་ཤིང་༔  ཐོས་པས་སྡེ་བརྒྱད་དྲེགས་པའི་དཔའ་ཟིལ་བཀོང་༔  དྲན་པས་ལྟ་ལོག་བདུད་ཀྱི་གྲུབ་མཐའ་འཇིག༔  རེག་པས་ཉོན་མོངས་འཁོར་བའི་གཅོང་ནད་འཇོམས༔  འབྲེལ་བ་ཙམ་གྱིས་འཁོར་བའི་ས་བོན་སྟོང་༔  བཅོམ་ལྡན་བྱ་ཁྱུང་རིགས་ལྔར་ཕྱག་འཚལ་བསྟོད༔  {{TibChung|འཛབ་བཟླ་བ་ནི།}}    མདུན་གྱི་བྱ་ཁྱུང་རིགས་ལྔ་རང་རང་གི་ཐུགས་ཀར་ཉི་ཟླའི་གདན་ལ་རང་མདོག་ཁྲོཾ་ཡིག་མེ་འབར་བ་ལ་སྔགས་ཀྱི་ཕྲེང་བས་བསྐོར་བར་གྱུར༔  བདག་ཉིད་ཡི་དམ་གཏུམ་དྲག་ཡང་ཁྲོས་ནག་པོའི་ཐུགས་ཀའི་ཧཱུྃ་ལས་འོད་ཟེར་ཚ་ལ་རྩུབ་པ་འཕྲོས་པས་བྱ་ཁྱུང་རིགས་ལྔའི་ཐུགས་སྲོག་ལ་ཕོག༔  དེ་དག་ལས་འོད་ཟེར་ཕྱོགས་བཅུར་འཕྲོས་པས་ཡེ་ཤེས་ཀྱི་བྱ་ཁྱུང་དཔག་ཏུ་མེད་པ་སྤྱན་དྲངས་ཏེ་དབྱེར་མེད་དུ་ཐིམ་པས་མཐུ་རྩལ་ནུས་པ་རབ་ཏུ་འབར་བར་{{TibChung|བསམ་ཞིང༌།}}    ཨོཾ་བུདྡྷ་བཛྲ་རཏྣ་པདྨ་ཀརྨ་ཁྲོཾ་ག་རུ་ཌ་ཧཱུྃ་ཕཊ་ཛ་ཛ༔  {{TibChung|ཞེས་གཙོ་བོར་བཟླ་བ་བསྙེན་པ་དང༌།  ཡང༌།}}    རང་ཡི་དམ་གྱི་ཐུགས་ཀ་ནས་འོད་ཟེར་འཕྲོས་པ་བྱ་ཁྱུང་རིགས་ལྔའི་ཐུགས་ཀར་ཕོག་པ་ཙམ་གྱིས་ཐུགས་དམ་གྱི་རྒྱུད་རབ་ {{TibChung|[16a]}} ཏུ་བསྐུལ་ནས་སྤྲུལ་པ་ལས་བྱེད་ཁྱུང་རྒོད་ཤན་པའི་དམག་དཔུང་བསམ་གྱིས་མི་ཁྱབ་པས་གང་ལ་དམིགས་པའི་ཡུལ་ཐམས་ཅད་གང་སྟེ་གནོད་བྱེད་དགྲ་བགེགས་ཀླུ་གཉན་ས་བདག་གདུག་པ་ཅན་ཐམས་ཅད་མེ་སྟག་ཆུས་བསད་པ་ལྟར་སོང་བར་{{TibChung|བསམ་ལ།}}    ཨོཾ་བུདྡྷ་བཛྲ་རཏྣ་པདྨ་ཀརྨ་ཁྲོཾ་ག་རུ་ཌ་ཧཱུྃ་ཧཱུྃ་ཕཊ༔    ནཱ་ག་གནོད་བྱེད་སརྦ་ཤ་ཏྲུཾ་མཱ་ར་ཡ་རྦད་རྦད༔  {{TibChung|ཅེས་དང༌།}}    ཨོཾ་བུདྡྷ་བཛྲ་རཏྣ་པདྨ་ཀརྨ་ཁྲོཾ་ག་རུ་ཌ་ས་མ་ཡ༔    གནོད་བྱེད་ཀླུ་གཉན་གདུག་པའི་བླ་ལ་རྦད་རྦད༔  སྲོག་ལ་རྦད་རྦད༔  སོད་སོད་མྱོག་མྱོག༔  ཕཊ་ཕཊ་རཾ་རཾ་སྭཱ་ཧཱ༔    {{TibChung|ཞེས་དང༌།}}    ཨོཾ་བུདྡྷ་བཛྲ་རཏྣ་པདྨ་ཀརྨ་ཁྲོཾ་ག་རུ་ཌ་སརྦ་ས་མ་ཡ་ཛ་ཛ༔  ནཱ་ག་གཉན་སརྦ་ཏའི་སྲག་ལ་རྦད་རྦད༔  སྙིང་ལ་རྦད་རྦད༔    བླ་ལ་རྦད་རྦད༔  ཤ་ཁྲག་རུས་པ་ལ་རྦད་རྦད༔  ཕུང་ཁམས་སྐྱེ་མཆེད་ལ་རྦད་རྦད༔  ཛྭ་ལ་རཾ་རཾ༔  གནོད་བྱེད་སརྦ་ཤ་ཏྲུཾ་མཱ་ར་ཡ་ཁ་རཾ་ཁཱ་ཧི་སྭཱ་ཧཱ༔  {{TibChung|ཞེས་ལས་སྔགས་རྣམས་བསྙེན་པའི་འགྲོས་དང་སྦྱར་ཏེ་བཟླ།  ཐུན་མཚམས་སུ་གཏོར་མ་འབུལ་ནི།  དམར་གཏོར་ཤ་ཁྲག་གིས་བརྒྱན་པར་རཀྟས་བྲན་ལ།  བདེན་སྟོབས་བརྗོད་པ་སྤྱི་ལྟར་ལས།}}    ཁྱད་པར་དབང་ཆེན་རྟ་མགྲིན་ཡང་ཁྲོས་ནག་པོ་འཇིགས་བྱེད་ཁྱུང་ཆེན་རིགས་ལྔ་སྤྲུལ་ {{TibChung|[16b]}} པ་ལས་མཁན་ཕོ་ཉའི་དམག་ཚོགས་འཁོར་དང་བཅས་པ་རྣམས་ཀྱིས་བདེན་པ་དང༌།  བདེན་པ་ཆེན་པོའི་མཐུ་ལ་བརྟེན་ནས།  བདག་ཅག་དཔོན་སློབ་ཡོན་མཆོད་འཁོར་དང་བཅས་པའི་ཚེ་ལ་བརྐུ་བ༔  སྲོག་ལ་འཇབ་པ༔  བླ་ལ་ཁྱེར་བ༔  ཡིད་ལ་བརྣག་པ༔  མི་ལ་ན་ཚ༔  ཕྱུགས་ལ་གོད་ཁ༔  མཛེ་ཤུ་ཕོལ་མིག༔  གློ་བུར་ཡེ་འདྲོགས༔  མི་འདོད་ཐན་ལྟས་ངན་པ་སོགས་གཏོང་བའི་རྒྱལ་འགོང་བསེན་མོ་དམ་སྲི་འབྱུང་པོ་ཀླུ་གཉན་ས་བདག་རྦད་འདྲེ་རྦོད་གཏོང་གནོད་ཅིང་འཚེ་བ་ཐམས་ཅད་ཤ་ཁྲག་དམར་གྱི་གཏོར་མ་འདི་ལ་ཁུག་ཅིག༔  ཨོཾ་བུདྡྷ་བཛྲ་རཏྣ་པདྨ་ཀརྨ་ཁྲོཾ་ག་རུ་ཌ་ནྲྀ་ཏྲི་བཛྲ་ཨངྐུ་ཤ་ཛ༔  ཛཿཧཱུྃ་བཾ་ཧོཿ   {{TibChung|ཞེས་ལན་གསུམ་སོགས་ཀྱིས་བཀུག་ལ།}}    དབྱིངས་ནས་ཐུན་མཚོན་སྣ་ཚོགས་ཀྱི་ཆར་བབས་པས་དམིགས་བྱའི་གཟུགས་ཕུང་ཚལ་པ་དུམ་བུ་ཐལ་བའི་རྡུལ་ཕྲན་བཞིན་དུ་བརླག་པར་{{TibChung|བསམ།}}    ཨོཾ་ཨཱཿཧཱུྃ་ཧོཿ {{TibChung|ས་བདུད་རྩིར་སྦར་ནས།}}    དགྲ་བགེགས་བསྒྲལ་བའི་ཤ་རི་ཁྲག་མཚོ་དེ་ཉིད་འཇིགས་བྱེད་ཁྱུང་ཆེན་རིགས་ལྔས་ཁྱི་ལྟོག་གིས་ཤ་ཟན་རོལ་པ་བཞིན་ཧབ་ཧབ་མྱག་མྱག་ཏུ་གསོལ་བར་{{TibChung|བསམ་ཞིང༌།}}    ཨོཾ་བུདྡྷ་བཛྲ་རཏྣ་པདྨ་ཀརྨ་ཁྲོཾ་ག་རུ་ཌ་ཨི་དཾ་བ་ལིཾ་ཏ་ཁཱ་ཧིཿ མ {{TibChung|[17a]}} ཧཱ་མཱཾ་ས་ལ་ཁཱ་ཧི༔  མ་ཧཱ་རཀྟ་ལ་ཁཱ་ཧི༔  མ་ཧཱ་ཙིཏྟ་ལ༴   མ་ཧཱ་བ་སུ་ཏ་ལ༴   མ་ཧཱ་ཀེཾ་ནི་རི་ཏི་ལ༴   གནོད་བྱེད་གཉན་དང་ཀླུ་གདོན་ཐམས་ཅད་མཱ་ར་ཡ་ཛྭ་ལ་རཾ་ཁཱ་ཧི༔  {{TibChung|ཞེས་ལན་བདུན་ནས་གསུམ་གྱིས་བསྟབ་ལ།}}    ཁྲོཾ་བྷྱོ་ཛཿ ཡང་ཁྲོས་སྐུ་ཡི་སྤྲུལ་པ་ནིཿ སངས་རྒྱས་བྱ་ཁྱུང་ག་རུ་ཌཿ བཞེངས་ཤིག་མི་མངོན་དབྱིངས་ནས་བཞེངས༔  བསྐྱོད་ཅིག་ཡེ་ཤེས་ཀློང་ནས་བསྐྱོད༔  བསྐུལ་ལོ་ཐུགས་དམ་གནད་ནས་བསྐུལ༔  རྦད་དོ་དགྲ་དང་བགེགས་ལ་རྦད༔  མཛོད་ཅིག་དྲག་པོའི་ཕྲིན་ལས་མཛོད༔  རྒྱལ་རིགས་ལས་གྱུར་ཀླུ་གཉན་གདོན༔  གསོད་གཅོད་བརླག་པའི་ལས་མཛོད་ལ༔  རྗེས་ཤུལ་མེད་པར་ཧབ་ཐོབ་རོལ༔  དུས་ལ་བབ་བོ་ས་མ་ཡ༔  ཨོཾ་བུདྡྷ་ག་རུ་ཌ་སརྦ་ས་མ་ཡ་ཛཿབྷྱོ༔  གནོད་བྱེད་སརྦ་ཤ་ཏྲུཾ་མཱ་ར་ཡ་རྦད་ཁ་རཾ་ཁཱ་ཧི༔  ཁྲོཾ་བྷྱོ་ཛཿ ཡང་ཁྲོས་ཐུགས་ཀྱི་སྤྲུལ་པ་ནི༔  རྡོ་རྗེ་བྱ་ཁྱུང་ག་རུ་ཌ༔  བཞེངས་ཤིག་ཆོས་ཀྱི་དབྱིངས་ནས་བཞེངས༔  བསྐྱོད་ཅིག་ཆོས་ཉིད་ཀློང་ནས་བསྐྱོད༔  བསྐུལ་ལོ་ཐུགས་དམ་གནད་ནས་བསྐུལ༔  རྦད་དོ་དགྲ་དང་བགེགས་ལ་རྦད༔  མཛོད་ཅིག་དྲག་པོའི་ཕྲིན་ལས་མཛོད༔  རྗེ་རིགས་ལས་གྱུར་ཀླུ་ {{TibChung|[17b]}} གཉན་གདོན༔  གསོད་གཅོད་བརླག་པའི་ལས་མཛོད་ལ༔  རྗེས་ཤུལ་མེད་པར་ཧབ་ཐོབ་རོལ༔  དུས་ལ་བབ་བོ་ས་མ་ཡ༔  ཨོཾ་བཛྲ་ག་རུ་ཌ་ས་མ་ཡ་ཛ་ཛཿ གནོད་བྱེད་སརྦ་ཤ་ཏྲུཾ་མཱ་ར་ཡ་རྦད་ཁ་རཾ་ཁཱ་ཧི༔  ཁྲོཾ་བྷྱོ་ཛཿ ཡང་ཁྲོས་ཡོན་ཏན་སྤྲུལ་པ་ནི༔  རིན་ཆེན་བྱ་ཁྱུང་ག་རུ་ཌ༔  བཞེངས་ཤིག༴   བསྐྱོད་ཅིག༴     བསྐུལ་ལོ༴   རྦད་དོ༴   མཛོད་ཅིག༴   དམངས་རིགས་ལས་བྱུང་ཀླུ་གཉན་གདོན༔  གསོད་གཅོད༴   རྗེས་ཤུལ༴   དུས་ལ་བབ་བོ༴   ཨོཾ་རཏྣ་ག་རུ་ཌ་ས་མ་ཡ་ཛ་ཛཿགནོད་བྱེད་སརྦ་ཤ་ཏྲུཾ་མཱ་ར་ཡ་རྦད་ཁ་རཾ་ཁཱ་ཧི༔  ཁྲོཾ་བྷྱོ་ཛཿ ཡང་ཁྲོས་གསུང་གི་སྤྲུལ་པ་ནི༔  པདྨ་བྱ་ཁྱུང་ག་རུ་ཌ༔  བཞེངས་ཤིག༴   བསྐྱོད་ཅིག༴   བསྐུལ་ལོ༴   རྦད་དོ༴   མཛོད་ཅིག༴   བྲམ་ཟེ་ལས་གྱུར་ཀླུ་གཉན་གདོན༔  གསོད་གཅོད༴   རྗེས་ཤུལ་མེད་པར༴   དུས་ལ༴   ཨོཾ་པདྨ་ག་རུ་ཌ་ས་མ་ཡ་ཛ་ཛཿགནོད་བྱེད་སརྦ་ཤ་ཏྲུཾ་མཱ་ར་ཡ་རྦད་ཁ་རཾ་ཁཱ་ཧི༔  ཁྲོཾ་བྷྱོ་ཛཿ ཡང་ཁྲོས་ཕྲིན་ལས་སྤྲུལ་པ་ནི༔  ལས་ཀྱི་བྱ་ཁྱུང་ག་རུ་ཌ༔  བཞེངས་ཤིག༴   བསྐྱོད་ཅིག༴   བསྐུལ་ལོ༴   རྦད་དོ༴   མཛོད་ཅིག༴   གདོལ་པ་ལས་གྱུར་ཀླུ་གཉན་ {{TibChung|[18a]}} གནོད༔  གསོད་གཅོད༴   རྗེས་ཤུལ༴     དུས་ལ་བབ་བོ་ས་མ་ཡ༔  ཀརྨ་ག་རུ་ཌ་ས་མ་ཡ་ཛ་ཛཿ གནོད་བྱེད་སརྦ་ཤ་ཏྲུཾ་མཱ་ར་ཡ་རྦད་ཁ་རཾ་ཁཱ་ཧི༔  ཧཱུྃ་བྷྱོ༔  དུས་གསུམ་སངས་རྒྱས་ཐམས་ཅད་ཀྱི༔  སྐུ་གསུང་ཐུགས་ཡོན་ཕྲིན་ལས་ཀྱི༔  སྤྲུལ་པ་ཡང་སྤྲུལ་ཕོ་ཉའི་ཚོགས༔  འགྲོ་བའི་དོན་ཕྱིར་གང་འདུལ་ཐབས༔  སྣ་ཚོགས་སྟོན་པའི་སྒྱུ་འཕྲུལ་གར༔  མ་ངེས་ཆུ་ཡི་གཟུགས་བརྙན་ལྟར༔  ཅིར་ཡང་སྣང་བའི་གཟུགས་སྐུ་ལས༔  ཀླུ་གཉན་གདུག་པའི་གཉེན་པོ་ཆེ༔  བྱ་ཁྱུང་རིགས་ལྔ་འཁོར་དང་བཅས༔  ང་ཡི་མདུན་སར་སྐུར་བཞེངས་ལ༔  གནོད་བྱེད་མ་ལུས་རྡུལ་དུ་རློག༔  ཤ་ཁྲག་དྲོད་དབུགས་ཧབ་ཐོབ་རོལ༔  དུས་ལ་བབ་བོ་ཐུགས་མ་གཡེལ༔  དོ་ནུབ་མངོན་སྤྱོད་ཕྲིན་ལས་མཛོད༔  {{TibChung|ཅེས་ཕྲིན་ལས་གསོལ།  དེ་ནས་ཐུགས་དམ་བསྐུལ་ཞིང་བཟློག་པའི་ཕྲིན་ལས་བཅོལ་བ་ནི།}}    རང་ཡི་དམ་གྱི་ཐུགས་ཀ་ནས་འོད་ཟེར་འཕྲོས་པ་སྐུ་གསུམ་རྒྱལ་བའི་དཀྱིལ་འཁོར་ཐམས་ཅད་དང་བཅོམ་ལྡན་འདས་བྱ་ཁྱུང་རིགས་ལྔ་འཁོར་དང་བཅས་པའི་ཐུགས་ཀར་ཕོག་པས་ཐུགས་དམ་གྱི་རྒྱུད་རབ་ཏུ་བསྐུལ་ཏེ༔  ཆོས་ཀྱི་དབྱིངས་ལས་གཟུགས་ {{TibChung|[18b]}} ཀྱི་སྐུ་ཁྲོ་ཚོགས་བྱ་ཁྱུང་ལས་མཁན་མཚོན་ཐུན་སྣ་ཚོགས་སྐྱི་སེར་འཚུབས་པ་ལྟར་སྣང་སྲིད་ཀྱི་ཁམས་ཐམས་ཅད་གང་ནས་དགྲ་འདྲེ་གདོན་གསུམ་མི་མཐུན་པའི་ཕྱོགས་ངན་པ་ཐམས་ཅད་ཐལ་བ་རླུང་གིས་གཏོར་བའམ་རྩྭ་སྦུར་ཕྲ་མོ་ལ་དུས་མཐའི་མེ་དཔུང་མཆེད་པ་ལྟར་བསྲེག་ཅིང་བརླག་པར་བསམ་ལ།  ཁྲོཾ་བྷྱོ་ཛཿ དུས་གསུམ་སངས་རྒྱས་དགོངས་སུ་གསོལ༔  ཡང་ཁྲོས་ནག་པོ་དགོངས་སུ་གསོལ༔  ཆེ་མཆོག་དཔལ་དགུ་དགོངས་སུ་གསོལ༔  བདག་ཅག་མ་རིག་གིས་བཅིངས་པའི༔  གཟུང་འཛིན་འཁྲུལ་པའི་སེམས་ཅན་སྤྱི༔  ཁྱད་པར་རྒྱལ་བའི་བརྒྱུད་འཛིན་རྣམས༔  ཐུགས་རྗེས་འདོར་རམ་དཀོན་མཆོག་གསུམ༔  གལ་ཏེ་ཡལ་བར་དོར་སྲིད་ན༔  ཐུགས་བསྐྱེད་རྣམ་དག་གང་ན་བཞུགས༔  དེང་དུས་བསྐལ་པའི་མར་གཤམ་འདིར༔  ནག་ཕྱོགས་གདུག་པ་ཁ་དར་ནས༔  སྐྱེ་འགྲོའི་བདེ་སྐྱིད་བསྐལ་པ་བཤིག༔  བརྒྱུད་འཛིན་ཐར་པའི་ལམ་སྣ་བཀག༔  རྒྱལ་བསྟན་ཉི་མ་སྤྲིན་གྱིས་བསྒྲིབས༔  ལྟ་ལོག་ཀླ་ཀློས་ཕྱི་ནས་རྒོལ༔  མི་སྲུན་སྐྱེ་བོས་བར་ནས་རྒོལ༔  དམ་ལོག་སློབ་མས་ནང་ནས་རྒོལ༔  བདུད་དང་ལོག་ལྟས་གསང་ཐབས་རྒོལ༔  མཐའ་མེད་ {{TibChung|[19a]}} འཁོར་བའི་རྒྱ་མཚོར་བསྐྱིལ༔  དབང་མེད་སྡུག་བསྔལ་ཞགས་པས་བཅིངས༔  འདི་འདྲའི་ལས་ངན་སྐལ་ངན་ལ༔  སྒྲིབ་མེད་སྤྱན་གྱིས་མི་གཟིགས་སམ༔  ཀུན་མཁྱེན་ཐུགས་རྗེས་མ་དགོངས་སམ༔  མཛད་པའི་ཕྲིན་ལས་གང་དུ་མཆིས༔  མ་གཡེལ་མ་འགྱང་ཐུགས་རྗེ་ཅན༔  བསྐུལ་ལོ་ཐུགས་དམ་གནད་ནས་བསྐུལ༔  ཁྱེད་ཀྱི་ཕྲིན་ལས་ཕོ་ཉ་ནི༔  སྤྲུལ་པའི་ཁྱུང་ལྔ་དབྱིངས་ནས་བཞེངས༔  བཀའ་སྡོད་འཇིག་རྟེན་ཁྱབ་པར་མཛོད༔  འགྱུར་མེད་སྐུ་ཡི་ཀློང་ཡངས་ནས༔  བཅོམ་ལྡན་བུདྡྷ་ ཁྱུང་ཆེན་བསྐུལ ༔  འགགས་མེད་གསུང་གི་ཀློང་ཡངས་ནས༔  བཅོམ་ལྡན་པདྨ་ཁྱུང་ཆེན་བསྐུལ༔  འཁྲུལ་མེད་ཐུགས་ཀྱི་ཀློང་ཡངས་ནས༔  བཅོམ་ལྡན་རྡོ་རྗེ་ཁྱུང་ཆེན་བསྐུལ༔  ལྷུན་གྲུབ་ཡོན་ཏན་ཀློང་ཡངས་ནས༔  བཅོམ་ལྡན་རཏྣ་ཁྱུང་ཆེན་བསྐུལ༔  ཕྲིན་ལས་མངོན་སྤྱོད་ཀློང་ཡངས་ནས༔  བཅོམ་ལྡན་ཀརྨ་ཁྱུང་ཆེན་བསྐུལ༔  བཞེངས་ཤིག་མི་མངོན་དབྱིངས་ནས་བཞེངས༔  མཛོད་ཅིག་མངོན་སྤྱོད་ཕྲིན་ལས་མཛོད༔  སྡང་བའི་དགྲ་དང་གནོད་པའི་བགེགས༔  ལྷ་ཡང་རུང་སྟེ་ཀྱང་རུང་༔  མ་ལུས་མ་འགྱང་སྒྲོལ་ལ་ཤོག༔   {{TibChung|[19b]}} བླ་སྲོག་ཚེ་ཡི་རྒྱུན་ཐག་བཅས༔   མར་མེ་རླུང་གིས་བསད་བཞིན་ཐོངས༔  ཤ་ཁྲག་དྲོན་མོ་ཧབ་ཐོབ་རོལ༔  རྣམ་ཤེས་ཆོས་ཀྱི་དབྱིངས་སུ་སྒྲོལ༔  དོ་ནུབ་ཉིད་དུ་ཕྲིན་ལས་མཛོད༔    དེ་རིང་ཉིད་ལས་ལས་མ་འགྱང་༔  དམ་ཚིག་ཐུགས་དམ་དུས་ལ་བབ༔    བསྐུལ་ལོ་རྦད་དོ་ཕྲིན་ལས་མཛོད༔    རྟགས་དང་མཚན་མ་མྱུར་དུ་སྟོན༔    གནོད་བྱེད་ཀླུ་གཉན་སྡེ་བརྒྱད་ཀུན༔  མིང་གི་ལྷ་ཙམ་མེད་པར་རློག༔  དུས་ལ་བབ་བོ་ས་མ་ཡ༔  ཧཱུྃ་བྷྱོ༔  དྲག་པོ་དམར་གྱི་གཏོར་མ་ལས༔  ཁྲོ་རྒྱལ་ཁམས་གསུམ་རོལ་པ་ཆེ༔  སྐུ་ལ་རྡོ་རྗེའི་གོ་ཁྲབ་གསོལ༔  ཚེམས་ཕྲེང་གངས་རི་དཀར་པོ་འདྲ༔  ཁྲོ་གཉེར་རྒྱ་མཚོའི་གཉེར་མ་འདྲ༔  སྤྱན་གསུམ་ཉི་ཟླ་ཤར་བ་འདྲ༔  དབུ་སྐྲ་དུས་མཐའི་མེ་ལྟར་འབར༔  སྨ་ར་ལྕགས་སྲེག་ཐུར་མ་འདྲ༔  སྨིན་མ་གློག་གི་ཕྲེང་བ་འདྲ།  ང་རོ་འབྲུག་སྟོང་ལྡིར་བ་འདྲ༔  སྐུ་ནི་རི་རབ་ལྷུན་པོ་འདྲ༔  ཚྭ་ཚྭ་ཐོག་རྒོད་འབར་བ་འདྲ༔  ཕོ་ཉ་མེ་སྟག་འཕྲོ་བ་འདྲ༔  ལས་མཁན་སེར་ཆེན་འབེབས་པ་འདྲ༔  མཚོན་ཐུན་རླུང་ཆེན་གཡོ་བ་འདྲ༔  མེ་དཔུང་ན་བུན་འཐིབས་པ་འདྲ༔  དེ་འདྲའི་ཁྲོ་རྒྱལ་ཆེན་པོ་ཉིད༔  ཆོས་ཀྱི་ {{TibChung|[20a]}} དབྱིངས་ལས་སྐུར་བཞེངས་ཤིག༔   སྐུ་གསུང་ཐུགས་ལས་སྤྲུལ་པའི་ཁྱུང་༔  ནམ་མཁའ་སྐར་ཚོགས་བཀྲ་བ་འདྲ༔  བར་སྣང་སྤྲིན་དཔུང་གཏིབས་པ་འདྲ༔  ས་གཞིར་སྐྱིན་ཐང་འབེབས་པ་འདྲ༔  བཞེངས་ཤིག་མི་མངོན་དབྱིངས་ནས་བཞེངས༔  བསྐུལ་ལོ་ཐུགས་དམ་གནད་ནས་བསྐུལ༔  བཞེས་ཤིག་དགྲ་བགེགས་ཤ་ཁྲག་བཞེས༔  མཛོད་ཅིག་མངོན་སྤྱོད་ཕྲིན་ལས་མཛོད༔  ཁྲོཾ་བྷྱོ་ཛཿ དབུས་ཕྱོགས་སངས་རྒྱས་བྱ་ཁྱུང་གིས༔  རྒྱལ་རིགས་ལས་བྱུང་ཀླུ་གཉན་གདོན༔  གཏི་མུག་ལས་གྱུར་དགྲ་དང་བགེགས༔  དུས་ངན་ཡོ་ལངས་ནད་མུག་མཚོན༔  རྨི་ལྟས་མཚན་ངན་ཐན་གྱི་རིགས༔  མདོར་ན་མི་མཐུན་ཕྱོགས་རྣམས་ཀུན༔  བཟློག་ཅིང་བསྒྱུར་བའི་ཕྲིན་ལས་མཛོད༔  སྡང་དགྲ་གདུག་པའི་སྟེང་དུ་ཟློག༔  དཀོན་མཆོག་གསུམ་དང་རྩ་བ་གསུམ༔  སྐུ་གསུམ་རྒྱལ་བའི་མཐུ་སྟོབས་དང་༔  ཆོས་ཉིད་རྣམ་པར་དག་པ་དང་༔  རྒྱུ་འབྲས་ཟབ་མོའི་བདེན་པའི་མཐུས༔  བདག་ཅག་དཔོན་སློབ་འཁོར་བཅས་ཀྱི༔  ཆོས་སྲིད་ཚེ་བསོད་ལོངས་སྤྱོད་ལ༔  བར་ཆད་གནོད་འཚེ་མི་མཐུན་ཕྱོགས༔  མ་ལུས་ {{TibChung|[20b]}} བསྡུས་ཏེ་དགྲ་ལ་ཟློག༔   སྡང་བར་བྱེད་པའི་དགྲ་དཔུང་ཟློག༔  གནོད་པར་བྱེད་པའི་གདོན་བགེགས༴   བཀའ་སྲུང་ཡོངས་ཀྱི་རྒོལ་བ༴     སྡེ་བརྒྱད་ཡོངས་ཀྱི༴   སྣང་སྲིད་ལྷ་འདྲེའི༴   བན་བོན་ཀླ་ཀློའི་མཐུ་ནུས༴   བྱང་ཆུབ་སྒྲུབ་པའི་བར་ཆད༴   ནད་རིམས་ཡམས་ནད་གོད་ཁ༴   སད་སེར་བཙའ་ཐན་ལོ་ནད༴   སྔོན་ལས་འཕྲལ་རྐྱེན་ངན་པ༴   བྱད་ཕུར་གཏད་ཁྲོམ་ཧོམ་ཟོར༴   མི་ཁ་ཁ་མཆུ་འཁོན་འཐབ༴   རང་བྱད་རང་ལ་ལྡོག་པ༴   མོ་རྩིས་རྨི་ངན་ཐན་ལྟས༴   སྡང་བར་བྱེད་པའི་དགྲ་ལ༴   གནོད་པར་བྱེད་པའི་བགེགས་ལ༴   རྗེས་ཤུལ་མེད་པར་བཟློག་གྱུར་ཅིག༴   ཁྲོཾ་བྷྱོ་ཛཿ ཤར་ཕྱོགས་རྡོ་རྗེ་ཁྱུང་ཆེན་གྱིས༴   རྗེ་རིགས་ལས་བྱུང་ཀླུ་གཉན་སྡེ༔  ཞེ་སྡང་ལས་གྱུར་དགྲ་དང་བགེགས༔  དུས་ངན༴   རྨི་ལྟས༴   མདོར་ན༴   བཟློག་ཅིང་༴     སྡང་དགྲ་གདུག་པའི་སྟེང་དུ་ཟློག༔  དཀོན་མཆོག་གསུམ་དང་རྩ་བ་གསུམ༔  {{TibChung|སོགས་འགྲེ།}}    ཁྲོཾ་བྷྱོ་ཛཿ ལྷོ་ཕྱོགས་རཏྣ་ཁྱུང་ཆེན་གྱིས༔  དམངས་རིགས་ལས་བྱུང་༴   ང་རྒྱལ་ལས་གྱུར་དགྲ༴     དུས་ངན༴     རྨི་ལྟས༴   མདོར་ན༴   བཟློག་ཅིང་༴   སྡང་དགྲ༴   དཀོན་མཆོག་ {{TibChung|[21a]}} གསུམ་དང་རྩ་བ་གསུམ༔   {{TibChung|སོགས་འགྲེ།}}    ཁྲོཾ་བྷྱོ་ཛཿ ནུབ་ཕྱོགས་པདྨ་ཁྱུང་ཆེན་གྱིས༔  བྲམ་ཟེ་ལས་བྱུང་ཀླུ༴   འདོད་ཆགས་ལས་གྱུར༴   དུས་ངན༴     རྨི་ལྟས༴   མདོར་ན༴   བཟློག་ཅིང་༴   སྡང་དགྲ༴   དཀོན་མཆོག་གསུམ་དང་{{TibChung|སོགས་འགྲེ།}}    ཁྲོཾ་བྷྱོ་ཛཿ བྱང་ཕྱོགས་ཀརྨ་ཁྱུ་ཆེན་གྱིས༔  གདོལ་པ་ལས་བྱུང་ཀླུ་གཉན་གདོན༔  ཕྲག་དོག་ལས་གྱུར༴   དུས་ངན༴   རྨི་ལྟས༴   མདོར་ན༴   བཟློག་ཅིང་༴   སྡང་དགྲ༴   དཀོན་མཆོག་གསུམ་དང་{{TibChung|སོགས་འགྲེ།}}    ཁྲོཾ་བྷྱོ་ཛཿ ནད་རིམས་བཞི་བརྒྱ་རྩ་བཞི་དང་༔  བགེགས་རིགས་སྟོང་ཕྲག་བརྒྱད་ཅུ་དང་༔  ཡེ་འདྲོགས་སུམ་བརྒྱ་དྲུག་ཅུ་དང་༔  བྱིས་པའི་གདོན་ཆེན་བཅོ་ལྔ་དང་༔  དེ་ཡི་ཐན་ལྟས་ངན་པ་ཀུན༔  བཅོམ་ལྡན་བྱ་ཁྱུང་རིགས་ལྔ་དང་༔  དྲག་པོ་དམར་གྱི་གཏོར་མས་ཟློག༔  ཟ་འདྲེ་ཕུང་སྲི་ཤི་སྲི་དང་༔  དམ་སྲི་ཆེ་སྲི་ཆུང་སྲི་དང་༔  གཞོན་སྲི་དར་སྲི་གྲི་སྲི་དང་༔  གོད་སྲི་འགགས་སྲི་དུར་སྲི་དང་༔    དེ་ཡི་ཐན་ལྟས༴   བཅོམ་ལྡན་བྱ་ཁྱུང་༴   དྲག་པོ་དམར་གྱི༴   ཕྱི་ཡི་འབྱུང་བ་འཁྲུགས་པ་དང་༔  ནང་གི་ན་ཚ་སྡུག་བསྔལ་དང་༔  གསང་བ་གཟུང་འཛིན་དུག་གསུམ་ {{TibChung|[21b]}} དང་༔   མདོར་ན་མི་མཐུན་ཕྱོགས་ཀུན་དང་༔  དེ་ཡི་ཐན་ལྟས་ངན༴   བཅོམ་ལྡན་བྱ་ཁྱུང་༴   དྲག་པོ་དམར་གྱི་གཏོར་མས་ཟློག༔  ཁྲོཾ་བྷྱོ་ཛཿ བཅོམ་ལྡན་བྱ་ཁྱུང་རིགས་ལྔ་ཡིས༔  མཐུ་སྟོབས་ནུས་རྩལ་ཤུགས་ཕྱུངས་ལ༔  ཐན་ལྟས་བཟློག་པའི་ལས་མཛོད་ཅིག༔  རྭ་ཡིས་རྭ་ཅན་ལྟས་ངན་ཟློག༔  ནོར་བུ་རྫས་ཀྱི་ལྟས་ངན༔  