DJYD-KABUM-05-CA-006: Difference between revisions

From Dudjom Wiki
DJYD-KABUM-05-CA-006
(Imported new text files with Wyckibaat for processing)
 
m (Text replacement - "ཧྲཱི༔" to "ཧྲཱིཿ")
 
(17 intermediate revisions by 2 users not shown)
Line 1: Line 1:
༄༅།  །ཤྲཱི མ ཧཱ ཙི ཏྟཿཏི ལ ཀཿ སུ ག ཏ བི ངྷཾ ཨ ཛྙཱ ཥྛ སྱ ཀ རྨ ག རྦྷཿ ན མ བི ཧ ར༴  ཏ སྨ།  །
{{Text
༄༅།  །བདེ་གཤེགས་སྒྲུབ་པ་བཀའ་བརྒྱད་ཀྱི་ཕྲིན་ལས་
|classification=Tibetan Publications
སྙིང་པོ་དཔལ་ཆེན་ཐུགས་ཀྱི་ཐིག་ལེ་
|subclass=Tibetan Texts
ཞེས་བྱ་བ་བཞུགས་སོ། །
|fulltitletib=བདེ་གཤེགས་སྒྲུབ་པ་བཀའ་བརྒྱད་ཀྱི་ཕྲིན་ལས་སྙིང་པོ་དཔལ་ཆེན་ཐུགས་ཀྱི་ཐིག་ལེ།
|fulltitle=bde gshegs sgrub pa bka' brgyad kyi phrin las snying po dpal chen thugs kyi thig le
|citation=[[Dudjom Rinpoche]] 'Jigs bral ye shes rdo rje. ''Bde gshegs sgrub pa bka' brgyad kyi phrin las snying po dpal chen thugs kyi thig le''. In ''Bdud 'joms 'jigs bral ye shes rdo rje'i gsung 'bum dam chos rin chen nor bu'i bang mdzod'', Vol. 5: 89-129. Kalimpong: Dupjung Lama, 1979-1985.
|collectiontitletib=བདུད་འཇོམས་རིན་པོ་ཆེ་བཀའ་འབུམ།
|collectiontitle=bdud 'joms rin po che bka' 'bum
|author=Dudjom Rinpoche
|sourcerevealer=Dudjom Rinpoche
|tibgenre=Activity Manual - las byang
|terma=Yes
|deity=bka' brgyad
|cycle=bka' brgyad gter kha dgu 'dus
|cycletib=བཀའ་བརྒྱད་གཏེར་ཁ་དགུ་འདུས་
|language=Tibetan
|volumenumber=05
|volnumtib=༥
|volyigtib=ཅ
|totalvolumes=25
|textnuminvol=006
|pagenumbers=89-129
|totalpages=41
|beginfolioline=1a1
|endfolioline=21a2
|totalfolios=21
|multivolumework=No
|rectonotes=las byang
|versonotes=bka' brgyad dgu 'dus
|colophontib=།དེ་ལྟར་བདེ་གཤེགས་སྒྲུབ་པ་བཀའ་བརྒྱད་ཀྱི་ཕྲིན་ལས་སྙིང་པོ་དཔལ་ཆེན་ཐུགས་ཀྱི་ཐིག་ལེ་ཞེས་བྱ་བ་འདི་ཡང་།  རིག་སྔགས་འཆང་བའི་རྣལ་འབྱོར་པ་འཁྲུལ་ཞིག་རྡོ་རྗེས་བསྐུལ་བ་ལ་བརྟེན་ནས།  རིག་པ་འཛིན་པ་འཇིགས་བྲལ་ཡེ་ཤེས་རྡོ་རྗེའམ་ལྷག་པའི་དཀྱིལ་འཁོར་འདི་ཉིད་དུ་མེ་ཏོག་ཕོག་པའི་གསང་མིང་ཀུན་བཟང་ཆེ་མཆོག་ཡོན་ཏན་འདུས་པ་རྩལ་ཅེས་འབོད་པས་རང་ལོ་ལྔ་བཅུ་ང་གཉིས་པའི་ཐོག་ཏུ་སོན་པ་མྱོས་བྱེད་ཀྱི་ལོ་ཁྲུམས་སྟོད་ཉ་བའི་ཡར་ཚེས་བཟང་པོ་ལ་དཔལ་བསམ་ཡས་མི་འགྱུར་ལྷུན་གྱིས་གྲུབ་པའི་གཙུག་ལག་ཁང་ཆེན་པོར་བསྡེབས་པའོ།  །འདིས་ཀྱང་སྒྲུབ་སྡེ་ཆེན་པོའི་རིང་ལུགས་ཀུན་ཏུ་ཁྱབ་ཅིང་རྟག་པའི་རྒྱུར་གྱུར་ཅིག།  །།  ཛ་ཡནྟུ།།  །།
|colophonwylie=/de ltar bde gshegs sgrub pa bka' brgyad kyi phrin las snying po dpal chen thugs kyi thig le zhes bya ba 'di yang /__rig sngags 'chang ba'i rnal 'byor pa 'khrul zhig rdo rjes bskul ba la brten nas/__rig pa 'dzin pa 'jigs bral ye shes rdo rje'am lhag pa'i dkyil 'khor 'di nyid du me tog phog pa'i gsang ming kun bzang che mchog yon tan 'dus pa rtsal ces 'bod pas rang lo lnga bcu nga gnyis pa'i thog tu son pa myos byed kyi lo khrums stod nya ba'i yar tshes bzang po la dpal bsam yas mi 'gyur lhun gyis grub pa'i gtsug lag khang chen por bsdebs pa'o/__/'dis kyang sgrub sde chen po'i ring lugs kun tu khyab cing rtag pa'i rgyur gyur cig/__//__dza yan+tu//__//
|pdflink=File:DJYD-KABUM-05-CA-006.pdf
|authortib=བདུད་འཇོམས་འཇིགས་བྲལ་ཡེ་ཤེས་རྡོ་རྗེ་
|sourcerevealertib=བདུད་འཇོམས་འཇིགས་བྲལ་ཡེ་ཤེས་རྡོ་རྗེ་
|volumeLetter=CA
|InitCategories=Dudjom Tersar Project; DJYD-KABUM-Volume-05-CA
}}
<h1>Tibetan Text</h1>
<onlyinclude>
{{TibP|༄༅།  །ཤྲཱི མ ཧཱ ཙི ཏྟཿཏི ལ ཀཿ སུ ག ཏ བི ངྷཾ ཨ ཛྙཱ ཥྛ སྱ ཀ རྨ ག རྦྷཿ ན མ བི ཧ ར ཏ སྨ།  །
༄༅།  །བདེ་གཤེགས་སྒྲུབ་པ་བཀའ་བརྒྱད་ཀྱི་ཕྲིན་ལས་སྙིང་པོ་དཔལ་ཆེན་ཐུགས་ཀྱི་ཐིག་ལེ་ཞེས་བྱ་བ་བཞུགས་སོ། །


（1བ）ཨོཾ་སྭསྟི་སིངྔྷཾ། （ཡེ་ཤེས་ཀློང་དགུའི་རང་གཟུགས་དཀྱིལ་འཁོར་ལྷ། །སྤྲོ་བསྡུའི་བྱེད་པོ་ཁྱབ་བདག་ཐོད་ཕྲེང་རྩལ།  །གསང་འཛིན་ཌཱ་ཀིར་བཅས་པའི་ཞབས་པདྨོ།  །སྤྱི་བོའི་རྒྱན་དུ་བསྙེན་ན་དབུགས་དབྱུང་སྩོལ།  །གུ་རུའི་ཐུགས་ཀྱི་བརྣག་པ་ཆེ།  །ཡི་དམ་སྒྲུབ་པ་བཀའ་བརྒྱད་ཀྱི།  །གདམས་སྲོལ་ཡང་གསང་བཅུད་འདྲིལ་བ།  །སྔོན་མེད་ཤིང་རྟ་འདི་ན་འདྲེན།  །དེའང་སྒྲུབ་པ་ཆེན་པོ་བཀའ་བརྒྱད་ཀྱི་ཆོས་སྡེ་ལས་སྙིང་དང་འདྲ་བ་ཉང་གི་བདེ་གཤེགས་འདུས་པ།  སྙིང་ཁྲག་དང་འདྲ་བ་ཆོས་དབང་གསང་བ་ཡོངས་རྫོགས།  དྭངས་མ་དང་འདྲ་བ་བྱང་གཏེར་རང་བྱུང་རང་ཤར།  སྲོག་དང་འདྲ་བ་པདྨ་གླིང་པའི་ཐུགས་ཀྱི་མེ་ལོང་།  ལུས་དང་འདྲ་བ་བསམ་གཏན་བདེ་ཆེན་གླིང་པའི་（2ན）ཡང་གསང་དྲེགས་འདུལ་ཏེ་ཐུགས་གཏེར་ཆེན་པོ་ལྔ་དང་༔ རྡོ་རྗེ་གླིང་པའི་གསང་རྫོགས་དྲག་སྔགས་འདུས་པ།  འཇའ་ཚོན་ཧཱུྃ་ནག་མེ་འབར་གྱི་དངོས་གྲུབ་སྙིང་པོ།  ཀློང་གསལ་སྙིང་པོའི་བདེ་གཤེགས་ཡོངས་འདུས།  པདྨ་འོད་གསལ་མདོ་སྔགས་གླིང་པའི་ཁྲག་འཐུང་བདེ་གཤེགས་འདུས་པ་བཅས་གཏེར་བྱོན་བཀའ་སྲོལ་རིམ་པ་དགུའི་བྱིན་རླབས་ཀྱི་ཆུ་བོ་གཅིག་ཏུ་འདྲེས་པའི་ལུགས་སུ་སྙིང་པོར་དྲིལ་ཏེ་ཉམས་སུ་ལེན་པར་འདོད་པས།  མཚན་ཉིད་དང་ལྡན་པའི་གནས་སུ་དམ་ཚིག་གི་བྲིས་སྐུ་སོགས་རྟེན་བཀྲམ་པའི་མདུན་དུ་སྟེགས་བུ་གཙང་མར་དཔལ་གྱི་གཏོར་མ་སྨན་རཀ་ལ་སོགས་ཏེ་ཕྱི་ནང་གསང་བའི་མཆོད་པའི་ཚོགས་དང་།  ཉེ་བར་མཁོ་བའི་ཡོ་བྱད་མཐའ་དག་མ་ཚང་བ་མེད་པར་འདུ་བྱས་（2བ）ནས། ཕྲིན་ལས་ཀྱི་ཆོ་ག་དངོས་ལ།  སྔོན་འགྲོ།  དངོས་གཞི།  རྗེས་ཀྱི་རིམ་པ་དང་གསུམ་ལས།  སྔ་མ་ལ་དགུའི།  དང་པོ་ཚོགས་བསགས་པ་ནི།）
