TTDL-ZABTER-13-PA-017

{{Text |classification=Tibetan Publications |subclass=Tibetan Texts |collectiontitle=bdud 'joms gling pa zab gter |collectiontitletib=བདུད་འཇོམས་གླིང་པ་ཟབ་གཏེར། |totalvolumes=21 |author=bdud 'joms gling pa |authortib=བདུད་འཇོམས་གླིང་པ་ |citation=Khrag 'thung [[Bdud 'joms gling pa]. Sprul pa'i gter chen bdud 'joms gling pa'i zab gter gsang ba'i chos sde, Vol. : . Thimphu, Bhutan: Lama Kuenzang Wangdue, 2004. |language=Tibetan |pagestatus=Temporary stub only |volumenumber=13 |volumeLetter=PA |textnuminvol=017 |pdflink=File:TTDL-ZABTER-13-PA-017.pdf |InitCategories=Dudjom Tersar Project; TTDL-ZABTER-Volume-13-PA }}

[edit]

ཆོས་ཉིད་ནམ་མཁའི་ཀློང་མཛོད་ལས༔ སྔགས་སྲུང་དབྱིངས་ཀྱི་རྗེ་མོ་ལ་བརྟེན་ནས་དགྲ་བོ་སྨྱོ་འབོགས་གཏོང་བའི་མན་ངག་བཞུགས༔ ན་མོ་གུ་རུ་པདྨ་ཀ་ར་ཡེ༔ ༠༠༠༠བརྡ་ཡིག༦༡དགྲ་ལ་སྨྱོ་འབོགས་གཏོང་བའི་ཐབས་བརྩོན་ན༔ དབྱིངས་ཀྱི་རྗེ་མོའི་དཀྱིལ་འཁོར་ཞལ་ཕྱེས་ཏེ༔ གཞུང་བཞིན་འགྲུབ་པའི་རྟགས་མཚན་མ་ཐོན་བར༔ བསྒྲུབ་ནས་མཐའ་མ་ལས་ལ་སྦྱོར་བ་ནི༔ སྨྱོ་བྲུན་བག་ཟན་བསྲེ་བའི་ངར་མི་ནི༔ དབང་པོ་ཡན་ལག་ཚང་བ་གཅིག་བྱས་ཏེ༔ སྙིང་ཁར་དགྲ་བོའི་མིང་རུས་མཁན་གསུམ་གཞུག༔ ཐུན་རྫས་ཟངས་ཁབ་སོར་བཞི་པ་ཞིག་ལ༔ བྱད་ཐག་སྔོ་དམར་བཏགས་ཅིང་ཐར་ནུ་དང་༔ བོང་ང་ར་དུག་བསྲེས་པའི་འདག་པ་བྱུག༔ ངར་མི་དེ་ཉིད་བྲུབ་ཁུང་ནང་དུ་གཞུགས༔ མགོ་ལ་བྱ་རོག་འུག་པའི་སྒྲོ་བཙུག་སྟེ༔ བསྐུལ་བ་མང་འདོན་འགུགས་གཞུག་སྟོང་ཕྲག་གམ༔ བརྒྱ་ཕྲག་ཚད་དུ་བསྐྱལ་ནས་སྔགས་འདི་བརྗོད༔ ཧེ་ནར་ཤུ་ཏུ་ནན༔ ཅེས་སྨྲ་བཅད་སྔགས་འདི་འབྲུ་འབུམ་བཞི་རུ་བསྐྱལ་ཏེ༔ ཟངས་ཁབ་ལ་བཏབ་སྟེ་ངར་མིའི་སྙིང་གར་བརྒྱབ་པས་སྨྱོ་བར་འགྱུར༔ བརྒྱ་ཕྲག་རེའི་མཚམས་སུ་ཟངས་ཁབ་ལ་བཏབ་ཅིང་༔ ངར་མིའི་སྙིང་གར་བཏབ་ཚད་ཡང་ཡང་བྱ༔ མཐར་ནི་ལམ་རྒྱ་གྲམ་འོག་ཏུ་ཁ་སྦུབ་ཏུ་མནན༔ དེ་ཡིས་དགྲ་བོ་སྨྱོ་བར་ཐེ་ཚོམ་མེད་དོ༔ ཡང་ན་ལིང་ག་སྤྱི་ལྟར་བྲིས་ནས་སུ༔ བྲུབ་ཁུང་ནང་འཕང་སྨྱོ་བྲུན་ནྲྀཿལ་བྱུག༔ སྨྱོ་བྲུན་ཐུན་ལ་སྔགས་འདི་མང་བཏབ་སྟེ༔ ཏྲི་ཤ་དྲིག་ཐུན་སོད༔ ཀ་དྲ་སོད༔ དུ་ཏྲི་མུ་སོད༔ ཆེ་གེ་མཱ་ར་ཡ་སོད༔ སྨྲ་བཅད་བདུན་ཞག་གསུམ་དུ་དེ་བསྒྲུབ་ན༔ དགྲ་ལ་སྨྱོ་འབོག་འབྱུང་བར་ཐེ་ཚོམ་མེད༔ ཡང་ན༔ མ་མ་ཨེ་ཀ་ཙ་ཏི་ཏྲག་རཀྴ་སྙིང་ཁ་རཀྨོ་བྷྱོ༔ ཆེ་གེ་མོའི་ཙིཏྟ་བསྒུལ་བསྒུལ་སྲོག་རྩར་ཡཾ་ཡཾཿཛྭ་ལ་པ་ཡ་ཛྭ་ལ་པ་ཡ༔ ཡཾ་ཡཾ་མཱ་ར་ཡ་རྦད༔ ཅེས་སྨྲ་བཅད་ཞག་པོ་ཉེར་གཅིག་གྲངས་རྫོགས་པར༔ སྔགས་འདི་བརྗོད་དེ་སྨྱོ་བྲུན་ཐུན་གྱིས་བྲབ༔ ནམ་གྱི་གུང་ལ་འགུགས་གཞུག་ནན་དུ་བསྐྱར༔ མཐར་ནི་ལིང་ག་སྐྱེར་ཚེར་མེ་ལ་བསྲེགས༔ ལམ་ཆེན་རྒྱ་གྲམ་འོག་ཏུ་ཐལ་བ་མནན༔ གནད་དེ་དགྲ་ལ་སྨྱོ་འབོགས་ཆར་འབེབས་འགྱུར༔ བཀའ་སྲུང་དྲེགས་པ་གཟའ་བདུད་རྒྱལ་པོས་སྲུངས༔ ས་མ་ཡ༔ རྒྱ་རྒྱ་རྒྱ༔ བརྡ་ཐིམ༔ གུ་ཧྱ༔ ཞེས་པ་འདི་སློབ་བུ་ངག་དབང་གིས་བསྐུལ་ངོར་བདུད་འཇོམས་རྡོ་རྗེས་ནམ་མཁའི་མཛོད་ལས་བསྒྱུར་བའོ།།དགེའོ།།དགེའོ།།དགེའོ།།།།༈སྔགས་སྲུང་མའི་བསྐུལ་བ་སྨྱོ་བསྐུལ་བྱེད་ཚེ༔ ཛཿབཞེངས་ཤིག་ཆོས་ཀྱི་དབྱིངས་སོགས་ནས་ལོ་ཟླར་བཞག་ན་བསྟན་པ་འཇིག༔ བར་རོ༔ དོ་ནུབ་ཉིད་དུ་སྨྱོ་རུ་ཆུག༔ མ་འགྱངས་སྨྱོ་འབོགས་སྙིང་ལ་ཕོབ༔ ཡང་བསྐུལ་གཞུང་ལས༔ ནམ་མཁའ་སེར་སྤྲིན་སོགས་ནས་ས་གཞིར་ཐོག་གི་ཆར་པ་ཕོབ༔ བར་རོ༔ དེ་ནས༔ དགྲ་བོའི་སྲོག་རྩར་སྨྱོ་འདྲེ་ཕོབ༔ མ་འགྱངས་མི་རིང་སྨྱོ་རུ་ཆུག༔ སྨྱོས་ཤིང་ཉེས་པ་དྲན་དུ་ཆུག༔ དྲན་ནས་ལྷང་ལྷང་སྒྲོག་ཏུ་ཆུག༔ སྒྲོགས་ཤིང་རང་སྲོག་གཅོད་དུ་ཆུག༔ ལྟས་ངན་ཐན་གྱི་ཡོ་ལངས་སོགས་གཞུང་བཞིན་ནོ༔