རལ་པས་རལ་ཅན་ལྟས་ངན༴   མཆུ་ཡིས་མཆུ་ཅན༴   གཤོག་པས་འདབ་ཆགས༴   སྡེར་མོས་སྡེར་ཅན༴   སྤུ་ཡིས་སྤུ་ཅན༴   དབང་པོས་ཡུལ་དུག་ལྟས༴   སྡང་བར་བྱེད་པའི་དགྲ་ལ༴   དགྲ་དཔུང་བདུན་རྒྱུད་རྩད་ནས་ཆོད༴   གནོད་པར་བྱེད་པའི་བགེགས་ལ༴   བགེགས་དཔུང་ཐལ་བའི་རྡུལ་བཞིན་རློག༔  ཟ་བར་བྱེད་པའི་འདྲེ་ལ༴   བདག་མེད་སྟོང་པའི་དབྱིངས་སུ་སོད༔  ཕུང་བར་བྱེད་པའི་སྲི་ལ༴   ཡུལ་མེད་ཟང་ཐལ་ཆེན་པོར་ཆོམས༴   དུས་ལ་བབ་བོ་ས་མ་ཡ༔  ཨོཾ་ཧཱུྃ་ཏྲིག་ཁྲོཾ་བྷྱོ༔  མ་ནི་མ་ར་ནི་བྷྱོ༔  མ་ར་དུ་ན་བྷྱོ༔  རཀྨོ་རཀྴན་བྷྱོ༔  ཏིང་ཡ་རཀྴ་བྷྱོ༔  མཱ་ར་ཡ་ཨེ་ཀ་བྷྱོ་བྷྱོ༔  ཨེ་ས་བྷྱོ་བྷྱོ༔    ཨཿཡཿ་མཿདུཿ་རུཿ་ཙཿ་ཤཿནཿ གནོད་བྱེད་སརྦ་ཤ་ཏྲུཾ་མཱ་ར་ཡ་བྷྱོ་བྷྱོ་ཟློག་ཟློག༔   {{TibChung|[22a]}} {{TibChung|ཅེས་བཟློག་པའི་ཕྲིན་ལས་བཅོལ་ལོ།  །གསུམ་པ་རྗེས་བསྡུ་བའི་ལས་རིམ་ནི།   ལས་མཁན་ལྕགས་སྡིག་གོང་གི་ཟ་ལམ་བསྟན་པས་འཐུས་ཕྱིར་ཟོར་བསྐུལ་ཟུར་དུ་མི་དགོས་ལ༔  ཕག་ཁྱུང་གཉིས་ཀྱི་གཏོར་མའི་ཡེ་ཤེས་པ་རང་ངམ་རྟེན་ལ་བསྟིམ།  དམ་ཚིག་པ་འོད་དུ་ཞུ་བ་དུག་མཚོན་རྡོ་རྗེའི་ཆར་དུ་མོས་ནས།}}    ཧཱུྃ་ཛ༔  ང་ནི་ཡང་ཁྲོས་ནག་པོ་ཆེ༔  རྦད་དོ་ལས་མཁན་ཕོ་ཉའི་ཚོགས༔  དགྲ་བགེགས་ལུས་སེམས་འབེན་ལ་ཡཱ༔  དོ་ནུབ་གཏོར་ཟོར་གཉན་པོ་འདི༔  གློག་ལྟར་འཁྱུག་ཅིང་ཐོག་ལྟར་འབེབས༔  སངས་རྒྱས་བསྟན་པ་བཤིག་པ་དང་༔  དཀོན་མཆོག་དབུ་འཕང་སྨད་པ་དང་༔  མཚན་ལྡན་བླ་མའི་སྐུ་དགྲ་དང་༔  ལྟ་བ་ལོག་པའི་བསྟན་དགྲ་དང་༔  སྨོན་ལམ་ལོག་པའི་བདུད་རིགས་དང་༔  བར་ཆད་བྱེད་པའི་གདོན་བགེགས་དང་༔  རང་རྒྱུད་གོལ་འཁྲུལ་རྒྱལ་བསེན་ཚོགས༔  སྡིག་ཅན་མ་ལུས་འཁོར་བཅས་ཀྱི༔  གཟུགས་ཕུང་ཐལ་བའི་རྡུལ་བཞིན་བཤིག༔  རྣམ་ཤེས་ཆོས་ཀྱི་དབྱིངས་སུ་སྤོར༔  དུས་ལ་བབ་བོ་མཐུ་རྩལ་བསྐྱེད༔  ཨོཾ་ཨཱཿཧཱུྃ་སྭཱ་ཧཱ་ཁྲོཾ་ག་རུ་ཌ་ས་མ་ཡ་གནོད་བྱེད་སརྦ་ཤ་ཏྲུཾ་མཱ་ར་ཡ་རྦད༔  མཱ་ར་ཡ་སོད༔  མཱ་ར་ཡ་བྷྱོ༔  མཱ་ར་ཡ་ཟློག༔  {{TibChung|ཅེས་འཕང༌།  དེ་ནས་རྩ་བའི་གཏོར་ཆེན་འཕང་བ་དངོས་ {{TibChung|[22b]}} ལ་འཇུག་གོ   །ཡང་སྐབས་འགའ་ཞིག་ཏུ་འཕྲལ་གྱི་རྐྱེན་སེལ་ཙམ་ལ་བཟློག་གཞུང་རྩ་བ་ལ་མ་བརྟེན་པར་བདག་བསྐྱེད་ཙམ་ལ་བརྟེན་ནས་འདི་དག་ཁོལ་འདོན་དུ་བསྒྲུབ་ཀྱང་ཆོག་སྟེ་སྐབས་འཕྲུལ་ཤེས་པར་བྱའོ།  །}} ཡང་ཁྲོས་ལས་སྦྱོར་མདེའུ་ཁ་རྣོ་མྱུར་ཐོག  །ལོག་འདྲེན་ཀླད་པར་འབེབས་བྱེད་གསལ་བྱས་པ།  །འདིས་ཀྱང་བསྟན་འཛིན་བར་ཆད་གཡུལ་ངོ་ལས།  །རབ་རྒྱལ་དབང་སྐད་ས་གསུམ་ཁྱབ་སྒྲོགས་ཤོག  །{{TibChung|ཅེས་པའང་གཏེར་གཞུང་གི་དགོངས་པ་མ་ནོར་བར་སྙིང་པོའི་བཅུད་བསྡུས་ནས་ཡང་ཁྲོས་ཡིག་ཆའི་གསལ་བྱེད་དཀྱུས་གཅིག་ཏུ་འཇིགས་བྲལ་ཡེ་ཤེས་རྡོ་རྗེས་བསྡེབས་པ་ཛ་ཡནྟུ།།  །།}} }}
(གཉིས་པ་ཕྲིན་ལས་དངོས་ཀྱི་གཞུང་བསྲང་བ་ནི།   ཡང་ཁྲོས་རྩ་བའི་ཕྲིན་ལས་ཀྱི་གཞུང་བསྲང་སྟེ་བཟླས་པའི་མཐར་ཐུག་གི་བར་སྔོན་དུ་འགྲོ་བས།  སྒོས་ཀྱི་ཕྲིན་ལས་ལ་གསུམ་གྱི།  དང་པོ་སྒྲོལ་ཡུམ་དར་ཕག་ནག་མོའི་ཕྲིན་ལས་ནི།  མདུན་རྟེན།)  ཤུ་ནྱ་ཏ(ས་བསང་སྦྱང་།)  སྟོང་པའི་ངང་ལས་མདུན་དུ་གནམ་ལྕགས་ཀྱི་འཁོར་ལོ་རྩིབས་བརྒྱད་པའི་ལྟེ་བར་བཙན་དུག་ནག་པོའི་ངད་རླངས་འཕྱོ་བའི་དུག་གི་པདྨ་འདབ་བརྒྱད་གྱེས་པའི་སྟེང་དུ་འཁོར་འདས་ཡོངས་ཀྱི་སྲོག་ཐིག་ཡི་གེ་ཧཱུྃ་ནག་པོ་མེ་འབར་བ་ལས་འོད་ཟེར་ཕྱོགས་བཅུར་འཕྲོས་པས་རྒྱལ་བ་སྲས་དང་བཅས་པ་ཐམས་ཅད་ལ་མཉེས་པའི་མཆོད་པ་ཕུལ༔  ཚུར་འདུས་རྒྱལ་བ་རྒྱ་མཚོའི་མཐུ་ནུས་གཟི་བྱིན་དང་བཅས་པ་ཧཱུྃ་ལ་ཐིམ༔  ཡང་འོད་ཟེར་དཔག་ཏུ་མེད་པ་འཕྲོས་པས་སྡེ་བརྒྱད་ཀླུ་གཉན་ལྷ་འདྲེའི་ཚོགས་ཐམས་ཅད་ཚར་བཅད༔  དེ་དག་གི་མཐུ་ནུས་སྲོག་གི་སྙིང་པོ་ཐམས་ཅད་འཕྲོག་ཅིང་བསྡུས་ཏེ་ཧཱུྃ་ལ་ཐིམ༔   (3ན)འཁོར་འདས་ཡོངས་ཀྱི་བདག་མོའི་སྐུ་གསུང་ཐུགས་ཡོན་ཏན་ཕྲིན་ལས་མི་ཟད་པ་རྒྱན་གྱི་འཁོར་ལོ་ཐམས་ཅད་ཧཱུྃ་ལ་ཐིམ༔  དེ་ཡོངས་སུ་གྱུར་པ་ལས་སྲིད་པའི་ཕག་རྒོད་ནག་མོ་མགོ་དགུ་པ་མིག་ནས་ཉི་མ་འབུམ་གྱི་འོད་ཟེར་བཀྱེ་བ༔  མཆེ་བ་ཟླ་ཚེས་སྟོང་གི་འོད་ལྟར་དཀར་ཞིང་འབར་བས་སྲིད་པ་གསུམ་པོ་ཟས་སུ་ཟ་བ༔  སྟེང་གི་ཞལ་གསུམ་གྱེན་དུ་བལྟ་ཞིང་༔  བར་གྱི་ཞལ་གསུམ་བར་སྣང་གི་ཁམས་སུ་བལྟ་བ༔  འོག་གི་ཞལ་གསུམ་ཐུར་དུ་བལྟ་ཞིང་ཁམས་གསུམ་ཤ་ཁྲག་ལ་རྔམས་པའི་ངར་སྒྲ་དང་ངུར་སྒྲ་སྒྲོགས་པས་ས་གསུམ་གཡོ་འཁྲུགས་བྱེད་པ༔  རྐང་ལག་སྡེར་བཞིས་སྣང་སྲིད་ཐམས་ཅད་གནོན་པ༔  ཁ་དང་བུ་ག་ཐམས་ཅད་ནས་མེ་རླུང་ཕག་ཁྱུང་དཔག་ཏུ་མེད་པ་འཕྲོ་བས་སྡེ་བརྒྱད་འབྱུང་པོ་ནད་རིམས་ཀྱི་བདག་པོ་གཉན་དང་ཀླུ་གདོན་ཐམས་ཅད་ཧབ་ཧབ་ཟ་ཞིང་བསྲེགས་པ་ཡེ་ཤེས་ཀྱི་མེ་དཔུང་འབར་བའི་ཀློང་དུ་གསལ་བར་གྱུར༔  དེ་ལས་འོད་ཟེར་རབ་ཏུ་འཕྲོས་པས་འཁོར་འདས་ཡོངས་ཀྱི་དབང་ཕྱུག་ཆེན་མོ་ཆོས་ཀྱི་དབྱིངས་ལས་གཟུགས་ཀྱི་སྐུར་བཞེངས་ཏེ་བྱོན་པར་(བསམ་ཞིང༌།  སྤྱན་འདྲེན་པ་ནི།)  ཕེཾ༔  ཁྱབ་གདལ་ནམ་མཁའི་ཁོར་ཡུག་ནས༔   (3བ)སྲིད་པའི་དབང་མོ་ཆེན་མོ་ནི༔  དྲག་གཏུམ་ཟ་བྱེད་འཇིགས་པའི་སྐུ༔  དུར་ཕག་ནག་མོའི་སྐུར་བཞེངས་ལ༔  སྒྲུབ་པའི་གནས་འདིར་ད་ཚུར་བྱོན༔  དུག་གསུམ་འཁྲུགས་པའི་རྒྱུ་རྐྱེན་ལས༔  བྱུང་བའི་སྡེ་བརྒྱད་ནད་རིམས་གདོན༔  མ་ལུས་སྒྲོལ་འཇོམས་བསྲེག་བཟློག་གི༔  མངོན་སྤྱོད་མཛད་ཕྱིར་གཤེགས་སུ་གསོལ༔  བཛྲ་ས་མ་ཡ་ཛ་ཛ༔  (བཞུགས་སུ་གསོལ་བ་ནི།)  ཕེཾ༔  དུར་ཁྲོད་འབར་བའི་གཞལ་ཡས་འདིར༔  ཟ་བྱེད་ཆེན་མོ་འཁོར་དང་བཅས༔  དམ་ཚིག་ཡེ་ཤེས་དབྱེར་མེད་དུ༔  བཞུགས་ནས་མངོན་སྤྱོད་ཕྲིན་ལས་མཛོད༔  བཛྲ་ས་མ་ཡ་ཏིཥྛ་ལྷན༔  (ཕྱག་འཚལ་བ་ནི།)  ན་མོ༔  ཁམས་གསུམ་སྒྲོལ་བའི་མཐུ་མོ་ཆེ༔  འཁོར་འདས་ལྟོ་བར་ཆུབ་སྦུམ་མ༔  སྲིད་པའི་དུར་ཕག་ཆེན་མོ་ལ༔  གདུག་པ་འདུལ་ཕྱིར་ཕྱག་འཚལ་ལོ༔  ན་མོ་ན་མ་ཧོཿ (མཆོད་པ་འབུལ་བ་ནི།)  ཛཿ སྲིད་པའི་དུར་ཕག་ཆེན་མོ་ལ༔  ཉེར་སྤྱོད་བདུན་གྱི་མཆོད་པ་འབུལ༔  འདོད་ཡོན་ལྔ་ཡི་མཆོད་པ་འབུལ༔  སྨན་གཏོར་རཀྟའི་མཆོད་པ་འབུལ༔  དགྲ་བགེགས་ཤ་ཁྲག་སྲོག་གིས་མཆོད༔  དུག་གསུམ་རྒྱུ་རྐྱེན་ལས་བྱུང་བའི༔  གདུག་པ་བསྒྲལ་བའི་མཆོད་པ་འབུལ༔  བཞེས་ནས་འཇིག་(4ན)རྟེན་བདེ་བར་མཛོད༔  ཨོཾ་བཛྲ་ཨརྒྷཾ་པཱདྱཾ་(སོགས་ནས་)ཤཔྡ་རཱུ་སོགས་སྤརྴེ་སརྦ་པཉྩ་ཨ་མྲྀ་ཏ་རཀྟ་བ་ལིཾ་ཏ་མ་ཧཱ་མཱཾ་ས་རཀྟ་ཙིཏྟ་ལ་ཁཱ་ཧི༔  (བསྟོད་པ་ནི།)  ཕེཾ༔  དུས་གསུམ་སངས་རྒྱས་ཀུན་བསྐྱེད་ཡུམ༔  སྐུ་དང་ཡེ་ཤེས་ལྷུན་གྲུབ་རྫོགས༔  ཆོས་རྣམསཆོས་ཉིད་ཀློང་སྒྲོལ་མ༔  བདག་ལྟའི་རུ་ཏྲ་འཁོར་བའི་སྡེ༔  བདག་མེད་རོལ་པར་རོལ་བྱེད་མ༔  ཟ་བྱེད་ཆེན་མོ་ཁྱོད་ལ་བསྟོད༔  (འཛབ་བཟླ་བ་ནི།)  ཧཱུྃ༔  ཟ་བྱེད་ཕག་མོའི་ཐུགས་ཀ་རུ༔  ཉི་ཟླའི་གྭའུ་ཁ་སྦྱོར་ནང་༔  ཧཱུྃ་མཐར་སྔགས་ཀྱི་ཕྲེང་བས་བསྐོར༔  བཟླས་པས་ཐུགས་དམ་བརྒྱུད་བསྐུལ་ཏེ༔  དགྲ་བགེགས་སྡེ་བརྒྱད་ནད་རིམས་གདོན༔  ས་བདག་ཀླུ་གཉན་གནོད་བྱེད་ཀུན༔  མེ་རླུང་དུག་གི་སྤུ་གྲིས་བསད༔  སྤྲུལ་པ་ཕག་རྒོད་འབར་བ་ཡིས༔  རྗེས་ཤུལ་མེད་པར་ཟོས་པར་གྱུར༔  ཧཱུྃ་ཌཱ་ཀི་ནི་ཕེ་ཁྱིམ་ཕེཾ་ཛ༔  (ཞེས་གཙོ་བོར་བཟླ་ཞིང༌།  མཐར་ལས་སྔགས་ནི།)  གནོད་བྱེད་སརྦ་ཤ་ཏྲཱུཾ་མཱ་ར་ཡ་རྦད་བྷྱོམ་ཛྭ་ལ་རཾ་པ་ཡེ་སྭཱ་ཧཱ༔  (ཞེས་ཤམ་བུ་སྦྱར་ལ་བཟླ།  གཞན་དུ་གནོད་བྱེད་སརྦ་ཤ་ཏྲཱུཾ་གྱི་མལ་དུ།  གནོད་བྱེད་གཉན་པརྤ་ཏའམ།  ནཱ་ག་ཙི་ཙི་ཛྭ་ལའམ།  སརྦ་ཛྭ་རའམ།  ཏྲི་རཱ་ཛའམ།  བྱད་མ་རྦོད་གཏོང་(སོགས་(4བ)  གང་འདོད་དུ་ཁ་བསྒྱུར་བས་ཆོག་གོ  །ཐུན་མཚམས་སུ་གཏོར་མ་འབུལ་བ་ནི།  དམར་གཏོར་ཤ་ཁྲག་གིས་བརྒྱན་པར་རཀྟས་བྲན་ལ།  བདེན་སྟོབས་བརྗོད་པ་སྤྱི་ལྟར་ལས།)  ཁྱད་པར་དབང་ཆེན་རྟ་མགྲིན་ཡང་ཁྲོས་ནག་པོ་སྒྲོལ་ཡུམ་དུར་ཕག་ནག་མོ་སྤྲུལ་པ་ལས་མཁན་ཕོ་ཉའི་དམག་ཚོགས་འཁོར་དང་བཅས་པ་རྣམས་ཀྱི་བཀའ་བདེན་པ་དང༌།  བདེན་པ་ཆེན་པོའི་མཐུ་ལ་བརྟེན་ནས།  བདག་ཅག་དཔོན་སློབ་ཡོན་མཆོད་འཁོར་དང་བཅས་པའི་ཚེ་ལ་བརྐུ་བ༔  སྲོག་ལ་འཇབ་པ༔  བླ་ལ་ཁྱེར་བ༔    ཡིད་ལ་བརྣག་པ༔  མི་ལ་ན་ཚ༔  ཕྱུགས་ལ་གོད་ཁ་སོགས་གཏོང་བའི་རྒྱལ་འགོང་བསེན་མོ་དམ་སྲི་འབྱུང་པོ་ནད་བདག་ཡམས་བདག་གནོད་ཅིང་འཚེ་བ་ཐམས་ཅད་ཤ་ཁྲག་དམར་གྱི་གཏོར་མ་འདི་ལ་ཁུག་ཅིག༔  ཧཱུྃ་ཌཱ་ཀི་ནི་ཕེ་ཁྱི་མ་ཕེཾ༔  ཛཿནྲྀ་ཏྲི་བཛྲ་ཨངྐུ་ཤ་ཛཿ ཛཿཧཱུྃ་བཾ་ཧོཿ (ཞེས་ལན་གསུམ་སོགས་ཀྱིས་བཀུག་ལ།)  དབྱིངས་ནས་ཐུན་ཚོན་སྣ་ཚོགས་ཀྱི་ཆར་བབས་པས་དམིགས་བྱའི་གཟུགས་ཕུང་ཚལ་པ་དུམ་བུ་ཐལ་བའི་རྡུལ་ཕྲན་བཞིན་དུ་བརླག་པར་(བསམ།)  ཨོཾ་ཨཱཿཧཱུཾ༔  ཧོཿ(ས་བདུད་རྩིར་སྦར་ནས།)  དགྲ་བགེགས་བསྒྲལ་བའི་ཤ་རི་ཁྲག་མཚོ་དེ་ཉིད་སྒྲོལ་བྱེད་དུར་ཕག་ནག་མོས་ཁྱི་ལྟོག་གིས་ཤ་ཟན་རོལ་པ་བཞིན་ཧབ་ཧབ་མྱག་མྱག་ཏུ་གསོལ་བར་(བསམ་ཞིང༌།)  (5ན)མ་མ་ཕེ་ཁྱི་མ་ཨི་ངཾ་བ་ལིཾ་ཏ་ཁཱ་ཧི༔  མ་ཧཱ་མཱཾ་ས་ཁཱ་ཧི༔  མ་ཧཱ་རཀྟ༴   མ་ཧཱ་ཙིཏྟ༴   མ་ཧཱ་བ་སུ་ཏ༴   མ་ཧཱ་ཀེཾ་ནི་རི་ཏི༴   གནོད་བྱེད་གཉན་དང་ཀླུ་གདོན་ནད་རིམས་ཡམས་ནད་ཐམས་ཅད་མཱ་ར་ཡ་ཛྭ་ལ་རཾ་ཁཱ་ཧི༔    (ཞེས་ལན་བདུན་ནམ་གསུམ་གྱིས་བསྟབ་ལ།)  ཛཿབྷྱོ༔  འཁོར་འདས་ཡོངས་ཀྱི་ཁྱབ་བདག་མོ༔  འབྱུང་བ་ལྔ་ཡི་དབང་ཕྱུག་མ༔  མ་ངེས་སྤྲུལ་པའི་གར་མཁན་མོ༔  དགའ་ན་གདོད་མའི་སངས་རྒྱས་སྟོན༔  འཁྲུགས་ན་ངན་འགྲོའི་ཆད་པ་གཅོད༔  ལེགས་ཉེས་གཉིས་ཀྱི་གཉེར་ཁ་འཛིན༔  སྲིད་པའི་དུར་ཕག་མགོ་དགུ་མ༔  ཁྱོད་ཀྱི་ཐུགས་དམ་བསྐང་བའི་ཕྱིར༔  འདོད་ཡོན་ལྔ་ཡི་གཏོར་མ་འབུལ༔  བཞེས་ནས་རྣལ་འབྱོར་བདག་སྐྱོངས་ཤིག༔  ཤ་ཁྲག་དམར་གྱིས་གཏོར་མ་འབུལ༔  བཞེས་ནས་དགྲ་བགེགས་རྡུལ་དུ་རློག༔  དགྲ་བགེགས་གནོད་བྱེད་མ་ལུས་པ༔  ཞལ་དུ་བསྟབ་བོ་བཞེས་མཛོད་ལ༔  དྲག་པོ་མངོན་སྤྱོད་ཕྲིན་ལས་ཀྱིས༔  གནོད་བྱེད་དགྲ་བགེགས་ཚར་ཆོད་ཅིག༔  དུས་ལ་བབ་བོ་ས་མ་ཡ༔  (ཞེས་ཕྲིན་ལས་གསོལ།  དེ་ནས་ཐུགས་དམ་བསྐུལ་ཞིང་བཟློག་པའི་ཕྲིན་ལས་བཅོལ་བ་ནི།)  ཧཱུཾ་ཕེཾ་ཛཿ གནམ་ལྕགས་འཁོར་ལོ་འབར་བའི་གདན་སྟེང་དུ༔  མྱོས་(5བ)བྱེད་དུག་གི་མེ་ཏོག་པདྨ་ལ༔  མ་མོ་མཁའ་འགྲོ་ཡོངས་འདུས་བདག་ཉིད་དཔལ༔  ཟ་བྱེད་སྲིད་པའི་དུར་ཕག་མགོ་དགུ་མ༔  སྟེང་གི་ཞལ་གསུམ་གྱེན་དུ་བལྟ་བ་ཡིས༔  ཁམས་གསུམ་ལྷ་ཡི་གདོན་ཚོགས་ཧབ་ཀྱིས་ཟ༔  བར་ཞལ་གསུམ་གྱིས་བར་སྣང་བལྟ་བ་ཡིས༔  སྡེ་བརྒྱད་ལྷ་འདྲེའི་གདོན་ཚོགས་མ་ལུས་ཟ༔  འོག་གི་ཞལ་གསུམ་ཐུར་དུ་བལྟ་བ་ཡིས༔  ཀླུ་གཉན་ས་བདག་གདོན་ཚོགས་ཟས་སུ་ཟ༔  མེ་རླུང་དུག་གི་འཚུབས་མ་ཕྱོགས་བཅུར་འཕྲོ༔  ནད་རིམས་ཡམས་ནད་ཐམས་ཅད་བསྲེགས་ཤིང་གཞོམ༔  རྐང་བཞིས་སྐྱེ་བ་རྣམ་བཞིའི་སྒོ་འཕར་གཅོད༔  མཇུག་མས་ཁམས་གསུམ་འཁོར་བའི་སྐྱེ་རྒྱུད་གཅོད༔  སྤྲུལ་པ་ཕག་ཁྱུང་འབར་བའི་ཁྲ་ཐབས་ཀྱིས༔  ཐོགས་བཅས་ཐོགས་མེད་དགྲ་བགེགས་ཐམས་ཅད་སྒྲོལ༔  བསྐུལ་ལོ་ཐུགས་དམ་གཉན་པོ་གནད་ནས་བསྐུལ༔  མངོན་སྤྱོད་དྲག་པོའི་ཕྲིན་ལས་དུས་ལ་བབ༔  བྷྱོ་ཛཿ ང་རྒྱལ་ལས་བྱུང་ལྷ་ཡི་གདོན་ཚོགས་རྣམས༔  སྲིད་པའི་དུར་ཕག་ནག་མོའི་སྟོབས་ཀྱིས་ཟློག༔  ཕྲག་དོག་ལས་བྱུང་ལྷ་མིན་གདོན་ཚོགས་ཀུན༔  སྲིད་པའི་དུར་ཕག་ནག་མོའི་སྟོབས་ཀྱིས་ཟློག༔  དུགལྔ་ལས་གྱུར་མི་ཡིས་རྒོལ་ངན་ཀུན༔  སྲིད་པའི་དུར་(6ན)ཕག་ནག་མོའི༴   གཏི་མུག་ལས་བྱུང་དུད་འགྲོས་རྒོལ༴   སྲིད་པའི༴   འདོད་ཆགས་ལས་བྱུང་ཡི་དྭགས་གདོན་ཚོགས་ཀུན༔  སྲིད་པའི་དུར་ཕག༴   ཞེ་སྡང་ལས་བྱུང་དམྱལ་བའི་གནོད་འཚེ་ཀུན༔  སྲིད་པའི༴   སྲིད་པ་ལྷ་ཡིས་རྒོལ་ངན་་གནོད་འཚེ་ཀུན༔  སྲིད་པའི་དུར༴   འཆི་བདག་གཤིན་རྗེས་རྒོལ་ངན་གནོད༴   སྲིད་པའི་དུར༴   མ་མོ་མཁའ་འགྲོས་རྒོལ༴   སྲིད་པའི་དུར༴   ནག་པོ་བདུད་ཀྱིས་རྒོལ་ངན༴   སྲིད་པའི་དུར༴   རཀྟ་སྲིན་པོས་རྒོལ་ངན༴   སྲིད་པའི་དུར༴   དམར་པོ་བཙན་གྱིས༴   སྲིད་པའི༴   འཇིགས་བྱེད་གནོད་སྦྱིན༴   སྲིད་པའི་དུར༴   ཀླུ་གཉན་བདག༴   སྲིད་པའི༴    རཱ་ཧུ་ལ་ཡིས༴  སྲིད་པའི༴   རྡོ་རྗེ་ལེགས་པས༴   སྲིད་པའི༴   གནམ་ཐེའུ་དཀར་པོས༴   སྲིད་པའི༴   བར་ཐེའུ་ཁྲ་བོས༴   སྲིད་པའི༴   སཐེའུ་ནག་པོས༴   སྲིད་པའི༴   གཞི་བདག་ཡུལ་ལྷས༴   སྲིད་པའི༴    མི་མ་ཡིན་གྱིས༴  སྲིད་པའི༴   བྱད་མ་རྦོད་གཏོད་རྒོལ༴   སྲིད་པའི༴   གྲི་སྲི་ཕོ་མོས༴   སྲིད་པའི༴   སྔོན་ལས་འཕྲལ་རྐྱེན་ངན་པ་ཐམས་ཅད་ཀུན༴   སྲིད་པའི༴   མི་ཡི་ན་ཚ་ཕྱུགས་ཀྱི་གོད་ཡམས་ཀུན༔   (6བ)སྲིད་པའི༴   མོ་རྩིས་རྨི་ལྟས་མཚན་མ་ངན་པ་ཀུན༔  སྲིད་པའི༴   འཇིགས་པ་ཆེན་པོ་བརྒྱད་དང་བཅུ་དྲུག་ཀུན༔  སྲིད་པའི་དུར་ཕག་ནག་མོའི་སྟོབས་ཀྱིས་ཟློག༔  སྡང་བར་བྱེད་པའི་དགྲ་བོའི་སྟེང་དུ་བསྒྱུར༔  གནོད་པར་བྱེད་པའི་བགེགས་ཀྱི་སྟེང་དུ་བསྒྱུར༔  སངས་རྒྱས་བསྟན་བཤིག་ལག་དམར་སྟེང་དུ༴   དཀོན་མཆོག་དབུ་འཕང་སྨད་པའི༴   སྲིད་པའི་དུར་ཕག་ནག་མོའི་སྟོབས་ཀྱིས་བསྒྱུར༔  ཆོས་ཉིད་རྣམ་དག་བདེན་པའི་སྟོབས་ཀྱིས་ཟློག༔  རྒྱུ་འབྲས་ཟབ་མོའི་སྟོབས་ཀྱིས་ཟློག༔  ཨེ་ས་མ་ཡ་བྷྱོ་བྷྱོ་ཟློག་ཟློག༔  མཱ་ར་ཡ་ཕཊ་རྦད་ནན་བྷྱོ་ཟློག༔  (ཅེས་བཟློག་པའི་ཕྲིན་ལས་བསྐུལ་ལོ།  །)
