འཇིགས་གླིང་ཕུར་པ་རྒྱུད་ལུགས་སྐོར་གྱི་ཐོབ་ཡིག།

Previous Text Back to Volume Page Next Text

Wylie title	'jigs gling phur pa rgyud lugs skor gyi thob yig
Location	bdud 'joms rin po che bka' 'bum Volume 20, Text 21, Pages 385-388 (Folios 193a1 to 194b3)
Author	བདུད་འཇོམས་འཇིགས་བྲལ་ཡེ་ཤེས་རྡོ་རྗེ་
Citation	Dudjom Rinpoche 'Jigs bral ye shes rdo rje. 'jigs gling phur pa rgyud lugs skor gyi thob yig. In Bdud 'joms 'jigs bral ye shes rdo rje'i gsung 'bum dam chos rin chen nor bu'i bang mdzod, Vol. 20: 385-388. Kalimpong: Dupjung Lama, 1979-1985.
Side notes	Recto: thob yig Verso: 'jigs gling rgyud phur skor
More details More details
Genre	Records of Teachings Received - thob yig - gsan yig
Cycle	ཟབ་པ་དང་རྒྱ་ཆེའི་དམ་པའི་ཆོས་ཀྱི་ཐོབ་ཡིག་རིན་ཆེན་སྒྲོན་མེ། (zab pa dang rgya che'i dam pa'i chos kyi thob yig rin chen sgron me)

[edit]

