TTDL-ZABTER-03-GA-041

Previous Text Back to Volume PageNext Text

Wylie title	zab gsang mkha' 'gro'i snying thig las: bla ma zhi khro 'dus pa'i brgyud pa'i gsol 'debs dngos grub char 'bebs:
Location	bdud 'joms gling pa zab gter Volume 3, Text 41, Pages 399-401 (Folios 1a1 to 2a4)
Author	བདུད་འཇོམས་གླིང་པ་
Citation	Khrag 'thung Bdud 'joms gling pa. Zab gsang mkha' 'gro'i snying thig las bla ma zhi khro 'dus pa'i brgyud pa'i gsol 'debs dngos grub char 'bebs. In Sprul pa'i gter chen bdud 'joms gling pa'i zab gter gsang ba'i chos sde, Vol. 3: 399-401. Thimphu, Bhutan: Lama Kuenzang Wangdue, 2004.
Side notes	Recto: brgyud 'debs   Verso: bdud 'joms bla ma zhi khro
More details More details
Tertön	བདུད་འཇོམས་གླིང་པ་ (bdud 'joms gling pa)
Genre	Lineage Supplications - brgyud 'debs
Cycle	བླ་མ་ཞི་ཁྲོ་འདུས་པ་ (bla ma zhi khro 'dus pa)
Parent Cycle	ཟབ་གསང་མཁའ་འགྲོའི་སྙིང་ཐིག་ (zab gsang mkha' 'gro'i snying thig)
Deity	zhi khro
Colophon	ཞེས་པ་འདི་སློབ་བུ་ངག་དབང་ཕྲིན་ལས་ཀྱིས་ནན་དུ་བསྐུལ་ངོར་བདུད་འཇོམས་རྡོ་རྗེས་ཡིག་མེད་ཨུ་པ་དེ་ཤ་ལས་བསྒྱུར་བའོ། །དགེའོ། །ལེགས་སོ། །སརྦ་མངྒ་ལཾ།།
	zhes pa 'di slob bu ngag dbang phrin las kyis nan du bskul ngor bdud 'joms rdo rjes yig med u pa de sha las bsgyur ba'o/_/dge'o/_/legs so/_/sarba mang+ga laM//

Tibetan Text

[edit]

ཐྂ༎༔ ཟབ་གསང་མཁའ་འགྲོའི་སྙིང་ཐིག་ལས༔ བླ་མ་ཞི་ཁྲོ་འདུས་པའི་བརྒྱུད་པའི་གསོལ་འདེབས་དངོས་གྲུབ་ཆར་འབེབས་བཞུགས་སོ༔ ན་མོ་གུ་རུ་པདྨ་ཀ་ར་ཡེ༔ ཞི་ཁྲོ་སྒྲུབ་པའི་རྣལ་འབྱོར་གྱིས༔ དངོས་གྲུབ་བར་ཆད་སེལ་བའི་ཕྱིར༔ ཐོག་མར་གསོལ་བ་འདེབས་པ་ལ༔ ལྷ་རྣམས་རིམས་བཞིན་ཡིད་བྱེད་དེ༔ ཨོཾ་ཨཱཿཧཱུྃ༔ ཆོས་སྐུའི་སྟོན་པ་ཀུན་བཟང་ཡབ་ཡུམ་ལ༔ གསོལ་བ་འདེབས་སོ་བདག་རྒྱུད་བྱིན་གྱིས་རློབས༔ ལོངས་སྐུ་རྡོ་རྗེ་འཆང་དང་རྡོ་རྗེ་སེམས༔ གསོལ་བ་འདེབས་སོ་བདག་རྒྱུད༴ སྤྲུལ་སྐུའི་སྟོན་པ་རིགས་གསུམ་མགོན་པོ་ལ༔ གསོལ་བ་འདེབས་སོ་བདག་རྒྱུད༴ རིག་འཛིན་ཆེན་པོ་དགའ་རབ་རྡོ་རྗེ་ལ༔ གསོལ་བ་འདེབས་སོ་བདག་རྒྱུད༴ པཎ་གྲུབ་ཡོངས་ཀྱི་གཙོ་མཆོག་ཤྲཱི་སེང༔ གསོལ་བ་འདེབས་སོ་བདག་རྒྱུད༴ འགྲོ་བའི་མགོན་པོ་པདྨ་འབྱུང་གནས་ལ༔ གསོལ་བ་འདེབས་སོ་བདག་རྒྱུད༴ སྤྲུལ་པའི་རོལ་གར་གུ་རུ་མཚན་བརྒྱད་ལ༔ གསོལ་བ་འདེབས་སོ་བདག་རྒྱུད༴ མ་ཅིག་མཁའ་འགྲོ་ཡེ་ཤེས་མཚོ་རྒྱལ་ལ༔ གསོལ་བ་འདེབས་སོ་བདག་རྒྱུད༴ གྲུབ་པའི་དབང་ཕྱུག་ཁྱེའུ་ཆུང་ལོ་ཙ་ལ༔ གསོལ་བ་འདེབས་སོ་བདག་རྒྱུད༴ གཏན་གྱི་སྐྱབས་གཅིག་དྲིན་ཆེན་བླ་མ་ལ༔ གསོལ་བ་འདེབས་སོ་བདག་རྒྱུད༴ སྐུ་བཞིའི་བདག་ཉིད་རིགས་ལྔ་ཡབ་ཡུམ་ལ༔ གསོལ་བ་འདེབས་སོ་བདག་རྒྱུད༴ སྤྲུལ་པའི་བྱང་སེམས་ལྕམ་དྲལ་བཅུ་དྲུག་ལ༔ གསོལ་བ་འདེབས་སོ་བདག་རྒྱུད༴ རྣམ་འདྲེན་སྤྲུལ་སྐུ་ཐུབ་ཆེན་དྲུག་པོ་ལ༔ གསོལ་བ་འདེབས་སོ་བདག་རྒྱུད༴ ཡེ་ཤེས་སྒོ་བ་ཡབ་ཡུམ་བརྒྱད་པོ་ལ༔ གསོལ་བ་འདེབས་སོ་བདག་རྒྱུད༴ གྲུབ་པའི་རིག་འཛིན་རྣམ་བཞིའི་འཁོར་བཅས་ལ༔ གསོལ་བ་འདེབས་སོ་བདག་རྒྱུད༴ ཆེ་བའི་ཆེ་མཆོག་སྤྱི་དཔལ་ཧེ་རུ་ཀར༔ གསོལ་བ་འདེབས་སོ་བདག་རྒྱུད༴ སྤྲུལ་པའི་ཁྲག་འཐུང་རིགས་ལྔ་ཡབ་ཡུམ་ལ༔ གསོལ་བ་འདེབས་སོ་བདག་རྒྱུད༴ གནས་ཡུལ་དབང་ཕྱུག་ཀོའུ་སེང་བཅུ་དྲུག་ལ༔ གསོལ་བ་འདེབས་སོ་བདག་རྒྱུད༴ རྣམ་བཞིའི་ཕྲིན་ལས་དབང་མཛད་མ་མོའི་ཚོགས༔ དབང་ཕྱུག་ཉེར་བརྒྱད་ལ་སོགས་དཀྱིལ་འཁོར་གྱི༔ མཐའ་སྐྱོང་དཔའ་བོ་མཁའ་འགྲོའི་ཚོགས་རྣམས་ལ༔ གསོལ་བ་འདེབས་སོ་ཕྱི་ནང་བར་ཆད་སོལ༔ ལེགས་ཉེས་སྟངས་འཛིན་དམ་ཚིག་རྗེས་གཅོད་ཅིང་༔ ཞིང་བཅུའི་སྲོག་གི་གཤེད་མར་ལྷུན་གྱིས་གྲུབ༔ བཀའ་སྲུང་དྲེགས་པའི་ཚོགས་ལ་གསོལ་བ་འདེབས༔ བསྟན་དགྲ་མ་ལུས་འཇོམས་པར་བྱིན་གྱིས་རློབས༔ དེ་ལྟར་གསོལ་བ་བཏབ་པའི་བྱིན་རླབས་ཀྱིས༔ བདག་ཅག་རྣལ་འབྱོར་སྒྲུབ་མཆོག་འཁོར་བཅས་ཀྱི༔ སྒོ་གསུམ་རྡོ་རྗེ་གསུམ་དུ་སྨིན་གྲོལ་ནས༔ མཆོག་ཐུན་དངོས་གྲུབ་འབད་མེད་མྱུར་ཐོབ་ཅིང་༔ གདོད་མའི་མགོན་པོའི་གོ་འཕང་མྱུར་ཐོབ་ཤོག༔ དད་གུས་མོས་པས་གདུང་ཤུགས་དྲག་པོ་ཡིས༔ དེ་ལྟར་གསོལ་བ་བཏབ་པས་བསམ་མྱུར་འགྲུབ༔ ཕྱི་ནང་གསང་བའི་བར་ཆད་འདིས་གྲོལ་བྱེད༔ ས་མ་ཡ༔ རྒྱ་རྒྱ་རྒྱ༔ གཏེར་རྒྱ༔ སྦས་རྒྱ༔ ཟབ་རྒྱ༔ གུ་ཧྱ༔ ཞེས་པ་འདི་སློབ་བུ་ངག་དབང་ཕྲིན་ལས་ཀྱིས་ནན་དུ་བསྐུལ་ངོར་བདུད་འཇོམས་རྡོ་རྗེས་ཡིག་མེད་ཨུ་པ་དེ་ཤ་ལས་བསྒྱུར་བའོ། །དགེའོ། །ལེགས་སོ། །སརྦ་མངྒ་ལཾ།། །།