(གཉིས་པ་ཟ་བྱེད་ལྕགས་སྡིག་ནག་པོའི་ཕྲིན་ལས་ནི།   མདུན་རྟེན།)  སྭ་བྷཱ་ཝ་(ས་སྟོང་པར་སྦྱང༌།)  སྟོང་པའི་ངང་ལས་ཡཾ་ལས་རླུང་གི་དཀྱིལ་འཁོར་གྲུ་གསུམ་པའི་སྟེང་དུ༔  རཾ་ལས་བསྐལ་པའི་མེ་དཔུང་དམར་ནག་རབ་ཏུ་འབར་བའི་ཀློང་དུ་ཡི་གེ་དུ་ནག་པོ་འོད་ཀྱི་ཐིག་ལེའི་སྦུབས་སུ་གནས་པ་ལས་འོད་འཕྲོས་པས༔  ཕྱོགས་བཅུ་དུས་གསུམ་གྱི་རྒྱལ་བ་སྲས་དང་བཅས་པ་ཐམས་ཅད་ལ་མཉེས་པའི་མཆོད་པ་ཕུལ་ཞིང་ཐུགས་དམ་གྱི་རྒྱུད་བསྐུལ༔  སྐུ་གསུང་ཐུགས་ཡོན་ཏན་ཕྲིན་(7ན)ལས་མི་ཟད་པ་རྒྱན་གྱི་འཁོར་ལོ་ཐམས་ཅད་འོད་ཟེར་གྱི་རྣམ་པར་ཚུར་འདུས་ཏེ་སྲོག་ཡིག་ལ་ཐིམ༔  ཡང་འོད་ཟེར་ཕྱོགས་བཅུར་འཕྲོས་པས་དགྲ་བགེགས་གདུག་པ་ཅན་སྡང་སེམས་དང་ལྡན་པ་རྣམས་ཚར་བཅད༔  དེ་དག་ཚེ་དང་བསོད་ནམས་མཐུ་སྟོབས་ནུས་པ་ཐམས་ཅད་ཚུར་འདུས་སྲོག་གི་ཡི་གེ་ལ་ཐིམ༔  དེ་ཡོངས་སུ་གྱུར་པ་ལས་ལྕགས་ཀྱི་སྡིག་པ་ནག་པོ་མགོ་དགུ་ཁ་དགུ་རྭ་ཅོ་བརྒྱད་ཡོད་པ་མགོ་ལུས་མེད་པར་མིག་དང་གཉེར་མས་གང་བ༔  ཁ་ནས་དུག་ཁྲག་དང་ནད་ཀྱི་སྐྱེན་མདའ་འཕེན་པ༔  མེ་ལས་མེ་སྟག་འཕྲོ་བ་བཞིན་དུ་སྡིག་པའི་ཚྭ་ཚྭ་སྐར་ལྟར་འཁྲིགས་པས་རྒྱལ་བསེན་གདུག་པའི་སྙིང་ཁྲག་རྡུབ་པ༔  ཡེ་ཤེས་ཀྱི་མེ་དཔུང་དམར་ནག་འབར་བའི་ཀློང་དུ་གསལ་བར་གྱུར༔  དེ་ལས་འོད་ཟེར་འཕྲོས་པས་ཕྱོགས་བཅུ་དུས་གསུམ་གྱི་རྒྱལ་བ་སྲས་དང་བཅས་པ་ཐམས་ཅད་ཆོས་ཀྱི་དབྱིངས་ནས་གཟུགས་ཀྱི་སྐུ་ལྕགས་སྡིག་མགོ་དགུ་མེ་འབར་གྱི་རྣམ་པ་ཅན་དུ་བཞེངས་ནས་རྒྱ་མཚོ་ཆེན་པོ་ལ་ཁ་ཆར་བབས་པ་ལྟར་དམ་ཚིག་པ་ལ་གཉིས་མེད་དུ་ཐིམ་པར་(བསམ་ཞིང༌།  སྤྱན་འདྲེན་པ་ནི།)  ཧཱུྃ༔  སྐུ་གསུམ་རྒྱལ་བའི་ཞིང་ཁམས་ནས༔  རྟ་མགྲིན་ཡང་ཁྲོས་ནག་པོ་དང་༔  དུས་(7བ)གསུམ་རྒྱལ་བ་སྲས་དང་བཅས༔  ལྕགས་སྡིག་ནག་པོའི་སྐུར་བཞེངས་ལ༔  གནས་འདིར་སྤྱན་འདྲེན་གཤེགས་སུ་གསོལ༔  འོག་མིན་སྟུག་པོ་བཀོད་པ་ནས༔  བུདྡྷ་རིགས་ཀྱི་དཀྱིལ་འཁོར་ལྷ༔  ལྕགས་སྡིག་ནག་པོའི་སྐུར་བཞེངས་ལ༔  གཏི་མུག་གཞོམ་ཕྱིར་གཤེགས་སུ་གསོལ༔  ཤར་ཕྱོགས་མངོན་དགའི་ཞིང་ཁམས་ནས༔  རྡོ་རྗེ་རིགས་ཀྱི་དཀྱིལ་འཁོར་ལྷ༔  ལྕགས་སྡིག་ནག་པོའི༴    ཞེ་སྡང་གཞོམ་ཕྱིར༴  ལྷོ་ཕྱོགས་དཔལ་ལྡན་ཞིང་ཁམས་ནས༔  རིན་ཆེན་རིགས་ཀྱི་དཀྱིལ་འཁོར་ལྷ༔  ལྕགས་སྡིག་ནག་པོའི༴   ང་རྒྱལ་གཞོམ་ཕྱིར༴   ནུབ་ཕྱོགས་བདེ་ཆེན་ཞིང་ཁམས་ནས༔    པདྨ་རིགས་ཀྱི་དཀྱིལ་འཁོར་ལྷ༔  ལྕགས་སྡིག་ནག་པོའི༴   ང་རྒྱལ་གཞོམ་ཕྱིར༴   ནུབ་ཕྱོགས་བདེ་ཆེན་ཞིང་ཁམས་ནས༔    པདྨ་རིགས་ཀྱི་དཀྱིལ་འཁོར་ལྷ༔    ལྕགས་སྡིག་ནག་པོའི༴   འདོད་ཆགས་གཞོམ་ཕྱིར༴   བྱང་ཕྱོགས་ལས་རབ་ཞིང་ཁམས་ནས༔      ཀརྨ་རིགས་ཀྱི་དཀྱིལ་འཁོར་ལྷ༔      ལྕགས་སྡིག་ནག་པོའི༴   ཕྲག་དོག་གཞོམ་ཕྱིར༴   དབང་དྲག་རོལ་པའི་དཀྱིལ་འཁོར་ནས༔  གུ་རུ་དྲག་པོའི་ལྷ་ཚོགས་རྣམས༔  ལྕགས་སྡིག་ནག་པོའི་སྐུར་བཞེངས་ལ༔  རྒྱལ་བསེན་གཞོམ་ཕྱིར ༴   ཆོས་ཉིད་རོལ་པའི་ཀློང་ཡངས་ནས༔  ཡེ་ཤེས་སྒྱུ་འཕྲུལ་རྟེན་བརྟེན་པ༔  མི་མངོན་དབྱིངས་(8ན)ནས་སྐུར་བཞེངས་ལ༔  རྒྱལ་བསེན་འཇོམས་ཕྱིར༴   མཐའ་དམག་བཟློག་ཕྱིར༴    ནད་རིམས་འཇོམས་ཕྱིར༴  གོད་ཡམས་བཟློག་ཕྱིར༴   རྦོད་གཏོང་བཟློག་ཕྱིར༴   མུ་གེའི་བསྐལ་པ་ངན་པ་དང༌།  འཁྲུག་རྩོད་མཚོན་བསྐལ་བཟློག་པའི་ཕྱིར༔  གཞན་གྱིས་མི་ཐུབ་དྲག་ཤུལ་ཅན༔  ཟ་བྱེད་ལྕགས་སྡིག་ནག་པོའི་སྐུར༔  བཞེངས་ནས་གནས་འདིར་གཤེགས་སུ་གསོལ༔  གུ་རུ་དེ་ཝ་ཌཱ་ཀི་ནཱི་ནག་པོ་ཏི་པ་རཱ་ཛ་བཛྲ་མ་ཡ་ཛ་ཛ༔  (བཞུགས་སུ་གསོལ་བ་ནི།)  ཧཱུཾ༔  བདག་ལྟའི་རུ་ཏྲ་བསྒྲལ་བའི་ཁྲིར༔  ཟ་བྱེད་ཆེན་པོ་བཞུགས་སུ་གསོལ༔  སྒྲོལ་བྱེད་ཆེན་པོ་བཞུགས་སུ་གསོལ༔  འཇིགས་བྱེད་ཆེན་པོ༴   གསོད་བྱེད་ཆེན་པོ་བཞུགས་སུ་གསོལ༔  བཞུགས་ནས་དྲག་པོའི་ཕྲིན་ལས་མཛོད༔  བཛྲ་ས་མ་ཡ་ཏིཥྛ་ལྷན༔  (ཕྱག་འཚལ་བ་ནི།)  ན་མོ༔  རྒྱལ་ཀུན་ཕྲིན་ལས་མངའ་བདག་ལ༔  བསྐལ་ངན་བཟློག་ཕྱིར་ཕྱག་འཚལ་ལོ༔  དགྲ་བགེགས་སྒྲོལ་ཕྱིར༴   ཕྲིན་ལས་སྒྲུབ་ཕྱིར་ཕྱག་ཀྱང་འཚལ༔  ན་མོ་པཱུ་རུ་ཤ་ཡ་ཧོ༔  (མཆོད་པ་འབུལ་བ་ནི།)  ཧཱུཾ༔  བདག་འཛིན་རུ་ཏྲ་བསྒྲལ་བ་ལས༔  དམར་ཆེན་ཁྲག་གི་ཨརྒྷཾ་དང་༔  དབང་ལྔའི་མེ་ཏོག་ཤ་(8བ)ཚིལ་སྤོས༔  ཞུན་ཆེན་མར་མེ་མཁྲིས་པའི་དྲི༔  ཤ་རུས་ཞལ་ཟས་སྣ་ཚོགས་པ༔  འཇིགས་བྱེད་ཆེན་པོ་ཁྱེད་ལ་འབུལ༔  ཉོན་མོངས་དུག་ལྔ་དུག་གསུམ་དང་༔  འབྲེལ་བའི་གདོན་བགེགས་ལོག་འདྲེན་གྱི༔  ཤ་ཁྲག་སྲོག་དབུགས་ཕུང་པོ་ལྔ༔  ཁམས་དང་སྐྱེ་མཆེད་དབང་ཡུལ་བཅས༔  འཇིགས་བྱེད་ཆེན་པོ་ཁྱོད་ལ་འབུལ༔  ཤ་ཁྲག་དམར་གྱི་གཏོར་མ་འབུལ༔  དམ་རྫས་རྒྱན་གྱི་གཏོར་མ༴   འདོད་ཡོན་རྒྱན་གྱི་མཆོད་འབུལ་བཞེས༔  བཞེས་ནས་གདུག་པ་ཀུན་འདུས་མཛོད༔  ཨོཾ་བཛྲ་ཨརྒྷཾ་(སོགས་ནས།)  ཤཔྡ་མ་ཧཱ་མཱཾ་ས་རཀྟ་ཀིཾ་ནི་རི་ཏི་ཙིཏྟ་བ་སུ་ཏ་སརྦ་པཱུ་ཛ་ཧོ༔  རཱུ་པ་ཤཔྡ་གྷནྡྷེ་ར་ས་སྤརྴེ་པྲ་ཏཱི་ཙྪ་པཱུ་ཛ་ཧོཿ(བསྟོད་པ་ནི།)  ཧཱུྃ༔  དུས་གསུམ་རྒྱལ་དང་རྒྱལ་སྲས་ཐམས་ཅད་ཀྱི༔  ཕྲིན་ལས་མཐུ་སྟོབས་ནུས་པ་གཅིག་བསྡུས་པ༔  མི་སྲུན་དྲག་ཤུལ་རྔམས་པའི་སྐུར་སྟོན་ཅིང་༔  རྒྱལ་བསེན་དམ་སྲིའི་གཤེད་དུ་ལྷུན་གྱིས་གྲུབ༔  འཇིགས་བྱེད་ཆེན་པོ་ཁྱེད་ལ་ཕྱག་འཚལ་བསྟོད༔  རྩ་ཞལ་གསུམ་གྱིས་གདོན་གསུམ་ཟས་སུ་རོལ༔  རྭ་ཡིས་སྟེང་གི་ལྷ་གདོན་ཐམས་ཅད་འབིགས༔  གཡས་ཞལ་གསུམ་གྱིས་གཉན་དང་སྡེ་བརྒྱད་འཇོམས༔  གཡོན་ཞལ་གསུམ་(9ན)གྱིས་དུས་འཁྲུགས་མཚོན་བསྐལ་གཞོམ༔  མཇུག་མ་བྱ་རོག་གདོང་གིས་ཀླུ་གདོན་ཟ༔  བསྐལ་པའི་མེ་འབར་སྲིད་གསུམ་གདུག་པ་བསྲེགས༔  དུག་གི་རླངས་པས་སྨོན་ལོག་དགྲ་འདྲེ་གསོད༔  སྤྱན་མིག་སྟོང་གིས་ཁམས་གསུམ་ས་ལེར་གཟིགས༔  སྤྲུལ་པ་དུག་མཚོན་ཐུན་གྱི་ཡོ་ལང་འགྱེད༔  སྤྲུལ་པའི་ལྕགས་སྡིག་མེ་སྟག་བཞིན་དུ་འཕྲོ༔  སྲིད་གསུམ་གདུག་པ་འདུལ་མཛད་ཁྱོད་ལ་བསྟོད༔  སྤྲོས་བྲལ་ཆོས་དབྱིངས་ངང་ལས་མ་གཡོས་ཀྱང་༔  གདུལ་དཀའ་འདུལ་ཕྱིར་ཐབས་ཀྱི་སྐུར་སྟོན་ཅིང་༔  ཁྱད་པར་ཞིང་བཅུའི་སྲོག་གི་གཤེད་དུ་བཞེངས༔  འཁོར་བའི་རྒྱུ་རྐྱེན་གསོད་པའི་ཕོ་ཉ་བ༔  འགོང་པོ་སྤུན་དགུའི་གཤེད་པོ་ཁྱོད་ལ་བསྟོད༔  བདག་དང་བསྟན་འགྲོ་ཡོངས་ལ་འཚེ་བྱེད་པའི༔  སྨོན་ལམ་ལོག་པའི་དགྲ་འདྲེའི་སྙིང་ཁྲག་འཐུང་༔  ཉོན་མོངས་དུག་ལྔའི་རྒྱུད་དུ་འཁྲུལ་པ་ཡི༔  བག་ཆགས་ལས་ཀྱི་རྣམ་སྨིན་འབྲས་བུ་ལས༔  སྐྱེ་འགྲོའི་སྲོག་ལ་རྒྱུ་ཞིང་དུས་ཀུན་ཏུ༔  ལས་རླུང་རྟར་ཞོན་གདུག་རྩུབ་མཚོན་ཐོགས་ཏེ༔  དལ་མེད་སྲིད་པའི་ཁམས་སུ་རྒྱུ་བ་ཡིས༔  ཐར་མེད་ལས་ཀྱི་ས་བོན་འདེབས་མཆིས་པའི༔  མ་རིག་འདྲེ་གདོན་རྒྱལ་བསེན་བདུད་དམ་སྲི༔   (9བ)གཞན་གྱིས་ཐུལ་དཀའ་འཇིགས་བྱེད་ཁྱོད་ལ་གཏད༔  མ་ཤོར་ཉོན་མོངས་འཁྲུལ་པའི་གཞི་རྩ་བཤིག༔  ཁམས་གསུམ་འཁོར་བའི་སྐྱེ་རྒྱུད་གཅོད་པར་མཛོད༔  དམ་ཚིག་དུས་ལ་བབ་བོ་ས་མ་ཡ༔  (ཞེས་བསྟོད།  འཛབ་བཟླ་བ་ནི།)  དུས་གསུམ་སངས་རྒྱས་ཐམས་ཅད་ཀྱི་མཐུ་སྟོབས་ནུས་པ་མ་ལུས་པ་གཅིག་ཏུ་བསྡུས་ཏེ་ལྕགས་སྡིག་ནག་པོའི་རྣམ་པར་ཤར་བའི་སྙིང་གར་ཧཱུཾ་ནག་པོ་མེ་འབར་བའི་མཐར་སྔགས་ཕྲེང་འོད་དམར་གྱི་ཟེར་ཐག་མགལ་མེའི་འཁོར་ལོ་ལྟར་སྒ་ར་ར་གཡས་སུ་འཁོར་བ་ལས་འོད་ཟེར་དཔག་ཏུ་མེད་པ་འཕྲོས་པས་འཁོར་འདས་ཀྱི་དྭངས་བཅུད་མཐུ་ནུས་ཐམས་ཅད་བསྡུས་ཏེ་ལྕགས་སྡིག་ལ་ཐིམ་པས་བཀྲག་མདངས་གཟི་བརྗིད་བསྐལ་པའི་མེ་ཡི་ཕུང་པོ་ལྟར་རབ་ཏུ་རྒྱས་ཤིང་འབར་བར་བསམ་ལ།  ཨོཾ་ཧཱུྃ་ཏྲཱཾ་ཧྲཱིཿཨཱཿཏི་པ་ཀ་ལ་རཱ་ཛ་ཕེཾ་ཕེཾ་ཛ་ཛ༔  (ཞེས་ཅི་ནུས་སུ་བཟླ་བ་བསྙེན་པ་དང༌།  ལས་སྦྱོར་དྲག་སྔགས་ནི།)  ཨོཾ་ཧཱུྃ་ཏྲཱཾ་ཧྲཱིཿཨཱཿ ནག་པོ་ཏི་པ་རཱ་ཛ་ས་མ་ཡ་རྦད་བྷྱོ༔  ཏྲི་རཱ་ཛ་རྒྱལ་པོའི་ཙིཏྟ་ཟུངས་ཟུངས༔  བསེན་མོའི་སྲོག་ལ་ཡ་རྦདཿ ཡ་ཏྲི་ཡ༔  ཡ་ཏྲི་ཡ༔  མ་ཏྲི་ཡ༔  མ་ཏྲི་ཡ༔  མ་ཞུ་ཏྲི་ཡ༔  མ་ཞུ་ཏྲི་ཡ༔  ཏྲི་རཱ་ཛ་རྒྱལ་བསེན་གདུག་པའི་བླ་ལ་རྦད་རྦད༔  ཚེ་ལ་རྦད་རྦད༔  སྲོག་ལ་རྦད་རྦད༔  དུ་ཏྲི་(10ན)ཀ་ལ་རཱུ་པ་གནོད་བྱེད་འབྱུང་པོ་ཐམས་ཅད་མཱ་ར་ཡ་སོད་སོད་རྦད་བྷྱོ༔  མཱཾ་ས་རཀྟ་ཙིཏྟ་བ་སུ་ཏ་ཀེཾ་ནི་རི་ཏི་ལ་ཁཱ་ཧི་ཛྭ་ལ་རཾ་པ་ཡེ་སྭཱ་ཧཱ་༔  (ཞེས་བསྙེན་པའི་བཅུ་ཆ་ཙམ་བཟླ།  ཐུན་མཚམས་སུ་གཏོར་མ་འབུལ་བ་ནི།  དམར་གཏོར་ཤ་ཁྲག་གིས་བརྒྱན་པར་རཀྟས་བྲན་ལ།  བདེན་སྟོབས་བརྗོད་པ་སྤྱི་ལྟར་ལས)  ཁྱད་པར་དབང་ཆེན་རྟ་མགྲིན་ཡང་ཁྲོས་ནག་པོ་ལས་མཁན་ཟ་བྱེད་ལྕགས་སྡིག་ནག་པོ་སྤྲུལ་པ་ཕོ་ཉའི་དམག་ཚོགས་འཁོར་དང་བཅས་པ་རྣམས་ཀྱིས་བཀའ་བདེན་པ་དང༌།  བདེན་པ་ཆེན་པོའི་མཐུ་ལ་བརྟེན་ནས།  བདག་ཅག་དཔོན་སློབ་ཡོན་མཆོད་འཁོར་དང་བཅས་པའི་ཚེ་ལ་བརྐུ་བ༔  སྲོག་ལ་འཇབ་པ༔  བླ་ལ་ཁྱེར་བ༔  ཡིད་ལ་བརྣག་པ༔  མི་ལ་ན་ཚ༔  ཕྱུགས་ལ་གོད་ཁ༔  བློ་ཉེས་འཁོན་འཁྲུགས༔    སྙིང་རླུང་སྨྱོ་འབོགས་སོགས་གཏོང་བའི་རྒྱལ་འགོང་བསེན་ཀེག་སྲི་སྨྱོ་འདྲེ་ཟ་འདྲེ་འབྱུང་པོ་གནོད་ཅིང་འཚེ་བ་ཐམས་ཅད་ཤ་ཁྲག་དམར་གྱི་གཏོར་མ་འདི་ལ་ཁུག་ཅིག༔    ཏི་པ་ཀ་ལ་རཱ་རྫ་ས་མ་ཡ་ནྲྀ་ཏྲི་བཛྲ་ཨངྐུ་ཤ་ཛཿ ཛཿཧཱུྃ་བཾ་ཧོ༔  (ཞེས་ལན་གསུམ་སོགས་ཀྱིས་བཀུག་ལ།)  དབྱིངས་ནས་ཐུན་མཚོན་སྣ་ཚོགས་ཀྱི་ཆར་བབས་པས་དམིགས་བྱའི་གཟུགས་ཕུང་ཚལ་པ་དུམ་བུ་ཐལ་བའི་རྡུལ་ཕྲན་བཞིན་དུ(10བ)བརླག་པར་(བསམ།)  ཨོཾ་ཨཱཿཧཱུཾ་ཧོཿ(ས་བདུད་རྩི་སྤར་ནས།)  དགྲ་བགེགས་བསྒྲལ་བའི་ཤ་རི་ཁྲག་མཚོ་དེ་ཉིད་ཟ་བྱེད་ལྕགས་སྡིག་ནག་པོས་ཁྱི་ལྟོག་གིས་ཤ་ཟན་རོལ་པ་བཞིན་ཧབ་ཧབ་མྱག་མྱག་ཏུ་གསོལ་བར་(བསམ་ཞིང༌།)  ནག་པོ་ཏི་པ་རཱ་ཛ་ས་མ་ཡ་གནོད་བྱེད་གདུག་པ་ཅན་གྱི་མ་ཧཱ་མཱཾ་ས་རཀྟ་ཙིཏྟ་ལ་ཁ་རཾ་ཁཱ་ཧི༔  (ཞེས་ལན་དགུར་ཕུལ་ནས།)  ཧཱུྃ༔  ཟ་གསོད་ལས་ཀྱི་ཕོ་ཉ་རྔམས་པའི་སྐུ༔  དྲག་ཤུལ་སྟོབས་ལྡན་ལྕགས་སྡིག་ནག་པོ་ཁྱོད༔  ཤ་ཁྲག་དམར་གྱི་གཏོར་མ་འདི་བཞེས་ལ༔  དྲག་ཁྲོས་རྔམས་པའི་ཚུལ་གྱིས་སྐུར་བཞེངས་ནས༔  རྭ་ཡིས་སྟེང་གི་ལྷ་གདོན་འདུལ་བར་མཛོད༔  མགོ་དགུས་ཕྱོགས་མཚམས་གདོན་ཚོགས་ཐམས་ཅད་ཐུལ༔  འགོང་པོ་སྤུན་དགུའི་སྡེ་དཔུང་ཆམ་ལ་ཕོབ༔  ཤ་ཁྲག་ཕུང་ཁམས་སྐྱེ་མཆེད་ཟས་སུ་རོལ༔  རྣམ་ཤེས་འཁྲུལ་མི་ཤེས་པའི་དབྱིངས་སུ་སྤོར༔  བདག་སོགས་སྙིགས་མ་ལྔ་བདོའི་སེམས་ཅན་གྱི༔  མི་བཟོད་སྡུག་བསྔལ་ན་ཚ་རྐྱེན་སྣང་ཀུན༔  ཞི་བཟློག་གཞོམ་པའི་ཕྲིན་ལས་ད་མཛོད་ཅིག༔  ཐུགས་དམ་དུས་ལ་བབ་བོ་ས་མ་ཡ༔  (ཞེས་ཕྲིན་ལས་གསོལ།  དེ་ནས་ཐུགས་དམ་བསྐུལ་ཞིང་བཟློག་པའི་ཕྲིན་ལས་བཅོལ་བ་ནི།)  ཧཱུྃ་ཛཿ སྐུ་གསུམ་ལྷུན་གྱིས་གྲུབ་པའི་དཀྱིལ་(11ན)འཁོར་ནས༔  ཞི་ཁྲོ་རྡོ་རྗེ་དབྱིངས་ཀྱི་ལྷ་ཚོགས་རྣམས༔  བསྐུལ་ལོ་ཐུགས་དམ་གཉན་པོ་གནད་ནས་བསྐུལ༔  ཟ་བྱེད་ལྕགས་སྡིག་ནག་པོའི་སྐུར་བཞེངས་ལ༔  རྒྱལ་འགོང་དམ་སྲིད་འདུལ་བའི་ཕྲིན་ལས་མཛོད༔  ཕྲིན་ལས་མངོན་སྤྱོད་ལྷུན་གྲུབ་དཀྱིལ་འཁོར་ནས༔  བཀའ་སྲུང་དྲེགས་པ་དམ་ཅན་རྒྱ་མཚོའི་ཚོགས༔  བསྐུལ་ལོ་བསྐུལ་ལོ་ཐུགས་དམ་དུས་ལ་བབ༔  ཟ་བྱེད་ལྕགས་སྡིག་ནག་པོའི་སྐུར་བཞེངས་ལ༔  བདུད་དང་དམ་སྲི་དུས་མཐའི་འགོང་ནག་སོགས༔  བསྒྲལ་ཞིང་བརླག་པའི་ཕྲིན་ལས་ད་མཛོད་ལ༔  བསྟན་འགྲོ་བདེ་ལ་འགོད་པའི་ཕྲིན་ལས་མཛོད༔  གང་གི་མི་ཤིགས་ཡེ་ཤེས་རྡོ་རྗེའི་སྐུ༔  བལྟར་མི་བཟོད་ཅིང་ཉེ་བར་མི་ནུས་པའི༔  དྲག་ཤུལ་སྟོབས་ཀྱི་བདག་པོ་ཆེ་བའི་མཆོག༔  ཕྲིན་ལས་མངའ་བདག་ལྕགས་སྡིག་ནག་པོ་ཁྱོད༔  སྔོན་གྱི་སྨོན་ལམ་མཐུ་དང་རང་དམ་གྱིས༔  བསྐུལ་ལོ་ཐུགས་དམ་གཉན་པོ་གནད་ནས་བསྐུལ༔  རྦད་དོ་དམ་སྲི་རྒྱལ་བསེན་སྲོག་ལ་རྦད༔  སྐྱེ་འགྲོའི་བདེ་བཅོམ་ནག་ཕྱོགས་བདུད་སྡེའི་དཔུང་༔  གཟུགས་ཅན་གཟུགས་མེད་དགྲ་དང་བགེགས་ལ་རྦད༔  རྗེས་ལྷག་མེད་པར་མྱུར་དུ་ད་སྒྲོལ་ཅིག༔  ཐུགས་(11བ)དམ་དུས་ལ་བབ་བོ་ས་མ་ཡ༔  ཧཱུྃ་བྷྱོ༔  ཞི་ཁྲོ་བཀའ་བརྒྱད་ཡོངས་འདུས་ཕྲིན་ལས་དཔལ༔  དཔལ་དགུའི་སྤྱི་གཟུགས་འཇིགས་བྱེད་ཆེན་པོ་ཁྱོད༔  བསྐུལ་ལོ་རྦད་དོ་མངོན་སྤྱོད་ཕྲིན་ལས་མཛོད༔  ཕྱོགས་བཞི་མཚམས་བརྒྱད་སྟེང་འོག་བར་གསུམ་ནས༔  རྒོལ་ཞིང་སྡང་བའི་དགྲ་བགེགས་གནོད་བྱེད་ཀུན༔  བཟློག་བསྒྱུར་མངོན་སྤྱོད་དྲག་པོའི་ཕྲིན་ལས་མཛོད༔  དབུས་ཕྱོགས་སྟུག་པོ་བཀོད་པའི་ཞིང་ཁམས་ནས༔  སངས་རྒྱས་རིགས་ཀྱི་ཕྲིན་ལས་མངའ་བདག་ཁྱོད༔  གཏི་མུག་དགྲ་བགེགས་བཟློག་པའི་ཕོ་ཉར་བསྐུལ ༔  སྟེང་འོག་བར་གསུམ་དགྲ་བགེགས་གནོད་བྱེད་ཟློག༔  རྡོ་རྗེ་རིགས་ཀྱི་ཕྲིན་ལས་མངའ་བདག་ཁྱོད༔  ཞེ་སྡང་དགྲ་བགེགས་བཟློག་བསྒྱུར་ལས་ལ་བསྐུལ༔  ཤར་གྱི་ཕྱོགས་ཀྱི་དགྲ་བགེགས་གནོད་བྱེད་ཟློག༔  ཞེ་སྡང་ལས་གྱུར་ནད་རིམས་གཞོམ་པར་མཛོད༔  རིན་ཆེན་རིགས་ཀྱི་ཕྲིན་ལས་མངའ་བདག་ཁྱོད༔  ང་རྒྱལ་དགྲ་བགེགས་བཟློག་བསྒྱུར་ལས་ལ་བསྐུལ༔  ལྷོ་ཡི་ཕྱོགས་ཀྱི་དགྲ་བགེགས་གནོད་བྱེད༴   ང་རྒྱལ་ལས་བྱུང་ནད་རིམས་གཞོམ་པར༴   པདྨ་རིགས་ཀྱི་ཕྲིན་ལས་མངའ༴   འདོད་ཆགས་དགྲ་བགེགས་བཟློག་བསྒྱུར༴   ནུབ་(12ན)ཀྱི་ཕྱོགས་ཀྱི་དགྲ་བགེགས་གནོད༴   འདོད་ཆགས་ལས་བྱུང་ནད་རིམས༴   ཀརྨ་རིགས་ཀྱི་ཕྲིན་ལས་མངའ༔  ཕྲག་དོག་དགྲ་བགེགས་བཟློག་བསྒྱུར༴   བྱང་གི་ཕྱོགས་ཀྱི་དགྲ་བགེགས༴   ཕྲག་དོག་ལས་བྱུང་ནད་རིམས༴   རིགས་འདུས་བླ་མའི་ཕྲིན་ལས༴   ཕོ་གདོན་མ་ལུས་འདུས་པའི༴   རྒྱལ་འགོང་གདུག་པའི་གདོན་ཚོགས་བཟློག་ཏུ་གསོལ༔  ཞེ་སྡང་རྒྱལ་པོའི་ནད་རྣམས་གདོན་པར་མཛོད༔  ཡི་དམ་རྒྱུད་སྡེའི་ཕྲིན་ལས་མངའ་བདག་ཁྱོད༔  གཏི་མུག་ཀླུ་གདོན་འདུལ་བའི་ལས་ལ་བསྐུལ༔  ཀླུ་གཉན་ས་བདག་གདོན་ཚོགས་བཟློག་ཏུ་གསོལ༔  གཏི་མུག་ལས་བྱུང་ནད་རིམས་གཞོམ་པར་མཛོད༔  མ་དང་མཁའ་འགྲོའི་ཕྲིན་ལས་མངའ་བདག་ཁྱོད༔  འདོད་ཆགས་མོ་གདོན་འདུལ་བའི་ལས་ལ་བསྐུལ༔  མོ་གདོན་བསེན་མོའི་གདོན་ཚོགས་བཟློག་ཏུ་གསོལ༔  འདོད་ཆགས་ལས་བྱུང་ནད་རིམས་གཞོམ་པར་མཛོད༔  ཡེ་ཤེས་འཇིག་རྟེན་སྲུང་མའི་མངའ་བདག་ཁྱོད༔  བྱད་ཁ་རྦོད་གཏོང་བཟློག་བསྒྱུར་ལས་ལ་བསྐུལ༔  བན་བོན་ཀླ་ཀློའི་བྱད་ཁ་རྦོད་གཏོང་ཟློག༔  ཕ་རོལ་བསམ་སྦྱོར་ངན་པའི་ནད་གཞོམ་མཛོད༔  བཞི་བརྒྱ་རྩ་བཞིའི་ནད་རྣམས་དགྲ་ལ་ཟློག༔   (12བ)སྟོང་ཕྲག་བརྒྱད་ཅུའི་བགེགས་རྣམས་དགྲ་ལ༴   མོ་རྩིས་རྨི་ངན་ཐན་ལྟས་ངན་པ་ཟློག༔  ལོ་ཟླ་ཞག་དུས་ཟ་མའི༴   གེགས་རྣམས༴   ནད་མཚོན་མུ་གེའི་བསྐལ་པ་ངན་པ༴   མི་ནད་ནོར་གྱི་གོད་ཁ་མཐའ་དག༴   མདོར་ན་མི་མཐུན་ཕྱོགས་ངན་ཐམས་ཅད་ཀུན༔  ཞི་འཇོམས་མནན་བསད་བསྲེག་བཟློག་ཕྲིན་ལས་མཛོད༔  བཀའ་དང་དམ་ཚིག་གཉན་པོ་དཔང་བཙུག་གོ༔  གུ་རུ་དེ་ཝཌཱ་ཀི་ནཱི་ནག་པོ་ཏི་པ་རཱ་ཛ་ས་མ་ཡ་གནོད་བྱེད་སརྦ་ཤ་ཏྲཱུཾ་མཱ་ར་ཡ་རྦད་སོད་བྷྱོ་ཟློག༔  (ཅེས་བཟློག་པའི་ཕྲིན་ལས་བཅོལ།  རྗེས་ཟ་ལམ་བསྟན་པ་ནི།)  ཧཱུྃ་བྷྱོ༔  ཆོས་དབྱིངས་སྐྱེ་བ་མེད་པའི་མཁའ་ཀློང་ནས༔  ཆོས་སྐུའི་དཀྱིལ་འཁོར་རྒྱ་མཚོ་དབྱིངས་ནས་བཞེངས༔  རང་བཞིན་འགགས་པ་མེད་པའི་དཀྱིལ་འཁོར་ནས༔  ལྷུན་གྲུབ་ལོངས་སྐུའི་དཀྱིལ་འཁོར་དབྱིངས་ནས་བཞེངས༔  ཀུན་ཁྱབ་ཕྱོགས་མཐའ་ཡས་པའི་འཇིག་རྟེན་ནས༔  སྤྲུལ་སྐུའི་དཀྱིལ་འཁོར་མ་ལུས་སྐུར་བཞེངས་ཤིག༔  ཟ་བྱེད་ལྕགས་སྡིག་འདི་ལ་ནུས་བྱིན་བསྐྱེད༔  ཧཱུྃ་བྷྱོ༔  ཟ་བྱེད་གསོད་བྱེད་ལས་ཀྱི་ཕོ་ཉ་ཁྱེད༔  ཆོས་ཤིག་རྒྱུག་ཅིག་རྒྱལ་པོའི་ཡུལ་དུ་ཆོས༔  རྒྱལ་འགོང་གདུག་པའི་སྡེ་ཚོགས་ཆམ་ལ་ཕོབ༔  ཆོས་ཤིག་རྒྱུག་ཅིག་བསེན་མོའི་ཡུལ་དུ་ཆོས༔   (13ན)མོ་གདོན་འདྲེ་མོའི་སྡེ་ཚོགས་ཆམ་ལ་ཕོབ༔  ཆོས་ཤིག་རྒྱུག་ཅིག་ཀླུ་ཡི་ཡུལ་དུ་ཆོས༔  ཀླུ་གཉན་ས་བདག་སྡེ་ཚོགས་ཆམ་ལ་ཕོབ༔  ཆོས་ཤིག་རྒྱུག་ཅིག་བྱད་མའི་ཡུལ་དུ་ཆོས༔  བྱད་མ་རྦོད་གཏོང་མ་ལུས་ཆམ་ལ་ཕོབ༔  ཆོས་ཤིག་རྒྱུག་ཅིག་གདོན་གྱི་ཡུལ་དུ་ཆོས༔  ཕྱོགས་བཅུའི་གདོན་ཚོགས་འབྱུང་པོ་ཆམ་ལ་ཕོབ༔  གུ་རུ་དེ་ཝ་ཌཱ་ཀི་ནི་ནག་པོ་ཏི་པ་རཱ་ཛ་ས་མ་ཡ་ཆོ་ཆོ་རྒྱུགས་རྒྱུགས་རྦད་རྦད་བྷྱོ་བྷྱོ་གནོད་བྱེད་སརྦ་ཤ་ཏྲཱུཾ་མཱ་ར་ཡ་རྦད་སོད་ཁ་རཾ་ཁཱ་ཧི༔  (ཞེས་ལོ་བདུད་ཕྱོགས་སམ་གནོད་པའི་ཕྱོགས་སུ་བསྐྱལ་ལོ།  །)
