Property:Colophontib
From Dudjom Wiki
This is a property of type Text.
ན
ཅེས་པའང་སློབ་དཔོན་ངག་དབང་ཨོ་རྒྱན་བསྟན་འཛིན་གྱི་བཞེད་སྐོང་དུ། སྙོམས་ལས་པ་འཇིགས་བྲལ་ཡེ་ཤེས་རྡོ་རྗེས་དཀར་པོའི་ཕྱོགས་ཀྱི་དུས་ཚེས་བཟང་པོར་ཤར་མར་སྦྱར་བ་ཛ་ཡནྟུ༎ +
།ནོར་བདག་ཨ་པ་ར་ཙིཏྟ་སྒྲུབ་ཐབས་འདོད་རྒུ་ཆར་འབེབས་ཞེས་བྱ་བ་འདི་ནི་ཀོང་པོ་ང་ཕོད་ནས་མཁྱེན་རྟོགས་ཡོན་ཏན་གྱི་བདག་ཉིད་སློབ་དཔོན་ངག་དབང་ཨོ་རྒྱན་བསྟན་འཛིན་གྱིས་ལྷ་རྫས་མེ་ཏོག་གི་སྐྱེས་དང་བཅས་རིང་མོའི་དུས་ནས་གསུང་བསྐུལ་ནན་ཆགས་སུ་གནང་བའི་བཞེད་སྐོང་དུ། གཏེར་འབྱིན་རིག་འཛིན་ཆེན་པོའི་ཐུགས་རྗེའི་ཟླ་ཟེར་སྙིང་ལ་ཞུགས་པས་བློ་གྲོས་ཀྱི་ཀུནྡ་ཅུང་ཟད་འཛུམ་པ་འཇིགས་བྲལ་ཡེ་ཤེས་རྡོ་རྗེས་གཏེར་གཞུང་གི་དགོངས་པ་རྩ་བར་བཟུང་། མངོན་རྟོགས་སོགས་བརྗོད་བདེའི་ཚིགས་བཅད་དུ་བསྡེབས་ཤིང་ཁ་སྐོང་དུ་འོས་པ་ཅི་རིགས་པས་མི་འགལ་བར་བརྒྱན་ཏེ། རང་ལོ་ཉེར་གཉིས་པ་ཤིང་མོ་གླང་གི་ལོ་ས་ག་ཉ་བའི་དཀར་ཕྱོགས་ཀྱི་དགའ་བ་གཉིས་པ་འགྲུབ་པའི་སྦྱོར་བ་དང་ལྡན་པའི་ཚེས་ལ་རང་གནས་མཁན་ལྗོངས་བདེ་ཆེན་ཆོས་འཁོར་གླིང་དུ་སྦྱར་བ་དགེ་ལེགས་སུ་གྱུར་ཅིག །སརྦ་མངྒ་ལཾ།། +
།ནོར་གྱི་བདག་པོའི་སྦྱིན་སྲེག་གི་ཆོ་ག་འདོད་རྒུ་ལྷུན་གྲུབ་ཅེས་བྱ་བ་འདི་ནི། ཀོང་པོ་ང་ཕོད་ནས་མཁྱེན་རྟོགས་ཡོན་ཏན་གྱི་བདག་ཉིད་སློབ་དཔོན་ངག་དབང་ཨོ་རྒྱན་བསྟན་འཛིན་གྱི་གསུང་བསྐུལ་ནན་ཆགས་སུ་གནང་བའི་བཞེད་སྐོང་དུ། སྙོམས་ལས་པ་འཇིགས་བྲལ་ཡེ་ཤེས་རྡོ་རྗེས་གཏེར་གཞུང་གི་དགོངས་པ་མན་ངག་གིས་གསལ་བར་བགྱིས་ཏེ་དཀར་པོའི་ཕྱོགས་ཀྱི་འགྲུབ་པའི་སྦྱོར་བ་དང་ལྡན་པའི་ཕྱི་དྲོའི་ཐུན་གཅིག་ལ་རང་གནས་བདེ་ཆེན་ཆོས་འཁོར་གླིང་དུ་སྦྱར་བ་དགེ་ལེགས་སུ་གྱུར་ཅིག། །།སརྦ་མངྒ་ལཾ།། +
