DJYD-KABUM-22-ZA-009

༄༅། །བླ་མ་གསང་བ་འདུས་པའི་ཚེས་བཅུའི་ ཆོ་ག་གཏོང་ལུགས་ཀྱི་ཟིན་བྲིས་ བཞུགས་སོ། །

（1བ）ཨོཾ་སྭསྟི། བླ་མ་གསང་འདུས་ཆོ་གའི་ཕྱག་བཞེས་ཟིན་ཐོ་འགོད་པ་ལ། མཆོད་གཤོམ་གྱི་རིམ་པ་མཐོང་བརྒྱུད་བཞིན་འཚོགས་པར་བྱས་ནས། ཆོ་ག་དངོས་ལ། ཐོག་མར་ཚིག་བདུན་གསོལ་འདེབས་དང་། རྣམ་ཐར་གསོལ་འདེབས་རྣམ་གཉིས་རྗེས་མང་ཇ། ༼སྡོམ་བརྩོན་དམ་པ་༽ དགེ་བསྐོས་ཀྱིས་ཇ་གནང་ཞུ། དེ་ནས། རང་ཉིད་སྐད་ཅིག་གིས་སོགས། ལས་རྡོར་གྱིས་གྲལ་གཤམ་དུ་བགེགས་གཏོར་བཤམ། རཾ་ཡཾ་ཁཾ་ལ་ཆབ་བྲན། སྟོང་པའི་ངང་ལས། འབྲུ་གསུམ་ལ་མཁའ་ལྡིང་རྒྱ་དང་ཧ་ཧོ་ཧྲཱིཿ སརྦ་བཱུ་ཏ་ཀརྴ་ཡ་ཛཿར་ལྕགས་ཀྱུའི་རྒྱ། ན་མཿསརྦ་སོགས་ལ་མཛོད་རྒྱ་སེ་གོལ་བཅས་（2ན）ལན་གསུམ་མཐར། དུང་རོལ་བརྒྱ་བརྡུང་ནི། ཐང་གསུམ་ཟིལ་འབེབས་མཐར། སྦྲམ་ སྦྲམ་ ཐང་ ༡ ཐང་ ༢ ཐང་ ༣ ཐང་ ཟད་མཇུག བེརཾ་ སྦྲཾམ་ ༠༡ བྱསཾ་ བེརཾ་ སྦྲཾམ་ ༠༢ བྱཾས་ བེཾར་ སྦྲཾམ་ ༠༣ བྱསཾ་ སྦྲཾམ་ སྦྲཾམ་ ཐང་༡ ༢ ༣ ༤ ༥ ༦ ༧ ༨ ༩ཐང་（༡ ཐང་སོགས་གོང་བཞིན་གསུམ་མཐར་ཐང་ཟིལ་）སྦྲམ་ ཐང་ཟད་མཐར་ བེར་སོགས་གོང་བཞིན་དེ་འདྲ་བ་ལན་གསུམ་མཐར་ཐིང་གང་ཆེ་བ་གསུམ་ནས་ཟིལ་འབེབས་སུམ་བརྡུང་འཇོག་མེད་ཀྱིས། བླ་མ་རྣམས་ལ་བཀའ་བརྒྱད་བདེ་གཤེགས་འདུས་གདངས་ལྡེམས་དབྱངས་（2བ）འབེབ་མེད། མཁའ་འགྲོ་རྣམས་ནས་ལྷུག །འདི་རུ་མ་འདུག་ལ་འཇགས་རོལ་གྱིས་ཟིལ་འབེབས་མཐར། སྦྲམ་ སྦྲམ་ བྱས་ ༡ ༢ ༣ བྱས་ ༡ ༢ བྱས་ སྦྲམ་ ཐང་ཟད་ ང་ནི་ཡེ་ནས་མཚམས་གཅོད་རང་གདངས་གཉིས་མཚམས་རོལ་ཚིག་གོང་ལྟར་མཐར་ཟིལ་འབེབས་བཞག་རོལ། བསྐུལ་མཚམས་ཀྱིས་ཕོ་བྲང་དབུས་རང་གདངས། བསྐུལ་མཚམས་ཀྱིས། ན་མོ་བླ་མ་སོགས་སྐྱབས་འགྲོ་ལན་གསུམ་མཐར་བསྐུལ་མཚམས་མེད་པའི་སེམས་བསྐྱེད་ལན་གསུམ། བསྐུལ་མཚམས་ཀྱིས། ཧཱུཾ༔ བླ་མ་ཡི་དམ་སྔགས་བཅས་གདངས་མ། མཎྜལ་སྔགས་མཇུག་བསྐུལ་མཚམས་མེད་པས། བདག་གི་ལུས་སོགས་གདངས་བཅས། བླ་མ་རྒྱལ་བ་སྲས་བཅས་ལྷུག བསྐུལ་མཚམས་ཀྱིས། ཀྱཻ་བླ་མ་གདངས་བཅས་ཐལ་སྦྱར། འདྲེན་པའི་བླ་མར་ལྷུག །བཛྲ་གུ་རུ་སུམ་བརྒྱ་ལྔ་བརྒྱ་ཅི་རིགས་བཟླས་མཐར། ཇའམ་ཐུག༽ བསྐུལ་མཚམས་ཀྱིས། བླ་མ་ཡབ་ཡུམ་སོགས་གདངས་ལ་ཐལ་སྦྱར། བྱིན་གྱིས་བརླབས་ནས་ལྷུག །དེ་ནས་ཐིང་གསུམ་ཟིལ་འབེབས་མཐར། སྦྲམ་ སྦྲམ་ ཐང་ ༡ ཐང་ ༢ ཐང་ ༣ ཐང་ བྱས་ ཐང་༡ ཐང་༢ ཐང་༣ ཐང་ བྱས་ ཐང་ ༡ ཐང་ ༢ ཐང་ བྱས་ ཐང་ཟད་ ལྡེམས་དབྱངས་རྩ་གདངས་（3ན）ཀྱིས་ཆོས་སྐུ་མི་འགྱུར། དང་པོ་ཆོས་སོགས་ལྷུག་འདོན་དལ་ཆགས་པ། སྤྲུལ་པའི་གུ་རུ་མཚན་བརྒྱད་གསལ༔ ཅེས་རྔ་བཅད་ནས་བཞག །བསྐུལ་མཚམས་ཀྱིས། ཧྲཱིཿ ཕོ་བྲང་ཕྱོགས་བཞི་སོགས་ལྷུག་འདོན་ནས། དུ་མར་སྣང་ཡང་ངང་དུ་གཅིག༔ ཅེས་སུམ་བརྡུང་མཚམས་ཅན་འཇོག་མེད་དལ་བ་ནས། སྔོན་གྱི་སོགས་རང་གདངས་ལྡེམས་དབྱངས་ལྷ་གཅིག་གཉིས་གང་རིགས། དེ་ནས་ལྷུག །བསྐུལ་མཚམས་ཀྱིས། ཧཱུཾ༔ ཡུལ་གྱི་མིང་སོགས་ནས། དངོས་གྲུབ་སྩོལ༔ ཐང་ ༡ ཐང་ ༢ ཐང་ བྱས་ ཐང་ ༡ ཐང་ ༢ ཐང་ བྱས་ ཐང་ཟད། ཧྲཱིཿ བདེ་ཆེན་འབར་བའི་སོགས་རྩ་གདངས་རྩེ་ཕྲན་ཅན་ཚིག་གཉིས་མཚམས་སུ་རོལ་ནས་ལྷུ་གཉིས་གཏོང་། དེ་ནས་ལྷུག །བརླབ་ཕྱིར་གཤེགས་སུ་གསོལ༔ ཐང་ ༡ ཐང་ ༢ ཐང་ བྱས་ ཐང་ ༡ ཐང་ ༢ ཐང་ བྱས ཐང་ཟད། གནས་མཆོག་འདི་རུ་སོགས་བདེ་ཆེན་འབར་བའི་གདངས་འགེབགཉིས་མཚམས་སུ་རོལ་ནས་དབྱངས་ཚིག་བཞི་རྫོགས་མཐར་ཟིལ་འབེབས་ཀྱིས་བཞག་རོལ་ཐོག་རྔ་སྦུག་བཞག་ནས། རིན་ཆེན་ཕོ་བྲང་སོགས་ལྷུག་འདོན་དལ་བ་（3བ）བཅད་འདོན། ཧྲཱིཿ དུས་གསུམ་སོགས་ཇ་མཆོད། ཇ༽ དེ་ནས་སྐྱེ་འགག་སོགས་ལ་རྫོགས་ཆེན་ཕྱག་འཚལ་གདངས་ཐལ་སྦྱར། སྭ་བྷཱ་ཝར་ལས་ཆུ་འཐོར། ཨོཾ་ཨཱཿཧཱུཾ་ལན་གསུམ། པཱུ་ཛ་ཧོཿ ཞེས་ཐིང་གསུམ་ཟིལ་འབེབས་མཐར་སུམ་བརྡུང་འཇོག་མེད་ནས། ཕྱི་མཆོད་བླ་མ་ཡི་དམ་ལ་ལྷ་ཆེན་ཚོགས་རྗེ་ཚོགས་བདག་འགེབས་པའི་ལྡེམས་དབྱངས། པཱུ་ཛ་ཧོཿ ཞེས་སུམ་བརྡུང་འཇོག་མེད་ཀྱིས། ནང་མཆོད་བླ་མ་ཡི་དམ་ལ་བཀའ་བརྒྱད་ཡང་དག་རྟོགས་པའི་གདངས་གཉིས་མཚམས་སུ་རོལ་བཅས་ལྷ་བཞི། ཚིག་བསྟུན་རྐང་གླིང་དང་ཐོད་རྔ། དུག་གསུམ་སྐུ་སོགས་ནས་ལྷུག །གུ་ཧྱ་པཱུ་ཛ་ཧོཿ ཞེས་སུམ་བརྡུང་མཚམས་ཅན་འཇོག་མེད་དལ་བ་ནས། ཨོཾ༔ བླ་མ་ཡི་དམ་སོགས་ལྡེམས་དབྱངས་ཀྱིས་རྩ་གདངས། ཁ་རཾ་ཁཱ་ཧི༔ ཞེས་རྔ་ཚག་གིས་བཞག །ཆོས་སྐུ་སྣང་བ་སོགས་སྨན་མཆོད་དབྱངས་རྟ་ལྡེམས་དབྱངས་ཆུང་བ། མཚུངས་མེད་དཔལ་འབྱོར་ལ་བསྐུལ་མཚམས་སམ་ཡང་ན་དེ་ནས་ལྷུག་འདོན་རྔ་མེད། ཨ། འདོད་ཆགས་སོགས་ནས་རྔ་བརྡུང་། རཀྟ་ཁཱ་ཧིཿ ཞེས་སུམ་བརྡུང་འཇོག་མེད་ནས། རྗེ་བཙུན་བླ་མ་སོགས་ལ་ལྷ་ཆེན་བསྟོད་དབྱངས་ཆེ་བ། གདངས་མི་（4ན）བཏང་ན་དེའི་བར་ལ་རོལ་མེད། སྤྲོ་དགའ་གནས་ཀྱི་མཆོད་པ་བཞེས༔ ཞེས་སུམ་བརྡུང་འཇོག་མེད་ནས། ཇ༽ སྣང་བ་སྣོད་སོགས་ལྷ་ཆེན་རང་བྱུང་གདོད་ནས་དབྱངས་འགེབས་ཀྱིས་ལྡེམས་དབྱངསའགེབས་ཀྱིས་ལྡེམས་དབྱངས། དཔལ་གྱི་གཏོར་ནས་ལྷུག །བདུད་རྩིར་བསྒྱུར་བའི་གཏོར་མ་ཆེན་པོ་འདིས༔ ཐང་ ༡ ཐང་ ༢ ཐང་ བྱས་ ཐང་ ༡ ཐང་ ༢ ཐང་བྱས་ཐང་ཟད། རྡོ་རྗེ་སློབ་དཔོན་རྩ་གདངས་ལྡེམས་དབྱངས་ལྷུ་གཉིས་ནས་ལྷུག་མཐར། བ་ལིངྷ་ཁཱ་ཧིཿ ཞེས་སུམ་བརྡུང་ཟིལ་འབེབས་བཞག་རོལ་ཐོག་རྔ་སྦུག་གནས་སུ་འཇོག །དེ་ནས་ལེའུ་བདུན་མ་དལ་འདོན། ཇ༽ དཀོན་མཆོག་གསུམ་དངོས་སོགས་ཀྱིས་ཞོག་ཚོགས་གྲོལ། ༼ཚ་རྟིང་མར་༽ བསྐང་གསོའི་མཆོད་བརླབ་ནས་ཕྱག་བཞིའི་དམ་བཞག ཇ༽ །རྣམ་སྲས་མཆོད་མཇུག ཐུག༽ །ལྷ་མོའི་མདུན་བསྐྱེད་ནས་མཆོད་མཇུག་སྔགས་འབུལ་བར་དང་། དེ་རྗེས་གུང་ཚོགས་སྦྲེལ་ནས་ལེགས་ལྡན་ནས་བཟུང་བསྟོད་པ་ཡོངས་རྫོགས། ལྷ་ཆེན་བསྟོད་མཇུག ཇ༽ རྗེས་འབྲང་གི་རྡོར་ལེགས་མཇུག་དགེ་བསྐོས་ཀྱིས་གུང་ཚིག་རྒྱལ་རྔ་བརྡུང་། བསམ་ལྷུན། འཛམ་གླིང་དག་པ། ཁྱོད་ལ་བསྟོད་ཅིང་མཇུག་བཞེས་ཐུག་མཆོད་ནས་ཡོན་སྦྱོང་ཆབ་བཀྱེས་ཏེ་གུང་（4བ）ཚོགས་གྲོལ། ༼གསོལ་རྒྱབ་བར་ཆ་སྔོན་མར་༽ ཁྲོ་གཏུམ་དྲེགས་པ་ནས་གཏེར་གཞིའི་མཇུག་བཟླས་པ་དང་། བསྐང་རྫས་བརླབ་ནས་བསྐང་བ་ཡོངས་རྫོགས། ཞྭ༽ ལྷ་ཆེན་མཇུག །བཤགས་པ་ཕྲིན་བཅོལ་བར་བཏང་ནས་གྲོལ། ༼ བར་ཆ་རྗེས་མར་༽ ལས་རྡོར་གྱིས་ཚོགས་ཞུས་བྱས་ནས། ཐིང་གསུམ་ཟིལ་མཐར་སུམ་བརྡུང་འཇོག་མེད་དལ་བ་ནས། རང་ཉིད་ལྷ་སོགས་སྔོན་བསྐལ་ལྡེམས་དབྱངས། རཾ་རཾ་ནས་ལྷུག །མཐོང་སྣང་ལྷ་ཚོགས་དགྱེས༔ ཞེས་འཇགས་རོལ་ཟིལ་འབེབས་ནས་བཞག་རོལ་ཐོག་རྔ་སྦུག་གནས་སུ་འཇོག །མཁའ་འགྲོ་སྡེ་ལྔས་ཕྱག་གསུམ་སྔོན་འགྲོས། གཟིགས་ཤིག་སོགས་ཚོགས་གླུ་འབུལ། ལན་དུ་དབུ་མཛད་ཀྱིས། རིན་ཐང་མེད་སོགས་གར་གླུའི་དབྱངས་རྟ་དང་འབྲེལ་བར་ཀུན་གྱིས་པད་སྐོར་བླངས། མཁའ་འགྲོ་སྡེ་ལྔས་དེ་བསྟུན་བཞི་འགྲོས་ཀྱིས་གྲལ་གཞུང་ནས་ཡར་འོང་མཐར། ཐིང་གསུམ་ཟིལ་སུམ་བརྡུང་མཚམས་ཅན་འཇོག་བཅས་ཀྱིས། བདེ་བར་གཤེགས་སོགས་དྲག་དམར་ཚོགས་གདངས། དངོས་གྲུབ་སྩོལ༔ ཞེས་སུམ་བརྡུང་འཇོག་བཅས་ནས། སྔོན་བྱུང་སོགས་གདངས་གོང་བཞིན་སྐབས་ལས་རྡོར་གྱིས་གཞུང་གྲལ་མཇུག་ཏུ་བྲུབ་ཁུང་གདན་བཅས་འགོད། དེའི་ལོགས་ཤིག་ཏུ་ཤིང་ཁྲོལ་ཁེབས་ལྡན་ནང་（5ན）ཐུན་སྣོད། སྒྲོལ་གྲི། ཕུར་བུ། གནམ་ལྕགས་རྡོ་རྗེ་མཐིང་ཁྲ་ཅན་བཅས་བཤམ། གོང་གི་ཚིག་མཇུག་སུམ་བརྡུང་ཟིལ་ནས་བཞག་རོལ། ན་མོ། རིག་འཛིན་སོགས་འགུགས་གཞུག་ལན་གཅིག །སློབ་དཔོན་དང་ལས་རྡོར་གཉིས་ཀས་རྒྱ་བཅས་མཐར་དྲག་བརྡུང་མཇུག་ལས་རྡོར་གྱིས་འཆམས་སྟབས་དང་འབྲེལ་བའི་དགུ་བརྡུང་འཇོག་མེད་ཀྱིས། ཆེ་མཆོག་སོགས་རྩ་གདངས་འཆོལ་རྒྱག་འཆམས་བཅས་མཐར་དགུ་བརྡུང་འཇོག་མེད་གོང་བཞིན་ནས། ཨོཾ་བཛྲ་མ་ཧཱ་ཀྲོ་དྷ་སོགས་འཆོལ་རྒྱག་འཆམས་བཅས་མཐར་ཟིལ་འབེབས་གློག་མ་འདྲ་བའི་དུས་སུ་ལས་རྡོར་གྱིས་ཐུན་བྲབ་པ་སོགས་ཚེ་ཁྲུས་ཀྱིས་དགོངས་པས་བསྒྲལ་ལ་བཞག་རོལ་གྱིས་རྔ་སྦུག་གནས་སུ་འཇོག །ལས་རྡོར་གྱིས་ལིང་རོ་ལ་བདུད་རྩི་སྦྲན། བསྒྲལ་ཆས་སོགས་བསྡུ། དབུ་མཛད་ཀྱིས་བསྐུལ་བས། གུ་རུ་དེ་ཝ་སོགས། དེ་ནས། སྣང་སྲིད་གཞལ་ཡས་སོགས་བཛྲ་གུ་རུའི་ཛཔྲ་དམིགས་བཅས་བཟླས་པ་ཅི་འགྲུབ་དང་། ཐོད་ཕྲེང་རྩལ་བརྒྱ་རྩ། ཧྲཱིཿམ་ཉེར་གཅིག་ཙམ། འདི་སྐབས་ལས་རྡོར་རོགས་བཅས་ཀྱིས་མར་མེ་དང་སྤོས་རྣམས་སྦར་ཏེ་གཞུང་གྲལ་གཡས་གཡོན་གཡས་ཀྱི་དབུ་མཛད་འོག་གསུང་ལེན་པ་ནས་མར་བརྩིས་པའི་ལྔ་པར་མེ་ཏོག་ནས་（5བ）བཟུང་སྟེ་ཡར་བདུག་སྤོས་སོགས་ཉེར་སྤྱོད་རྣམས་ཕུལ་བར་གསུང་ལེན་པར་ཞལ་ཟས་ཕུལ། དེ་བཞིན་དུ་གཡོན་གྲལ་དུའང་ཕུལ་རྗེས་དབུ་མཛད་ལ་ཏིང་ཤག་ཕུལ་ནས། ཧཱུྃ༔ དུར་ཁྲོད་གསང་བ་རྩ་གདངས། རྡོ་རྗེ་རྒྱལ་པོའི་ཕྱག་ན་ཌཱ་རུ་དང་བདུད་རྩིའི་བྷནྡྷ་བསྣམས། དགེ་བསྐོས་ཀྱིས་སྤོས་བསྐོར། གསང་བའི་དཀྱིལ་འཁོར་སོགས་ལ་དབུ་མཛད་ཀྱིས་ཏིང་ཤག་བརྡུང་། མཐར་རུ་ལུ་ལན་བདུན་ལ་ཌཱ་རུ་བཅད་མ་ལན་བདུན་དཀྲོལ། ཀུན་གཞི་སོགས་ལྷུག་འདོན། ཇ༽ དེ་ནས་རོལ་བླངས་ཏེ་ཐིང་གསུམ་ཟིལ་མཐར་སུམ་བརྡུང་འཇོག་མེད་ཀྱིས། ཧཱུཾ༔ དམ་རྫས་གཏོར་ཆེན་སོགས་དྲག་དམར་མཆོད་གདངས་གཉིས་མཚམས་རོལ་རེ། རྐང་གླིང་ཐོད་རྔ་སོ་སོའི་ཚིག་བསྟུན་གྱིས་མཆོད། ཞུན་ཆེན་སྣང་གསལ་ནས་ལྷུག །བསྐུལ་མཚམས་ཀྱིས་། ཧོཿ དམ་རྫས་མཆོད་པ་སོགས་ལྷུག་འདོན་དལ་ཆགས་པའི་མཐར་སུམ་བརྡུང་ཐིང་གང་མ་དང་ཉིས་བརྡུང་ཐིང་གང་མ་སྒང་རོལ་ཤིན་ཏུ་དལ་བ་འཇོག་མེད་ནས། མ་བཅོས་སྤྲོས་བྲལ་སོགས་རྩ་གདངས་ལྡེམས་དབྱངས། པད་སྡོང་ནས་ལྷུག །སྐུ་གསུམ་རྡོ་རྗེ་འཆང་ལ་ཕྱག་འཚལ་བསྟོཾད༔ ཐང་ ༡ ཐང་ ༢ ཐང་ བྱས་ ཐང་ ༡ ཐང་ ༢ ཐང་ བྱས་ ཐང་ཟད་ནས། ཧྲཱིཿ （6ན）མ་ཆགས་སོགས་ནས་ཤཱཀྱ་སེང་གེ་ཡན་གདངས་རོལ་འདྲ། ལྷུ་གཉིས་ལས་མི་བཏང་ན་ཤེས་བྱ་ཀུན་ནས་ལྷུག །ཤཱཀྱ་སེང་གེའི་སྐུ་ལ་བསྟོད༔ རྩེ་ཚག་གིས་བཞག །བསྐུལ་མཚམས་ཀྱིས་སེང་རྡོར་གཉིས་གདངས་རོལ་ཉིས་བརྡུང་མཚམས་ཅན་འཇོག་བཅས་མཐར། ༡༢བྱས་ ༡༢བྱས ཐང་ ༡ ཐང་ ༢ ཐང་ བྱས་ ཐང་ ༡ ཐང་ ༢ ཐང་ བྱས་ཐང་ཟད་ནས། ཇ༽ ཧྲཱིཿ སྣང་བ་མ་འགག་སོགས་གོང་བསྟོད་རྩ་གདངས། སྲུང་མའི་ཚོགས་ལ་ཕྱག་འཚལ་བསྟོད༔ ནས་སུམ་བརྡུང་འཇོག་མེད་ཀྱིས། ཧཱུཾ༔ མ་གཡེལ་མ་གཡེལ་སོགས་དྲག་དམར་ཟོར་བསྐུལ་གདངས། རྗེ་བཙུན་པདྨ་ནས་ལྷུག །དངོས་གྲུབ་སྩོལ༔ ཅེས་རྔ་ཚག་གིས་བཞག །བསྐུལ་མཚམས་ཀྱིས། ཧཱུཾ་ཧཱུཾ༔ ལྷོ་ནུབ་（ཆབ་བཀྱེ་）རྔ་ཡབ་སོགས་ནས། རྣམ་རྟོག་ཞི་བར་མཛོདཿ ཅེས་སུམ་བརྡུང་ཟིལ་འབེབས་ཐོག་བཞག་རོལ་གྱིས་གྲོལ། ༼དགོང་ཚོགས་ལ་༽ ཆ་གསུམ་ཤར་ཙམ་བཏང་རྗེས་འོད་མཚན་སྟོང་འབར། ཇ༽ ཧེ་རུ་ཀ་དཔལ་སྤྱི་གདངས་ཚིག་མཇུག་ལྷུག་མཐར། རོལ་ཐིང་གཅིག་ཟིལ་འབེབས་ཉིས་བརྡུང་མཚམས་འཇོག་བཅས་ནས། དང་པོ་ཕུད་སོགས་གདངས་རལ་བཀའ་བརྒྱད་ལྟར། མཐར་འཇགས་རོལ་གྱིས་ཟིལ་འབེབས་（6བ）བཞག་རོལ། དེ་རྗེས་བསྐང་གསོའི་གཏོར་འབུལ་ནས་ཤིས་བརྗོད་བར་སྤྱི་འགྲེ། ཤིས་བརྗོད་རོལ་ཟིལ་འབེབས་མཐར་ཉིས་བརྡུང་འཇོག་བཅས་ནས། ཆད་ཐོ་ཧཱུཾ་སྔོན་ཚེ་སོགས་གདངས་རོལ་བཀའ་བརྒྱད་ལྟར་ལ། དེ་འོག་བར་ནས་ལྷུག་འདོན། མཐར་གསུམ་བརྡུང་མཚམས་ཅན་འཇོག་བཅས་ནས། བརྟན་མ་གདངས་རོལ་དྲག་དམར་ལྷག་གདངས་ལྟར་ལས། གསེར་ཐང་ནས་ལྷུག །མཐར་འཇག་རོལ་གྱིས་ཟིལ་འབེབས་བཞག་རོལ་ཐོག །ཐང་ཟད་ནས། ཧཱུཾ་ཧྲཱིཿ རྟ་ཡི་བརྟུལ་ཞུགས་སོགས་ལྡེམས་དབྱངས་ཀྱིས་དབྱངས་རྟ་ཆེ་བ། དབང་ཆེན་རྟ་སྐད་ནས་དབྱངས་རྟ་ཆུང་བ་བཏང་། དུག་ལྔའི་འདུས་པ་ནས་ལྷུག་མཐར། ཧུ་ལུ་ཧུ་ལུ་ཧཱུཾ་ཕཊ༔ ཅེས་སུམ་བརྡུང་འཇོག་མེད་ཀྱིས། བླ་མ་ཡི་དམ་མཁའ་འགྲོ་ལ༔ ལྷ་རྫས་ཕྱི་མཆོད་སོགས་ཀྱིས་མཆོད་ནས། པཱུ་ཛ་ཧོཿ ཞེས་སུམ་བརྡུང་འཇོག་མེད་ཀྱིས། ཧཱུཾ་ཧྲཱིཿ མ་བཅོས་སྤྲོས་བྲལ་སོགས་ཤློ་ཀས་བསྟོད་མཐར་སུམ་བརྡུང་ཟིལ་འབེབས་ཀྱིས་བཞག་རོལ་ཐོག་རྔ་སྦུག་གནས་སུ་འཇོག །དེ་རྗེས་ཡིག་བརྒྱ་དྲིལ་གསིལ་དང་། བླ་མ་རྡོ་རྗེ་སོགས་ལ་ཕོ་བྲང་དབུས་གདངས། དཀྱིལ་འཁོར་སོགས། ཨེ་མ་ཧོཿ བདག་གིས་སོགས་དང་། ཤེས་བྱའི་དོན་སོགས་ལ་གདངས་གོང་（7ན）བཞིན་དྲིལ་གསིལ་བཅས་བཀྲ་ཤིས་བརྗོད་མཐར་མཆོད་རོལ་ཌཱ་བཅས། དེ་རྗེས་དགོང་ཐུན་ལ་དགེ་བསྐོས་ཀྱིས་རྒྱལ་རྔ་བརྡུང་། ལྷོ་ནུབ་རྔ་ཡབ་མ། རབ་འབྱམས་རྒྱལ་ཀུན༴ སྣང་གྲགས༴ ས་ལ༴ དེ་ལྟར་སོགས་ཀྱིས་གྲོལ་ལོ། །ཉིན་གསུམ་ལྟ་བུ་ཡིན་ན། ཚེས་དགུ་ཉིན་དབྱངས་ལ་ཉིས་ཐེངས་ཡོད་མེད་དང་། ལེའུ་བདུན་མའི་དབྱངས་རེས་མོས། གསོལ་ཀའི་དབྱངས་ཇི་བཏང་སོགས་དབུ་མཛད་ཀྱི་གའུ་ལེར་གསལ་བ་བཞིན་གཏོང་ཁྱད་ཙམ་མ་གཏོགས་གོང་གི་ཚེས་བརྒྱད་ཀྱི་ཆོག་འགྲོས་ཇི་ལྟ་བ་བཞིན་ནོ། །ཚེས་བཅུ་ཐམ་ལ་ནམ་ཞོག་སྔ་བར་བཞེངས་ནས་ཞོག་ཚོགས་རྡོ་རྗེ་སློབ་དཔོན་ཐུགས་དམ་སགས་ཀྱི་མཇུག་བར་སྔར་བཞིན་བཏང་ནས་སྣང་གྲགས་སོགས་ཀྱིས་གྲོལ། ཚོགས་ཆུང་ཞར་ལ་ཚུགས་ཏེ་ལས་རྡོར་གྱིས་ཕྱག་སྔོན་འགྲོས་ཚོགས་ཞུས་ཐོག་ཚོགས་བྱིན་བརླབ་ནས་དཀྱུས་ལྟར་ལ། མཚན་བསྟོད་ཞི་བསྟོད་གཉིས་དང་། ཁྲོ་བསྟོད་གིང་བསྟོད་གཉིས་མ་གཏོགས་ལྷུག་པའི་ཁྱད་ཙམ་ལས་གཞན་སྔར་དཀྱུས་བཞིན་ནར་འདེད། སྡུག་ལྔའི་རྣམ་རྟོག་མཇུག་རོལ་སུམ་བརྡུང་ཟིལ་འབེབས་ནས་བཞག་རོལ་ཐོག་རྔ་སྦུག་གནས་སུ་འཇོག །དཀོན་མཆོག་གསུམ་（7བ）དངོས་སོགས་ནས་ཡོན་སྦྱོང་། མདོ་བསྐུལ་སོགས་སྔར་བཞིན་གྱིས་གྲོལ། ༼ཚ་རྟིང་མར་༽ ལེའུ་བདུན་མ། ཟངས་མདོག་དཔལ་རིའི་དབྱངས་རྟ་སྐབས་གསོལ་སྡེར་བཀྲམ། ཇ༽ དེ་རྗེས་སྤྲོས་བྲལ་བདེ་ཆེན་དབྱངས་རྟ། བསྐང་གསོའི་མཆོད་བརླབས་རྒྱས་པ། དམ་ཅན་སྤྱི་གཏོར། མ་ནིང་། གུང་ཚིག་ལ་ལྷ་མོའི་མཆོད་ཕྲིན། ཇ༽ བསྟོད་པ་གཉིས། རྗེས་འབྲངས་ཡོངས་རྫོགས། གཏེར་གཞི། བཟླས་དམིགས། ཇ༽ བསྐང་རྫས་བྱིན་བརླབ། བསྐང་བ་གཉིས། སྤྱི་བཤགས། ཕྲིན་བཅོལ་བར་བཏང་སྟེ་བཞག་རོལ། ནུབ་ཕྱོགས་བདེ་ཅན། འཛམ་གླིང་དག་པ་སོགས་ཀྱིས་གྲོལ། དེ་ནས་གསོལ་རྒྱབ། དུང་བརྡ་དང་གཉིས་ཕུལ། དུང་བརྡ་གསུམ་པའི་སྐབས་རྔ་གྲྭ་བ་རྣམས་འདུ་ཁང་དུ་ཕེབས་ནས། དང་པོ་རྐང་གླིང་པ་གཉིས་ཞྭ་ཟླ་གམ་ཅན་དང་། རྔ་པ་གཡོན་གཡས་བེར་ཞྭ་བཞེས་ཤིང་། དུང་པ་གཉིས་ཞྭ་ཟླ་གམ་བཅས་སེར་སྦྲེངས་ཀྱིས་འཆམས་རའི་རྔ་གྲལ་དུ་ཕེབས་ཏེ་བཞུགས་ནས། དབུ་མཛད་ཀྱིས་བསྐུལ་བས། ཚིག་བདུན་གསོལ་འདེབས། གདོད་ནས་རྣམ་དག །རྣམ་དག་སྨོན་ལམ། རྒྱལ་བ་ཀུན་འདུས། མཆོད་དཔོན་སྣམ་སྦྱར་བཅས་གྲལ་（8ན）གཤམ་དུ་བགེགས་གཏོར་བཤམས། རང་ཉིད་སྐད་ཅིག་སོགས། རཾ་ཡཾ་ཁཾ་ལ་ཆབ་བྲན། སྟོང་པའི་ངང་སོགས། སྔགས་བསྔོ་ལན་གསུམ་རྗེས་དུང་ཆེན་གྱིས་སྣ་དྲངས་པའི་རོལ་མོ་ཐིང་གསུམ་ཟིལ་འབེབས་བརྒྱ་བརྡུང་མཐར་ཟིལ་འབེབས་ནས་སུམ་བརྡུང་འཇོག་མེད་ཀྱིས། བླ་མ་རྣམས་སོགས་བཀའ་བསྒོ་ལྡེམས་དབྱངས་མཁའ་འགྲོ་ནས་ལྷུག་མཐར་འཇགས་རོལ་རིང་པའི་ཐོག་དུང་རྐང་། མཆོད་དཔོན་གྱིས་སྔོན་གཏོར་ཕྱི་རོལ་དུ་འཕང་། ཆས་འཇུག་ཁང་ནས་སྤོས་ཕོར་གྱིས་སྣ་དྲངས་ཏེ་མཛམས་གཅོད་པ་རིམ་གྱིས་དོན་ནས་ལམ་འགྲོས་སོགས་དང་། ང་ནི་ཡེ་ནས་ཚིག་འཆམས་སྐབས་མཆོད་དཔོན་རོགས་བཅས་ཀྱིས་ཐུན་གང་འགྱེད། ཚིག་འཆམས་རྫོགས་ནས་ཐུན་ཕྱིར་བརྡེག་པ་སོགས་ལྡོག་འདུས་རྐང་དུང་དང་བཅས་རིམ་བཞིན་ཆས་ཁང་དུ་ལྡོག་ཟིན་པ་དང་། དེ་རྗེས་སྤོས་ཕོར་དང་རྒྱ་གླིང་གིས་སྣ་དྲངས་པའི་བྱིན་འབེབས་གར་པ་རྣམས་འཆམས་རར་དོན་ཏེ་བཛྲ་གུ་རུའི་ལམ་འགྲོས་སོགས་ནས་ཚིག་འཆམས་བདེ་ཆེན་འབར་བ་དབྱངས་བཅས་ལྷུ་གཉིས། འཆམས་རྗེས་ལྷུག་འདོན་རྔ་བརྡུང་རང་བཞིན་དུ་བཞུགས་ནས། བྱིན་གྱིས་རློབ་ཕྱིར་གཤེགས་（8བ）སུ་གསོལ༔ ཐང་ ༡ ཐང་ ༢ ཐང་ བྱས་ ཐང་ ༡ ཐང་༢ ཐང་ བྱས་ ཐང་ཟད། གནས་མཆོག་འདི་རུ་དབྱངས་བཅས་ལྷུ་གཉིས་འཆམས་ནས། མཐར་ལྡོག་དུས་རྒྱ་གླིང་གིས་དྲངས་ཏེ་ཆས་ཁང་དུ་བཞུད་དེ་སུམ་བརྡུང་མཚམས་ཅན་འཇོག་མེད་ནས། དེ་སྐབས་ལིང་གདན་ལིངྒ་བསྒྲལ་ཆས་སོགས་འཆམས་རའི་དབུས་སུ་བཀོད། བཛྲ་གུ་རུ་དང་། ཐོད་ཕྲེང་རྩལ་གཉིས་ཀའི་སྔགས་དབྱངས་ལན་གསུམ་རེའི་གསུམ་པར་རོལ་མོ་འཆོལ་རྒྱ་མཐར་ཟིལ་འབེབས་ཐོག་དགེ་བསྐོས་ཀྱིས་སྤོས་སྣ་དྲངས་པའི་གསེར་སྐྱེམས་འདེགས་མི་དང་བཅས་པའི་གསེར་སྐྱེམས་པ་དོན་ནས་ལམ་འགྲོས་རྫོགས་རྗེས། རཾ་ཡཾ་ཁཾ་སོགས་ནས་ཐང་གསུམ་ཟིལ་གྱིས་དབྱངས་རྟ་ཆེ་བའི་རོལ་ཚིག་ཐོག་བྱིན་རླབས་མཆོག་སྩོལ་གྱི་ཚིག་འཆམས་འབེབས་བཅས་མཐར་ཟིལ་འབེབས་བཞག་རོལ། ཕཊ་སྟོང་པའི་སོགས་ནས། དགུག་གཞུག་ལན་གཅིག་མཇུག་གསེར་སྐྱེམས་པ་ཡར་ཕེབས་པ་དེ་གའི་ཟིལ་འབེབས་ཐོག་སྤོས་ཕོར་གྱིས་དྲངས་པའི་ཆས་འཇུག་ཁང་གི་ཕྱི་ཁྱམས་སུ་གཏུམ་རྔམས་འཆམས་དཔོན་གྱིས་འདོན། བཅུ་དྲུག་མ་རྒྱབ་ཟིན་ནས་ཟིལ་འབེབས་ཐོག་རྐང་གླིང་དང་བཅས་རིམ་གྱིས་དོན་ཏེ་ཛམ་སོགས་རིམ་གྱིས་འཆམས་ནས། ཚིག་（9ན）འཆམས་ཆེ་མཆོག་པདྨར་སླེབས་བསྟུན་འཆམས་དཔོན་དོ་རའི་ནང་དུ་ཞུགས། རྒྱན་ཁང་པས་འཆམས་དཔོན་ལ་ལིང་རྩར་གོས་གདན་བཏིང་། དེ་ནས་བཛྲ་མ་ཧཱ་ཀྲོ་ངྷ་འཆམས་རྫོགས་རྗེས་ཟིལ་འོག་མཆོད་དཔོན་གྱིས་ཐུན་རྫས་ཕུར་པ་རྣམས་རིམ་འབུལ་གྱིས་འཆམས་དཔོན་ནས་ཐུན་གྱིས་བྲབ། ཕུར་པས་གནས་སྤར་ཏེ་འཆམས་དཔོན་རིམ་གྱིས་རང་གྲལ་དུ་འཁོད་དེ་མ་མོ་རྣམས་འཆམས་ཟིན་རྗེས་དུང་རྐང་དང་བཅས་རིམ་གྱིས་ལྡོག་ཟིན་པ་ན་བཞག་རོལ་གྱིས་བར་གསེང་ཅུང་ཟད་བཞག །རྒྱན་ཁང་པས་གིང་ཆས་མྱུར་གྱོན་བསྐོར་ཡང་བྱས་ཏེ་གྱོན་ཟིན་མཛམས་དབུ་མཛད་ལ་བརྡ་སྦྱར་བསྟུན། ཐིང་གསུམ་ཟིལ་དུང་ཐོག་སྤོས་ཕོར་གྱིས་སྣ་དྲངས་ཏེ་ཚོགས་ལེན་འཆམས་རར་དོན་ཏེ་འདོན་རྒྱག་ཟིན་བསྟུན་རིམ་རྫར་གྱིས་དོན་ཏེ་འཆམས་ཤིང་། རྐང༽ ཚིག་འཆམས་ཆེ་མཆོག་པདྨ་སླེབས་བསྟུན་འཆམས་དཔོན་དབུས་སུ་ཕྱིན་ཏེ་ལིང་གར་ཐུན་བརྡེག་ཕུར་གདབ་རལ་གྲིས་བསྒྲལ་བ་རྣམས་སོང་རྗེས་རིམ་གྱིས་གྲལ་ལ་འཁོད་ནས་ལྡོག་དུས་དུང་རྐང་བཅས་ཡར་ལྡོག་ཟིན་པའི་ཟིལ་འབེབས་དེ་མ་ཐག་པར་ཚོགས་ལེན་འཆམས་དཔོན་སོགས་ཐམས་ཅད་རིམ་དོན་གྱིས་དོ་རའི་བསྐོར་བ་གཅིག་ལ་རོལ་པ་རྒྱག་（9བ）བཞིན་པར་དོན་དུས་ས་གིང་གནམ་གིང་སོགས་ཕྱོགས་སོ་སོ་ནས་གིང་པ་རྣམས་དོན་དེ་འཛིང་པ་ལྟར་བྱེད་དུས་ཟུར་ནས་རྒྱལ་རྔ་གཉིས་གསུམ་ཙམ་བརྡུང་ཞིང་། རུང་ཁང་ནས་དུང་དཀར་འབུད། གློ་དཀར་ནས་རག་དུང་། གྲལ་མཐའི་དུང་ཆེན་གྱིས་རྩེར་དུང་འབུད་པ་སོགས་བྱས་ཏེ་ཚོགས་ལེན་པ་ཡར་ལྡོག །གིང་པ་རྣམས་ཀྱིས་གནམ་གིང་བསུས་ཏེ་འབྱོར་བསྟུན་ཕྱོགས་གཉིས་སུ་ཕོ་གིང་བརྒྱད་པོ་རྔ་གྲྭའི་འོག་དང་། མོ་གིང་བརྒྱད་པོ་དེ་དང་ཁ་སྤྲོད་ཀྱིས་ཕྱོགས་སུ་བསྟུན་རོལ་ཟིལ་ནས་བཞག་རོལ་ཐོག་ཇ་བཞེས་ཆབ་བཀྱེས་ནས་གིང་པ་ཕོ་མོ་ཕྱོགས་སོ་སོ་ནས་རེ་རེ་དོན་ཏེ་ལམ་འགྲོས་འཆམས། ཞྭ་ཕུད༽ དེ་སྐབས་རྔ་གྲྭ་རྣམས་ཆབ་བསིལ་ལ་ཕེབས། གིང་འཆམས་སེང་གེ་སྦོ་ལྷུག་ལ་སླེབས་སྐབས་རྔ་གྲྭ་པ་རྣམས་རང་གྲལ་དུ་ཕེབས་ནས་འཁོད་དེ་གིང་བསྟོད་ལ་སླེབས་མཚམས་དབུ་ཞྭ་བཞེས་ཏེ་རྔ་རོལ་བླངས་ལ་ཐིང་ནས་གཅིག་སོགས་བར་དུ་ཐང་ཅན་ལྔ་བར་སོང་ནས། ཧྲཱིཿ ཡེ། སྣང་བ་མ་འགག་སོགས་ཚིག་གཉིས་རེའི་མཚམས་སུ་གིང་ཕོ་མོ་བརྗེ་བ་སོགས་ཀྱིས་བསྟོད་པ་ཡོངས་རྫོགས་གྲུབ་ནས། བསྟོད་ཅེས་ཐང་ནས། སྦྲམ་གྱིས་བཞག་རྔ་སྦུག་གནས་སུ་འཇོག་ཅིང་དབུ་ཞྭ་བསིལ། གིང་པ་ལྡོག་ཟིན་ནས་དགེ་བསྐོས་（10ན）ཀྱིས་སེར་སྦྲེངས་པ་རྣམས་དང་། རྒྱན་ཁང་པས་མཚན་བརྒྱད་སོགས་ཆས་ཞུགས་རྣམས་བསྒྲིགས་ཚར་བསྟུན་ཐོག་མར་གར་པ་བཀའ་དྲིན་ཅན་མ་རྣམས་དོན། དེ་ནས་རོལ་ཐིང་ནས་སེར་སྦྲེངས་སོགས་རིམ་རྫར་གྱིས་དོན་ཏེ་ཟིལ་ཕབ་དུས་བཀའ་དྲིན་ཅན་མ་རྣམས་མཚན་བརྒྱད་རྒྱབ་ཀྱི་གྲལ་དུ་ཞུགས། གུ་རུ་རིན་པོ་ཆེ་མཚན་བརྒྱད་མནྡ་ར་བ་མཚོ་རྒྱལ་སོགས་དང་སེར་སྦྲེངས་པ་ཆས་ཞུགས་དང་བཅས་པ་རྣམས་སོ་སོའི་གྲལ་དུ་འཁོད་ཟིན་པ་དང་། ཟིལ་འོག་བཀའ་དྲིན་ཅན་མ་རྣམས་མཚན་བརྒྱད་མདུན་དུ་ཕེབས་ནས། ཀྱེ་འདིར་འཚོགས་ཀྱི་སོགས་བསྟོད་གར་གྲུབ་པ་དང་སླར་རང་གྲལ་དུ་ཕེབས་མཚམས། ཐང་གསུམ་ཟིལ་འབེབས་ཐོག་མཁའ་འགྲོ་སྡེ་ལྔ་ཆས་ཁང་ནས་དོན་ཏེ་མཚན་བརྒྱད་མདུན་དུ་འཁོད་པའི་བསྟོད་དབྱངས་འཆམས་གར་བ ཅས་གྲུབ་ནས། ཐང་གསུམ་ཟིལ་འབེབས་ཐོག་ཚངས་པ་དང་བརྒྱ་བྱིན་གཉིས་དོན་ཏེ་མདུན་གྲལ་དུ་འཁོད་ཟིན་བསྟུན། མ་བཅོས་སྤྲོས་བྲལ་མའི་བསྟོད་དབྱངས་རོལ་མོའི་ཁྱད་པར་བཅས། དེ་རྗེས་མཚན་བརྒྱད་སོ་སོས་བསྟོད་གར་རྣམས་རིམ་བཞིན་གནང་གྲུབ་པ་དང་། སླར་ཡང་སེར་སྦྲེང་དང་བཅས་མཚན་བརྒྱད་སོགས་རིམ་（10བ）པར་ཆས་ཁང་དུ་ཡར་ལྡོག་རྗེས་བཀའ་དྲིན་ཅན་མའི་གར་པ་རྣམས་ཀྱིས་སྨོན་ལམ་དང་བཅས་ཡར་ལྡོག་པས་ལེགས་པར་གྲུབ་བོ། །ཞེས་པའང་སྔོན་གྱི་ཟིན་བྲིས་རྙིང་པ་ཞིག་ལས་ཞལ་བཤུ་བ་པོ་འཇིགས་བྲལ་ཡེ་ཤེས་རྡོ་རྗེས་སོ།། །།