DJYD-KABUM-19-DZA-007

Previous Text Back to Volume PageNext Text

Wylie title	ma Ni bka' 'bum du grags ba'i skor gtso bor grub thob dngos grub dang / zhal gdams dang gab pa mngon phyung gi skor sogs nyang dang ston pa shAk bzang gi gter ma sogs phyogs gcig tu bsgrigs pa'i chos skor gyi thob yig
Location	bdud 'joms rin po che'i bka' 'bum Volume 19, Text 7, Pages 285-296 (Folios 142a1 to 147b3)
Author	བདུད་འཇོམས་འཇིགས་བྲལ་ཡེ་ཤེས་རྡོ་རྗེ་
Citation	Dudjom Rinpoche 'Jigs bral ye shes rdo rje. Ma Ni bka' 'bum du grags ba'i skor gtso bor grub thob dngos grub dang / zhal gdams dang gab pa mngon phyung gi skor sogs nyang dang ston pa shAk bzang gi gter ma sogs phyogs gcig tu bsgrigs pa'i chos skor gyi thob yig. In Bdud 'joms 'jigs bral ye shes rdo rje'i gsung 'bum dam chos rin chen nor bu'i bang mdzod, Vol. 19: 285-296. Kalimpong: Dupjung Lama, 1979-1985.
Side notes	Recto: thob yig   Verso: rgyal po bka'i 'bum skor
More details More details
Genre	Records of Teachings Received - thob yig - gsan yig
Cycle	ཟབ་པ་དང་རྒྱ་ཆེའི་དམ་པའི་ཆོས་ཀྱི་ཐོབ་ཡིག་རིན་ཆེན་སྒྲོན་མེ། (zab pa dang rgya che'i dam pa'i chos kyi thob yig rin chen sgron me)

Tibetan Text

[edit]

༄༅། ། [142a] ཨོཾ་སྭ་སྟི། བོད་ཀྱི་ལྷ་གཅིག་འཕགས་པ་ཐུགས་རྗེ་ཆེན་པོའི་སྒྲུབ་ཐབས་ཟབ་དགུར་སྒྲིལ་བ་རྒྱལ་པོ་བཀའ་འབུམ་མམ་མ་ཎི་བཀའ་འབུམ་དུ་གྲགས་པའི་སྐོར་གཙོ་བོར་གྲུབ་ཐོབ་དངོས་གྲུབ་དང་། ཞལ་གདམས་དང་གབ་པ་མངོན་ཕྱུང་གི་སྐོར་སོགས་ཉང་དང་སྟོན་པ་ཤཱཀ་བཟང་གི་གཏེར