འཇིགས་གླིང་བཀའ་འབུམ་གྱི་ཐོབ་ཡིག།

Previous Text Back to Volume Page Next Text

Wylie title	'jigs gling bka' 'bum gyi thob yig
Location	bdud 'joms rin po che bka' 'bum Volume 20, Text 20, Pages 363-384 (Folios 182a1 to 192b4)
Author	བདུད་འཇོམས་འཇིགས་བྲལ་ཡེ་ཤེས་རྡོ་རྗེ་
Citation	Dudjom Rinpoche 'Jigs bral ye shes rdo rje. 'jigs gling bka' 'bum gyi thob yig. In Bdud 'joms 'jigs bral ye shes rdo rje'i gsung 'bum dam chos rin chen nor bu'i bang mdzod, Vol. 20: 363-384. Kalimpong: Dupjung Lama, 1979-1985.
Side notes	Recto: thob yig Verso: 'jigs gling bka' 'bum skor
More details More details
Genre	Records of Teachings Received - thob yig - gsan yig
Cycle	ཟབ་པ་དང་རྒྱ་ཆེའི་དམ་པའི་ཆོས་ཀྱི་ཐོབ་ཡིག་རིན་ཆེན་སྒྲོན་མེ། (zab pa dang rgya che'i dam pa'i chos kyi thob yig rin chen sgron me)

[edit]

༄༅། ། [182a] ཨོཾ་སྭསྟི། པཎ་ཆེན་བི་མ་ལ་མི་ཏྲ་དང་མངའ་བདག་ཚངས་པ་ལྷའི་མེ་ཏོག་ཟུང་དུ་འཇུག་པའི་ཡེ་ཤེས་སྒྱུ་འཕྲུལ་དྲྭ་བའི་རོལ་གར། ལྔ་བརྒྱ་པ་རྣམས་ཀྱིས་གཙུག་གི་ནོར་བུ་ཐམས་ཅད་མཁྱེན་པ་རིག་འཛིན་འཇིགས་མེད་གླིང་པ་པདྨ་དབང་ཆེན་རང་བྱུང་རྡོ་རྗེའི་དགོངས་གཏེར་བསྟན་བཅོས་ཀྱི་ཚུལ་དུ་སྣང་བའི་སྐོར་ཐོབ་པ་ལ། ས་སྐྱོང་སྡེ་དགེའི་རྒྱལ་ཁབ་ཏུ་བཀའ་འབུམ་དང་ཟབ་གཏེར་ཡོངས་རྫོགས་ངོ་མཚར་སྤར་གྱི་ཕྱི་མོར་བཞུགས་པའི་གླེགས་བམ་གྱི་གྲངས་དང་སྦྱར་ཏེ་བརྗོད་ན། ཐོག་མར་གླེགས་བམ་དང་པོ། ༼ཀ༽ པ་ལ། དམ་པའི་ཆོས་ཐམས་ཅད་གཞུང་ལམ་གཅིག་ཏུ་སྟོན་པ་ཡོན་ཏན་རིན་པོ་ཆེའི་མཛོད་རྩ་བ་ལེའུ་བཅུ་གསུམ་པ་བཤད་ལུང་གི་ཚུལ་དུ་ནོས་པའི་བརྒྱུད་པ་ནི། སེམས་ཉིད་ངལ་གསོའི་དགེ་བ་གསུམ་གྱི་དོན་ཁྲིད་ལྟར་འདྲེན་པར་མཛད་པས། ལེའུ་དགུ་པ་ཡན་གྱི་བསྟན་དོན་ལམ་གྱི་གཞུང་ཤིང་ཕར་ཕྱིན་ཐེག་པའི་དབང་དུ་བྱས་ཏེ། བསྟན་པ་ལ་རིམ་གྱིས་བསླབ་པ་རྒྱ་ཆེན་སྤྱོད་པའི་བརྒྱུད་པ་དང་། ས་ལམ་ཏིང་འཛིན་དྲོད་ཚད་བསྟན་པ་ཟབ་ཅིང་རྒྱ་ཆེ་བའི་བརྒྱུད་པ་དང་། ཆོས་ཉིད་དོན་གྱི་གནས་ལུགས་ལུགས་བསྟན་པ་ཟབ་མོ་ལྟ་བའི་ [182b] བརྒྱུད་པ་དང་གསུམ་ལས། དང་པོ་ནི། ཐུབ་པ་ཆེན་པོ། འཇམ་དཔལ། ཞི་བ་ལྷ། ཨེ་ལངྷ་རི། མ་ཧཱ་ཤྲཱི་རཏྣ། བྷཝ་བཛྲ། དྷརྨཀཱརྟི། དི་པཾ་ཀ་ར། སུ་མ་ཏི། ལོ་ཙཱ་བ་བློ་ལྡན་ཤེས་རབ། ཚེ་སྤོང་བ་ཆོས་ཀྱི་བླ་མ། ཕྱྭ་པ་ཆོས་ཀྱི་སེང་གེ ། དན་བག་པ་སྨྲ་སེང་། དར་མ་བཀྲ་ཤིས། ཤེས་རབ་བློ་གྲོས། ཤེས་རབ་དབང་ཕྱུག །སངས་རྒྱས་བརྩོན་འགྲུས། དབེན་དགེ་བ་ཤཱཀྱ་སེང་གེ ། བླ་བྲང་པ་ཆོས་དཔལ་རྒྱལ་མཚན། དེ་ལས་ཀུན་མཁྱེན་ཆོས་ཀྱི་རྒྱལ་པོ་དྲི་མེད་འོད་ཟེར་གྱི་གསན་ཏོ། །གཉིས་པ་ནི། ཐུབ་པ། བྱམས་པ། ཐོགས་མེད། དབྱིག་གཉེན། འཕགས་པ་རྣམ་གྲོལ་སྡེ། བཙུན་པ་རྣམ་གྲོལ་སྡེ། མཆོག་གི་སྡེ། དུལ་བའི་སྡེ། རྣམ་པར་སྣང་མཛད་བཟང་པོ། སེང་གེ་བཟང་པོ། སངས་རྒྱས་ཡེ་ཤེས་ཞབས། གུ་ཎ་མི་ཏྲ། རིན་ཆེན་རི་བོ། ཟླ་བ་བཟང་པོ། འབུམ་ཕྲག་གསུམ་། བློ་ལྡན་ཤེས་རབ། འབྲེ་ཤེས་རབ་འབར། ཨར་བྱང་ཆུབ་ཡེ་ཤེས། ཁུ་ཤེས་རབ་བརྩོན་འགྲུས། དཀར་ཆུང་རིང་མོ་བ། ཞང་གཡེ་བ། གཉལ་ཞིག །རྒྱ་འཆིང་རུ་བ། ཆུ་མིག་པ་སེང་གེ་དཔལ། ལྷོ་བྲག་པ། དེ་ལ་བཙན་དགོན་པ་དང་། དབེན་ [183a] དགེ་བ་གཉིས། དེ་གཉིས་ལས་བླ་བྲང་པ་དང་ཆོས་གྲགས་གཉིས། གཉིས་ཀ་ལས་ཆོས་རྗེ་ཀུན་མཁྱེན་ཆེན་པོས་གསན། གསུམ་པ་ནི། ཐུབ་དབང་། འཇམ་དབྱངས། འཕགས་པ་ཀླུ་སྒྲུབ། ཟླ་བ་གྲགས་པ། རིག་པའི་ཁུ་བྱུག །ཀུ་ས་ལི་ཆེ་བ། ཆུང་བ། བལ་པོའི་ཇོ་བོ་ཐང་པ་ཛ། ཨ་བྷ་ཀ་ར། བྱང་ཆུབ་སེམས་དཔའ་ཟླ་བ་རྒྱལ་མཚན། གྲོ་ལུང་པ་ཆེན་པོ། སྤྱི་བོ་ལྷས་པ་བྱང་ཆུབ་འོད། རྨ་ཤཱཀྱ་སེང་གེ །མཆིམས་ནམ་མཁའ་གྲགས། མཁན་པོ་སྨོན་ཚུལ། སློབ་དཔོན་བྱང་ཆུབ་གྲུབ། སློབ་དཔོན་གཞོན་ནུ་རྡོ་རྗེ། དེ་ལས་ཀུན་མཁྱེན་ཆེན་པོའོ། །ལེའུ་བཅུ་པའི་བསྟན་བྱ་ལམ་གྱི་སྦས་དོན་རྡོ་རྗེ་ཐེག་པ་གསང་བ་སྒྱུ་འཕྲུལ་གྱི་བརྒྱུད་པ་ལྟར་ན། རྒྱལ་བ་དགོངས་པས་བརྒྱུད་པ། རིག་འཛིན་རིག་པས་བརྒྱུད་པ། གང་ཟག་སྙན་ཁུང་དུ་བརྒྱུད་པ་དང་གསུམ་ལས། དང་པོ་ནི། ཆོས་སྐུ་ཀུན་ཏུ་བཟང་པོ། ལོངས་སྐུ་རིགས་ལྔའི་སངས་རྒྱས། སྤྲུལ་སྐུ་རིགས་གསུམ་མགོན་པོ་ནས་གནས་རིགས་སོ་སོར་མི་མ་ཡིན་གྱི་རིག་འཛིན་ཐ་དད་ལ་བརྒྱུད་པའོ། །གཉིས་པ་ནི། ཕྱག་ན་རྡོ་རྗེ་ལ། རྒྱལ་པོ་ཛཿས་ཞུས། དེ་ [183b] ནས་རིམ་བཞིན། ཨིནྡྲ་བྷུ་ཏི། སྲས་ཤཱཀྱ་བྷུ་ཏི། ཀུ་ཀུ་རཱ་ཛ། ནཱ་ག་རྫུ་ན། པདྨ་སམྦྷ་ཝ། བི་མ་མི་ཏྲའོ། །གསུམ་པ་ནི། གཉགས་ཀུ་མཱ་ར། རྨ་རིན་ཆེན་མཆོག །གྱེ་རེ་མཆོག་སྐྱོང་། དར་རྗེ་དཔལ་གྱི་གྲགས་པ། གནུབས་སངས་རྒྱས་ཡེ་ཤེས། སྤ་གོར་བློན་ཆེན་འཕགས། དན་ཡོན་ཏན་མཆོག །བེགས་གསལ་བའི་བྱང་ཆུབ། རྒྱ་བློ་གྲོས་གཞོན་ནུ། འགར་ཚུལ་ཁྲིམས་བཟང་པོ། མཚུར་ཡེ་ཤེས་དབང་པོ། དན་ཆོས་ཀྱི་དབང་ཕྱུག །ཞང་མཆོག་གི་བླ་མ། སྐྱི་ཡོན་ཏན་འབྱུང་གནས། དན་བག་པ་སློབ་དཔོན་གཞོན་ནུ་དོན་འགྲུབ། ཀུན་མཁྱེན་དྲི་མེད་འོད་ཟེར་རོ། །ལེའུ་བཅུ་གཅིག་པ་ནས་བཅུ་གསུམ་པའི་བར་གྱི་བསྟན་དོན་མྱུར་ལམ་མཐར་ཐུག་རྫོགས་པ་ཆེན་པོའི་བརྒྱུད་པ་ལྟར་ན། རྒྱལ་བ་དགོངས་བརྒྱུད། རིག་འཛིན་བརྡ་བརྒྱུད། གང་ཟག་སྙན་བརྒྱུད་དང་གསུམ་ལས། དང་པོ་ནི། ཆོས་སྐུ་ཀུན་བཟང་། ལོངས་སྐུ་ཞི་ཁྲོ་རབ་འབྱམས་སྤྲུལ་སྐུ་རྡོ་རྗེ་འཆང་ཆེན། སྟོན་པ་རྡོར་སེམས། གསང་བདག་ཕྱག་རྡོར་རོ། །གཉིས་པ་ནི། སྤྲུལ་སྐུ་དགའ་རབ་རྡོ་རྗེ། གུ་རུ་འཇམ་དཔལ་བཤེས་གཉེན། མཁས་པ་ [184a] ཤྲཱི་སེང་ཧ། རྒྱལ་བ་ཛྙཱ་ན་སཱུ་ཏྲ། པཎ་ཆེན་བི་མ་ལ་མི་ཏྲའོ། །གསུམ་པ་ནི། ཉང་ཏིང་འཛིན་བཟང་པོ། གནས་བརྟན་ལྡང་མ་ལྷུན་རྒྱལ། ལྕེ་བཙུན་སེང་གེ་དབང་ཕྱུག །སྤྲུལ་སྐུ་རྒྱལ་བ་ཞང་སྟོན། གུ་རུ་མཁས་པ་ཉི་འབུམ། ཆོས་བདག་གུ་རུ་ཇོ་བེར། འཁྲུལ་ཞིག་སེང་གེ་རྒྱབ་པ། གྲུབ་ཆེན་ཟླ་བ་མུན་སེལ། རིག་འཛིན་ཀུ་མཱ་རཱ་ཛཿ ཀུན་མཁྱེན་ཀློང་ཆེན་རབ་འབྱམས་སོ། །དེ་ལྟར་མདོ་སྔགས་ཀྱི་གཞུང་གདམས་པ་མན་ངག་དང་བཅས་པའི་བཀའ་བབས་ཀུན་མཁྱེན་ཆེན་མོ་ནས། རིང་བརྒྱུད་ཀྱི་དབང་དུ་བྱས་ན། མཁས་གྲུབ་ཁྱབ་བརྡལ་ལྷུན་གྲུབ། སྤྲུལ་སྐུ་གྲགས་པ་འོད་ཟེར། འཁྲུལ་ཞིག་སངས་རྒྱས་དབོན་པོ། མཚུངས་མེད་ཟླ་བ་གྲགས་པ། གྲུབ་ཆེན་ཀུན་བཟང་རྡོ་རྗེ། སྤྲུལ་སྐུ་རྒྱལ་མཚན་དཔལ་བཟང་། ཀུན་མཁྱེན་སྣ་ཚོགས་རང་གྲོལ། རྗེ་བསྟན་འཛིན་གྲགས་པ། མཁས་གྲུབ་མདོ་སྔགས་བསྟན་འཛིན། གསང་བདག་ཕྲིན་ལས་ལྷུན་གྲུབ། རིག་འཛིན་འགྱུར་མེད་རྡོ་རྗེ། གྲུབ་དབང་ཀུན་བཟང་འོད་ཟེར་ལས། ཀུན་མཁྱེན་གཉིས་པ་རིག་འཛིན་འཇིགས་མེད་གླིང་པས་གསན་པ་ [184b] ཡིན་ནའང་། འདིར་ཉེ་བརྒྱུད་ཐུན་མོང་མ་ཡིན་པ་གཙོ་བོར་བྱ་སྟེ། ཀུན་མཁྱེན་རིན་པོ་ཆེ་ཉིད་ཀྱི་གསུང་ལས། དཔལ་གྱི་བསམ་ཡས་མཆིམས་ཕུའི་གེའུ་འོག་མར་དབང་ཤེས་ཐ་མལ་ལས་ལྡོག་པའི་ངག་ཆེན་སྒྱུ་མའི་རོལ་མཚོར་རྒྱལ་བ་གཉིས་པ་དེ་ཡེ་ཤེས་ཀྱི་སྐུ་ལན་གསུམ་དུ་བསྟན་ནས། རྒྱལ་བའི་ལུང་གི་དམ་ཆོས་རྒྱ་མཚོ་ཨཱ་དཱི་ཀཱ་དཱིའི་ངོ་བོ་ཉུང་དུ་རྫོགས་པའི་གསུང་གི་སྣང་བ་འདོམས་ཤིང་། རྟོགས་པའི་ཆོས་ཉིད་སྤྲོས་པ་དང་བྲལ་བའི་དེ་ཁོ་ན་ཉིད་དངོས་དང་ཐ་དད་མེད་པའི་དགོངས་བརྒྱུད་ཡེ་ཤེས་སྙིང་པོར་རོ་གཅིག་པའི་བྱིན་རླབས་བུམ་པ་གང་བྱོར་ཐོབ་པས། སོ་སོ་སྐྱེ་བའི་སྒྲ་ཚིག་རང་མཚན་པའི་གཞན་དབང་ལ་ལྟོས་པ་མེད་པ་གང་ཞིག་ལུང་གི་དམ་ཆོས་ཉེ་བརྒྱུད་ཡིད་བཞིན་ནོར་བུ་ལྟར་བཟུང་བ་ནི་སྙིང་ཐིག་ར་བཞི་པོ་ལ་སོགས་པའི་གསུང་རབ་ཐམས་ཅད་ལ་འགྲེ་ཞིང་ཉིད་ཀྱི་བསྟན་པ་ལ་བྱ་བ་བྱེད་པའི་ལུང་ཡང་འགྲེལ་པ་ཤིང་རྟ་ཆེན་པོའི་གཤམ་དུ་གསལ་བར་ཡོད་དོ། །ཞེས་གསུངས་པ་ལྟར་ལ། དེ་ནས་ཆོས་ཀྱི་བདག་པོ་ལྷ་སྲས་རྣམ་འཕྲུལ་རྡོ་གྲུབ་ཆེན་འཇིགས་མེད་ཕྲིན་ལས་འོད་ཟེར། རྡོ་རྗེ་འཛིན་པ་འཇིགས་མེད་བསོད་ནམས་མཆོག་ལྡན་ [185a] ཀུན་གཟིགས་བླ་མ་འཇམ་དབྱངས་མཁྱེན་བརྩེའི་དབང་པོ། དེས་རྗེ་དཔོན་གཏེར་སྲས་ཀུན་བཟང་འཇིགས་མེད་ཚེ་དབང་ནོར་བུ། རྡོ་རྗེ་འཛིན་པ་ཨོ་རྒྱན་རྣམ་གྲོལ་རྒྱ་མཚོའི་སྡེ། དེས་བདག་ལའོ། །ཡང་ན། འཇིགས་མེད་ཕྲིན་ལས་འོད་ཟེར་ནས། མཁས་གྲུབ་ཆོས་ཀྱི་བློ་གྲོས། རྗེ་གཞན་ཕན་མཐའ་ཡས་འོད་ཟེར། མཁན་ཆེན་པདྨ་དམ་ཆོས་འོད་ཟེར། འཇམ་དབྱངས་མཁྱེན་བརྩེའི་དབང་པོ། རྗེ་དབོན་ཚེ་དབང་ནོར་བུ། ཨོ་རྒྱན་རྣམ་གྲོལ་རྒྱ་མཚོ། དེས་སོ། །ཡང་ན་རྒྱལ་སྲས་གཞན་ཕན་མཐའ་ཡས། གླིང་སྤྲུལ་ཐུབ་བསྟན་རྒྱལ་མཚན། བཀའ་འགྱུར་བ་ཐུབ་བསྟན་དཔལ་ལྡན་ཆོས་གྲགས། དེས་བདག་གི་བླ་མ་ལའོ། །

༈     །ལེའུ་དགུ་པ་ཡན་གྱི་འགྲེལ་པ་བདེན་གཉིས་ཤིང་རྟའི་ལུང་ཐོབ་པའི་རྒྱུད་པ་ནི།   གོང་དུ་སྨོས་པ་ལྟར་གཞུང་ཕར་ཕྱིན་ཐེག་པའི་བརྒྱུད་པ་གསུམ་ལྡན་དང་།   ཉེ་བརྒྱུད་གཞན།   རྫོགས་པའི་སངས་རྒྱས།   རྗེ་བཙུན་འཇམ་དབྱངས།   འཕགས་པ་ཀླུ་སྒྲུབ།   དེས་ཀུན་མཁྱེན་འཇིགས་མེད་གླིང་པ་རྗེས་སུ་བཟུང་ཚུལ་ནི་རྣམ་ཐར་དང་འབྲེལ་བའི་གཤམ་ [185b] ནས་གསལ་བར་ལྟར་རོ།   །དེ་ནས་འཇིགས་མེད་ཕྲིན་ལས་འོད་ཟེར།   གྲུབ་དབང་འཇིགས་མེད་ཆོས་གྲགས།   རྒྱལ་སྲས་གཞན་ཕན་མཐའ་ཡས་དང་།   མཁན་པདྨ་བཟང་པོ།   དེ་གཉིས་ཀས་མཁན་ཆེན་པདྨ་བཛྲ།   འཇམ་དབྱངས་མཁྱེན་བརྩེའི་དབང་པོ།   གཏེར་སྲས་ཚེ་དབང་ནོར་བུ།   རྡོ་རྗེ་འཛིན་པ་ཨོ་རྒྱན་རྣམ་གྲོལ་རྒྱ་མཚོ།   དེས་སོ།   །ཡང་ན།   གཞན་ཕན་མཐའ་ཡས་ནས།   གླིང་སྤྲུལ་ཐུབ་བསྟན་རྒྱལ་མཚན།   ཐུབ་བསྟན་དཔལ་ལྡན་ཆོས་གྲགས།   རྡོར་འཛིན་དམ་པ་ཨོ་རྒྱན་རྣམ་གྲོལ་རྒྱ་མཚོ།   དེས་བདག་ལའོ།   །
