Property:Colophontib
From Dudjom Wiki
This is a property of type Text.
ཇ
ཞེས་པ་འདི་ཡང་ཇོ་མོ་བྱང་མཚོའི་ངོར་མི་རྒན་བདུད་འཇོམས་པས་སོ། །དགེའོ། །སརྦ་མངྒ་ལཾ།། +
ཅེས་པ་འདི་མི་རྒན་འཁྲུལ་པའི་ལབ་མོ་དོན་དུ་གཉེར་བ་མོ་ལ་སྤྲོད། །དགེའོ།། +
ཉ
ཞེས་རྣལ་འབྱོར་པ་རིག་འཛིན་རྒྱ་མཚོའི་ཉམས་བསལ་ཕྱིར་གླུ་མཁན་རྡོ་རྗེ་ཁྲོ་ལོད་འཆོལ་བའི་གཏམ་མོ། །དགེའོ། +
ཞེས་པ་འདི་ནི་རང་སློབ་དམ་པ་ཕྲིན་ལས་འགྲོ་འདུལ་རྡོ་རྗེས་བསྐུལ་ངོར་དེའི་རྒྱུད་དང་བསྟུན་ཏེ་གླུ་མཁན་བདུད་འཇོམས་རྡོ་རྗེས་སྨྲས་པའོ།། +
བདུད་འཇོམས་པས་སོ།། +
།ཅེས་ཉེ་བརྒྱུད་གཅོད་ཀྱི་ཁྲིད་ཡིག་གསལ་བར་བཀོད་པ་ལེགས་བཤད་བདུད་རྩིའི་རོལ་མཚོ་ཞེས་བྱ་བ་འདི་ནི་རྒྱལ་བ་ཀུན་གྱི་ངོ་བོ་བཀའ་དྲིན་མཚུངས་མེད་གཏེར་ཆེན་ཆོས་ཀྱི་རྒྱལ་པོའི་ཞལ་སྔ་ནས་ཀྱི་ཟབ་ཆོས་མཐའ་དག་གི་བདག་པོར་མངའ་གསོལ་ཞིང་། འདི་ཉིད་ཀྱི་བཤད་པ་འབྲི་བར་བཀས་གནང་བ་དང་། ཐོས་བསམ་སྒོམ་པའི་ཡོན་ཏན་མཆོག་མངའ་རྣལ་འབྱོར་གྱི་དབང་ཕྱུག་རྨ་ཐོག་པའི་རྣམ་འཕྲུལ་དུ་ལུང་གིས་བསྔགས་པ་རང་སློབ་རེ་ཀོང་བླ་མ་དགེ་འདུན་གྱིས་སྔ་མོ་ནས་ནན་ཏན་ཆེན་པོས་བསྐུལ་བ་དང་། དེ་རྗེས་ཕུར་ཐོགས་རིགས་སྔགས་འཆང་བ་ཀུན་བཟང་པདྨ་ཆོས་འཛིན་དང་། མགྲོན་ལུང་པ་དད་དམ་ལྡན་པ་རྡོ་རྗེ་སྨན་རྒྱལ་ནས་རྗེ་རྟ་ནག་པའི་ཚད་མའི་མཐའ་དཔྱོད་ཆེན་པོའི་དཔེ་ཆ་འབྱོར་བས་གཡར་དམ་བཅས་པ་དང་། དཔྱོད་ལྡན་དམ་པ་ཤེས་རབ་ནས་ཀྱང་དངུལ་ཊཾ་ལ་སོགས་པ་དང་བཅས། གཏེར་ཆེན་རིན་པོ་ཆེའི་རིགས་སྲས་མཁྱེན་དང་བརྩེ་བའི་དབང་ཕྱུག་རིན་པོ་ཆེ་མཆོག་ནས་དྲི་མེད་ལྷ་རྫས་བཅས་བཀས་བསྐུལ་བ་དང་། ཉེ་ཆར་རྡོ་རྗེའི་ལུང་ཟིན་གྱི་སྐྱེས་མཆོག་ཕུར་ཐོགས་པ་རྡོ་རྗེ་རྣམ་པར་རྒྱལ་བས་དངུལ་སྲང་གང་གི་མཎྜལ་དང་། དད་དམ་ཤེས་རབ་མཆོག་ལྡན་རི་ཁྲོད་པ་ཀུན་དགའ་ནས་ཀྱང་དངུལ་ཞོ་ལྔ་བཅས་བསྐུལ་པའི་ངོར། བླ་མ་སངས་རྒྱས་དུ་མའི་ཞབས་རྡུལ་སྤྱི་བོས་བླངས་ཤིང་གསར་རྙིང་རིས་མེད་ཀྱི་གྲུབ་མཐའི་ཟབ་གནད་ཤེས་པ་སྐྱེས་མིང་པ་པདྨ་ལུང་རྟོགས་རྒྱ་མཚོས་བྲིས་པའི་ཡི་གེ་པ་ནི་བསྐུལ་བ་པོའི་གཙོ་བོ་རྣམ་པར་རྒྱལ་བ་སྟེ། དགེ་བས་རྒྱལ་བསྟན་སྤྱི་དང་དམ་ཆོས་བདུད་གཅོད་མཆོག་གི་བསྟན་པ་ཕྱོགས་དུས་ཀུན་ཏུ་དར་ཞིང་རྒྱས་པར་གྱུར་ཅིག། །། +
ཐ
ཅེས་པའང་ཐུགས་རྗེ་ཆེན་པོའི་སྒྲུབ་ཐབས་ཡང་སྙིང་བཅུད་དྲིལ་གྱི་ཆ་ལག་ཏུ་འཇིགས་བྲལ་ཡེ་ཤེས་རྡོ་རྗེས་སོ།། +
ཅེས་པའང་བླ་མ་ཡེ་ཤེས་རབ་གསལ་གྱི་ངོར་འཇིགས་བྲལ་ཡེ་ཤེས་རྡོ་རྗེས་སོ།། +
ཞེས་པའང་སློབ་བུ་རིག་ལྡན་གྱིས་བསྐུལ་ངོར་བདུད་འཇོམས་རྡོ་རྗེས་སྨྲས་པའོ། །དགེའོ།། +
ཅེས་བདུད་འཇོམས་པས་སོ། །དགེའོ། །སརྦ་མངྒ་ལཾ།། +
ཅེས་པའང་བླ་མ་ཡེ་ཤེས་རབ་གསལ་ནས་ལྷ་རྫས་རིན་པོ་ཆེའི་མེ་ཏོག་ཤེལ་དཀར་གྱི་ཕྲེང་བ་དང་བཅས་བསྐུལ་བའི་ངོར་འཇིགས་བྲལ་ཡེ་ཤེས་རྡོ་རྗེས་སོ།། +
།ཅེས་ཐུགས་རྗེ་ཆེན་པོ་སྡུག་བསྔལ་རང་གྲོལ་གྱི་སྒྲུབ་ཁོག་ཕན་བེའི་སྣང་བ་ཞེས་བྱ་བ་འདིའང་། སློབ་དཔོན་ཆེན་པོས་བྱིན་གྱིས་བརླབས་པའི་གནས་མཆོག་འོག་མིན་པདྨ་དགའ་ཚལ་གྱི་སྒྲུབ་པའི་སྡེར་ཉམས་བཞེས་རྒྱུན་འཛུག་གི་ཆ་རྐྱེན་དུ་ཉེར་མཁོར་གྱུར་ཏེ་ཆེད་དུ་བསྐུལ་བར་མཛད་པ་བཞིན། །པྲ་ཁྲིད་རང་གཞུང་གི་དགོངས་པ་རྩ་བར་བཟུང་ཞིང་ངག་འདོན་གྱི་རིམ་པ་དཔལ་ཆེན་སྒྲུབ་ཁོག་སོགས་རིགས་མཐུན་གྱི་ཁ་སྐོང་དང་བཅས་རྣམ་གསལ་འཇུག་པ་བདེ་བའི་དབང་དུ་བྱས་ཏེ། རྗེ་རིགས་ཀྱི་སྔགས་བན་སྙོམས་ལས་པ་འཇིགས་བྲལ་ཡེ་ཤེས་རྡོ་རྗེས་ཤིང་ཕོ་རྟའི་ལོ་ནག་པ་ཉ་བའི་ཡར་ངོའི་ཚེས་བརྒྱད་ལ། འཕགས་མཆོག་མིག་མི་འཛུམ་ཉིད་དགྱེས་རྒུར་བསྟི་བའི་ཞིང་ཁམས་དབུ་རུ་ལྷ་ལྡན་གྲུ་འཛིན་གྱི་རི་པོའི་ཉེ་འདབས་སུ་སྦྱར་བ་ལས་ཡི་གེ་པ་ནི་ལྷོ་མོན་ཕྱོགས་ཀྱི་བཙུན་པ་ཆོས་གྲགས་རྒྱ་མཚོས་བགྱིས་པའོ། །འདིས་ཀྱང་འགྲོ་བ་མང་པོ་ལ་ཕན་པ་རྒྱ་ཆེན་པོ་འབྱུང་བའི་གཞིར་གྱུར་ཅིག། །།སརྦ་དཱ་མངྒ་ལཾ།། +
།ཅེས་པའང་ཟ་ཧོར་མཚོ་པདྨ་ཅན་དུ་སྒྲུབ་པའི་རྒྱལ་མཚན་སྒྲེང་བ་བླ་མ་ཡེ་ཤེས་རབ་གསལ་གྱིས་བསྐུལ་བ་ལས། གསང་འདུས་རྣམ་པ་གསུམ་གཏེར་བྱོན་ཐུགས་ཆེན་ཕྲིན་ལས་རྣམས་ཀྱི་སྙིང་པོའི་བཅུད་བསྡུས་ཏེ། བོད་ཀྱི་སྔགས་བན་འཇིགས་བྲལ་ཡེ་ཤེས་རྡོ་རྗེས་རྒྱ་གར་ནུབ་ཕྱོགས་སིང་ལར་གྲགས་པའི་གྲོང་ཁྱེར་དུ་རྒྱུ་བའི་སྐབས་ཤིག་ལ་སྦྱར་བ་ཤིན་ཏུ་དོན་དང་ལྡན་པར་གྱུར་ཅིག །སརྦ་དཱ་མངྒ་ལཾ།། +
ཅེས་པའང་དེང་དུས་ཀྱི་གདུལ་བྱ་དད་མོས་ཡོད་ཀྱང་ལོང་ཁོམ་གྱིས་དབེན་པ་རྣམས་ལ་ཕན་པའི་ཕྱིར་རྗེ་བཙུན་པདྨ་ཆོས་འཛིན་གསང་སྔགས་དབང་མོས་བསྐུལ་བའི་རྐྱེན་ལས་འཇིགས་བྲལ་ཡེ་ཤེས་རྡོ་རྗེས་བྲིས་པ་དགེ། +
།ཅེས་པཎ་ཆེན་ཤཱཀྱ་ཤྲཱིས་མཛད་པར་གྲགས་པའི་གནས་བརྟན་ཕྱག་མཆོད་དང་འབྲེལ་བའི་ཆོ་ག་མདོར་བསྡུས་ཀྱི་ཚུལ་འདིའང་། བསྟན་པ་རིན་པོ་ཆེ་འཛིན་སྤེལ་གྱི་བྱ་བ་ལ་གཅིག་ཏུ་ཐུགས་གཞོལ་བ་སྤྲུལ་པའི་སྐུ་པདྨ་དབང་རྒྱལ་གྱིས་བཞེད་པ་བཞིན། ལྷ་རིགས་ཤཱཀྱའི་དགེ་བསྙེན་འཇིགས་བྲལ་ཡེ་ཤེས་རྡོ་རྗེས་བལ་ཡུལ་ཡམ་བུའི་གྲོང་གི་ངལ་གསོའི་སྤྱིལ་པོ་རུ་ལྕགས་བྱ་དབོ་ཟླའི་ཡར་ཚེས་བཟང་པོར་སྦྱར་བ་དོན་ལྡན་དུ་གྱུར་ཅིག། །། སརྦ་དཱ་མངྒ་ལཾ།། +
