སུམ་རྟགས་ཀྱི་འགྲེལ་པ་མཁས་པའི་མགུལ་རྒྱན་མུ་ཏིག་ཕྲེང་མཛེས་ཀྱི་བརྒྱུད་པ།

Previous Text Back to Volume Page Next Text

Wylie title	sum rtags kyi 'grel pa mkhas pa'i mgul rgyan mu tig phreng mdzes kyi brgyud pa
Location	bdud 'joms rin po che bka' 'bum Volume 20, Text 33, Pages 519-520 (Folios 260a1 to 260b6)
Author	བདུད་འཇོམས་འཇིགས་བྲལ་ཡེ་ཤེས་རྡོ་རྗེ་
Citation	Dudjom Rinpoche 'Jigs bral ye shes rdo rje. Sum rtags kyi 'grel pa mkhas pa'i mgul rgyan mu tig phreng mdzes kyi brgyud pa. In Bdud 'joms 'jigs bral ye shes rdo rje'i gsung 'bum dam chos rin chen nor bu'i bang mdzod, Vol. 20: 519-520. Kalimpong: Dupjung Lama, 1979-1985.
Side notes	Recto: thob yig Verso: si tu d+harma kA ra'i sum rtags kyi 'grel pa
More details More details
Genre	Records of Teachings Received - thob yig - gsan yig
Cycle	ཟབ་པ་དང་རྒྱ་ཆེའི་དམ་པའི་ཆོས་ཀྱི་ཐོབ་ཡིག་རིན་ཆེན་སྒྲོན་མེ། (zab pa dang rgya che'i dam pa'i chos kyi thob yig rin chen sgron me)

[edit]

༄༅། ། [260a] ཨོཾ་སྭསྟི། ཆོས་ཀྱི་རྒྱལ་པོ་སྲོང་བཙན་སྒམ་པོས་འཇམ་དཔལ་དབྱངས་ཀྱི་རྣམ་པར་སྤྲུལ་པ་ཐུ་མི་སམྦྷོ་ཊ་རྒྱ་གར་དུ་བརྫངས་ཏེ་པཎྜི་ཏ་ལྷ་རིག་པའི་སེང་གེ་དང་། བྲམ་ཟེ་ལི་བྱིན་སོགས་བསྟེན་ནས་ལེགས་སྦྱར་གྱི་བརྡ་སྤྲོད་ལ་མཆོག་ཏུ་མཁས་པར་གྱུར། བོད་དུ་བྱོན་ནས་རྒྱ་ཡིག་ལྔ་བཅུ་བོད་ཡིག་སུམ་ཅུར་གཏན་ལ་ཕབ་སྟེ། བསྟན་བཅོས་ཆེན་པོ་བརྒྱད་མཛད་པའི་ནང་ཚན་སུམ་ཅུ་པ་དང་རྟགས་འཇུག་གཉིས་ཀྱི་འགྲེལ་པ་ཐམས་ཅད་མཁྱེན་པའི་སི་ཏུ་ཆོས་ཀྱི་འབྱུང་གནས་ཀྱིས་མཛད་པ་མཁས་པའི་མགུལ་རྒྱན་མུ་ཏིག་ཕྲེང་མཛེས་ཀྱི་སྟེང་ནས་ལེགས་པར་ནོས་པའི་བརྒྱུད་པ་ནི། བྲམ་ཟེ་ལི་བྱིན། ཐུ་མི་སམྦྷོ་ཊ་ནས་རིམ་པར་བརྒྱུད་དེ། ཐམས་ཅད་མཁྱེན་པ་ཆོས་སྐྱོང་བཟང་པོ། སྐྱོགས་སྟོན་ཀརྨ་ལོ་ཙཱ། དཔལ་ཁང་ལོ་ཙཱ་བ་དབྱངས་ཅན་སྙེམས་པའི་སྡེ། སྒང་ར་ལོ་ཙཱ་བ་འོད་ཟེར་རྒྱལ་མཚན། པཎྜི་ཏ་ཆེན་པོ་སྨོན་འགྲོ་ཚེ་དབང་དོན་གྲུབ། དེ་སྲས་འཇམ་དབྱངས་དབང་རྒྱལ་རྡོ་རྗེ། ཀུན་མཁྱེན་ལྔ་པ་ཆེན་པོ། ཡང་ན། པཎ་ཆེན་ཚེ་དབང་དོན་གྲུབ་ནས། མང་ཡུལ་ལོ་ཙཱ་བ་ཚེ་བརྟན་རྒྱལ་མཚན། ཀུན་མཁྱེན་ལྔ་པ། [260b] དེ་ནས་རིམ་པར། རིག་འཛིན་པདྨ་ཕྲིན་ལས། ཉང་པདྨ་དབང་དྲག །རིག་འཛིན་ཚེ་དབང་ནོར་བུ། སི་ཏུ་ཆོས་ཀྱི་འབྱུང་གནས། རྒྱལ་དབང་བདུད་འདུལ་རྡོ་རྗེ། པདྨ་ཉིན་བྱེད་དབང་པོ། འཇམ་མགོན་བློ་གྲོས་མཐའ་ཡས། ཡང་ན། པདྨ་ཕྲིན་ནས། དཀོན་མཆོག་ལྷུན་གྲུབ། རྡོ་རྗེ་སྙིང་པོ། པདྨ་བཤེས་གཉེན། ཨོ་རྒྱན་བདེ་ཆེན་གྲུབ་པ། ཨོ་རྒྱན་རང་གྲོལ་རྡོ་རྗེ། ཕྲིན་ལས་དར་རྒྱས། པདྨ་འགྲོ་འདུལ། བསྟན་འཛིན་འཕེལ་རྒྱས། འཇམ་མགོན་བློ་གྲོས་མཐའ་ཡས། དེ་ནས་རིམ་པར། མཁན་ཆེན་བཀྲ་ཤིས་འོད་ཟེར། ལྷག་བསམ་བསྟན་པའི་རྒྱལ་མཚན། རྗེ་འདི་ཉིད་ཀྱིས་གསར་བརྩམས་སུམ་རྟགས་འགྲེལ་པ་ལེགས་བཤད་སྣང་བ་དམ་པའི་བཤད་ཁྲིད་ཀྱི་རྒྱུན་བཅས། སི་ཏུ་ཆོས་ཀྱི་རྒྱ་མཚོ། མཁས་མཆོག་ངག་དབང་ལེགས་གྲུབ། བཤེས་གཉེན་དམ་པ་བློ་གྲོས་རབ་དགའ། དེས་བདག་འཇིགས་བྲལ་ཡེ་ཤེས་རྡོ་རྗེ་ལ་བཤད་རྒྱུན་ཞིབ་ཁྲིད་དུ་སྩལ་བའོ།། །།