༈    །   གཞུང་འདིའི་སྟེང་ནས་སེམས་བསྐྱེད་པའི་སྡོམ་པ་ཐོབ་པའི་བརྒྱུད་པ་ནི།   ཀུན་མཁྱེན་འཇིགས་གླིང་ནས།   རྡོ་གྲུབ་འཇིགས་མེད་ཕྲིན་ལས་འོད་ཟེར།   རྒྱལ་སྲས་གཞན་ཕན་མཐའ་ཡས།   མཁན་པདྨ་བཛྲ།   འཇམ་དབྱངས་མཁྱེན་བརྩེའི་དབང་པོ།   རྗེ་ཚེ་དབང་ནོར་བུ།   རྗེ་པད་གླིང་བརྒྱད་པ་ཀུན་བཟང་བསྟན་པའི་ཉི་མ།   རྡོ་རྗེ་འཛིན་པ་ཨོ་རྒྱན་རྣམ་གྲོལ་རྒྱ་མཚོ།   དེས་བདག་ལའོ།   །
༈     །གླེགས་བམ་གཉིས་པ།   ༼ཁ༽པ་ལ།   ཡོན་ཏན་མཛོད་ལེའུ་བཅུ་པ་མན་གྱི་འགྲེལ་པ་རྡོ་རྗེ་ཐེག་པའི་ལམ་སྤྱི་དང་ [186a] རྫོགས་པ་ཆེན་པོ་གཞི་ལམ་འབྲས་གསུམ་རྣམ་བཞག་རྒྱ་ཆེར་སྟོན་པ་རྣམ་མཁྱེན་ཤིང་རྟའི་ལུང་ཐོབ་པའི་དོན་གྱི་བརྒྱུད་པ་གོང་དུ་རྩ་བའི་སྐབས་སྨོས་པ་ལྟར་དང་།   ཉེ་བརྒྱུད་གཞན་ཡང་།   ཀུན་བཟང་།   རྡོ་རྗེ་འཆང་།   རྗེ་བཙུན་འཇམ་པའི་རྡོ་རྗེ།   སློབ་དཔོན་འཇམ་དཔལ་བཤེས་གཉེན།   ཨོ་རྒྱན་པདྨ་སམྦྷ་ཝ།   དེ་གཉིས་ཀས་རྗེས་སུ་བཟུང་བ་ཀུན་མཁྱེན་འཇིགས་མེད་གླིང་པ་མན་བདེན་གཉིས་ཤིང་རྟའི་བརྒྱུད་པ་དང་འདྲའོ།   །
༈     །གླེགས་བམ་གསུམ་པ།   ༼ག༽པ་ལ།   སྣང་འགྱུར་རྒྱུད་འབུམ་རིན་པོ་ཆེའི་རྟོགས་བརྗོད་འཛམ་གླིང་ཐ་གྲུར་ཁྱབ་པའི་རྒྱན་ཅེས་བྱ་བ།   ཐོག་མར་སངས་རྒྱས་བྱོན་ཚུལ་དང་།   རྒྱན་དྲུག་མཆོག་གཉིས་ལ་སོགས་པ་བསྟན་འཛིན་ཆེན་པོ་རྣམས་ཀྱིས་མཚོན་སྤྱི་དང་བྱེ་བྲག་གི་ཆོས་འབྱུང་གིས་སྣ་དྲངས།   བསྟན་པ་དམ་པའི་ཆོས་ཀྱི་རྣམ་པར་གཞག་པ་དང་།   ཆོས་ཀྱི་བཞུགས་བྱང་།   བསྔོ་སྨོན་གྱིས་མཐའ་བསྡུས་པ་བཅས་ལེའུ་དགུ་པ།   ཐེག་པ་ཆེ་ཆུང་གི་རྣམ་གཞག་མ་ངེས་པར་སྟོན་པ་དྲིས་ལན་རིན་པོ་ཆེའི་བསྟན་བཅོས་ལུང་གི་གཏེར་མཛོད་ལེའུ་ལྔ་པ།   
༈     །གླེགས་ [186b] བམ་བཞི་པ།   ༼ང་༽པ་ལ།   སྔགས་ལམ་ལ་ཞུགས་པའི་གང་ཟག་ལས་དང་པོ་པ་རྣམས་ལ་ཕན་གདགས་ཕྱིར་ཚིག་དོན་དབྱིངས་ཆེན་པོས་མ་བཅིངས་ཞིང་གོ་བདེ་བར་བརྗོད་པ་དགོངས་འདུས་ཆོ་གའི་རྣམ་བཤད་མཁྱེན་བརྩེའི་མེ་ལོང་དང་།   རིག་པ་དང་གཙུག་ལག་སྣ་ཚོགས་ཀྱི་དོན་འདོད་རྒྱལ་དུ་སྟོན་པ་རབ་འབྱེད་ཀྱི་ཚོམ་བུར་བསྡུས་པ་གཏམ་གྱི་ཚོགས་ཐེག་པའི་རྒྱ་མཚོ་ལེའུ་དོན་གསུམ་པ་སྟེ།   དེ་ལ་སྤྱི་དོན་ཐེག་པའི་གྲུ་གཟིགས།   ནམ་མཁའ་བརྟགས་པ་གཟའ་དང་རྒྱུ་སྐར་གྱི་གཏམ་གོ་ལའི་རྣ་རྒྱན།   ས་གཞི་བརྟགས་པ་ལྷོ་ཕྱོགས་རྒྱ་གར་གྱི་གཏམ་བརྟག་པ་བརྒྱད་ཀྱི་མེ་ལོང་།   རིན་པོ་ཆེ་བརྟག་པའི་གཏམ་ཙིནྟ་མ་ཎིའི་མཛོད་ཁང་།   སྙན་དངགས་ཀྱི་གཏམ་རིན་པོ་ཆེའི་གཏེར།   རྒྱལ་པོ་དང་དམངས་ལ་གདམས་པའི་གཏམ་རབ་བྱེད་གཉིས་པ་འཇིག་རྟེན་གསོ་བའི་སྨན།   ས་སྐྱོང་སྡེ་དགེ་ལ་སྤྲིངས་པའི་གཏམ་ས་ལ་སྤྱོད་པའི་རྣ་རྒྱན།   རྒྱལ་བུ་ལ་སྤྲིངས་པའི་གཏམ་ཆར་སྤྲིན་གྱི་རོལ་མོ།   བཙུན་མོ་ལ་སྤྲིངས་པའི་གཏམ་དམ་པའི་གན་མཛོད་དོན་འགྲེལ་དང་བཅས་པ།   དམངས་ལ་སྤྲིངས་པའི་གཏམ་དཔེ་དོན་འབྲེལ་བ།   བྷོ་ཊའི་ [187a] སྲིད་སྐྱོང་ལ་སྤྲིངས་པའི་གཏམ།   དམ་པ་ལ་སྤྲིངས་པའི་གཏམ།   སྟོན་ཆེན་དབེན་པ་ལ་བསྐུལ་བའི་གཏམ།   སློབ་མ་ལ་སྤྲིངས་པའི་གཏམ་མདུན་ན་འདོན་གྱི་རྣ་རྒྱན།   བཤེས་གཉེན་བུདྡྷ་ལ་སྤྲིངས་པའི་གཏམ།   དགའ་ལྡན་བྱང་རྩེའི་བཤེས་གཉེན་ལ་སྤྲིངས་པའི་གཏམ།   བླ་མ་ལ་སྤྲིངས་པའི་གཏམ།   