Property:Colophontib

From Dudjom Wiki

This is a property of type Text.

View ( | ) (20 | 50 | 100 | 250 | 500)
Showing 20 pages using this property.
ག
བདུད་འཇོམས་འཇིགས་བྲལ་ཡེ་ཤེས་རྡོ་རྗེས། །སྤྱི་ལོ་༡༩༧༦ཟླ་༥ཚེས་༣ལ་བྲིས།།  +
ཅེས་པ་འདི་ནི་སྐྱབས་གནས་བླ་མ་རིན་པོ་ཆེ་བསོད་ནམས་བཟང་པོས་ཕྱག་བྲིས་ཀྱི་ལམ་ནས་བསྐུལ་མ་ཕེབས་པ་བཞིན་ལྡོམ་བུ་བ་ཕྲིན་ལས་ནོར་བུས་རང་གི་བསྟི་གནས་བྲེ་ཁ་འོད་གསལ་ཆོས་གླིང་ནས་བྲིས་ཏེ་ཕུལ་བ་དགེ། །།  +
* '''First colophon:''' །ཞེས་པའང་སྐབས་འགའ་ཞིག་ཏུ་མདུན་དཀྱིལ་སོགས་ཀྱི་སྤྲོས་པ་མི་ལྕོགས་པར་ཉམ་ཐག་གློ་བུར་རྗེས་འཛིན་གྱི་ཆ་རྐྱེན་ལ་ཕན་པའི་ཕྱིར་འཇིགས་བྲལ་ཡེ་ཤེས་རྡོ་རྗེས་འཇུག་བདེ་དོན་ཚང་དུ་སྦྱར་བ་ཤུ་བྷཾ།། * '''Second colophon:''' །ཞེས་པའང་ཛྙཱ་ནས་སོ།།   +
།ཞེས་པའང་བཤེས་གཉེན་རྡོ་རྗེ་འཛིན་པ་ཨོ་རྒྱན་ཐེག་མཆོག་བསྟན་འཛིན་གྱི་གསུང་གི་ངོར། འཇིགས་བྲལ་ཡེ་ཤེས་རྡོ་རྗེས་གྲུབ་པ་མཆོག་གི་མན་ངག་ལ་བརྟེན་ནས་སྟན་ཐོག་གཅིག་ཏུ་ཤར་མར་བྲིས་པ་སརྦ་ལོ་ཀ་པཱ་ཤཾ་ཀུ་རུ་སིདྡྷི་རསྟུ།།  +
དེ་ལྟར་གནོད་སྦྱིན་ཆེན་པོ་ནང་ལྟར་གཏེར་གྱི་བདག་པོར་སྒྲུབ་པའི་ཕྲིན་ལས་འདོད་རྒུ་ཆར་འབེབས་དབང་གི་རྒྱལ་པོ་ཞེས་བྱ་བ་འདི་ནི། རྒྱུད་དང་མན་ངག་གི་དགོངས་པ་གུད་དུ་ཕྱུངས་ཏེ་རང་གི་རིགས་ཆོས་ཀྱི་རྗེས་སུ་འབྲང་བ་རྣམས་ལ་ཕན་པའི་ཕྱིར། འཇིགས་བྲལ་ཡེ་ཤེས་རྡོ་རྗེས་ས་སྐྱོང་གི་ལོ་མགོ་ཉ་བའི་ཡར་ངོ་འགྲུབ་པའི་སྦྱོར་བ་དང་ལྡན་པའི་དུས་ཀྱི་ཚེ། མཆིམས་ཀྱི་ཀོང་ཡུལ་ལྗོན་པའི་སའི་ཐིག་ལེ་བུ་ཆུ་བདེ་ཆེན་སྟོང་གི་རིག་པ་འཛིན་པའི་དགའ་ཚལ་དུ་སྦྱར་བ་ལས། ཐོག་མའི་གླེགས་བམ་དུ་འགོད་པ་པོ་ནི་ང་ཕོད་ལོངས་པོ་པདྨ་ཆོས་གླིང་གི་བཤེས་གཉེན་རྡོ་རྗེ་འཛིན་པ་ཨོ་རྒྱན་ཐེག་མཆོག་བསྟན་པའི་རྒྱལ་མཚན་གྱིས་མཛད་པ་སྟེ། འདིས་ཀྱང་ཕན་བདེའི་འདོད་རྒུ་ཡིད་བཞིན་དུ་འཇོ་བའི་རྒྱུར་གྱུར་ཅིག །སིདྡྷི་རསྟུ།།  +