༄༅། །ཨོཾ་སྭསྟི་སིདྡྷཾ།  {{TibChung|ཡེ་ཤེས་ཀློང་དགུའི་རང་གཟུགས་དཀྱིལ་འཁོར་ལྷ། །སྤྲོ་བསྡུའི་བྱེད་པོ་ཁྱབ་བདག་ཐོད་ཕྲེང་རྩལ།  །གསང་འཛིན་ཌཱ་ཀིར་བཅས་པའི་ཞབས་པདྨོ།  །སྤྱི་བོའི་རྒྱན་དུ་བསྙེན་ན་དབུགས་དབྱུང་སྩོལ།  །གུ་རུའི་ཐུགས་ཀྱི་བརྣག་པ་ཆེ།  །ཡི་དམ་སྒྲུབ་པ་བཀའ་བརྒྱད་ཀྱི།  །གདམས་སྲོལ་ཡང་གསང་བཅུད་འདྲིལ་བ།  །སྔོན་མེད་ཤིང་རྟ་འདི་ན་འདྲེན།  །དེའང་སྒྲུབ་པ་ཆེན་པོ་བཀའ་བརྒྱད་ཀྱི་ཆོས་སྡེ་ལས་སྙིང་དང་འདྲ་བ་ཉང་གི་བདེ་གཤེགས་འདུས་པ།  སྙིང་ཁྲག་དང་འདྲ་བ་ཆོས་དབང་གསང་བ་ཡོངས་རྫོགས།  དྭངས་མ་དང་འདྲ་བ་བྱང་གཏེར་རང་བྱུང་རང་ཤར།  སྲོག་དང་འདྲ་བ་པདྨ་གླིང་པའི་ཐུགས་ཀྱི་མེ་ལོང་།  ལུས་དང་འདྲ་བ་བསམ་གཏན་བདེ་ཆེན་གླིང་པའི་ {{TibChung|[2a]}} ཡང་གསང་དྲེགས་འདུལ་ཏེ་ཐུགས་གཏེར་ཆེན་པོ་ལྔ་དང་༔ རྡོ་རྗེ་གླིང་པའི་གསང་རྫོགས་དྲག་སྔགས་འདུས་པ།  འཇའ་ཚོན་ཧཱུྃ་ནག་མེ་འབར་གྱི་དངོས་གྲུབ་སྙིང་པོ།  ཀློང་གསལ་སྙིང་པོའི་བདེ་གཤེགས་ཡོངས་འདུས།  པདྨ་འོད་གསལ་མདོ་སྔགས་གླིང་པའི་ཁྲག་འཐུང་བདེ་གཤེགས་འདུས་པ་བཅས་གཏེར་བྱོན་བཀའ་སྲོལ་རིམ་པ་དགུའི་བྱིན་རླབས་ཀྱི་ཆུ་བོ་གཅིག་ཏུ་འདྲེས་པའི་ལུགས་སུ་སྙིང་པོར་དྲིལ་ཏེ་ཉམས་སུ་ལེན་པར་འདོད་པས།  མཚན་ཉིད་དང་ལྡན་པའི་གནས་སུ་དམ་ཚིག་གི་བྲིས་སྐུ་སོགས་རྟེན་བཀྲམ་པའི་མདུན་དུ་སྟེགས་བུ་གཙང་མར་དཔལ་གྱི་གཏོར་མ་སྨན་རཀ་ལ་སོགས་ཏེ་ཕྱི་ནང་གསང་བའི་མཆོད་པའི་ཚོགས་དང་།  ཉེ་བར་མཁོ་བའི་ཡོ་བྱད་མཐའ་དག་མ་ཚང་བ་མེད་པར་འདུ་བྱས་ {{TibChung|[2b]}} ནས། ཕྲིན་ལས་ཀྱི་ཆོ་ག་དངོས་ལ།  སྔོན་འགྲོ།  དངོས་གཞི།  རྗེས་ཀྱི་རིམ་པ་དང་གསུམ་ལས།  སྔ་མ་ལ་དགུའི།  དང་པོ་ཚོགས་བསགས་པ་ནི།}} རང་གི་སྙིང་གའི་ཧཱུྃ་ལས་འོད་ཟེར་འཕྲོས་པས་བླ་མ་རིག་འཛིན་དཔལ་ཆེན་གཙོ་དགུའི་དཀྱིལ་འཁོར་གྱི་ལྷ་ཚོགས་འཁོར་དང་བཅས་པ་ཐམས་ཅད་བཛྲ་ས་མཱ་ཛཿ {{TibChung|ས་མཁའ་ཁྱབ་ཏུ་སད་པའི་སྤྱན་སྔར།}} རྡོ་རྗེ་སློབ་དཔོན་སངས་རྒྱས་དཔལ། །དུས་གསུམ་བཞུགས་ལ་ཕྱག་འཚལ་ལོ།  །མཆོག་གསུམ་བསྟེན་པའི་ཞིང་གྱུར་ལ།  །གཉིས་མེད་ཡིད་ཀྱིས་སྐྱབས་སུ་མཆི།  །དངོས་འབྱོར་ཡིད་ཀྱིས་རྣམ་སྤྲུལ་པའི།  །དག་པའི་མཆོད་པ་བཞེས་སུ་གསོལ།  །དངོས་གྲུབ་ཆུ་བོ་གཅོད་པའི་གེགས།  །ཉེས་བྱས་མ་ལུས་བཤགས་པར་བགྱི།  །ཕྱོགས་བཅུ་འཁོར་གསུམ་དག་པའི་ཆོས།  །མ་ཆགས་སྤྱོད་ལ་རྗེས་ཡི་རང་།  །དག་པའི་མཐའ་བཞི་དྲི་མ་མེད།  །རྫོགས་པའི་བྱང་ཆུབ་སེམས་བསྐྱེད་དོ།  །བདེ་གཤེགས་བྱང་ཆུབ་སེམས་དཔའ་ལ།  །དག་པ་གསུམ་གྱི་ལུས་འབུལ་ལོ།  །ཚེ་རབས་བགྲངས་པའི་ལས་རྣམས་ཀུན།  །བསྡུས་ཏེ་བྱང་ཆུབ་ཆེན་པོར་བསྔོ།  །སེམས་ཅན་བདེ་དང་ལྡན་གྱུར་ཅིག  །སྡུལ་བསྔལ་ཀུན་དང་བྲལ་བར་ཤོག  །བདེ་དང་རྟག་ཏུ་མི་འབྲལ་ཞིང་།  །ཆོས་ {{TibChung|[3a]}} ཀུན་མཉམ་ཉིད་རྟོགས་པར་ཤོག ། {{TibChung|ཅེས་རྒྱུད་སྦྱངས་མཐར།}} ཛཿཧཱུཾ་བཾ་ཧོཿ ས། ཚོགས་ཞིང་རྣམས་རང་ལ་ཐིམ་པར་བསམ།   {{TibChung|གཉིས་པ་བགེགས་ལ་བཀའ་བསྒོ་བ་ནི།}} བཛྲ་མ་ཧཱ་ཤྲཱི་ཧེ་རུ་ཀོཉཧཾ། རང་ཉིད་སྐད་ཅིག་གིས་ཞེ་སྡང་རྡོ་རྗེ་སྐུ་མདོག་མཐིང་ནག་མཐིང་དཀར་དམར་བའི་ཞལ་གསུམ་ཕྱག་དྲུག་གི་གཡས་གསུམ་རྡོ་རྗེ་ཞགས་པ་ལྕགས་སྒྲོག  །གཡོན་གསུམྦྷན་དམར་དགྲ་སྟྭ་ལྕགས་ཀྱུ་འཛིན་པ།  དུར་ཁྲོད་རོལ་པའི་ཆས་ཅན་ཁྲོ་གཏུམ་བཟོད་པར་དཀའ་བའི་གཟི་བརྗིད་ཆེར་འབར་ཞིང་རང་སྣང་གི་ཡུམ་དང་བཅས་པའི་སྐུར་གྱུར་ {{TibChung|པར་བསམ་ཞིང་། འབྱུང་གཏོར་རཾ་ཡཾ་ཁཾ་གིས་བསྲེགས་གཏོར་སྦྱངས།}} སྟོང་པའི་ངང་ལས་བྷྲུཾ་ལས་རིན་པོ་ཆེའི་སྣོད་ཟབ་ཅིང་རྒྱ་ཆེ་བའི་ནང་དུ་གཏོར་མ་ཁ་དོག་དྲི་རོ་ནུས་པ་ཕུན་སུམ་ཚོགས་པར་ {{TibChung|བལྟས་ལ།}} ཨོཾ་ཨཱཿཧཱུཾ་ཧོཿ {{TibChung|ས་བྱིན་རླབས།}} སརྦ་བྷུཏ་ཨ་ཀརྵ་ཡ་ཛཿ {{TibChung|ས་མགྲོན་རྣམས་བཀུག་པ་ལ།}} སརྦ་བིགྷྣཱན་ན་མཿསརྦ་ཏ་ཐཱ་ག་ཏེ་བྷྱོ་བི་ཤྭ་མུ་ཁེ་བྷྱོཿསརྦ་ཐཱ་ཁཾ་ཨུཏྒ་ཏེ་སྥ་ར་ཎ་ཨི་མཾ་ག་ག་ན་ཁཾ་གྲྀཧྞེ་དཾ་བ་ལིནྟེ་སྭཱ་ཧཱ།  {{TibChung|ཞེས་ལན་གསུམ་གྱིས་བསྔོས་ཏེ།}} ཧཱུྃ༔ རྒྱལ་བ་ཞི་ཁྲོ་ཡོངས་རྫོགས་དཀྱིལ་འཁོར་དུ༔  སྣང་སྲིད་རྣམ་དག་ཡེ་ཤེས་ལྷ་ཡི་ཚོགས༔   {{TibChung|[3b]}} ཀུན་བཟང་ཆོས་ཀྱི་དབྱིངས་ལས་མ་གཡོས་ཀྱང་༔ རིག་རྩལ་རྣམ་དག་ཐབས་ཤེས་གཡུང་དྲུང་ལྷ༔  འདི་ལ་ལོག་པར་ལྟ་བའི་དགྲ་དང་བགེགས༔  བདུད་སྡེ་དཔུང་བཅས་ཐམས་ཅད་ཕྱིར་དེངས་ཤིག༔  ཨོཾ་སུམྦྷ་ནི་སུམྦྷ་ནི་ཧཱུྃ༔  གྲྀཧྞ་གྲྀཧྞ་ཧཱུཾ༔  གྲྀཧྞ་པ་ཡ་གྲྀཧྞ་པ་ཡ་ཧཱུཾ༔  ཨཱ་ན་ཡ་ཧོཿ     བྷ་ག་བཱ་ན་བཱིདྱ་རཱ་ཛ་ཧཱུཾ་ཕཊ༔   {{TibChung|ཅེས་དྲག་སྔགས་ཡུངས་ཐུན་དང་བཅས་པས་བགེགས་བསྐྲད། གསུམ་པ་མཚམས་བཅད་པ་ནི།}} ཧཱུྃ༔ བདག་ཉིད་དཔལ་ཆེན་ཁྲག་འཐུང་ཐུགས་ཀ་ནས༔  དྲག་པོའི་བྱིན་རླབས་མཚོན་ཆའི་འོད་ཟེར་འཕྲོ༔  མཚོན་ཆའི་གུར་ཆེན་ཡེ་ཤེས་མེ་དཔུང་འབར༔  ཕྱོགས་མཚམས་སྟེང་འོག་ཀུན་ཏུ་ཁྱབ་པར་བསྲུང༔  ཧཱུཾ་བཛྲ་ཙཁྲ་ཏིཀྵ་ཎ་ཀརྨ་ཀཱི་ལ་ཡ་ཛྭ་ལ་རཾ༔ ཧཱུྃ༔  དྲེགས་པ་ལྷ་ཆེན་ཕྱོགས་སྐྱོང་བསྣོལ་བའི་སྟེང་༔  ཆེ་མཆོག་ལ་སོགས་དཔལ་ཆེན་ཁྲོ་རྒྱལ་ཚོགས༔  གར་དགུའི་ཚུལ་གྱིས་ཧཱུཾ་སྒྲ་སྒྲོགས་ཅིང་བཞུགས༔  བར་ཆད་འབྱུང་པོ་ཐམས་ཅད་རྡུལ་དུ་རློག༔  ཨོཾ་བཛྲ་ཀྲོ་དྷ་སྭ་བྷཱ་ཝ་ས་མ་ཡ་རུ་ལུ་རུ་ལུ་ཧཱུཾ་ཕཊ༔ ཧཱུྃ་ཧཱུྃ་ཧཱུྃ་བི་ཤྭ་བཛྲ་ཙཀྲ་ཛྭ་ལ་མཎྜ་ལ་ཧ་ལ་ཧ་ལ་ཧཱུྃ་ཕཊ༔   {{TibChung|བཞི་པ་བརྡ་སྒོ་དབྱེ་བ་ནི།}} ཧཱུྃ༔ སྣང་སྲིད་ཐམས་ཅད་བདེ་ཆེན་གཞལ་ཡས་ཁང་༔   {{TibChung|[4a]}} གཟུགས་སྣང་ཐམས་ཅད་རང་རིག་ཡེ་ཤེས་ལྷ༔ དེ་ཉིད་མ་རྟོགས་མ་རིག་སྒོ་བཅད་པས༔  རང་གསལ་ཡེ་ཤེས་འཆར་སྒོ་ད་ཕྱེས་ཤིག༔  བྷྲཱུྃ་པྲ་བེ་ཤ་ཡ་ཕཊ༔   {{TibChung|ལྔ་པ་བརྡ་ཕྱག་འཚལ་བ་ནི།}} ཧཱུཾ༔ རང་བྱུང་ཡེ་ཤེས་སྙིང་པོ་སེམས་ཀྱི་ལྷ༔  མ་རྟོགས་རང་ངོ་རང་གིས་མ་ཤེས་པས༔  ཡེ་ནས་རང་དང་འགྲོགས་ཀྱང་ཞལ་མ་མཇལ༔  རང་གསལ་བརྡ་ཡི་དོན་དང་མཇལ་ཕྱག་འཚལ༔  ཧཱུྃ་ཧེ་རུ་ཀ་ཨ་ཏི་པུ་ཧོཿ       {{TibChung|དྲུག་པ་དམ་བཅའ་བ་ནི།}} ཧཱུཾ༔ དུས་གསུམ་བདེ་གཤེགས་རྒྱལ་བ་ཞི་ཁྲོའི་ཚོགས༔  བསྐལ་པ་སྔོན་འདས་དུས་ནས་ཡི་དམ་ལྷ༔  ད་ལྟ་གཉིས་མེད་དོན་དམ་རང་ངོ་ཤེས༔  སྲོག་གི་ཕྱིར་ཡང་མི་བཏང་བསྒྲུབ་ལགས་སོ༔  ཧཱུཾ་བཛྲ་ཙིཏྟ་ས་མ་ཡ་ཧཱུྃ༔   {{TibChung|བདུན་པ་བཤགས་པ་བྱ་བ་ནི།}} ཧཱུཾ༔ བླ་མ་ཡི་དམ་མཁའ་འགྲོ་ཐམས་ཅད་དགོངས༔  བསྐལ་པ་སྔོན་ནས་ད་ལྟའི་དུས་ཡན་ཆད༔  རྩ་བ་ཡན་ལག་དམ་ཚིག་ཉམས་ཆག་ཚོགས༔  རང་གནོང་འགྱོད་སེམས་དྲག་པོས་མཐོལ་ཞིང་བཤགས༔  ཨོཾ་ཨཱཿཧཱུཾ་སྭཱ་ཧཱ༔  བཛྲ་ས་མ་ཡ་ཛཿ    ན་ར་ཀ༔  པྲ་ཏེ་ཀ༔  ཏིརྻ་ཀ༔  ནི་བི་ཤ༔  དེ་བ་ཨ་ལི་བི་ཤུདྡྷེ༔ རཀྵ་ཀ་ཤུདྡྷེ་ཤུདྡྷེ་སྭཱ་ཧཱ༔  {{TibChung|བརྒྱད་པ་བྱིན་དབབ་པ་ནི། སྤོས་ {{TibChung|[4b]}} དང་རོལ་མོས་གཟི་བྱིན་བསྐྱེད་ལ།}} ཧཱུཾ༔ ཆོས་དབྱིངས་ཡེ་ཤེས་ལྔ་ཡི་ཕོ་བྲང་ནས༔  ཆོས་སྐུ་སྐྱེ་མེད་དབྱིངས་ལས་མ་གཡོས་ཀྱང་༔  ལོངས་སྐུ་རིགས་ལྔ་ཞི་ཁྲོ་འཁོར་དང་བཅས༔  སྤྲུལ་སྐུ་ཡི་དམ་དཀྱིལ་འཁོར་ལྷ་ཚོགས་རྣམས༔  ཐུགས་དམ་དབང་གིས་གནས་འདིར་གཤེགས་སུ་གསོལ༔  སྐུ་གསུང་ཐུགས་ཀྱི་བྱིན་གྱིས་བརླབ་ཏུ་གསོལ༔  ཡེ་ཤེས་ལྔ་ཡི་དབང་མཆོག་བསྐུར་དུ་གསོལ༔  གསང་བའི་དཀྱིལ་འཁོར་འདི་ལ་བྱིན་ཅིག་ཕོབ༔  ཁྱེད་ཀྱི་ཐུགས་རྗེ་མཆོག་གིས་བཟུང་དུ་གསོལ༔  ཨོཾ་ཤྲཱི་བཛྲ་ཀྲོ་དྷ་ཧེ་བ་དེ་བ་སརྦ་དུཥྚཾ་ཌཱ་ཀི་ནཱི་ས་མ་ཡ་རུ་ལུ་རུ་ལུ་ཧཱུཾ་བྷྱོ་ཧཱུཾ་ཨཱ་དེ་ཤ་ཡ་ཨ་ཨཱཿ{{TibChung|དགུ་པ་མཆོད་རྫས་བྱིན་གྱིས་བརླབ་པ་ནི།}} རཾ་ཡཾ་ཁཾ། རང་གི་ཐུགས་ཀ་ནས་རཾ་ཡཾ་ཁཾ་འཕྲོས་པ་ཡེ་ཤེས་ཀྱི་མེ་རླུང་ཆུར་གྱུར་པས་མཆོད་རྫས་རྣམས་ཀྱི་དངོས་འཛིན་ཉེས་སྐྱོན་ཐམས་ཅད་བསྲེག་གཏོར་བཀྲུས་ཏེ་སྟོང་པར་གྱུར། སྟོང་པའི་ངང་ལས་ཨོཾ་ལས་རིན་པོ་ཆེའི་སྣོད་ཡངས་ཤིང་རྒྱ་ཆེ་བ་རྣམས་སུ་བདུག་སྤོས་མེ་ཏོག་མར་མེ་དྲི་ཆབ་ཞལ་ཟས་རོལ་མོ་ཐོགས་པའི་ལྷ་མོ་རེ་རེ་ལའང་དཔག་ཏུ་མེད་པར་འཕྲོ་བའི་ཀུན་བཟང་མཆོད་པའི་སྤྲིན་ཕུང་ནམ་མཁའི་མཛོད་ལྟ་བུར་ཟད་མི་ཤེས་པས་ཡོངས་སུ་ཁྱབ་པར་ {{TibChung|[5a]}} {{TibChung|བསམ་ཞིང་།}} ཨོཾ་ཨཱཿཧཱུཾ་བཛྲ་དྷུ་པེ་ཧཱུཾ༔ བཛྲ་པུཥྤེ་ཧཱུཾ༔  བཛྲ་ཨཱ་ལོ་ཀེ་ཧཱུཾ༔  བཛྲ་གནྡྷེ་ཧཱུཾ༔  བཛྲ་ནཻ་བི་དྱ་ཧཱུཾ༔  བཛྲ་ཤཔྡ་ཧཱུཾ༔  བཛྲ་སརྦ་པཱུ་ཛ་མེ་གྷ་ཧཱུཾ༔   {{TibChung|བདུད་རྩི་ལ།}} རཾ་ཡཾ་ཁཾ། སྟོང་པའི་ངང་ལས་ཡཾ་ལས་རླུང་།  རཾ་ལས་མེ།  ཀེཾ་ལས་ཐོད་པའི་སྒྱེད་པུ་གསུམ་གྱི་སྟེང་དུ་ཨ་ལས་བྷནྡྷ་ཡངས་ཤིང་རྒྱ་ཆེ་བའི་ནང་དུ་འཁོར་ལོ་རྩིབས་བཞི་པའི་ལྟེ་བ་དང་རྩིབས་རྣམས་ལ་ཤ་ལྔ་བདུད་རྩི་ལྔ་སྨན་ལྔ་རྣམས་གནས་པ་ལ།  རླུང་གིས་མེ་སྦར་ཏེ་ཞུ་བ་ཡོངས་སུ་གྱུར་པ་ལས་ཕྱག་མཚན་བཅུ་སོ་སོའི་ལྟེ་བར་ཧཱུཾ་ཨོཾ་སྭཱ་ཨཱཾ་ཧཱ་མཱུྃ་ལཱྃ་མཱྃ་པཱྃ་ཏཱྃ་གྱིས་མཚན་པ་ལས་འོད་ཟེར་འཕྲོས།  འཁོར་འདས་ཀྱི་བཅུད་ཐམས་ཅད་བསྡུས་ཏེ་ཐིམ་པ་ཡོངས་སུ་གྱུར་པ་ལས་རིགས་ལྔ་ཡབ་ཡུམ་བཅུར་གྱུར་པའི་སྦྱོར་མཚམས་ནས་བྱང་ཆུབ་ཀྱི་སེམས་དཀར་དམར་གྱི་རྒྱུན་བབས་པའི་སྟེང་དུ་རིགས་ལྔ་ཡབ་ཡུམ་འོད་དུ་ཞུ་ནས་ཐིམ་པས་བདུད་རྩིའི་རྒྱ་མཚོ་ཆེན་པོར་གྱུར་ {{TibChung|པར་བསམ་ལ།}} ཨོཾ་ཨཱཿཧཱུཾ་སརྦ་པཉྩ་ཨ་མྲྀ་ཏ་ཧཱུཾ་ཧྲཱིཿཋཱ༔  {{TibChung|ལན་གསུམ། གཏོར་མ་ལ།}} རྃ་ཡྃ་ཁྃ། སྟོང་པའི་ངང་ལས་ཐོད་པ་དུམ་བུ་གཅིག་པ་སྟོང་གསུམ་དང་མཉམ་པའི་པང་དུ་ཨོཾ་ཨཱཿཧཱུཾ་ཞུ་བ་ལས་བྱུང་བའི་ལྷའི་ཞལ་ཟས་འདོད་ཡོན་ལྔའི་ལྷ་མོ་སྤྲིན་གྱི་ཕུང་པོ་ལྟ་བུར་ {{TibChung|[5b]}} འཁྲིགས་པར་ {{TibChung|བསམ་ཞིང་།}} ཨོཾ་ཨཱཿཧཱུཾ་མ་ཧཱ་བ་ལིཾ་ཏ་ཏེ་ཛྭ་བ་ལིཾ་ཏ་བ་ལ་བ་ཏི་གུ་ཧྱ་ས་མ་ཡ་སྭཱ་ཧཱ༔  {{TibChung|ལན་གསུམ། རཀྟ་ལ།}} རྃ་ཡྃ་ཁྃ། སྟོང་པའི་ངང་ལས་པདྨ་འབར་བའི་སྣོད་ཆེན་པོར་ར་ལས་རྡོ་རྗེ་སྒེག་མོ་མ་དམར་མོའི་མཁའ་ནས་ཁྲག་གི་རྒྱུན་བབས་ཏེ་ཉོན་མོངས་བག་ཆགས་དང་བཅས་པ་འཇོམས་པའི་རཀྟའི་རྒྱ་མཚོ་རྦ་ཀློང་རྒྱ་མདུད་ཀྱི་ཚུལ་དུ་འཁྲུགས་པ་ལ་ལྷ་མོ་ཉིད་འོད་དུ་ཞུ་ནས་ཐིམ་པས་འཁོར་བ་སྟོང་པར་ {{TibChung|བསམ་ལ།}} ཨོཾ་ཨཱཿཧཱུཾ་མ་ཧཱ་རཀྟ་ས་མནྟ་མཎྜ་ལ་ཧཱུཾ་ཕཊ༔  {{TibChung|ལན་གསུམ། དེ་ལྟར་ཕྱི་ནང་གི་མཆོད་པ་རྣམས་སོ་སོར་བྱིན་གྱིས་བརླབས་པའམ།  བསྡུ་ན།}} ཨོཾ་སརྦ་ཏ་ཐཱ་ག་པཱུ་ཛ༔ མ་ཧཱ་པཉྩ༔  མ་ཧཱ་བ་ལིཾ་ཏ༔  མ་ཧཱ་རཀྟ༔  ཨ་ཧོ་སུ་ཁས་མ་ཡེ་སྭཱ་ཧཱ༔   {{TibChung|ཞེས་མང་དུ་བཟླས་པས་བརླབས་ལ།}} ཧཱུྃ༔ རང་དང་གཉིས་མེད་ལྷ་ཚོགས་ལ༔  མར་མེ་སྨན་གཏོར་རཀྟ་དང་༔  ཕྱི་ནང་གསང་བའི་མཆོད་སྤྲིན་རྣམས༔  ཐུགས་དམ་བསྐང་ཕྱིར་འབུལ་གྱིས་བཞེས༔   {{TibChung|ཞེས་སྙན་བསྣན་ནོ། །གཉིས་པ་དངོས་གཞིའི་ལས་རིམ་ལ་དགུ་ལས། དང་པོ་དམ་ཚིག་གི་དཀྱིལ་འཁོར་བསྐྱེད་པ་ལ།  དེ་བཞིན་ཉིད་ཀྱི་ཏིང་ངེ་འཛིན་ནི།}} ཧཱུྃ༔ སྤྲོས་མེད་ཡང་དག་དེ་བཞིན་ཉིད༔  མཉམ་ཡངས་ཕྱོགས་བྲལ་ཀུན་ཏུ་གདལ༔  མ་ནོར་མ་བཅོས་ཆོས་ཀྱི་ {{TibChung|[6a]}} སྐུ༔ རང་བཞིན་ལྷུན་གྲུབ་ངང་གིས་གསལ༔  ཨོཾ་མ་ཧཱ་ཤུནྱ་ཏཱ་ཛྙཱ་ན་བཛྲ་སྭབྷཱ་ཝ་ཨཏྨ་ཀོཉཧཾ༔   {{TibChung|ཀུན་སྣང་གི་ཏིང་ངེ་འཛིན་ནི།}} ཧཱུཾ༔  དེ་བཞིན་ཀུན་ཁྱབ་ཀུན་ཏུ་སྣང་༔  མ་རིག་འཁྲུལ་སྣང་འཁོར་བའི་ཀློང་༔  གཟུང་འཛིན་བག་ཆགས་རབ་ཏུ་འཐས༔  མ་རྟོགས་སེམས་ཅན་སྙིང་རེ་རྗེ༔  ཨོཾ་དྷརྨ་དྷཱ་ཏུ་སྭ་བྷཱ་ཝ་བིཤུདྡྷེ་མཎྜ་ལ་ཧཱུྃ༔  {{TibChung|རྒྱུའི་ཏིང་ངེ་འཛིན་ནི།}} ཧཱུཾ༔ ཆོས་རྣམས་རང་བྱུང་རྟེན་འབྲེལ་ཏེ༔  རྒྱུ་ལས་མ་བྱུང་གང་ཡང་མེད༔  ཧཱུཾ་ནི་ཐམས་ཅད་བསྐྱེད་པའི་རྒྱུ༔  