ལྷོ་བྲག་གསུང་སྤྲུལ་ལ་སྤྲིངས་པའི་གཏམ་ཚངས་པའི་རྔ་ཆེན།   སྒོམ་པ་ལ་སྤྲིངས་པའི་གཏམ།   སྤང་བ་བསམ་གཏན་པ་ལ་སྤྲིངས་པའི་གཏམ་དོན་རབ་འབྱེད་པའི་རྒྱན།   དགེ་སློང་ལ་སྤྲིངས་པའི་གཏམ་སྦྱངས་པའི་ཡོན་ཏན་གྱི་རབ་འབྱེད།   རབ་བྱུང་ལ་སྤྲིངས་པའི་གཏམ་པྲ་ཏི་མོཀྵ་གརྦྷ།   སྔགས་པ་ལ་སྤྲིངས་པའི་གཏམ་བཤགས་ལེ་བཞི་པའི་ཊཱི་ཀ་དམ་ཚིག་གསལ་བྱེད།   སྡེ་བརྒྱད་ལ་སྤྲིངས་པའི་གཏམ་གནོད་སྦྱིན་གྱི་རྣ་རྒྱན།   ཕྱོགས་བཅུའི་གདོན་ཚོགས་ལ་སྤྲིངས་པའི་གཏམ་ལྷ་མ་ཡིན་གྱི་གཙུག་ཏོར།   འབྱུང་པོའི་སྡེ་ལ་སྤྲིངས་པའི་གཏམ་པདྨའི་ཞལ་ལུང་།   ཨར་ཇག་ལ་སྤྲིངས་པའི་གཏམ་དཀོན་མཆོག་གསུམ་གྱི་གྲིབ་བསིལ།   གནས་སྐོར་བ་ལ་སྤྲིངས་པའི་གཏམ་ལྷག་བསམ་གྱི་ཆུན་ [187b] པོ།   བསམ་ཡས་གཙུག་ལག་ཁང་གི་གཏམ་འདོད་པ་ཁམས་ཀྱི་རྣ་རྒྱན།   ཨཱརྱ་པ་ལོའི་གླིང་གི་གཏམ་བདེན་པའི་རྣ་རྒྱན།   དཔལ་གྱི་བསམ་ཡས་མཆིམས་ཕུའི་གཏམ་ཀ་ལ་པིང་ཀའི་རོལ་མོ།   མཆོད་སྡོང་གསར་བཞེངས་ཀྱི་གཏམ་འཕྲུལ་དགའི་རྣ་རྒྱན།   གུ་རུ་མཚོ་སྐྱེས་རྡོ་རྗེ་དང་ཞབས་རྗེས་རིན་པོ་ཆེའི་གཏམ།   གཞུ་སྟོང་གཏེར་སྒྲོམ་གྱི་གཏམ་མཁའ་འགྲོའི་གླུ་གར།   དབུ་སྟོད་ཞྭ་ལྷ་ཁང་གི་གཏམ་ཆོས་འབྱུང་གི་མེ་ལོང་།   ལྷོ་མོན་དཀར་པོ་ཟངས་ཀྱི་གཏམ།   བཀྲ་ཤིས་སྲོང་བཙན་བང་སོའི་གཏམ་ལོ་རྒྱུས་ཀྱི་མཛོད་ཁང་།   བཀྲ་ཤིས་སྲོང་བཙན་བང་སོའི་དཀར་ཆག   །འབྲིང་པོར་བྱས་པ་ནྱ་གྲོ་བྷཱའི་ཆུན་འཕྱང་།   དཔལ་རི་ཐེག་པ་ཆེན་པོའི་གླིང་གི་གཏམ་རྡོ་རྗེ་སྒྲ་མའི་རྒྱུད་མང་།   པདྨ་འོད་གསལ་ཐེག་མཆོག་གླིང་རྟེན་དང་བརྟེན་པར་བཅས་པའི་གཏམ་ནོར་བུའི་དོ་ཤལ།   གཙང་རུ་ལག་རྒྱལ་བྱེད་ཚལ་གྱི་གཏམ་དད་པའི་གསེར།   མཚོ་སྣར་རྒྱུད་འབུམ་བཞེངས་པའི་གཏམ་ཀ་ལན་ཏའི་རྣ་རྒྱན།   སྔ་འགྱུར་རྒྱུད་འབུམ་ལ་དཔྱད་ཞུས་ཀྱི་གཏམ་དྲང་སྲོང་གི་རྔ་སྒར།   མཆོད་རྟེན་བཀྲ་ཤིས་འོད་འབར་གྱི་གཏམ་རྙོག་མ་བགྲུང་པའི་ཀེ་ཏ་ཀ      །   བདེ་ [188a] གཤེགས་མཆོད་རྟེན་བརྒྱད་ཀྱི་ཐིག་གི་གཏམ་བྱང་ཆུབ་ལྗོན་ཤིང་།   མཆོད་སྦྱིན་གྱི་གཏམ་འཕྲུལ་དགའི་རོལ་མོ།   མཎྜལ་གྱི་གཏམ་བསོད་ནམས་སྤྲིན་ཕུང་།   བསྔོ་བའི་གཏམ་རྣམ་མཁྱེན་ལམ་བཟང་།   ནགས་ཚལ་གཏམ་ཨུ་དུམ་ཝ་རའི་ཆུན་པོ།   འདབས་ཆགས་ཀྱི་གཏམ་མི་ཁོམས་པའི་གནས་ལ་སྐྱོ་བ་བསྐུལ་བ།   རི་དྭགས་ཀྱི་གཏམ་ངེས་འབྱུང་གི་ཕོ་ཉ།   རི་བོང་ཤིན་ཏུ་བརྟན་པའི་གཏམ་བྲག་རིའི་མགུལ་རྒྱན།   འདུ་འཛི་ལ་སྐྱོ་བའི་གཏམ་ཏོག་གི་བློ་གྲོས།   བློ་ལྡན་བྷྲ་མ་རའི་གཏམ་ཚིག་ལ་མི་རྟོན་དོན་ལ་རྟོན་པ།   ཆོས་སྤྱོད་བཅུའི་གཏམ་དགེ་བའི་ལྗོན་ཤིང་།   དྲན་པའི་གཏམ་ཡོན་ཏན་རྒྱ་མཚོ།   དྲན་དང་ཤེས་བཞིན་ལས་འཕྲོས་པའི་གཏམ་དོན་རབ་འབྱེད་པའི་ཐུར་མ།   འཕགས་པ་སྟོང་ཕྲག་བརྒྱ་པ་ལས་འཕྲོས་པའི་གཏམ་དེ་ཁོ་ན་ཉིད་ཀྱི་མེ་ལོང་།   གྲུབ་པའི་མཐའ་རབ་ཏུ་འབྱེད་པའི་གཏམ་རྟོག་གེའི་གཉེན་པོ།   མི་དགེ་བཅུ་སྤང་གི་གནང་བཀག་ལ་དཔྱད་པའི་གཏམ་ཚུལ་ཁྲིམས་རིན་པོ་ཆེའི་རྒྱན།   ཕྱག་རྫོགས་ཀྱི་དེ་ཁོ་ན་ཉིད་རབ་ཏུ་དབྱེ་བའི་གཏམ་ཀེ་ཏ་ཀའི་རྣ་རྒྱན།   ཆོས་ཉིད་རྣམ་པར་མ་གྱུར་ [188b] པའི་གཏམ་ནམ་མཁའ་ལྡིང་གི་རྣ་རྒྱན།   གནས་མིན་གྱི་བརྒལ་བརྟག་ལ་སྐྱོ་བའི་གཏམ།   