ཞེས་པའང་ཉིང་འཁྲུལ་དུ་མི་དམར་བརྗིད་ཅན་ཁ་ཤས་བྱུང་ནས་ངེད་ཚོ་དཀའ་ལས་ཆེ་ཤོས་རྒྱག་མཁན་ཡིན་ཀྱང་ཅུང་སྣང་ཆུང་གནང་གི་མེད་དམ་ཞེས་མ་རང་བའི་གཏམ་ཟུར་སྨྲ་བ་ཞིག་རྨིས་པས་དེ་འཕྲལ་འདི་ཉིད་བྲིས་ཏེ་བསྐང་གསོ་བཏང་བས་ངོ་སོ་ཐོན་པའི་སྣང་བའང་བྱུང་ཞེས་འཇིགས་བྲལ་ཡེ་ཤེས་རྡོ་རྗེས་སོ།།  +
།ཞེས་པའང་རང་གཞན་རྣམས་རྒྱུན་གྱི་ཉམས་ལེན་ལ་འཇུག་བདེའི་སླད་དུ། འཇིགས་བྲལ་ཡེ་ཤེས་རྡོ་རྗེས་གཏེར་གཞུང་ལས་ཅུང་ཟད་བསྡུས་ཏེ་སྦྱར་བ་དགེ་ལེགས་སུ་གྱུར་ཅིག །སརྦ་མངྒ་ལཾ༎  +
།འདི་ནི་བདུད་འཇོམས་ཟབ་གཏེར་གྱི་བཀའ་སྲོལ་ཉིད་གཙོ་བོ་བྱས་ནས་བཀོད་མོད་ཀྱི། ལས་འབྲེལ་རྩལ་དང་། རཏྣ་གླིང་པའི་ཤན་དམར་ཡང་དོན་གྱིས་ཆུ་བོ་གཅིག་འདྲེས་སུ་འགྱུར་བ་ཡིན་ཅིང་། སྲོག་དབང་གི་ཆོ་ག་གཏེར་གཞུང་བཞིན་ཤེས་པར་བྱའོ།།  +
ཞེས་པ་འདི་ཁྲོམ་ཟ་ལི་ཐར་གྱིས་བསྐུལ་ངོར་བདུད་འཇོམས་རྡོ་རྗེས་ནམ་མཁའི་མཛོད་ལས་བསྒྱུར་བའོ། །དགེའོ། །དགེའོ། །དགེའོ།།  +
ཞེས་བདུད་འཇོམས་པས་སྨྱོ་གླུ་ཉུང་བསྡུས་གཏིང་ཟབ་པ་ཀུན་གྱིས་རྟོགས་པར་དཀའ་བ་ལྷུན་གྲུབ་རྡོ་རྗེའི་ངོར་སྨྲས་པ་ཡོངས་སུ་དགེ་བར་གྱུར་ཅིག །དགེའོ། །སརྦ་མངྒ་ལཾ།།  +
ཞེས་བདུད་འཇོམས་རྡོ་རྗེས་ནམ་མཁའི་མཛོད་ལས་བསྒྱུར་བའོ། །དགེའོ།།  +
ཞེས་པ་འདི་ཉིད་འདུས་ལོས་བསྐུལ་ངོར་ལས་འབྲེལ་པས་སོ། །དགེའོ། །ལེགས་སོ། །སརྦ་མངྒ་ལཾ།།  +
ཞེས་པ་འདི་སྤྲང་སྨྱོན་འཆོལ་པོ་སེམས་ཉིད་ཧད་པོས་རང་བྱུང་གི་ངོར་བྲིས་པ་ཡོངས་སུ་དགེ་བར་གྱུར་ཅིག །བཀྲིས་ཤོག།  +
ཞེས་པའང་དོན་གཉེར་ཅན་འགའ་ཞིག་གིས་རྒྱུ་མཚན་དྲིས་པ་ལ་བརྟེན་ནས་འཇིགས་བྲལ་ཡེ་ཤེས་རྡོ་རྗེས་གར་འཆམས་སྤྱིའི་གོ་དོན་གསལ་འདེབས་ལམ་སྟོན་གླེང་གཞི་ཙམ་དུ་སྨྲས་པ་དགེ།  +
ཞེས་པ་འདི་ཉིད་དགོས་གལ་དང་བསྟུན་ཏེ་བདུད་འཇོམས་པས་སྦྱར་བའོ།།  +
