Property:Colophontib
From Dudjom Wiki
This is a property of type Text.
ས
ཞེས་པའང་མཆོག་སྤྲུལ་འཇིགས་མེད་མཁྱེན་བརྩེའི་འོད་ཟེར་རབ་གསལ་ཟླ་བ་རྒྱས་པའི་སྡེའི་གསུང་གིས་བསྐུལ་བ་ལྟར་གཏེར་གཞུང་ཁག་ལས་བཏུས་ཏེ་འཇིགས་བྲལ་ཡེ་ཤེས་རྡོ་རྗེས་སྦྱར་བ་ཛ་ཡནྟུ། +
ཅེས་པའང་ལྷ་ལྕམ་ཀུན་བཟང་བདེ་ཆེན་མཚོ་མོའི་ཐུགས་དམ་རྒྱུན་གྱི་ཉམས་བཞེས་སུ་གཏེར་གཞུང་ལས་བཏུས་ཏེ་འཇིགས་བྲལ་ཡེ་ཤེས་རྡོ་རྗེས་སྤེལ་བ་ཨ་ཡུ་སིདྡྷི་རསྟུ། +
།ཅེས་པའང་འཇུག་པ་བདེ་བའི་ཡན་ལག་ཏུ་འཇིགས་བྲལ་ཡེ་ཤེས་རྡོ་རྗེས་སྦྱར་བ་སིདྡྷི་རསྟུ།། །།སརྦ་མངྒ་ལཾ།། +
།དེ་ལྟར་སྒྲུབ་པ་ཉམས་ལེན་གྱི་གཞུང་སྲོང་ཚུལ་མདོ་ཙམ་བརྗོད་པ་འདིའང་། ཐེག་མཆོག་འོད་གསལ་ཆོས་གླིང་གི་སྒྲུབ་གྲྭ་བ་རྣམས་ལ་ལམ་སྟོན་སྣ་ཁྲིད་ཀྱི་དམིགས་རྐྱེན་དུ། སྔ་འགྱུར་བསྟན་པའི་ཤིང་རྟ་འདྲེན་པ་ལ་མི་འཕྲོག་པའི་ཐུགས་བསྐྱེད་བརྩོན་འགྲུས་ཅན་སྤྲུལ་པའི་སྐུ་པདྨ་དབང་གི་རྒྱལ་པོའི་བཞེད་པ་བཞིན། རྒྱལ་ཁམས་པ་འཇིགས་བྲལ་ཡེ་ཤེས་རྡོ་རྗེས་བྲིས་པ་སྙིང་པོའི་བསྟན་ལ་སྨན་པའི་བཙས་སུ་གྱུར་ཅིག། །།སརྦ་དཱ་མངྒ་ལཾ།། +
།ཅེས་སྔ་འགྱུར་སྡོམ་རྒྱུན་མཁན་བརྒྱུད་ཀྱི་རྣམ་ཐར་ཉུང་གསལ་སྒྲོལ་མེའི་ཁ་སྐོང་ངེས་ཤེས་འདྲེན་པའི་ཕོ་ཉ་ཞེས་བྱ་བ་འདིའང་། བསྐལ་ངན་དུས་ཀྱི་རླུང་དམར་ཆེས་ཆེར་འཚུབས་པའི་སྐབས་འདིར་བསྟན་པའི་སྒྲོན་མེ་བཟང་པོ་ཡུན་དུ་མི་མནལ་བའི་ཆ་རྐྱེན་ཁོ་ནར་དམིགས་ཏེ། སྔ་འགྱུར་བཀའ་མའི་ཆོས་སྡེ་ཡོངས་རྫོགས་ཀྱི་བཀའི་བསྡུ་བ་ལྷུར་ལེན་པའི་སྐབས་ཐོགས་མའི་གཞི་རྩ་མདོ་ཕྱོགས་འདུལ་བའི་ཡིག་ཆ་སོ་ཐར་སྡོམ་རྒྱུན་མཁན་བརྒྱུད་ཀྱི་རྣམ་ཐར་ལོ་ཆེན་དྷརྨ་ཤྲཱིའི་གསུང་