TTDL-ZABTER-15-BA-069

དག་སྣང་ལས༔ དབང་ཕྱུག་མ་ཧཱ་དཱེ་ཝའི་ཕྱག་རྒྱ་བསྡུས་པ་བཞུགས་སོ༔ ན་མོ་གུ་རུ་པདྨ་ཀ་ར་ཡེ༔ རང་ཉིད་ལྷ་ཡི་མདུན་ས་རུ༔ རིན་ཆེན་སྣ་ཚོག་གཞལ་ཡས་དབུས༔ རཱ་གའི་ཁྲི་སྟེང་ཟླ་ཕྱེད་སྟེང་༔ ལྷ་ཆེན་དབང་ཕྱུག་ཆེན་པོ་དམར༔ ཞི་མ་ཁྲོ་འཛུམ་གཟི་འོད་འབར༔ མཐིང་ནགས་རལ་པ་རྟིང་རྩེར་སླེབ༔ ཕྱག་གཡས་ལྕགས་ཀྱུ་གཡོན་ཞགས་པ༔ གཅེར་བུ་རྒྱན་མེད་འདོར་སྟབས་བགྲད༔ གཡོན་དུ་ཡུམ་མཆོག་ཨུ་མ་དམར༔ ཕྱག་ན་ལྕགས་ཀྱུ་ནོར་བུ་བསྣམས༔ གཅེར་བུ་དགྱེས་ཤིང་ཆགས་པའི་ཉམས༔ ཡབ་ལ་བཏུད་དེ་སྐུ་ལ་རེག༔ སྤྲུལ་པས་སྣང་སྲིད་ཁྱབ་པ་ལས༔ སྤྲོས་པའི་འོད་ཀྱིས་ལྷའི་བླ་མ༔ སྤྱན་དྲངས་གཉིས་སུ་མེད་པར་གྱུར༔ ཨོཾ་མ་ཧཱ་དཱེ་ཝ་ས་མ་ཡ་ཛ་ཛཿས་མ་ཡ༔ རྒྱ་རྒྱ་རྒྱ༔ བརྡ་ཐིམ༔ ཞེས་བདུད་འཇོམས་རྡོ་རྗེས་བསྒྱུར་བའོ།།དགེའོ།།།།