TTDL-ZABTER-02-KHA-042

Previous Text Back to Volume Page Next Text

Wylie title
Location	bdud 'joms gling pa zab gter Volume 2, Text 42, Pages (Folios to )
Author	བདུད་འཇོམས་གླིང་པ་
Citation	Khrag 'thung Bdud 'joms gling pa. '*. In Sprul pa'i gter chen bdud 'joms gling pa'i zab gter gsang ba'i chos sde, Vol. 2: . Thimphu, Bhutan: Lama Kuenzang Wangdue, 2004.*
Side notes	Verso: bdud 'joms tshe sgrub
More details More details
Tertön	བདུད་འཇོམས་གླིང་པ་ (bdud 'joms gling pa)
Genre
Cycle	ཚེ་སྒྲུབ་དངོས་གྲུབ་འདོད་འབྱུང་ (tshe sgrub dngos grub 'dod 'byung)
Parent Cycle	ཟབ་གསང་མཁའ་འགྲོའི་སྙིང་ཐིག་ (zab gsang mkha' 'gro'i snying thig)
Deity	tshe dpag med

[edit]

༠༠༠བརྡ་ཡིག༤༣༡ཡང་གསང་ཚེ་སྒྲུབ་དངོས་གྲུབ་འདོད་འབྱུང་ལས༔ ཨོ་རྒྱན་རིན་པོ་ཆེའི་གསོལ་འདེབས་དངོས་གྲུབ་འདོད་འབྱུང་ཞེས་བྱ་བ་བཞུགས་སོ༔ ན་མོ་གུ་རུ་པདྨ་ཀ་ར་ཡེ༔ དངོས་གྲུབ་འདོད་འབྱུང་ཡིད་བཞིན་ནོར་བུ་ནི༔ ༠༠༠བརྡ་ཡིག༤༣༡ཨེ་མ་ཧོ༔ གདོད་ནས་མ་བཅོས་སྐྱེ་མེད་ཀུན་ཏུ་བཟང་༔ རྩལ་སྣང་མ་འགགས་ནམ་མཁའི་རྒྱལ་པོའི་སྐུ༔ གང་འདུལ་སྒྱུ་འཕྲུལ་སྤྲུལ་སྐུ་པདྨ་འབྱུང་༔ གྲངས་མེད་དཔག་ཡས་མཛད་པ་སྟོན་མཛད་པ༔ སྐུ་བཞིའི་བདག་ཉིད་ཨོ་རྒྱན་རིན་པོ་ཆེ༔ གསོལ་བ་འདེབས་སོ་དབང་བཞིའི་ཆུ་རྒྱུན་སྩོལ༔ ཉེར་འཚེ་བར་ཆད་མ་ལུས་སེལ་བར་མཛོད༔ བསམ་པ་ལྷུན་གྱིས་འགྲུབ་པར་བྱིན་གྱིས་རློབས༔ ས་མ་ཡ༔ ༠༠༠༠བརྡ་ཡིག༤༣༡ཡིད་ཁྱེད་ཤེས་ཀྱི་གདུང་བའི་ང་རོས་གསོལ་འདེབས་འདི་ལན་གསུམ་བརྗོད་ཅིང་ངོ་བོ་སྐྱེ་བ་མེད་པའི་གདངས་མ་བཅོས་ཁྱབ་བརྡལ་ཆེན་པོའི་ངང་ལ་གཏད་མེད་ཡེངས་མེད་རྒྱ་འབྱམས་ཆེན་པོར་ཤིག་གེར་ཡང་ཡང་བཞག་ཅིང་ཅེར་གྱིས་བལྟའོ༔ དེ་ཡང་བལྟ་བྱ་དང་ལྟ་བྱེད་མེད་པ་ཀ་དག་ལྷུན་གྲུབ་ཀྱི་རང་གཞིར་ལྷུག་གོ༔ དེ་ལྟར་ཉི་མ་རེ་བཞིན་བསྒོམ་པའི་ཡོན་ཏན་ནི་ཉམས་རྐྱེན་ཆོམ་པོ་བདུད་ཀྱི་གེགས་ལས་གྲོལ་ཏེ་ཚེ་འདིར་ཕྱག་རྒྱ་ཆེན་པོ་མཆོག་གི་དངོས་གྲུབ་ཐོབ་པར་འགྱུར་རོ༔ ས་མ་ཡ༔ རྒྱ་རྒྱ་རྒྱ༔ ཡང་གསང་ཚེ་སྒྲུབ་དངོས་སྒྲུབ་འདོད་འབྱུང་ལས་ཁོལ་དུ་ཕྱུངས་བའི་གསོལ་འདེབས་འདི་ཉིད་བཙུན་པ་བློ་གསལ་མིང་གིས་བསྐུལ་ངོར་རང་བཞིན་རྫོགས་པ་ཆེན་པོ་ཀློང་ཡངས་ནམ་མཁའི་རྣལ་འབྱོར་པ་རིག་འཛིན་བདུད་འཇོམས་གླིང་པས་ཡེ་ཤེས་མཁའ་འགྲོའི་བརྡ་རིས་ལས་དག་པར་ཕབ་པའོ།།ཡི་གེ་པ་ནི་མངྒའི་མིང་ཅན་གྱིས་སོ།།དགེའོ།།སརྦ་མངྒ་ལཾ།།།།