TTDL-ZABTER-15-BA-074

{{Text |classification=Tibetan Publications |subclass=Tibetan Texts |collectiontitle=bdud 'joms gling pa zab gter |collectiontitletib=བདུད་འཇོམས་གླིང་པ་ཟབ་གཏེར། |totalvolumes=21 |author=bdud 'joms gling pa |authortib=བདུད་འཇོམས་གླིང་པ་ |citation=Khrag 'thung [[Bdud 'joms gling pa]. Sprul pa'i gter chen bdud 'joms gling pa'i zab gter gsang ba'i chos sde, Vol. : . Thimphu, Bhutan: Lama Kuenzang Wangdue, 2004. |language=Tibetan |pagestatus=Temporary stub only |volumenumber=15 |volumeLetter=BA |textnuminvol=074 |pdflink=File:TTDL-ZABTER-15-BA-074.pdf |InitCategories=Dudjom Tersar Project; TTDL-ZABTER-Volume-15-BA }}

[edit]

དག་སྣང་ཡེ་ཤེས་དྲྭ་བ་ལས༔ གནོད་སྦྱིན་ཤན་པ་བྲན་འགུག་བསྐང་གསོལ་ཡེ་ཤེས་ལྕགས་ཀྱུ་བཞུགས་སོ༔ ན་མོ་གུ་རུ་པདྨ་ཀ་ར་ཡེ༔ གནོད་སྦྱིན་བྲན་འགུག་བདེན་ཚིགས་དང་༔ བསྐང་བ་ཡེ་ཤེས་ལྕགས་ཀྱུ་ལ༔ འབྱོར་ཚོགས་བཤམས་ཤིང་མཆོད་རྫས་ལ༔ གསང་སྔགས་ཏིང་འཛིན་སྟོབས་ཀྱིས་སྤེལ༔ མདུན་དུ་གནོད་སྦྱིན་དངོས་སུ་གསལ༔ འདི་ནི་ཤིན་ཏུ་མི་སྲུན་པས༔ བདེན་ཚིག་སྟོབས་ཀྱིས་བཀུག་ཅིང་བཀོལ༔ ཧཱུྃ༔ དཀོན་མཆོག་གསུམ་གྱི་བདེན་མཐུ་དང་༔ གསང་སྔགས་ཟབ་མོའི་རྟེན་འབྲེལ་གྱིས༔ གནོད་སྦྱིན་ཤན་པ་འཁོར་དང་བཅས༔ བདག་གི་མདུན་སར་མཆིས་གྱུར་ཅིག༔ ཛཿདད་པ་དང་ནི་དམ་ཚིག་གིས༔ ཚུར་གཤེགས་བཀའ་ཡི་སྲུང་མ་ཆེ༔ གནོད་སྦྱིན་འཁོར་བཅས་སྤྱན་འདྲེན་གཤེགས༔ བདག་གི་སྲུང་མར་མངའ་གསོལ་ལོ༔ དངོས་འབྱོར་ཡིད་སྤྲུལ་མཆོད་རྫས་ཀྱིས༔ གནོད་སྦྱིན་དམར་ནག་ཐུགས་དམ་བསྐང་༔ གཟའ་བདུད་ནག་པོའི་ཐུགས་དམ་བསྐང་༔ གསོད་བྱེད་དམར་མོའི་ཐུགས་དམ་བསྐང་༔ འཁོར་དང་བཅས་པའི་ཐུགས་དམ་བསྐང་༔ ཐུགས་དང་འགལ་བའི་ཉེས་ཀུན་བཤགས༔ བྱམས་བརྩེས་བདག་སྐྱོངས་ཕྲིན་ལས་སྒྲུབ༔ ཕྱི་ནང་གསང་བའི་བར་ཆད་བཟློག༔ གནོད་བྱེད་དགྲ་བགེགས་མ་ལུས་པ༔ མིང་ཙམ་མེད་པར་རྡུལ་དུ་རློག༔ མ་གཡེལ་མ་འགྱངས་ས་མ་ཡ༔ དེ་ལྟར་རྟག་དུ་གྲངས་མང་བརྗོད༔ བསྐྱེད་དང་གསལ་བའི་གནད་ལྡན་ནབཀའ་སྲུང་གཉན་པོ་བྲན་བཞིན་འཁོར༔ ཕྲིན་ལས་རབ་འབྱམས་ཡོངས་འགྲུབ་བྱེད༔ ས་མ་ཡ༔ རྒྱ་རྒྱ་རྒྱ༔ ཞེས་པ་འདི་ནི་རང་གི་ཉེར་མཁོའི་ཆེད་དུ་བདུད་འཇོམས་རྡོ་རྗེས་དག་སྣང་ཡེ་ཤེས་དྲྭ་བ་ལས་བསྒྱུར་བའོ།།དགེའོ།།།།