DJYD-KABUM-18-TSHA-029

Previous Text Back to Volume Page Next Text

Wylie title
Location	bdud 'joms rin po che bka' 'bum Volume 18, Text 29, Pages (Folios to )
Author	བདུད་འཇོམས་འཇིགས་བྲལ་ཡེ་ཤེས་རྡོ་རྗེ་
Citation	Dudjom Rinpoche 'Jigs bral ye shes rdo rje. Bdud 'joms 'jigs bral ye shes rdo rje'i gsung 'bum dam chos rin chen nor bu'i bang mdzod. Kalimpong: Dupjung Lama, 1979-1985.
Side notes
More details More details
Genre

[edit]

（1ན）（སྤྲོས་མེད་རོ་སྲེག་གི་ཆོ་ག་བཞུགས། ཏིལ་གཙོ་བོར་གྱུར་པའི་བསྲེག་རྫས་གང་འབྱོར་འདུ་བྱས་ལ།）རཾ་ཡཾ་ཁཾ་（གིས་བསང་སྦྱངས།）ཨོཾ་ཨཱཿཧཱུཾ་（མང་དུ་བཟླས་པས་བྱིན་གྱིས་བརླབས།） ཨགྣེ་ཛྭ་ལ་རཾ་（གྱིས་མེ་སྤར། ཐབ་བསང་སྦྱངས།）སྟོང་པའི་ངང་ལས་སྐད་ཅིག་གིས། །ཡེ་ཤེས་མེ་ཕུང་ཆེར་འབར་དབུས། །རིགས་འདུས་བཅོམ་ལྡན་རྡོ་རྗེ་སེམས། །དཀར་གསལ་ཞི་འཛུམ་སྒེག་པའི་ཉམས། །ཕྱག་གཉིས་རྡོ་རྗེ་དྲིལ་བུ་འཛིན། །དར་དང་རིན་པོ་ཆེ་ཡིས་བརྒྱན། །སྐྱིལ་ཀྲུང་པདྨ་ཉི་ཟླར་བཞུགས། །དམིགས་ཡུལ་རྣམ་སྨིན་སྒྱུ་མའི་ལུས། །ཟག་མེད་འདོད་ཡོན་བདུད་རྩིར་གྱུར། །ཞལ་དུ་ཕུལ་བས་ལྷག་མེད་བཞེས། །དགྱེས་ཚིམ་འོད་ཟེར་འབར་བ་ཡིས། །ཚེ་འདས་སྒྲིབ་པ་ཀུན་སྦྱང་གྱུར། །ཨོཾ་བཛྲ་སཏྭ་ཨཱཿ སརྦ་པཱ་བཾ་ད་ཧ་ན་ཤཱིནྟཾ་ཀུ་རུ་ཡེ་སྭཱཧཱ། （ཞེས་བརྒྱ་རྩ་སོགས་ཀྱིས་འབུལ་ཞིང་། སྐབས་སུ།）ཚེ་ལས་འདས་པའི་ཚེ་རབས་འཁོར་བ་ཐོག་མེད་ནས་བསགས་པའི་ལས་ངན་སྡིག་སྒྲིབ་བག་ཆགས་ཐམས་ཅད་ཤཱིནྟཾ་ཀུ་རུ་ཡེ་སྭཱཧཱ། （ཞེས་སྦྱར། མཐར་གྲངས་རྫོགས་པ་ན།） མེ་ལྷ་མི་དམིགས་ཆོས་དབྱིངས་ཀློང་། །བསམ་བརྗོད་བྲལ་བའི་ངང་དུ་ཨ། །བསོད་ནམས་ཚོགས་གཉིས་རབ་རྫོགས་ཤིང་། །དོན་གཉིས་ལྷུན་（1བ）གྲུབ་དཔལ་ཐོབ་ཤོག །（ཅེས་པའང་མཐའ་འཁོབ་ཀྱི་གྲོང་གསེབ་ཁ་ཅིག་ཏུ་ཕུང་པོ་བསྲེག་སྦྱོང་གི་ཚེ་ཆོ་ག་སོགས་ཀྱི་ཐ་སྙད་ཙམ་མེད་པར་མགལ་དུམ་བསྲེག་པ་བཞིན་བྱེད་པར་མཐོང་ནས་དེ་དག་ལ་ཕན་པའི་ཕྱིར་འཇིགས་བྲལ་ཡེ་ཤེས་རྡོ་རྗེས་སོ།། །།）