TTDL-ZABTER-03-GA-036

ཟབ་གསང་མཁའ་འགྲོའི་སྙིང་ཐིག་ལས༔ རྡོ་རྗེ་སེམས་དཔའི་སྒྲུབ་སྐོར་གྱི༔ བསྐུལ་བ་ཐུགས་རྗེའི་འོད་ཟེར་བཞུགས་སོ༔ ན་མོ་གུ་རུ་པདྨ་ཀ་ར་ཡེ༔ ༠༠༠༠བརྡ་ཡིག༣༥༥ཐུགས་རྗེས་དབྱིངས་ནས་བསྐུལ་བ་ལ༔ ཧཱུྃ༔ བརྡལ་ཁྱབ་ནམ་མཁའི་ཀློང་ཡངས་ནས༔ རྣམ་པར་སྣང་མཛད་སྐུར་བཞེངས་ཤིག༔ གཞོམ་བྲལ་རྡོ་རྗེའི་གཞལ་ཡས་ནས༔ མི་བསྐྱོད་རྡོ་རྗེ་སྐུར་བཞེངས་ཤིག༔ ལྷུན་འཐུག་ཡོན་ཏན་གཞལ་ཡས་ནས༔ རིན་ཆེན་འབྱུང་ལྡན་སྐུར་བཞེངས་ཤིག༔ ཆགས་བྲལ་བདེ་ཆེན་གཞལ་ཡས་ནས༔ སྣང་བ་མཐའ་ཡས་སྐུར་བཞེངས་ཤིག༔ ཕྲིན་ལས་ལྷུན་གྲུབ་གཞལ་ཡས་ནས༔ དོན་ཡོད་གྲུབ་པ་སྐུར་བཞེངས་ཤིག༔ འབྱུང་ཁམས་དབྱིངས་སུ་དག་པའི་དབྱིངས༔ དབྱིངས་ཀྱི་ཡུམ་ལྔ་སྐུར་བཞེངས་ཤིག༔ ཚད་མེད་རྣམ་བཞིའི་གཞལ་ཡས་ནས༔ ཡེ་ཤེས་སྒོ་མ་སྐུར་བཞེངས་ཤིག༔ བསྐུལ་ལོ་ཐུགས་དམ་གནད་ནས་བསྐུལ༔ མཛོད་ཅིག་ཕྲིན་ལས་རབ་འབྱམས་སྒྲུབས༔ གཟུང་དང་འཛིན་པས་བསྡུས་པ་ཡི༔ ལོག་པར་འདྲེན་པའི་དགྲ་བགེགས་རྣམས༔ མིང་ཙམ་མེད་པར་རྡུལ་དུ་རློག༔ ཁྱད་པར་བསྟན་དང་བསྟན་འཛིན་ལ༔ སྡང་བའི་དགྲ་དང་གནོད་པའི་བགེགས༔ ལྷ་ཡང་རུང་སྟེ་བསྣུབ་པར་མཛོད༔ བདག་ཅག་སྒྲུབ་མཆོག་འཁོར་བཅས་ལ༔ མཆོག་གི་དངོས་གྲུབ་མྱུར་དུ་སྩོལ༔ དུས་ལ་བབ་བོ་ས་མ་ཡ༔ ས་མ་ཡ༔ རྒྱ་རྒྱ་རྒྱ༔ བརྡ་ཐིམ༔ ཞེས་པ་འདི་ཡང་ཁྲག་འཐུང་བདུད་འཇོམས་རྡོ་རྗེས་གཏེར་ནས་བཏོན་ཏེ་མཐར་པདྨ་རྣམ་རྒྱལ་གྱིས་བསྐུལ་ངོར་གཏན་ལ་ཕབ་པའི་ཡི་གེ་པ་ནི་ཕུན་ཚོགས་བཀྲ་ཤིས་སོ།།དགེའོ།།སརྦ་མངྒ་ལཾ།།།།