TTDL-ZABTER-15-BA-024

Previous Text Back to Volume Page Next Text

Wylie title
Location	bdud 'joms gling pa zab gter Volume 15, Text 24, Pages (Folios to )
Author	བདུད་འཇོམས་གླིང་པ་
Citation	Khrag 'thung Bdud 'joms gling pa. '*. In Sprul pa'i gter chen bdud 'joms gling pa'i zab gter gsang ba'i chos sde, Vol. 15: . Thimphu, Bhutan: Lama Kuenzang Wangdue, 2004.*
Side notes	Verso: bdud 'joms
More details More details
Tertön	བདུད་འཇོམས་གླིང་པ་ (bdud 'joms gling pa)
Genre
Cycle	དག་སྣང་ཡེ་ཤེས་དྲྭ་བ་ (dag snang ye shes drwa ba)

[edit]

བདག་བདུན་རྡོ་རྗེ་གཞོན་ནུར་གསལ་བ་ཡི༔ སྐུ་ལས་འོད་དང་འོད་ཟེར་རབ་འཕྲོས་པས༔ ཕྱོགས་བཅུའི་རྒྱལ་བ་སྲས་དང་བཅས་རྣམས་ཀྱི༔ ཞིང་ཁམས་གཞལ་ཡས་ལྷ་རྣམས་ཐམས་ཅད་དང་༔ སྣང་སྲིད་བཅུད་དང་དཔལ་ཡོན་མ་ལུས་པ༔ འོད་ལྔའི་རྣམ་པར་ཚུར་བསྡུས་བདག་མདུན་ལ༔ ཆུ་ལ་ཆུ་བཞག་ཅི་བཞིན་ཡང་ཡང་བསྟིམས༔ ཨོཾ་བཛྲ་ཀཱི་ལི་སོགས༔ ལས་སྦྱོར་ལ༔ ཧཱུྃ༔ དཔལ་ཆེན་རྡོ་རྗེ་གཞོན་ནུའི་ལྷ་ཚོགས་ཀྱི༔ སྐུ་གསུང་ཐུགས་ལས་སྤྲུལ་པའི་ཁྲོ་ཚོགས་དང་༔ བྱ་ཁྱུང་ལྕགས་སྡིག་ཕག་ནག་མགོ་དགུ་པ༔ སྐར་ལྟར་འཁྲིགས་ཤིང་སྣང་སྲིད་བར་མེད་ཁེངས༔ ཐུན་དང་མཚོན་ཆ་སེར་རླུང་བཞིན་དུ་འཚུབས༔ གཟུགས་ཅན་གཟུགས་མེད་དགྲ་བགེགས་གནོད་བྱེད་ཀུན༔ ཚལ་པར་གཏུབ་ཤིང་སྤྲུལ་པའི་ཁྲ་ཐབས་ཀྱིས༔ ཤ་ཁྲག་སྲོག་དབུགས་ཧབ་ཧབ་མྱོག་མྱོག་གསོལ༔ རྗེས་ལྷག་རྡོ་རྗེའི་མེས་བསྲེགས་ཆུ་ཡིས་གཞོམ༔ ལྷག་མ་སྤུ་གྲིའི་རླུང་གིས་གཏོར་བྱས་ཏེ༔ སྣང་སྲིད་ཁམས་ཀྱི་དྲེགས་ཅན་ལྷ་སྲིན་དང་༔ གཞི་བདག་མི་མིན་དྲེགས་ཅན་མ་ལུས་པ༔ དབང་སྡུད་སྲོག་སྙིང་ཕུལ་ནས་བྲན་ཁོལ་བསམ༔ ཞི་རྒྱས་དབང་དྲག་མངོན་སྤྱོད་ལ་སོགས་པའི༔ ཕྲིན་ལས་རབ་འབྱམས་ཐོགས་མེད་བསྒྲུབ་པར་བསམ༔ ཨོཾ་བཛྲ་ཀཱི་ལི༴ཅེས་པ་འདི་སློབ་བུ་ཀུན་བཟང་གིས་བསྐུལ་ངོར་བདུད་འཇོམས་རྡོ་རྗེས་ཆོས་ཉིད་ནམ་མཁའི་མཛོད་ལས་བསྒྱུར་བ་ཐོག་མཐའ་བར་གསུམ་དུ་དགེ་བར་གྱུར་ཅིག།སརྦ་མངྒ་ལཾ།།།