དགོས་འདོད་འབྱུང་བའི་ཡི་གེ་བསྒོམ༔  ཙིཏྟ་བཛྲ་ས་མཱ་ཏི་ཧཱུྃ༔   {{TibChung|འབྱུང་བ་རིམ་བརྩེགས་ནི།}} རྒྱུ་ཡི་ཡི་གེ་ཧཱུྃ་སྔོན་ལས༔ རཾ་ཡཾ་ཁཾ་གསུམ་རིམ་བཞིན་འཕྲོས༔  ཧཱུྃ༔  བསྐལ་པ་གསུམ་གྱིས་འཇིག་རྟེན་སྟོང་༔  ཡེ་ནས་དག་པའི་ངང་ཉིད་ལས༔  སྣོད་བཅུད་སྦྱོང་ཕྱིར་འབྱུང་རིམ་བརྩེགས༔  རྣམ་དག་ཡུམ་ལྔའི་མཁའ་ཀློང་གསལ༔  ཧཱུྃ་ཨེ་ཡཾ་ར་སུཾ་ཀེཾ་རཾ་བྷྲུཾ༔  ཧཱུྃ༔  ཨེ་ལས་ནམ་མཁའ་མཐའ་དབུས་མེད༔  ཡཾ་ལས་རླུང་གི་དཀྱིལ་འཁོར་སྟེང་༔  ར་ལས་རཀྟའི་རྒྱ་མཚོ་འཁྱིལ༔  སུཾ་ལས་ཞིང་ཆེན་ས་གཞི་བརྡལ༔  ཀེཾ་ལས་རུས་པའི་རི་རབ་སྟེང་༔  རཾ་ལས་བསྐལ་པའི་མེ་པུང་འབར༔   {{TibChung|[6b]}} {{TibChung|གཞལ་ཡས་ཁང་བསྐྱེད་པ་ནི།}} ཧཱུྃ༔ བྷྲཱུཾ་ལས་དུར་ཁྲོད་གཞལ་ཡས་ཁང་༔  ཟླ་གམ་ཡེ་ཤེས་འཆར་སྒོའི་དབུས༔  ཆོས་སྐུ་འགྱུར་མེད་ཨེ་རུ་གསལ༔  དེ་སྟེང་ཐོད་པ་སྐམ་རློན་གྱི༔  རྩིག་པ་བ་གམ་མཛེས་པ་ལ༔  ལྷ་ཆེན་ཀ་བ་ཀླུ་ཆེན་གདུང་༔  གཟའ་བརྒྱད་ཀ་ཞུ་ཞིང་ཆེན་ཐོག༔  རྒྱུ་སྐར་དྲལ་ཕྱམ་ཐོད་པའི་བད༔  རྒྱུ་མའི་དྲྭ་ཕྱེད་ཙིཏྟའི་ཕོད༔  མོ་རོའི་རྒྱལ་མཚན་ཀེང་རུས་འཕན༔  རྟ་བབ་ཆོས་འཁོར་གསེར་གདུགས་མཛེས༔  གྲུ་ཆད་བར་ཁྱམས་སྒོ་ཁྱུད་རྫོགས༔  ཕྱི་ནང་མེད་པར་ཀུན་ཏུ་གསལ༔  ཕོ་བྲང་གཞལ་ཡས་གླིང་ཆེན་དགུཿ    འཁོར་ལོ་རྩིབས་བཞི་མུ་ཁྱུད་བཅས་༔  མཐིང་ནག་གྲུ་གསུམ་འབར་བའི་སྟེང་༔  དྲེགས་པ་པདྨ་ཉི་ཟླའི་གདན༔  རང་རང་དཀྱིལ་འཁོར་སོ་སོ་གསལ༔  བྷྲཱུྃ་བི་ཤྭ་བི་ཤུདྡྷེ་བྷཉྫ་ཛྙཱ་ན་ཨེ་ཙཀྲ་མཎྜ་ལ་བྷྲཱུཾ༔ རུ་དྲ་ཀྲོ་དྷི་ཏི་ར་བཾ༔ མ་སུརྻ་མཎྜ་ལ་༔  ཨ་ཙནྡྲ་མཎྜ་ལ༔  པཾ་པདྨ་མཎྜ་ལ༔  {{TibChung|ལྷ་བསྐྱེད་པ་ནི།}} ཧཱུཾ༔ དཀྱིལ་འཁོར་དབུས་ཀྱི་ལྟེ་བ་ལ༔  རྒྱ་ཡི་ཡི་གེ་གདན་ལ་བབས༔  སྤྲོ་བསྡུའི་སྦྱོར་བས་དཔལ་ཆེན་སྐུ༔  བདག་ཉིད་ཆེ་མཆོག་ཧེ་རུ་ཀ༔  མཐིང་ནག་ཞལ་གསུམ་ཕྱག་དྲུག་པ༔  ཞབས་བཞི་གྱད་ཀྱི་འདོར་སྟབས་བགྲད༔  གཡས་དཀར་གཡོན་ {{TibChung|[7a]}} དམར་དབུས་མཐིང་ཞལ༔ རིགས་ལྔས་དབུ་བརྒྱན་ཐུགས་སྲོག་ཧཱུྃ༔  སྤྱན་དགུ་ཞལ་བགྲད་མཆེ་བ་གཙིགས༔  གཡས་ཀྱི་ཕྱག་གསུམ་རྡོ་རྗེ་གསོར༔  གཡོན་གྱི་ཕྱག་གསུམྦྷན་དམར་འཛིན༔  དུར་ཁྲོད་འཇིགས་པའི་ཆས་ཀྱིས་བརྒྱན༔  གནམ་ཞལ་ཡུམ་ཆེན་ཀུན་བཟང་འཁྲིལ༔  ཞལ་གཅིག་ཕྱག་གཉིས་སྐུ་མདོག་མཐིང་༔  གཡས་པས་གཙོར་འཁྱུད་ཁ་ཊྭཱཾ་བསྣམས༔  གཡོན་པས་དུང་དམར་གཙོ་ལ་སྟོབ༔  བསྐལ་པའི་མེ་དཔུང་ཀློང་ན་བཞུགས༔  མ་སུརྻ་མཎྜ་ལ༔  ཧཱུྃ་བཛྲ་ཨོཾ༔  ཨ་ཙནྡ་མཎྜ་ལ༔  ཨེ་ཨཾ༔  ས་མ་ཡ་ཧོཿ     ས་མ་ཡ་སྟྭཾ༔  ར་ཧོ་ཧཾ༔  རཱ་ག་ཡཱ་མིཿ    ཛཿཧཱུྃ་བྃ་ཧོཿ   ས་མ་ཡ་མུ་དྟ༔  པྲ་བེ་ཤ་ཡ་ཕཊ༔  ཨོཾ་ཨོཾ་ཨོཾ༔  ཧཱུྃ་ཧཱུྃ་ཧཱུྃ༔  ཕཊ་ཕཊ་ཕཊཿ  སྥ་ར་ཎ་ཕཊ༔  ཧཱུྃ་ཧཱུྃ་ཧཱུྃ་ཧཱུྃ༔  ཡབ་ཡུམ་སྦྱོར་བའི་བྱིན་རླབས་ལས༔  རིགས་བཞི་ལ་སོགས་འཁོར་བཅས་གསལ༔  ཨོཾ་བཛྲ་ཀྲོ་དྷ་མ་ཧཱ་ཤྲི་ཧེ་རུ་ཀ་ཧཱུཾ་ཕཊཿ   མ་ཧཱ་ཀྲོ་དྷཱི་ཤྭ་རི་སྟྭཾ༔ ཧཱུཾ༔  དཔལ་ཆེན་ཡབ་ཡུམ་མཁའ་གསང་ལས༔  ཕྱོགས་བཞི་མཚམས་བཞིའི་དཀྱིལ་འཁོར་དུ༔  མཐིང་ནག་ཧཱུཾ་ཆེན་ཡིག་འབྲུ་སྤྲོས༔  ཁྲག་འཐུང་ཡབ་ཡུམ་སྲས་བཅས་བསྐྱེད༔  ཧཱུྃ་ཧཱུྃ༔  ཧཱུྃ་ཧཱུྃ༔   {{TibChung|[7b]}} ཧཱུྃ་ཧཱུྃ༔ ཧཱུྃ་ཧཱུྃ༔  ཧཱུྃ་ཧཱུྃ༔  ཧཱུྃ་ཧཱུྃ༔  ཧཱུྃ་ཧཱུྃ༔  ཧཱུྃ་ཧཱུྃ༔  ཧཱུྃ༔  ཤར་དུ་བཛྲ་ཧེ་རུ་ཀ༔  དབུ་གསུམ་ཕྱག་དྲུག་ཞབས་བཞི་བགྲད༔  གཡས་དཀར་གཡོན་དམར་དབུས་མཐིང་ཞལ༔  རིགས་ལྔས་དབུ་བརྒྱན་ཐུགས་སྲོག་གསལ༔  གཡས་གསུམ་རྩེ་དགུ་ཁ་ཊྭཱཾ་རྔ་༔  གཡོན་གསུམ་དྲིལ་བྷན་རྒྱུ་ཞགས་བསྣམས༔  ཡུམ་ཆེན་ཀྲོ་དྷཱི་ཤྭ་རི་སྦྱར༔ གཡས་པས་གཙོ་འཁྱུད་ཁ་ཊྭཱཾ་བསྣམས༔  གཡོན་པས་ཆགས་པའི་དུང་དམར་སྟོབ༔  དུར་ཁྲོད་ཆས་བརྒྱད་སྐུ་ལ་བརྒྱན༔  རིགས་བཞི་སྤྲུལ་པའི་འཁོར་བཅས་གསལ༔  ཨོཾ་རུ་ལུ་རུ་ལུ་ཧཱུྃ་བྷྱོ་ཧཱུྃ་ཕཊ༔  ཧཱུྃ༔  ལྷོ་རུ་འཇམ་དཔལ་གཤིན་རྗེ་གཤེད་༔  དབུ་གསུམ་ཕྱག་དྲུག་ཞབས་བཞི་བགྲད༔  གཡས་དཀར་གཡོན་དམར་དབུས་མཐིང་ཞལ༔  རིགས་ལྔས་དབུ་བརྒྱན་ཐུགས་སྲོག་གསལ༔  གཡས་གསུམ་བེ་ཅན་རལ་གྲི་སྟྭཾ༔  གཡོན་གསུམ་སྡིག་མཛུབ་མདུང་བྷན་དམར༔  ཡུམ་མཆོག་ཟ་བྱེད་བེ་ཏཱ་སྦྱར༔  གཡས་པས་གཙོ་འཁྱུད༴   གཡོན་པས་ཆགས་པའི༔  དུར་ཁྲོད་ཆས་བརྒྱད༴   རིགས་བཞི་སྤྲུལ་པའི་འཁོར་བཅས་གསལ༔  ཨོཾ་ཨ་ཀྲོ་ཏེ་ཀ་ཡ་མཱནྟ་ཀ་ཧ་ན་མ་ཐ་བྷཉྫ་ཧཱུཾ་ཕཊ༔  ཧཱུྃ༔  ནུབ་ཏུ་དབང་ཆེན་རྟ་ {{TibChung|[8a]}} མཆོག་དཔལ༔ དབུ་གསུམ་ཕྱག་དྲུག་ཞབས་བཞི་བགྲད༔  གཡས་དཀར་གཡོན་ལྗང་དབུས་དམར་ཞལ༔  དབུ་གཙུག་རྟ་སྐད་ཕྱོགས་བཅུར་སྒྲོག༔  རིགས་ལྔས་དབུ་བརྒྱན་ཐུགས་སྲོག་གསལ༔  གཡས་གསུམ་རྡོ་རྗེ་ཁ་ཊྭཱཾ་ཞགས༔  གཡོན་གསུམ་དྲིལ་བྷན་ལྕགས་སྒྲོག་བསྣམས༔  ཡུམ་མཆོག་པདྨ་གཟི་ལྡན་སྦྱོར༔  གཡས་པས༔  གཡོན་པས༴   དུར་ཁྲོད༴   རིགས་བཞི་སྤྲུལ་པའི་འཁོར་བཅས་གསལ༔  ཨོཾ་པདྨཱནྟ་ཀྲྀ་ཏ་མ་ཧཱ་ཀྲོ་དྷ་ཧ་ཡི་གྲཱི་ཝ་ཧུ་ལུ་ཧུ་ལུ་ཧཱུཾ་ཕཊ༔ ཧཱུྃ༔  བྱང་དུ་རྡོ་རྗེ་གཞོན་ནུ་ཆེ༔  དབུ་གསུམ་ཕྱག་དྲུག་ཞབས་བཞི་བགྲད༔  གཡས་དཀར་གཡོན་དམར་དབུས་མཐིང་ཞལ༔  རིགས་ལྔས་དབུ་བརྒྱན་ཐུགས་སྲོག་གསལ༔  གཡས་གཉིས་རྩེ་དགུ་རྩེ་ལྔ་འཛིན༔  གཡོན་གཉིས་མེ་དཔུང་ཁ་ཊྭཱཾ་བསྣམས༔  མཐའ་གཉིས་རི་རབ་ཕུར་བུ་འདྲིལ༔  ཡུམ་ཆེན་འཁོར་ལོ་རྒྱས་འདེབས་སྦྱར༔  གཡས་པས༴   གཡོན་པས༴   དུར་ཁྲོད༴   རིགས་བཞི་སྤྲུལ་པའི་འཁོར་བཅས་གསལ༔  ཨོཾ་བཛྲ་ཀཱི་ལི་ཀའི་ལ་ཡ་སརྦ་བིགྷྣཱན་བཾ་ཧཱུཾ་ཕཊ༔  ཧཱུཾ༔  ཤར་ལྷོར་བླ་མེད་ཧེ་རུ་ཀ༔  དབུ་གསུམ་ཕྱག་དྲུག་ཞབས་ {{TibChung|[8b]}} བཞི་བགྲད༔ གཡས་དཀར་གཡོན་དམར་དབུས་མཐིང་ཞལ༔  རིགས་ལྔས་དབུ་བརྒྱན་ཐུགས་སྲོག་གསལ༔  གཡས་གསུམ་རྡོ་རྗེ་ཁྱུང་སྦྲུལ་ཞགས༔  གཡོན་གསུམྦྷནྡྷ་ཞིང་གའུ༔  ཡུམ་ཆེན་ཉིད་བཞི་བདེ་མཆོག་སྦྱོར༔  གཡས་པས༴   དུར་ཁྲོད༴   རིགས་བཞི་སྤྲུལ་པའི་འཁོར་བཅས་གསལ༔  