ཆོས་ཉིད་ནམ་མཁའི་ཀློང་མཛོད་ལས༔ དཀྱིལ་འཁོར་ཡོངས་ཀྱི་ཁྱབ་བདག༔

Previous Text Back to Volume PageNext Text

Wylie title	chos nyid nam mkha'i klong mdzod las: dkyil 'khor yongs kyi khyab bdag:
Location	bdud 'joms gling pa zab gter Volume 12, Text 58, Pages 333 (Folios 1a1 to 1a6)
Author	བདུད་འཇོམས་གླིང་པ་
Citation	Khrag 'thung Bdud 'joms gling pa. Chos nyid nam mkha'i klong mdzod las dkyil 'khor yongs kyi khyab bdag. In Sprul pa'i gter chen bdud 'joms gling pa'i zab gter gsang ba'i chos sde, Vol. 12: 333. Thimphu, Bhutan: Lama Kuenzang Wangdue, 2004.
Side notes	Recto: bdud 'joms gter gsar
More details More details
Tertön	བདུད་འཇོམས་གླིང་པ་ (bdud 'joms gling pa)
Genre	Sadhanas - Evocation Ritual - sgrub thabs
Cycle	ཆོས་ཉིད་ནམ་མཁའི་ཀློང་མཛོད་ (chos nyid nam mkha'i klong mdzod)
Colophon	བདུད་འཇོམས་རྡོ་རྗེས་སོ། །དགེའོ།།
	bdud 'joms rdo rjes so/_/dge'o//

Tibetan Text

[edit]

ཕྚ༔ ཆོས་ཉིད་ནམ་མཁའི་ཀློང་མཛོད་ལས༔ དཀྱིལ་འཁོར་ཡོངས་ཀྱི་ཁྱབ་བདག་བཞུགས་སོ༔ ན་མོ་གུ་རུ་པདྨ་ཀ་ར་ཡེ༔ སྤྲོས་བྲལ་ཆོས་སྐུའི་ཞལ་མཐོང་བས༔ དོན་གྱི་རྣལ་འབྱོར་ཆེན་པོའི་ལམ༔ སྐད་ཅིག་དྲག་རྫོགས་ཡེ་ཤེས་ལྷར༔ ལྡང་ནས་ཕྲིན་ལས་བསྒྲུབ་འདོད་ན༔ ཧཱུྃ༔ རང་སྣང་དོན་གྱི་འོག་མིན་དུ༔ རིག་པ་རང་བྱུང་ཡེ་ཤེས་ལྷ༔ ཐབས་ཤེས་མཉམ་སྦྱོར་ཕྱག་རྒྱར་བཞེངས༔ རང་རྩལ་སྒྱུ་འཕྲུལ་རོལ་པའི་འཁོར༔ མ་བཅོས་རང་བྱུང་ཆེན་པོར་ཤར༔ སྣང་དང་གྲགས་པ་དྲན་རྟོག་ཀུན༔ དཀྱིལ་འཁོར་གསུམ་ལྡན་རོལ་པར་རྫོགས༔ འཛབ་བཟླས་ནི༔ ཧཱུྃ་ཧཱུྃ་ཧཱུྃ༔ སླར་ཡང་མདུན་བསྐྱེད་གསལ་བ་ནི༔ བདག་ཉིད་རྩ་བའི་དཀྱིལ་འཁོར་ལས༔ ཟླ་བ་ལས་ནི་ཆུ་ཟླ་བཞིན༔ རང་བྱུང་དཀྱིལ་འཁོར་ཆེན་པོར་སྤྲོས༔ དམ་ཚིག་ཡེ་ཤེས་དབྱེར་མེད་རྫོགས༔ ཧཱུྃ་ཧཱུྃ་ཧཱུྃ༔ འདི་ལྟར་རྟོགས་པའི་རྣལ་འབྱོར་གྱིས༔ འདི་ལྟར་བསྒྲུབ་ནས་ལས་བྱེད་རིགས༔ མཁའ་འགྲོ་རྒྱ་མཚོའི་སྙིང་ཐིག་ཡིན༔ དུས་གསུམ་རྒྱལ་བའི་དགོངས་པ་འདུས༔ བཀའ་སྲུང་དྲང་སྲོང་ཆེན་པོས་སྲུངས༔ ས་མ་ཡ༔ རྒྱ་རྒྱ་རྒྱ༔ བརྡ་ཐིམ༔ བདུད་འཇོམས་རྡོ་རྗེས་སོ། །དགེའོ།།