Property:Colophontib
From Dudjom Wiki
This is a property of type Text.
ཕ
ཅེས་པའང་རྣམ་འདྲེན་གསུང་སྤྲུལ་བཅུ་པའི་བཞེད་སྐོང་དུ་འཇིགས་བྲལ་ཡེ་ཤེས་རྡོ་རྗེས་སོ།། +
ཅེས་པའང་རྒྱུན་གྱི་ཉམས་ལེན་འཇུག་པ་བདེ་བའི་སླད་དུ་འཇིགས་བྲལ་ཡེ་ཤེས་རྡོ་རྗེས་སྦྱར་བ་ཛ་ཡནྟུ།། +
།ཞེས་པའང་ལག་ལེན་འཇུག་པ་བདེ་བའི་ཆ་རྐྱེན་དུ་འཇིགས་བྲལ་ཡེ་ཤེས་རྡོ་རྗེས་སོ། །ཛ་ཡནྟུ།། +
།འདི་འང་ཛྙཱ་ནས་སོ།། +
ཅེས་པའང་འཇིགས་བྲལ་ཡེ་ཤེས་རྡོ་རྗེས་སོ། །དགེའོ།། +
།ཞེས་པའང་གཏེར་སློབ་ཁྲོ་རྒྱལ་རྡོ་རྗེས་ལྷག་པའི་ལྷ་འདི་བསྙེན་སྐབས་ཀྱི་ཐུན་གསེང་ཞིག་ཏུ་བསྙེན་པའི་མན་ངག་དང་མི་འགལ་བར་བློ་དམན་འཇུག་པ་བདེ་བའི་ཆེད་དུ་སྦྱར་བའོ། །ཤུ་བྷཾ།། +
།ཞེས་པའང་འདི་ཉིད་ཉམས་སུ་ལེན་མཁན་འགའ་ལ་ཕན་པའི་ཕྱིར་འཇིགས་བྲལ་ཡེ་ཤེས་རྡོ་རྗེས་སོ། +
ཁོ་བོ་འཇིགས་བྲལ་ཡེ་ཤེས་རྡོ་རྗེ་རང་ལོ་སུམ་ཅུ་རྩ་བཞིར་སོན་པ་རབ་བྱུང་བཅུ་དྲུག་པའི་མེ་གླང་ཁྲུམ་སྟོད་ཀྱིས་ཉ་བར་མོན་སྤ་མགྲོ་སྟག་ཚང་སེང་ཕུག་ཏུ་ཕུར་པ་གནམ་ལྕགས་སྤུ་གྲིའི་སྒོ་ནས་བདུད་རྩི་སྨན་གྱི་སྒྲུབ་པ་བགྱིས་པའི་སྐབས་ཤིག་རྨི་ལམ་དུ་མཚོ་རྒྱལ་ཡིན་སྐད་བུ་མོ་རྒྱན་བཟང་མ་ཞིག་གིས་གནམ་ལྕགས་ཀྱི་ཕུར་པ་མཐོ་གང་ཙམ་པ་ཤིན་ཏུ་སྒྲོས་གཙང་ཞིག་གཏད་ནས། འདི་གུ་རུ་རིན་པོ་ཆེ་གནས་འདིར་རྡོ་རྗེ་གྲོ་ལོད་ཀྱི་སྐུར་བཞེངས་དུས་སྡེ་བརྒྱད་དམ་ལ་འདོགས་ཤིང་རྒྱལ་བསེན་ཚར་གཅོད་བྱེད་ཀྱི་ཕྱག་མཚན་ངོ་མ་དེ་རེད། ཕྱིས་གུང་ཐང་ལ་ཁར་ཕེབས་སྐྱེལ་གྱི་དུས་སུ་ཁོ་མོར་གནང་བ་ཡིན། ད་ལན་ཁྱེད་ལ་སྦྱིན་པ་ཡིན་གྱིས་སྙིང་ནོར་དུ་ཆོངས་ཞེས་རུམ་དུ་བཅུག་བྱུང་བར། དགའ་ཆེས་པས་ཕྱག་ནས་བཙན་ཐབས་སུ་འཕྲོག་སྟེ། ཐོག་མར་དབང་ཞིག་ལེན་དགོས་སྙམ་སྤྱི་བོ་དང་མགྲིན་པར་གཏུགས། སྙིང་གར་རེག་མ་ཐག་ཕྱག་མཚན་ཕུར་པ་དང་རང་ལུས་དབྱེར་མེད་དུ་འདྲེས་ནས་ཁོག་སྟོད་ད་ལྟའི་ལུས་འདི་རང་ལ་ཁོག་སྨད་ལྕགས་ཕུར་མེའི་ཚྭ་ཚྭ་འཕྲོ་བར་གྱུར་ཏེ་ངག་ནས་ཀཱི་ལ་ཡ་སྒྲོགས་པས་ས་ཀུན་གཡོ་བ་སྙམ་བྱེད། དེར་བུ་མོ་དེས་འོ་དབང་དང་བྱིན་རླབས་དངོས་གནས་དེ་རེད། རྒྱུད་ལུང་མན་ངག་གཅིག་དྲིལ་གྱི་གཏེར་མཛོད་དེ་ཡིན། འདི་ཡལ་བར་མ་དོར་ན་དགོས་པ་ཆེན་པོ་ཡོད། སྔོན་དུས་གུ་རུ་རིན་པོ་ཆེའི་དྲུང་ནས་དབང་དང་གདམས་ངག་བཀའ་རྫོགས་ལུང་རྫོགས་སུ་ཞུས་པ་ཨེ་དྲན་ཟེར་ཞིང་ལག་ནས་འཇུས་ཏེ་འཐེན་བྱུང་བས་གཉིད་སད། དེ་འཕྲལ་སྔར་གྱི་བག་ཆགས་མང་པོ་འལ་འོལ་དྲན་ཅིང་། ཁྱད་པར་ཕུར་པའི་ཆོས་བསྐོར་བཀྲ་ལམ་གྱིས་ཡིད་ངོར་གསལ་བ་བྱུང་སྟེ། རིག་པའི་ཀློང་ནས་གང་བརྡོལ་བརྡ་ཐད་ཀར་བསྒྱུར་ན་གཏེར་སྟོན་གོང་མ་གཉིད་ཀྱི་ཆོས་སྐོར་ལས་ཀྱང་རྒྱས་ཤིང་མན་ངག་ཕྲིན་ལས་ལས་ཚོགས་གྱི་རིམ་པ་སྔར་མ་གྲགས་པའང་ཇི་སྙེད་ཅིག་སྣང་མོད་ཀྱི། འོན་ཀྱང་དེང་དུས་འདི་རིགས་གསར་དུ་འབེབས་པ་ངལ་བ་དོན་མེད་དུ་མཐོང་ནས་བཏང་སྙོམས་སུ་བཞག །ཕྱིས་རང་ལོ་ཞེ་ལྔ་པ་ས་བྱི་ཆོ་འཕྲུལ་ཟླ་བའི་ཚེས་བཅུར་ཕྱི་ནང་གི་རྐྱེན་དུ་མས་བསྐུལ་ཏེ་རང་སྐལ་ཡལ་བར་མི་དོར་བའི་ས་ཁོངས་འཛིན་ཕྱིར་སྙིང་པོའི་ཞུན་ཐིག་རྩ་ཐོ་ཙམ་གཏན་ལ་ཕབ་པ་སྟེ། ཆོས་བདག་མཁའ་འགྲོ་དམ་ཅན་རྒྱ་མཚོའི་ཚོགས་ཀྱིས་གཉེར་ཁ་ཐུབ་པར་མཛོད་ཅིག། ཨྠིྀ།། +