ཨོཾ་གུ་ཧྱ་ཛྙཱ་ན་ཤྲཱི་ཧེ་རུ་ཀ་གུ་ཧྱ་ཛྙཱ་ན་ཀྲོ་དྷཱི་ཤྭ་རི་སྟཾ་མ་མ་ཡོ་གི་ནི་རུ་ལུ་རུ་ལུ་ཧཱུཾ་བྷྱོ་ཧཱུཾ་ཕཊ༔ ཧཱུཾ༔  ལྷོ་ནུབ་རིག་འཛིན་ཐོད་པ་རྩལ༔  ཞལ་གཅིག་ཕྱག་གཉིས་ཞབས་གཉིས་བགྲད༔  སྐུ་མདོག་དཀར་དམར་རུས་རྒྱན་སྤྲས༔  རིགས་ལྔའི་དབུ་བརྒྱན་ཐུགས་སྲོག་གསལ༔  རྡོ་རྗེ་དྲིལ་བུའི་ཕྱག་རྒྱ་བསྒྱུར༔  ཡུམ་ཆེན་ཆོས་དབྱིངས་རྣལ་འབྱོར་མ༔  གཉིས་མེད་འཁྲིལ་སྦྱོར་ཆེན་ཆེན་བསྐྱེད༔  རིགས་བཞི་སྤྲུལ་པའི་འཁོར་བཅས་གསལ༔  ཨོཾ་བཛྲ་མ་ཧཱ་གུ་རུ་སརྦ་སིདྡྷི་ཧཱུཾ་ཕཊ༔ ཧཱུཾ༔  ནུབ་བྱང་དྲེགས་པ་ཀུན་འདུལ་ནི༔  དབུ་གསུམ་ཕྱག་དྲུག་ཞབས་བཞི་བགྲད༔  གཡས་དཀར་གཡོན་དམར་དབུས་མཐིང་ཞལ༔  རིགས་ལྔས་དབུ་བརྒྱན་ཐུགས་སྲོག་ལས༔  གཡས་གསུམ་རྡོ་རྗེ་ལྷ་བརྒྱད་མགོ༔  གཡོན་གསུམྦྷན་དམར་ {{TibChung|[9a]}} ཀླུ་བརྒྱད་མགོ༔ ཡུམ་མཆོག་སྲིད་པ་སྤྱི་འདུལ་སྦྱོར༔  གཡས་པས༴   གཡོན་པས༴   དུར་ཁྲོད༴   རིགས་བཞི་སྤྲུལ་པའི་འཁོར་བཅས་གསལ༔  ཨོཾ་བཛྲ་ཙཎྜ་སརྦ་དུཥྚན་ཧཱུཾ་ཕཊ༔  ཧཱུྃ༔  བྱང་ཤར་སྟོབས་ལྡན་ནག་པོ་ཆེ༔  དབུ་གསུམ་ཕྱག་དྲུག་ཞབས་བཞི་བགྲད༔  གཡས་དཀར་གཡོན་དམར་དབུས་མཐིང་ཞལ༔  རིགས་ལྔས་དབུ་བརྒྱན་ཐུགས་སྲོག་གསལ༔  གཡས་གསུམ་རྡོ་རྗེ་ལྷ་བརྒྱད་སྙིང༔  གཡོན་གསུམྦྷན་དམར་ཀླུ་བརྒྱད་སྙིང་༔  ཡུམ་ཆེན་འབྱུང་བ་ལྔ་བདག་སྦྱོར༔  གཡས་པས་གཟུགས་ཁམས་མཁའ་ལ་འདེགས༔  གཡོན་པས་འདོད་ཁམས་ས་ལ་མནན༔  དུར་ཁྲོད་ཆས་བརྒྱད་སྐུ་ལ་གསོལ༔  རིགས་བཞི་སྤྲུལ་པའི་འཁོར་བཅས་གསལ༔  ཨོཾ་བཛྲ་སརྦ་དུཥྚན་ཨེ་ཛཿབྷྱོ་ཧཱུཾ་ཕཊ༔  ཧཱུཾ༔  ཉི་མ་དང་ནི་འོད་ཟེར་བཞིན༔  དཔལ་ཆེན་སོ་སོའི་སྤྲུལ་འཁོར་བཅས༔  ཕྱི་རོལ་སྒོ་བ་རིགས་བཞི་ནི༔  ཡ་མཱ་ན་པྲ་ཛྙཱ་ན་པདྨན་བིག༔  ལྕགས་ཀྱུ་ཞགས་པ་ལྕགས་སྒྲོག་དྲིལ༔  ཚོམ་བུ་དགུ་ཡི་ལྷ་ཚོགས་རྣམས༔  སྐུ་མདོག་ཕྱག་མཚན་རྒྱན་ཆ་ལུགས༔  མ་འདྲེས་ཡོངས་སུ་རྫོགས་པར་གསལ༔  ཛཿཧཱུཾ་བཾ་ ཧོཿ  ཧཱུཾ༔  ཕྱི་ {{TibChung|[9b]}} རོལ་ལྕགས་རི་ཁོར་ཡུག་ལ༔ མཁའ་འགྲོ་དབང་ཕྱུག་གིང་ལངྐ༔  འབར་མ་མ་སྲིང་བཀའ་སྡོད་ཚོགས༔  བསམ་གྱིས་མི་ཁྱབ་ཡོངས་རྫོགས་གཏིབས༔  མ་ཧཱ་མུ་ཏྲ་ས་མ་ཡ་ཧོཿ       {{TibChung|བྱིན་བརླབ་པ་ནི།}} ཧཱུཾ༔ རང་བྱུང་དཀྱིལ་འཁོར་དཔལ་ཆེན་ཚོགས༔  མཐུ་རྩལ་ཡོངས་སུ་རྫོགས་བྱའི་ཕྱིར༔  སྐུ་གསུང་ཐུགས་མཆོག་བྱིན་རློབ་ལ༔  ཡེ་ཤེས་རྣམ་ལྔའི་དབང་སྐུར་ཅིག༔   {{TibChung|ཅེས་པས།}} ལྷ་ཚོགས་རྣམས་ཀྱི་དཔྲལ་བར་འཁོར་ལོ་རྩིབས་བརྒྱད་པའི་ལྟེ་བར་རྣམ་སྣང་དཀར་པོ་ཐུགས་ཀར་ཨོཾ་གྱིས་མཚན་པ། ལྗགས་པདྨ་འདབ་བརྒྱད་ཀྱི་ལྟེ་བར་སྣང་མཐའ་དམར་པོ་ཐུགས་ཀར་ཨཱ༔  ས་མཚན་པ།  ཐུགས་རྡོ་རྗེ་རྒྱ་གྲམ་གྱི་ལྟེ་བར་རྡོར་སེམས་མཐིང་ག་ཐུགས་ཀར་ཧཱུཾ་གིས་མཚན་པ།  དེའི་འོད་ཟེར་གྱིས་དེ་བཞིན་གཤེགས་པ་རྣམས་ཀྱི་ཐུགས་རྒྱུད་བསྐུལ་རྡོ་རྗེ་གསུམ་གྱི་ལྷ་ཚོགས་ནམ་མཁའ་གང་བར་བྱོན་ནས་ཐིམ་པས་སྐུ་གསུང་ཐུགས་ཀྱི་བྱིན་རླབས་ཡོངས་སུ་རྫོགས་པ་ཐོབ།  ཨོཾ་ཨཱཿཧཱུྃ༔   {{TibChung|དབང་བསྐུར་བ་ནི།}} སྤྱི་བོའི་གནས་ལྔར་དཔའ་བོ་འབྲུ་ལྔ་ལས་རྒྱལ་བ་རིགས་ལྔ་སོགས་ཞི་བ་བཞི་བཅུ་རྩ་གཉིས་ཀྱི་ལྷ་ཚོགས་རྣམས་བཞུགས་ནས་དབང་ཆེན་རབ་ {{TibChung|[10a]}} འབྱམས་ཀྱི་དབང་བསྐུར་བ་ཐོབ་སྟེ་འགྲོ་དོན་ལ་དབང་བར་གྱུར། ཧཱུཾ་ཨོཾ་སྭཱཧྲཱིཿཧཱ༔  ཨོཾ་ན་མཿསརྦ་ཏ་ཐཱ་ག་ཏ་ཀཱ་ཡ་ཝཱ་ཀྩིཏྟ་ཛྙཱ་ན་པཉྩ་བཛྲ་སྭ་བྷཱ་ཝ་ཨཏྨ་ཀོཉ་ཧཾ༔   {{TibChung|གཉིས་པ་ཡེ་ཤེས་ཀྱི་འཁོར་ལོ་སྤྱན་དྲང་བ་ནི།}} རང་གི་ཐུགས་ཀའི་ཧཱུཾ་ལས་འོད་ཟེར་འཕྲོས་པས་དཔལ་ཆེན་དཀྱིལ་འཁོར་དགུའི་ལྷ་ཚོགས་འཁོར་དང་བཅས་པ་ཐམས་ཅད་བཛྲ་ས་མཱ་ཛཿ   ཧཱུྃ༔  རྣམ་དག་ཆོས་དབྱིངས་མཉམ་ཉིད་ལས༔  ཞི་ཁྲོ་ཡོངས་རྫོགས་སྐུ་བཞེངས་ལ༔  སྲིད་གསུམ་གདུག་པའི་ཚོགས་བསྒྲལ་ཕྱིར༔  གནས་འདིར་སྤྱན་འདྲེན་གཤེགས་སུ་གསོལ༔  ཨོཾ་ཨེ་ཧྱེ་ཧི་ས་མ་ཡ་ཛཿཧཱུཾ་བཾ་ཧོཿ     ཧྲིཾ་ཧྲིཾ་ཛཿ     {{TibChung|གསུམ་པ་བཞུགས་སུ་གསོལ་བ་ནི།}} ཧཱུཾ༔ བདེ་གཤེགས་ཀུན་འདུས་དཀྱིལ་འཁོར་འདིར༔  དམ་ཚིག་ཡེ་ཤེས་དབྱེར་མེད་པར༔  ཆུ་ལ་ཆུ་བཞག་ཇི་བཞིན་དུ༔  དུ་མ་རོ་གཅིག་བརྟན་པར་བཞུགས༔  ས་མ་ཡ་ཨཱ་བེ་ཤ་ཡ་ཏིཥྛ་སྟྭཾ༔   {{TibChung|བཞི་པ་ཕྱག་འཚལ་བ་ནི།}} ཧཱུྃ༔ ཆོས་རྣམས་རང་བཞིན་ཡེ་ནས་དག༔  རྟོག་འཁྲུལ་འཇིག་རྟེན་སེམས་ཅན་ལ༔  སྐུ་གསུང་ཐུགས་ཡོན་ཕྲིན་ལས་སྟོན༔  དཀྱིལ་འཁོར་ལྷ་ལ་ཕྱག་འཚལ་ལོ༔  ཨ་ཏི་པུ་ ཧོཿ  པྲ་ཏཱིཙྪ་ ཧོཿ  {{TibChung|[10b]}} {{TibChung|ལྔ་པ་མཆོད་པ་འབུལ་བ་ལ། ཕྱག་རྒྱ་གར་མཆོད་ནི།}} ཧཱུྃ༔ གདུལ་བྱའི་མོས་བློ་ཐ་དད་པས༔  ཞི་དང་ཁྲོ་དང་འདྲེས་པའི་ཚུལ༔  ཞལ་དང་ཕྱག་མཚན་ཅིར་ཡང་བསྒྱུར༔  བདེ་གཤེགས་ཐམས་ཅད་གར་གྱི་བདག༔  ཕྱག་རྒྱ་གར་གྱི་མཆོད་པ་བཞེས༔  མ་ཧཱ་མུ་དྲ་པཱུ་ཛ་ཧོཿ     {{TibChung|གླུའི་མཆོད་པ་ནི།}} ཧཱུྃ༔ སྟོང་པའི་རང་བཞིན་ཅིར་ཡང་སྣང་༔  སྣང་བའི་མཚན་ཉིད་སྐྱེ་བ་མེད༔  གླུ་ནི་འདུ་འབྲལ་མེད་པའི་གླུ༔  བྲོ་ནི་བར་ཆད་མེད་པར་བརྡུང་༔  ཨོཾ་མ་ཧཱ་ཛྙཱ་ན་ཏེ་ན་ཧཱུྃ་ཏེ་ན་ཏེ་ཏེ་ཧཱུྃ༔   {{TibChung|ཕྱི་མཆོད་ནི།}} ཧཱུྃ༔ རྒྱལ་བ་རྒྱ་མཚོའི་དཀྱིལ་འཁོར་དུ༔  བདུག་སྤོས་མེ་ཏོག་མར་མེ་དྲི༔  ཞལ་ཟས་སིལ་སྙན་མཆོད་པའི་སྤྲིན༔  དབྱིངས་ནས་བཏོན་ཏེ་དབྱིངས་སུ་འབུལ༔  ཨོཾ་པ་ན་པེ༔  པེ་ནུ་སུ་ར་ཏོ༔  རི་པུ་པ་ར་མུ༔  སརྦ་ཏ་ཐཱ་ག་ཏ་སིདྡྷི་ས་མ་ཡ་ཧོཿ    ཨོཾ་ཤྲཱི་བཛྲ་རཱ་ག་དྷུ་པེ་ཧཱུཾ༔ པུཥྤེ་ཏྲྃ༔  ཨཱ་ལོ་ཀེ་ཧྲཱིཿ  གནྡྷེ་ཧྲཱིཿ    ནཻ་བི་དྱཱ་ཨཱཿ    གཱིརྟི་ཤཔྡ་ཧཱུྃ༔   {{TibChung|ནང་མཆོད་ནི།}}  ཨོཾ༔  མཆོད་པ་ཕྱག་རྒྱ་ཆེན་པོ་ནི༔  སེམས་ཀྱི་ཡིད་བཞིན་སྤྲིན་ཚོགས་གཏིབས༔  གཟུགས་སྒྲ་དྲི་རོ་རེག་བྱ་ཆོས༔  འདོད་ཡོན་ལྔ་ལྡན་མཆོད་པ་བཞེས༔  ཨོཾ་སརྦ་པཱུ་ཛ་ས་མ་ཡ་ ཧོཿ    {{TibChung|གསང་མཆོད་ནི།}} ཧཱུྃ༔ འདོད་ {{TibChung|[11a]}} ཆགས་ཞེ་སྡང་གཏི་མུག་ཆེ༔ ང་རྒྱལ་ཕྲག་དོག་ཉོན་མོངས་ལྔ༔  ཡེ་ནས་རིགས་ལྔའི་རང་བཞིན་ཡིན༔  སྦྱོར་སྒྲོལ་ཏིང་འཛིན་དམ་མཆོད་བཞེས༔  ཧ་ལ་པཉྩ་པཱུ་ཛ་ཧོཿ     {{TibChung|དུག་གསུམ་གྱི་མཆོད་པ་ནི།}} ཧཱུྃ༔ ཤ་ཁྲག་རུས་པ་རྣམ་པ་གསུམ༔  དུག་གསུམ་མཆོད་པ་བླ་ན་མེད༔  ཡེ་ནས་སྐུ་གསུམ་རང་བཞིན་ཏེ༔  རང་གྲོལ་ཉིད་དུ་མཆོད་པར་བཞེས༔  མ་ཧཱ་མཱཾ་ས༔  མ་ཧཱ་རཀྟ༔  མ་ཧཱ་ཀེཾ་ནི་རི་ཏི་ཁཱ་ཧི༔   {{TibChung|སྨན་མཆོད་ནི།}} ཧཱུྃ༔ རང་བྱུང་གདོད་ནས་རྣམ་པར་དག༔  རྩ་བརྒྱད་སྟོང་ལ་སྦྱར་བའི་སྨན༔  རིགས་ལྔ་དམ་ཚིག་ལྔ་ཡི་དངོས༔  ཡེ་ཤེས་ལྔ་རྫོགས་གྲུབ་པའི་རྫས༔  རྒྱུད་ལྔའི་སེམས་ཅན་ཀུན་བསྒྲལ་ཕྱིར༔  དུག་ལྔ་སེལ་བའི་བདུད་རྩི་ཆེ༔  དུས་གསུམ་བླ་མ་ཡི་དམ་ལྷ༔  རྒྱལ་བ་ཞི་ཁྲོའི་ལྷ་ཚོགས་ལ༔  རྣམ་དག་བདུད་རྩིའི་དམ་རྫས་མཉེས་མཆོད་འབུལ༔  ཐུགས་རྗེས་བརྩེར་དགོངས་དབང་དང་དངོས་གྲུབ་སྩོལ༔  ཨོཾ་ཨཱཿཧཱུཾ་སརྦ་པཉྩ་ཨ་མྲྀ་ཏ་ཁ་རཾ་ཁཱ་ཧི༔  དམ་སྐོང་དབང་དང་ཤེས་རྒྱུད་ལུང་སྟོན་པའི༔  ངེས་པའི་དོན་སྟོན་རྩ་བརྒྱུད་བླ་མ་ལ༔  རྣམ་དག༴   ཐུགས་རྗེས༴   ཨོཾ་ཨཱཿཧཱུཾ་སརྦ་པཉྩ་ཨ་མྲྀ༴   བདེ་ {{TibChung|[11b]}} གཤེགས་ཞི་བ་ཆེ་མཆོག་གཤིན་རྗེའི་གཤེད༔ རྟ་མགྲིན་ཡང་དག་ཕུར་པ་རྦོད་གཏོང་ལ༔  རྣམ་དག༴   ཐུགས་རྗེས༴   ཨོཾ་ཨཱཿཧཱུཾ་སརྦ༴   རིག་འཛིན་དྲག་སྔགས་དྲེགས་འདུལ་བཀའ་སྡོད་ཚོགས༔  མཁའ་འགྲོ་ཆོས་སྐྱོང་གཞི་གནས་གཏེར་བདག་ལ༔  རྣམ་དག༴   ཐུགས་རྗེས༴   ཨོཾ་ཨཱཿཧཱུཾ་སརྦ༴   {{TibChung|དངོས་གྲུབ་བླང་བ་ནི།}} ཧཱུྃ༔ ལྕེ་ཡི་དམ་ཚིག་རྡོ་རྗེ་ལ༔  དམ་ཚིག་ཅན་གྱིས་ཧཱུཾ་བསྒོམས་ཏེ༔  མཐེབ་སྲིན་ཐབས་ཤེས་ཕྱག་རྒྱ་ཡིས༔  མྱང་ན་དངོས་གྲུབ་མཆོག་ཐོབ་འགྱུར༔  ཀཱ་ཡ་སིངྔྷ་ཨོཾ༔  ཝཱ་ཀ་སིདྡྷིཨཱ༔ ཙིཏྟ་སིདྡྷི་ཧཱུྃ༔ སརྦ་སིདྡྷི་ཧྲཱིཿ      {{TibChung|གཏོར་མའི་མཆོད་པ་ནི།}} ཧཱུྃ༔ དམ་རྫས་རྨད་བྱུང་གཏོར་ཆེན་པོ༔  འདོད་ཡོན་ལྔ་ཡི་ཕུང་པོར་འབར༔  ཐམས་ཅད་ཚིམ་བྱེད་མཆོད་སྦྱིན་ཆེ༔  ཞི་ཁྲོ་ཡོངས་རྫོགས་ཐུགས་དམ་བསྐང་༔  མ་ཧཱ་བ་ལིཾ་ཏ་ཁཱ་ཧི༔   {{TibChung|རཀྟའི་མཆོད་པ་ནི།}} ཧཱུྃ༔ རུ་དྲ་བསྒྲལ་བའི་ཁྲག་ཆེན་པོ༔  ལྕང་ལོར་བཅས་པའི་བྷཉྫར་བསྐྱིལ༔  འཁོར་བ་དབྱིངས་སུ་དག་བྱའི་ཕྱིར༔  དཔལ་ཆེན་ཚོགས་ཀྱི་ཞལ་དུ་འབུལ༔  མ་ཧཱ་རཀྟ་ཁཱ་ཧི༔   {{TibChung|བདུད་རྩི་གསང་ནན་གྱི་མཆོད་པ་ནི།}} ཧཱུྃ༔ རྒྱུ་གཉིས་རྐྱེན་སྦྱར་འབྲུ་བཅུད་འདི༔  དུག་ལྔ་སྨན་གྱུར་དམ་པའི་ {{TibChung|[12a]}} རྫས༔ ཛ་གད་དཔའ་བོའི་བདུད་རྩི་འདིས༔  རྒྱལ་བ་ཞི་ཁྲོའི་ཐུགས་དམ་བསྐང་༔  མ་ཧཱ་པཉྩ་ཨ་མྲྀ་ཏ་ཛ་གད་ཁཱ་ཧི༔   {{TibChung|སྦྱོར་བའི་མཆོད་པ་ནི།}} ཧཱུྃ༔ དབྱིངས་རིག་གཉིས་མེད་སྦྱོར་བ་ཡིས༔  འཁོར་འདས་གཉིས་སུ་མེད་པར་སྦྱོར༔  གཉིས་མེད་རྟོགས་པའི་སྦྱོར་མཆོད་འདིས༔  རྒྱལ་བ་ཡབ་ཡུམ་མཉེས་གྱུར་ཅིག༔  ཛཿཧཱུཾ་བཾ་ཧོཿ   པདྨ་ཡོ་གི་ནཱི་ས་མ་ཡ་པྲ་བེ་ཤ་ཡ་ཕཊ༔   {{TibChung|སྒྲོལ་བའི་མཆོད་པ་ནི།}} ཧཱུྃ༔ ཡང་དག་དོན་རྟོགས་བློ་ཡིས་ནི༔  མ་རྟོགས་སེམས་ཅན་གནས་སུ་བསྒྲལ༔  དུས་གསུམ་བདེ་གཤེགས་དེ་ལ་མཉེས༔  མཆོག་གི་མཆོད་པ་ཆེན་པོ་བཞེས༔  ཨོཾ་མ་ཧཱ་ཤྲཱི་ཧེ་རུ་ཀ་མ་ཏྲཾ་རུ་ཏྲ་པྲ་བྷཉྫ་ཙཀྲ་ཧཱུཾ་ཕཊ༔  པྲ་བེ་ཤ་ཡ་ཕཊ༔  ཏི་ཧཱུྃ་ཨེ་ཡཾ་སྥ་ར་ཎ་ཕཊ༔   {{TibChung|དྲུག་པ་བསྟོད་པ་ནི།}} ཧཱུྃ༔ དུས་གསུམ་བདེ་གཤེགས་ཆོས་རྣམས་རྫོགས་པའི་དཔལ༔  ཞི་བ་ཡོངས་རྫོགས་ལྷ་ལ་ཕྱག་འཚལ་བསྟོད༔  དུས་གསུམ་བདེ་གཤེགས་ཡོན་ཏན་རྫོགས་པའི་དཔལ༔  ཆེ་མཆོག་ཡོངས་རྫོགས༴   དུས་གསུམ་བདེ་གཤེགས་ཐུགས་མཆོག་རྫོགས་པའི་དཔལ༔  ཡང་དག་ཡོངས་རྫོགས༴   དུས་གསུམ་བདེ་གཤེགས་སུ་ཆོས་རྣམས་མཆོག་རྫོགས་པའི་དཔལ༔   {{TibChung|12b]}} གཤིན་རྗེ་ཡོངས་རྫོགས༴  དུས་གསུམ་བདེ་གཤེགས་གསུང་མཆོག་རྫོགས་པའི་དཔལ༔  དབང་ཆེན་ཡོངས་རྫོགས༴   དུས་གསུམ་བདེ་གཤེགས་ཕྲིན་ལས་རྫོགས་པའི་དཔལ༔  ཕུར་པ་ཡོངས་རྫོགས༴   དུས་གསུམ་བདེ་གཤེགས་གཟི་བརྗིད་རྫོགས་པའི་དཔལ༔  མ་མོ་ཡོངས་རྫོགས༴   དུས་གསུམ་བདེ་གཤེགས་ཕྱག་རྒྱ་རྫོགས་པའི་དཔལ༔  རིག་འཛིན་ཡོངས་རྫོགས༴   དུས་གསུམ་བདེ་གཤེགས་མངོན་སྤྱོད་རྫོགས་པའི་དཔལ༔  འཇིག་རྟེན་ཡོངས་རྫོགས༴   དུས་གསུམ་བདེ་གཤེགས་དམོད་མཐུ་རྫོགས་པའི་དཔལ༔  དྲག་སྔགས་ཡོངས་རྫོགས༔  ཕྲིན་ལས་བཞི་སྒྲུབ་ཕྱི་ནང་བར་ཆད་སེལ༔  སྒོ་བ་སྒོ་མའི་ཚོགས་ལ་ཕྱག་འཚལ་བསྟོད༔  རྒྱལ་བའི་སྤྱན་སྔར་བསྟན་པའི་གཉེར་བླངས་པའི༔  བཀའ་ཉན་སྲུང་མའི་ཚོགས་ལ་ཕྱག་འཚལ་བསྟོད༔  བླ་མེད་སྐུ་གསུང་ཐུགས་ཀྱི་དངོས་གྲུབ་རྣམས༔  བདག་སོགས་མོས་པའི་བུ་ལ་སྩལ་དུ་གསོལ༔   {{TibChung|བདུན་པ་ཛཔྲ་བཟླ་བ་ལ་གསུམ་ལས། དང་པོ་ཞི་བར་བསྙེན་པ་ནི།}} དཀྱིལ་འཁོར་གཙོ་དགུའི་ལྷ་རྣམས་ཀྱི་དབུ་གཙུག་ཏུ་རིགས་བདག་ཀུན་བཟང་ཡབ་ {{TibChung|[13a]}} ཡུམ་སྤྱི་བོའི་གནས་ལྔར་སོ་སོའི་རིགས་ལྔ་འཁོར་དང་བཅས་པ་བཞུགས་པའི་གནས་གསུམ་འབྲུ་གསུམ་དང་ཐུགས་སྲོག་ས་བོན་སྔགས་ཕྲེང་གིས་བསྐོར་བ། ལྷ་ཐམས་ཅད་ཀྱི་ཞལ་ནས་སྔགས་བཟླས་པའི་ཐུགས་རྒྱུད་བསྐུལ།  སྔགས་ཕྲེང་ལས་འོད་ཟེར་འཕྲོས་པས་སྟོང་གསུམ་ཐམས་ཅད་ཞི་བའི་ལྷ་དང་སྔགས་སྒྲས་གང་།  ཕྱོགས་བཅུའི་རྒྱལ་བ་སྲས་བཅས་ཀྱི་བྱིན་རླབས་ཚུར་བསྡུས་ནས་ཐིམ་པར་ {{TibChung|བསམ་ཞིང་།}} ཨོཾ་བོ་ངྷི་ཙིཏྟ་མ་ཧཱ་སུ་ཁ་ཛྙཱ་ན་དྷཱ་ཏུ་ཨཱཿ{{TibChung|ཞེས་ཞི་བ་སྤྱི་བསྡུས་ཀྱི་སྙིང་པོ་བཟླ། གཉིས་པ་ཁྲོ་བོར་སྒྲུབ་པ་ལ།  དམིགས་པའི་འཕྲོ་འདུ་རྣམ་གྲངས་གསུམ་གྱི།  དང་པོ་ཕྲ་མོའི་ཏིང་ངེ་འཛིན་གསལ་བས་རང་གི་གནས་སྦྱོང་བ་ནི།}} བདག་ཉིད་ཀྱི་ཐུགས་ཙིཏྟ་རིན་པོ་ཆེ་ཟུར་བརྒྱད་པ་མཆོང་གུར་ཕུབ་པ་ལྟ་བུའི་ཀློང་དུ་པད་ཉི་ཟླ་བའི་དཀྱིལ་འཁོར་ལ་ཡེ་ཤེས་སེམས་དཔའ་རྡོར་སེམས་དཀར་པོ་ཚོན་གང་བ། དེའི་ཐུགས་ཁར་རྡོ་རྗེ་སྔོན་པོ་རྩེ་ལྔ་པའི་ལྟེ་བར་ཉི་མ་ལ་གནས་པའི་མི་འགྱུར་བའི་ཐིག་ལ་ཧཱུྃ་ཡིག་གི་མཐར་སྔགས་ཀྱི་ཕྲེང་བ་རྣམས་ཤིན་ཏུ་ཕྲ་བའི་གཟུགས་ཀྱིས་གནས་པ།   {{TibChung|གཉིས་པ་བཟླས་བརྗོད་འཕྲོ་འདུས་ཡེ་ཤེས་ལྷ་ཉེ་བར་བསྙེན་པ་ནི།}} བཟླས་པའི་རྐྱེན་གྱིས་ {{TibChung|[13b]}} ཐུགས་ཀའི་སྔགས་ཕྲེང་གྱེན་དུ་བྱུང་། ལྗགས་སྟེང་ཨཱཿལ་བསྐོར།  ཤངས་བུག་གཡས་ནས་ཡར་བརྒྱུད།  སྤྱི་བོའི་ཨོཾ་ལ་བསྐོར་བ་བྱས་ནས་ཕྱིར་བྱུང་བ་ཤངས་བུག་གཡོན་གྱི་སྒོར་ཐོན།  ཡུམ་གྱི་ཤངས་བུག་གཡས་ནས་ལུགས་ཏེ་ཐུགས་ཀའི་ཧཱུཾ་ལ་བསྐོར་ཅིང་གསང་བའི་པདྨོར་བབས།   {{TibChung|གསུམ་པ་བྱང་སེམས་འཕྲོ་འདུས་དངོས་གྲུབ་ཡུམ་མཁར་བསྡུ་བ་ནི།}} ཡུམ་མཁའི་སྔགས་ཕྲེང་ལས་འོད་ཟེར་ཕྱོགས་བཅུར་འཕྲོས་པས་རྒྱལ་བ་ཐམས་ཅད་མཆོད། ཐུགས་རྗེ་བྱིན་རླབས་དངོས་གྲུབ་ཐམས་ཅད་བསྡུས་ནས་ཡུམ་གྱིས་པདྨར་བསྐྱིལ་བ་དེ་རྡོ་རྗེའི་ལམ་བརྒྱུད་ཐུགས་ཀའི་ཧཱུཾ་ལ་ཐིམ།  སྣོད་བཅུད་དག་པ་ལྷ་དང་གཞལ་ཡས་ཁང་གི་རང་བཞིན་དང་གྲག་སྟོང་རྡོ་རྗེའི་སྔགས་སྒྲས་ཞིང་ཁམས་ཐམས་ཅད་ཡོངས་སུ་གང་བར་ {{TibChung|བསམ་ཞིང་། བཟླ་བྱའི་སྔགས་ནི།}} ཨོཾ་བཛྲ་ཙཎྜ་སརྦ་དུཥྚཱན་ཏ་ཀ་ཧ་ན་ད་ཧ་པ་ཙ་ཧཱུཾ་ཕཊ༔  {{TibChung|ཅེས་ཁྲོ་བོ་སྤྱི་བསྡུས་ཀྱི་སྙིང་པོའོ། །}} ཨོཾ་བཛྲ་ཀྲོ་དྷ་མ་ཧཱ་ཤྲཱི་ཧེ་རུ་ཀ་ཧཱུཾ་ཕཊ༔  {{TibChung|ཆེ་མཆོག་གོ།}} ཨོཾ་རུ་ལུ་རུ་ལུ་ཧཱུཾ་བྷྱོ་ཧཱུཾ་ཕཊ༔  {{TibChung|ཡང་དག་གོ།}} ཨོཾ་ཨ་ཀྲོ་ཏེ་ཀ་ཡ་མཱནྟ་ཀ་ཧ་ན་མ་ཐ་བྷཉྫ་ཧཱུཾ་ཕཊ༔  {{TibChung|གཤིན་རྗེའོ། །}} ཨོཾ་པདྨནྟ་ཀྲྀཏ་བཛྲ་ཀྲོ་དྷ་ཧ་ཡ་གྲཱི་ཝ་ཧཱུཾ་ཕཊ༔  {{TibChung|རྟ་མགྲིན་ནོ། །}} ཨོཾ་བཛྲ་ཀཱི་ལི་ཀཱི་ལ་ཡ་སརྦ་བིགྷྣཱན་ {{TibChung|[14a]}} བཾ་ཧཱུཾ་ཕཊ༔  {{TibChung|ཕུར་པའོ། །}} ཨོཾ་གུ་ཧྱ་ཛྙཱ་ན་ཤྲཱི་ཧེ་རུ་ཀ་གུ་ཧྱ་ཛྙཱ་ན་ཀྲོ་དྷཱི་ཤྭ་རི་སྟཾ་མ་མ་ཡོ་གི་ནི་རུ་ལུ་རུ་ལུ་ཧཱུཾ་བྷྱོ་ཧཱུཾ་ཕཊཿ    {{TibChung|མ་མོའོ། །}} ཨོཾ་བཛྲ་མ་ཧཱ་གུ་རུ་སརྦ་སིདྡྷི་ཧཱུཾ་ཕཊ༔  {{TibChung|རིག་འཛིན་ནོ། །}} ཨོཾ་བཛྲ་ཙནྜ་སརྦ་དུཥྚན་ཧཱུཾ་ཕཊ༔  {{TibChung|དྲེགས་འདུལ་ལོ། །}} ཨོཾ་བཛྲ་སརྦ་དུཥྚན་ཨེ་ཛཿབྷྱོ་ཧཱུཾ་ཕཊ༔  {{TibChung|དྲག་སྔགས་སོ། །}} ཁྲོཾ་ག་རུ་ཌ་ཧཱུཾ་ཕཊ༔  {{TibChung|བྱ་ཁྱུང་ངོ་། །}} སརྦ་དྷཱ་ཀི་ནཱི་ས་མ་ཡ་ཧྲཱིཾ་ཧྲཱིཾ་ཧཱུཾ་ཕཊ༔   {{TibChung|བཀའ་སྡོད་དོ། །གསུམ་པ་ལས་ལ་སྦྱོར་བ་ནི།}} ལྷ་ཚོགས་བདུན་བརྒྱ་ཉེར་ལྔའི་ཞལ་ནས་དྲག་སྔགས་འབྲུག་སྒྲ་སྟོང་གསུམ་གང་བར་བསྒྲགས་པས་ཁམས་གསུམ་ཆོས་ཉིད་དུ་བསྒྲལ། བ་སྤུའི་བུ་ག་ཚུན་ཆད་ནས་ཡེ་ཤེས་ཀྱི་མེ་ལྕེ་མགར་གྱི་ཚྭ་ཚྭ་ལྟ་བུར་འཕྲོས་པས་སྣང་སྲིད་མེ་ཕུང་གིས་གང་། ཕྱི་སེམས་ཅན་ཀུན་གྱི་ལས་ཉོན་ཕུང་པོ། ནང་སྒྲུབ་པ་པོའི་རྣམ་རྟོག་འཁྲུལ་འཛིན།  བར་གདོན་བགེགས་ལོག་འདྲེན་ཐམས་ཅད་གཞོབ་ཏུ་བསྲེགས་ནས་སྐྱེ་མེད་ཀྱི་དབྱིངས་སུ་ཐིམ་པར་ {{TibChung|བསམ་ཞིང་།}} ཨོཾ་བཛྲ་མ་ཧཱ་ཀྲོ་དྷ་པདྨ་ཀྲོ་དྷི་ཤྭ་རཱི་བཛྲ་ཀཱི་ལི་ཀཱི་ལ་ཡ་མ་ཧཱ་ཡཀྵ་ཀ་ལ་རུ་པ་ཀརྨ་རཾ་རཾ་ཛྭ་ལ་རཾ་ཧཱུཾ་ཕཊ༔  {{TibChung|ཅེས་དྲག་སྔགས་སོ་ལྔ་པ་སྟེ། དེ་ལྟར་གཙོ་འཁོར་བསྙེན་སྒྲུབ་ལས་སྦྱོར་གྱི་དབྱེ་བས་ཇི་ཙམ་ནུས་པ་བཟླའོ།  །བརྒྱད་པ་སྟོང་ཚིགས་ {{TibChung|[14b]}} ཀྱི་མཆོད་པ་ནི།}} ཧཱུྃ༔ ཡེ་ཤེས་ལྷ་ཚོགས་སྤྱན་འདྲེན་གཤེགས༔  ཕྱི་ནང་གསང་བའི་མཆོད་ཚོགས་འབུལ༔  སྐུ་གསུང་ཐུགས་ཡོན་ཕྲིན་ལས་བསྟོད༔  ཉམས་ཆག་འགལ་འཁྲུལ་ཅི་མཆིས་བཤགས༔  ཨོཾ་ཨཱཿཧཱུྃ་མ་ཧཱ་ཨ་མྲྀ་ཏ་བ་ལིཾ་ཏ་རཀྟ་ཁཱ་ཧི༔   {{TibChung|ཞེས་བཟླས་པའི་བར་མཚམས་སོ་སོར་མཆོད་པ་བྱའོ། །དགུ་པ་དངོས་གྲུབ་བླང་བ་ནི་འཁྲུགས་བསྡེབས་ཀྱི་དགོངས་པས་འོག་ཏུ་འཆད་དོ།  །སྤྱི་དོན་གསུམ་པ་རྗེས་ཀྱི་ལས་རིམ་ལ་དགུ་ལས། དང་པོ་ཚོགས་ཀྱི་མཆོད་པ་ནི།  ཞིང་ལྤགས་ཀྱི་ཁར་ཐབས་ཤེས་ཀྱི་དམ་རྫས་གཙོ་བོར་གྱུར་པའི་བཟའ་བཏུང་གི་ཡོ་བྱད་ཅི་འབྱོར་པ་བཤམས་ལ།  བྱིན་གྱིས་བརླབ་པ་ནི།}} ཨོཾ་ཨུཙྪུཥྨ་བཻ་ཏཱ་ལི་ཀྲོ་དྷཱ་ནི་སརྦ་དྲ་བྱཾ་སཾ་ཤོ་དྷཱ་ནི་ཧཱུྃ་ཕཊ་སྭཱ་ཧཱ༔ ཧཱུཾ༔  རྡོ་རྗེ་ལྟ་བུའི་ཡེ་ཤེས་ཀྱིས༔  ཆོས་ཀུན་ཐམས་ཅད་སྒྱུ་མར་རིགས༔  རིག་པའི་ཡེ་ཤེས་རཾ་ཡཾ་ཁཾ༔  ཚོགས་ཀྱི་དངོས་པོ་བསྲེག་སྦྱང་བཀྲུ༔  རྃ་ཡྃ་ཁྃ༔  ཚོགས་ཀྱི་ཡོ་བྱད་སྟོང་པའི་ངང་༔  ཆ་དང་མ་ལས་ཉི་ཟླ་ཡི༔  སྣོད་དུ་འབྲུ་གསུམ་ཞུ་བ་ལས༔  འདོད་ཡོན་ལྔ་ལྡན་ཕུང་པོར་གྱུར༔  ཨོཾ་ཨཱཿཧཱུྃ༔  {{TibChung|ཚོགས་ཞིང་སྤྱན་འདྲེན་པ་ནི།}}    ཧཱུཾ༔  རྒྱལ་བ་ཞི་ཁྲོའི་ལྷ་ཚོགས་རྣམས༔  ཡེ་ཤེས་རོལ་པའི་ཚོགས་ལ་གཤེགས༔  དམ་ཚིག་དཀྱིལ་འཁོར་གནས་ {{TibChung|[15a]}} འདིར་བཞུགས༔ བདག་དང་གུས་པས་ཕྱག་འཚལ་ལོ༔  ཧཱུྃ༔  གཟུགས་སྒྲ་དྲི་རོ་རེག་བྱ་ཆོས༔  མཛེས་སྙན་དྲི་ཞིམ་རོ་བདའ་ཞིང་༔  རེག་བདེ་གླུ་གར་ཆོས་ཡིད་ཚིམ༔  འདོད་ཡོན་མཆོད་པས་ཐུགས་དམ་བསྐང་༔   {{TibChung|དེ་ནས་ཚོགས་ཕུད་རིམ་པ་གསུམ་དུ་སྤྲོས་པས་ཆ་དང་པོ་མཆོད་པ་ནི།}} ཧཱུྃ༔ བླ་མེད་མཆོག་གི་མཆོད་སྦྱར་བས༔  ཡེ་ཤེས་ལྔ་ཡི་འོད་ཟེར་འཕྲོ༔  འདོད་ཡོན་ལྷ་མོས་རབ་བརྒྱན་འབུལ༔  དམ་སྐོང་དབང་དང་དངོས་གྲུབ་སྩོལ༔  ཨོཾ་ན་མཿསརྦ་ཏ་ཐཱ་ག་ཏེ་བྷྱོ་བི་ཤྭ་མུ་ཁེ་བྷྱོཿསརྦ་ཐཱ་ཁཾ་ཨུཏྒ་ཏེ་སྥ་ར་ཎ་ཨི་མཾ་ག་ག་ན་ཁཾ་སྭཱ་ཧཱ༔   {{TibChung|བར་པ་བཤགས་པ་ནི།}} ཧཱུཾ༔ མ་རིག་བདག་ཅག་ལུས་ངག་སེམས༔  བདག་མེད་དམ་འགལ་འབྱོར་ཚོགས་ཆུང་༔  བླ་མ་ཡི་དམ་མཁའ་འགྲོ་ཡི༔  ཐུགས་དང་འགལ་གྱུར་བཟོད་པར་གསོལ༔  ཨ་ཧོ་མ་ཧཱ་སུ་ཁ་ས་མ་ཡ་ ཧོཿ    {{TibChung|ཐ་མ་བསྒྲལ་བསྟབ་ནི། དམིགས་བྱའི་གཟུགས་བརྙན་བཅས་ལ།}} ན་མོ་རིག་འཛིན་རྩ་བརྒྱུད་ཀྱི་དཔལ་ལྡན་བླ་མ་དམ་པ་རྣམས་ཀྱི་བཀའ་བདེན་པ་དང་། སངས་རྒྱས་ཀྱི་བཀའ༴   ཆོས་ཀྱི་བཀའ༴   དགེ་འདུན་གྱི་བཀའ༴   གསང་སྔགས་དང་རིག་སྔགས་དང་གཟུགས་སྔགས་ {{TibChung|[15b]}} དང་སྙིང་པོ་དང་ཕྱག་རྒྱ་དང་ཏིང་ངེ་འཛིན་གྱི་བདེན༴  