རྣམ་གྲངས་པའི་དོན་དམ་ལ་དཔྱད་པའི་གཏམ་ལྷའི་རྒྱལ་རྔ་།   ཤིན་ཏུ་རྣལ་འབྱོར་གྲུབ་མཐའ་བཞི་ལ་རྟོན་པའི་གཏམ་རྡོ་རྗེ་ཟེགས་མའི་མཚོན་ཆ།   ཡེ་གྲོལ་ཀ་དག་གི་གཏམ་དག་པ་གཉིས་ལྡན་གྱི་མཛོད་ཁང་།   ཡེ་ཤེས་ཀྱི་ཕ་རོལ་ཏུ་ཕྱིན་པའི་གཏམ་རྫོགས་པ་ཆེན་པོའི་དོ་ཧ་མཛོད།   ཏནྟྲའི་ཕྱོགས་འཛིན་བཟློག་པའི་གཏམ།   རྟོན་པ་བཞི་ལྡན་གྱི་གཏམ་ལོག་རྟོག་གི་གཉེན་པོ།   ཤེས་རབ་ཀྱི་གཏམ་ཟབ་མོ་སྣང་བ།   ཤེས་རབ་སྙིང་པོའི་གཏམ་བསྟོད་ཕྱག་གི་གསལ་བ།   ཡང་དེའི་དོན་བསྡུས་ཀྱི་གཏམ།   ན་ཚ་ལམ་ཁྱེར་གྱི་གཏམ་རྣམས་སོ།   །
༈     །གླེགས་བམ་ལྔ་པ།   ༼ཅ༽པ་ལ།   བསྟོད་ཚོགས་དང་།   དཔེ་ཕྲན་སྣ་ཚོགས་ཀྱི་སྐོར་གཉིས་ལས།   དང་པོ་ལ།   སྐྱེས་པ་རབས་ཀྱི་རྒྱུད་སྙན་དངགས་དམ་པའི་འཁྲི་ཤིང་དུ་བསྔགས་པ་མིའམ་ཅི་ཀུན་ཏུ་དགའ་བའི་ཟློས་གར།   སངས་རྒྱས་སུམ་ཅུ་སོ་ལྔ་ལ་བསྟོད་པ་ལྗོན་པའི་གླུ་ཕྲེང་།   ཐུབ་དབང་གྲོང་ཁྱེར་མ་ལ་བསྟོད་པ།   དུས་གསུམ་དང་ཕྱོགས་བཅུའི་དེ་བཞིན་གཤེགས་པ་ [189a] རྣམས་ལ་མཚན་དོན་གྱི་སྒོ་ནས་བསྔགས་པ་དད་པའི་ཕོ་ཉ།   རྙིང་མ་རྒྱུད་འབུམ་གསར་བཞེངས་ལ་བསྔགས་པ།   དེ་བཞིན་གཤེགས་པའི་མཆོད་རྟེན་རྣམ་པ་ཐམས་ཅད་རྫོགས་པ་བརྒྱད་ལ་བསྟོད་པ།   བྱང་ཆུབ་སེམས་པའི་དགེ་འདུན་ཉེ་བའི་སྲས་བརྒྱད་ལ་བསྟོད་པ།   དེའི་དོན་འགྲེལ་དང་བཅས་པ།   ཆོ་འཕྲུལ་ཆེན་པོའི་དུས་ཆེན་ལ་ཆེད་དུ་བརྗོད་པ་ཚོགས་གཉིས་ཤིང་རྟ།   བཅོམ་ལྡན་རྟ་མཆོག་རོལ་པ་གསང་བ་སྒྲུབ་པ་ལ་བསྟོད་པ།   ཟངས་མདོག་དཔལ་རི་ལ་བསྟོད་པ།   ཡོན་ཏན་གཏེར་མཛོད་ལས་གསུངས་པའི་མན་ངག་བཅུ་གསུམ་ལ་བསྔགས་པ།   རྣམ་ཐར་སིནྡྷུ་མ་ལ་བསྟོད་པ།   རིག་འཛིན་ལ་བསྟོད་པ།   མཁན་པོ་ལ་བསྟོད་པ།   སློབ་དཔོན་ལ་བསྟོད་པ།   ཆོས་རྒྱལ་ལ་བསྟོད་པ།   སེང་གེ་སྒྲ་ལ་བསྟོད་པ།   སྡོམ་བརྩོན་དམ་པ་ལ་བསྟོད་པ།   ཚེ་རིང་ཡུལ་ལྗོངས་ལ་བསྟོད་པ།   རྣམ་བཅུ་དབང་ལྡན་ལ་བསྟོད་པ།   བྱད་འགྲོལ་འཁོར་ལོ་ལ་བསྟོད་པ།   ཀུན་མཁྱེན་ངག་གི་དབང་པོ་ལ་བསྟོད་པ་དཔྱིད་ཀྱི་རྒྱལ་མོའི་གླུ།   ཀུན་མཁྱེན་ཆེན་པོ་ལ་བསྟོད་པ་བསྡུས་པ་ཆིགས་སུ་བཅད་པ་རྐང་པ་ལྔ་པ།    [189b] དཔལ་གྱི་བསམ་ཡས་མཆིམས་ཕུ་ལ་བསྟོད་པ་རྡོ་རྗེ་ག་མ་ཀཿརྣམས།   གཉིས་པ་ལ་སྐོར་ཚོ་དྲུག་ལས།   དང་པོ་ངག་དོན་ཆོས་སྤྱོད་ཀྱི་སྐོར་ཆོག་བསྒྲིགས་མར།   དང་པོ་ངག་བྱིན་བརླབ།   གཉིས་པ་བླ་མ་རྒྱངས་འབོད།   གསུམ་པ་སྟོད་པའི་མཛད་བཅུ།   བཞི་པ་སོ་ཐར་བརྒྱུད་འདེབས།   ལྔ་པ་སྔ་འགྱུར་རིན་པོ་ཆེའི་བླ་བརྒྱུད་གསོལ་འདེབས་མོས་པ་ལམ་བྱེད།   དྲུག་པ་ཕྱག་འཚལ།   བདུན་པ་སྤྱི་བཤགས།   བརྒྱད་པ་སྤྱན་འདྲེན་ཁྲུས་གསོལ།   དགུ་པ་ཚད་མེད་བཞི་བསྒོམ་པ།   བཅུ་པ་བྱང་སྔགས་སྡོམ་བཟུང་དང་འབྲེལ་བའི་ཐེག་པ་ཆེན་པོའི་ལམ་ལ་དམ་བཅའ་བ་རྣམས་དང་།   རིག་པ་གསུམ་བསྐྱེད་སྨོན་ལམ།   གསོལ་འདེབས་བསམ་པ་མྱུར་འགྲུབ།   ལྷ་མོ་འོད་ཟེར་ཅན་ལ་བསྟོད་ཅིང་གསོལ་བ་འདེབས་པ།   རྒྱ་རོང་དབོན་སྤྲུལ་ལ་གནང་བའི་སྨོན་ལམ་རྣམས་དང་།   གཉིས་པ་སྒྲུབ་ཐབས་སྣ་ཚོགས་པའི་སྐོར་ལ།   སྒྱུ་འཕྲུལ་ཞི་བའི་སྒྲུབ་ཐབས་རྣམ་གྲོལ་ཤིང་རྟ།   སྒྱུ་འཕྲུལ་ཁྲོ་བོའི་སྒྲུབ་ཐབས་ཁྲག་འཐུང་མངོན་རྫོགས།   