ཞེས་པ་འདི་ཉིད་ཚུལ་ཁྲིམས་རྡོ་རྗེ་དང་དབང་འདུས་གཉིས་ཀྱིས་ནན་དུ་བསྐུལ་ངོར་བདུད་འཇོམས་རྡོ་རྗེས་གཏན་ལ་ཕབ་པའོ། །དགེའོ།། +
པ
ཅེས་པའང་ཐུགས་སྒྲུབ་ནོར་བུ་རྒྱ་མཚོའི་ལས་བྱང་གི་ཡན་ལག་ཏུ་འཇིགས་བྲལ་ཡེ་ཤེས་རྡོ་རྗེས་སོ།། +
ཅེས་པའང་ཞི་ཁྲོ་ཀུན་བཟང་དགོངས་འདུས་ཀྱི་ལས་བྱང་ཆོག་ཁྲིགས་ཕྲིན་ལས་ཀུན་ཁྱབ་དང་འབྲེལ་བར་འཇུག་བདེའི་ཆ་ལག་ཏུ་འཇིགས་བྲལ་ཡེ་ཤེས་རྡོ་རྗེས་སོ།། +
།ཅེས་པད་གླིང་འཁྲུངས་རབས་རྟོགས་བརྗོད་ཀྱི་ཁ་སྐོང་ཅུང་ཟད་གསལ་བར་བྱས་པ་འདིའང་། སྔ་སོར་ལྷ་ལུང་ཐེག་མཆོག་རབ་རྒྱས་གླིང་གི་བླ་གྲྭ་ལྷན་ནས་སྐུ་ཕྲེང་གསུམ་གྱི་མཛད་རྣམ་ཧྲོབ་བསྡུས་རྩོམ་གཞིའི་ཟིན་བྲིས་དང་བཅས་གོ་བདེའི་བསྒྲིག་རྩོམ་དགོས་ཚུལ་གྱི་གསུང་བསྐུལ་ཡང་ནས་ཡང་དུ་གནང་ཡང་ཟིན་མེད་རྣམ་གཡེང་གི་ཁོལ་པོར་འཕྱན་ཏེ་རིམ་ལུས་སུ་གྱུར་པ། ད་ཆ་རྒྱལ་ཡུམ་ཕུན་ཚོགས་ཆོས་སྒྲོན་མཆོག་ནས་ཆོས་རྒྱུན་མི་ཉམས་གོང་འཕེལ་གྱི་བཙས་སུ་གཏེར་ཆོས་སྐོར་ཡོངས་རྫོགས་རྣམ་ཐར་ཁ་སྐོང་དང་བཅས་པ་ཆོས་སྦྱིན་མི་འཛད་པའི་འཕྲུལ་སྤར་དུ་འདེབས་བསྐྲུན་གནང་བ་ན་ལོ་རྒྱུས་ཆ་ཚང་བའི་ཕྱིར་ཤིན་ཏུ་ཉེར་མཁོར་གྱུར་ཏེ། རྩོམ་གཞི་སྔར་ཡོད་ཀྱི་སྟེང་དུ་རིགས་བདག་བླ་མའི་གསུང་སྒྲོས་སོགས་དོན་ལ་གནས་ངེས་པའི་ལོ་རྒྱུས་ཇི་ལྟར་རིགས་པས་གསལ་བར་བྱས་ཤིང་ཕྱོགས་འཛིན་སྒྲོ་བཏགས་ཀྱི་དྲི་མས་མ་སྦག་པར། རྒྱལ་ཁམས་པ་འཇིགས་བྲལ་ཡེ་ཤེས་རྡོ་རྗེས་རང་ལོ་བདུན་ཅུ་རྩ་གཉིས་པར་སོན་པ་རབ་བྱུང་བཅུ་དྲུག་པའི་ཤིང་ཡོས་ས་ག་ཉ་བའི་ཡར་ཚེས་དགེ་བར། བལ་ཡུལ་ཨེའི་གཙུག་ལག་ཁང་གི་ཉེ་འགྲམ་དུ་གྲུབ་པར་བགྱིས་པ་འདི་ཡོངས་སུ་དགེའོ།། +