(གསུམ་པ་ཁྱུང་ནག་དུག་གི་སྤྲུ་གྲིའི་ཕྲིན་ལས་ནི།   མདུན་རྟེན།)  ཤུ་ནྱ་ཏ(ས་བསང་སྦྱང༌།)  སྟོང་པའི་ངང་ལས་མདུན་དུ་དུག་གི་རྒྱ་མཚོ་ཆེན་པོ་གཏིང་ཟབ་པའི་ཀློང་དུ་དཔག་བསམ་གྱི་ལྗོན་ཤིང་སྡོང་པོ་ཆེ་བ་ཡལ་ག་ལྔ་རུ་གྱེས་པའི་ཕྱོགས་བཞི་དབུས་ལྔར་པདྨ་དང་ཉི་མའི་གདན་ལ་རང་ཉིད་དྲག་པོའི་ཐུགས་ཀ་ནས་ཁྲ་ཡིག་ལྔ་འཕྲོས་ནས་བབས་པ་ལས་འོད་ཟེར་ཡར་འཕྲོས་དུས་གསུམ་གྱི་རྒྱལ་བ་སྲས་དང་བཅས་པ་མཆོད༔  དབང་བྱིན་དངོས་གྲུབ་ཐམས་ཅད་ཚུལ་འདུས་ཁྲོཾ་ཡིག་རྣམས་ལ་ཐིམ༔  མར་འཕྲོས་དགྲ་བགེགས་ལོག་འདྲེན་ཀླུ་གཉན་གདུག་པ་ཅན་ཐམས་ཅད་ཚར་བཅད༔   (13བ)དེ་དག་གི་ཚེ་ བསོད་དཔལ་ཡོན་ནུས་མཐུ་ཐམས་ཅད་ཚུར་འདུས་ཁྲོཾ་ཡིག་རྣམས་ལ་ཐིམ༔  དབུས་ཀྱི་ཁྲོཾ་ལས་རྒྱལ་རིགས་ཀླུའི་གཉེན་པོ་ཡེ་ཤེས་ཀྱི་བྱ་ཁྱུང་མཐིང་ནག་ཆོས་དབྱིངས་ཡེ་ཤེས་ཀྱི་མེ་དཔུང་མཐིང་ནག་ཏུ་འབར་བ༔  ཤར་གྱི་ཁྲོཾ་ལས་རྡོ་རྗེ་རིགས་ཀླུའི་གཉེན་པོ་དུང་གི་བྱ་ཁྱུང་དཀར་པོ་མེ་ལོང་ཡེ་ཤེས་ཀྱི་མེ་འབར་བ༔  ལྷོ་ཡི་ཁྲོཾ་ལས་དམངས་རིགས་ཀླུའི་གཉེན་པོ་གསེར་གྱི་བྱ་ཁྱུང་སེར་པོ་མཉམ་ཉིད་ཡེ་ཤེས་ཀྱི་མེ་འབར་བ༔  ནུབ་ཀྱི་ཁྲོཾ་ལས་བྲམ་ཟེའི་ཀླུའི་གཉེན་པོ་ཟངས་ཀྱི་བྱ་ཁྱུང་དམར་པོ་སོར་རྟོག་ཡེ་ཤེས་མེ་འབར་བ༔  བྱང་གི་ཁྲོཾ་ལས་གདོལ་རིགས་ཀླུའི་གཉེན་པོ་དུག་ཁྱུང་ནག་པོ་བྱ་གྲུབ་ཡེ་ཤེས་ཀྱི་མེ་འབར་བ༔  ཀུན་ཀྱང་གནམ་ལྕགས་ཀྱི་རྭ་གཉིས་གནམ་ལ་གཟེང་བ༔  སྤྱན་གསུམ་ཉི་མ་འབུམ་གྱི་འོད་ཟེར་འབར་ཞིང་འཕྲོ་བ༔  ཁྲོ་གཉེར་ཆུའི་གཉེར་མ་ལྟར་དུ་འཁྲུགས་པ༔  ལྕགས་ཀྱི་སྡེར་མོས་ཀླུ་གཉན་རིགས་ལྔ་རྒྱ་མཚོའི་གཏིང་ནས་འདྲེན་ཅིང་གནམ་ལྕགས་ཀྱི་མཆུས་མགོ་བོ་ཉོག་ཉོག་ཏུ་ཟ་བ༔  མེའི་གཤོག་པ་རྡེབ་པས་ཉི་ཟླ་ཙོག་པུར་འཕེན་ཅིང་༔  སྤུ་རྣམས་སྤྲུགས་པས་ཉི་ཚན་དང་བྱེ་ཚན་དང་རྡོ་རྗེའི་སེར་བ་དྲག་ཏུ་འབེབས་པ༔  ཀྲིཾ་ཀྲིཾ་གི་སྒྲ་དྲག་པོ་བསྒྲགས་པ་ཙམ་གྱིས་ས་（14ན）བདག་ཀླུ་གཉན་ཐམས་ཅད་བརྒྱལ་ཞིང་འབོག་པ༔   ཁྱུང་གི་ཚྭ་ཚྭ་འཇིག་རྟེན་གྱི་ཁམས་ཐམས་ཅད་ཁྱབ་པར་འཕྲོས་པས་ཕྱོགས་བཅུའི་སྡེ་བརྒྱད་ཐམས་ཅད་ཆུ་ཐིག་ཧུབ་ཀྱིས་བཏབ་པ་བཞིན་དུ་ཧབ་ཧབ་གསོལ་བ༔  རྐང་པས་གཟའ་ཀླུ་སྡེ་བརྒྱད་ཐམས་ཅད་གནོན་ཅིང་རྭ་བར་ན་ཡིད་བཞིན་གྱི་ནོར་བུ་དབང་གི་རྒྱལ་པོས་སྒྲུབ་པ་པོ་ལ་དངོས་གྲུབ་ཀྱི་ཆར་ཆེན་པོ་འབེབས་པ༔  མཚོན་ཆ་ ཐུན་རྫས་སྣ་ཚོགས་ཀྱི་བུ་ཡུག་འཚུབས་པས་བྱད་མ་གནོད་བྱེད་ཐམས་ཅད་རྡུལ་དུ་བརླག་པ༔  ཐུགས་ལས་སྤྲུལ་པའི་བཀའ་སྲུང་དྲེགས་པའི་ཚོགས་ནམ་མཁའི་མཐའ་དང་མཉམ་པར་འཕྲོས་ནས་བསྟན་དགྲ་སྡེ་དང་བཅས་པ་ཐམས་ཅད་ཐལ་བར་བརླག་ཅིང་ཟས་སུ་ཟ་བར་གྱུར༔  དེ་ལྟར་གསལ་བའི་སྤྱི་བོར་ཨོཾ་དཀར་པོ ༔  མགྲིན་པར་ཨཱཿདམར་པོ༔  ཐུགས་ཀར་ཧཱུྃ་མཐིང་ནག༔  དེ་གསུམ་ལས་འོད་ཟེར་དཔག་ཏུ་མེད་པ་འཕྲོས་པས་ཕྱོགས་བཅུའི་རྒྱལ་བ་སྲས་དང་བཅས་པ་ཐམས་ཅད་ཀྱི་ཐུགས་དམ་གྱི་རྒྱུད་བསྐུལ༔  ཆོས་ཀྱི་དབྱིངས་ནས་གཟུགས་ཀྱི་སྐུ་བྱ་ཁྱུང་རིགས་ལྔའི་སྐུར་བཞེངས་ཏེ་བསྐྱེད་པའི་ལྷ་རྣམས་ལ་སིབ་སིབ་ཐིམ་པར་(བསམ་ཞིང༌།  སྤྱན་འདྲེན་པ་ནི།)  ཧཱུྃ༔  ཆོས་ཀྱི་（14བ）དབྱིངས་ཀྱི་ཡེ་ཤེས་སྐུ༔   བུདྡྷ་རིགས་ཀྱི་དཀྱིལ་འཁོར་ལྷ༔  སངས་རྒྱས་ཁྱུང་ཆེན་སྐུར་བཞེངས་ཤིག༔  གཏི་མུག་འདུལ་ཕྱིར་གཤེགས་སུ་གསོལ༔  མེ་ལོང་ལྟ་བུའི་ཡེ་ཤེས་སྐུ་བཛྲ་རིགས་ཀྱི་དཀྱིལ་འཁོར་ལྷ༔  རྡོ་རྗེ་ཁྱུང་ཆེན་སྐུར་བཞེངས་ཤིག༔  ཞེ་སྡང་འདུལ་ཕྱིར་གཤེགས་སུ་གསོལ༔  མཉམ་པ་ཉིད་ཀྱི་ཡེ་ཤེས་སྐུ༔  རཏྣ་རིགས་ཀྱི་དཀྱིལ་འཁོར་ལྷ༔  རིན་ཆེན་ཁྱུང་ཆེན་སྐུར་བཞེངས་ཤིག༔  ང་རྒྱལ་འདུལ་ཕྱིར་གཤེགས་སུ་གསོལ༔  སོ་སོར་རྟོག་པའི་ཡེ་ཤེས་སྐུ༔  པདྨ་རིགས་ཀྱི་དཀྱིལ་འཁོར་ལྷ༔  གསུང་གི་ཁྱུང་ཆེན་སྐུར་བཞེངས་ཤིག༔  འདོད་ཆགས་འདུལ་ཕྱིར་གཤེགས་སུ་གསོལ༔  བྱ་བ་གྲུབ་པའི་ཡེ་ཤེས་སྐུ༔  ཀརྨ་རིགས་ཀྱི་དཀྱིལ་འཁོར་ལྷ༔  ལས་ཀྱི་ཁྱུང་ཆེན་སྐུར་བཞེངས་ཤིག༔  ཕྲག་དོག་འཇོམས་ཕྱིར་གཤེགས་སུ་གསོལ༔    བུདྡྷ་བཛྲ་རཏྣ་པདྨ་ཀརྨ་ཁྲོཾ་ག་རུ་ཌ་སརྦ་བཛྲ་ས་མ་ཡ་ཛ་ཛ༔  (བཞུགས་སུ་གསོལ་བ་ནི།)  ཧཱུྃ༔  བདག་འཛིན་གདུག་པ་ཀླུ་གཉན་ཁྲིར༔  དམ་ཚིག་ཡེ་ཤེས་དབྱེར་མེད་པར༔  འཇིགས་བྱེད་བྱ་ཁྱུང་བཞུགས་སུ་གསོལ༔  བདུད་འདུལ་ཁྱུང་ལྔ་བཞུགས་སུ་གསོལ༔  བཛྲ་ས་མ་ཡ་ཏིཥྛ་ལྷན༔  (ཕྱག་འཚལ་བ་ནི།)  ན་མོ༔   （15ན）བདག་ལྟའི་རཱུ་ཏྲ་བཤིགས་པ་དང་༔   རྒྱུ་དྲུག་འཁོར་བ་གཞོམ་པའི་ཕྱིར༔  ཡེ་ཤེས་ཁྱུང་ཆེན་རིགས་ལྔ་ལ༔  རྣམ་གསུམ་གུས་པས་ཕྱག་འཚལ་ལོ༔  ན་མོ་པཱུ་རུ་ཤ་ཡ་ཧོ༔  (མཆོད་པ་འབུལ་བ་ནི།)  ཧཱུྃ༔  གཟུང་འཛིན་བདག་མེད་ཆེར་བསྒྲལ་བའི༔  སྣང་སྲིད་མཆོད་པའི་སྤྲིན་དུ་བསྒྱུར༔  ཡེ་ཤེས་ཁྱུང་ཆེན་དགྱེས་ཕྱིར་འབུལ༔  ཆོས་ཉིད་རང་ངོར་རང་གྲོལ་མཛོད༔  སྟོང་ཉིད་དྭངས་གསལ་ཆེན་པོའི་མཁར༔  ཅིར་ཡང་སྣང་བའི་སྒྱུ་འཕྲུལ་ལས༔  ཉེར་སྤྱོད་བདུན་དང་འདོད་ཡོན་ལྔ༔  སྨན་གཏོར་རཀྟ་བྱང་ཆུབ་སེམས༔  ཤ་ལྔ་བདུད་རྩི་རྣམ་པ་ལྔ༔  དགྲ་བགེགས་གདུག་པའི་དབང་ཡུལ་བླ༔  ཕུང་ཁམས་སྐྱེ་མཆེད་མ་ལུས་པ༔  ཡེ་ཤེས་བྱ་ཁྱུང་དགྱེས་ཕྱིར་འབུལ༔  ཁྱད་པར་ཀླུ་གཉན་གནོད་བྱེད་སྡེ༔  ཆབ་སྲིད་འབངས་འཁོར་མཐུ་ནུས་བཅས༔  ཡེ་ཤེས་བྱ་ཁྱུང་དགྱེས་ཕྱིར་འབུལ༔  བཞེས་ནས་འཇིག་རྟེན་བདེ་ལེགས་མཛོད༔  ཨོཾ་བཛྲ་ཨརྒྷཾ་ནས་ཤཔྡ་རཱུ་པ་(སོགས་)སྤརྴེ་དྷརྨ་པྲ་ཏཱི་ཙྪ་སྭཱ་ཧཱ༔  མ་ཧཱ་པཉྩ་ཨ་མྲྀ་ཏ་རཀྟ་བ་ལིཾ་ཏ་ཁཱ་ཧི༔  མ་ཧཱ་མཱཾ་ས་རཀྟ་ཙིཏྟ་ཀིཾ་ནི་རི་ཏི་ལ་ཁཱ་ཧི༔  (བསྟོད་པ་ནི།)  ཧཱུྃ༔  གདོད་ནས་ཡེ་སངས་རྒྱས་པ་ཆོས་ཀྱི་སྐུ༔  ལྷུན་གྲུབ་རོལ་པ་ཡེ་ཤེས་ལྔ་（15བ）ཡི་དལ༔   གང་འདུལ་ཐབས་ཀྱིས་རབ་འཇིགས་སྐུར་སྟོན་པ༔  བཅོམ་ལྡན་བྱ་ཁྱུང་རིགས་ལྔའི་སྐུ་ལ་བསྟོད༔  མཐོང་བ་ཙམ་གྱིས་ཆོས་ཉིད་དོན་རྟོགས་ཤིང་༔  ཐོས་པས་སྡེ་བརྒྱད་དྲེགས་པའི་དཔའ་ཟིལ་བཀོང་༔  དྲན་པས་ལྟ་ལོག་བདུད་ཀྱི་གྲུབ་མཐའ་འཇིག༔  རེག་པས་ཉོན་མོངས་འཁོར་བའི་གཅོང་ནད་འཇོམས༔  འབྲེལ་བ་ཙམ་གྱིས་འཁོར་བའི་ས་བོན་སྟོང་༔  བཅོམ་ལྡན་བྱ་ཁྱུང་རིགས་ལྔར་ཕྱག་འཚལ་བསྟོད༔  (འཛབ་བཟླ་བ་ནི།)  མདུན་གྱི་བྱ་ཁྱུང་རིགས་ལྔ་རང་རང་གི་ཐུགས་ཀར་ཉི་ཟླའི་གདན་ལ་རང་མདོག་ཁྲོཾ་ཡིག་མེ་འབར་བ་ལ་སྔགས་ཀྱི་ཕྲེང་བས་བསྐོར་བར་གྱུར༔  བདག་ཉིད་ཡི་དམ་གཏུམ་དྲག་ཡང་ཁྲོས་ནག་པོའི་ཐུགས་ཀའི་ཧཱུྃ་ལས་འོད་ཟེར་ཚ་ལ་རྩུབ་པ་འཕྲོས་པས་བྱ་ཁྱུང་རིགས་ལྔའི་ཐུགས་སྲོག་ལ་ཕོག༔  དེ་དག་ལས་འོད་ཟེར་ཕྱོགས་བཅུར་འཕྲོས་པས་ཡེ་ཤེས་ཀྱི་བྱ་ཁྱུང་དཔག་ཏུ་མེད་པ་སྤྱན་དྲངས་ཏེ་དབྱེར་མེད་དུ་ཐིམ་པས་མཐུ་རྩལ་ནུས་པ་རབ་ཏུ་འབར་བར་(བསམ་ཞིང༌།)  ཨོཾ་བུདྡྷ་བཛྲ་རཏྣ་པདྨ་ཀརྨ་ཁྲོཾ་ག་རུ་ཌ་ཧཱུྃ་ཕཊ་ཛ་ཛ༔  (ཞེས་གཙོ་བོར་བཟླ་བ་བསྙེན་པ་དང༌།  ཡང༌།)  རང་ཡི་དམ་གྱི་ཐུགས་ཀ་ནས་འོད་ཟེར་འཕྲོས་པ་བྱ་ཁྱུང་རིགས་ལྔའི་ཐུགས་ཀར་ཕོག་པ་ཙམ་གྱིས་ཐུགས་དམ་གྱི་རྒྱུད་རབ་(16ན)ཏུ་བསྐུལ་ནས་སྤྲུལ་པ་ལས་བྱེད་ཁྱུང་རྒོད་ཤན་པའི་དམག་དཔུང་བསམ་གྱིས་མི་ཁྱབ་པས་གང་ལ་དམིགས་པའི་ཡུལ་ཐམས་ཅད་གང་སྟེ་གནོད་བྱེད་དགྲ་བགེགས་ཀླུ་གཉན་ས་བདག་གདུག་པ་ཅན་ཐམས་ཅད་མེ་སྟག་ཆུས་བསད་པ་ལྟར་སོང་བར་(བསམ་ལ།)  ཨོཾ་བུདྡྷ་བཛྲ་རཏྣ་པདྨ་ཀརྨ་ཁྲོཾ་ག་རུ་ཌ་ཧཱུྃ་ཧཱུྃ་ཕཊ༔    ནཱ་ག་གནོད་བྱེད་སརྦ་ཤ་ཏྲུཾ་མཱ་ར་ཡ་རྦད་རྦད༔  (ཅེས་དང༌།)  ཨོཾ་བུདྡྷ་བཛྲ་རཏྣ་པདྨ་ཀརྨ་ཁྲོཾ་ག་རུ་ཌ་ས་མ་ཡ༔    གནོད་བྱེད་ཀླུ་གཉན་གདུག་པའི་བླ་ལ་རྦད་རྦད༔  སྲོག་ལ་རྦད་རྦད༔  སོད་སོད་མྱོག་མྱོག༔  ཕཊ་ཕཊ་རཾ་རཾ་སྭཱ་ཧཱ༔    (ཞེས་དང༌།)  ཨོཾ་བུདྡྷ་བཛྲ་རཏྣ་པདྨ་ཀརྨ་ཁྲོཾ་ག་རུ་ཌ་སརྦ་ས་མ་ཡ་ཛ་ཛ༔  ནཱ་ག་གཉན་སརྦ་ཏའི་སྲག་ལ་རྦད་རྦད༔  སྙིང་ལ་རྦད་རྦད༔    བླ་ལ་རྦད་རྦད༔  ཤ་ཁྲག་རུས་པ་ལ་རྦད་རྦད༔  ཕུང་ཁམས་སྐྱེ་མཆེད་ལ་རྦད་རྦད༔  ཛྭ་ལ་རཾ་རཾ༔  གནོད་བྱེད་སརྦ་ཤ་ཏྲུཾ་མཱ་ར་ཡ་ཁ་རཾ་ཁཱ་ཧི་སྭཱ་ཧཱ༔  (ཞེས་ལས་སྔགས་རྣམས་བསྙེན་པའི་འགྲོས་དང་སྦྱར་ཏེ་བཟླ།  ཐུན་མཚམས་སུ་གཏོར་མ་འབུལ་ནི།  དམར་གཏོར་ཤ་ཁྲག་གིས་བརྒྱན་པར་རཀྟས་བྲན་ལ།  བདེན་སྟོབས་བརྗོད་པ་སྤྱི་ལྟར་ལས།)  ཁྱད་པར་དབང་ཆེན་རྟ་མགྲིན་ཡང་ཁྲོས་ནག་པོ་འཇིགས་བྱེད་ཁྱུང་ཆེན་རིགས་ལྔ་སྤྲུལ་(16བ)པ་ལས་མཁན་ཕོ་ཉའི་དམག་ཚོགས་འཁོར་དང་བཅས་པ་རྣམས་ཀྱིས་བདེན་པ་དང༌།  བདེན་པ་ཆེན་པོའི་མཐུ་ལ་བརྟེན་ནས།  བདག་ཅག་དཔོན་སློབ་ཡོན་མཆོད་འཁོར་དང་བཅས་པའི་ཚེ་ལ་བརྐུ་བ༔  སྲོག་ལ་འཇབ་པ༔  བླ་ལ་ཁྱེར་བ༔  ཡིད་ལ་བརྣག་པ༔  མི་ལ་ན་ཚ༔  ཕྱུགས་ལ་གོད་ཁ༔  མཛེ་ཤུ་ཕོལ་མིག༔  གློ་བུར་ཡེ་འདྲོགས༔  མི་འདོད་ཐན་ལྟས་ངན་པ་སོགས་གཏོང་བའི་རྒྱལ་འགོང་བསེན་མོ་དམ་སྲི་འབྱུང་པོ་ཀླུ་གཉན་ས་བདག་རྦད་འདྲེ་རྦོད་གཏོང་གནོད་ཅིང་འཚེ་བ་ཐམས་ཅད་ཤ་ཁྲག་དམར་གྱི་གཏོར་མ་འདི་ལ་ཁུག་ཅིག༔  ཨོཾ་བུདྡྷ་བཛྲ་རཏྣ་པདྨ་ཀརྨ་ཁྲོཾ་ག་རུ་ཌ་ནྲྀ་ཏྲི་བཛྲ་ཨངྐུ་ཤ་ཛ༔  ཛཿཧཱུྃ་བཾ་ཧོཿ   (ཞེས་ལན་གསུམ་སོགས་ཀྱིས་བཀུག་ལ།)  དབྱིངས་ནས་ཐུན་མཚོན་སྣ་ཚོགས་ཀྱི་ཆར་བབས་པས་དམིགས་བྱའི་གཟུགས་ཕུང་ཚལ་པ་དུམ་བུ་ཐལ་བའི་རྡུལ་ཕྲན་བཞིན་དུ་བརླག་པར་(བསམ།)  ཨོཾ་ཨཱཿཧཱུྃ་ཧོཿ(ས་བདུད་རྩིར་སྦར་ནས།)  དགྲ་བགེགས་བསྒྲལ་བའི་ཤ་རི་ཁྲག་མཚོ་དེ་ཉིད་འཇིགས་བྱེད་ཁྱུང་ཆེན་རིགས་ལྔས་ཁྱི་ལྟོག་གིས་ཤ་ཟན་རོལ་པ་བཞིན་ཧབ་ཧབ་མྱག་མྱག་ཏུ་གསོལ་བར་(བསམ་ཞིང༌།)  ཨོཾ་བུདྡྷ་བཛྲ་རཏྣ་པདྨ་ཀརྨ་ཁྲོཾ་ག་རུ་ཌ་ཨི་དཾ་བ་ལིཾ་ཏ་ཁཱ་ཧིཿ མ(17ན)ཧཱ་མཱཾ་ས་ལ་ཁཱ་ཧི༔  མ་ཧཱ་རཀྟ་ལ་ཁཱ་ཧི༔  མ་ཧཱ་ཙིཏྟ་ལ༴   མ་ཧཱ་བ་སུ་ཏ་ལ༴   མ་ཧཱ་ཀེཾ་ནི་རི་ཏི་ལ༴   གནོད་བྱེད་གཉན་དང་ཀླུ་གདོན་ཐམས་ཅད་མཱ་ར་ཡ་ཛྭ་ལ་རཾ་ཁཱ་ཧི༔  (ཞེས་ལན་བདུན་ནས་གསུམ་གྱིས་བསྟབ་ལ།)  ཁྲོཾ་བྷྱོ་ཛཿ ཡང་ཁྲོས་སྐུ་ཡི་སྤྲུལ་པ་ནིཿ སངས་རྒྱས་བྱ་ཁྱུང་ག་རུ་ཌཿ བཞེངས་ཤིག་མི་མངོན་དབྱིངས་ནས་བཞེངས༔  བསྐྱོད་ཅིག་ཡེ་ཤེས་ཀློང་ནས་བསྐྱོད༔  བསྐུལ་ལོ་ཐུགས་དམ་གནད་ནས་བསྐུལ༔  རྦད་དོ་དགྲ་དང་བགེགས་ལ་རྦད༔  མཛོད་ཅིག་དྲག་པོའི་ཕྲིན་ལས་མཛོད༔  རྒྱལ་རིགས་ལས་གྱུར་ཀླུ་གཉན་གདོན༔  གསོད་གཅོད་བརླག་པའི་ལས་མཛོད་ལ༔  རྗེས་ཤུལ་མེད་པར་ཧབ་ཐོབ་རོལ༔  དུས་ལ་བབ་བོ་ས་མ་ཡ༔  ཨོཾ་བུདྡྷ་ག་རུ་ཌ་སརྦ་ས་མ་ཡ་ཛཿབྷྱོ༔  གནོད་བྱེད་སརྦ་ཤ་ཏྲུཾ་མཱ་ར་ཡ་རྦད་ཁ་རཾ་ཁཱ་ཧི༔  ཁྲོཾ་བྷྱོ་ཛཿ ཡང་ཁྲོས་ཐུགས་ཀྱི་སྤྲུལ་པ་ནི༔  རྡོ་རྗེ་བྱ་ཁྱུང་ག་རུ་ཌ༔  བཞེངས་ཤིག་ཆོས་ཀྱི་དབྱིངས་ནས་བཞེངས༔  བསྐྱོད་ཅིག་ཆོས་ཉིད་ཀློང་ནས་བསྐྱོད༔  བསྐུལ་ལོ་ཐུགས་དམ་གནད་ནས་བསྐུལ༔  རྦད་དོ་དགྲ་དང་བགེགས་ལ་རྦད༔  མཛོད་ཅིག་དྲག་པོའི་ཕྲིན་ལས་མཛོད༔  རྗེ་རིགས་ལས་གྱུར་ཀླུ་(17བ)གཉན་གདོན༔  གསོད་གཅོད་བརླག་པའི་ལས་མཛོད་ལ༔  རྗེས་ཤུལ་མེད་པར་ཧབ་ཐོབ་རོལ༔  དུས་ལ་བབ་བོ་ས་མ་ཡ༔  ཨོཾ་བཛྲ་ག་རུ་ཌ་ས་མ་ཡ་ཛ་ཛཿ གནོད་བྱེད་སརྦ་ཤ་ཏྲུཾ་མཱ་ར་ཡ་རྦད་ཁ་རཾ་ཁཱ་ཧི༔  ཁྲོཾ་བྷྱོ་ཛཿ ཡང་ཁྲོས་ཡོན་ཏན་སྤྲུལ་པ་ནི༔  རིན་ཆེན་བྱ་ཁྱུང་ག་རུ་ཌ༔  བཞེངས་ཤིག༴   བསྐྱོད་ཅིག༴    བསྐུལ་ལོ༴  རྦད་དོ༴   མཛོད་ཅིག༴   དམངས་རིགས་ལས་བྱུང་ཀླུ་གཉན་གདོན༔  གསོད་གཅོད༴   རྗེས་ཤུལ༴   དུས་ལ་བབ་བོ༴   ཨོཾ་རཏྣ་ག་རུ་ཌ་ས་མ་ཡ་ཛ་ཛཿགནོད་བྱེད་སརྦ་ཤ་ཏྲུཾ་མཱ་ར་ཡ་རྦད་ཁ་རཾ་ཁཱ་ཧི༔  ཁྲོཾ་བྷྱོ་ཛཿ ཡང་ཁྲོས་གསུང་གི་སྤྲུལ་པ་ནི༔  པདྨ་བྱ་ཁྱུང་ག་རུ་ཌ༔  བཞེངས་ཤིག༴   བསྐྱོད་ཅིག༴   བསྐུལ་ལོ༴   རྦད་དོ༴   མཛོད་ཅིག༴   བྲམ་ཟེ་ལས་གྱུར་ཀླུ་གཉན་གདོན༔  གསོད་གཅོད༴   རྗེས་ཤུལ་མེད་པར༴   དུས་ལ༴   ཨོཾ་པདྨ་ག་རུ་ཌ་ས་མ་ཡ་ཛ་ཛཿགནོད་བྱེད་སརྦ་ཤ་ཏྲུཾ་མཱ་ར་ཡ་རྦད་ཁ་རཾ་ཁཱ་ཧི༔  ཁྲོཾ་བྷྱོ་ཛཿ ཡང་ཁྲོས་ཕྲིན་ལས་སྤྲུལ་པ་ནི༔  ལས་ཀྱི་བྱ་ཁྱུང་ག་རུ་ཌ༔  བཞེངས་ཤིག༴   བསྐྱོད་ཅིག༴   བསྐུལ་ལོ༴   རྦད་དོ༴   མཛོད་ཅིག༴   གདོལ་པ་ལས་གྱུར་ཀླུ་གཉན་(18ན)གནོད༔  གསོད་གཅོད༴   རྗེས་ཤུལ༴   དུས་ལ་བབ་བོ་ས་མ་ཡ༔  ཀརྨ་ག་རུ་ཌ་ས་མ་ཡ་ཛ་ཛཿ གནོད་བྱེད་སརྦ་ཤ་ཏྲུཾ་མཱ་ར་ཡ་རྦད་ཁ་རཾ་ཁཱ་ཧི༔  ཧཱུྃ་བྷྱོ༔  དུས་གསུམ་སངས་རྒྱས་ཐམས་ཅད་ཀྱི༔  སྐུ་གསུང་ཐུགས་ཡོན་ཕྲིན་ལས་ཀྱི༔  སྤྲུལ་པ་ཡང་སྤྲུལ་ཕོ་ཉའི་ཚོགས༔  འགྲོ་བའི་དོན་ཕྱིར་གང་འདུལ་ཐབས༔  སྣ་ཚོགས་སྟོན་པའི་སྒྱུ་འཕྲུལ་གར༔  མ་ངེས་ཆུ་ཡི་གཟུགས་བརྙན་ལྟར༔  ཅིར་ཡང་སྣང་བའི་གཟུགས་སྐུ་ལས༔  ཀླུ་གཉན་གདུག་པའི་གཉེན་པོ་ཆེ༔  བྱ་ཁྱུང་རིགས་ལྔ་འཁོར་དང་བཅས༔  ང་ཡི་མདུན་སར་སྐུར་བཞེངས་ལ༔  གནོད་བྱེད་མ་ལུས་རྡུལ་དུ་རློག༔  ཤ་ཁྲག་དྲོད་དབུགས་ཧབ་ཐོབ་རོལ༔  དུས་ལ་བབ་བོ་ཐུགས་མ་གཡེལ༔  དོ་ནུབ་མངོན་སྤྱོད་ཕྲིན་ལས་མཛོད༔  (ཅེས་ཕྲིན་ལས་གསོལ།  དེ་ནས་ཐུགས་དམ་བསྐུལ་ཞིང་བཟློག་པའི་ཕྲིན་ལས་བཅོལ་བ་ནི།)  རང་ཡི་དམ་གྱི་ཐུགས་ཀ་ནས་འོད་ཟེར་འཕྲོས་པ་སྐུ་གསུམ་རྒྱལ་བའི་དཀྱིལ་འཁོར་ཐམས་ཅད་དང་བཅོམ་ལྡན་འདས་བྱ་ཁྱུང་རིགས་ལྔ་འཁོར་དང་བཅས་པའི་ཐུགས་ཀར་ཕོག་པས་ཐུགས་དམ་གྱི་རྒྱུད་རབ་ཏུ་བསྐུལ་ཏེ༔  ཆོས་ཀྱི་དབྱིངས་ལས་གཟུགས་(18བ)ཀྱི་སྐུ་ཁྲོ་ཚོགས་བྱ་ཁྱུང་ལས་མཁན་མཚོན་ཐུན་སྣ་ཚོགས་སྐྱི་སེར་འཚུབས་པ་ལྟར་སྣང་སྲིད་ཀྱི་ཁམས་ཐམས་ཅད་གང་ནས་དགྲ་འདྲེ་གདོན་གསུམ་མི་མཐུན་པའི་ཕྱོགས་ངན་པ་ཐམས་ཅད་ཐལ་བ་རླུང་གིས་གཏོར་བའམ་རྩྭ་སྦུར་ཕྲ་མོ་ལ་དུས་མཐའི་མེ་དཔུང་མཆེད་པ་ལྟར་བསྲེག་ཅིང་བརླག་པར་བསམ་ལ།  ཁྲོཾ་བྷྱོ་ཛཿ དུས་གསུམ་སངས་རྒྱས་དགོངས་སུ་གསོལ༔  ཡང་ཁྲོས་ནག་པོ་དགོངས་སུ་གསོལ༔  ཆེ་མཆོག་དཔལ་དགུ་དགོངས་སུ་གསོལ༔  བདག་ཅག་མ་རིག་གིས་བཅིངས་པའི༔  གཟུང་འཛིན་འཁྲུལ་པའི་སེམས་ཅན་སྤྱི༔  ཁྱད་པར་རྒྱལ་བའི་བརྒྱུད་འཛིན་རྣམས༔  ཐུགས་རྗེས་འདོར་རམ་དཀོན་མཆོག་གསུམ༔  གལ་ཏེ་ཡལ་བར་དོར་སྲིད་ན༔  ཐུགས་བསྐྱེད་རྣམ་དག་གང་ན་བཞུགས༔  དེང་དུས་བསྐལ་པའི་མར་གཤམ་འདིར༔  ནག་ཕྱོགས་གདུག་པ་ཁ་དར་ནས༔  སྐྱེ་འགྲོའི་བདེ་སྐྱིད་བསྐལ་པ་བཤིག༔  བརྒྱུད་འཛིན་ཐར་པའི་ལམ་སྣ་བཀག༔  རྒྱལ་བསྟན་ཉི་མ་སྤྲིན་གྱིས་བསྒྲིབས༔  ལྟ་ལོག་ཀླ་ཀློས་ཕྱི་ནས་རྒོལ༔  མི་སྲུན་སྐྱེ་བོས་བར་ནས་རྒོལ༔  དམ་ལོག་སློབ་མས་ནང་ནས་རྒོལ༔  བདུད་དང་ལོག་ལྟས་གསང་ཐབས་རྒོལ༔  མཐའ་མེད་(19ན)འཁོར་བའི་རྒྱ་མཚོར་བསྐྱིལ༔  དབང་མེད་སྡུག་བསྔལ་ཞགས་པས་བཅིངས༔  འདི་འདྲའི་ལས་ངན་སྐལ་ངན་ལ༔  སྒྲིབ་མེད་སྤྱན་གྱིས་མི་གཟིགས་སམ༔  ཀུན་མཁྱེན་ཐུགས་རྗེས་མ་དགོངས་སམ༔  མཛད་པའི་ཕྲིན་ལས་གང་དུ་མཆིས༔  མ་གཡེལ་མ་འགྱང་ཐུགས་རྗེ་ཅན༔  བསྐུལ་ལོ་ཐུགས་དམ་གནད་ནས་བསྐུལ༔  ཁྱེད་ཀྱི་ཕྲིན་ལས་ཕོ་ཉ་ནི༔  སྤྲུལ་པའི་ཁྱུང་ལྔ་དབྱིངས་ནས་བཞེངས༔  བཀའ་སྡོད་འཇིག་རྟེན་ཁྱབ་པར་མཛོད༔  འགྱུར་མེད་སྐུ་ཡི་ཀློང་ཡངས་ནས༔  བཅོམ་ལྡན་བུདྡྷ་ ཁྱུང་ཆེན་བསྐུལ ༔  འགགས་མེད་གསུང་གི་ཀློང་ཡངས་ནས༔  བཅོམ་ལྡན་པདྨ་ཁྱུང་ཆེན་བསྐུལ༔  འཁྲུལ་མེད་ཐུགས་ཀྱི་ཀློང་ཡངས་ནས༔  བཅོམ་ལྡན་རྡོ་རྗེ་ཁྱུང་ཆེན་བསྐུལ༔  ལྷུན་གྲུབ་ཡོན་ཏན་ཀློང་ཡངས་ནས༔  བཅོམ་ལྡན་རཏྣ་ཁྱུང་ཆེན་བསྐུལ༔  ཕྲིན་ལས་མངོན་སྤྱོད་ཀློང་ཡངས་ནས༔  བཅོམ་ལྡན་ཀརྨ་ཁྱུང་ཆེན་བསྐུལ༔  བཞེངས་ཤིག་མི་མངོན་དབྱིངས་ནས་བཞེངས༔  མཛོད་ཅིག་མངོན་སྤྱོད་ཕྲིན་ལས་མཛོད༔  སྡང་བའི་དགྲ་དང་གནོད་པའི་བགེགས༔  ལྷ་ཡང་རུང་སྟེ་ཀྱང་རུང་༔  མ་ལུས་མ་འགྱང་སྒྲོལ་ལ་ཤོག༔   （19བ）བླ་སྲོག་ཚེ་ཡི་རྒྱུན་ཐག་བཅས༔   མར་མེ་རླུང་གིས་བསད་བཞིན་ཐོངས༔  ཤ་ཁྲག་དྲོན་མོ་ཧབ་ཐོབ་རོལ༔  རྣམ་ཤེས་ཆོས་ཀྱི་དབྱིངས་སུ་སྒྲོལ༔  དོ་ནུབ་ཉིད་དུ་ཕྲིན་ལས་མཛོད༔    དེ་རིང་ཉིད་ལས་ལས་མ་འགྱང་༔  དམ་ཚིག་ཐུགས་དམ་དུས་ལ་བབ༔    བསྐུལ་ལོ་རྦད་དོ་ཕྲིན་ལས་མཛོད༔    རྟགས་དང་མཚན་མ་མྱུར་དུ་སྟོན༔    གནོད་བྱེད་ཀླུ་གཉན་སྡེ་བརྒྱད་ཀུན༔  མིང་གི་ལྷ་ཙམ་མེད་པར་རློག༔  དུས་ལ་བབ་བོ་ས་མ་ཡ༔  ཧཱུྃ་བྷྱོ༔  དྲག་པོ་དམར་གྱི་གཏོར་མ་ལས༔  ཁྲོ་རྒྱལ་ཁམས་གསུམ་རོལ་པ་ཆེ༔  སྐུ་ལ་རྡོ་རྗེའི་གོ་ཁྲབ་གསོལ༔  ཚེམས་ཕྲེང་གངས་རི་དཀར་པོ་འདྲ༔  ཁྲོ་གཉེར་རྒྱ་མཚོའི་གཉེར་མ་འདྲ༔  སྤྱན་གསུམ་ཉི་ཟླ་ཤར་བ་འདྲ༔  དབུ་སྐྲ་དུས་མཐའི་མེ་ལྟར་འབར༔  སྨ་ར་ལྕགས་སྲེག་ཐུར་མ་འདྲ༔  སྨིན་མ་གློག་གི་ཕྲེང་བ་འདྲ།  ང་རོ་འབྲུག་སྟོང་ལྡིར་བ་འདྲ༔  