གི་ཁ་སྐོང་དུ་ད་ལྟའི་བར་གྱི་མཁན་རབས་ཀྱི་ལོ་རྒྱུས་ས་བོན་ཙམ་མེད་དུ་མི་རུང་བར་མཐོང་ནས། རང་གི་འདྲེན་པ་བཤེས་གཉེན་དམ་པ་རྣམས་ཀྱི་གསུང་སྒྲོས་ལ་སྒྲོ་སྐུར་གྱིས་མ་བསླད་པར་མདོར་བསྡུས་སྙིང་པོར་དྲིལ་བའི་ཚུལ་གྱིས་བྲིས་པ་སྟེ། ལྷ་རིགས་ཤཱཀྱའི་དགེ་བསྙེན་འཇིགས་བྲལ་ཡེ་ཤེས་རྡོ་རྗེས་སྦྱར་བ་ལས། ཐོག་མའི་ཡི་གེ་པ་ནི་ཤར་ཕྱོགས་མོན་གྱི་དགེ་བསྙེན་ཀུན་བཟང་དབང་འདུས་སོ། །འདིས་ཀྱང་བསྟན་པ་རིན་པོ་ཆེ་མི་ཉམས་གོང་ནས་གོང་དུ་འཕེལ་བའི་རྒྱུར་གྱུར་ཅིག །སརྦ་དཱ་མངྒ་ལཾ།། +
།འདི་ཡང་གལ་པོ་ཆེར་མཐོང་ནས། །སྔ་རབས་མཁས་པའི་ལེགས་བཤད་ལས། །རྣམ་གསལ་གོ་བདེར་ཉེར་བཏུས་ཏེ། །འཇིགས་བྲལ་ཡེ་ཤེས་རྡོ་རྗེས་སྦྱར། །འདིར་འབད་བསོད་ནམས་གང་ཐོབ་པ། །སྐལ་མཉམ་གཞན་ལ་ཡོངས་སྨིན་ནས། །གསང་སྔགས་ཟབ་ཡངས་བདེ་མྱུར་ལམ། །ཡིད་བཞིན་བགྲོད་པའི་དཔལ་གྱུར་ཅིག །སརྦ་དཱ་མངྒ་ལཾ།། +
།གོང་གི་ཡོ་ག་སྤྱི་གདངས་ཀྱིས་གཏོང་ཚུལ་འདི་དོང་སྤྲུགས་སོགས་སྨིན་ལུགས་དང་བསྟུན་པ་ཡིན་ལ། གཞན་དུ་ཡོ་སྤྱིའི་ཚབས་སུ་སྒར་གདངས་སམ་ཆུ་བོ་བཞི་རྟ་ཁོ་ན་བྱས་ཀྱང་ཀར་གླིང་ཞི་ཁྲོ་རང་གི་ལུགས་སྲོལ་དང་མཐུན་པར་འགྱུར་རོ།། +
བདུད་འཇོམས་པས་སོ།། +
བདུད་འཇོམས་པས་སོ། །དགེའོ།། +
རིག་འཛིན་རྡོ་རྗེའི་ངོར་བདུད་འཇོམས་པས་སྨྲས་པ་དགེའོ།། +
།ཞེས་པདྨ་འོད་གསལ་མདོ་སྔགས་གླིང་པའི་སྙན་བརྒྱུད་རྟ་མཆོག་རོལ་པའི་ཕྲིན་ལས་སྙིང་པོར་དྲིལ་བ་འདིའང་མི་རྗེ་དབང་འདུས་རྡོ་རྗེའི་ཐུགས་དམ་ཉམས་བཞེས་ཀྱི་ཆ་རྐྱེན་དུ་འཇིགས་བྲལ་ཡེ་ཤེས་རྡོ་རྗེས་བསྡེབས་པ་ཛ་ཡནྟུ།། +
ཅེས་པ་འདི་སྤྲང་པོ་བདུད་འཇོམས་རྡོ་རྗེའི་དག་སྣང་གི་ངོར་ཨོ་རྒྱན་ཆེན་པོས་གདམས་པའོ། །དགེའོ། །དགེའོ། །དགེའོ། །སརྦ་མངྒ་ལཾ།། +
