TTDL-ZABTER-05-CA-032

Previous Text Back to Volume PageNext Text

Wylie title
Location	bdud 'joms gling pa zab gter Volume 5, Text 32, Pages (Folios to )
Author	བདུད་འཇོམས་གླིང་པ་
Citation	Khrag 'thung Bdud 'joms gling pa. '. In Sprul pa'i gter chen bdud 'joms gling pa'i zab gter gsang ba'i chos sde, Vol. 5: . Thimphu, Bhutan: Lama Kuenzang Wangdue, 2004.
Side notes	Verso: bdud 'joms phur pa bde gshegs snying po
More details More details
Tertön	བདུད་འཇོམས་གླིང་པ་ (bdud 'joms gling pa)
Genre
Cycle	དཔལ་ཆེན་རྡོ་རྗེ་གཞོན་ནུའི་ཡང་གསང་བདེ་གཤེགས་སྙིང་པོ་ (dpal chen rdo rje gzhon nu'i yang gsang bde gshegs snying po)
Parent Cycle	ཟབ་གསང་མཁའ་འགྲོའི་སྙིང་ཐིག་ (zab gsang mkha' 'gro'i snying thig)
Deity	rdo rje phur pa

Tibetan Text

[edit]

༠༠༠༠བརྡ་ཡིག༢༨༣ཟབ་གསང་མཁའ་འགྲོའི་སྙིང་ཐིག་ལས༔ གསང་ཆེན་བདེ་གཤེགས་སྙིང་པོའི་སྨད་ལས་འཁོར་བ་ཡོངས་སྒྲོལ་བཞུགས་སོ༔ ༠༠༠༠བརྡ་ཡིག༢༨༤ན་མོ་གུ་རུ་པདྨ་ཀ་ར་ཡེ༔ ༠༠༠༠བརྡ་ཡིག༢༨༤ཟབ་གསང་ཉམས་སུ་ལེན་པ་ཡི༔ ལས་སྐལ་ལྡན་པའི་སྐྱེས་བུ་ཡིས༔ མངོན་སྤྱོད་ཕྲིན་ལས་བསྒྲུབ་པའི་ཐབས༔ སྨད་ལས་འཁོར་བ་ཡོངས་སྒྲོལ་ལ༔ དམིགས་བྱ་གང་ཡིན་གཟུགས་བྲིས་ཏེ༔ སྙིང་གར་མིང་རུས་བསད་སྔགས་བཀོད༔ མཐའ་མར་བླ་འགུགས་ཚེ་འགུགས་པའི༔ སྔགས་བཀོད་བསད་སྔགས་དག་གིས་བསྐོར༔ དྲག་པོ་ལྕགས་ཀྱི་བྲུབ་ཁུང་དུ༔ འཕང་ནས་འགུགས་བསྒྲལ་ལས་བརྩོན་བྱ༔ དང་པོ་གསེར་སྐྱེམས་རྒྱུག་ཆང་ལ༔ ཨོཾྃ་སྭ་བྷཱ་ས་སོགསསྟོང་པའི་ངང་ལས་གསེར་སྐྱེམས་ཟག་པ་མེད་པ་ཡེ་ཤེས་ཀྱི་བདུད་རྩི་འདོད་ཡོན་ནམ་མཁའ་མཛོད་དུ་སྤྲོ་བའི་བདག་ཉིད་ཅན་དུ་གྱུར༔ ནམ་མཁའ་མཛོད་སྔགས་ལན་གསུམ་མཐར༔ ཀྱཻ༔ སངས་རྒྱས་ཆོས་དང་དགེ་འདུན་དང་༔ བླ་མ་ཡི་དམ་མཁའ་འགྲོའི་ཚོགས༔ བདུད་རྩི་གསེར་སྐྱེམས་འདི་བཞེས་ལ༔ དྲག་པོའི་ཕྲིན་ལས་འགྲུབ་པར་མཛོད༔ ཕུར་བའི་སྲུང་མ་དམ་ཅན་རྣམས༔ དམ་ཚིག་ཐུགས་དམ་གནད་ནས་བསྐུལ༔ གསེར་སྐྱེམས་རྒྱུག་ཆང་འདི་བཞེས་ལ༔ དྲག་པོའི་ཕྲིན་ལས་འགྲུབ་པར་མཛོད༔ ཡེ་ཤེས་དང་ནི་འཇིག་རྟེན་གྱི༔ བཀའ་སྲུང་ཆོས་སྐྱོང་རྒྱ་མཚོའི་ཚོགས༔ གསེར་སྐྱེམས་རྒྱུག་ཆང་འདི་བཞེས་ལ༔ དྲག་པོའི་ཕྲིན་ལས་འགྲུབ་པར་མཛོད༔ དཀར་ཕྱོགས་སྐྱོང་བའི་ལྷ་མ་སྲིན༔ གཞི་བདག་ལྷ་འདྲེ་དྲེགས་པ་ཅན༔ མ་ལུས་གསེར་སྐྱེམས་འདི་བཞེས་ལ༔ མངོན་སྤྱོད་ཕྲིན་ལས་འགྲུབ་པར་མཛོད༔ དམ་ལས་མ་འདའ་ས་མ་ཡ༔ དེ་ནས་གཟུ་དབང་བྱ་བ་ལ༔ གསེར་སྐྱེམས་གཏོར་མ་བཤམས་ལ༔ གསེར་སྐྱེམས་གཏོར་མ་འདོད་རྒུ་ཕུན་སུམ་ཚོགས་པ་མི་ཟད་པའི་གཏེར་དུ་གྱུར༔ ཀྱཻ༔ སྐྱབས་ཀྱི་དམ་པ་དཀོན་མཆོག་གསུམ༔ རྩ་གསུམ་སྲུང་མ་དམ་ཅན་ཚོགས༔ མ་ལུས་གཟུ་དང་དཔང་ལ་དགོངས༔ སྣང་ཞིང་སྲིད་པའི་ལྷ་མ་སྲིན༔ སྡེ་བརྒྱད་གཞི་བདག་ལྷ་འདྲེ་རྣམས༔ མ་ལུས་གཟུ་དང་དཔང་ལ་དགོངས༔ དམ་ཉམས་དགྲ་བགེགས་སྡིག་ཅན་འདིས༔ སངས་རྒྱས་བསྟན་པ་གཉན་པོ་བཤིག༔ དཀོན་མཆོག་གསུམ་གྱི་དབུ་འཕང་སྨད༔ སེམས་ཅན་ཉེས་མེད་དག་ལ་འཚེ༔ ངན་སོང་གསུམ་གྱི་གཞི་རྩ་བཙུགས༔ བསྒྲལ་བའི་ཞིང་བཅུ་ཚང་བ་འདི༔ དོ་ནུབ་ཉིད་དུ་བསྒྲལ་བར་མཛོད༔ གསེར་སྐྱེམས་གཉན་པོ་འདི་བཞེས་ལ༔ བསྒྲལ་ཞིང་འདྲེན་པའི་ཕྲིན་ལས་མཛོད༔ མ་གཡེལ་མ་འགྱངས་ཐུགས་དམ་བསྐུལ༔ དུས་ལ་བབ་བོ་ས་མ་ཡ༔ དེ་ནས་མཁྱེན་དཔང་ནི༔ ཀྱཻ༔ དཀོན་མཆོག་གསུམ་གྱིས་མཁྱེན་པར་གསོལ༔ རྩ་གསུམ་སྲུང་མས་མཁྱེན་པར་གསོལ༔ གཞི་བདག་ལྷ་འདྲེས་མཁྱེན་པར་གསོལ༔ ཐོག་མཐའ་བར་གསུམ་ཐམས་ཅད་དུ༔ བདག་ཉིད་མ་ཉེས་མ་ལན་ཏེ༔ བློ་སྣ་དམ་པའི་ཆོས་ལ་དྲིལ༔ བློ་ཕུག་དཀོན་མཆོག་གསུམ་ལ་གཏད༔ གཞན་དོན་དང་བླངས་རང་དོན་བོར༔ དཀའ་བ་དང་བླངས་སྒྲུབ་ལ་བརྩོན༔ མ་ཉེས་རང་ཁར་འདུག་པ་ལ༔ དགྲ་བགེགས་གདུག་པས་ངན་སྦྱོར་བྱས༔ མི་བཟོད་སྡུག་བསྔལ་ཐོག་ཏུ་ཕབ༔ ངན་སོང་གསུམ་གྱི་གནས་སུ་ཁྲིད༔ ཉོན་མོངས་དུག་ལྔ་མེ་བཞིན་སྦར༔ འདི་འདྲའི་ལས་ངན་སྡིག་ཅན་ལ༔ མངོན་སྤྱོད་དྲག་པོའི་ཕྲིན་ལས་མཛོད༔ ལོ་ཟླར་བཞག་ན་བསྟན་པ་འཇིག༔ དོ་ནུབ་ཉིད་དུ་ཧུར་ཐུམ་སོད༔ དུས་ལ་བབ་བོ་ས་མ་ཡ༔ དེ་ནས་བྲུབ་ཁུང་བསྐྱེད་པ་ལ༔ སྐད་ཅིག་གིས་ཨེ་ཡིག་ནག་པོ་ཡོངས་སུ་གྱུར་པ་ལས་གནམ་ལྕགས་ཀྱི་ཁང་སྒྲོམ་ནག་པོ་གཏིང་ཟབ་ཅིང་ཁ་རུབ་པ་ཞབས་ནས་འདོད་ཆགས་ཀྱི་ཁྲག་མཚོ་ཁོལ་བ༔ གཏི་མུག་གི་མུན་ནག་འཐིབ་པ༔ ང་རྒྱལ་གྱི་བྲག་རི་རྙིལ་བ༔ ཕྲག་དོག་གི་རླུང་དམར་འཚུབས་པ༔ ཞེ་སྡང་གི་མེ་དཔུང་འབར་བ༔ ནད་དང་དུག་མཚོན་གྱི་ཆར་བ་འབེབས་ཤིང་ན་བུན་འཐིབ་པ༔ ཤིན་ཏུ་སྐྱི་གཡའ་ཞིང་ཡ་ང་བའི་ནང་དུ་ནྲྀ་དང་ཏྲི་ཡོངས་སུ་གྱུར་པ་ལས་དགྲ་བགེགས་གདུག་པ་ཅན་གྱི་བླ་ཚེ་སྲོག་གསུམ་འདུས་པའི་ངོ་བོ་རཱུ་པ་ཁ་ངུ་བ་མིག་ཤི་མིག་ལག་པ་མྱ་ངན་གྱི་ཕྱག་རྒྱ་ཅན་རྐང་ལག་ལྕགས་སྒྲོག་གིས་བསྡམས་པ་བུ་ག་དགུ་ནས་ཁྲག་འཛག་པ་མདོག་སྔོ་ལ་མདངས་ཉམས་པ་ཉམ་ཐག་དབུགས་དང་བྲལ་ལ་ཁད་འདར་ཕྲི་ལི་ལི་བྱེད་པར་གྱུར༔ དེའི་སྙིང་གར་ནྲྀ་དང་ཏྲི་ལས་འོད་འཕྲོས་པས་དགྲ་བགེགས་གདུག་པ་ཅན་ཐམས་ཅད་ཀྱི་བླ་ཚེ་སྲོག་གསུམ་ཐམས་ཅད་འུབ་ཀྱིས་འདུས་ཏེ་ལིང་ག་ལ་ཐིམ་པར་གྱུར༔ བདག་མདུན་གཉིས་ཀྱི་ཐུགས་ལས་སྤྲུལ་པའི་ཕོ་ཉ་ལྕགས་ཀྱུ་ཞགས་པ་ལྕགས་སྒྲོག་དྲིལ་བུ་མཚོན་ཆ་ཐོགས་པ་དཔག་ཏུ་མེད་པ་འཕྲོས་པས་དགྲ་བགེགས་གནོད་བྱེད་ཐམས་ཅད་རང་དབང་མེད་པར་བཀུག་ནས་ལིངྒ་ལ་ཐིམ་པར་གྱུར༔ ན་མོ༔ དཀོན་མཆོག་གསུམ་དང་རྩ་གསུམ་རྡོ་རྗེ་འབར་བའི་ལྷ་ཚོགས་སྲུང་མ་དམ་ཅན་རྒྱ་མཚོའི་ཚོགས་དང་བཅས་པ་རྣམས་ཀྱི་བདེན་པས་དགྲ་བགེགས་གནོད་བྱེད་ཐམས་ཅད་གཟུགས་ལིངྒ་འདི་ལ་ཁུག་ཅིག༔ ནྲྀ་ཨ་ཀཪྴ་ཡ་ཛ་ཛཿབགེགས་ལ༔ ཏྲི་ཨ་ཀཪྴ་ཡ་ཛ་ཛ༔ དེ་ནས་བཀུག་པ་ལ༔ ཧཱུྃ་བྷྱོ༔ རྡོ་རྗེ་ཕུར་པའི་ལྷ་ཚོགས་འཁོར་དང་བཅས༔ དམ་ཚིག་ཐུགས་དམ་ཆེན་པོའི་དུས་ལ་བབ༔ བདག་ལ་སྡང་བའི་དགྲ་བོའི་སྡིག་ཅན་འདིའི༔ བླ་ཚེ་སྲོག་གསུམ་ལིངྒ་འདི་ལ་ཁུག༔ རྩ་སྔགས༔ ནྲྀ་ཡཾ་བཛྲ་ཨཾ་ཀུ་ཤ་ཡ་ཛ་ཛཿདེ་ནས་ལྷ་དབྱེ་བ་ནི༔ ཧཱུྃ་བྷྱོ༔ རྡོ་རྗེ་ཕུར་པའི་ལྷ་ཚོགས་འཁོར་དང་བཅས༔ དམ་ཚིག་ཐུགས་དམ་ཆེན་པོའི་དུས་ལ་བབ༔ བདག་ལ་སྡང་བའི་དགྲ་བོ་སྡིག་ཅན་འདི༔ མགོན་སྐྱབས་བྱེད་པའི་ལྷ་སྲུང་ཀུན་དང་ཕྲོལ༔ རྩ་སྔགས༔ ཨ་ནྲྀ་ཏྲག་རཀྵ་མཱ་ར་ཡ་ཕྱེས་ཕྱེས༔ མ་མ་ཏྲག་རཱུ་དྲ་མཱ་ར་ཡ་ཕྱེས་ཕྱེས༔ དེ་ནས་སྨྱོ་རུ་གཞུག་པ་ནི༔ ཧཱུྃ་བྷྱོ༔ རྡོ་རྗེ་ཕུར་པའི་ལྷ་ཚོགས་འཁོར་དང་བཅས༔ དམ་ཚིག་ཐུགས་དམ་ཆེན་པོའི་དུས་ལ་བབ༔ བདག་ལ་སྡང་བའི་དགྲ་བོ་སྡིག་ཅན་འདི༔ སྨྱོ་འབོགས་བརྒྱལ་ནས་ཞ་གྲུམ་རེང་དུ་ཆུག༔ རྩ་སྔགས་མཐར༔ སརྦ་ཤ་ཏྲུཾ་ཨ་མུ་ཀ་མཱ་ར་ཡ་ཛྭ་ལ་པ་ཡ་ཛྭ་ལ་པ་ཡ་རྦད་སོད༔ ཆིངས་ཆིངས་ནན་རྦད་སོད།ཐུཾ་ཐུཾ་ཐིབ་ཐིབ་ཧུར་ཐུམ་རྦད་སོད༔ དེ་ནས་བྱད་དུ་གཞུག་པ་ལ༔ ཧཱུྃ་བྷྱོ༔ རྡོ་རྗེ་ཕུར་པའི་ལྷ་ཚོགས་འཁོར་དང་བཅས༔ དམ་ཚིག་ཐུགས་དམ་ཆེན་པོའི་དུས་ལ་བབ༔ བདག་ལ་སྡང་བའི་དགྲ་བོ་སྡིག་ཅན་འདི༔ ཁྲོལ་མེད་ལས་ཀྱི་བྱད་དུ་བཅུག་པར་མཛོད༔ རྩ་སྔགས་མཐར༔ དགྲ་བགེགས་མཱ་ར་ཡ་ཆིངས་ཆིངས་ཐུམ་རི་ལི་ལི་རྦད་སོད༔ དེ་ནས་བདག་གསོ་བ་ལ༔ བདག་ཉིད་དཔལ་ཆེན་པོའི་ཐུགས་ཀའི་ཧཱུྃ་ལས་ཧཱུྃ་ཡིག་དཔག་ཏུ་མེད་པ་འཕྲོས་པས་འཁོར་འདས་ཐམས་ཅད་ཧཱུྃ་ཡིག་གི་རང་བཞིན་དུ་གྱུར་ཏེ་བདག་ཧེ་རུ་ཀའི་སྐུ་གསུང་ཐུགས་ལ་ཐིམ་པས་མཐུ་ནུས་གཟི་བརྗིད་དང་ལྡན་པར་གྱུར༔ རྩ་སྔགས་བརྒྱ་རྩ་བརྗོད༔ དེ་ནས་ཕུར་པ་གསོ་བ་ལ།ཕུར་པ་སྲས་མཆོག་དངོས་སུ་བསྐྱེད་པ་དེ་ལས་ཕུར་བའི་ཚྭ་ཚྭ་ནམ་མཁས་གར་ཁྱབ་ཐམས་ཅད་དུ་ཁྱབ་ཅིང་གང་ནས་འཁོར་འདས་བརྟན་གཡོ་ཐམས་ཅད་ཕུར་བའི་རང་བཞིན་དུ་གྱུར་ནས་ཕུར་བ་ལ་ཐིམ་པས་ཁམས་གསུམ་འཁོར་བ་ཡོངས་སུ་སྒྲོལ་བའི་མཐུ་ནུས་དབང་བྱིན་ཐམས་ཅད་ཐོབ་པར་བསམས༔ རྩ་སྔགས་བརྒྱ་རྩ་བརྗོད༔ དགྲ་གསོ་བ་ལ༔ སྐད་ཅིག་གིས་དགྲ་བགེགས་གདུག་པ་ཅན་ཐམས་ཅད་གཉིད་བཙན་ཐབས་ཀྱིས་དཀྲོགས་པ་བཞིན་དུ་ལིངྒ་ལ་འདུས་ཤིང་རྫོགས་པར་གྱུར༔ ཕུར་པ་དགྲ་བགེགས་ཀྱི་སྙིང་གར་གདབ་པས་བླ་ཡི་ངོ་བོ་ནྲྀ་དང་ཏྲི་ཡིག་གི་རྣམ་པར་གྱུར་པ་ཕུར་པའི་ཁོང་གསེང་དུ་འུབ་ཀྱིས་འདུས་ཏེ་ཕུར་པ་ལ་ཐིམ་པས་ངང་མེར་གྱིས་སོང་བར་བསམ༔ ཡང་དགྲ་བགེགས་ཀྱི་སྙིང་གར་བཏབ་པས་ཚེ་བསོད་རྣམས་ཀྱི་ངོ་བོ་ནྲྀ་ཡིག་ལྗང་གུའི་རྣམ་པར་རྩེ་མོར་འུབ་ཀྱིས་འདུས་ཏེ་ཁོང་གསེང་ནས་ཡར་དྲངས་བདག་ཡི་དམ་གྱི༔ ཐུགས་ཀར་ཐིམ་པས་ཚེ་བསོད་རབ་ཏུ་རྒྱས་པར་བསྒོམ༔ སླར་ཡང་ཕུར་པའི་རྩེ་མོ་ནས་འོད་འཕྲོས་པས་ཁོ་ཡི་རྒྱུད་ཀྱི་སྡིག་སྒྲིབ་བག་ཆགས་ལས་ཉོན་ཐམས་ཅད་བ་མོ་ལ་མེ་འོད་ཕོག་པ་ལྟར་སངས་རྒྱས་དག་ནས་རྣམ་པར་ཤེས་པ་ཨཱ་དཀར་པོ་དྲི་མ་མེད་པ་ཞིག་ཏུ་གྱུར་ཏེ་རྡོ་ཁབ་ལེན་གྱིས་ལྕགས་ཕྱེ་བླང་བ་ལྟར་ཕུར་པའི་རྩེ་མོར་འུབ་ཀྱིས་འདུས་ཏེ་ཁོང་གསེང་ནས་སྐར་མདའ་རྒྱུག་པ་ལྟར་དྲངས་ཏེ་མདུན་བསྐྱེད་གཙོ་བོའི་ཐུགས་ཀར་ཐིམ་པས་འཁྲུལ་མི་ཤེས་པའི་དབྱིངས་སུ་སངས་རྒྱས་པར་བསམ༔ ཨཱ༔ ཞེས་རྣམ་པར་ཤེས་པ་ཡར་འདྲེན༔ ཕཊ༔ ཅེས་ལྷའི་ཐུགས་ཀར་བསྟིམ་པ་ལན་གསུམ་བྱ༔ སླར་ཡང་ཁོ་ཡི་རྒྱུད་ཀྱི་བདག་འཛིན་འཁོར་བའི་གཞི་རྩ་འཛིན་པའི་བག་ཆགས་བདག་ལྟའི་རཱུ་དྲ་རྣམས་མེ་སྟག་ཆུ་ཡིས་བསད་པ་ལྟར་ཐུན་ཟོར་གྱིས་བསད་ནས་ལུས་སེམས་ཀྱི་སྤུན་ཐག་ཆད་དེ་སོ་སོར་ཞིག་ཅིང་ཕྱེས་པར་བསམ་ལ༔ དེ་ནས་ཕུར་ཐུན་གདབ་པ་ལ༔ ཧཱུྃ་བྷྱོ༔ དཔལ་ཆེན་རྡོ་རྗེ་ཕུར་པའི་ལྷ་ཚོགས་རྣམས༔ མ་གཡེལ་དམ་ཚིག་ཐུགས་དམ་དུས་ལ་བབ༔ ཕུར་ཐུན་ཟོར་གྱི་དཔལ་ཁ་དགྲ་ལ་ཕོབ༔ ཉོན་མོངས་འཁྲུལ་བའི་བག་ཆགས་རྡུལ་དུ་རློག༔ དྲག་སྔགས་མཐར༔ དགྲ་བགེགས་གདུག་པ་ཅན་གྱི་བླ་ཚེ་སྲོག་གསུམ་ལ་ཐུན་བྷྱོ་རྦད་སོད་ཕོབ་ཛ་ཕོབ་ཛ༔ དེ་ནས་ཉུང་ཐུན་གདབ་པ་ལ༔ ཧཱུྃ་བྷྱོ༔ དཔལ་ཆེན་རྡོ་རྗེ་ཕུར་པའི་ལྷ་ཚོགས་རྣམས༔ མ་གཡེལ་དམ་ཚིག་ཐུགས་དམ་དུས་ལ་བབ༔ ཉུང་ཐུན་ཟོར་གྱི་དབལ་ཁ་དགྲ་ལ་ཕོབ༔ བདག་འཛིན་འཁྲུལ་བའི་བག་ཆགས་རྡུལ་དུ་རློག༔ དྲག་སྔགས་མཐར༔ དགྲ་བགེགས་གདུག་པ་ཅན་གྱི་བླ་ཚེ་སྲོག༴ཁྲག་ཐུན་གདབ་པ་ལ༔ ཧཱུྃ་བྷྱོ༔ དཔལ་ཆེན་རྡོ་རྗེ་ཕུར་བའི་ལྷ་ཚོགས་རྣམས༔ མ་གཡེལ་དམ་ཚིག་ཐུགས་དམ་དུས་ལ་བབ༔ ཁྲག་ཐུན་ཟོར་གྱི་དབལ་ཁ་དགྲ་ལ་ཕོབ༔ བདག་འཛིན་འཁྲུལ་བའི་བག་ཆགས་རྡུལ་དུ་རློག༔ དྲག་སྔགས་མཐར༔ དགྲ་བགེགས་གདུག་པ་ཅན་གྱི་བླ་ཚེ་སྲོག༴མཚེ་ཐུན་གདབ་པ་ལ༔ ཧཱུྃ་བྷྱོ༔ དཔལ་ཆེན་རྡོ་རྗེ་ཕུར་པའི་ལྷ་ཚོགས་རྣམས༔ མ་གཡེལ་དམ་ཚིག་ཐུགས་དམ་དུས་ལ་བབ༔ མཚེ་ཐུན་ཟོར་གྱི་དབལ་ཁ་དགྲ་ལ་ཕོབ༔ གཉིས་སྣང་འཁྲུལ་བའི་བག་ཆགས་རྡུལ་དུ་རློག༔ དྲག་སྔགས་མཐར༔ དགྲ་བགེགས་གདུག་པ་ཅན་གྱི་བླ་ཚེ་སྲོག༴དུག་ཐུན་གདབ་པ་ལ༔ ཧཱུྃ་བྷྱོ༔ དཔལ་ཆེན་རྡོ་རྗེ་ཕུར་པའི༴མ་གཡེལ་དམ་ཚིག༴དུག་ཐུན་ཟོར་གྱི་དབལ་ཁ༴ཉོན་མོངས་བརྒྱད་ཁྲིའི་འཁྲུལ་འཁོར་དབྱིངས་སུ་ཤིག༔ དྲག་སྔགས་མཐར༔ དགྲ་བགེགས་གདུག་པ་ཅན་གྱི་བླ་ཚེ་སྲོག༴གྲི་ཐུན་གདབ་པ་ལ༔ ཧཱུྃ་བྷྱོ༔ དཔལ་ཆེན་རྡོ་རྗེ་ཕུར་བའི༴མ་གཡེལ་དམ་ཚིག༔ གྲི་ཐུན་ཟོར་གྱི་དབལ༴ཤ་རུས་འདུ་ཕུང་ཐལ་བའི་རྡུལ་དུ་རློག༔ དྲག་སྔགས་མཐར༔ དགྲ་བགེགས་གདུག་པ་ཅན་གྱི་བླ་ཚེ་སྲོག༴མདའ་ཐུན་ལ༔ ཧཱུྃ་བྷྱོ༔ དཔལ་ཆེན་རྡོ་རྗེ་ཕུར་བའི་ལྷ་ཚོགས་རྣམས༔ མ་གཡེལ༴མདའ་ཡི་ཐུན་ཟོར་དགྲ་དང་བགེགས་ལ་ཕོབ༔ སྲོག་སྙིང་ཚལ་པར་གཏུབ་ཅིང་བརླག་པར་མཛོད༔ དྲག་སྔགས༔ དགྲ་བགེགས་གདུག་པ་ཅན་གྱི་བླ་ཚེ་སྲོག༴རྡོ་ཐུན་གདབ་པ་ལ༔ ཧཱུྃ་བྷྱོ༔ དཔལ་ཆེན་རྡོ་རྗེ་ཕུར་བའི༴མ་གཡེལ་དམ་ཚིག༴རྡོ་ཡི་ཐུན་ཟོར༴སྲིད་པའི་རི་བོ་ཆོམས་ལ་རྡུལ་དུ་རློག༔ དྲག་སྔགས་མཐར༔ དགྲ་བགེགས་གདུག་པ་ཅན་གྱི་བླ་ཚེ་སྲོག༴དེ་ནས་ཐུན་གཏོར་ཐོགས་ལ༔ ཧཱུྃ་བྷྱོ༔ དཔལ་ཆེན་རྡོ་རྗེ་ཕུར་པའི༴མ་གཡེལ་དམ་ཚིག༴དཔལ་གཏོར་ཐུན་ཟོར༴རྗེས་ཤུལ་ལྷག་མ་མེད་པར་རྡུལ་དུ་རློག༔ དྲག་སྔགས་མཐར༔ དགྲ་བགེགས་གདུག་པ་ཅན་གྱི་བླ་ཚེ་སྲོག༴དེ་ནས་གཏུན་ཏུ་བརྡུང་བ་ལ༔ ཧཱུྃ་བྷྱོ༔ དཔལ་ཆེན་རྡོ་རྗེ་ཕུར་བའི༴མ་གཡེལ་དམ་ཚིག༴བདག་ལ་སྡང་བའི་དགྲ་བགེགས་གཟུགས་ཕུང་འདི༔ རྡོ་རྗེ་ཐོ་ཆེན་འབར་བའི་གཏུན་དུ་བརྡུང་༔ རྡུལ་ཕྲན་ཕྱེ་མར་ཐུལ་ཆིག་མཱ་ར་ཡ༔ རྩ་སྔགས་མཐར༔ དགྲ་བགེགས་ཏ་ཐ་ཡ་ཏ་ཐ་ཡ་རྦད་རྦད་སོད༔ དེ་ནས་ཞལ་དུ་བསྟབ་པ་ལ༔ ཧཱུྃ་བྷྱོ༔ རྡོ་རྗེ་ཕུར་པའི་ལྷ་ཚོགས་ཞལ་ཕྱེས་ཤིག༔ དགྲ་བགེགས་གདུག་པ་བསྒྲལ་བའི་ཤ་ཁྲག་རུས༔ དྲོད་དབུགས་ཕུང་ཁམས་སྐྱེ་མཆེད་མ་ལུས་པ༔ མཉམ་ཉིད་ཧོམ་ཁུང་འབར་བའི་ཞལ་དུ་བསྟབ༔ འགགས་མེད་ཟང་ཐལ་ཆེན་པོའི་མགྲིན་པར་བརྒྱུད༔ ཆོས་ཉིད་སྤྲོས་མཐའ་བྲལ་བའི་ལྟོ་བར་བྲུབ༔ རྩ་སྔགས་མཐར༔ སརྦ་ཤ་ཏྲཱུཾ་མཱ་ར་ཡ༔ མ་ཧཱ་མཱཾ་ས་ལ་ཁཱ་ཧི༔ རཀྟ་ལ་ཁཱ་ཧི༔ ཙིཏྟ་ལ་ཁཱ་ཧི༔ ཀིཾ་ནི་རི་ཏི་ལ་ཁཱ་ཧི༔ བ་སུ་ཏ་ལ་ཁཱ་ཧི༔ རྡོ་རྗེ་ཕུར་པ་སྒྲུབ་པའི་སྐྱེས་བུ་ཡིས༔ བསྐྱེད་རིམ་གནད་ལྡན་བསྙེན་པ་ཚད་རྫོགས་ནས༔ མངོན་སྤྱོད་ལས་ལ་འདི་ལྟར་བརྩོན་གྱུར་ན༔ དགྲ་བགེགས་མ་ལུས་སྒྲོལ་ཞིང་ཐུལ་བ་དང་༔ ཕྱི་ནང་གསང་བའི་བར་ཆད་གཡུལ་ལས་རྒྱལ༔ བཀའ་སྲུང་དྲེགས་ལ་ཁྱབ་འཇུག་ཆེན་པོས་སྲུངས༔ དམ་ཉམས་ལག་ཏུ་མ་ཤོར་ས་མ་ཡ༔ གཏེར་རྒྱ༔ སྦས་རྒྱ༔ གཏད་རྒྱ༔ ཟབ་རྒྱ༔ གསང་རྒྱ༔ བརྡ་ཐིམ༔ ཞེས་ཁྲག་འཐུང་བདུད་འཇོམས་རྡོ་རྗེས་ཡེ་ཤེས་མཁའ་འགྲོའི་གསང་ཡིག་ལས་བསྒྱུར་བའི་ཡི་གེ་པ་ནི་རིགས་སྲས་མཁྱེན་བརྩེའི་མྱུ་གུའོ།།དགེའོ།།དགེའོ།།དགེའོ།།