སྐུ་ནི་རི་རབ་ལྷུན་པོ་འདྲ༔  ཚྭ་ཚྭ་ཐོག་རྒོད་འབར་བ་འདྲ༔  ཕོ་ཉ་མེ་སྟག་འཕྲོ་བ་འདྲ༔  ལས་མཁན་སེར་ཆེན་འབེབས་པ་འདྲ༔  མཚོན་ཐུན་རླུང་ཆེན་གཡོ་བ་འདྲ༔  མེ་དཔུང་ན་བུན་འཐིབས་པ་འདྲ༔  དེ་འདྲའི་ཁྲོ་རྒྱལ་ཆེན་པོ་ཉིད༔  ཆོས་ཀྱི་（20ན）དབྱིངས་ལས་སྐུར་བཞེངས་ཤིག༔   སྐུ་གསུང་ཐུགས་ལས་སྤྲུལ་པའི་ཁྱུང་༔  ནམ་མཁའ་སྐར་ཚོགས་བཀྲ་བ་འདྲ༔  བར་སྣང་སྤྲིན་དཔུང་གཏིབས་པ་འདྲ༔  ས་གཞིར་སྐྱིན་ཐང་འབེབས་པ་འདྲ༔  བཞེངས་ཤིག་མི་མངོན་དབྱིངས་ནས་བཞེངས༔  བསྐུལ་ལོ་ཐུགས་དམ་གནད་ནས་བསྐུལ༔  བཞེས་ཤིག་དགྲ་བགེགས་ཤ་ཁྲག་བཞེས༔  མཛོད་ཅིག་མངོན་སྤྱོད་ཕྲིན་ལས་མཛོད༔  ཁྲོཾ་བྷྱོ་ཛཿ དབུས་ཕྱོགས་སངས་རྒྱས་བྱ་ཁྱུང་གིས༔  རྒྱལ་རིགས་ལས་བྱུང་ཀླུ་གཉན་གདོན༔  གཏི་མུག་ལས་གྱུར་དགྲ་དང་བགེགས༔  དུས་ངན་ཡོ་ལངས་ནད་མུག་མཚོན༔  རྨི་ལྟས་མཚན་ངན་ཐན་གྱི་རིགས༔  མདོར་ན་མི་མཐུན་ཕྱོགས་རྣམས་ཀུན༔  བཟློག་ཅིང་བསྒྱུར་བའི་ཕྲིན་ལས་མཛོད༔  སྡང་དགྲ་གདུག་པའི་སྟེང་དུ་ཟློག༔  དཀོན་མཆོག་གསུམ་དང་རྩ་བ་གསུམ༔  སྐུ་གསུམ་རྒྱལ་བའི་མཐུ་སྟོབས་དང་༔  ཆོས་ཉིད་རྣམ་པར་དག་པ་དང་༔  རྒྱུ་འབྲས་ཟབ་མོའི་བདེན་པའི་མཐུས༔  བདག་ཅག་དཔོན་སློབ་འཁོར་བཅས་ཀྱི༔  ཆོས་སྲིད་ཚེ་བསོད་ལོངས་སྤྱོད་ལ༔  བར་ཆད་གནོད་འཚེ་མི་མཐུན་ཕྱོགས༔  མ་ལུས་（20བ）བསྡུས་ཏེ་དགྲ་ལ་ཟློག༔   སྡང་བར་བྱེད་པའི་དགྲ་དཔུང་ཟློག༔  གནོད་པར་བྱེད་པའི་གདོན་བགེགས༴   བཀའ་སྲུང་ཡོངས་ཀྱི་རྒོལ་བ༴    སྡེ་བརྒྱད་ཡོངས་ཀྱི༴  སྣང་སྲིད་ལྷ་འདྲེའི༴   བན་བོན་ཀླ་ཀློའི་མཐུ་ནུས༴   བྱང་ཆུབ་སྒྲུབ་པའི་བར་ཆད༴   ནད་རིམས་ཡམས་ནད་གོད་ཁ༴   སད་སེར་བཙའ་ཐན་ལོ་ནད༴   སྔོན་ལས་འཕྲལ་རྐྱེན་ངན་པ༴   བྱད་ཕུར་གཏད་ཁྲོམ་ཧོམ་ཟོར༴   མི་ཁ་ཁ་མཆུ་འཁོན་འཐབ༴   རང་བྱད་རང་ལ་ལྡོག་པ༴   མོ་རྩིས་རྨི་ངན་ཐན་ལྟས༴   སྡང་བར་བྱེད་པའི་དགྲ་ལ༴   གནོད་པར་བྱེད་པའི་བགེགས་ལ༴   རྗེས་ཤུལ་མེད་པར་བཟློག་གྱུར་ཅིག༴   ཁྲོཾ་བྷྱོ་ཛཿ ཤར་ཕྱོགས་རྡོ་རྗེ་ཁྱུང་ཆེན་གྱིས༴   རྗེ་རིགས་ལས་བྱུང་ཀླུ་གཉན་སྡེ༔  ཞེ་སྡང་ལས་གྱུར་དགྲ་དང་བགེགས༔  དུས་ངན༴   རྨི་ལྟས༴   མདོར་ན༴   བཟློག་ཅིང་༴   སྡང་དགྲ་གདུག་པའི་སྟེང་དུ་ཟློག༔  དཀོན་མཆོག་གསུམ་དང་རྩ་བ་གསུམ༔  (སོགས་འགྲེ།)  ཁྲོཾ་བྷྱོ་ཛཿ ལྷོ་ཕྱོགས་རཏྣ་ཁྱུང་ཆེན་གྱིས༔  དམངས་རིགས་ལས་བྱུང་༴   ང་རྒྱལ་ལས་གྱུར་དགྲ༴   དུས་ངན༴    རྨི་ལྟས༴  མདོར་ན༴   བཟློག་ཅིང་༴   སྡང་དགྲ༴  དཀོན་མཆོག་（21ན）གསུམ་དང་རྩ་བ་གསུམ༔  (སོགས་འགྲེ།)  ཁྲོཾ་བྷྱོ་ཛཿ ནུབ་ཕྱོགས་པདྨ་ཁྱུང་ཆེན་གྱིས༔  བྲམ་ཟེ་ལས་བྱུང་ཀླུ༴   འདོད་ཆགས་ལས་གྱུར༴   དུས་ངན༴    རྨི་ལྟས༴  མདོར་ན༴   བཟློག་ཅིང་༴   སྡང་དགྲ༴   དཀོན་མཆོག་གསུམ་དང་(སོགས་འགྲེ།)  ཁྲོཾ་བྷྱོ་ཛཿ བྱང་ཕྱོགས་ཀརྨ་ཁྱུ་ཆེན་གྱིས༔  གདོལ་པ་ལས་བྱུང་ཀླུ་གཉན་གདོན༔  ཕྲག་དོག་ལས་གྱུར༴   དུས་ངན༴   རྨི་ལྟས༴   མདོར་ན༴   བཟློག་ཅིང་༴   སྡང་དགྲ༴   དཀོན་མཆོག་གསུམ་དང་(སོགས་འགྲེ།)  ཁྲོཾ་བྷྱོ་ཛཿ ནད་རིམས་བཞི་བརྒྱ་རྩ་བཞི་དང་༔  བགེགས་རིགས་སྟོང་ཕྲག་བརྒྱད་ཅུ་དང་༔  ཡེ་འདྲོགས་སུམ་བརྒྱ་དྲུག་ཅུ་དང་༔  བྱིས་པའི་གདོན་ཆེན་བཅོ་ལྔ་དང་༔  དེ་ཡི་ཐན་ལྟས་ངན་པ་ཀུན༔  བཅོམ་ལྡན་བྱ་ཁྱུང་རིགས་ལྔ་དང་༔  དྲག་པོ་དམར་གྱི་གཏོར་མས་ཟློག༔  ཟ་འདྲེ་ཕུང་སྲི་ཤི་སྲི་དང་༔  དམ་སྲི་ཆེ་སྲི་ཆུང་སྲི་དང་༔  གཞོན་སྲི་དར་སྲི་གྲི་སྲི་དང་༔  གོད་སྲི་འགགས་སྲི་དུར་སྲི་དང་༔    དེ་ཡི་ཐན་ལྟས༴   བཅོམ་ལྡན་བྱ་ཁྱུང་༴   དྲག་པོ་དམར་གྱི༴   ཕྱི་ཡི་འབྱུང་བ་འཁྲུགས་པ་དང་༔  ནང་གི་ན་ཚ་སྡུག་བསྔལ་དང་༔  གསང་བ་གཟུང་འཛིན་དུག་གསུམ་（21བ）དང་༔   མདོར་ན་མི་མཐུན་ཕྱོགས་ཀུན་དང་༔  དེ་ཡི་ཐན་ལྟས་ངན༴   བཅོམ་ལྡན་བྱ་ཁྱུང་༴   དྲག་པོ་དམར་གྱི་གཏོར་མས་ཟློག༔  ཁྲོཾ་བྷྱོ་ཛཿ བཅོམ་ལྡན་བྱ་ཁྱུང་རིགས་ལྔ་ཡིས༔  མཐུ་སྟོབས་ནུས་རྩལ་ཤུགས་ཕྱུངས་ལ༔  ཐན་ལྟས་བཟློག་པའི་ལས་མཛོད་ཅིག༔  རྭ་ཡིས་རྭ་ཅན་ལྟས་ངན་ཟློག༔  ནོར་བུ་རྫས་ཀྱི་ལྟས་ངན༔  རལ་པས་རལ་ཅན་ལྟས་ངན༴   མཆུ་ཡིས་མཆུ་ཅན༴   གཤོག་པས་འདབ་ཆགས༴   སྡེར་མོས་སྡེར་ཅན༴   སྤུ་ཡིས་སྤུ་ཅན༴   དབང་པོས་ཡུལ་དུག་ལྟས༴   སྡང་བར་བྱེད་པའི་དགྲ་ལ༴   དགྲ་དཔུང་བདུན་རྒྱུད་རྩད་ནས་ཆོད༴   གནོད་པར་བྱེད་པའི་བགེགས་ལ༴   བགེགས་དཔུང་ཐལ་བའི་རྡུལ་བཞིན་རློག༔  ཟ་བར་བྱེད་པའི་འདྲེ་ལ༴   བདག་མེད་སྟོང་པའི་དབྱིངས་སུ་སོད༔  ཕུང་བར་བྱེད་པའི་སྲི་ལ༴   ཡུལ་མེད་ཟང་ཐལ་ཆེན་པོར་ཆོམས༴   དུས་ལ་བབ་བོ་ས་མ་ཡ༔  ཨོཾ་ཧཱུྃ་ཏྲིག་ཁྲོཾ་བྷྱོ༔  མ་ནི་མ་ར་ནི་བྷྱོ༔  མ་ར་དུ་ན་བྷྱོ༔  རཀྨོ་རཀྴན་བྷྱོ༔  ཏིང་ཡ་རཀྴ་བྷྱོ༔  མཱ་ར་ཡ་ཨེ་ཀ་བྷྱོ་བྷྱོ༔  ཨེ་ས་བྷྱོ་བྷྱོ༔    ཨཿཡཿ་མཿདུཿ་རུཿ་ཙཿ་ཤཿནཿ གནོད་བྱེད་སརྦ་ཤ་ཏྲུཾ་མཱ་ར་ཡ་བྷྱོ་བྷྱོ་ཟློག་ཟློག༔   （22ན）(ཅེས་བཟློག་པའི་ཕྲིན་ལས་བཅོལ་ལོ།  །)
(གསུམ་པ་རྗེས་བསྡུ་བའི་ལས་རིམ་ནི།   ལས་མཁན་ལྕགས་སྡིག་གོང་གི་ཟ་ལམ་བསྟན་པས་འཐུས་ཕྱིར་ཟོར་བསྐུལ་ཟུར་དུ་མི་དགོས་ལ༔  ཕག་ཁྱུང་གཉིས་ཀྱི་གཏོར་མའི་ཡེ་ཤེས་པ་རང་ངམ་རྟེན་ལ་བསྟིམ།  དམ་ཚིག་པ་འོད་དུ་ཞུ་བ་དུག་མཚོན་རྡོ་རྗེའི་ཆར་དུ་མོས་ནས།)  ཧཱུྃ་ཛ༔  ང་ནི་ཡང་ཁྲོས་ནག་པོ་ཆེ༔  རྦད་དོ་ལས་མཁན་ཕོ་ཉའི་ཚོགས༔  དགྲ་བགེགས་ལུས་སེམས་འབེན་ལ་ཡཱ༔  དོ་ནུབ་གཏོར་ཟོར་གཉན་པོ་འདི༔  གློག་ལྟར་འཁྱུག་ཅིང་ཐོག་ལྟར་འབེབས༔  སངས་རྒྱས་བསྟན་པ་བཤིག་པ་དང་༔  དཀོན་མཆོག་དབུ་འཕང་སྨད་པ་དང་༔  མཚན་ལྡན་བླ་མའི་སྐུ་དགྲ་དང་༔  ལྟ་བ་ལོག་པའི་བསྟན་དགྲ་དང་༔  སྨོན་ལམ་ལོག་པའི་བདུད་རིགས་དང་༔  བར་ཆད་བྱེད་པའི་གདོན་བགེགས་དང་༔  རང་རྒྱུད་གོལ་འཁྲུལ་རྒྱལ་བསེན་ཚོགས༔  སྡིག་ཅན་མ་ལུས་འཁོར་བཅས་ཀྱི༔  གཟུགས་ཕུང་ཐལ་བའི་རྡུལ་བཞིན་བཤིག༔  རྣམ་ཤེས་ཆོས་ཀྱི་དབྱིངས་སུ་སྤོར༔  དུས་ལ་བབ་བོ་མཐུ་རྩལ་བསྐྱེད༔  ཨོཾ་ཨཱཿཧཱུྃ་སྭཱ་ཧཱ་ཁྲོཾ་ག་རུ་ཌ་ས་མ་ཡ་གནོད་བྱེད་སརྦ་ཤ་ཏྲུཾ་མཱ་ར་ཡ་རྦད༔  མཱ་ར་ཡ་སོད༔  མཱ་ར་ཡ་བྷྱོ༔  མཱ་ར་ཡ་ཟློག༔  (ཅེས་འཕང༌།  དེ་ནས་རྩ་བའི་གཏོར་ཆེན་འཕང་བ་དངོས་（22བ）ལ་འཇུག་གོ   །ཡང་སྐབས་འགའ་ཞིག་ཏུ་འཕྲལ་གྱི་རྐྱེན་སེལ་ཙམ་ལ་བཟློག་གཞུང་རྩ་བ་ལ་མ་བརྟེན་པར་བདག་བསྐྱེད་ཙམ་ལ་བརྟེན་ནས་འདི་དག་ཁོལ་འདོན་དུ་བསྒྲུབ་ཀྱང་ཆོག་སྟེ་སྐབས་འཕྲུལ་ཤེས་པར་བྱའོ།  །)ཡང་ཁྲོས་ལས་སྦྱོར་མདེའུ་ཁ་རྣོ་མྱུར་ཐོག  །ལོག་འདྲེན་ཀླད་པར་འབེབས་བྱེད་གསལ་བྱས་པ།  །འདིས་ཀྱང་བསྟན་འཛིན་བར་ཆད་གཡུལ་ངོ་ལས།  །རབ་རྒྱལ་དབང་སྐད་ས་གསུམ་ཁྱབ་སྒྲོགས་ཤོག  །(ཅེས་པའང་གཏེར་གཞུང་གི་དགོངས་པ་མ་ནོར་བར་སྙིང་པོའི་བཅུད་བསྡུས་ནས་ཡང་ཁྲོས་ཡིག་ཆའི་གསལ་བྱེད་དཀྱུས་གཅིག་ཏུ་འཇིགས་བྲལ་ཡེ་ཤེས་རྡོ་རྗེས་བསྡེབས་པ་ཛ་ཡནྟུ།།  །།)}}
</onlyinclude>
</onlyinclude>
{{TsagliCall}}
{{TsagliCall}}
<headertabs/>
<headertabs/>

Latest revision as of 10:00, 4 September 2025

Previous Text Back to Volume PageNext Text
Wylie title dbang chen rta mgrin yang khros nag po'i pho nya phag sdig khyung gsum gyi sgos sgrub rdo rje'i thog mda' log 'dren klad 'gem DJYD-KABUM-12-NA-006.pdf
Location bdud 'joms rin po che bka' 'bum
Volume 12, Text 6, Pages 135-178 (Folios 1a1 to 22b3)
Author བདུད་འཇོམས་འཇིགས་བྲལ་ཡེ་ཤེས་རྡོ་རྗེ་
Citation Dudjom Rinpoche 'Jigs bral ye shes rdo rje. Dbang chen rta mgrin yang khros nag po'i pho nya phag sdig khyung gsum gyi sgos sgrub rdo rje'i thog mda' log 'dren klad 'gem. In Bdud 'joms 'jigs bral ye shes rdo rje'i gsung 'bum dam chos rin chen nor bu'i bang mdzod, Vol. 12: 135-178. Kalimpong: Dupjung Lama, 1979-1985.
Side notes Recto: sgos sgrub   Verso: bdud 'joms yang khros
More details More details
Tertön བདུད་འཇོམས་གླིང་པ་ (bdud 'joms gling pa)
Genre Sadhanas - Evocation Ritual - sgrub thabs
Cycle ཁྲོ་རྒྱལ་ཁམས་གསུམ་རོལ་པ་རྟ་མགྲིན་ཡང་ཁྲོས་ནག་པོ་ (khro rgyal khams gsum rol pa rta mgrin yang khros nag po)
Parent Cycle ཟབ་གསང་མཁའ་འགྲོའི་སྙིང་ཐིག་ (zab gsang mkha' 'gro'i snying thig)
Deity dur phag nag mo, za byed lcags sdig nag po, khyung chen
Colophon

ཅེས་པའང་གཏེར་གཞུང་གི་དགོངས་པ་མ་ནོར་བར་སྙིང་པོའི་བཅུད་བསྡུས་ནས་ཡང་ཁྲོས་ཡིག་ཆའི་གསལ་བྱེད་དཀྱུས་གཅིག་ཏུ་འཇིགས་བྲལ་ཡེ་ཤེས་རྡོ་རྗེས་བསྡེབས་པ་ཛ་ཡནྟུ།།

ces pa'ang gter gzhung gi dgongs pa ma nor bar snying po'i bcud bsdus nas yang khros yig cha'i gsal byed dkyus gcig tu 'jigs bral ye shes rdo rjes bsdebs pa dza yan+tu//

[edit]
༄༅། །དབང་ཆེན་རྟ་མགྲིན་ཡང་ཁྲོས་ནག་པོའི་ཕོ་ཉ་ཕག་སྡིག་ཁྱུང་གསུམ་གྱི་སྒོས་སྒྲུབ་རྡོ་རྗེའི་ཐོག་མདའ་ལོག་འདྲེན་ཀླད་འགེམ་ཞེས་བྱ་བ་བཞུགས་སོ། །


༄༅། །ཤྲཱི་བི་ཛ་ཡ་ནྟུ། ཁམས་གསུམ་དབང་སྡུད་གདུག་ཅན་མཐར་མཛད་པ། །བླ་མ་ཡང་ཁྲོས་ནག་པོར་གུས་བཏུད་ནས། །གང་དེའི་ལས་ཀྱི་ཕོ་ཉ་མི་བཟད་པ། །ཕག་སྡིག་ཁྱུང་གི་ཕྲིན་ལས་འདིར་གསལ་བྱ། །དེའང་དཔལ་རྟ་མགྲིན་ནག་པོའི་གཏུམ་དྲག་ལས་ཀྱི་ཕོ་ཉ་གདུག་རྔམས་མཐུ་རྩལ་རྣོ་མྱུར་ཐོག་རྒོད་འབར་བ་ལྟ་བུའི་ཕྲིན་ལས་ཀྱི་མདེའུ་ཁ་སྦྱོར་བར་བྱ་བ་ལ་གསུམ། སྦྱོར་བ་བཤམ་བཀོད། དངོས་གཞི་སོ་སོའི་ཕྲིན་ལས། རྗེས་བསྡུ་བའི་ལས་རིམ་མོ། །དང་པོ་ནི། རྩ་བའི་ཟློག་དཀྱིལ་གྱི་མདུན་དང་གཡས་གཡོན་དུ་ལྕགས་སྣོད་ལ་སོགས་པར་འབྲུ་ནག་གི་རྗེན་ཕྱེ་དུག་ཁྲག་མྱོས་བྱེད་ཀྱིས་བྲུས་པའི་ཟན་ལས། མདུན་དུ་རྩ་བར། འཁོར་ལོ་རྩིབས་བརྒྱད་ལྟེ་བ་རུ༔ པདྨ་འདབ་བརྒྱད་བྲིས་པའི་སྟེང་༔ [2a] དམར་གཏོར་ཕག་ཟེ་འདྲ་བ་ལ༔ རྩང་དགུ་གཟུགས་ལ་མེ་རིས་བརྒྱན༔ དེ་ལ་ཁྲག་ཀོང་སྐྱུ་གུས་བསྐོར༔ མདུན་དུ་མཆོད་པའི་རྫས་ཚོགས་བཤམ༔ ཞེས་དང༌། གཡོན་དུ། ཁམ་སའམ་ནི་བག་ཟན་ལ༔ ལྕགས་ཀྱི་སྡིག་པ་མགོ་དགུ་པ༔ རྭ་ནི་བཅོ་བརྒྱུད་ལུས་ཀུན་ཏུ༔ མིག་དང་གཉེར་མས་གང་བ་ཞིག༔ བཟོས་ཏེ་གྲུ་གསུམ་གདན་ལ་བཞག༔ མཐར་ནི་རྩང་གི་ར་བས་བསྐོར༔ མཆོད་རྫས་ཁྲག་ཀོང་ཤ་དུམ་དང་༔ འབྲུ་ནག་གཏོར་མ་དམར་གྱིས་བྱུག༔ ཁ་དགུར་སྒྲོན་ཤིང་མེ་རྫས་གཟུག༔ དྲག་པོའི་རྣམ་ལྔ་མཆོད་རྫས་བཤམ༔ ཞེས་དང༌། གཡས་སུ། དེ་ལ་རི་རབ་ཆེན་པོའི་རྩེར༔ དཔག་བསམ་ཤིང་གི་ཡལ་ག་ལྔར༔ ཡེ་ཤེས་བྱ་ཁྱུང་རིགས་ལྔ་བཀོད༔ མཆོད་རྫས་ཉེར་སྤྱོད་འདོད་ [2b] ཡོན་དང་༔ ཀླུ་ནོར་སྣ་ཚོགས་ཅི་རིགས་བཀོད༔ ཤ་ཁྲག་གཏོར་མ་ལ་སོགས་པའི༔ ག་ཎའི་ལོངས་སྤྱོད་སྣ་ཚོགས་བཤམ༔ ཞེས་པ་ལྟར་དྲག་རྒྱན་རྔམས་བརྗིད་དང་ལྡན་པ་སོ་སོར་བཀོད་པའི་མཐར་དྲག་པོའི་ཉེར་སྤྱོད་ཀྱིས་བསྐོར། གཞན་ཡང་ཐུན་མཚམས་སུ་འབུལ་བྱའི་དམར་གཏོར་ཁྲག་སྐྱེམས་སོགས་ཉེ་བར་མཁོ་བའི་ཡོ་བྱད་ཐམས་ཅད་ཚོགས་པར་བྱའོ། །གཉིས་པ་ཕྲིན་ལས་དངོས་ཀྱི་གཞུང་བསྲང་བ་ནི། ཡང་ཁྲོས་རྩ་བའི་ཕྲིན་ལས་ཀྱི་གཞུང་བསྲང་སྟེ་བཟླས་པའི་མཐར་ཐུག་གི་བར་སྔོན་དུ་འགྲོ་བས། སྒོས་ཀྱི་ཕྲིན་ལས་ལ་གསུམ་གྱི། དང་པོ་སྒྲོལ་ཡུམ་དར་ཕག་ནག་མོའི་ཕྲིན་ལས་ནི། མདུན་རྟེན། ཤུ་ནྱ་ཏས་བསང་སྦྱང་། སྟོང་པའི་ངང་ལས་མདུན་དུ་གནམ་ལྕགས་ཀྱི་འཁོར་ལོ་རྩིབས་བརྒྱད་པའི་ལྟེ་བར་བཙན་དུག་ནག་པོའི་ངད་རླངས་འཕྱོ་བའི་དུག་གི་པདྨ་འདབ་བརྒྱད་གྱེས་པའི་སྟེང་དུ་འཁོར་འདས་ཡོངས་ཀྱི་སྲོག་ཐིག་ཡི་གེ་ཧཱུྃ་ནག་པོ་མེ་འབར་བ་ལས་འོད་ཟེར་ཕྱོགས་བཅུར་འཕྲོས་པས་རྒྱལ་བ་སྲས་དང་བཅས་པ་ཐམས་ཅད་ལ་མཉེས་པའི་མཆོད་པ་ཕུལ༔ ཚུར་འདུས་རྒྱལ་བ་རྒྱ་མཚོའི་མཐུ་ནུས་གཟི་བྱིན་དང་བཅས་པ་ཧཱུྃ་ལ་ཐིམ༔ ཡང་འོད་ཟེར་དཔག་ཏུ་མེད་པ་འཕྲོས་པས་སྡེ་བརྒྱད་ཀླུ་གཉན་ལྷ་འདྲེའི་ཚོགས་ཐམས་ཅད་ཚར་བཅད༔ དེ་དག་གི་མཐུ་ནུས་སྲོག་གི་སྙིང་པོ་ཐམས་ཅད་འཕྲོག་ཅིང་བསྡུས་ཏེ་ཧཱུྃ་ལ་ཐིམ༔ [3a] འཁོར་འདས་ཡོངས་ཀྱི་བདག་མོའི་སྐུ་གསུང་ཐུགས་ཡོན་ཏན་ཕྲིན་ལས་མི་ཟད་པ་རྒྱན་གྱི་འཁོར་ལོ་ཐམས་ཅད་ཧཱུྃ་ལ་ཐིམ༔ དེ་ཡོངས་སུ་གྱུར་པ་ལས་སྲིད་པའི་ཕག་རྒོད་ནག་མོ་མགོ་དགུ་པ་མིག་ནས་ཉི་མ་འབུམ་གྱི་འོད་ཟེར་བཀྱེ་བ༔ མཆེ་བ་ཟླ་ཚེས་སྟོང་གི་འོད་ལྟར་དཀར་ཞིང་འབར་བས་སྲིད་པ་གསུམ་པོ་ཟས་སུ་ཟ་བ༔ སྟེང་གི་ཞལ་གསུམ་གྱེན་དུ་བལྟ་ཞིང་༔ བར་གྱི་ཞལ་གསུམ་བར་སྣང་གི་ཁམས་སུ་བལྟ་བ༔ འོག་གི་ཞལ་གསུམ་ཐུར་དུ་བལྟ་ཞིང་ཁམས་གསུམ་ཤ་ཁྲག་ལ་རྔམས་པའི་ངར་སྒྲ་དང་ངུར་སྒྲ་སྒྲོགས་པས་ས་གསུམ་གཡོ་འཁྲུགས་བྱེད་པ༔ རྐང་ལག་སྡེར་བཞིས་སྣང་སྲིད་ཐམས་ཅད་གནོན་པ༔ ཁ་དང་བུ་ག་ཐམས་ཅད་ནས་མེ་རླུང་ཕག་ཁྱུང་དཔག་ཏུ་མེད་པ་འཕྲོ་བས་སྡེ་བརྒྱད་འབྱུང་པོ་ནད་རིམས་ཀྱི་བདག་པོ་གཉན་དང་ཀླུ་གདོན་ཐམས་ཅད་ཧབ་ཧབ་ཟ་ཞིང་བསྲེགས་པ་ཡེ་ཤེས་ཀྱི་མེ་དཔུང་འབར་བའི་ཀློང་དུ་གསལ་བར་གྱུར༔ དེ་ལས་འོད་ཟེར་རབ་ཏུ་འཕྲོས་པས་འཁོར་འདས་ཡོངས་ཀྱི་དབང་ཕྱུག་ཆེན་མོ་ཆོས་ཀྱི་དབྱིངས་ལས་གཟུགས་ཀྱི་སྐུར་བཞེངས་ཏེ་བྱོན་པར་བསམ་ཞིང༌། སྤྱན་འདྲེན་པ་ནི། ཕེཾ༔ ཁྱབ་གདལ་ནམ་མཁའི་ཁོར་ཡུག་ནས༔ [3b] སྲིད་པའི་དབང་མོ་ཆེན་མོ་ནི༔ དྲག་གཏུམ་ཟ་བྱེད་འཇིགས་པའི་སྐུ༔ དུར་ཕག་ནག་མོའི་སྐུར་བཞེངས་ལ༔ སྒྲུབ་པའི་གནས་འདིར་ད་ཚུར་བྱོན༔ དུག་གསུམ་འཁྲུགས་པའི་རྒྱུ་རྐྱེན་ལས༔ བྱུང་བའི་སྡེ་བརྒྱད་ནད་རིམས་གདོན༔ མ་ལུས་སྒྲོལ་འཇོམས་བསྲེག་བཟློག་གི༔ མངོན་སྤྱོད་མཛད་ཕྱིར་གཤེགས་སུ་གསོལ༔ བཛྲ་ས་མ་ཡ་ཛ་ཛ༔ བཞུགས་སུ་གསོལ་བ་ནི། ཕེཾ༔ དུར་ཁྲོད་འབར་བའི་གཞལ་ཡས་འདིར༔ ཟ་བྱེད་ཆེན་མོ་འཁོར་དང་བཅས༔ དམ་ཚིག་ཡེ་ཤེས་དབྱེར་མེད་དུ༔ བཞུགས་ནས་མངོན་སྤྱོད་ཕྲིན་ལས་མཛོད༔ བཛྲ་ས་མ་ཡ་ཏིཥྛ་ལྷན༔ ཕྱག་འཚལ་བ་ནི། ན་མོ༔ ཁམས་གསུམ་སྒྲོལ་བའི་མཐུ་མོ་ཆེ༔ འཁོར་འདས་ལྟོ་བར་ཆུབ་སྦུམ་མ༔ སྲིད་པའི་དུར་ཕག་ཆེན་མོ་ལ༔ གདུག་པ་འདུལ་ཕྱིར་ཕྱག་འཚལ་ལོ༔ ན་མོ་ན་མ་ཧོཿ མཆོད་པ་འབུལ་བ་ནི། ཛཿ སྲིད་པའི་དུར་ཕག་ཆེན་མོ་ལ༔ ཉེར་སྤྱོད་བདུན་གྱི་མཆོད་པ་འབུལ༔ འདོད་ཡོན་ལྔ་ཡི་མཆོད་པ་འབུལ༔ སྨན་གཏོར་རཀྟའི་མཆོད་པ་འབུལ༔ དགྲ་བགེགས་ཤ་ཁྲག་སྲོག་གིས་མཆོད༔ དུག་གསུམ་རྒྱུ་རྐྱེན་ལས་བྱུང་བའི༔ གདུག་པ་བསྒྲལ་བའི་མཆོད་པ་འབུལ༔ བཞེས་ནས་འཇིག་ [4a] རྟེན་བདེ་བར་མཛོད༔ ཨོཾ་བཛྲ་ཨརྒྷཾ་པཱདྱཾ་སོགས་ནས་ ཤཔྡ་རཱུ་སོགས་སྤརྴེ་སརྦ་པཉྩ་ཨ་མྲྀ་ཏ་རཀྟ་བ་ལིཾ་ཏ་མ་ཧཱ་མཱཾ་ས་རཀྟ་ཙིཏྟ་ལ་ཁཱ་ཧི༔ བསྟོད་པ་ནི། ཕེཾ༔ དུས་གསུམ་སངས་རྒྱས་ཀུན་བསྐྱེད་ཡུམ༔ སྐུ་དང་ཡེ་ཤེས་ལྷུན་གྲུབ་རྫོགས༔ ཆོས་རྣམསཆོས་ཉིད་ཀློང་སྒྲོལ་མ༔ བདག་ལྟའི་རུ་ཏྲ་འཁོར་བའི་སྡེ༔ བདག་མེད་རོལ་པར་རོལ་བྱེད་མ༔ ཟ་བྱེད་ཆེན་མོ་ཁྱོད་ལ་བསྟོད༔ འཛབ་བཟླ་བ་ནི། ཧཱུྃ༔ ཟ་བྱེད་ཕག་མོའི་ཐུགས་ཀ་རུ༔ ཉི་ཟླའི་གྭའུ་ཁ་སྦྱོར་ནང་༔ ཧཱུྃ་མཐར་སྔགས་ཀྱི་ཕྲེང་བས་བསྐོར༔ བཟླས་པས་ཐུགས་དམ་བརྒྱུད་བསྐུལ་ཏེ༔ དགྲ་བགེགས་སྡེ་བརྒྱད་ནད་རིམས་གདོན༔ ས་བདག་ཀླུ་གཉན་གནོད་བྱེད་ཀུན༔ མེ་རླུང་དུག་གི་སྤུ་གྲིས་བསད༔ སྤྲུལ་པ་ཕག་རྒོད་འབར་བ་ཡིས༔ རྗེས་ཤུལ་མེད་པར་ཟོས་པར་གྱུར༔ ཧཱུྃ་ཌཱ་ཀི་ནི་ཕེ་ཁྱིམ་ཕེཾ་ཛ༔ ཞེས་གཙོ་བོར་བཟླ་ཞིང༌། མཐར་ལས་སྔགས་ནི། གནོད་བྱེད་སརྦ་ཤ་ཏྲཱུཾ་མཱ་ར་ཡ་རྦད་བྷྱོམ་ཛྭ་ལ་རཾ་པ་ཡེ་སྭཱ་ཧཱ༔ ཞེས་ཤམ་བུ་སྦྱར་ལ་བཟླ། གཞན་དུ་གནོད་བྱེད་སརྦ་ཤ་ཏྲཱུཾ་གྱི་མལ་དུ། གནོད་བྱེད་གཉན་པརྤ་ཏའམ། ནཱ་ག་ཙི་ཙི་ཛྭ་ལའམ། སརྦ་ཛྭ་རའམ། ཏྲི་རཱ་ཛའམ། བྱད་མ་རྦོད་གཏོང་སོགས་ [4b] གང་འདོད་དུ་ཁ་བསྒྱུར་བས་ཆོག་གོ །ཐུན་མཚམས་སུ་གཏོར་མ་འབུལ་བ་ནི། དམར་གཏོར་ཤ་ཁྲག་གིས་བརྒྱན་པར་རཀྟས་བྲན་ལ། བདེན་སྟོབས་བརྗོད་པ་སྤྱི་ལྟར་ལས། ཁྱད་པར་དབང་ཆེན་རྟ་མགྲིན་ཡང་ཁྲོས་ནག་པོ་སྒྲོལ་ཡུམ་དུར་ཕག་ནག་མོ་སྤྲུལ་པ་ལས་མཁན་ཕོ་ཉའི་དམག་ཚོགས་འཁོར་དང་བཅས་པ་རྣམས་ཀྱི་བཀའ་བདེན་པ་དང༌། བདེན་པ་ཆེན་པོའི་མཐུ་ལ་བརྟེན་ནས། བདག་ཅག་དཔོན་སློབ་ཡོན་མཆོད་འཁོར་དང་བཅས་པའི་ཚེ་ལ་བརྐུ་བ༔ སྲོག་ལ་འཇབ་པ༔ བླ་ལ་ཁྱེར་བ༔ ཡིད་ལ་བརྣག་པ༔ མི་ལ་ན་ཚ༔ ཕྱུགས་ལ་གོད་ཁ་སོགས་གཏོང་བའི་རྒྱལ་འགོང་བསེན་མོ་དམ་སྲི་འབྱུང་པོ་ནད་བདག་ཡམས་བདག་གནོད་ཅིང་འཚེ་བ་ཐམས་ཅད་ཤ་ཁྲག་དམར་གྱི་གཏོར་མ་འདི་ལ་ཁུག་ཅིག༔ ཧཱུྃ་ཌཱ་ཀི་ནི་ཕེ་ཁྱི་མ་ཕེཾ༔ ཛཿནྲྀ་ཏྲི་བཛྲ་ཨངྐུ་ཤ་ཛཿ ཛཿཧཱུྃ་བཾ་ཧོཿ ཞེས་ལན་གསུམ་སོགས་ཀྱིས་བཀུག་ལ། དབྱིངས་ནས་ཐུན་ཚོན་སྣ་ཚོགས་ཀྱི་ཆར་བབས་པས་དམིགས་བྱའི་གཟུགས་ཕུང་ཚལ་པ་དུམ་བུ་ཐལ་བའི་རྡུལ་ཕྲན་བཞིན་དུ་བརླག་པར་བསམ། ཨོཾ་ཨཱཿཧཱུཾ༔ ཧོཿ ས་བདུད་རྩིར་སྦར་ནས། དགྲ་བགེགས་བསྒྲལ་བའི་ཤ་རི་ཁྲག་མཚོ་དེ་ཉིད་སྒྲོལ་བྱེད་དུར་ཕག་ནག་མོས་ཁྱི་ལྟོག་གིས་ཤ་ཟན་རོལ་པ་བཞིན་ཧབ་ཧབ་མྱག་མྱག་ཏུ་གསོལ་བར་བསམ་ཞིང༌། [5a] མ་མ་ཕེ་ཁྱི་མ་ཨི་ངཾ་བ་ལིཾ་ཏ་ཁཱ་ཧི༔ མ་ཧཱ་མཱཾ་ས་ཁཱ་ཧི༔ མ་ཧཱ་རཀྟ༴ མ་ཧཱ་ཙིཏྟ༴ མ་ཧཱ་བ་སུ་ཏ༴ མ་ཧཱ་ཀེཾ་ནི་རི་ཏི༴ གནོད་བྱེད་གཉན་དང་ཀླུ་གདོན་ནད་རིམས་ཡམས་ནད་ཐམས་ཅད་མཱ་ར་ཡ་ཛྭ་ལ་རཾ་ཁཱ་ཧི༔ ཞེས་ལན་བདུན་ནམ་གསུམ་གྱིས་བསྟབ་ལ། ཛཿབྷྱོ༔ འཁོར་འདས་ཡོངས་ཀྱི་ཁྱབ་བདག་མོ༔ འབྱུང་བ་ལྔ་ཡི་དབང་ཕྱུག་མ༔ མ་ངེས་སྤྲུལ་པའི་གར་མཁན་མོ༔ དགའ་ན་གདོད་མའི་སངས་རྒྱས་སྟོན༔ འཁྲུགས་ན་ངན་འགྲོའི་ཆད་པ་གཅོད༔ ལེགས་ཉེས་གཉིས་ཀྱི་གཉེར་ཁ་འཛིན༔ སྲིད་པའི་དུར་ཕག་མགོ་དགུ་མ༔ ཁྱོད་ཀྱི་ཐུགས་དམ་བསྐང་བའི་ཕྱིར༔ འདོད་ཡོན་ལྔ་ཡི་གཏོར་མ་འབུལ༔ བཞེས་ནས་རྣལ་འབྱོར་བདག་སྐྱོངས་ཤིག༔ ཤ་ཁྲག་དམར་གྱིས་གཏོར་མ་འབུལ༔ བཞེས་ནས་དགྲ་བགེགས་རྡུལ་དུ་རློག༔ དགྲ་བགེགས་གནོད་བྱེད་མ་ལུས་པ༔ ཞལ་དུ་བསྟབ་བོ་བཞེས་མཛོད་ལ༔ དྲག་པོ་མངོན་སྤྱོད་ཕྲིན་ལས་ཀྱིས༔ གནོད་བྱེད་དགྲ་བགེགས་ཚར་ཆོད་ཅིག༔ དུས་ལ་བབ་བོ་ས་མ་ཡ༔ ཞེས་ཕྲིན་ལས་གསོལ། དེ་ནས་ཐུགས་དམ་བསྐུལ་ཞིང་བཟློག་པའི་ཕྲིན་ལས་བཅོལ་བ་ནི། ཧཱུཾ་ཕེཾ་ཛཿ གནམ་ལྕགས་འཁོར་ལོ་འབར་བའི་གདན་སྟེང་དུ༔ མྱོས་ [5b] བྱེད་དུག་གི་མེ་ཏོག་པདྨ་ལ༔ མ་མོ་མཁའ་འགྲོ་ཡོངས་འདུས་བདག་ཉིད་དཔལ༔ ཟ་བྱེད་སྲིད་པའི་དུར་ཕག་མགོ་དགུ་མ༔ སྟེང་གི་ཞལ་གསུམ་གྱེན་དུ་བལྟ་བ་ཡིས༔ ཁམས་གསུམ་ལྷ་ཡི་གདོན་ཚོགས་ཧབ་ཀྱིས་ཟ༔ བར་ཞལ་གསུམ་གྱིས་བར་སྣང་བལྟ་བ་ཡིས༔ སྡེ་བརྒྱད་ལྷ་འདྲེའི་གདོན་ཚོགས་མ་ལུས་ཟ༔ འོག་གི་ཞལ་གསུམ་ཐུར་དུ་བལྟ་བ་ཡིས༔ ཀླུ་གཉན་ས་བདག་གདོན་ཚོགས་ཟས་སུ་ཟ༔ མེ་རླུང་དུག་གི་འཚུབས་མ་ཕྱོགས་བཅུར་འཕྲོ༔ ནད་རིམས་ཡམས་ནད་ཐམས་ཅད་བསྲེགས་ཤིང་གཞོམ༔ རྐང་བཞིས་སྐྱེ་བ་རྣམ་བཞིའི་སྒོ་འཕར་གཅོད༔ མཇུག་མས་ཁམས་གསུམ་འཁོར་བའི་སྐྱེ་རྒྱུད་གཅོད༔ སྤྲུལ་པ་ཕག་ཁྱུང་འབར་བའི་ཁྲ་ཐབས་ཀྱིས༔ ཐོགས་བཅས་ཐོགས་མེད་དགྲ་བགེགས་ཐམས་ཅད་སྒྲོལ༔ བསྐུལ་ལོ་ཐུགས་དམ་གཉན་པོ་གནད་ནས་བསྐུལ༔ མངོན་སྤྱོད་དྲག་པོའི་ཕྲིན་ལས་དུས་ལ་བབ༔ བྷྱོ་ཛཿ ང་རྒྱལ་ལས་བྱུང་ལྷ་ཡི་གདོན་ཚོགས་རྣམས༔ སྲིད་པའི་དུར་ཕག་ནག་མོའི་སྟོབས་ཀྱིས་ཟློག༔ ཕྲག་དོག་ལས་བྱུང་ལྷ་མིན་གདོན་ཚོགས་ཀུན༔ སྲིད་པའི་དུར་ཕག་ནག་མོའི་སྟོབས་ཀྱིས་ཟློག༔ དུགལྔ་ལས་གྱུར་མི་ཡིས་རྒོལ་ངན་ཀུན༔ སྲིད་པའི་དུར་ [6a] ཕག་ནག་མོའི༴ གཏི་མུག་ལས་བྱུང་དུད་འགྲོས་རྒོལ༴ སྲིད་པའི༴ འདོད་ཆགས་ལས་བྱུང་ཡི་དྭགས་གདོན་ཚོགས་ཀུན༔ སྲིད་པའི་དུར་ཕག༴ ཞེ་སྡང་ལས་བྱུང་དམྱལ་བའི་གནོད་འཚེ་ཀུན༔ སྲིད་པའི༴ སྲིད་པ་ལྷ་ཡིས་རྒོལ་ངན་་གནོད་འཚེ་ཀུན༔ སྲིད་པའི་དུར༴ འཆི་བདག་གཤིན་རྗེས་རྒོལ་ངན་གནོད༴ སྲིད་པའི་དུར༴ མ་མོ་མཁའ་འགྲོས་རྒོལ༴ སྲིད་པའི་དུར༴ ནག་པོ་བདུད་ཀྱིས་རྒོལ་ངན༴ སྲིད་པའི་དུར༴ རཀྟ་སྲིན་པོས་རྒོལ་ངན༴ སྲིད་པའི་དུར༴ དམར་པོ་བཙན་གྱིས༴ སྲིད་པའི༴ འཇིགས་བྱེད་གནོད་སྦྱིན༴ སྲིད་པའི་དུར༴ ཀླུ་གཉན་བདག༴ སྲིད་པའི༴ རཱ་ཧུ་ལ་ཡིས༴ སྲིད་པའི༴ རྡོ་རྗེ་ལེགས་པས༴ སྲིད་པའི༴ གནམ་ཐེའུ་དཀར་པོས༴ སྲིད་པའི༴ བར་ཐེའུ་ཁྲ་བོས༴ སྲིད་པའི༴ སཐེའུ་ནག་པོས༴ སྲིད་པའི༴ གཞི་བདག་ཡུལ་ལྷས༴ སྲིད་པའི༴ མི་མ་ཡིན་གྱིས༴ སྲིད་པའི༴ བྱད་མ་རྦོད་གཏོད་རྒོལ༴ སྲིད་པའི༴ གྲི་སྲི་ཕོ་མོས༴ སྲིད་པའི༴ སྔོན་ལས་འཕྲལ་རྐྱེན་ངན་པ་ཐམས་ཅད་ཀུན༴ སྲིད་པའི༴ མི་ཡི་ན་ཚ་ཕྱུགས་ཀྱི་གོད་ཡམས་ཀུན༔ [6b] སྲིད་པའི༴ མོ་རྩིས་རྨི་ལྟས་མཚན་མ་ངན་པ་ཀུན༔ སྲིད་པའི༴ འཇིགས་པ་ཆེན་པོ་བརྒྱད་དང་བཅུ་དྲུག་ཀུན༔ སྲིད་པའི་དུར་ཕག་ནག་མོའི་སྟོབས་ཀྱིས་ཟློག༔ སྡང་བར་བྱེད་པའི་དགྲ་བོའི་སྟེང་དུ་བསྒྱུར༔ གནོད་པར་བྱེད་པའི་བགེགས་ཀྱི་སྟེང་དུ་བསྒྱུར༔ སངས་རྒྱས་བསྟན་བཤིག་ལག་དམར་སྟེང་དུ༴ དཀོན་མཆོག་དབུ་འཕང་སྨད་པའི༴ སྲིད་པའི་དུར་ཕག་ནག་མོའི་སྟོབས་ཀྱིས་བསྒྱུར༔ ཆོས་ཉིད་རྣམ་དག་བདེན་པའི་སྟོབས་ཀྱིས་ཟློག༔ རྒྱུ་འབྲས་ཟབ་མོའི་སྟོབས་ཀྱིས་ཟློག༔ ཨེ་ས་མ་ཡ་བྷྱོ་བྷྱོ་ཟློག་ཟློག༔ མཱ་ར་ཡ་ཕཊ་རྦད་ནན་བྷྱོ་ཟློག༔ ཅེས་བཟློག་པའི་ཕྲིན་ལས་བསྐུལ་ལོ། །གཉིས་པ་ཟ་བྱེད་ལྕགས་སྡིག་ནག་པོའི་ཕྲིན་ལས་ནི། མདུན་རྟེན། སྭ་བྷཱ་ཝ་ས་སྟོང་པར་སྦྱང༌། སྟོང་པའི་ངང་ལས་ཡཾ་ལས་རླུང་གི་དཀྱིལ་འཁོར་གྲུ་གསུམ་པའི་སྟེང་དུ༔ རཾ་ལས་བསྐལ་པའི་མེ་དཔུང་དམར་ནག་རབ་ཏུ་འབར་བའི་ཀློང་དུ་ཡི་གེ་དུ་ནག་པོ་འོད་ཀྱི་ཐིག་ལེའི་སྦུབས་སུ་གནས་པ་ལས་འོད་འཕྲོས་པས༔ ཕྱོགས་བཅུ་དུས་གསུམ་གྱི་རྒྱལ་བ་སྲས་དང་བཅས་པ་ཐམས་ཅད་ལ་མཉེས་པའི་མཆོད་པ་ཕུལ་ཞིང་ཐུགས་དམ་གྱི་རྒྱུད་བསྐུལ༔ སྐུ་གསུང་ཐུགས་ཡོན་ཏན་ཕྲིན་ [7a] ལས་མི་ཟད་པ་རྒྱན་གྱི་འཁོར་ལོ་ཐམས་ཅད་འོད་ཟེར་གྱི་རྣམ་པར་ཚུར་འདུས་ཏེ་སྲོག་ཡིག་ལ་ཐིམ༔ ཡང་འོད་ཟེར་ཕྱོགས་བཅུར་འཕྲོས་པས་དགྲ་བགེགས་གདུག་པ་ཅན་སྡང་སེམས་དང་ལྡན་པ་རྣམས་ཚར་བཅད༔ དེ་དག་ཚེ་དང་བསོད་ནམས་མཐུ་སྟོབས་ནུས་པ་ཐམས་ཅད་ཚུར་འདུས་སྲོག་གི་ཡི་གེ་ལ་ཐིམ༔ དེ་ཡོངས་སུ་གྱུར་པ་ལས་ལྕགས་ཀྱི་སྡིག་པ་ནག་པོ་མགོ་དགུ་ཁ་དགུ་རྭ་ཅོ་བརྒྱད་ཡོད་པ་མགོ་ལུས་མེད་པར་མིག་དང་གཉེར་མས་གང་བ༔ ཁ་ནས་དུག་ཁྲག་དང་ནད་ཀྱི་སྐྱེན་མདའ་འཕེན་པ༔ མེ་ལས་མེ་སྟག་འཕྲོ་བ་བཞིན་དུ་སྡིག་པའི་ཚྭ་ཚྭ་སྐར་ལྟར་འཁྲིགས་པས་རྒྱལ་བསེན་གདུག་པའི་སྙིང་ཁྲག་རྡུབ་པ༔ ཡེ་ཤེས་ཀྱི་མེ་དཔུང་དམར་ནག་འབར་བའི་ཀློང་དུ་གསལ་བར་གྱུར༔ དེ་ལས་འོད་ཟེར་འཕྲོས་པས་ཕྱོགས་བཅུ་དུས་གསུམ་གྱི་རྒྱལ་བ་སྲས་དང་བཅས་པ་ཐམས་ཅད་ཆོས་ཀྱི་དབྱིངས་ནས་གཟུགས་ཀྱི་སྐུ་ལྕགས་སྡིག་མགོ་དགུ་མེ་འབར་གྱི་རྣམ་པ་ཅན་དུ་བཞེངས་ནས་རྒྱ་མཚོ་ཆེན་པོ་ལ་ཁ་ཆར་བབས་པ་ལྟར་དམ་ཚིག་པ་ལ་གཉིས་མེད་དུ་ཐིམ་པར་བསམ་ཞིང༌། སྤྱན་འདྲེན་པ་ནི། ཧཱུྃ༔ སྐུ་གསུམ་རྒྱལ་བའི་ཞིང་ཁམས་ནས༔ རྟ་མགྲིན་ཡང་ཁྲོས་ནག་པོ་དང་༔ དུས་ [7b] གསུམ་རྒྱལ་བ་སྲས་དང་བཅས༔ ལྕགས་སྡིག་ནག་པོའི་སྐུར་བཞེངས་ལ༔ གནས་འདིར་སྤྱན་འདྲེན་གཤེགས་སུ་གསོལ༔ འོག་མིན་སྟུག་པོ་བཀོད་པ་ནས༔ བུདྡྷ་རིགས་ཀྱི་དཀྱིལ་འཁོར་ལྷ༔ ལྕགས་སྡིག་ནག་པོའི་སྐུར་བཞེངས་ལ༔ གཏི་མུག་གཞོམ་ཕྱིར་གཤེགས་སུ་གསོལ༔ ཤར་ཕྱོགས་མངོན་དགའི་ཞིང་ཁམས་ནས༔ རྡོ་རྗེ་རིགས་ཀྱི་དཀྱིལ་འཁོར་ལྷ༔ ལྕགས་སྡིག་ནག་པོའི༴ ཞེ་སྡང་གཞོམ་ཕྱིར༴ ལྷོ་ཕྱོགས་དཔལ་ལྡན་ཞིང་ཁམས་ནས༔ རིན་ཆེན་རིགས་ཀྱི་དཀྱིལ་འཁོར་ལྷ༔ ལྕགས་སྡིག་ནག་པོའི༴ ང་རྒྱལ་གཞོམ་ཕྱིར༴ ནུབ་ཕྱོགས་བདེ་ཆེན་ཞིང་ཁམས་ནས༔ པདྨ་རིགས་ཀྱི་དཀྱིལ་འཁོར་ལྷ༔ ལྕགས་སྡིག་ནག་པོའི༴ ང་རྒྱལ་གཞོམ་ཕྱིར༴ ནུབ་ཕྱོགས་བདེ་ཆེན་ཞིང་ཁམས་ནས༔ པདྨ་རིགས་ཀྱི་དཀྱིལ་འཁོར་ལྷ༔ ལྕགས་སྡིག་ནག་པོའི༴ འདོད་ཆགས་གཞོམ་ཕྱིར༴ བྱང་ཕྱོགས་ལས་རབ་ཞིང་ཁམས་ནས༔ ཀརྨ་རིགས་ཀྱི་དཀྱིལ་འཁོར་ལྷ༔ ལྕགས་སྡིག་ནག་པོའི༴ ཕྲག་དོག་གཞོམ་ཕྱིར༴ དབང་དྲག་རོལ་པའི་དཀྱིལ་འཁོར་ནས༔ གུ་རུ་དྲག་པོའི་ལྷ་ཚོགས་རྣམས༔ ལྕགས་སྡིག་ནག་པོའི་སྐུར་བཞེངས་ལ༔ རྒྱལ་བསེན་གཞོམ་ཕྱིར ༴ ཆོས་ཉིད་རོལ་པའི་ཀློང་ཡངས་ནས༔ ཡེ་ཤེས་སྒྱུ་འཕྲུལ་རྟེན་བརྟེན་པ༔ མི་མངོན་དབྱིངས་ [8a] ནས་སྐུར་བཞེངས་ལ༔ རྒྱལ་བསེན་འཇོམས་ཕྱིར༴ མཐའ་དམག་བཟློག་ཕྱིར༴ ནད་རིམས་འཇོམས་ཕྱིར༴ གོད་ཡམས་བཟློག་ཕྱིར༴ རྦོད་གཏོང་བཟློག་ཕྱིར༴ མུ་གེའི་བསྐལ་པ་ངན་པ་དང༌། འཁྲུག་རྩོད་མཚོན་བསྐལ་བཟློག་པའི་ཕྱིར༔ གཞན་གྱིས་མི་ཐུབ་དྲག་ཤུལ་ཅན༔ ཟ་བྱེད་ལྕགས་སྡིག་ནག་པོའི་སྐུར༔ བཞེངས་ནས་གནས་འདིར་གཤེགས་སུ་གསོལ༔ གུ་རུ་དེ་ཝ་ཌཱ་ཀི་ནཱི་ནག་པོ་ཏི་པ་རཱ་ཛ་བཛྲ་མ་ཡ་ཛ་ཛ༔ བཞུགས་སུ་གསོལ་བ་ནི། ཧཱུཾ༔ བདག་ལྟའི་རུ་ཏྲ་བསྒྲལ་བའི་ཁྲིར༔ ཟ་བྱེད་ཆེན་པོ་བཞུགས་སུ་གསོལ༔ སྒྲོལ་བྱེད་ཆེན་པོ་བཞུགས་སུ་གསོལ༔ འཇིགས་བྱེད་ཆེན་པོ༴ གསོད་བྱེད་ཆེན་པོ་བཞུགས་སུ་གསོལ༔ བཞུགས་ནས་དྲག་པོའི་ཕྲིན་ལས་མཛོད༔ བཛྲ་ས་མ་ཡ་ཏིཥྛ་ལྷན༔ ཕྱག་འཚལ་བ་ནི། ན་མོ༔ རྒྱལ་ཀུན་ཕྲིན་ལས་མངའ་བདག་ལ༔ བསྐལ་ངན་བཟློག་ཕྱིར་ཕྱག་འཚལ་ལོ༔ དགྲ་བགེགས་སྒྲོལ་ཕྱིར༴ ཕྲིན་ལས་སྒྲུབ་ཕྱིར་ཕྱག་ཀྱང་འཚལ༔ ན་མོ་པཱུ་རུ་ཤ་ཡ་ ཧོཿ མཆོད་པ་འབུལ་བ་ནི། ཧཱུཾ༔ བདག་འཛིན་རུ་ཏྲ་བསྒྲལ་བ་ལས༔ དམར་ཆེན་ཁྲག་གི་ཨརྒྷཾ་དང་༔ དབང་ལྔའི་མེ་ཏོག་ཤ་ [8b] ཚིལ་སྤོས༔ ཞུན་ཆེན་མར་མེ་མཁྲིས་པའི་དྲི༔ ཤ་རུས་ཞལ་ཟས་སྣ་ཚོགས་པ༔ འཇིགས་བྱེད་ཆེན་པོ་ཁྱེད་ལ་འབུལ༔ ཉོན་མོངས་དུག་ལྔ་དུག་གསུམ་དང་༔ འབྲེལ་བའི་གདོན་བགེགས་ལོག་འདྲེན་གྱི༔ ཤ་ཁྲག་སྲོག་དབུགས་ཕུང་པོ་ལྔ༔ ཁམས་དང་སྐྱེ་མཆེད་དབང་ཡུལ་བཅས༔ འཇིགས་བྱེད་ཆེན་པོ་ཁྱོད་ལ་འབུལ༔ ཤ་ཁྲག་དམར་གྱི་གཏོར་མ་འབུལ༔ དམ་རྫས་རྒྱན་གྱི་གཏོར་མ༴ འདོད་ཡོན་རྒྱན་གྱི་མཆོད་འབུལ་བཞེས༔ བཞེས་ནས་གདུག་པ་ཀུན་འདུས་མཛོད༔ ཨོཾ་བཛྲ་ཨརྒྷཾ་སོགས་ནས། ཤཔྡ་མ་ཧཱ་མཱཾ་ས་རཀྟ་ཀིཾ་ནི་རི་ཏི་ཙིཏྟ་བ་སུ་ཏ་སརྦ་པཱུ་ཛ་ ཧོཿ རཱུ་པ་ཤཔྡ་གྷནྡྷེ་ར་ས་སྤརྴེ་པྲ་ཏཱི་ཙྪ་པཱུ་ཛ་ཧོཿ བསྟོད་པ་ནི། ཧཱུྃ༔ དུས་གསུམ་རྒྱལ་དང་རྒྱལ་སྲས་ཐམས་ཅད་ཀྱི༔ ཕྲིན་ལས་མཐུ་སྟོབས་ནུས་པ་གཅིག་བསྡུས་པ༔ མི་སྲུན་དྲག་ཤུལ་རྔམས་པའི་སྐུར་སྟོན་ཅིང་༔ རྒྱལ་བསེན་དམ་སྲིའི་གཤེད་དུ་ལྷུན་གྱིས་གྲུབ༔ འཇིགས་བྱེད་ཆེན་པོ་ཁྱེད་ལ་ཕྱག་འཚལ་བསྟོད༔ རྩ་ཞལ་གསུམ་གྱིས་གདོན་གསུམ་ཟས་སུ་རོལ༔ རྭ་ཡིས་སྟེང་གི་ལྷ་གདོན་ཐམས་ཅད་འབིགས༔ གཡས་ཞལ་གསུམ་གྱིས་གཉན་དང་སྡེ་བརྒྱད་འཇོམས༔ གཡོན་ཞལ་གསུམ་ [9a] གྱིས་དུས་འཁྲུགས་མཚོན་བསྐལ་གཞོམ༔ མཇུག་མ་བྱ་རོག་གདོང་གིས་ཀླུ་གདོན་ཟ༔ བསྐལ་པའི་མེ་འབར་སྲིད་གསུམ་གདུག་པ་བསྲེགས༔ དུག་གི་རླངས་པས་སྨོན་ལོག་དགྲ་འདྲེ་གསོད༔ སྤྱན་མིག་སྟོང་གིས་ཁམས་གསུམ་ས་ལེར་གཟིགས༔ སྤྲུལ་པ་དུག་མཚོན་ཐུན་གྱི་ཡོ་ལང་འགྱེད༔ སྤྲུལ་པའི་ལྕགས་སྡིག་མེ་སྟག་བཞིན་དུ་འཕྲོ༔ སྲིད་གསུམ་གདུག་པ་འདུལ་མཛད་ཁྱོད་ལ་བསྟོད༔ སྤྲོས་བྲལ་ཆོས་དབྱིངས་ངང་ལས་མ་གཡོས་ཀྱང་༔ གདུལ་དཀའ་འདུལ་ཕྱིར་ཐབས་ཀྱི་སྐུར་སྟོན་ཅིང་༔ ཁྱད་པར་ཞིང་བཅུའི་སྲོག་གི་གཤེད་དུ་བཞེངས༔ འཁོར་བའི་རྒྱུ་རྐྱེན་གསོད་པའི་ཕོ་ཉ་བ༔ འགོང་པོ་སྤུན་དགུའི་གཤེད་པོ་ཁྱོད་ལ་བསྟོད༔ བདག་དང་བསྟན་འགྲོ་ཡོངས་ལ་འཚེ་བྱེད་པའི༔ སྨོན་ལམ་ལོག་པའི་དགྲ་འདྲེའི་སྙིང་ཁྲག་འཐུང་༔ ཉོན་མོངས་དུག་ལྔའི་རྒྱུད་དུ་འཁྲུལ་པ་ཡི༔ བག་ཆགས་ལས་ཀྱི་རྣམ་སྨིན་འབྲས་བུ་ལས༔ སྐྱེ་འགྲོའི་སྲོག་ལ་རྒྱུ་ཞིང་དུས་ཀུན་ཏུ༔ ལས་རླུང་རྟར་ཞོན་གདུག་རྩུབ་མཚོན་ཐོགས་ཏེ༔ དལ་མེད་སྲིད་པའི་ཁམས་སུ་རྒྱུ་བ་ཡིས༔ ཐར་མེད་ལས་ཀྱི་ས་བོན་འདེབས་མཆིས་པའི༔ མ་རིག་འདྲེ་གདོན་རྒྱལ་བསེན་བདུད་དམ་སྲི༔ [9b] གཞན་གྱིས་ཐུལ་དཀའ་འཇིགས་བྱེད་ཁྱོད་ལ་གཏད༔ མ་ཤོར་ཉོན་མོངས་འཁྲུལ་པའི་གཞི་རྩ་བཤིག༔ ཁམས་གསུམ་འཁོར་བའི་སྐྱེ་རྒྱུད་གཅོད་པར་མཛོད༔ དམ་ཚིག་དུས་ལ་བབ་བོ་ས་མ་ཡ༔ ཞེས་བསྟོད། འཛབ་བཟླ་བ་ནི། དུས་གསུམ་སངས་རྒྱས་ཐམས་ཅད་ཀྱི་མཐུ་སྟོབས་ནུས་པ་མ་ལུས་པ་གཅིག་ཏུ་བསྡུས་ཏེ་ལྕགས་སྡིག་ནག་པོའི་རྣམ་པར་ཤར་བའི་སྙིང་གར་ཧཱུཾ་ནག་པོ་མེ་འབར་བའི་མཐར་སྔགས་ཕྲེང་འོད་དམར་གྱི་ཟེར་ཐག་མགལ་མེའི་འཁོར་ལོ་ལྟར་སྒ་ར་ར་གཡས་སུ་འཁོར་བ་ལས་འོད་ཟེར་དཔག་ཏུ་མེད་པ་འཕྲོས་པས་འཁོར་འདས་ཀྱི་དྭངས་བཅུད་མཐུ་ནུས་ཐམས་ཅད་བསྡུས་ཏེ་ལྕགས་སྡིག་ལ་ཐིམ་པས་བཀྲག་མདངས་གཟི་བརྗིད་བསྐལ་པའི་མེ་ཡི་ཕུང་པོ་ལྟར་རབ་ཏུ་རྒྱས་ཤིང་འབར་བར་བསམ་ལ། ཨོཾ་ཧཱུྃ་ཏྲཱཾ་ཧྲཱིཿཨཱཿཏི་པ་ཀ་ལ་རཱ་ཛ་ཕེཾ་ཕེཾ་ཛ་ཛ༔ ཞེས་ཅི་ནུས་སུ་བཟླ་བ་བསྙེན་པ་དང༌། ལས་སྦྱོར་དྲག་སྔགས་ནི། ཨོཾ་ཧཱུྃ་ཏྲཱཾ་ཧྲཱིཿཨཱཿ ནག་པོ་ཏི་པ་རཱ་ཛ་ས་མ་ཡ་རྦད་བྷྱོ༔ ཏྲི་རཱ་ཛ་རྒྱལ་པོའི་ཙིཏྟ་ཟུངས་ཟུངས༔ བསེན་མོའི་སྲོག་ལ་ཡ་རྦདཿ ཡ་ཏྲི་ཡ༔ ཡ་ཏྲི་ཡ༔ མ་ཏྲི་ཡ༔ མ་ཏྲི་ཡ༔ མ་ཞུ་ཏྲི་ཡ༔ མ་ཞུ་ཏྲི་ཡ༔ ཏྲི་རཱ་ཛ་རྒྱལ་བསེན་གདུག་པའི་བླ་ལ་རྦད་རྦད༔ ཚེ་ལ་རྦད་རྦད༔ སྲོག་ལ་རྦད་རྦད༔ དུ་ཏྲི་ [10a] ཀ་ལ་རཱུ་པ་གནོད་བྱེད་འབྱུང་པོ་ཐམས་ཅད་མཱ་ར་ཡ་སོད་སོད་རྦད་བྷྱོ༔ མཱཾ་ས་རཀྟ་ཙིཏྟ་བ་སུ་ཏ་ཀེཾ་ནི་རི་ཏི་ལ་ཁཱ་ཧི་ཛྭ་ལ་རཾ་པ་ཡེ་སྭཱ་ཧཱ་༔ ཞེས་བསྙེན་པའི་བཅུ་ཆ་ཙམ་བཟླ། ཐུན་མཚམས་སུ་གཏོར་མ་འབུལ་བ་ནི། དམར་གཏོར་ཤ་ཁྲག་གིས་བརྒྱན་པར་རཀྟས་བྲན་ལ། བདེན་སྟོབས་བརྗོད་པ་སྤྱི་ལྟར་ལས ཁྱད་པར་དབང་ཆེན་རྟ་མགྲིན་ཡང་ཁྲོས་ནག་པོ་ལས་མཁན་ཟ་བྱེད་ལྕགས་སྡིག་ནག་པོ་སྤྲུལ་པ་ཕོ་ཉའི་དམག་ཚོགས་འཁོར་དང་བཅས་པ་རྣམས་ཀྱིས་བཀའ་བདེན་པ་དང༌། བདེན་པ་ཆེན་པོའི་མཐུ་ལ་བརྟེན་ནས། བདག་ཅག་དཔོན་སློབ་ཡོན་མཆོད་འཁོར་དང་བཅས་པའི་ཚེ་ལ་བརྐུ་བ༔ སྲོག་ལ་འཇབ་པ༔ བླ་ལ་ཁྱེར་བ༔ ཡིད་ལ་བརྣག་པ༔ མི་ལ་ན་ཚ༔ ཕྱུགས་ལ་གོད་ཁ༔ བློ་ཉེས་འཁོན་འཁྲུགས༔ སྙིང་རླུང་སྨྱོ་འབོགས་སོགས་གཏོང་བའི་རྒྱལ་འགོང་བསེན་ཀེག་སྲི་སྨྱོ་འདྲེ་ཟ་འདྲེ་འབྱུང་པོ་གནོད་ཅིང་འཚེ་བ་ཐམས་ཅད་ཤ་ཁྲག་དམར་གྱི་གཏོར་མ་འདི་ལ་ཁུག་ཅིག༔ ཏི་པ་ཀ་ལ་རཱ་རྫ་ས་མ་ཡ་ནྲྀ་ཏྲི་བཛྲ་ཨངྐུ་ཤ་ཛཿ ཛཿཧཱུྃ་བཾ་ ཧོཿ ཞེས་ལན་གསུམ་སོགས་ཀྱིས་བཀུག་ལ། དབྱིངས་ནས་ཐུན་མཚོན་སྣ་ཚོགས་ཀྱི་ཆར་བབས་པས་དམིགས་བྱའི་གཟུགས་ཕུང་ཚལ་པ་དུམ་བུ་ཐལ་བའི་རྡུལ་ཕྲན་བཞིན་དུ [10b] བརླག་པར་བསམ། ཨོཾ་ཨཱཿཧཱུཾ་ཧོཿ ས་བདུད་རྩི་སྤར་ནས། དགྲ་བགེགས་བསྒྲལ་བའི་ཤ་རི་ཁྲག་མཚོ་དེ་ཉིད་ཟ་བྱེད་ལྕགས་སྡིག་ནག་པོས་ཁྱི་ལྟོག་གིས་ཤ་ཟན་རོལ་པ་བཞིན་ཧབ་ཧབ་མྱག་མྱག་ཏུ་གསོལ་བར་བསམ་ཞིང༌། ནག་པོ་ཏི་པ་རཱ་ཛ་ས་མ་ཡ་གནོད་བྱེད་གདུག་པ་ཅན་གྱི་མ་ཧཱ་མཱཾ་ས་རཀྟ་ཙིཏྟ་ལ་ཁ་རཾ་ཁཱ་ཧི༔ ཞེས་ལན་དགུར་ཕུལ་ནས། ཧཱུྃ༔ ཟ་གསོད་ལས་ཀྱི་ཕོ་ཉ་རྔམས་པའི་སྐུ༔ དྲག་ཤུལ་སྟོབས་ལྡན་ལྕགས་སྡིག་ནག་པོ་ཁྱོད༔ ཤ་ཁྲག་དམར་གྱི་གཏོར་མ་འདི་བཞེས་ལ༔ དྲག་ཁྲོས་རྔམས་པའི་ཚུལ་གྱིས་སྐུར་བཞེངས་ནས༔ རྭ་ཡིས་སྟེང་གི་ལྷ་གདོན་འདུལ་བར་མཛོད༔ མགོ་དགུས་ཕྱོགས་མཚམས་གདོན་ཚོགས་ཐམས་ཅད་ཐུལ༔ འགོང་པོ་སྤུན་དགུའི་སྡེ་དཔུང་ཆམ་ལ་ཕོབ༔ ཤ་ཁྲག་ཕུང་ཁམས་སྐྱེ་མཆེད་ཟས་སུ་རོལ༔ རྣམ་ཤེས་འཁྲུལ་མི་ཤེས་པའི་དབྱིངས་སུ་སྤོར༔ བདག་སོགས་སྙིགས་མ་ལྔ་བདོའི་སེམས་ཅན་གྱི༔ མི་བཟོད་སྡུག་བསྔལ་ན་ཚ་རྐྱེན་སྣང་ཀུན༔ ཞི་བཟློག་གཞོམ་པའི་ཕྲིན་ལས་ད་མཛོད་ཅིག༔ ཐུགས་དམ་དུས་ལ་བབ་བོ་ས་མ་ཡ༔ ཞེས་ཕྲིན་ལས་གསོལ། དེ་ནས་ཐུགས་དམ་བསྐུལ་ཞིང་བཟློག་པའི་ཕྲིན་ལས་བཅོལ་བ་ནི། ཧཱུྃ་ཛཿ སྐུ་གསུམ་ལྷུན་གྱིས་གྲུབ་པའི་དཀྱིལ་ [11a] འཁོར་ནས༔ ཞི་ཁྲོ་རྡོ་རྗེ་དབྱིངས་ཀྱི་ལྷ་ཚོགས་རྣམས༔ བསྐུལ་ལོ་ཐུགས་དམ་གཉན་པོ་གནད་ནས་བསྐུལ༔ ཟ་བྱེད་ལྕགས་སྡིག་ནག་པོའི་སྐུར་བཞེངས་ལ༔ རྒྱལ་འགོང་དམ་སྲིད་འདུལ་བའི་ཕྲིན་ལས་མཛོད༔ ཕྲིན་ལས་མངོན་སྤྱོད་ལྷུན་གྲུབ་དཀྱིལ་འཁོར་ནས༔ བཀའ་སྲུང་དྲེགས་པ་དམ་ཅན་རྒྱ་མཚོའི་ཚོགས༔ བསྐུལ་ལོ་བསྐུལ་ལོ་ཐུགས་དམ་དུས་ལ་བབ༔ ཟ་བྱེད་ལྕགས་སྡིག་ནག་པོའི་སྐུར་བཞེངས་ལ༔ བདུད་དང་དམ་སྲི་དུས་མཐའི་འགོང་ནག་སོགས༔ བསྒྲལ་ཞིང་བརླག་པའི་ཕྲིན་ལས་ད་མཛོད་ལ༔ བསྟན་འགྲོ་བདེ་ལ་འགོད་པའི་ཕྲིན་ལས་མཛོད༔ གང་གི་མི་ཤིགས་ཡེ་ཤེས་རྡོ་རྗེའི་སྐུ༔ བལྟར་མི་བཟོད་ཅིང་ཉེ་བར་མི་ནུས་པའི༔ དྲག་ཤུལ་སྟོབས་ཀྱི་བདག་པོ་ཆེ་བའི་མཆོག༔ ཕྲིན་ལས་མངའ་བདག་ལྕགས་སྡིག་ནག་པོ་ཁྱོད༔ སྔོན་གྱི་སྨོན་ལམ་མཐུ་དང་རང་དམ་གྱིས༔ བསྐུལ་ལོ་ཐུགས་དམ་གཉན་པོ་གནད་ནས་བསྐུལ༔ རྦད་དོ་དམ་སྲི་རྒྱལ་བསེན་སྲོག་ལ་རྦད༔ སྐྱེ་འགྲོའི་བདེ་བཅོམ་ནག་ཕྱོགས་བདུད་སྡེའི་དཔུང་༔ གཟུགས་ཅན་གཟུགས་མེད་དགྲ་དང་བགེགས་ལ་རྦད༔ རྗེས་ལྷག་མེད་པར་མྱུར་དུ་ད་སྒྲོལ་ཅིག༔ ཐུགས་ [11b] དམ་དུས་ལ་བབ་བོ་ས་མ་ཡ༔ ཧཱུྃ་བྷྱོ༔ ཞི་ཁྲོ་བཀའ་བརྒྱད་ཡོངས་འདུས་ཕྲིན་ལས་དཔལ༔ དཔལ་དགུའི་སྤྱི་གཟུགས་འཇིགས་བྱེད་ཆེན་པོ་ཁྱོད༔ བསྐུལ་ལོ་རྦད་དོ་མངོན་སྤྱོད་ཕྲིན་ལས་མཛོད༔ ཕྱོགས་བཞི་མཚམས་བརྒྱད་སྟེང་འོག་བར་གསུམ་ནས༔ རྒོལ་ཞིང་སྡང་བའི་དགྲ་བགེགས་གནོད་བྱེད་ཀུན༔ བཟློག་བསྒྱུར་མངོན་སྤྱོད་དྲག་པོའི་ཕྲིན་ལས་མཛོད༔ དབུས་ཕྱོགས་སྟུག་པོ་བཀོད་པའི་ཞིང་ཁམས་ནས༔ སངས་རྒྱས་རིགས་ཀྱི་ཕྲིན་ལས་མངའ་བདག་ཁྱོད༔ གཏི་མུག་དགྲ་བགེགས་བཟློག་པའི་ཕོ་ཉར་བསྐུལ ༔ སྟེང་འོག་བར་གསུམ་དགྲ་བགེགས་གནོད་བྱེད་ཟློག༔ རྡོ་རྗེ་རིགས་ཀྱི་ཕྲིན་ལས་མངའ་བདག་ཁྱོད༔ ཞེ་སྡང་དགྲ་བགེགས་བཟློག་བསྒྱུར་ལས་ལ་བསྐུལ༔ ཤར་གྱི་ཕྱོགས་ཀྱི་དགྲ་བགེགས་གནོད་བྱེད་ཟློག༔ ཞེ་སྡང་ལས་གྱུར་ནད་རིམས་གཞོམ་པར་མཛོད༔ རིན་ཆེན་རིགས་ཀྱི་ཕྲིན་ལས་མངའ་བདག་ཁྱོད༔ ང་རྒྱལ་དགྲ་བགེགས་བཟློག་བསྒྱུར་ལས་ལ་བསྐུལ༔ ལྷོ་ཡི་ཕྱོགས་ཀྱི་དགྲ་བགེགས་གནོད་བྱེད༴ ང་རྒྱལ་ལས་བྱུང་ནད་རིམས་གཞོམ་པར༴ པདྨ་རིགས་ཀྱི་ཕྲིན་ལས་མངའ༴ འདོད་ཆགས་དགྲ་བགེགས་བཟློག་བསྒྱུར༴ ནུབ་ [12a] ཀྱི་ཕྱོགས་ཀྱི་དགྲ་བགེགས་གནོད༴ འདོད་ཆགས་ལས་བྱུང་ནད་རིམས༴ ཀརྨ་རིགས་ཀྱི་ཕྲིན་ལས་མངའ༔ ཕྲག་དོག་དགྲ་བགེགས་བཟློག་བསྒྱུར༴ བྱང་གི་ཕྱོགས་ཀྱི་དགྲ་བགེགས༴ ཕྲག་དོག་ལས་བྱུང་ནད་རིམས༴ རིགས་འདུས་བླ་མའི་ཕྲིན་ལས༴ ཕོ་གདོན་མ་ལུས་འདུས་པའི༴ རྒྱལ་འགོང་གདུག་པའི་གདོན་ཚོགས་བཟློག་ཏུ་གསོལ༔ ཞེ་སྡང་རྒྱལ་པོའི་ནད་རྣམས་གདོན་པར་མཛོད༔ ཡི་དམ་རྒྱུད་སྡེའི་ཕྲིན་ལས་མངའ་བདག་ཁྱོད༔ གཏི་མུག་ཀླུ་གདོན་འདུལ་བའི་ལས་ལ་བསྐུལ༔ ཀླུ་གཉན་ས་བདག་གདོན་ཚོགས་བཟློག་ཏུ་གསོལ༔ གཏི་མུག་ལས་བྱུང་ནད་རིམས་གཞོམ་པར་མཛོད༔ མ་དང་མཁའ་འགྲོའི་ཕྲིན་ལས་མངའ་བདག་ཁྱོད༔ འདོད་ཆགས་མོ་གདོན་འདུལ་བའི་ལས་ལ་བསྐུལ༔ མོ་གདོན་བསེན་མོའི་གདོན་ཚོགས་བཟློག་ཏུ་གསོལ༔ འདོད་ཆགས་ལས་བྱུང་ནད་རིམས་གཞོམ་པར་མཛོད༔ ཡེ་ཤེས་འཇིག་རྟེན་སྲུང་མའི་མངའ་བདག་ཁྱོད༔ བྱད་ཁ་རྦོད་གཏོང་བཟློག་བསྒྱུར་ལས་ལ་བསྐུལ༔ བན་བོན་ཀླ་ཀློའི་བྱད་ཁ་རྦོད་གཏོང་ཟློག༔ ཕ་རོལ་བསམ་སྦྱོར་ངན་པའི་ནད་གཞོམ་མཛོད༔ བཞི་བརྒྱ་རྩ་བཞིའི་ནད་རྣམས་དགྲ་ལ་ཟློག༔ [12b] སྟོང་ཕྲག་བརྒྱད་ཅུའི་བགེགས་རྣམས་དགྲ་ལ༴ མོ་རྩིས་རྨི་ངན་ཐན་ལྟས་ངན་པ་ཟློག༔ ལོ་ཟླ་ཞག་དུས་ཟ་མའི༴ གེགས་རྣམས༴ ནད་མཚོན་མུ་གེའི་བསྐལ་པ་ངན་པ༴ མི་ནད་ནོར་གྱི་གོད་ཁ་མཐའ་དག༴ མདོར་ན་མི་མཐུན་ཕྱོགས་ངན་ཐམས་ཅད་ཀུན༔ ཞི་འཇོམས་མནན་བསད་བསྲེག་བཟློག་ཕྲིན་ལས་མཛོད༔ བཀའ་དང་དམ་ཚིག་གཉན་པོ་དཔང་བཙུག་གོ༔ གུ་རུ་དེ་ཝཌཱ་ཀི་ནཱི་ནག་པོ་ཏི་པ་རཱ་ཛ་ས་མ་ཡ་གནོད་བྱེད་སརྦ་ཤ་ཏྲཱུཾ་མཱ་ར་ཡ་རྦད་སོད་བྷྱོ་ཟློག༔ ཅེས་བཟློག་པའི་ཕྲིན་ལས་བཅོལ། རྗེས་ཟ་ལམ་བསྟན་པ་ནི། ཧཱུྃ་བྷྱོ༔ ཆོས་དབྱིངས་སྐྱེ་བ་མེད་པའི་མཁའ་ཀློང་ནས༔ ཆོས་སྐུའི་དཀྱིལ་འཁོར་རྒྱ་མཚོ་དབྱིངས་ནས་བཞེངས༔ རང་བཞིན་འགགས་པ་མེད་པའི་དཀྱིལ་འཁོར་ནས༔ ལྷུན་གྲུབ་ལོངས་སྐུའི་དཀྱིལ་འཁོར་དབྱིངས་ནས་བཞེངས༔ ཀུན་ཁྱབ་ཕྱོགས་མཐའ་ཡས་པའི་འཇིག་རྟེན་ནས༔ སྤྲུལ་སྐུའི་དཀྱིལ་འཁོར་མ་ལུས་སྐུར་བཞེངས་ཤིག༔ ཟ་བྱེད་ལྕགས་སྡིག་འདི་ལ་ནུས་བྱིན་བསྐྱེད༔ ཧཱུྃ་བྷྱོ༔ ཟ་བྱེད་གསོད་བྱེད་ལས་ཀྱི་ཕོ་ཉ་ཁྱེད༔ ཆོས་ཤིག་རྒྱུག་ཅིག་རྒྱལ་པོའི་ཡུལ་དུ་ཆོས༔ རྒྱལ་འགོང་གདུག་པའི་སྡེ་ཚོགས་ཆམ་ལ་ཕོབ༔ ཆོས་ཤིག་རྒྱུག་ཅིག་བསེན་མོའི་ཡུལ་དུ་ཆོས༔ [13a] མོ་གདོན་འདྲེ་མོའི་སྡེ་ཚོགས་ཆམ་ལ་ཕོབ༔ ཆོས་ཤིག་རྒྱུག་ཅིག་ཀླུ་ཡི་ཡུལ་དུ་ཆོས༔ ཀླུ་གཉན་ས་བདག་སྡེ་ཚོགས་ཆམ་ལ་ཕོབ༔ ཆོས་ཤིག་རྒྱུག་ཅིག་བྱད་མའི་ཡུལ་དུ་ཆོས༔ བྱད་མ་རྦོད་གཏོང་མ་ལུས་ཆམ་ལ་ཕོབ༔ ཆོས་ཤིག་རྒྱུག་ཅིག་གདོན་གྱི་ཡུལ་དུ་ཆོས༔ ཕྱོགས་བཅུའི་གདོན་ཚོགས་འབྱུང་པོ་ཆམ་ལ་ཕོབ༔ གུ་རུ་དེ་ཝ་ཌཱ་ཀི་ནི་ནག་པོ་ཏི་པ་རཱ་ཛ་ས་མ་ཡ་ཆོ་ཆོ་རྒྱུགས་རྒྱུགས་རྦད་རྦད་བྷྱོ་བྷྱོ་གནོད་བྱེད་སརྦ་ཤ་ཏྲཱུཾ་མཱ་ར་ཡ་རྦད་སོད་ཁ་རཾ་ཁཱ་ཧི༔ ཞེས་ལོ་བདུད་ཕྱོགས་སམ་གནོད་པའི་ཕྱོགས་སུ་བསྐྱལ་ལོ། །གསུམ་པ་ཁྱུང་ནག་དུག་གི་སྤྲུ་གྲིའི་ཕྲིན་ལས་ནི། མདུན་རྟེན། ཤུ་ནྱ་ཏས་བསང་སྦྱང༌། སྟོང་པའི་ངང་ལས་མདུན་དུ་དུག་གི་རྒྱ་མཚོ་ཆེན་པོ་གཏིང་ཟབ་པའི་ཀློང་དུ་དཔག་བསམ་གྱི་ལྗོན་ཤིང་སྡོང་པོ་ཆེ་བ་ཡལ་ག་ལྔ་རུ་གྱེས་པའི་ཕྱོགས་བཞི་དབུས་ལྔར་པདྨ་དང་ཉི་མའི་གདན་ལ་རང་ཉིད་དྲག་པོའི་ཐུགས་ཀ་ནས་ཁྲ་ཡིག་ལྔ་འཕྲོས་ནས་བབས་པ་ལས་འོད་ཟེར་ཡར་འཕྲོས་དུས་གསུམ་གྱི་རྒྱལ་བ་སྲས་དང་བཅས་པ་མཆོད༔ དབང་བྱིན་དངོས་གྲུབ་ཐམས་ཅད་ཚུལ་འདུས་ཁྲོཾ་ཡིག་རྣམས་ལ་ཐིམ༔ མར་འཕྲོས་དགྲ་བགེགས་ལོག་འདྲེན་ཀླུ་གཉན་གདུག་པ་ཅན་ཐམས་ཅད་ཚར་བཅད༔ [13b] དེ་དག་གི་ཚེ་ བསོད་དཔལ་ཡོན་ནུས་མཐུ་ཐམས་ཅད་ཚུར་འདུས་ཁྲོཾ་ཡིག་རྣམས་ལ་ཐིམ༔ དབུས་ཀྱི་ཁྲོཾ་ལས་རྒྱལ་རིགས་ཀླུའི་གཉེན་པོ་ཡེ་ཤེས་ཀྱི་བྱ་ཁྱུང་མཐིང་ནག་ཆོས་དབྱིངས་ཡེ་ཤེས་ཀྱི་མེ་དཔུང་མཐིང་ནག་ཏུ་འབར་བ༔ ཤར་གྱི་ཁྲོཾ་ལས་རྡོ་རྗེ་རིགས་ཀླུའི་གཉེན་པོ་དུང་གི་བྱ་ཁྱུང་དཀར་པོ་མེ་ལོང་ཡེ་ཤེས་ཀྱི་མེ་འབར་བ༔ ལྷོ་ཡི་ཁྲོཾ་ལས་དམངས་རིགས་ཀླུའི་གཉེན་པོ་གསེར་གྱི་བྱ་ཁྱུང་སེར་པོ་མཉམ་ཉིད་ཡེ་ཤེས་ཀྱི་མེ་འབར་བ༔ ནུབ་ཀྱི་ཁྲོཾ་ལས་བྲམ་ཟེའི་ཀླུའི་གཉེན་པོ་ཟངས་ཀྱི་བྱ་ཁྱུང་དམར་པོ་སོར་རྟོག་ཡེ་ཤེས་མེ་འབར་བ༔ བྱང་གི་ཁྲོཾ་ལས་གདོལ་རིགས་ཀླུའི་གཉེན་པོ་དུག་ཁྱུང་ནག་པོ་བྱ་གྲུབ་ཡེ་ཤེས་ཀྱི་མེ་འབར་བ༔ ཀུན་ཀྱང་གནམ་ལྕགས་ཀྱི་རྭ་གཉིས་གནམ་ལ་གཟེང་བ༔ སྤྱན་གསུམ་ཉི་མ་འབུམ་གྱི་འོད་ཟེར་འབར་ཞིང་འཕྲོ་བ༔ ཁྲོ་གཉེར་ཆུའི་གཉེར་མ་ལྟར་དུ་འཁྲུགས་པ༔ ལྕགས་ཀྱི་སྡེར་མོས་ཀླུ་གཉན་རིགས་ལྔ་རྒྱ་མཚོའི་གཏིང་ནས་འདྲེན་ཅིང་གནམ་ལྕགས་ཀྱི་མཆུས་མགོ་བོ་ཉོག་ཉོག་ཏུ་ཟ་བ༔ མེའི་གཤོག་པ་རྡེབ་པས་ཉི་ཟླ་ཙོག་པུར་འཕེན་ཅིང་༔ སྤུ་རྣམས་སྤྲུགས་པས་ཉི་ཚན་དང་བྱེ་ཚན་དང་རྡོ་རྗེའི་སེར་བ་དྲག་ཏུ་འབེབས་པ༔ ཀྲིཾ་ཀྲིཾ་གི་སྒྲ་དྲག་པོ་བསྒྲགས་པ་ཙམ་གྱིས་ས་ [14a] བདག་ཀླུ་གཉན་ཐམས་ཅད་བརྒྱལ་ཞིང་འབོག་པ༔ ཁྱུང་གི་ཚྭ་ཚྭ་འཇིག་རྟེན་གྱི་ཁམས་ཐམས་ཅད་ཁྱབ་པར་འཕྲོས་པས་ཕྱོགས་བཅུའི་སྡེ་བརྒྱད་ཐམས་ཅད་ཆུ་ཐིག་ཧུབ་ཀྱིས་བཏབ་པ་བཞིན་དུ་ཧབ་ཧབ་གསོལ་བ༔ རྐང་པས་གཟའ་ཀླུ་སྡེ་བརྒྱད་ཐམས་ཅད་གནོན་ཅིང་རྭ་བར་ན་ཡིད་བཞིན་གྱི་ནོར་བུ་དབང་གི་རྒྱལ་པོས་སྒྲུབ་པ་པོ་ལ་དངོས་གྲུབ་ཀྱི་ཆར་ཆེན་པོ་འབེབས་པ༔ མཚོན་ཆ་ ཐུན་རྫས་སྣ་ཚོགས་ཀྱི་བུ་ཡུག་འཚུབས་པས་བྱད་མ་གནོད་བྱེད་ཐམས་ཅད་རྡུལ་དུ་བརླག་པ༔ ཐུགས་ལས་སྤྲུལ་པའི་བཀའ་སྲུང་དྲེགས་པའི་ཚོགས་ནམ་མཁའི་མཐའ་དང་མཉམ་པར་འཕྲོས་ནས་བསྟན་དགྲ་སྡེ་དང་བཅས་པ་ཐམས་ཅད་ཐལ་བར་བརླག་ཅིང་ཟས་སུ་ཟ་བར་གྱུར༔ དེ་ལྟར་གསལ་བའི་སྤྱི་བོར་ཨོཾ་དཀར་པོ ༔ མགྲིན་པར་ཨཱཿདམར་པོ༔ ཐུགས་ཀར་ཧཱུྃ་མཐིང་ནག༔ དེ་གསུམ་ལས་འོད་ཟེར་དཔག་ཏུ་མེད་པ་འཕྲོས་པས་ཕྱོགས་བཅུའི་རྒྱལ་བ་སྲས་དང་བཅས་པ་ཐམས་ཅད་ཀྱི་ཐུགས་དམ་གྱི་རྒྱུད་བསྐུལ༔ ཆོས་ཀྱི་དབྱིངས་ནས་གཟུགས་ཀྱི་སྐུ་བྱ་ཁྱུང་རིགས་ལྔའི་སྐུར་བཞེངས་ཏེ་བསྐྱེད་པའི་ལྷ་རྣམས་ལ་སིབ་སིབ་ཐིམ་པར་བསམ་ཞིང༌། སྤྱན་འདྲེན་པ་ནི། ཧཱུྃ༔ ཆོས་ཀྱི་ [14b] དབྱིངས་ཀྱི་ཡེ་ཤེས་སྐུ༔ བུདྡྷ་རིགས་ཀྱི་དཀྱིལ་འཁོར་ལྷ༔ སངས་རྒྱས་ཁྱུང་ཆེན་སྐུར་བཞེངས་ཤིག༔ གཏི་མུག་འདུལ་ཕྱིར་གཤེགས་སུ་གསོལ༔ མེ་ལོང་ལྟ་བུའི་ཡེ་ཤེས་སྐུ་བཛྲ་རིགས་ཀྱི་དཀྱིལ་འཁོར་ལྷ༔ རྡོ་རྗེ་ཁྱུང་ཆེན་སྐུར་བཞེངས་ཤིག༔ ཞེ་སྡང་འདུལ་ཕྱིར་གཤེགས་སུ་གསོལ༔ མཉམ་པ་ཉིད་ཀྱི་ཡེ་ཤེས་སྐུ༔ རཏྣ་རིགས་ཀྱི་དཀྱིལ་འཁོར་ལྷ༔ རིན་ཆེན་ཁྱུང་ཆེན་སྐུར་བཞེངས་ཤིག༔ ང་རྒྱལ་འདུལ་ཕྱིར་གཤེགས་སུ་གསོལ༔ སོ་སོར་རྟོག་པའི་ཡེ་ཤེས་སྐུ༔ པདྨ་རིགས་ཀྱི་དཀྱིལ་འཁོར་ལྷ༔ གསུང་གི་ཁྱུང་ཆེན་སྐུར་བཞེངས་ཤིག༔ འདོད་ཆགས་འདུལ་ཕྱིར་གཤེགས་སུ་གསོལ༔ བྱ་བ་གྲུབ་པའི་ཡེ་ཤེས་སྐུ༔ ཀརྨ་རིགས་ཀྱི་དཀྱིལ་འཁོར་ལྷ༔ ལས་ཀྱི་ཁྱུང་ཆེན་སྐུར་བཞེངས་ཤིག༔ ཕྲག་དོག་འཇོམས་ཕྱིར་གཤེགས་སུ་གསོལ༔ བུདྡྷ་བཛྲ་རཏྣ་པདྨ་ཀརྨ་ཁྲོཾ་ག་རུ་ཌ་སརྦ་བཛྲ་ས་མ་ཡ་ཛ་ཛ༔ བཞུགས་སུ་གསོལ་བ་ནི། ཧཱུྃ༔ བདག་འཛིན་གདུག་པ་ཀླུ་གཉན་ཁྲིར༔ དམ་ཚིག་ཡེ་ཤེས་དབྱེར་མེད་པར༔ འཇིགས་བྱེད་བྱ་ཁྱུང་བཞུགས་སུ་གསོལ༔ བདུད་འདུལ་ཁྱུང་ལྔ་བཞུགས་སུ་གསོལ༔ བཛྲ་ས་མ་ཡ་ཏིཥྛ་ལྷན༔ ཕྱག་འཚལ་བ་ནི། ན་མོ༔ [15a] བདག་ལྟའི་རཱུ་ཏྲ་བཤིགས་པ་དང་༔ རྒྱུ་དྲུག་འཁོར་བ་གཞོམ་པའི་ཕྱིར༔ ཡེ་ཤེས་ཁྱུང་ཆེན་རིགས་ལྔ་ལ༔ རྣམ་གསུམ་གུས་པས་ཕྱག་འཚལ་ལོ༔ ན་མོ་པཱུ་རུ་ཤ་ཡ་ ཧོཿ མཆོད་པ་འབུལ་བ་ནི། ཧཱུྃ༔ གཟུང་འཛིན་བདག་མེད་ཆེར་བསྒྲལ་བའི༔ སྣང་སྲིད་མཆོད་པའི་སྤྲིན་དུ་བསྒྱུར༔ ཡེ་ཤེས་ཁྱུང་ཆེན་དགྱེས་ཕྱིར་འབུལ༔ ཆོས་ཉིད་རང་ངོར་རང་གྲོལ་མཛོད༔ སྟོང་ཉིད་དྭངས་གསལ་ཆེན་པོའི་མཁར༔ ཅིར་ཡང་སྣང་བའི་སྒྱུ་འཕྲུལ་ལས༔ ཉེར་སྤྱོད་བདུན་དང་འདོད་ཡོན་ལྔ༔ སྨན་གཏོར་རཀྟ་བྱང་ཆུབ་སེམས༔ ཤ་ལྔ་བདུད་རྩི་རྣམ་པ་ལྔ༔ དགྲ་བགེགས་གདུག་པའི་དབང་ཡུལ་བླ༔ ཕུང་ཁམས་སྐྱེ་མཆེད་མ་ལུས་པ༔ ཡེ་ཤེས་བྱ་ཁྱུང་དགྱེས་ཕྱིར་འབུལ༔ ཁྱད་པར་ཀླུ་གཉན་གནོད་བྱེད་སྡེ༔ ཆབ་སྲིད་འབངས་འཁོར་མཐུ་ནུས་བཅས༔ ཡེ་ཤེས་བྱ་ཁྱུང་དགྱེས་ཕྱིར་འབུལ༔ བཞེས་ནས་འཇིག་རྟེན་བདེ་ལེགས་མཛོད༔ ཨོཾ་བཛྲ་ཨརྒྷཾ་ནས་ཤཔྡ་རཱུ་པ་སོགས་ སྤརྴེ་དྷརྨ་པྲ་ཏཱི་ཙྪ་སྭཱ་ཧཱ༔ མ་ཧཱ་པཉྩ་ཨ་མྲྀ་ཏ་རཀྟ་བ་ལིཾ་ཏ་ཁཱ་ཧི༔ མ་ཧཱ་མཱཾ་ས་རཀྟ་ཙིཏྟ་ཀིཾ་ནི་རི་ཏི་ལ་ཁཱ་ཧི༔ བསྟོད་པ་ནི། ཧཱུྃ༔ གདོད་ནས་ཡེ་སངས་རྒྱས་པ་ཆོས་ཀྱི་སྐུ༔ ལྷུན་གྲུབ་རོལ་པ་ཡེ་ཤེས་ལྔ་ [15b] ཡི་དལ༔ གང་འདུལ་ཐབས་ཀྱིས་རབ་འཇིགས་སྐུར་སྟོན་པ༔ བཅོམ་ལྡན་བྱ་ཁྱུང་རིགས་ལྔའི་སྐུ་ལ་བསྟོད༔ མཐོང་བ་ཙམ་གྱིས་ཆོས་ཉིད་དོན་རྟོགས་ཤིང་༔ ཐོས་པས་སྡེ་བརྒྱད་དྲེགས་པའི་དཔའ་ཟིལ་བཀོང་༔ དྲན་པས་ལྟ་ལོག་བདུད་ཀྱི་གྲུབ་མཐའ་འཇིག༔ རེག་པས་ཉོན་མོངས་འཁོར་བའི་གཅོང་ནད་འཇོམས༔ འབྲེལ་བ་ཙམ་གྱིས་འཁོར་བའི་ས་བོན་སྟོང་༔ བཅོམ་ལྡན་བྱ་ཁྱུང་རིགས་ལྔར་ཕྱག་འཚལ་བསྟོད༔ འཛབ་བཟླ་བ་ནི། མདུན་གྱི་བྱ་ཁྱུང་རིགས་ལྔ་རང་རང་གི་ཐུགས་ཀར་ཉི་ཟླའི་གདན་ལ་རང་མདོག་ཁྲོཾ་ཡིག་མེ་འབར་བ་ལ་སྔགས་ཀྱི་ཕྲེང་བས་བསྐོར་བར་གྱུར༔ བདག་ཉིད་ཡི་དམ་གཏུམ་དྲག་ཡང་ཁྲོས་ནག་པོའི་ཐུགས་ཀའི་ཧཱུྃ་ལས་འོད་ཟེར་ཚ་ལ་རྩུབ་པ་འཕྲོས་པས་བྱ་ཁྱུང་རིགས་ལྔའི་ཐུགས་སྲོག་ལ་ཕོག༔ དེ་དག་ལས་འོད་ཟེར་ཕྱོགས་བཅུར་འཕྲོས་པས་ཡེ་ཤེས་ཀྱི་བྱ་ཁྱུང་དཔག་ཏུ་མེད་པ་སྤྱན་དྲངས་ཏེ་དབྱེར་མེད་དུ་ཐིམ་པས་མཐུ་རྩལ་ནུས་པ་རབ་ཏུ་འབར་བར་བསམ་ཞིང༌། ཨོཾ་བུདྡྷ་བཛྲ་རཏྣ་པདྨ་ཀརྨ་ཁྲོཾ་ག་རུ་ཌ་ཧཱུྃ་ཕཊ་ཛ་ཛ༔ ཞེས་གཙོ་བོར་བཟླ་བ་བསྙེན་པ་དང༌། ཡང༌། རང་ཡི་དམ་གྱི་ཐུགས་ཀ་ནས་འོད་ཟེར་འཕྲོས་པ་བྱ་ཁྱུང་རིགས་ལྔའི་ཐུགས་ཀར་ཕོག་པ་ཙམ་གྱིས་ཐུགས་དམ་གྱི་རྒྱུད་རབ་ [16a] ཏུ་བསྐུལ་ནས་སྤྲུལ་པ་ལས་བྱེད་ཁྱུང་རྒོད་ཤན་པའི་དམག་དཔུང་བསམ་གྱིས་མི་ཁྱབ་པས་གང་ལ་དམིགས་པའི་ཡུལ་ཐམས་ཅད་གང་སྟེ་གནོད་བྱེད་དགྲ་བགེགས་ཀླུ་གཉན་ས་བདག་གདུག་པ་ཅན་ཐམས་ཅད་མེ་སྟག་ཆུས་བསད་པ་ལྟར་སོང་བར་བསམ་ལ། ཨོཾ་བུདྡྷ་བཛྲ་རཏྣ་པདྨ་ཀརྨ་ཁྲོཾ་ག་རུ་ཌ་ཧཱུྃ་ཧཱུྃ་ཕཊ༔ ནཱ་ག་གནོད་བྱེད་སརྦ་ཤ་ཏྲུཾ་མཱ་ར་ཡ་རྦད་རྦད༔ ཅེས་དང༌། ཨོཾ་བུདྡྷ་བཛྲ་རཏྣ་པདྨ་ཀརྨ་ཁྲོཾ་ག་རུ་ཌ་ས་མ་ཡ༔ གནོད་བྱེད་ཀླུ་གཉན་གདུག་པའི་བླ་ལ་རྦད་རྦད༔ སྲོག་ལ་རྦད་རྦད༔ སོད་སོད་མྱོག་མྱོག༔ ཕཊ་ཕཊ་རཾ་རཾ་སྭཱ་ཧཱ༔ ཞེས་དང༌། ཨོཾ་བུདྡྷ་བཛྲ་རཏྣ་པདྨ་ཀརྨ་ཁྲོཾ་ག་རུ་ཌ་སརྦ་ས་མ་ཡ་ཛ་ཛ༔ ནཱ་ག་གཉན་སརྦ་ཏའི་སྲག་ལ་རྦད་རྦད༔ སྙིང་ལ་རྦད་རྦད༔ བླ་ལ་རྦད་རྦད༔ ཤ་ཁྲག་རུས་པ་ལ་རྦད་རྦད༔ ཕུང་ཁམས་སྐྱེ་མཆེད་ལ་རྦད་རྦད༔ ཛྭ་ལ་རཾ་རཾ༔ གནོད་བྱེད་སརྦ་ཤ་ཏྲུཾ་མཱ་ར་ཡ་ཁ་རཾ་ཁཱ་ཧི་སྭཱ་ཧཱ༔ ཞེས་ལས་སྔགས་རྣམས་བསྙེན་པའི་འགྲོས་དང་སྦྱར་ཏེ་བཟླ། ཐུན་མཚམས་སུ་གཏོར་མ་འབུལ་ནི། དམར་གཏོར་ཤ་ཁྲག་གིས་བརྒྱན་པར་རཀྟས་བྲན་ལ། བདེན་སྟོབས་བརྗོད་པ་སྤྱི་ལྟར་ལས། ཁྱད་པར་དབང་ཆེན་རྟ་མགྲིན་ཡང་ཁྲོས་ནག་པོ་འཇིགས་བྱེད་ཁྱུང་ཆེན་རིགས་ལྔ་སྤྲུལ་ [16b] པ་ལས་མཁན་ཕོ་ཉའི་དམག་ཚོགས་འཁོར་དང་བཅས་པ་རྣམས་ཀྱིས་བདེན་པ་དང༌། བདེན་པ་ཆེན་པོའི་མཐུ་ལ་བརྟེན་ནས། བདག་ཅག་དཔོན་སློབ་ཡོན་མཆོད་འཁོར་དང་བཅས་པའི་ཚེ་ལ་བརྐུ་བ༔ སྲོག་ལ་འཇབ་པ༔ བླ་ལ་ཁྱེར་བ༔ ཡིད་ལ་བརྣག་པ༔ མི་ལ་ན་ཚ༔ ཕྱུགས་ལ་གོད་ཁ༔ མཛེ་ཤུ་ཕོལ་མིག༔ གློ་བུར་ཡེ་འདྲོགས༔ མི་འདོད་ཐན་ལྟས་ངན་པ་སོགས་གཏོང་བའི་རྒྱལ་འགོང་བསེན་མོ་དམ་སྲི་འབྱུང་པོ་ཀླུ་གཉན་ས་བདག་རྦད་འདྲེ་རྦོད་གཏོང་གནོད་ཅིང་འཚེ་བ་ཐམས་ཅད་ཤ་ཁྲག་དམར་གྱི་གཏོར་མ་འདི་ལ་ཁུག་ཅིག༔ ཨོཾ་བུདྡྷ་བཛྲ་རཏྣ་པདྨ་ཀརྨ་ཁྲོཾ་ག་རུ་ཌ་ནྲྀ་ཏྲི་བཛྲ་ཨངྐུ་ཤ་ཛ༔ ཛཿཧཱུྃ་བཾ་ཧོཿ ཞེས་ལན་གསུམ་སོགས་ཀྱིས་བཀུག་ལ། དབྱིངས་ནས་ཐུན་མཚོན་སྣ་ཚོགས་ཀྱི་ཆར་བབས་པས་དམིགས་བྱའི་གཟུགས་ཕུང་ཚལ་པ་དུམ་བུ་ཐལ་བའི་རྡུལ་ཕྲན་བཞིན་དུ་བརླག་པར་བསམ། ཨོཾ་ཨཱཿཧཱུྃ་ཧོཿ ས་བདུད་རྩིར་སྦར་ནས། དགྲ་བགེགས་བསྒྲལ་བའི་ཤ་རི་ཁྲག་མཚོ་དེ་ཉིད་འཇིགས་བྱེད་ཁྱུང་ཆེན་རིགས་ལྔས་ཁྱི་ལྟོག་གིས་ཤ་ཟན་རོལ་པ་བཞིན་ཧབ་ཧབ་མྱག་མྱག་ཏུ་གསོལ་བར་བསམ་ཞིང༌། ཨོཾ་བུདྡྷ་བཛྲ་རཏྣ་པདྨ་ཀརྨ་ཁྲོཾ་ག་རུ་ཌ་ཨི་དཾ་བ་ལིཾ་ཏ་ཁཱ་ཧིཿ མ [17a] ཧཱ་མཱཾ་ས་ལ་ཁཱ་ཧི༔ མ་ཧཱ་རཀྟ་ལ་ཁཱ་ཧི༔ མ་ཧཱ་ཙིཏྟ་ལ༴ མ་ཧཱ་བ་སུ་ཏ་ལ༴ མ་ཧཱ་ཀེཾ་ནི་རི་ཏི་ལ༴ གནོད་བྱེད་གཉན་དང་ཀླུ་གདོན་ཐམས་ཅད་མཱ་ར་ཡ་ཛྭ་ལ་རཾ་ཁཱ་ཧི༔ ཞེས་ལན་བདུན་ནས་གསུམ་གྱིས་བསྟབ་ལ། ཁྲོཾ་བྷྱོ་ཛཿ ཡང་ཁྲོས་སྐུ་ཡི་སྤྲུལ་པ་ནིཿ སངས་རྒྱས་བྱ་ཁྱུང་ག་རུ་ཌཿ བཞེངས་ཤིག་མི་མངོན་དབྱིངས་ནས་བཞེངས༔ བསྐྱོད་ཅིག་ཡེ་ཤེས་ཀློང་ནས་བསྐྱོད༔ བསྐུལ་ལོ་ཐུགས་དམ་གནད་ནས་བསྐུལ༔ རྦད་དོ་དགྲ་དང་བགེགས་ལ་རྦད༔ མཛོད་ཅིག་དྲག་པོའི་ཕྲིན་ལས་མཛོད༔ རྒྱལ་རིགས་ལས་གྱུར་ཀླུ་གཉན་གདོན༔ གསོད་གཅོད་བརླག་པའི་ལས་མཛོད་ལ༔ རྗེས་ཤུལ་མེད་པར་ཧབ་ཐོབ་རོལ༔ དུས་ལ་བབ་བོ་ས་མ་ཡ༔ ཨོཾ་བུདྡྷ་ག་རུ་ཌ་སརྦ་ས་མ་ཡ་ཛཿབྷྱོ༔ གནོད་བྱེད་སརྦ་ཤ་ཏྲུཾ་མཱ་ར་ཡ་རྦད་ཁ་རཾ་ཁཱ་ཧི༔ ཁྲོཾ་བྷྱོ་ཛཿ ཡང་ཁྲོས་ཐུགས་ཀྱི་སྤྲུལ་པ་ནི༔ རྡོ་རྗེ་བྱ་ཁྱུང་ག་རུ་ཌ༔ བཞེངས་ཤིག་ཆོས་ཀྱི་དབྱིངས་ནས་བཞེངས༔ བསྐྱོད་ཅིག་ཆོས་ཉིད་ཀློང་ནས་བསྐྱོད༔ བསྐུལ་ལོ་ཐུགས་དམ་གནད་ནས་བསྐུལ༔ རྦད་དོ་དགྲ་དང་བགེགས་ལ་རྦད༔ མཛོད་ཅིག་དྲག་པོའི་ཕྲིན་ལས་མཛོད༔ རྗེ་རིགས་ལས་གྱུར་ཀླུ་ [17b] གཉན་གདོན༔ གསོད་གཅོད་བརླག་པའི་ལས་མཛོད་ལ༔ རྗེས་ཤུལ་མེད་པར་ཧབ་ཐོབ་རོལ༔ དུས་ལ་བབ་བོ་ས་མ་ཡ༔ ཨོཾ་བཛྲ་ག་རུ་ཌ་ས་མ་ཡ་ཛ་ཛཿ གནོད་བྱེད་སརྦ་ཤ་ཏྲུཾ་མཱ་ར་ཡ་རྦད་ཁ་རཾ་ཁཱ་ཧི༔ ཁྲོཾ་བྷྱོ་ཛཿ ཡང་ཁྲོས་ཡོན་ཏན་སྤྲུལ་པ་ནི༔ རིན་ཆེན་བྱ་ཁྱུང་ག་རུ་ཌ༔ བཞེངས་ཤིག༴ བསྐྱོད་ཅིག༴ བསྐུལ་ལོ༴ རྦད་དོ༴ མཛོད་ཅིག༴ དམངས་རིགས་ལས་བྱུང་ཀླུ་གཉན་གདོན༔ གསོད་གཅོད༴ རྗེས་ཤུལ༴ དུས་ལ་བབ་བོ༴ ཨོཾ་རཏྣ་ག་རུ་ཌ་ས་མ་ཡ་ཛ་ཛཿགནོད་བྱེད་སརྦ་ཤ་ཏྲུཾ་མཱ་ར་ཡ་རྦད་ཁ་རཾ་ཁཱ་ཧི༔ ཁྲོཾ་བྷྱོ་ཛཿ ཡང་ཁྲོས་གསུང་གི་སྤྲུལ་པ་ནི༔ པདྨ་བྱ་ཁྱུང་ག་རུ་ཌ༔ བཞེངས་ཤིག༴ བསྐྱོད་ཅིག༴ བསྐུལ་ལོ༴ རྦད་དོ༴ མཛོད་ཅིག༴ བྲམ་ཟེ་ལས་གྱུར་ཀླུ་གཉན་གདོན༔ གསོད་གཅོད༴ རྗེས་ཤུལ་མེད་པར༴ དུས་ལ༴ ཨོཾ་པདྨ་ག་རུ་ཌ་ས་མ་ཡ་ཛ་ཛཿགནོད་བྱེད་སརྦ་ཤ་ཏྲུཾ་མཱ་ར་ཡ་རྦད་ཁ་རཾ་ཁཱ་ཧི༔ ཁྲོཾ་བྷྱོ་ཛཿ ཡང་ཁྲོས་ཕྲིན་ལས་སྤྲུལ་པ་ནི༔ ལས་ཀྱི་བྱ་ཁྱུང་ག་རུ་ཌ༔ བཞེངས་ཤིག༴ བསྐྱོད་ཅིག༴ བསྐུལ་ལོ༴ རྦད་དོ༴ མཛོད་ཅིག༴ གདོལ་པ་ལས་གྱུར་ཀླུ་གཉན་ [18a] གནོད༔ གསོད་གཅོད༴ རྗེས་ཤུལ༴ དུས་ལ་བབ་བོ་ས་མ་ཡ༔ ཀརྨ་ག་རུ་ཌ་ས་མ་ཡ་ཛ་ཛཿ གནོད་བྱེད་སརྦ་ཤ་ཏྲུཾ་མཱ་ར་ཡ་རྦད་ཁ་རཾ་ཁཱ་ཧི༔ ཧཱུྃ་བྷྱོ༔ དུས་གསུམ་སངས་རྒྱས་ཐམས་ཅད་ཀྱི༔ སྐུ་གསུང་ཐུགས་ཡོན་ཕྲིན་ལས་ཀྱི༔ སྤྲུལ་པ་ཡང་སྤྲུལ་ཕོ་ཉའི་ཚོགས༔ འགྲོ་བའི་དོན་ཕྱིར་གང་འདུལ་ཐབས༔ སྣ་ཚོགས་སྟོན་པའི་སྒྱུ་འཕྲུལ་གར༔ མ་ངེས་ཆུ་ཡི་གཟུགས་བརྙན་ལྟར༔ ཅིར་ཡང་སྣང་བའི་གཟུགས་སྐུ་ལས༔ ཀླུ་གཉན་གདུག་པའི་གཉེན་པོ་ཆེ༔ བྱ་ཁྱུང་རིགས་ལྔ་འཁོར་དང་བཅས༔ ང་ཡི་མདུན་སར་སྐུར་བཞེངས་ལ༔ གནོད་བྱེད་མ་ལུས་རྡུལ་དུ་རློག༔ ཤ་ཁྲག་དྲོད་དབུགས་ཧབ་ཐོབ་རོལ༔ དུས་ལ་བབ་བོ་ཐུགས་མ་གཡེལ༔ དོ་ནུབ་མངོན་སྤྱོད་ཕྲིན་ལས་མཛོད༔ ཅེས་ཕྲིན་ལས་གསོལ། དེ་ནས་ཐུགས་དམ་བསྐུལ་ཞིང་བཟློག་པའི་ཕྲིན་ལས་བཅོལ་བ་ནི། རང་ཡི་དམ་གྱི་ཐུགས་ཀ་ནས་འོད་ཟེར་འཕྲོས་པ་སྐུ་གསུམ་རྒྱལ་བའི་དཀྱིལ་འཁོར་ཐམས་ཅད་དང་བཅོམ་ལྡན་འདས་བྱ་ཁྱུང་རིགས་ལྔ་འཁོར་དང་བཅས་པའི་ཐུགས་ཀར་ཕོག་པས་ཐུགས་དམ་གྱི་རྒྱུད་རབ་ཏུ་བསྐུལ་ཏེ༔ ཆོས་ཀྱི་དབྱིངས་ལས་གཟུགས་ [18b] ཀྱི་སྐུ་ཁྲོ་ཚོགས་བྱ་ཁྱུང་ལས་མཁན་མཚོན་ཐུན་སྣ་ཚོགས་སྐྱི་སེར་འཚུབས་པ་ལྟར་སྣང་སྲིད་ཀྱི་ཁམས་ཐམས་ཅད་གང་ནས་དགྲ་འདྲེ་གདོན་གསུམ་མི་མཐུན་པའི་ཕྱོགས་ངན་པ་ཐམས་ཅད་ཐལ་བ་རླུང་གིས་གཏོར་བའམ་རྩྭ་སྦུར་ཕྲ་མོ་ལ་དུས་མཐའི་མེ་དཔུང་མཆེད་པ་ལྟར་བསྲེག་ཅིང་བརླག་པར་བསམ་ལ། ཁྲོཾ་བྷྱོ་ཛཿ དུས་གསུམ་སངས་རྒྱས་དགོངས་སུ་གསོལ༔ ཡང་ཁྲོས་ནག་པོ་དགོངས་སུ་གསོལ༔ ཆེ་མཆོག་དཔལ་དགུ་དགོངས་སུ་གསོལ༔ བདག་ཅག་མ་རིག་གིས་བཅིངས་པའི༔ གཟུང་འཛིན་འཁྲུལ་པའི་སེམས་ཅན་སྤྱི༔ ཁྱད་པར་རྒྱལ་བའི་བརྒྱུད་འཛིན་རྣམས༔ ཐུགས་རྗེས་འདོར་རམ་དཀོན་མཆོག་གསུམ༔ གལ་ཏེ་ཡལ་བར་དོར་སྲིད་ན༔ ཐུགས་བསྐྱེད་རྣམ་དག་གང་ན་བཞུགས༔ དེང་དུས་བསྐལ་པའི་མར་གཤམ་འདིར༔ ནག་ཕྱོགས་གདུག་པ་ཁ་དར་ནས༔ སྐྱེ་འགྲོའི་བདེ་སྐྱིད་བསྐལ་པ་བཤིག༔ བརྒྱུད་འཛིན་ཐར་པའི་ལམ་སྣ་བཀག༔ རྒྱལ་བསྟན་ཉི་མ་སྤྲིན་གྱིས་བསྒྲིབས༔ ལྟ་ལོག་ཀླ་ཀློས་ཕྱི་ནས་རྒོལ༔ མི་སྲུན་སྐྱེ་བོས་བར་ནས་རྒོལ༔ དམ་ལོག་སློབ་མས་ནང་ནས་རྒོལ༔ བདུད་དང་ལོག་ལྟས་གསང་ཐབས་རྒོལ༔ མཐའ་མེད་ [19a] འཁོར་བའི་རྒྱ་མཚོར་བསྐྱིལ༔ དབང་མེད་སྡུག་བསྔལ་ཞགས་པས་བཅིངས༔ འདི་འདྲའི་ལས་ངན་སྐལ་ངན་ལ༔ སྒྲིབ་མེད་སྤྱན་གྱིས་མི་གཟིགས་སམ༔ ཀུན་མཁྱེན་ཐུགས་རྗེས་མ་དགོངས་སམ༔ མཛད་པའི་ཕྲིན་ལས་གང་དུ་མཆིས༔ མ་གཡེལ་མ་འགྱང་ཐུགས་རྗེ་ཅན༔ བསྐུལ་ལོ་ཐུགས་དམ་གནད་ནས་བསྐུལ༔ ཁྱེད་ཀྱི་ཕྲིན་ལས་ཕོ་ཉ་ནི༔ སྤྲུལ་པའི་ཁྱུང་ལྔ་དབྱིངས་ནས་བཞེངས༔ བཀའ་སྡོད་འཇིག་རྟེན་ཁྱབ་པར་མཛོད༔ འགྱུར་མེད་སྐུ་ཡི་ཀློང་ཡངས་ནས༔ བཅོམ་ལྡན་བུདྡྷ་ ཁྱུང་ཆེན་བསྐུལ ༔ འགགས་མེད་གསུང་གི་ཀློང་ཡངས་ནས༔ བཅོམ་ལྡན་པདྨ་ཁྱུང་ཆེན་བསྐུལ༔ འཁྲུལ་མེད་ཐུགས་ཀྱི་ཀློང་ཡངས་ནས༔ བཅོམ་ལྡན་རྡོ་རྗེ་ཁྱུང་ཆེན་བསྐུལ༔ ལྷུན་གྲུབ་ཡོན་ཏན་ཀློང་ཡངས་ནས༔ བཅོམ་ལྡན་རཏྣ་ཁྱུང་ཆེན་བསྐུལ༔ ཕྲིན་ལས་མངོན་སྤྱོད་ཀློང་ཡངས་ནས༔ བཅོམ་ལྡན་ཀརྨ་ཁྱུང་ཆེན་བསྐུལ༔ བཞེངས་ཤིག་མི་མངོན་དབྱིངས་ནས་བཞེངས༔ མཛོད་ཅིག་མངོན་སྤྱོད་ཕྲིན་ལས་མཛོད༔ སྡང་བའི་དགྲ་དང་གནོད་པའི་བགེགས༔ ལྷ་ཡང་རུང་སྟེ་ཀྱང་རུང་༔ མ་ལུས་མ་འགྱང་སྒྲོལ་ལ་ཤོག༔ [19b] བླ་སྲོག་ཚེ་ཡི་རྒྱུན་ཐག་བཅས༔ མར་མེ་རླུང་གིས་བསད་བཞིན་ཐོངས༔ ཤ་ཁྲག་དྲོན་མོ་ཧབ་ཐོབ་རོལ༔ རྣམ་ཤེས་ཆོས་ཀྱི་དབྱིངས་སུ་སྒྲོལ༔ དོ་ནུབ་ཉིད་དུ་ཕྲིན་ལས་མཛོད༔ དེ་རིང་ཉིད་ལས་ལས་མ་འགྱང་༔ དམ་ཚིག་ཐུགས་དམ་དུས་ལ་བབ༔ བསྐུལ་ལོ་རྦད་དོ་ཕྲིན་ལས་མཛོད༔ རྟགས་དང་མཚན་མ་མྱུར་དུ་སྟོན༔ གནོད་བྱེད་ཀླུ་གཉན་སྡེ་བརྒྱད་ཀུན༔ མིང་གི་ལྷ་ཙམ་མེད་པར་རློག༔ དུས་ལ་བབ་བོ་ས་མ་ཡ༔ ཧཱུྃ་བྷྱོ༔ དྲག་པོ་དམར་གྱི་གཏོར་མ་ལས༔ ཁྲོ་རྒྱལ་ཁམས་གསུམ་རོལ་པ་ཆེ༔ སྐུ་ལ་རྡོ་རྗེའི་གོ་ཁྲབ་གསོལ༔ ཚེམས་ཕྲེང་གངས་རི་དཀར་པོ་འདྲ༔ ཁྲོ་གཉེར་རྒྱ་མཚོའི་གཉེར་མ་འདྲ༔ སྤྱན་གསུམ་ཉི་ཟླ་ཤར་བ་འདྲ༔ དབུ་སྐྲ་དུས་མཐའི་མེ་ལྟར་འབར༔ སྨ་ར་ལྕགས་སྲེག་ཐུར་མ་འདྲ༔ སྨིན་མ་གློག་གི་ཕྲེང་བ་འདྲ། ང་རོ་འབྲུག་སྟོང་ལྡིར་བ་འདྲ༔ སྐུ་ནི་རི་རབ་ལྷུན་པོ་འདྲ༔ ཚྭ་ཚྭ་ཐོག་རྒོད་འབར་བ་འདྲ༔ ཕོ་ཉ་མེ་སྟག་འཕྲོ་བ་འདྲ༔ ལས་མཁན་སེར་ཆེན་འབེབས་པ་འདྲ༔ མཚོན་ཐུན་རླུང་ཆེན་གཡོ་བ་འདྲ༔ མེ་དཔུང་ན་བུན་འཐིབས་པ་འདྲ༔ དེ་འདྲའི་ཁྲོ་རྒྱལ་ཆེན་པོ་ཉིད༔ ཆོས་ཀྱི་ [20a] དབྱིངས་ལས་སྐུར་བཞེངས་ཤིག༔ སྐུ་གསུང་ཐུགས་ལས་སྤྲུལ་པའི་ཁྱུང་༔ ནམ་མཁའ་སྐར་ཚོགས་བཀྲ་བ་འདྲ༔ བར་སྣང་སྤྲིན་དཔུང་གཏིབས་པ་འདྲ༔ ས་གཞིར་སྐྱིན་ཐང་འབེབས་པ་འདྲ༔ བཞེངས་ཤིག་མི་མངོན་དབྱིངས་ནས་བཞེངས༔ བསྐུལ་ལོ་ཐུགས་དམ་གནད་ནས་བསྐུལ༔ བཞེས་ཤིག་དགྲ་བགེགས་ཤ་ཁྲག་བཞེས༔ མཛོད་ཅིག་མངོན་སྤྱོད་ཕྲིན་ལས་མཛོད༔ ཁྲོཾ་བྷྱོ་ཛཿ དབུས་ཕྱོགས་སངས་རྒྱས་བྱ་ཁྱུང་གིས༔ རྒྱལ་རིགས་ལས་བྱུང་ཀླུ་གཉན་གདོན༔ གཏི་མུག་ལས་གྱུར་དགྲ་དང་བགེགས༔ དུས་ངན་ཡོ་ལངས་ནད་མུག་མཚོན༔ རྨི་ལྟས་མཚན་ངན་ཐན་གྱི་རིགས༔ མདོར་ན་མི་མཐུན་ཕྱོགས་རྣམས་ཀུན༔ བཟློག་ཅིང་བསྒྱུར་བའི་ཕྲིན་ལས་མཛོད༔ སྡང་དགྲ་གདུག་པའི་སྟེང་དུ་ཟློག༔ དཀོན་མཆོག་གསུམ་དང་རྩ་བ་གསུམ༔ སྐུ་གསུམ་རྒྱལ་བའི་མཐུ་སྟོབས་དང་༔ ཆོས་ཉིད་རྣམ་པར་དག་པ་དང་༔ རྒྱུ་འབྲས་ཟབ་མོའི་བདེན་པའི་མཐུས༔ བདག་ཅག་དཔོན་སློབ་འཁོར་བཅས་ཀྱི༔ ཆོས་སྲིད་ཚེ་བསོད་ལོངས་སྤྱོད་ལ༔ བར་ཆད་གནོད་འཚེ་མི་མཐུན་ཕྱོགས༔ མ་ལུས་ [20b] བསྡུས་ཏེ་དགྲ་ལ་ཟློག༔ སྡང་བར་བྱེད་པའི་དགྲ་དཔུང་ཟློག༔ གནོད་པར་བྱེད་པའི་གདོན་བགེགས༴ བཀའ་སྲུང་ཡོངས་ཀྱི་རྒོལ་བ༴ སྡེ་བརྒྱད་ཡོངས་ཀྱི༴ སྣང་སྲིད་ལྷ་འདྲེའི༴ བན་བོན་ཀླ་ཀློའི་མཐུ་ནུས༴ བྱང་ཆུབ་སྒྲུབ་པའི་བར་ཆད༴ ནད་རིམས་ཡམས་ནད་གོད་ཁ༴ སད་སེར་བཙའ་ཐན་ལོ་ནད༴ སྔོན་ལས་འཕྲལ་རྐྱེན་ངན་པ༴ བྱད་ཕུར་གཏད་ཁྲོམ་ཧོམ་ཟོར༴ མི་ཁ་ཁ་མཆུ་འཁོན་འཐབ༴ རང་བྱད་རང་ལ་ལྡོག་པ༴ མོ་རྩིས་རྨི་ངན་ཐན་ལྟས༴ སྡང་བར་བྱེད་པའི་དགྲ་ལ༴ གནོད་པར་བྱེད་པའི་བགེགས་ལ༴ རྗེས་ཤུལ་མེད་པར་བཟློག་གྱུར་ཅིག༴ ཁྲོཾ་བྷྱོ་ཛཿ ཤར་ཕྱོགས་རྡོ་རྗེ་ཁྱུང་ཆེན་གྱིས༴ རྗེ་རིགས་ལས་བྱུང་ཀླུ་གཉན་སྡེ༔ ཞེ་སྡང་ལས་གྱུར་དགྲ་དང་བགེགས༔ དུས་ངན༴ རྨི་ལྟས༴ མདོར་ན༴ བཟློག་ཅིང་༴ སྡང་དགྲ་གདུག་པའི་སྟེང་དུ་ཟློག༔ དཀོན་མཆོག་གསུམ་དང་རྩ་བ་གསུམ༔ སོགས་འགྲེ། ཁྲོཾ་བྷྱོ་ཛཿ ལྷོ་ཕྱོགས་རཏྣ་ཁྱུང་ཆེན་གྱིས༔ དམངས་རིགས་ལས་བྱུང་༴ ང་རྒྱལ་ལས་གྱུར་དགྲ༴ དུས་ངན༴ རྨི་ལྟས༴ མདོར་ན༴ བཟློག་ཅིང་༴ སྡང་དགྲ༴ དཀོན་མཆོག་ [21a] གསུམ་དང་རྩ་བ་གསུམ༔ སོགས་འགྲེ། ཁྲོཾ་བྷྱོ་ཛཿ ནུབ་ཕྱོགས་པདྨ་ཁྱུང་ཆེན་གྱིས༔ བྲམ་ཟེ་ལས་བྱུང་ཀླུ༴ འདོད་ཆགས་ལས་གྱུར༴ དུས་ངན༴ རྨི་ལྟས༴ མདོར་ན༴ བཟློག་ཅིང་༴ སྡང་དགྲ༴ དཀོན་མཆོག་གསུམ་དང་སོགས་འགྲེ། ཁྲོཾ་བྷྱོ་ཛཿ བྱང་ཕྱོགས་ཀརྨ་ཁྱུ་ཆེན་གྱིས༔ གདོལ་པ་ལས་བྱུང་ཀླུ་གཉན་གདོན༔ ཕྲག་དོག་ལས་གྱུར༴ དུས་ངན༴ རྨི་ལྟས༴ མདོར་ན༴ བཟློག་ཅིང་༴ སྡང་དགྲ༴ དཀོན་མཆོག་གསུམ་དང་སོགས་འགྲེ། ཁྲོཾ་བྷྱོ་ཛཿ ནད་རིམས་བཞི་བརྒྱ་རྩ་བཞི་དང་༔ བགེགས་རིགས་སྟོང་ཕྲག་བརྒྱད་ཅུ་དང་༔ ཡེ་འདྲོགས་སུམ་བརྒྱ་དྲུག་ཅུ་དང་༔ བྱིས་པའི་གདོན་ཆེན་བཅོ་ལྔ་དང་༔ དེ་ཡི་ཐན་ལྟས་ངན་པ་ཀུན༔ བཅོམ་ལྡན་བྱ་ཁྱུང་རིགས་ལྔ་དང་༔ དྲག་པོ་དམར་གྱི་གཏོར་མས་ཟློག༔ ཟ་འདྲེ་ཕུང་སྲི་ཤི་སྲི་དང་༔ དམ་སྲི་ཆེ་སྲི་ཆུང་སྲི་དང་༔ གཞོན་སྲི་དར་སྲི་གྲི་སྲི་དང་༔ གོད་སྲི་འགགས་སྲི་དུར་སྲི་དང་༔ དེ་ཡི་ཐན་ལྟས༴ བཅོམ་ལྡན་བྱ་ཁྱུང་༴ དྲག་པོ་དམར་གྱི༴ ཕྱི་ཡི་འབྱུང་བ་འཁྲུགས་པ་དང་༔ ནང་གི་ན་ཚ་སྡུག་བསྔལ་དང་༔ གསང་བ་གཟུང་འཛིན་དུག་གསུམ་ [21b] དང་༔ མདོར་ན་མི་མཐུན་ཕྱོགས་ཀུན་དང་༔ དེ་ཡི་ཐན་ལྟས་ངན༴ བཅོམ་ལྡན་བྱ་ཁྱུང་༴ དྲག་པོ་དམར་གྱི་གཏོར་མས་ཟློག༔ ཁྲོཾ་བྷྱོ་ཛཿ བཅོམ་ལྡན་བྱ་ཁྱུང་རིགས་ལྔ་ཡིས༔ མཐུ་སྟོབས་ནུས་རྩལ་ཤུགས་ཕྱུངས་ལ༔ ཐན་ལྟས་བཟློག་པའི་ལས་མཛོད་ཅིག༔ རྭ་ཡིས་རྭ་ཅན་ལྟས་ངན་ཟློག༔ ནོར་བུ་རྫས་ཀྱི་ལྟས་ངན༔ རལ་པས་རལ་ཅན་ལྟས་ངན༴ མཆུ་ཡིས་མཆུ་ཅན༴ གཤོག་པས་འདབ་ཆགས༴ སྡེར་མོས་སྡེར་ཅན༴ སྤུ་ཡིས་སྤུ་ཅན༴ དབང་པོས་ཡུལ་དུག་ལྟས༴ སྡང་བར་བྱེད་པའི་དགྲ་ལ༴ དགྲ་དཔུང་བདུན་རྒྱུད་རྩད་ནས་ཆོད༴ གནོད་པར་བྱེད་པའི་བགེགས་ལ༴ བགེགས་དཔུང་ཐལ་བའི་རྡུལ་བཞིན་རློག༔ ཟ་བར་བྱེད་པའི་འདྲེ་ལ༴ བདག་མེད་སྟོང་པའི་དབྱིངས་སུ་སོད༔ ཕུང་བར་བྱེད་པའི་སྲི་ལ༴ ཡུལ་མེད་ཟང་ཐལ་ཆེན་པོར་ཆོམས༴ དུས་ལ་བབ་བོ་ས་མ་ཡ༔ ཨོཾ་ཧཱུྃ་ཏྲིག་ཁྲོཾ་བྷྱོ༔ མ་ནི་མ་ར་ནི་བྷྱོ༔ མ་ར་དུ་ན་བྷྱོ༔ རཀྨོ་རཀྴན་བྷྱོ༔ ཏིང་ཡ་རཀྴ་བྷྱོ༔ མཱ་ར་ཡ་ཨེ་ཀ་བྷྱོ་བྷྱོ༔ ཨེ་ས་བྷྱོ་བྷྱོ༔ ཨཿཡཿ་མཿདུཿ་རུཿ་ཙཿ་ཤཿནཿ གནོད་བྱེད་སརྦ་ཤ་ཏྲུཾ་མཱ་ར་ཡ་བྷྱོ་བྷྱོ་ཟློག་ཟློག༔ [22a] ཅེས་བཟློག་པའི་ཕྲིན་ལས་བཅོལ་ལོ། །གསུམ་པ་རྗེས་བསྡུ་བའི་ལས་རིམ་ནི། ལས་མཁན་ལྕགས་སྡིག་གོང་གི་ཟ་ལམ་བསྟན་པས་འཐུས་ཕྱིར་ཟོར་བསྐུལ་ཟུར་དུ་མི་དགོས་ལ༔ ཕག་ཁྱུང་གཉིས་ཀྱི་གཏོར་མའི་ཡེ་ཤེས་པ་རང་ངམ་རྟེན་ལ་བསྟིམ། དམ་ཚིག་པ་འོད་དུ་ཞུ་བ་དུག་མཚོན་རྡོ་རྗེའི་ཆར་དུ་མོས་ནས། ཧཱུྃ་ཛ༔ ང་ནི་ཡང་ཁྲོས་ནག་པོ་ཆེ༔ རྦད་དོ་ལས་མཁན་ཕོ་ཉའི་ཚོགས༔ དགྲ་བགེགས་ལུས་སེམས་འབེན་ལ་ཡཱ༔ དོ་ནུབ་གཏོར་ཟོར་གཉན་པོ་འདི༔ གློག་ལྟར་འཁྱུག་ཅིང་ཐོག་ལྟར་འབེབས༔ སངས་རྒྱས་བསྟན་པ་བཤིག་པ་དང་༔ དཀོན་མཆོག་དབུ་འཕང་སྨད་པ་དང་༔ མཚན་ལྡན་བླ་མའི་སྐུ་དགྲ་དང་༔ ལྟ་བ་ལོག་པའི་བསྟན་དགྲ་དང་༔ སྨོན་ལམ་ལོག་པའི་བདུད་རིགས་དང་༔ བར་ཆད་བྱེད་པའི་གདོན་བགེགས་དང་༔ རང་རྒྱུད་གོལ་འཁྲུལ་རྒྱལ་བསེན་ཚོགས༔ སྡིག་ཅན་མ་ལུས་འཁོར་བཅས་ཀྱི༔ གཟུགས་ཕུང་ཐལ་བའི་རྡུལ་བཞིན་བཤིག༔ རྣམ་ཤེས་ཆོས་ཀྱི་དབྱིངས་སུ་སྤོར༔ དུས་ལ་བབ་བོ་མཐུ་རྩལ་བསྐྱེད༔ ཨོཾ་ཨཱཿཧཱུྃ་སྭཱ་ཧཱ་ཁྲོཾ་ག་རུ་ཌ་ས་མ་ཡ་གནོད་བྱེད་སརྦ་ཤ་ཏྲུཾ་མཱ་ར་ཡ་རྦད༔ མཱ་ར་ཡ་སོད༔ མཱ་ར་ཡ་བྷྱོ༔ མཱ་ར་ཡ་ཟློག༔ ཅེས་འཕང༌། དེ་ནས་རྩ་བའི་གཏོར་ཆེན་འཕང་བ་དངོས་ [22b] ལ་འཇུག་གོ །ཡང་སྐབས་འགའ་ཞིག་ཏུ་འཕྲལ་གྱི་རྐྱེན་སེལ་ཙམ་ལ་བཟློག་གཞུང་རྩ་བ་ལ་མ་བརྟེན་པར་བདག་བསྐྱེད་ཙམ་ལ་བརྟེན་ནས་འདི་དག་ཁོལ་འདོན་དུ་བསྒྲུབ་ཀྱང་ཆོག་སྟེ་སྐབས་འཕྲུལ་ཤེས་པར་བྱའོ། ། ཡང་ཁྲོས་ལས་སྦྱོར་མདེའུ་ཁ་རྣོ་མྱུར་ཐོག །ལོག་འདྲེན་ཀླད་པར་འབེབས་བྱེད་གསལ་བྱས་པ། །འདིས་ཀྱང་བསྟན་འཛིན་བར་ཆད་གཡུལ་ངོ་ལས། །རབ་རྒྱལ་དབང་སྐད་ས་གསུམ་ཁྱབ་སྒྲོགས་ཤོག །ཅེས་པའང་གཏེར་གཞུང་གི་དགོངས་པ་མ་ནོར་བར་སྙིང་པོའི་བཅུད་བསྡུས་ནས་ཡང་ཁྲོས་ཡིག་ཆའི་གསལ་བྱེད་དཀྱུས་གཅིག་ཏུ་འཇིགས་བྲལ་ཡེ་ཤེས་རྡོ་རྗེས་བསྡེབས་པ་ཛ་ཡནྟུ།། །།


Retrieved from "https://dudjom.tsadra.org/index.php?title=DJYD-KABUM-12-NA-006&oldid=16786"
Dudjom Tersar
Collected Works of the Masters
A Tsadra Foundation initiative designed to house the writings and revelations of the masters of the Dudjom lineage.
Join the Tsadra Foundation mailing list:

Tsadra Foundation
Translation & Transmission Conference
DharmaCloud Tibetan eBooks
Buddha-Nature
Bodhicitta
Khyentse Lineage
Rinchen Terdzö Chenmo
Damngak Rinpoche Dzö
Dharma Dictionary

About us
Privacy policy
General disclaimer
Site guide

Project Description

Welcome to the Dudjom Tersar Project, a Tsadra Foundation initiative designed to house the writings and revelations of the masters of the Dudjom lineage in a digital format that allows for open access to these materials in authoritative modern Tibetan editions for the sake of scholars, translators, and practitioners the world over.

About us

© Tsadra Foundation. Please feel free to use this website and its content in accordance with fair use policies for teaching, scholarship, education, and research.
See General disclaimer for more information.