ཅེས་པའང་གཏེར་སྟོན་བླ་མ་ཉིད་ཀྱི་བཞེད་པ་བཞིན་འཇིགས་བྲལ་ཡེ་ཤེས་རྡོ་རྗེས་སོ།། +
ཅེས་པའང་དད་ཤེས་ཀྱི་བློ་མིག་ཡངས་པ་མགྲོན་གཉེར་བླ་མ་རིན་ཆེན་ནོར་བུ་ནས་ཡང་ཡང་བསྐུལ་བ་དང་། ཉེ་ཆར་མཁན་ཆེན་བླ་མ་ངག་དབང་ལེགས་གྲུབ་ཀྱི་གསུང་གིས་བསྐུལ་ངོར། འོད་སྟོང་གི་དྲྭ་བས་རྒྱུ་སྐར་མེ་བཞིའི་འཁོར་ལོར་མཛེས་པའི་ཉིན་པར་ཟབ་ཆོས་ཀྱི་སྐལ་པ་ཐོབ་པ་བདུད་འཇོམས་ནམ་མཁའི་རྡོ་རྗེས་བྲིས་པ་དགེ་ཞིང་བཀྲ་ཤིས།། +
།ཞེས་པའང་ཉེར་མཁོའི་ཡན་ལག་ཏུ་བདུད་འཇོམས་ནམ་མཁའི་རྡོ་རྗེས་བྲིས་པ་འགྲོ་ཀུན་འཆི་བའི་འཇིགས་པ་ལས་མྱུར་དུ་གྲོལ་བའི་རྒྱུར་གྱུར་ཅིག །སརྦ་མངྒ་ལཾ།། +
པདྨ་གསང་བའི་ཐིག་ལེ་ལས། ཕྲིན་ལས་རྣམ་པ་བཞི་མྱུར་དུ་སྒྲུབ་པའི་སྲེག་བླུགས་ཀྱི་ཆོ་ག་སྣ་ཚོགས་ནོར་བུའི་བང་མཛོད། +
།ཞེས་པའང་མདོ་སྨད་གསེར་ཐར་དུང་དཀར་དགོན་གྱི་མཆོག་སྤྲུལ་ནས་དོ་གལ་ཆེན་པོས་བསྐུལ་བ་བཞིན། བདུད་འཇོམས་ནམ་མཁའི་རྡོ་རྗེས་བྲིས་པ་ལས་བཞིའི་ཕྲིན་ལས་ལྷུན་གྱིས་གྲུབ་པའི་རྒྱུར་གྱུར་ཅིག །སརྦ་མངྒ་ལཾ།། +
།ཞེས་པའང་རིམ་གཉིས་ཟབ་མོའི་རྣལ་འབྱོར་གུ་རུ་ཨ་ཡུནྡྲི་དང་། བཛྲ་མིང་ཅན་ཟུང་གིས་བསྐུལ་ངོར། བདུད་འཇོམས་ནམ་མཁའི་རྡོ་རྗེས་བྲིས་པ་དགེ་ཞིང་བཀྲ་ཤིས། +
ཞེས་པའང་མདོ་སྨད་གསེར་ཐར་དུང་དཀར་དགོན་གྱི་མཆོག་སྤྲུལ་ནས་གསུང་བསྐུལ་གནང་བ་ལྟར་བདུད་འཇོམས་ནམ་མཁའི་རྡོ་རྗེས་བྲིས་པ་འབྲེལ་ཚད་ཐམས་ཅད་མངོན་པར་དགའ་བའི་ཞིང་དུ་སྐྱེ་བའི་རྒྱུར་གྱུར་ཅིག །སརྦ་མངྒ་ལཾ།། +
།ཞེས་པའང་ཀོང་ཡུལ་སྒོམ་ཆེན་ཨོ་རྒྱན་རང་གྲོལ་གྱི་ཐུགས་དམ་རྒྱུན་ཁྱེར་དུ་བདུད་འཇོམས་ནམ་མཁའི་རྡོ་རྗེས་བྲིས་པ་དགེ། +
ཞེས་པའང་དགེ་འཕེལ་མཚན་ནས་བསྐུལ་བའི་ངོར་རྗེ་དྲུང་པས་བྲིས་པ་དགེ། +
* '''First colophon page 51:'''
ཁོ་བོ་རིག་འཛིན་བདུད་འཇོམས་རྡོ་རྗེ་བདག་སྔོན་སྨོན་རྟེན་འབྲེལ་གྱི་སྣང་བས་ཡོངས་སུ་བཟུང་སྟེ་མདོ་ཁམས་ཡེ་རྒྱལ་ནམ་མཁའ་མཛོད་ཀྱི་གསང་ཕུག་ནས་དངོས་གྲུབ་ཐོབ་པའི་ཤོག་སེར་མཁའ་འགྲོའི་བརྡ་ཡི་ཆོ་འཕྲུལ་ལས་ཡོངས་སུ་རྫོགས་པ་ས་ལ་སྤྱོད་པའི་གྲོང་ཁྱེར་བདེ་ཆེན་པདྨ་བཀོད་ཀྱི་གནས་ཀྱི་གཙོ་བོ་ཀུན་འདུས་བདེ་གཤེགས་ཕོ་བྲང་གི་བྱང་ཤར་མཁའ་འགྲོ་འདུ་བའི་གླིང་སྤང་ལྗོངས་སུ་ཟླ་ཞུན་ཐགས་སུ་བཏགས་པའི་ངང་ཚུལ་གྱི་ལྡིང་གུར་དུ་ལེགས་པར་གཏན་ལ་ཕབས་ཏེ་བཀོད་པ་ཕྱོགས་དུས་ཐམས་ཅད་དུ་བཀྲ་ཤིས་དགེ་ལེགས་ཀྱི་དཔལ་ཡོན་ཡོངས་སུ་དར་བའི་རྒྱུར་སིདྡྷི་རསྟུ།།
* '''Second colophon page 55:''' ཞེས་པའང་ཁོ་བོ་བདུད་འཇོམས་རྡོ་རྗེའི་ཟབ་གཏེར་གྱི་གསང་བའི་མན་ངག་ཡང་དག་པའོ། །སརྦ་མངྒལཾ། བཀྲ་ཤིས།།
+
ཁོ་བོ་གསང་མིང་བདུད་འཇོམས་རྡོ་རྗེས་མདོ་ཁམས་ནམ་མཁའ་མཛོད་ཀྱི་གསང་ཕུག་གོང་མ་ནས་ལ་བསེའི་རྡོ་རྗེ་འཁྱུད་གང་བ་ཞིག་དངོས་གྲུབ་ཏུ་ཐོབ་པའི་སྨིན་བྱེད་དབང་གི་བྱང་བུ་ལས་མཁའ་འགྲོ་བརྡ་བཀྲོལ་གྱིས་གཏན་ལ་ཕབ་པ་བོད་ཡུལ་མཐའ་དབུས་བདེ་སྐྱིད་ཀྱི་དཔལ་ལ་སྤྱོད་ཅིང་མགོན་པོ་པདྨ་ཀཱ་རའི་གོ་འཕང་ཐོབ་པའི་རྒྱུར་གྱུར་ཅིག༔ +
།ཞེས་པའང་ཉེར་མཁོའི་ཡན་ལག་ཏུ་བདུད་འཇོམས་ནམ་མཁའི་མིང་གིས་བྲིས་པ་དགེ། +
ཕ
ཅེས་བླ་མ་དགེ་ལོའི་ངོར་བདུད་འཇོམས་པས་སྨྲས་པ་ཡོངས་སུ་དགེ་བར་གྱུར་ཅིག །དགེའོ།། +
ཞེས་བཙུན་ཆུང་སྐུ་མཆོག་པས་བསྐུལ་ངོར་བདུད་འཇོམས་པས་སྨྲས་པའོ།། +