་མ་སོགས་ཕྱོགས་གཅིག་ཏུ་བསྒྲིགས་པའི་ཆོས་སྐོར་ཐོབ་པ་ལ། དབང་ཁྲིད་ལུང་གསུམ་ལས། དང་པོ་ནི། ཞལ་གདམས་སྐོར་ལས་བྱུང་བའི་དབང་ཆོག་དང་། དབང་གི་ངོ་སྤྲོད་ཀྱི་ཡི་གེ་ལ་བརྟེན་ནས་ཐུགས་རྗེ་ཆེན་པོ་རྒྱལ་པོ་ལུགས་འགྲོ་བ་འདུལ་བའི་རས་བྲིས་ཀྱི་དཀྱིལ་འཁོར་དུ་རྩ་བའི་དབང་བཞི་ཡོངས་སུ་རྫོགས་པ་དང་སྙིང་པོའི་དོན་དབང་། བཅུ་གཅིག་ཞལ་ནམ་མཁའི་རྒྱལ་པོའི་སྒོམ་ལུང་། དགེ་འབུམ་གྱི་གཏེར་མ་བཀའ་སྲུང་དཔལ་ལྷའི་རྗེས་གནང་དང་བཅས་པ་ལེགས་པར་ནོས། གཉིས་པ་ཁྲིད་ནི་སྐུ་གསུམ་སྙིང་པོའི་དོན་ཁྲིད་ཉིད་ཞིབ་རྒྱས་སུ་ནོས་ནས། གསུམ་པ་ལུང་ལ། ཐོག་མར་བརྒྱུད་པའི་གསོལ་འདེབས་རང་བཞིན་གདོད་དག་མ། དཀར་ཆག་ཁ་བྱང་རིག་འཛིན་ཆེན་པོའི་གཏེར་དུ་སྦས་པའོ། །དེས་བསྟན་པའི་ [142b] ཆོས་སྡེ་ལ། མདོ་སྐོར། སྒྲུབ་སྐོར། ཞལ་གདམས་ཀྱི་སྐོར་དང་གསུམ། དང་པོ་ལ། སྤྱི་མདོ་ཉི་ཤུ་གཅིག་དང་། ཁྱད་པར་མདོ་སྡེ་ཟ་མ་ཏོག་བཀོད་པར་ཐུགས་རྗེ་ཆེན་པོའི་གདམས་སྐོར་མང་དུ་བྱུང་བ་རྣམས་གཞན་དུ་ཤེས་པའི་དབང་དུ་བྱས་ནས། འདིར་བཞུགས་པའི་སྐོར་ཚོ་དང་པོ་ལ། ལོ་རྒྱུས་ཆེན་མོ་ལེའུ་སུམ་ཅུ་རྩ་དྲུག་པ། ཐུབ་པའི་བསྟན་པ་འདི་དང་སྔོན་དུ་སངས་རྒྱས་གཞན་གྱི་བསྟན་པ་ལ་རྒྱལ་པོས་མཛད་པ་བསྟན་པའི་ལོ་རྒྱུས། འཇིག་རྟེན་དབང་ཕྱུག་སྦྱིན་ལ་དགའི་རྣམ་ཐར་མཛད་པ་ཉི་ཤུ་རྩ་གཅིག་པ། བཀའ་ཆེམས་བཀའ་བཀོལ་ལམ་ལེའུ་ཉེར་གཅིག་པ་ཀ་བ་བུམ་པ་ཅན་གྱི་བྱང་ནས་ཇོ་བོས་བཏོན་པ་རྣམས་སོ། །གཉིས་པ་སྒྲུབ་སྐོར་ལ། སྒྲུབ་ཐབས་ཆེན་མོ་དང་། སྒྲུབ་ཕྲན་གཉིས། དང་པོ་ལ། དྲུག་སྐོར། གསུམ་སྐོར། ཆིག་སྐོར། བཤད་འགྲེལ་དང་བཞིའི་དང་པོ་དྲུག་སྐོར་ལ། རྩ་བ་དང་། ལས་ཚོགས་གཉིས་ཀྱི། དང་པོ་རྩ་བ་ནི། ཐུགས་རྗེ་ཆེན་པོ་ཡིད་བཞིན་ནོར་བུའི་རྒྱན་གྱི་སྒྲུབ་ཐབས་འཕྲུལ་གྱི་དུམ་བུ་ཞེས་པ་དྲུག་སྐོར་གྱི་རྩ་བ་ཚུལ་གསུམ་གྱི་གཞི་གཏན་ལ་དབབ་ཅིང་སྐོར་གསུམ་གྱི་ལམ་ཉམས་སུ་ [143a] ལེན་པའི་མན་ངག། གཉིས་པ་ལས་ཚོགས་ནི། རྟེན་གྱི་ཆོས་དྲུག། གསོན་གྱི་ཆོས་དྲུག། གཤིན་ལ་ཕན་ཐབས་དྲུག། ཕྲིན་ལས་དྲུག། གསང་སྔགས་ཀྱི་གནད་དྲུག། ཐུན་མཚམས་ཀྱི་ཆོས་དྲུག ། དེ་རེ་རེ་ལ་ཡང་ཕྱི་ནང་གསང་བ་དོན་རྟགས་མཚོན་པ་སྟེ་དྲུག་རེ་དབྱེ་བས་ཉིས་བརྒྱ་དང་བཅུ་དྲུག་གོ། །གཉིས་པ་གསུམ་སྐོར་ནི། ཐུགས་རྗེ་ཆེན་པོ་ཡིད་བཞིན་ནོར་བུའི་སྒྲུབ་ཐབས་སྤྱི་དོན་བཅུ་གཅིག་པ་རེ་རེ་ཡང་གསུམ་ཚན་དུ་ཕྱེ་བས་སུམ་སྐོར་དུ་གྲགས་པའོ། །གསུམ་པ་ཆིག་སྐོར་ནི། ཐུགས་རྗེ་ཆེན་པོ་ཡི་གེ་དྲུག་པའི་སྒྲུབ་ཐབས་སེམས་བསྐྱེད་ལྷ་སྔགས་སྟོང་པར་སྒོམ་པ་རྣམས་ཡན་ལག་ཆིག་ཆོད་དུ་སྟོན་པ་ནོར་བུའི་འོད་ཅེས་བྱ་བའོ། །བཞི་པ་བཤད་འགྲེལ་ནི། སྤྱིའི་ཁོག་འབུབས་སམ་བཤད་འགྲེལ་ཆེན་མོར་གྲགས་པ་སྤྱི་དོན་གསུམ་པ་ཡན་ལག་དྲུག་གི་སྒོ་ནས་བཤད་པ། རྩ་བའི་གཉིས་པ་སྒྲུབ་ཕྲན་ལ། སྒྲུབ་ཐབས་བསྡུས་པ་རྣལ་འབྱོར་གསུམ་གྱི་ཞལ་གདམས། སྒྲུབ་ཐབས་འབྲིང་པོ་དཀྱིལ་འཁོར་གསུམ་གྱི་ཞལ་གདམས། སྒྲུབ་ཐབས་རྒྱས་པ་གསང་སྔགས་གནད་ཀྱི་ཞལ་ [143b] གདམས། རྒྱལ་བ་སུམ་སྒྲིལ་གྱི་སྒྲུབ་ཐབས། རྟ་མགྲིན་དྲེགས་པ་དབང་སྡུད་ཀྱི་སྒྲུབ་ཐབས། མཁའ་འགྲོ་གསང་སྐོར་གྱི་སྒྲུབ་ཐབས་ཤིན་ཏུ་ཟབ་པ། གསང་བ་ཡེ་ཤེས་མཁའ་འགྲོའི་སྒྲུབ་ཐབས་དབང་སྡུད་ཀྱི་མན་ངག་བྱིན་རླབས་སྦ་ཆོས་ཀྱི་སྒྲུབ་ཐབས་སོ། །དེ་ལྟར་སྒྲུབ་སྐོར་རྣམས་གྲུབ་ཐབས་དངོས་གྲུབ་ཀྱི་གཏེར་མའོ། །ཞི་བ་སོགས་ཐུན་མོང་གི་ལས་ཕྲན་དོན་གཅིག་པ་འདི་གླེགས་བམ་ཕལ་ཆེར་ལ་མེད་ཀྱང་རྒྱས་པ་རྣམས་ན་བཞུགས་ཤིང་ལུང་རྒྱུན་ཡང་ཡོད་དོ། །གསུམ་པ་ཉང་གི་གཏེར་བྱོན་ཞལ་གདམས་སྐོར་ལ། གཞན་དོན་དུ་གདམས་པ། རང་དོན་དུ་གདམས་པ། གཏེར་གནས་མི་གཅིག་པའི་ཞལ་གདམས་དང་གསུམ། དང་པོ་ལ་ཆེ་ཚོ་དང་། ཆུང་ཚོའི་སྐོར་གཉིས། ཆེ་ཚོ་ལ་ནང་གསེས་བཅུ་དྲུག་ཡོད་པའི། དང་པོ་ཞུས་ལན་ལ། ཐུགས་རྒྱུད་ནས་ཕྱི་བློན་རྣམས་ལ་གདམས་པའི་བར་ལ་ལེ་ཚན་བརྒྱད། གཉིས་པ་ངོ་སྤྲོད་ལ། ཡབ་ནས་ཕྱི་བློན་ལ་ངོ་སྤྲོད་པའི་བར་ལ་བརྒྱད། གསུམ་པ་བཀའ་ནན་ལ། ཡབ་ཡུམ་ནས་བུད་མེད་རྣམས་ལ་གསུམ་པའི་བར་ལ་བཅུ་གཅིག་ [144a] བཞི་པ་གསུང་གི་ཞལ་གདམས་ལ། སྤྲོ་ན་སོ་དྲུག་དང་བསྡུ་ན་ཡིག་དྲུག་ཏུ་འདུས་པ་ཐུགས་རྗེ་རང་བྱུང་གི་ཡི་གེ་ནས་སྨོན་ལམ་གྱི་བར་ལ་བཅོ་ལྔ། ལྔ་པ་ལམ་ཁྱེར་ལ། ཉིན་མོ་སྣང་བ་ནས་གཏོར་མའི་ལམ་ཁྱེར་གྱི་བར་ལ་ཉི་ཤུ་རྩ་གསུམ། དྲུག་པ་ཞལ་གདམས་ཐོར་བུ་ལ། དྲུག་ཚན་བཅུ་པ་ནས་བཅུ་ཚན་ཉེར་གསུམ་པའི་བར་ལ་ལྔ། བདུན་པ་ལམ་རིམ་ལ། དལ་འབྱོར་རྙེད་དཀའ་ནས་དབང་པོ་རབ་ལ་བསྟན་པའི་བར་ལ་བདུན། བརྒྱད་པ་མས་འཇུག་ཡས་ལྡོག་ནི། འཁོར་བ་ལུགས་གནས་བདུན་དང་ལུགས་ལྡོག་བདུན་གྱི་འཇུག་ལྡོག་དང་། ལྟ་སྒོམ་སྤྱོད་པ་སོགས་ཀྱི་ཞལ་གདམས་གཉིས། དགུ་པ་མཚང་གི་ཞལ་གདམས་ལ། མི་རྟག་པ་ནས་སྐྱེ་བོ་ཐ་མལ་པ་རྣམས་མཚང་ནས་ཆོས་ལ་བསྐུལ་བའི་བར་ལ་སོ་དགུ། བཅུ་པ་བསྲང་དུ་གཞུག་པ་ལ། གསུང་རབ་ཐམས་ཅད་ཚིག་དོན་གཉིས་སུ་འདུ་བའི་དོན་ལ་དཔེ་དོན་རྟག་གསུམ་ནས་དྲན་པ་ཉི་ཤུའི་ཞལ་གདམས་ཀྱི་བར་ལ་བཅུ་གཅིག། བཅུ་གཅིག་པ་ཕྱི་ནང་གསང་བའི་ཆོས་བཞི་ལ་གནས་ནས། ཕྱི་ནང་གསང་བ་དེ་ཁོ་ན་ཉིད་གནད་ [144b] དུ་དྲིལ་བ་དྲུག་ལ་བརྟེན་ནས་བཤད་ཐབས་ཀྱི་བར་ལ་ཞེ་གཉིས། བཅུ་གཉིས་པ་ཁྱད་པར་གྱི་ཞལ་གདམས་ལ། མཚན་གྱི་ཞལ་གདམས་ནས་ཁྱད་པར་དུ་འཕགས་པའི་ཞལ་གདམས་ཀྱི་བར་ལ་གསུམ། བཅུ་གསུམ་པ་འཆི་ཁ་མའི་ཞལ་གདམས་ལ། རང་བཞིན་གནས་པའི་བར་དོ་ནས་བཙན་ཐབས་སུ་འཕོ་བའི་བར་ལ་དགུ། བཅུ་བཞི་པ་ཐུན་མོང་ཁྱད་པར་གྱི་ཞལ་གདམས་ལ། སྔོན་འགྲོ་བཞིའི་ཡན་ལག་ནས་གསང་བ་ཐུགས་ཀྱི་ངོ་སྤྲོད་པ་ཁྱད་པར་གྱི་ཞལ་གདམས་བར་ལ་བཅུ། བཅོ་ལྔ་པ་ཕྱི་ནང་གི་བསླབ་བྱའི་ཞལ་གདམས་ལ། དོན་རྟགས་མཚོན་གསུམ་གྱིས་བླ་མ་བཀུར་