༄༅། ། [193a] ཨོཾ་སྭསྟི། ཀུན་མཁྱེན་ཆེན་པོ་རིག་འཛིན་འཇིགས་མེད་གླིང་པས་བཀའི་བསྡུ་བ་གསར་དུ་མཛད་པའི་རྡོ་རྗེ་ཕུར་པ་རྒྱུད་ལུགས་ཀྱི་སྐོར་ལ། དབང་ལུང་གཉིས་ལས། དང་པོ་ནི། དབང་ཆོག་དངོས་གྲུབ་རྒྱ་མཚོའི་སྟེང་ནས་སྟ་གོན་དང་། འཇུག་པ་སྔོན་དུ་འགྲོ་བས་སྟོད་ལས་བྱང་ཆུབ་སྒྲུབ་པའི་དབང་བཞི་དང་། སྨད་ལས་མངོན་སྤྱོད་གཙོ་བོར་གྱུར་པའི་རྗེས་གནང་། མཐའ་རྟེན་དུ་ཚེ་སྒྲུབ་ཉི་ཟླའི་ཟ་མ་ཏོག་ནས་བྱུང་བ་ལྟར་བཀྲ་ཤིས་ཚེའི་དབང་བསྐུར་བ་བཅས་ལེགས་པར་ནོས། གཉིས་པ་ལ། ཀ་ ཆོས་འབྱུང་ངོ་མཚར་སྣང་བྱེད། ཁ་ སྟོད་ལས་བྱང་ཆུབ་སྒྲུབ་པའི་སྤྱི་ཆིངས་དྲྭ་མ་སྡོམ་པ། ག་ དབང་ཆོག་དངོས་གྲུབ་རྒྱ་མཚོ། ང་། བདག་འཇུག་བྱིན་རླབས་རོལ་མཚོ། ཅ་ བརྒྱུད་པའི་གསོལ་འདེབས་བྱིན་རླབས་ཤིང་རྟ། ཆ་ བཀའ་མའི་ཡན་ལག་བརྒྱད་འགྲེལ་རྒྱུད་དོན་གསལ་བ། ཇ་ སྒྲུབ་ཐབས་རྡོ་རྗེ་ཁྲོས་པའི་བཅུད་དུམ་དཔག་བསམ་ལྗོན་པ། ཉ་ བདུད་རྩི་གསང་ནན་གྱི་འགྲེལ་པ། ཏ་ བསྙེན་པའི་ལས་བྱང་བཀོལ་བའི་དུམ་བུ། ཐ་ ཛཔྲ་བསྐུལ། ད་ ཉུལ་ལེ་ [193b] སྐྲོད་པའི་ཕོ་ཉའི་སྒོས་བསྐུལ། ན་ མངོན་རྟོགས་བསྡུས་པ་རྡོ་རྗེ་བཀོད་པའི་རྒྱན། པ་ བསྐྱེད་རིམ་གྱི་དོགས་སེལ་དཀའ་གནད་མདུད་འགྲོལ། ཕ་ བསྙེན་སྒྲུབ་ཐམས་ཅད་ཀྱི་མཛོད་ཁང་རིག་འཛིན་གཞུང་ལམ། པ་ ཚེ་སྒྲུབ་ཉི་ཟླའི་ཟླ་མ་ཏོག མ་ སྤྲོས་མེད་རྒྱུན་ཁྱེར་རྣལ་འབྱོར། ཙ་ བྱུག་བདུག་བྲབ་གསུམ་གྱི་སྒྲུབ་ཚུལ། ཚ་ སྨད་ལས་སྤུ་གྲི་རླུང་འཁོར་ཞེས་བྱ་བ་ངན་སྔགས་ཉེ་བར་བསྙེན་པ་མན་ངག་ལྟར་བཀྲལ་བ་ཆིག་བརྒྱུད་མ། ཛ་ ཕུར་སྲུང་ལྕམ་དྲལ་གྱི་གནད་ཡིག་དམ་ཅན་བླ་ཆགས། ཝ་ དམ་ཅན་ཉེ་བར་བསྙེན་པའི་ཕྲིན་ལས་སྨད་ལས་སྲོག་ཤིང་། ཞ་ དེའི་ལེ་ལག་ལྷ་དབྱེའི་བསྐུལ། ཟ་ སྨད་ལས་དམ་ཅན་ཉེ་བར་བསྙེན་པའི་མན་ངག་མ་མོའི་མཁའ་འགྲོའི་ཞལ་ཞུང་ཞེས་བྱ་བ་གསང་བའི་རྒྱ་ཅན། འ་ དམ་ཅན་ལྕམ་དྲལ་གྱི་མཆོད་བསྐུལ། ཡ་ ཞི་བའི་སྦྱིན་སྲེག་བདུད་རྩིའི་ཐིག་ལེ། ར་ དྲག་པོའི་སྦྱིན་སྲེག་རྟ་གདོང་རྔམས་ཞུགས། ལ་ ཟོར་ལས་གནམ་ལྕགས་འབར་བ། ཤ་ སྲི་གནོན་རྒྱ་གྲམ་ནག་པོ། ས་ ཕན་གནོད་ལས་ཚོགས་རྡོ་རྗེ་ཕ་ལམ་བཅས་ལེགས་པར་ཐོབ་པའི་བརྒྱུད་པ་ནི། [194a] བྱང་ཆུབ་རྡོ་རྗེ། རིགས་ལྔ་ལྕམ་དྲལ། མཁའ་འགྲོ་མ་བདེ་བའི་འཁོར་ལོ། རིག་འཛིན་རྡོ་རྗེ་ཆོས། སློབ་དཔོན་པྲ་བྷ་ཧསྟི། སངས་རྒྱས་གཉིས་པ་པདྨ་འབྱུང་གནས། རླངས་ཆེན་དཔལ་གྱི་སེང་གེ །བརྒྱུད་གསུམ་རིག་འཛིན་ཀུན་འདུས་འཇིགས་མེད་གླིང་པ། འཇིགས་མེད་ཕྲིན་ལས་འོད་ཟེར། ཉེ་གནས་ཕུར་པ་གྲུབ་པ་འཇིགས་མེད་ཆོས་གྲགས། ཀུན་མཁྱེན་གཞན་ཕན་མཐའ་ཡས། མཁན་ཆེན་རྡོ་རྗེ་འཛིན་པ་པདྨ་བཛྲ། ཀུན་མཁྱེན་བླ་མ་རྡོ་རྗེ་གཟི་བརྗིད་རྩལ། རྒྱལ་སྲས་ཀུན་བཟང་འཇིགས་མེད་ཚེ་དབང་ནོར་བུ། རྡོ་རྗེ་འཛིན་པ་ཨོ་རྒྱན་རྣམ་གྲོལ་རྒྱ་མཚོ། དེས་སོ། །ཡང་ན། འཇིགས་མེད་གླིང་པ་ནས། རྡོ་གྲུབ་ཆེན་ཀུན་བཟང་གཞན་ཕན། རྫོགས་ཆེན་མཆོག་སྤྲུལ་བཞི་པ་མི་འགྱུར་ནམ་མཁའི་རྡོ་རྗེ། རྒྱ་རོང་ནམ་སྤྲུལ་ཀུན་བཟང་ཐེག་མཆོག་རྡོ་རྗེ། རྒྱལ་སྲས་ཚེ་དབང་ནོར་བུ་མན་གོང་བཞིན། ཡང་དབང་ལུང་བརྒྱུད་ལུགས་གཅིག་ནི། རྒྱལ་སྲས་གཞན་ཕན་མཐའ་ཡས། གླིང་སྤྲུལ་ཐུབ་བསྟན་རྒྱལ་མཚན་དཔལ་བཟང་། ཐུབ་བསྟན་དཔལ་ལྡན་ཆོས་གྲགས། [194b] གསུམ་ལྡན་རྡོ་རྗེ་འཛིན་པ་མཁན་ཆེན་འགྱུར་མེད་ཕན་བདེའི་འོད་ཟེར། དེས་བདག་འཇིགས་བྲལ་ཡེ་ཤེས་རྡོ་རྗེ་ལ་སྩལ་བའོ། །གཞན་ཡང་ཕུར་པ་རྒྱལ་པོ་ལུགས། ཇོ་མོ་ལུགས། གཉགས་ལུགས་ཤམ་སྔོན་ཅན་སོགས་ངོ་མཚར་བརྒྱུད་པའི་བཀའ་བབས་ཐ་དད་པའི་བྱིན་རླབས་ཀྱི་ཆུ་བོ་གཅིག་ཏུ་འདུས་ཚུལ་བརྒྱུད་འདེབས་བྱིན་རླབས་ཤིང་རྟར་གསལ་བ་བཞིན་ནོ།། །།