འདུས་མདོའི་ཆོ་གའི་ལྷན་ཐབས་བསྟན་པ་རྒྱ་མཚོའི་གྲུ་གཟིངས།   དེའི་ [190a] རྒྱུན་ཁྱེར་ཉེར་བསྡུས།   ཚེ་དཔག་མེད་སྐུ་གསུམ་འདུས་པའི་དཀྱིལ་འཁོར་གྱི་ཆོག་བསྒྲིགས་འཆི་བ་མེད་པའི་ལྗོན་པ་ཀུན་ཏུ་དགའ་བའི་སྐྱེད་མོས་ཚལ།   མུན་པའི་རྣལ་འབྱོར་ཡང་ཏིག་ནག་པོའི་ཕྲིན་ལས་ཀྱི་ཆོ་ག་ཁྲིགས་སུ་བསྡེབས་པ།   ཇོ་བོ་ལུགས་ཀྱི་སྒྲོལ་དཀར་མཎྜལ་གཅིག་པའི་སྒྲུབ་ཐབས།   འཇམ་དཀར་མ་ཏི་ལུགས་ཀྱི་རྒྱུན་ཁྱེར།   དྲང་སྲོང་ལོཀྟྲེའི་རྒྱུན་ཁྱེར།   རྟ་མགྲིན་གསང་སྒྲུབ་ཀྱི་རྒྱུན་ཁྱེར།   སྨན་བླའི་སྒོམ་བཟླས།   བྲམ་ཟེ་ཕུར་བུའི་ལུགས་ཀྱི་དབྱངས་ཅན་མའི་སྒྲུབ་ཐབས་རྣམས་སོ།   །གསུམ་པ་ཕྲིན་ལས་སྣ་ཚོགས་པའི་སྐོར་ལ།   འཁོར་ལོས་མཚོན་པའི་གསུང་རྟེན་སྤྱི་ཁྱབ་ལ་རབ་གནས་བྱ་བའི་ཆོ་ག་ཕྱག་རྒྱ་བཞི་ལྡན།   གྲོལ་ཐིག་དགོངས་པ་རང་གྲོལ་གྱི་དབང་གི་ཆོ་ག་གནད་རྣམ་པར་ཕྱེ་བ་མཁྱེན་བརྩེའི་དགོངས་རྒྱན།   དམ་གྲིབ་ཉེས་པ་ཀུན་སེལ་གྱི་ཁྲུས་ཆོག   །འདུས་པ་མདོའི་དབང་གི་བསྙེལ་ཐོ།   བཀའ་བརྒྱད་བདེ་གཤེགས་འདུས་པའི་གཏོར་བཟློག་གི་དྲིས་ལན་གཤིན་རྗེའི་གད་རྒྱངས།   གཤིན་རྗེ་ནག་པོ་གསུམ་སྒྲིལ་གྱི་མནན་པའི་ཡིག་ཆུང་གཅིག་ཤེས་ཀུན་གྲོལ།    [190b] ལོ་དགྲ་སེར་བའི་གནོད་པ་བསྲུང་ཐབས་སྤྲུལ་སྐུའི་འཁོར་ལོ།   མནན་པའི་ལས་རིམ་རི་རབ་ནག་པོ།   ཕུར་པ་དྲེགས་འདུལ་གནམ་ལྕགས་འཁོར་ལོའི་ལས་མཐའ་སྨེ་བརྩེགས་ཀྱི་བྱབ་ཁྲུས་རྒྱུད་དོན་རྣམ་དག་རྣམས་དང་།   བཞི་པ་ཊཱི་ཀ་གསལ་བྱེད་ཀྱི་སྐོར་ལ།   ཀུན་མཁྱེན་ཤནྟ་པུ་རི་པའི་བྱང་ཆུབ་སྤྱོད་པའི་སྨོན་ལམ་ཕན་བདེའི་ལྗོན་པའི་ཊཱི་ཁ་རྒྱལ་བའི་གཞུང་ལམ།   གསང་བ་སྔགས་ཀྱི་སྨོན་ལམ་འདོད་འཇོའི་དགའ་སྟོན་གྱི་འགྲེལ་པ་རིག་འཛིན་ལམ་བཟང་།   ཡོངས་རྫོགས་ཐུགས་སྒྲུབ་ཀྱི་ཧཱུྃ་བསྙེན་དམིགས་སྐོར་དཔལ་རིའི་མྱུར་ལམ།   ཀུན་བཟང་སྨོན་ལམ་གྱི་འདྲེན་བྱེད་ཊཱི་ཀའི་ཐུར་མས་བསལ་བ།   འཁོར་ལོ་འབར་བའི་དམིགས་རིམ་གྱི་དོགས་པ་ཀུན་གསལ་མེ་ལོང་རྣམས་དང་།   ལྔ་པ་ལྷ་སྲུང་གི་གསོལ་མཆོད་སྐོར་ལ།   བསངས་བརྔན་གྱི་ཆོ་ག་མཆོད་པའི་སྤྲིན་གྱི་ཁང་བཟང་།   ཕུད་སྐོང་བརྔན་སྦྱིན་རྒྱ་མཚོ།   དཔལ་མགོན་ཞལ་བཞི་པའི་སྐོང་བ་དམ་ཅན་བླ་ཆགས།   དུར་ཁྲོད་ལྷ་མོའི་མཆོད་ཐབས།   རྡོ་རྗེ་གཡུ་སྒྲོན་མའི་གསོལ་མཆོད་སྨན་བཙུན་མགུལ་རྒྱན།   དེའི་བསྐང་གསོ་ཉེར་ [191a] བསྡུས།   གནོད་སྦྱིན་ཙི་དམར་བའི་བསྐང་གསོ་དབང་དྲག་དུས་ཀྱི་ཕོ་ཉ།   རྒྱལ་ཆེན་རྣམ་སྲས་ཀྱི་བསྐང་གསོ་ཉུང་བསྡུས།   མ་སངས་ཀྱི་བསྐང་གསོ་ཉུང་བསྡུས།   བསྟན་སྲུང་དམ་ཅན་རྒྱ་མཚོའི་རུ་མཚོན་མངའ་གསོལ།   དམ་ཅན་རྒྱ་མཚོའི་སྐོང་བཤགས།   ཆོས་སྐྱོང་སྤྱིའི་ཕྲིན་བཅོལ་ཐུབ་བསྟན་མ་རྣམས་དང་།   དྲུག་པ་ཐོར་བུ་སྣ་ཚོགས་ཀྱི་སྐོར་ལ།   སྔོན་འགྲོ་དངོས་གཞིའི་ལམ་བསྡུས་མཐོ་རིས་ཐེམ་སྐས།   ཆབ་གཏོར་སྐབས་ཀྱི་ལན་ཆགས་བུ་ལོན་འཁོར་བའི་སྒྲ་དོན།   སྐྱབས་སྡོམ་འབོག་ཆོག་ཐར་པའི་འཁྲི་ཤིང་།   གནས་བརྟན་ཕྱག་མཆོད།   སྨྱུང་གནས་ཀྱི་ཆོ་ག་མདོར་བསྡུས་འདུན་པ་བཟང་པོ།   རྡོ་རྗེ་སེམས་དཔའ་ལ་བརྟེན་པའི་བླ་མའི་རྣལ་འབྱོར་མངོན་དགའི་ཞིང་སྦྱོང་།   