བ་ནས་དབང་བྱིན་རླབས་ཀྱི་ཞལ་གདམས་བར་ལ་བཞི། བཅུ་དྲུག་པ་གཞན་ལ་ཕན་གདགས་ཤིང་རང་སྨིན་པའི་ཞལ་གདམས་ལ། སྐྱབས་སེམས་ནས་ཚིག་དབང་བསྐུར་བའི་བར་ལ་བརྒྱད་དོ། །གཉིས་པ་ཞལ་གདམས་ཆུང་ཚོའི་སྐོར་ལ་བདུན་གྱི། དང་པོ་ཤིན་ཏུ་ཟབ་པ་ནང་འཁོར་དགུ་ལ་གདམས་པ། གཉིས་ཀ་བཀའ་རྟགས་ཀྱི་འཁོར་བརྒྱད་ལ་གདམས་པ། གསུམ་པ་ཐུན་མོང་མ་ཡིན་པའི་ཞལ་ [145a] གདམས་བཅུ་དྲུག། བཞི་པ་ཁྱད་པར་ཟབ་དོན་གྱི་ཞལ་གདམས་བརྒྱད། ལྔ་པ་ཐུགས་རྒྱུད་ཕ་རོལ་ཏུ་ཕྱིན་པ་དྲུག་གི་ཞལ་གདམས་དྲུག། དྲུག་པ་གནད་ཀྱི་ཟབ་དོན་གྱི་ཞལ་གདམས་བརྒྱད། །བདུན་པ་ཟབ་པ་རང་དོན་གྱི་ཞལ་གདམས་བཅུའོ། །གཉིས་པ་རང་དོན་དུ་གདམས་པའི་སྐོར་ལ་ཞལ་གདམས་ཉེར་བདུན་ཡོད་པར་དཀར་ཆག་ཏུ་ཡོད་ཀྱང་མ་འཚལ་ཏོ། །གསུམ་པ་གཏེར་གནས་མི་གཅིག་པའི་སྐོར་ལ། སྤྲུལ་སྐུ་ཤཱཀ་འོད་ཀྱི་གཏེར་མ་ནམ་མཁའ་རྒྱལ་པོའི་མངོན་རྟོགས། སངས་རྒྱས་སྟོང་རྩའི་བསྐྱེད་རྫོགས་ཐུགས་དམ་མཐོང་བའི་ཕན་ཡོན་དང་བཅས་པ། ཁྲུས་ཆབ་བྱེད་ཚུལ་དང་ཕན་ཡོན་གྱུར་ཤོག་གི་སྨོན་ལམ། གབ་པ་མངོན་ཕྱུང་གི་ཞལ་གདམས། རྒྱལ་པོ་ཡབ་ཡུམ་ཐུགས་རྗེ་ཆེན་པོའི་ཐུགས་ཀར་ཐིམ་ཚུལ། བོད་འབངས་སྤྱི་ལ་བཞག་པའི་ཞལ་ཆེམས་དང་བཅས་པ། ལྷ་ས་བསམ་ཡས་གཉིས་ཀྱི་ལུང་བསྟན་ཉང་གིས་མཁོ་མཐིང་ནས་བཏོན་པ། ཡེར་པའི་དཀར་ཆག་བསྟན་པ་དར་རྒྱས་མ་ར་ས་ནས་ལ་སྟོད་དམར་པོས་བཏོན་པ། [145b] དཀར་ཆག་ལྷ་ལུང་དཔལ་རྡོར་མ་ཟངས་རི་པས་ཡེར་པའི་སྤེའུ་སེར་པོའི་བར་ཁང་ནས་རྙེད་པ་རྣམས་སོ། །དེ་རྣམའས་བསྡོམས་པས་སྤྱིར་ཆོས་སྡེ་བརྒྱ་དང་དྲུག་ཅུ་རྩ་བརྒྱད་ཡོད་དོ། །དེ་ལྟར་ལེགས་པར་ཐོབ་པའི་དབང་དང་ཁྲིད་ཀྱི་བརྒྱུད་པ་ནི། ཆོས་སྐུ་སྣང་བ་མཐའ་ཡས། །ལོངས་སྐུ་ཐུགས་རྗེ་ཆེན་པོ། སྤྲུལ་སྐུ་སྲོང་བཙན་སྒམ་པོ། སློབ་དཔོན་པདྨ་འབྱུང་གནས། གཏེར་སྟོན་གྲུབ་ཐོབ་དངོས་གྲུབ། ཉང་རལ་ཉི་མ་འོད་ཟེར། ལ་སྟོད་པ་མི་བསྐྱོད་རྡོ་རྗེ། རྗེ་བཙུན་ཤཱཀྱ་བཟང་པོ། ལྷ་རྗེ་དགེ་བ་འབུམ། ལྕམ་མོ་ཡེ་ཤེས་མཆོག