།ཞེས་པའང་དགེ་སློང་རིགས་སྔགས་འཆང་བ་བྱམས་པ་ཆོས་འཛིན་གྱི་བཞེད་པ་བཞིན་འཇིགས་བྲལ་ཡེ་ཤེས་རྡོ་རྗེས་སོ།། +
ཞེས་པའང་ལམ་འདིར་མོས་པ་ལྷུར་ལེན་པ་དགེ་སྦྱོང་ཤེས་རབ་གོ་ཆས་བསྐུལ་བ་ལས། དགེ་བསྙེན་རྣལ་འབྱོར་སྤྱོད་པ་འཇིགས་བྲལ་ཡེ་ཤེས་རྡོ་རྗེས་ཐུན་གསེང་གཅིག་ལ་ཤར་མར་སྤེལ་བ་དགེ་ལེགས་སུ་གྱུར་ཅིག +
།ཞེས་པའང་ལྷ་རིགས་ཀྱི་སྔགས་བན་འཇིགས་བྲལ་ཡེ་ཤེས་རྡོ་རྗེས་སོ།། +
།ཞེས་པའང་འཇིགས་བྲལ་ཡེ་ཤེས་རྡོ་རྗེས་སོ། །སརྦ་མངྒ་ལཾ༎ +
།ཞེས་པའང་རྒྱུན་གྱི་གཏོར་ཆོག་འཇུག་པ་བདེ་བའི་དབང་དུ་བྱས་ཏེ་འཇིགས་བྲལ་ཡེ་ཤེས་རྡོ་རྗེས་སྦྱར་བ་ཛ་ཡནྟུ།། +
བདུད་འཇོམས་པས་སོ།། +
ཅེས་པ་འདི་སྤྲུལ་པའི་སྐུ་མཆོག་སྣ་ཚོགས་རང་གྲོལ་གྱིས་བསྐུལ་ངོར་བདུད་འཇོམས་རྡོ་རྗེས་སྨྲས་པ་ཡོངས་སུ་དགེ་བར་གྱུར་ཅིག །ཛ་ཡནྟུ།། +
བ
དེ་ལྟར་བཀའ་བརྒྱད་ཁྲོ་བོ་རོལ་པའི་དམར་ཆེན་གཏོར་ཟློག་གི་ལས་རིམ་སྙིང་པོར་དྲིལ་བ་དགྲ་བགེགས་དཔུང་འཇོམས་ཞེས་བྱ་བ་འདིའང་། རིག་སྔགས་འཆང་བའི་རྣལ་འབྱོར་པ་འཁྲུལ་ཞིག་རྡོ་རྗེས་བསྐུལ་བ་བཞིན། ཕྲིན་ལས་ཀྱི་སྦྱོར་བ་རྒྱས་པ་ལག་ཏུ་མི་ལོན་པ་དང་། གློ་བུར་རལ་གྲི་ཕྱུང་བ་བརྡེག་ཏུ་བསྒྲུབ་དགོས་པ་སོགས་ལ་ཉེ་བར་མཁོ་ཞིང་ཕན་པའི་ཕྱིར། བདེ་གཤེགས་འདུས་པ་གཙོ་བོར་གྱུར་པའི་གཏེར་ཁ་གོང་འོག་རྣམས་ཀྱི་མན་ངག་གི་བཅུད་ཕྱུངས་ཏེ། དུས་ཀྱི་མཐའི་སྔགས་འཆང་སྙོམས་ལས་པ་འཇིགས་བྲལ་ཡེ་ཤེས་རྡོ་རྗེས་རང་ལོ་ལྔ་བཅུ་ང་གཉིས་པར་སོན་པ་མྱོས་བྱེད་ཀྱི་ལོ་ཁྲུམས་སྟོད་ཉ་པའི་དམར་ཕྱོགས་ཀྱི་རྫོགས་པ་དང་པོ་ལ་དཔལ་བསམ་ཡས་མི་འགྱུར་ལྷུན་གྱིས་གྲུབ་པའི་གཙུག་ལག་ཁང་ཆེན་པོར་བསྡེབས་པའོ།། །།འདིས་ཀྱང་བསྟན་འགྲོར་འཚེ་བའི་དཔུང་ཚོགས་ཚེ་གཅོད་པའི་རྒྱུར་གྱུར་ཅིག། ཛཡནྟུ།། +