སངས་རྒྱས་སྣང་བ་མཐའ་ཡས་ལ་བརྟེན་པའི་སྐུ་གསུམ་བླ་མའི་རྣལ་འབྱོར།   སྔ་འགྱུར་བསྟན་པའི་སྲོལ་འབྱེད་ཆེན་པོ་རྣམས་ལ་གསོལ་འདེབས།   ཇོ་བོ་རིན་པོ་ཆེ་ལ་གསོལ་འདེབས་སྨོན་ལམ་དང་འབྲེལ་བར་དབང་བཞི་ལེན་ཚུལ།   མཛད་བཅུ་དབང་བཞི་དང་སྦྱར་བ།   རྫོགས་སྨིན་སྦྱོང་བའི་ [191b] སྨོན་ལམ།   བླ་མའི་གསོལ་འདེབས་མཚང་འདོན་མ།   རིག་འཛིན་འཇིགས་མེད་གླིང་པའི་འཁྲུངས་རབ་གསོལ་འདེབས།   རྣམ་ཐར་གསོལ་འདེབས།   གཅིག་ཆོག་ནོར་བུ་ལུགས་ཀྱི་གསོལ་འདེབས།   ཡང་གསོལ་འདེབས་ལེ་ཚན་བཞི།   ཞབས་བརྟན་གསོལ་འདེབས་ལེ་ཚན་གསུམ།   རྒྱལ་སྲས་ཉིན་བྱེད་འོད་ཟེར་གྱི་ཞབས་བརྟན་གསོལ་འདེབས་ལེ་ཚན་གཉིས།   མདོ་ཁམས་རྫོགས་ཆེན་པའི་སྐྱེ་ཕྲེང་གསོལ་འདེབས།   ཇ་མཆོད་ལེ་ཚན་གཉིས།   རིག་འཛིན་འཇིགས་མེད་གླིང་པའི་འཁྲུངས་རབས་རྣམ་ཐར་ཉུང་བསྡུས།   སྔ་འགྱུར་རྙིུང་མ་ལ་རྒོལ་ངན་ལོག་རྟོག་བཟློག་པའི་བསྟན་བཅོས་ཀུན་མཁྱེན་ངག་གི་དབང་པོས་མཛད་པ་ལ་རྣོ་སོ་གསར་བསྣན་བགྱིས་པ།   ཆབ་ཤོག་གི་རིམ་པ་རྣམས་ཕྱོགས་གཅིག་ཏུ་བསྒྲིགས་པ་མིའམ་ཅིའི་ཟློས་གར།   གསན་ཡིག་ཉི་ཟླའི་རྣ་ཆ།   བཀའ་འབུམ་ཡོངས་རྫོགས་ཀྱི་བཞུགས་བྱང་ཆོས་རབ་རྣམ་འབྱེད་རྣམས་སོ།   །
༈     །གླེགས་བམ་དྲུག་པ།   ༼ཆ༽  པ་ལ།   སྔ་འགྱུར་རྒྱུད་འབུམ་རིན་པོ་ཆེའི་ནང་ཕུར་པའི་རྒྱུད་སྡེ་ལོ་པཎ་མི་གཅིག་པའི་འགྱུར་རྣམ་གྲངས་བརྒྱར་ཉེ་བ་ལས་ [192a] བསྡུས་པ་ཕུར་པ་རྒྱུད་ལུགས་ཀྱི་སྐོར་དང་།   
༈     །གླེགས་བམ་བདུན་པ།  ༼ཇ༽པ་ལ།   ཐུགས་གཏེར་ཆེན་པོ་ཀློང་ཆེན་སྙིང་ཐིག་གི་པུ་སྟི་སྔ་མ།   
༈     །གླེགས་བམ་བརྒྱད་པ།  ༼ཉ༽པ་ལ།   སྙིང་ཐིག་གི་པུ་སྟི་ཕྱི་མ་བཅས་ཀྱི་དབང་ལུང་ཁྲིད་གསུམ་ཐོབ་པའི་བརྒྱུད་པ་ནི་ལོགས་སུ་བྲིས་པ་ལྟར།   
༈     །གླེགས་བམ་དགུ་པ།  ༼ཏ༽པ་ལ།   ཀློག་པ་ཐོས་བསམ།   སྒྲུབ་པ་ནན་ཏན།   བྱ་བ་ལས་ཀྱི་འཁོར་ལོ་ཏེ་སྐོར་ཚོ་གསུམ་གཅིག་ཏུ་བསྡུས་པའི་རྣམ་མགུར་ལེགས་བྱས་ཡོངས་འདུའི་སྙེ་མ་དང་།   དེའི་བསྡུས་དོན་དོ་ཧའི་རྒྱན།   བསྐྱེད་རྗོགས་སྒོམ་ཕྱོགས་དྲིས་ལན་དང་ཞལ་གདམས་རྣམས་ཕྱོགས་སུ་བསྡེབས་པ་བཅས་ལེགས་པར་བཞུགས་སོ།   །དེ་དག་གི་བཀླག་ལུང་ཡོངས་རྫོགས་ཐོབ་པའི་བརྒྱུད་པ་ནི།   ཀུན་མཁྱེན་རིག་འཛིན་འཇིགས་མེད་གླིང་པ།   གྲུབ་ཆེན་འཇིགས་མེད་ཕྲིན་ལས་འོད་ཟེར།   ཉེ་གནས་གྲུབ་དབང་འཇིགས་མེད་ཆོས་གྲགས།   དེ་ལས་རྒྱལ་སྲས་གཞན་ཕན་མཐའ་ཡས་འོད་ཟེར་དང་།   མཁན་ཆེན་པདྨ་བཟང་པོ་གཉིས།   དེ་གཉིས་ཀས་མཁན་ཆེན་རྡོ་རྗེ་འཛིན་པ་པདྨ་བཛྲ།   འཇམ་དབྱངས་མཁྱེན་བརྩེའི་དབང་པོ།    [192b] གཏེར་སྲས་འཇིགས་མེད་ཚེ་དབང་ནོར་བུ།   གསུམ་ལྡན་རྡོ་རྗེ་འཛིན་པ་ཆེན་པོ་ཨོ་རྒྱན་རྣམ་གྲོལ་རྒྱ་མཚོའི་སྡེ།   དེས་བདག་འཇིགས་བྲལ་ཡེ་ཤེས་རྡོ་རྗེ་ལའོ།   །ཡང་ན་ལུང་ཡོངས་རྫོགས་ཀྱི་བརྒྱུད་པ་གཅིག་ལ།   རྒྱལ་སྲས་གཞན་ཕན་མཐའ་ཡས་ནས།   གླིང་སྤྲུལ་ཐུབ་བསྟན་རྒྱལ་མཚན་དཔལ་བཟང་།   ཐུབ་བསྟན་དཔལ་ལྡན་ཀུན་བཟང་ཆོས་ཀྱི་གྲགས་པ།   བཀའ་དྲིན་མཚུངས་བྲལ་གསུམ་ལྡན་རྡོ་རྗེ་འཛིན་པ་ཆེན་པོ་འགྱུར་མེད་ཕན་བདེའི་འོད་ཟེར།   དེས་བདག་འཇིགས་བྲལ་ཡེ་ཤེས་རྡོ་རྗེ་ལ་བཀའ་དྲིན་དུ་སྩལ་བའོ།།   །།