གྲུབ་ཐོབ་ཆུ་སྒོམ་པ། མཐའ་བཞི་བྱ་བྲལ་བ། ཚུལ་ཆེན་བསོད་ནམས་སེང་གེ གྲུབ་མཆོག་བཀྲ་ཤིས་རྒྱལ་མཚན། དྲིན་ཅན་སྐུ་འབུམ་པ། ནོར་བུ་བཟང་པོ། མཁས་གྲུབ་ཆོས་རྗེ། སེང་གེ་རྒྱལ་མཚན། ལོ་ཆེན་དཀོན་མཆོག་སྐྱབས། མངའ་རིས་པཎ་ཆེན་པདྨ་དབང་རྒྱལ། འུ་ཡུག་པ་ངག་གི་དབང་པོ། སྤྲུལ་སྐུ་གར་གྱི་དབང་པོ། ངག་གི་དབང་ཕྱུག། གཞན་ཕན་རྡོ་རྗེ། ཚུལ་ཁྲིམས་རྒྱལ་མཚན། [146a] རིག་འཛིན་ཕྲིན་ལས་ལྷུན་གྲུབ། གཏེར་ཆེན་འགྱུར་མེད་རྡོ་རྗེ། ཡང་ན་ནོར་བུ་བཟང་པོ་ཡན་གོང་ལྟར་ལས། དེ་ནས་བཟང་པོ་རྒྱལ་མཚན་དཔལ་ལྡན་སངས་རྒྱས། ངག་དབང་གྲགས་པ། ཡིག་དྲུག་པ་ཤེས་རབ་དཔལ་འབྱོར། རྗེ་བཙུན་ཀུན་དགའ་གྲོལ་མཆོག། སྣ་ཚོགས་རང་གྲོལ། བསྟན་འཛིན་གྲགས་པ། མདོ་སྔགས་བསྟན་འཛིན། དམ་ཆོས་བཟང་པོ། རིག་འཛིན་ཕྲིན་ལས་ལྷུན་གྲུབ། གཏེར་ཆེན་འགྱུར་མེད་རྡོ་རྗེ། ཡང་ལུང་ཡོངས་རྗོགས་ཀྱི་བརྒྱུད་པ། བླ་མ་བཀྲ་ཤིས་རྒྱལ་མཚན་ནས། ཆུ་རགས་པ་བློ་གྲོས་རྒྱལ་མཚན། སངས་རྒྱས་དོན་གྲུབ། རིན་ཆེན་ཤེས་རབ། མར་སྟོན་ཤེས་རབ་བཟང་པོ། ཡོན་ཏན་བཟང་པོ། རྫ་སྣ་པ་གྲགས་པ་དཔལ་འབྱོར། ཆོས་ཀྱི་ཤེས་རབ། སྤྲུལ་སྐུ་སྣ་ཚོགས་རང་གྲོལ། དབུ་མཛད་དོན་གྲུབ་དཔལ། བསྟན་འཛིན་གྲགས་པ་མན་སྔར་བཞིན། ཡང་ན་སྣ་ཚོགས་རང་གྲོལ་ནས། སྲས་ཀུན་དགའ་གྲགས་པ། མདོ་སྔགས་བསྟན་འཛིན་མན་སྔར་བཞིན། དཔལ་ལྷའི་རྗེས་གནང་གི་བརྒྱུད་པ། [146b] ཆུ་སྒོམ་པ་ཡན་གོང་ལྟར་ལས། དེ་ནས་དགེ་འདུན་དཔལ་བཟང་། སངས་རྒྱས་སེང་གེ ། ཚུལ་ཁྲིམས་རྒྱལ་མཚན། སངས་རྒྱས་བརྩོན་འགྲུས། སངས་རྒྱས་བདེ་ཆེན། རིན་ཆེན་དཔལ་འབྱོར། པདྨ་སངས་རྒྱས། ཉི་ཟླ་སངས་རྒྱས། དཔལ་འབྱོར་ལྷུན་གྲུབ། ཆོས་དབྱིངས་རང་གྲོལ། ཀུན་མཁྱེན་ལྔ་པ། གཏེར་ཆེན་འགྱུར་མེད་རྡོ་རྗེ། །དེ་ནས་ལོ་ཆེན་དྷརྨ་ཤྲཱི། ཀུན་བཟང་ཀློང་གྲོལ། གནས་གསར་བ། ཤེས་རབ་མཆོག་ལྡན། ཉང་སྟོན་པདྨ། འཇིགས་མེད་བསྟན་འཛིན་ཆོས་རྒྱལ། བསྟན་འཛིན་འཕེལ་རྒྱས། འཇམ་དབྱངས་མཁྱེན་བརྩེའི་དབང་པོ། འཇམ་མགོན་བློ་གྲོས་མཐའ་ཡས། ཀུན་བཟང་བསྟན་པའི་རྒྱལ་མཚན། ཁྱབ་བདག་འགྱུར་མེད་ངེས་དོན་དབང་པོ། དེས་བདག་ལའོ། །ཡང་། དབང་ཁྲིད་ཀྱི་བརྒྱུད་པ་ལུགས་གཅིག་ནི། གྲུབ་མཆོག་བཀྲ་ཤིས་རྒྱལ་མཚན་ནས། ཆུ་རག་པ་བློ་གྲོས་རྒྱལ་མཚན། འདུལ་འཛིན་དབུ་ཐུམས་པ། བྱང་སེམས་དཔལ་ལྡན་གཞོན་ནུ། ལོ་ཆེན་དཀོན་མཆོག་སྐྱབས། པཎ་ཆེན་པདྨ་ [147a] དབང་རྒྱལ། ལེགས་ལྡན་རྡོ་རྗེ། རིན་ཆེན་ཕུན་ཚོགས། བཤེས་གཉེན་རིན་ཆེན་དཔལ། སངས་རྒྱས་རིན་ཆེན། མཁན་ཆེན་རྣམ་འཇོམས་ཕུན་ཚོགས། དཔལ་ཆོས་ཀྱི་གྲགས་པ། དཀོན་མཆོག་ཕྲིན་ལས་ལྷུན་གྲུབ། དཀོན་མཆོག་ཕྲིན་ལས་བཟང་པོ། དོན་གྲུབ་ཆོས་རྒྱལ། རྗེ་བསྟན་འཛིན་འགྲོ་འདུལ། ལྷོ་དཀོན་མཆོག་ཆོས་ཀྱི་རྒྱ་མཚོ། བསྟན་འཛིན་ཆོས་ཀྱི་ཉི་མ། མགར་ཆོས་ཀྱི་ཉི་མ། མགར་དཀོན་མཆོག་བསྟན་འཛིན། མཆོག་སྤྲུལ་ཆོས་ཉིད་ནོར་བུ། གཏེར་ཆེན་མཆོག་གྱུར་གླིང་པ། འཇམ་མགོན་པདྨ་གར་དབང་། ཀུན་བཟང་བསྟན་པའི་རྒྱལ་མཚན། འཁོར་ལོའི་མགོན་པོ་འགྱུར་མེད་ངེས་དོན་དབང་པོ། དེས་བདག་ལ་བཀའ་དྲིན་དུ་བསྩལ་ཏོ། །ཡང་། ཐུན་མོང་ལས་ཕྲན་གྱི་ལུང་བརྒྱུད་ལུགས་གཅིག་ནི། བཀྲ་ཤིས་རྒྱལ་མཚན་ཡན་གོང་ལྟར་ལས། དེ་ནས་བློ་གྲོས་རྒྱལ་མཚན། སངས་རྒྱས་དོན་གྲུབ། རིན་ཆེན་ཤེས་རབ། ཤེས་རབ་བཟང་པོ། ཡོན་ཏན་བཟང་པོ། གྲགས་པ་དཔལ་འབྱོར། ཆོས་ཀྱི་ཤེས་ [147b] རབ། སྣ་ཚོགས་རང་གྲོལ། དོན་གྲུབ་དཔལ། བསྟན་འཛིན་གྲགས་པ། མདོ་སྔགས་བསྟན་འཛིན། དམ་ཆོས་བཟང་པོ། ཕྲིན་ལས་ལྷུན་གྲུབ། འགྱུར་མེད་རྡོ་རྗེ། རིན་ཆེན་རྣམ་རྒྱལ། འགྱུར་མེད་དོན་ལྡན། ཕྲིན་ལས་རྣམ་རྒྱལ། ཕྲིན་ལས་ཆོས་སྒྲོན། ཀུན་གཟིགས་མཁྱེན་བརྩེ། འཇམ་མགོན་པདྨ་གར་དབང་མན་གོང་བཞིན་ནོ། །།