ད
ཅེས་རང་སློབ་རིག་གྲོལ་རྡོ་རྗེའི་ངོར་ཁྲག་འཐུང་བདུད་འཇོམས་རྡོ་རྗེས་སྨྲས་པའོ། །དགེའོ།། +
* '''First colophon:''' ཅེས་པདྨ་བདེ་ཆེན་གྱི་ངོར་བདུད་འཇོམས་པས་སོ།
* '''Second colophon:''' ཅེས་པདྨ་བདེ་ཆེན་གྱི་ངོར་བདུད་འཇོམས་པས་སོ།།
+
* '''First colophon:''' །དེ་ལྟར་དཀྱིལ་འཁོར་ཐམས་ཅད་ཀྱི་ངོ་བོ་བླ་མ་མཆོད་པའི་ཚོ་ག་གཞན་ཕན་ཕྲིན་ལས་དང་བཅས་པ་ཚོགས་ཆེན་ཤིང་རྟ་ཞེས་བྱ་བ་འདི་ནི། རིགས་ཀུན་ཁྱབ་བདག་བཀའ་དྲིན་ཅན་གྱི་རྡོ་རྗེའི་སློབ་དཔོན་ཆེན་པོ་རྣམས་ལ་དུས་དྲན་གྱི་མཆོད་སྤྲིན་ཡང་དག་པར་སྤྲོ་བའི་སླད་དུ་དམིགས་ནས། རྡོ་རྗེའི་གསུང་གི་གསང་བ་བྱིན་རླབས་ཅན་ཁོ་ན་གུང་བསྡེབས་ཤིང་ཚོགས་བསགས་རྒྱུན་གྱི་ཉམས་ལེན་འཇུག་པ་བདེ་བའི་དབང་དུ་བྱས་ཏེ། ཐར་ལམ་བླ་མའི་སྐུ་དྲིན་ཁོ་ན་ལ་རེ་བའི་ངེས་ཤེས་བརྟན་པོ་རྙེད་པ་རིག་འཛིན་གྱི་མྱུ་གུ་འཇིགས་བྲལ་ཡེ་ཤེས་རྡོ་རྗེས་རང་ལོ་ཉེར་གཅིག་ཏུ་སོན་པ་ཤིང་ཕོ་བྱི་བའི་ལོ་རྒྱལ་གྱི་ཉ་བའི་དུས་ཚེས་དགེ་བ་ལ་མཁན་ལྗོངས་ཨེ་ཝཾ་བདེ་ཆེན་ཆོས་གླིང་གི་དགའ་ཚལ་དུ་སྦྱར་བ་ལས། ཕྱིས་གསང་ཆེན་བསྟན་པའི་སྣང་བྱེད་མཆོག་གི་སྤྲུལ་པའི་སྐུ་འཇིགས་མེད་ཆོས་དབྱིངས་ནོར་བུ་དོན་ཐམས་ཅད་གྲུབ་པའི་སྡེའི་བཞེད་པ་བཞིན་ཆོ་གའི་ཡན་ལག་གི་ཕྲིན་ལས་རྣམས་ཀྱང་གསར་དུ་བསྣན་ཏེ་ཤིན་ཏུ་གསལ་བར་བགྱིས་པའོ། །འདིས་ཀྱང་འགྲོ་བ་ཐམས་ཅད་དཔལ་ལྡན་བླ་མའི་བྱིན་རླབས་ཀྱི་སྣང་བ་དང་མི་འབྲལ་ཞིང་ཕན་བདེའི་དགེ་མཚན་མཆོག་ཏུ་རྒྱས་པའི་རྒྱུར་གྱུར་ཅིག །སརྦ་དཱ་མངྒ་ལམ།