ཅེས་པའང་བདག་ཅག་གི་སྟོན་པ་ཐུགས་རྗེ་ཅན་གྱི་ངོ་མཚར་བའི་མཛད་པའི་ཚུལ་ལ་རྒྱུ་མཚན་ཤེས་པའི་མོས་པ་བརྟན་པོ་ཐོབ་པ་ལས། རང་ལོ་ཉེར་བརྒྱད་དུ་སོན་པ་ལྕགས་མོ་ལུག་གི་ལོ་ཆུ་སྟོད་ཟླ་བའི་ཡར་ཚེས་རྒྱལ་བ་ལྷུམས་སུ་ཞུགས་པའི་དུས་བཟང་པོ་ལ་ལྷ་ལྡན་ར་ས་འཕྲུལ་སྣང་གི་གཙུག་ལག་ཁང་ཆེན་པོར་མཐོང་གྲོལ་ཇོ་བོ་ཡིད་བཞིན་ནོར་བུའི་སྤྱན་སྔར་བསོད་ནམས་ཀྱི་ཚོགས་ཆེན་ཀུན་ཏུ་བཟང་པོའི་མཆོད་སྤྲིན་དུ་སྤྲོས་ཏེ་བྱང་ཆུབ་མཆོག་ཏུ་སེམས་བསྐྱེད་པའི་གོ་ཆ་ཡང་དག་པར་བགོས་པའི་ཚེ་མཆོག་ཏུ་བཀའ་དྲིན་དྲན་པས་ཡིད་བསྐུལ་ཏེ་ཤཱཀྱའི་དགེ་བསྙེན་ཁྱིམ་ན་གནས་པ་འཇིགས་བྲལ་ཡེ་ཤེས་རྡོ་རྗེ་དགེ་ལེགས་རྣམ་པར་རྒྱལ་བའི་སྡེས་སྙིང་ནས་གུས་པ་ཆེན་པོས་གསོལ་བ་བཏབ་པ་སྟེ། འདིས་ཀྱང་འགྲོ་བ་ཐམས་ཅད་དེ་བཞིན་གཤེགས་པའི་བྱིན་རླབས་ཀྱི་སྣང་བ་དང་མི་འབྲལ་ཞིང་བསྟན་པའི་སྙིང་པོ་ཡུན་དུ་གནས་པའི་རྒྱུར་གྱུར་ཅིག། +
།ཞེས་པའང་མངོན་པར་འདོད་པའི་ཕྲིན་ལས་གསོལ་བའི་སླད་དུ་རིགས་སྔགས་འཆང་བ་འཇིགས་བྲལ་ཡེ་ཤེས་རྡོ་རྗེས་སྦྱར་བ་བདུད་སྡེའི་རུ་མཚོན་བསྙིལ་བའི་འཐོར་རླུང་མཆོག་ཏུ་གྱུར་ཅིག །ཛ་ཡནྟུ།། +
ཞེས་པའང་བདུད་འཇོམས་པས་སོ།། +
སྡོམ་གསུམ་རྣམ་པར་ངེས་པའི་བསྟན་བཅོས་ཀྱི་འབྲུ་འགྲེལ་བློ་གྲོས་གསར་བུའི་ཡིད་ཀྱི་གདུང་སེལ་ལེགས་བཤད་བདུད་རྩིའི་ཟ་མ་ཏོག། +
སླར་སྨྲས་པ། དེ་ལྟར་རྣམ་འདྲེན་བཞི་པའི་རིང་ལུགས་མཆོག །ཐོག་མཐའ་བར་དགེའི་ལམ་གྱི་སྲོལ་ཕྱེས་ནས། །ཀུན་ཁྱབ་ཡིད་བཞིན་ནོར་བུའི་གཏེར་ཁ་ཞིག །ཐང་མར་བརྡལ་འདི་ཁྲི་སྲོང་ཁྱོད་མིན་སུ། །ཐོག་མར་དགེ་བ་སྒོ་གསུམ་ཉེས་སྤྱོད་སྡོམ། །བར་དུ་དགེ་བ་གཞན་ཕན་གཞིར་བཅས་བསྒྲུབ། །ཐ་མར་དགེ་བ་དོན་གཉིས་ལྷུན་གྲུབ་ཀྱི། །རྒྱལ་སར་དབུགས་ཆེན་འབྱིན་ལ་བསླུ་བ་མེད། །རྨོངས་པ་བདག་ཀྱང་དེ་ལྟའི་ཚུལ་ཤེས་ནས། །ཁྱོད་ཀྱི་ལམ་བཟང་བྱི་དོར་ཅུང་བགྱིས་པ། །འདི་ལས་ལམ་བཟང་ནོར་བ་མེད་པའི་རྒྱུན། །རྣམ་འདྲེན་ལྔ་པའི་བར་དུ་གསལ་གྱུར་ཅིག །ཚུལ་འདིར་འཆད་ཉན་སྒོམ་སྒྲུབ་ཟབ་མོའི་སྲོལ། །ལྔ་བདོའི་མཐར་ཡང་ནུབ་མེད་སླར་གསལ་ནས། །འཇིག་རྟེན་ཕན་བདེར་སྤྱོད་པའི་སྐལ་བཟང་གིས། །ཞིང་རྣམས་ཀུན་ཁྱབ་བཀྲ་ཤིས་དཔལ་འབར་ཤོག །དེ་ལྟར་སྡོམ་གསུམ་རྣམ་པར་ངེས་པའི་གཞུང་འདི་ལ་འདྲེན་པ་བཀའ་དྲིན་མཚུངས་མེད་ཨོ་རྒྱན་ཆོས་འབྱོར་རྒྱ་མཚོའི་སྐུ་དྲུང་ནས་རང་ལོ་བཅུ་གཉིས་པར་རྫོགས་ཆེན་དཔལ་སྤྲུལ་འཇིགས་མེད་ཆོས་ཀྱི་དབང་པོའི་ཞལ་རྒྱུན་གཙོ་བོར་བྱས་པའི་སྨིན་ཁྲིད་ཞིབ་རྒྱས་སུ་ནོས་པ་ལས། རང་ཉིད་ནས་དེ་མ་ཐག་ཏུ་བྲིས་པའི་བརྗེད་ཟིན་འབྲུ་འགྲེལ་ལྟ་བུ་ཞིག་ཡོད་པ་ལ་ཕྱིས་སུ་ཞིབ་པར་བལྟས་པ་ན་བརྗོད་བྱའི་དོན་ལ་ནོར་འཁྲུལ་མི་འདུག་ཀྱང་རྗོད་བྱེད་ཚིག་ཚོགས་མང་ཉུང་ཅི་རིགས་པས་སྐབས་འགར་ཟློས་སྐྱོན་ལྟ་བུ་དང་། སྐབས་རེར་འབྲུ་གཉེར་མ་ཐུབ་པ་སོགས་ཁོངས་སྙོམས་པ་ཞིག་བྱུང་མི་འདུག་ཅིང་། སྤྱིར་ཡང་སྐབས་དེར་རང་ཉིད་ལོ་ན་ཕྲ་ཞིང་སྦྱངས་སྟོབས་ཀྱི་ཤེས་ཡོན་ཞན་པ་སོགས་ཀྱིས་བལྟ་གོ་ཆོད་པ་ཁྱེར་བདེ་དོན་ཚང་ཞིག་ཀྱང་བྱུང་མི་འདུག་པས་ན་ཕྱིན་ཆད་ཡིག་རྒྱུན་མི་འཕེལ་བར་བྱ་སེམས་ཁོ་ནའི་ངང་གཞན་རྐྱེན་འདུ་འཛི་མང་པོས་གཡེངས་ཏེ་རིམ་ལུས་སུ་གྱུར། ཕྱིས་སུ་རང་ལྟོས་སློབ་ཚོགས་བླ་སྤྲུལ་ཁ་ཤས་ནས་རང་རེའི་འབྲུ་འགྲེལ་འདི་ལ་བལྟ་བདེ་དོན་ཚང་ཞིག་ངེས་པར་མཐའ་སྐྱོང་ཡོད་པ་ཞེས་ཡང་ཡང་དྲན་བསྐུལ་བྱེད་མཁན་ཁ་ཤས་ཤིག་བྱུང་བ་དང་། ད་ལྟ་སྔ་འགྱུར་བཀའ་མའི་ཕྲིན་ཆོག་རྒྱབ་ཆོས་བཅས་སྤར་འདེབས་སྐབས་སུ་སྡོམ་འགྲེལ་འདི་ཡང་སྡེབས་སུ་ཚུད་ན་རྨོངས་པ་རང་འདྲ་འགའ་ལ་ཅུང་ཟད་ཕན་ཐོགས་ཡོང་རྒྱུའི་རེ་བ་བཅས་ཏེ། ལྷ་རིགས་ཤཱཀྱའི་དགེ་བསྙེན་རྣལ་འབྱོར་སྤྱོད་པ་འཇིགས་བྲལ་ཡེ་ཤེས་རྡོ་རྗེས་རང་ལོ་བརྒྱད་ཅུ་གྱ་གཅིག་པ་ཤིང་བྱི་ཧོར་ཟླ་བཅུ་པའི་ཤེས་རབ་ཀྱི་ཆ་ལ་ནུབ་ཕྱོགས་དགའ་བ་འཁྱིལ་བའི་ལྗོངས་སུ་བསྐྱོད་སྡོད་སྐབས་ཞིབ་མོར་དཔྱད་པའི་སྒོ་ནས་སྦྱར་བ་ལས། ཡི་གེ་པ་ནི་རང་གི་གམ་དུ་ཉེ་བར་གནས་པ་བློ་གསལ་བསོད་ནམས་ནོར་བུ་ནས་རྩོམ་གཞིའི་ཟིན་བྲིས་ཅི་རིགས་པར་བཏབ་ཅིང་། ཡོངས་སུ་རྫོགས་པར་སྔོན་དགེའི་བག་ཆགས་བཟང་པོས་ལས་འཕྲོ་མཐུད་པ་ལ་མི་ཞུམ་པ་རང་སློབ་མོན་གྱི་སྔགས་བཙུན་ཀུན་བཟང་དབང་འདུས་ཀྱིས་བགྱིས་པའོ། །འདིས་ཀྱང་མཆོག་གསང་པདྨའི་རིང་ལུགས་ནམ་ཡང་མི་ཉ༷མས་པར་གོང་ནས་གོང་དུ་འཕེལ་ཞིང་རྒྱས་ཏེ་རྟག་ཁྱབ་ལྷུན་གྲུབ་འབྱུང་བའི་ཆ་རྐྱེན་དམ་པར་གྱུར་ཅིག ། སརྦ་དཱ་མངྒ་ལཾ། །།
ཞེས་སྡོམ་པ་གསུམ་གྱི་ཉམས་ལེན་གསོ་སྦྱོང་གི་ཚུལ་རྒྱས་པ་ལག་ཏུ་མི་ལོན་ཅིང་བསྡུས་པའི་གནད་དོན་བསྡུ་བར་མ་ཤེས་པ་རྣམས་ཀྱི་འཇུག་སྒོར་ཅུང་ཟད་ཕན་དུ་རེ་བས་འཇིགས་བྲལ་ཡེ་ཤེས་རྡོ་རྗེས་ཁྱེར་བདེ་དོན་ཚང་དུ་བསྡེབས་པ་དགེ། +
།དེ་ལྟར་ཆོས་ཀྱི་ཡན་ལག་ཏུ་རྩ་ཁྲིད་ལས་བསྡུས་ཙམ་བདེ་བའི་རྡོ་རྗེས་ཉེར་མཁོའི་ཆེད་དུ་ཁོལ་དུ་ཕྱུང་པའོ། །དགེའོ། །སརྦ་མངྒ་ལཾ།། +
བདུད་འཇོམས་པས་སོ། །དགེའོ། །དགེའོ། །དགེའོ།། +
ཞེས་པ་འདི་ཉིད་སྐྱེས་མཆོག་བློ་ཆོས་ཀྱི་བཞེད་སྐོང་དུ་ཀློང་ཆེན་དགྱེས་པའི་རྡོ་རྗེས་བྲིས་པ་དགེའོ། +
