TTDL-ZABTER-08-NYA-014

Previous Text Back to Volume Page Next Text

Wylie title
Location	bdud 'joms gling pa zab gter Volume 8, Text 14, Pages (Folios to )
Author	བདུད་འཇོམས་གླིང་པ་
Citation	Khrag 'thung Bdud 'joms gling pa. '*. In Sprul pa'i gter chen bdud 'joms gling pa'i zab gter gsang ba'i chos sde, Vol. 8: . Thimphu, Bhutan: Lama Kuenzang Wangdue, 2004.*
Side notes	Verso: bdud 'joms srung ma
More details More details
Tertön	བདུད་འཇོམས་གླིང་པ་ (bdud 'joms gling pa)
Genre
Cycle	ཟབ་གསང་མཁའ་འགྲོའི་སྙིང་ཐིག་ (zab gsang mkha' 'gro'i snying thig)

[edit]

བརྡ་ཡིག་༠༠༠༠༠༠༠༔ ཟབ་གསང་མཁའ་འགྲོའི་སྙིང་ཐིག་ལས༔ ལྷ་ཆེན་དབང་ཕྱུག་ཆེན་པོའི་གསོལ་མཆོད་བསྡུས་པ་ནོར་བུའི་གཙུག་རྒྱན་བཞུགས་སོ༔ ན་མོ་གུ་རུ་པདྨ་ཀ་ར་ཡེ༔ བརྡ་ཡིག་༠༠༠༠༠༠༠༩༧༔ གཏོར་མ་སྐྱེམས་དང་ཟས་སྣ་ཚོགས༔ དར་གོས་ལ་སོགས་འབྱོར་ཚོགས་བཤམས༔ སྭ་བྷཱ་ཝ་ཡིས་སྦྱངས་ནས་སུ༔ ནམ་མཁའ་མཛོད་ཀྱི་སྔགས་ཀྱིས་སྤེལ༔ ཧྲཱི་ཛཿདད་པ་དང་ནི་དམ་ཚིག་གིས༔ དབང་ཕྱུག་ཆེན་པོ་གཤེགས་སུ་གསོལ༔ ཨུ་མ་དཱེ་ཝི་གཤེགས་སུ་གསོལ༔ འཁོར་དང་བཅས་པ་གཤེགས་སུ་གསོལ༔ ཉེར་སྤྱོད་བདུན་དང་འདོད་ཡོན་ལྔ༔ སྨན་གཏོར་རཀྟ་ག་ཎ་ཚོགས༔ འབྲུ་སྨན་ཟས་ནོར་རིན་ཆེན་དཀོར༔ དར་ཟབ་གཅན་གཟན་གོ་མཚོན་རིགས༔ བཀྲ་ཤིས་རྫས་རྟགས་རྒྱལ་སྲིད་བདུན༔ རྟེན་སྒྲུབ་མཆོད་བསྐང་མཐུན་པའི་རྫས༔ དངོས་འབྱོར་ཡིད་ཀྱིས་རྣམ་སྤྲུལ་ཏེ༔ འདོད་ཡོན་ནམ་མཁའ་མཛོད་ཆེན་པོས༔ ལྷ་ཆེན་དབང་ཕྱུག་ཆེན་པོ་མཆོད༔ བཙུན་མོ་ཨུ་མ་དཱེ་ཝི་མཆོད༔ འཁོར་དང་བཅས་པ་གསོལ་ལོ་མཆོད༔ སྐད་ཅིག་མི་འབྲལ་སྲུངས་སྐྱོབས་ལ༔ དགྱེས་པའི་ཞལ་དང་འགྲུབ་རྟགས་སྟོན༔ ཕྲིན་ལས་རབ་འབྱམས་ཡོངས་འགྲུབ་མཛོད༔ མདུན་དུ་ལྷ་ཆེན་གསལ་བ་ལ༔ མཆོད་སྤྲིན་མི་ཟད་རྒྱན་འཁོར་དུ༔ སྤྲུལ་ཏེ་འདི་ཉིད་དུས་རྟག་དང་༔ ཁྱད་པར་སྒྲུབ་དུས་གྲངས་ལྡན་བྱ༔ མི་འབྲལ་གྲོགས་སུ་ངེས་པར་འགྲུབ༔ ས་མ་ཡ༔ རྒྱ་རྒྱ་རྒྱ༔ བརྡ་ཐིམ༔ ཞེས་པ་འདི་ཡང་རང་སློབ་དམ་པ་འཇིགས་མེད་ཡེ་ཤེས་བློ་གྲོས་ཀྱིས་བསྐུལ་ངོར་ཁྲག་འཐུང་བདུད་འཇོམས་རྡོ་རྗེས་གཏན་ལ་ཕབ་པའི་ཡི་གེ་པ་ནི་བློ་བཟང་རྡོ་རྗེའོ།།དགེའོ།།དགེའོ།།དགེའོ།།།།