* '''Second colophon:''' །ཅེས་ལེགས་བྱས་ཡོངས་སུ་གྲུབ་པའི་འདོད་དོན་གྱི་སྨོན་ཚིག་དགའ་བ་བཞིའི་གྲངས་ལྡན་འདིའང་རྣམ་དཀར་སྒྲུབ་པ་པོའི་བཞེད་པ་བཞིན་འཇིགས་བྲལ་ཡེ་ཤེས་རྡོ་རྗེས་སྙིང་ནས་རྗེས་སུ་ཡི་རང་བའི་སེམས་ཀྱིས་བརྗོད་པ་སིདྡྷི་རསྟུ།།
+
དེ་ལྟར་བརྡ་དག་བསྟན་བཅོས་གཞུང་། །ཨུ་དུམ་ཝ་རའི་སྐྱེད་ཚལ་ལས། །ཉེར་མཁོའི་དག་ཡིག་པད་དཀར་གྱི། །ཆུན་པོ་ཅུང་ཞིག་བླངས་འདི་ནི། །དཔལ་ལྡན་མི་དབང་བཤད་སྒྲ་བའི། །བཀའ་ལུང་དོ་ཤལ་ཐོད་བཅིངས་ཏེ། །རང་ལོ་ཉེར་དགུ་ཆུ་སྤྲེལ་ལོར། །གཏེར་ཁོག་མཁན་ལྗོངས་དགའ་ཚལ་དུ། །པད་བཀོད་བློ་གསལ་མང་བསྡུས་ནས། །འབྲི་ཀློག་བསླབ་གྲྭ་གསར་འཛུག་གི །དགེ་རྒན་སྲི་ཞུ་ལྷུར་ལེན་སྐབས། །བློ་གྲོས་གསར་བུའི་བྱིས་རྣམས་ཀྱི། །རྣ་བའི་རྒྱན་དུ་སྒྲུབས་ཤིག་ཅེས། །དོན་གཉེར་ཅན་འགས་བསྐུལ་བ་བཞིན། །གོ་བར་སླ་ཞིང་འཇུག་བདེ་བར། །འཇིགས་བྲལ་ཡེ་ཤེས་རྡོ་རྗེས་སྦྱར། །བསོད་ནམས་ཉིན་མོར་བྱེད་པའི་འོད། །འགྲོ་བློའི་པད་ཚལ་ལ་ཕོག་པས། །ཤེས་རབ་འདབ་རྒྱ་ཡོངས་གྲོལ་ཏེ། །རྣམ་གྲོལ་གེ་སར་འཛུམ་བྱེད་ཤོག །ཤྲཱི་བི་ཛ་ཡནྟུ། །སརྦ་དཱ་མངྒ་ལཾ།། +
།ཞེས་གཏེར་འབྱིན་སྤྲུལ་སྐུ་པད་རྒྱལ་གླིང་པའི་དག་སྣང་གི་ཆོས་སྡེ་ཚིག་བདུན་བླ་སྒྲུབ་ཀྱི་ཕྲིན་ལས་འདི་ནི། ཉིད་ཀྱི་གཏེར་གྲོགས་སྐལ་བཟང་ལྷ་མོ་ནས་ལྷ་རྫས་རིན་པོ་ཆེའི་སྐྱེས་དང་བཅས་ཏེ་བསྐུལ་བའི་ངོར། འཇིགས་བྲལ་ཡེ་ཤེས་རྡོ་རྗེས་ལྕགས་སྟག་ཆོ་འཕྲུལ་ཟླ་བའི་ཡར་ངོའི་ཚེས་བརྒྱད་ལ་བུ་ཆུ་རིག་འཛིན་དགའ་ཚལ་གྱི་བསྟི་གནས་སུ་ངག་ཁྲིགས་འཇུག་བདེར་བསྡེབས་པ་སིདྡྷི་རསྟུ༎ +