།ཞེས་པའང་སྔགས་སྟོན་འཆི་མེད་རྡོ་རྗེས་དོན་དུ་གཉེར་བའི་ངོར་འཇིགས་བྲལ་ཡེ་ཤེས་རྡོ་རྗེས་བྲིས་པ་དོན་ལྡན་དུ་གྱུར་ཅིག།  +
།ཅེས་པའང་སྐྱབས་གནས་གཅིག་གིས་བསྡུས་པའི་རྡོ་རྗེའི་མཆེད་པོ་ཡེ་ཤེས་རྒྱ་མཚོའི་གསུང་གི་ངོར་འཇིགས་བྲལ་རྡོ་རྗེས་ཆོས་ཐུན་གྱི་གསེང་གཅིག་ལ་ཤར་མར་བྲིས་པ་ཛ་ཡནྟུ།།  +
།དེ་ལྟར་གསང་ཆེན་སྔགས་ཀྱི་ཐེག་པའི་དམ་ཚིག་གསོ་སྦྱོང་གི་ཆོ་ག་ཀུན་ཏུ་བཟང་པོའི་དགོངས་རྒྱན་ཅེས་བྱ་བ་འདི་ནི། རང་གཞན་སྔགས་ཀྱི་ལམ་ཞུགས་མཆོག་ཏུ་གསང་བའི་དགོངས་པ་ཉམས་འོག་ཏུ་མ་ཆུད་པར་བརླང་པོའི་བརྟུལ་ཞུགས་བྱོལ་ཉོག་ཏུ་སྤྱོད་པས་འདའ་དཀའི་འཕྲང་ལ་ཐོགས་པ་རྣམས་ལ་ཕན་འདོད་ཀྱི་བསམ་པས་རྒྱུ་བྱས། ངེས་པ་དོན་གྱི་བྱ་བཏང་གི་རྒྱལ་པོ་རིམ་གཉིས་གྲུབ་པའི་དབང་ཕྱུག་སངས་རྒྱས་རྡོ་རྗེ་རྩལ་གྱི་གསུང་གིས་བསྐུལ་བ་རྐྱེན་དུ་གྱུར་ཏེ། སྔ་འགྱུར་བསྟན་པའི་ཤིང་རྟ་ཆེན་པོ་མ་ཧཱ་ལོ་ཙཱ་བ་དྷརྨ་ཤྲིའི་ཞལ་སྔ་ནས་གཏེར་བྱོན་ཞི་ཁྲོ་དགོངས་པ་རང་གྲོལ་གྱི་ཆོ་ག་ན་རཀ་དོང་སྤྲུགས་བཀའ་མའི་གཞུང་གི་ཁོག་ཕུབ་སྟེ་གསལ་བར་མཛད་པའི་ལེགས་བཤད་ཉིད་གཙོ་བོར་བཟུང་། སློབ་དཔོན་ཆེན་པོའི་ཞལ་གདམས་ལས་ཁྲིགས་མན་ངག་གི་དགོངས་པ་སྐབས་དོན་ལག་ལེན་དུ་བསྡེབས་ཤིང་དཀྱུས་ཀྱི་ཉམས་ལེན་འཇུག་པ་བདེ་བའི་དབང་དུ་བྱས་ནས། དུས་མཐའི་སྔགས་བན་སྙོམས་ལས་པ་འཇིགས་བྲལ་ཡེ་ཤེས་རྡོ་རྗེས་རང་ལོ་ཞེ་དགུར་སོན་པ་ཆུ་ཕོ་འབྲུག་གི་ལོ་སྟོན་གྱི་ཟླ་བ་འབྲས་བུ་བཅུད་དུ་སྨིན་པའི་དུས་བཟང་པོ་ལ། གངས་ཅན་གྱི་རྡོ་རྗེ་གདན་ར་ས་འཕྲུལ་སྣང་ཕྱོགས་ལས་རྣམ་པར་རྒྱལ་བའི་འདུན་ས་ཆེན་པོར་སྦྱར་བ་ལས་ཐོག་མའི་གླེགས་བམ་དུའང་བསྐུལ་བ་པོ་ཉིད་ཀྱིས་འབེབས་པར་མཛད་པའོ། །འདིས་ཀྱང་བླ་མེད་རྡོ་རྗེ་ཐེག་པའི་གདུལ་བྱར་གྱུར་པ་རྣམས་ལ་ཕན་པ་རྒྱ་ཆེན་པོ་འབྱུང་བའི་རྒྱུར་གྱུར་ཅིག །སརྦ་དཱ་མངྒ་ལཾ།། །།  +