TTDL-ZABTER-15-BA-098

Previous Text Back to Volume Page Next Text

Wylie title
Location	bdud 'joms gling pa zab gter Volume 15, Text 98, Pages (Folios to )
Author	བདུད་འཇོམས་གླིང་པ་
Citation	Khrag 'thung Bdud 'joms gling pa. '*. In Sprul pa'i gter chen bdud 'joms gling pa'i zab gter gsang ba'i chos sde, Vol. 15: . Thimphu, Bhutan: Lama Kuenzang Wangdue, 2004.*
Side notes	Verso: bdud 'joms
More details More details
Tertön	བདུད་འཇོམས་གླིང་པ་ (bdud 'joms gling pa)
Genre
Cycle	དག་སྣང་ཡེ་ཤེས་དྲྭ་བ་ (dag snang ye shes drwa ba)

[edit]

དག་སྣང་ཡེ་ཤེས་དྲྭ་བ་ལས༔ སྐྱེས་བུ་མ་སང་དགྲ་འདུལ་གྱི་གསོལ་མཆོད་བསམ་དོན་ལྷུན་གྲུབ་བཞུགས་སོ༔ ༠༠༠༠བརྡ་ཡིག༤༡༡ཨོ་རྒྱན་མཚོ་སྐྱེས་རྡོ་རྗེ་ལ་ཕྱག་འཚལ༔ ཤ་དུམ་འབྲུ་སྣ་གཏོར་མ་སྐྱེམས༔ འབྱོར་ཚོགས་མཆོད་རྫས་བཤམས་པ་ལ༔ ཡིད་ཀྱིས་ནམ་མཁའ་མཛོད་དུ་སྤེལ༔ སྔགས་ཀྱི་ནུས་པས་འདོད་རྒུར་བསྐྱུར༔ རང་ཉིད་ཡི་དམ་ལྷར་གསལ་ངང་༔ གསེར་སྐྱེམས་གཏོར་མ་དཀར་གསུམ་མངར་གསུམ་ཤ་རི་ཁྲག་མཚོ་འབྲུ་སྣ་ཤིང་ཐོག་ལ་སོགས་ལྷ་ཀླུ་མི་ཡི་ཟས་ནོར་ལོངས་སྤྱོད་མ་ཚང་བ་མེད་པ་ཕུན་སུམ་ཚོགས་པ་ནམ་མཁའི་མཐའ་དང་མཉམ་པར་གྱུར་ཅིག༔ ན་མ༔ སརྦ་ཏ་ཐཱ་སོགས་ནམ་མཁའ་མཛོད་སྔགས་དང་༔ ཨ་ཀཱ་རོ་དང་༔ རྟེན་འབྲེལ་སྙིང་པོ་གསུམ་རེ་བརྗོད་མཐར༔ ལྷ་ཀྭི་ཀྭི་ལ་བསྭོ་བསྭོ་བསྭོ༔ དགྲ་བླ་ཝེར་མ་དབྱིངས་ནས་བཞེངས༔ སྟེང་ནས་ཚངས་པ་གདོང་བཞི་དང་༔ ལྷ་དམག་བྱེ་བ་གཤེགས་སུ་གསོལ༔ བར་ནས་གཉན་ཆེན་དཀོར་མཛོད་དང་༔ གཉན་དམག་དར་འཛིན་གཤེགས༴འོག་ནས་ཀླུ་རྒྱལ་ཆེན་པོ་ནི༔ ཀླུ་དམག་དང་བཅས༴འཛམ་གླིང་གེ་སར་རྒྱལ་པོ་ཞེས༔ སེང་ཆེན་ནོར་བུ་དགྲ་འདུལ་རྩལ༔ དགྲ་བླ་བཅུ་གསུམ་གཤེགས༴ཁྱོད་ལ་མཆོད་པ་འབུལ་བ་ནི༔ ཉེར་སྤྱོད་བདུན་དང་འདོད་ཡོན་ལྔ༔ སྨན་གཏོར་རཀྟ་དཀར་དམར་སྐྱེམས༔ ལྷ་ཀླུ་མི་ཡི་ཟས་ནོར་དཀོར༔ དངོས་འབྱོར་ཡིད་ཀྱིས་རྣམས་འཕྲུལ་ཏེ༔ གསོལ་ལོ་མཆོད་དོ་ཐུགས་དམ་བསྐང་༔ སེང་ཆེན་ནོར་བུ་དགྲ་འདུལ་མཆོད༔ ཨ་ནི་གོང་སྨན་རྒྱལ་མོ༴སྲིང་མོ་ཐ་ལེ་འོད་དཀར༴གཡས་ནས་འཁོར་བའི་ལྷ་དམག༴གཡོན་ནས་འཁོར་བའི་ཀླུ་དམག༴མདུན་ནས་འདུད་པའི་གཉན་དམག༴རྒྱབ་ནས་བརྟེན་པའི་ལྷ་སྲུང་༴ཕུ་བོ་རྒྱ་ཚ་ཞལ་དཀར༴ནུ་བོ་གནང་ཆུང་གཡུ་སྟག༴ཡབ་མཆོག་ཨ་བོ་གེར་མཛོད༴ཡུམ་མཆོག་སྤང་ཞལ་མཛེས་ལྡན༴སྤྲུལ་པ་དཔའ་ཐུལ་ཉེར་བརྒྱད་མཆོད༔ གསོལ་ལོ་མཆོད་དོ་ཐུགས་དམ་བསྐང་༔ སྒྲུབ་པའི་རྣལ་འབྱོར་བདག་ཉིད་ལ༔ སྐད་ཅིག་ཙམ་ཡང་འབྲལ་མེད་སྐྱོངས༔ ནད་གདོན་བར་ཆད་འཇིགས་ལས་སྐྱོབ༔ མི་མཐུན་ཕྱོགས་རྣམས་ཀུན་ཞི་ཞིང་༔ ཚེ་བསོད་དཔལ་འབྱོར་མངའ་ཐང་བསྐྱེད༔ འདོད་རྒུའི་དཔལ་ཡོན་དབང་དུ་བསྡུས༔ གཟུགས་ཅན་དགྲ་དང་གཟུགས་མེད་བགེགས༔ མ་ལུས་ཐལ་བའི་རྡུལ་དུ་རློག༔ རབ་འབྱམས་ཕྲིན་ལས་ཡོངས་གྲུབ་མཛོད༔ དུས་ངན་སྐྱེས་བུ་བདག་འདྲ་ལ༔ ཐུགས་རྗེས་ཡལ་བར་མ་དོར་ཞིག༔ ཐུགས་བསྐྱེད་རྣམ་དག་རྗེས་དགོངས་ལ༔ དབྱིངས་ལས་དགོངས་པ་ད་བསྐྱོད་འཚལ༔ དད་དང་མོས་གུས་དྲག་པོ་ཡིས༔ ཁྱེད་མཆོད་སྒྲུབ་པའི་རྣལ་འབྱོར་བདག༔ ཚེ་འདིར་བསམ་པའི་དོན་འགྲུབ་ཅིང་༔ ཕྱི་མ་དག་པའི་ཞིང་ཁམས་སུ༔ ཁྱེད་བཞིན་ལུས་འདི་མ་བོར་བར༔ མཁའ་སྤྱོད་དག་པའི་གནས་སུ་དྲོངས༔ འདི་ཕྱི་བར་གསུམ་ཐམས་ཅད་དུ༔ འབྲལ་མེད་ཐུགས་རྗེས་བདག་སྐྱོངས་མཛོད༔ ས་མ་ཡ༔ དེ་ལྟར་དད་དང་མོས་གུས་ཀྱིས༔ གསོལ་མཆོད་བྱེད་པའི་སྐྱེས་བུ་ཀུན༔ འདི་ཕྱིའི་བདེ་ལེགས་ཀུན་འགྲུབ་འགྱུར༔ ཨྠིྀ༔ ཞེས་པ་འདི་ཉིད་སློབ་བུ་ཡེ་ཤེས་ཉི་མ་མཐའ་རྒྱས་ཞེས་བྱ་བས་ནན་དུ་བསྐུལ་ངོར་མི་རྒན་བདུད་འཇོམས་རྡོ་རྗེས་སྨྲས་པ་ཡོངས་སུ་དགེ་བར་གྱུར་ཅིག།སརྦ་མངྒ་ལཾ།།