ཅེས་པའང་ཕྲིན་ལས་དཔལ་ཆེན་ཐུགས་ཐིག་གི་ཆ་ལག་ཏུ་འཇིགས་བྲལ་ཡེ་ཤེས་རྡོ་རྗེས་སོ།། +
།སླར་ཡང་རིགས་བདག་བླ་མ་ཉིད་ཀྱི་ཞལ་སྔ་ནས་ཕྱག་བཞེས་ཞིབ་མོར་ནོས་སྟབས་གཙང་དག་ཏུ་གཏན་ལ་འབེབས་པ་པོ་ནི་འཇིགས་བྲལ་ཡེ་ཤེས་རྡོ་རྗེའོ། །དགེའོ།། +
བཀའ་བརྒྱད་བདེ་འདུས་དང་འབྲེལ་བའི་བདུད་རྩི་སྨན་སྒྲུབ་ལག་ལེན་གྱི་ཟིན་ཏིག་དམ་པའི་ཞལ་རྒྱུན་གྲུབ་གཉིས་མཆོག་སྦྱིན། +
།ཅེས་བཀའ་བརྒྱད་བདེ་འདུས་དང་སྦྱར་བའི་བདུད་རྩི་སྨན་སྒྲུབ་ཀྱི་ལག་ལེན་ཟིན་ཏིག་འདི་ཡང་། རྗེ་གཏེར་ཆེན་བླ་མའི་དགོངས་དོན་བཞིན་ཨོ་རྒྱན་སྨིན་གྲོལ་གླིང་ངེས་པ་དོན་གྱི་དགའ་བའི་ཚལ་ཆེན་པོར་འདུ་བའི་རིག་པ་འཛིན་པའི་ཚོམ་བུ་རྣམས་ཀྱི་ཕྱག་ལེན་འཁྲུལ་མེད་ཀྱི་རྒྱུན་ཉིད་མི་ཉམས་ཤིང་འཕེལ་བའི་ཕྱིར་གཙང་དག་ཏུ་སྨིན་གླིང་གྲྭ་ཐ་རྨོངས་བརྟུལ་པྲ་ཛྙཱའི་མིང་གིས་ཡོན་ཏན་རྒྱ་མཚོའི་འབྱུང་གནས་ཆོས་གྲྭ་ཆེན་པོ་དེ་ཉིད་དུ་བཀོད་པ་དགེ་ལེགས་འཕེལ། སླར་ཡང་མཚུངས་མེད་བླ་མ་རྡོར་འཛིན་རྣམ་གྲོལ་རྒྱ་མཚོའི་ཞལ་སྔ་ནས་ཁོ་བོ་འཇིགས་བྲལ་ཡེ་ཤེས་རྡོ་རྗེ་ལ་གསང་ཆེན་མྱུར་ལམ་གྱི་སྟེང་ནས་དམིགས་པའི་གོ་དོན་དང་ཕྱག་ལེན་གྱི་གནད་སོགས་པ་བསླབ་ཁྲིད་ཀྱི་རིམ་པ་དཔྱིས་ཕྱིན་པར་བཀའ་དྲིན་དུ་སྩལ་བའི་སྐབས་སུ་དཔྱད་ཞུས་རྣམ་པར་དག་པས་གཏན་ལ་ཕབ་པ་སིདྡྷི་རསྟུ།། +
།ཞེས་པའང་སྔགས་བན་པདྨ་ཀློང་གྲོལ་གྱིས་དོན་དུ་གཉེར་བའི་ངོར་འཇིགས་བྲལ་ཡེ་ཤེས་རྡོ་རྗེས་བྲིས་པ་མ་རུང་གདོན་ཚོགས་གཅིག་ཅར་དུ་འཇོམས་པའི་རྒྱུར་གྱུར་ཅིག། ཛ་ཡནྟུ། +