ཆོས་ཉིད་གདོད་ནས་སྟོངས་ཀྱང་ཆོས་ཅན་རྒྱུ་འབྲས་བསླུ་བ་མེད་པའི་བདེན༴   ཁྱད་པར་བཅོམ་ལྡན་འདས་བདེ་གཤེགས་སྒྲུབ་པ་བཀའ་བརྒྱད་ཀྱི་ལྷ་ཚོགས་འཁོར་དང་བཅས་པའི་བཀའ་བདེན་པ་དང་།  བདེན་པ་ཆེན་པོའི་མཐུ་ལ་བརྟེན་ནས་བསྟན་དང་འགྲོ་བའི་སྤྱི་དགྲ།  ཁྱད་པར་རིག་པ་འཛིན་པ་བདག་ཅག་ཡོན་མཆོད་འཁོར་དང་བཅས་པ་རྣམས་ལ་སྔ་དགྲ་ལག་གིས་བརྡར་བ།  ཕྱི་དགྲ་ཡིད་ལ་སེམས་པ།  ད་དགྲ་ཐད་དུ་འཛུགས་པའི་གཟུགས་ཅན་སྡང་བའི་དགྲ་དང་།  གཟུགས་མེད་ལནོད་བྱེད་བགེགས་ཀྱི་ཚོགས་དང་བཅས་པ་ཐམས་ཅད་སྲིད་པ་གསུམ་གྱི་ཁོངས་གར་གནས་གར་བྲོས་ཀྱང་སྐད་ཅིག་ཡུད་ཙམ་ལ་དམིགས་པའི་རྟེན་འདི་ལ་ཁུག་ཅིག  ། {{TibChung|དྲག་སྔགས་སོ་ལྔ་པའི་མཐར།}} ཨཱ་ཀརྵ་ཡ་ཛཿ   ཛཿཧཱུྃ་བཾ་ཧོཿ     {{TibChung|ཞེས་དགུག་གཞུག་བྱས་ལ། ཕུར་ཐུན་བསྐུལ་བ་ནི།}} ཧཱུྃ༔ ཆོས་ཀྱི་དབྱིངས་ནས་རང་བྱུང་གྲུབ་པའི་ལྷཿ  ཁྲོ་བོ་རོལ་པའི་དུར་ཁྲོད་ཆེན་པོ་ནས༔  ཤིན་ཏུ་མི་བཟད་རབ་འཇིགས་སྐུར་སྟོན་པ༔  དཔལ་ཆེན་ཡོངས་རྫོགས་དྲག་པོའི་ཕྲིན་ལས་མཛོད༔  ཧཱུཾ༔  ང་ {{TibChung|[16a]}} ནི་དཔལ་ཆེན་ཧེ་རུ་ཀ༔ སྲས་འཁོར་སྤྲུལ་པ་བྱེ་བ་འབུམ༔  བཀའ་སྡོད་རབ་འཇིགས་ཕོ་ཉར་བཅས༔  བཀའ་བརྒྱད་ལྷ་ཚོགས་དུས་ལ་བབ༔  གཡས་ཀྱི་ཕྱག་ན་ཕུར་པ་འདྲིལ༔  གཡོན་གྱི་ཕྱག་ན་ལྕགས་ཀྱུས་འགུགས༔  ལྕགས་ཀྱུས་ཟུངས་ལ་ཕུར་བུས་ཐོབ༔  གནོད་བྱེད་དགྲ་བགེགས་རྡུལ་དུ་རློག༔   {{TibChung|དྲག་སྔགས་སོ་ལྔའི་མཐར།}} སརྦ་ནྲྀ་ཏྲི་ཤ་ཏྲུཾ་མཱ་ར་ཡ་རྦད༔  {{TibChung|ཅེས་བསྒྲལ། ཞལ་དུ་བསྟབ་པ་ནི།}} ཧཱུཾ༔ དཔལ་ཆེན་ཁྲག་འཐུང་ལྷ་ཚོགས་ཞལ་ཕྱེས་ཤིག༔  བག་ཆགས་ཀུན་སྦྱོང་འཁོར་བའི་ལམ་དགག་ཕྱིར༔  དགྲ་བགེགས་བསྒྲལ་བའི་དུག་གསུམ་ཤ་ཁྲག་རུས༔  ཟ་བྱེད་མི་འགྱུར་ཆོས་ཉིད་ཀློང་དུ་རོལ༔  བཛྲ་ཡཀྵ་ཀྲོ་དྷ་མི་ཛ་ཡ་ཁཱ་ཧི༔  {{TibChung|དེ་ནས་བརྡ་དང་བརྡའི་འབུལ་ལེན་དང་བཅས་ཚོགས་ཀྱི་དམ་རྫས་ནང་གི་སྲེག་བླུག་ཏུ་རོལ། ལྷག་མ་གཏོང་བ་ནི།  དམེ་གཏོར་ལ་གཙང་ཕུད་ཀྱི་རས་མ་སྦྲན་ཅིང་དམ་ཚིག་གི་ཁ་ཕྲུ་བཏབ་ལ།}} ཨོཾ་ཨཱཿཧཱུཾ་པཉྩ་ཨ་མྲྀ་ཏ་ཧཱུྃ་ཧ་ཧོ་ཧྲཱིཿ   ལྷག་མའི་དམ་ཚིག་འདོད་ཡོན་གྱི་ཕུང་པོ་ཟད་མི་ཤེས་པས་ནམ་མཁའ་གང་བར་ {{TibChung|བསམ།}} ཨེ་ཨཱ་རལླི་ཧྲཱིཾ་ཧྲཱིཾ་ཛཿ {{TibChung|ས་མགྲོན་བོས་ལ།}} ཨོཾ་བཛྲ་པུཥྤེ་ {{TibChung|སོགས་ཉེར་སྤྱོད་ལྔས་མཆོད་ནས།}} ཧཱུྃ༔ དང་པོ་ཕུད་ཀྱིས་མི་མཆོད་དུ༔  བཀའ་བརྒྱད་ {{TibChung|[16b]}} ཡོངས་རྫོགས་ལྷ་རྣམས་གཉན༔ བར་དུ་ལྷག་མས་མི་མཆོད་དུ༔  མ་དང་མཁའ་འགྲོ་ལྷག་ལ་དགྱེས༔  ཐ་མ་གཅིག་ཏུ་མི་བསྲེ་རྒྱུ༔  ཆོས་ཉིད་ཡེ་ནས་རྒྱུ་འབྲས་གཅིག༔  ཧཱུཾ༔  དཔལ་གྱི་བཀའ་ཉན་ལྷག་སྡུད་མ༔  རིགས་བཞིའི་མཁའ་འགྲོ་ཤུགས་འགྲོར་བཅས༔  དབང་ཕྱུག་ཆེན་མོ་ཉེར་བརྒྱད་དང་༔  མཁའ་འགྲོ་སུམ་ཅུ་རྩ་གཉིས་དང་༔  སྐྱེ་མཆོག་གིང་ཆེན་བཅོ་བརྒྱད་དང་༔  མ་བདུན་སྲིང་བཞི་འབར་མ་བརྒྱད༔  ཕོ་ཉ་དྲུག་ཅུ་རྩ་བཞིའི་ཚོགས༔  ལངྐ་དུར་ཁྲོད་བདག་མོ་དང་༔  འབུམ་ཕྲག་ཡངས་པའི་མཁའ་འགྲོ་མ༔  ལྷ་སྲིན་སྡེ་བརྒྱད་ཐམས་ཅད་ཀྱང་༔  དམ་ཚིག་བསྲུང་ཞིང་མཁའ་ལ་འགྲོ༔  ཟས་སུ་ཤ་དང་ཁྲག་ལ་དགྱེས༔  ལས་སུ་གསོད་དང་གཅོད་ལ་བརྩོན༔  ཤ་ཁྲག་ལྷག་གཏོར་འདི་བཞེས་ལ༔  སྔོན་ཚེ་དཔལ་གྱི་བཀའ་བཞིན་དུ༔  བཅོལ་བའི་ཕྲིན་ལས་སྒྲུབ་པར་མཛོད༔  ཨོཾ་མ་ཧཱ་ཤྲཱི་ཧེ་རུ་ཀ་ས་མ་ཡ་དེ་བི་ཀྲོ་དྷ་སརྦ་བ་ལིཾ་ཏ་ཁ་ཁ་ཁཱ་ཧི་ཁཱ་ཧིཿ   ཨོཾ་ཨཱཿཧཱུཾ་ཨུཙྪིཥྚ་བཛྲ་ཨ་ཏིཥྛ་ས་མུ་དྲ་ཀྲཱ་མ་ས་མ་ཡ་ཧཱུྃ་ཕཊ༔  ཧཱུཾ་ཧཱུཾ་ཧཱུཾ༔  ཧྲཱིཿཧྲཱིཿཧྲཱིཿ  བྷྱོ་བྷྱོ་བྷྱོཿ  ཨ་རལླི་ཛཿ   {{TibChung|ཞེས་སྒྲུབ་ཁང་གི་ལྷོ་ནུབ་ཟ་ལམ་དུ་བསྐྱལ་ལོ། །གཉིས་ {{TibChung|[17a]}} པ་ཐུགས་དམ་བསྐུལ་བ་ནི།}} ཧཱུཾ༔ མི་མངོན་དབྱིངས་ན་བཞུགས་པ་རྒྱལ་བ་ཞི་ཁྲོའི་ཚོགས༔  ཨཱཿ  བཞེངས་ཤིག་བཞེངས་ཤིག་ཆོས་ཀྱི་དབྱིངས་ནས་བཞེངས༔  ཨོཾ༔  བསྐུལ་ལོ་བསྐུལ་ལོ་སེམས་ཅན་དོན་ལ་བསྐུལ༔  ཧྲཱིཿ མཛོད་ཅིག་མཛོད་ཅིག་བཅོལ་བའི་ཕྲིན་ལས་མཛོད༔  ཨཱཿ  ཆོས་སྐུ་སྐྱེ་བ་མེད་པའི་ངང་ཉིད་ལས༔  ཨོཾ༔  སྐྱེ་བའི་ཆོ་འཕྲུལ་ལོངས་སྤྱོད་རྫོགས་པའི་སྐུ༔  ཧཱུཾ༔  སྤྲུལ་སྐུས་འགྲོ་བ་སེམས་ཅན་དོན་མཛད་པ༔  ཧྲཱིཿ  ཞི་ཁྲོ་བཀའ་བརྒྱད་ལྷ་ཚོགས་ཐུགས་དམ་ཅན༔  ཨོཾ༔  གཟུགས་སྣང་ཐམས་ཅད་སྐུ་ཡི་རང་བཞིན་ལ༔  ཨཱཿ  སྒྲ་གྲགས་ཐམས་ཅད་གསུང་གི་ངོ་བོར་སྣང་༔  ཧཱུྃ༔  དྲན་རྟོག་ཐམས་ཅད་ཐུགས་ཀྱི་དགོངས་པར་འདུས༔  ཧྲཱིཿ  ཕྱོགས་བཅུ་དུས་བཞིའི་བདེ་གཤེགས་བཅོམ་ལྡན་འདས༔  སྒྲུབ་པ་བཀའ་བརྒྱད་དཔལ་གྱི་བཀའ་སྡད་བཅས༔  མི་མངོན་དབྱིངས་ནས་གནས་འདིར་སྐུ་སྐྱོད་ཅིག༔  དམ་རྫས་བདུད་རྩི་འབར་བ་འདི་བཞེས་ལ༔  ཐུགས་དམ་རྒྱུད་བསྐུལ་བཅོལ་བའི་ཕྲིན་ལས་མཛོད༔   {{TibChung|གསུམ་པ་ཆད་མདོ་བསྒྲག་པ་ནི། གཏོར་མ་ལ་སྨན་རཀ་སྦྲན་ཅིང་།}} ཧཱུཾ་བྷྱོ༔ སྔོན་ཚེ་ {{TibChung|[17b]}} འདས་དུས་བསྐལ་པ་དང་པོ་ལ༔ འོག་མིན་དགའ་ལྡན་གནས་མཆོག་དམ་པ་རུ༔  བཅོམ་ལྡན་དཔལ་ཆེན་ཁྲག་འཐུང་ཆེན་པོ་ཡིས༔  སྣང་སྲིད་མ་མོ་དམ་ལ་བཏགས་པའི་ཚེ༔  གཽ་རི་ལ་སོགས་གནས་ཀྱི་མ་མོ་བརྒྱད༔  སེཾ་ཧ་ལ་སོགས་ཡུལ་གྱི་ཕྲ་མེན་བརྒྱད༔  རྟ་གདོང་ལ་སོགས་ཡེ་ཤེས་སྒོ་མ་བཞི༔  སོ་སོའི་གཟུགས་མཆོག་དམ་པ་བསྟན་ནས་ཀྱང་༔  ཇི་ལྟར་ཞལ་བཞེས་དམ་ལས་མ་གཡེལ་བར༔  མཆོད་གཏོར་འདི་བཞེས་བཅོལ་བའི་ཕྲིན་ལས་མཆོད༔  དེ་འོག་བར་གྱི་བསྐལ་པ་དབུས་མ་ལ༔  བལ་ཡུལ་ཡང་ལེ་ཤོད་ཀྱི་དབེན་གནས་སུ༔  སློབ་དཔོན་ཆེན་པོ་པདྨ་འབྱུང་གནས་དང་༔  སློབ་མ་མཁས་པ་བི་མ་མི་ཏྲ་ཡིས༔  རྡོ་རྗེ་དབྱིངས་ཀྱི་དཀྱིལ་འཁོར་ཞལ་ཕྱེས་ཚེ༔ རྡོ་རྗེ་རིགས་ཀྱི་སྲུང་མ་ཡོངས་འདུས་ནས༔  སོ་སོའི་གཟུགས་མཆོག༴   ཇི་ལྟར༴   མཆོད་གཏོར༴ དེ་འོག་བསྐལ་པ་དུས་ཀྱི་ཐ་མ་ལ༔  བསམ་ཡས་ལྷུན་གྱིས་གྲུབ་པའི་གཙུག་ལག་ཏུ༔  སློབ་དཔོན་ཆེན་པོ་པདྨ་འབྱུང་གནས་དང་༔  སློབ་མའི་དྭངས་མ་རྗེ་འབངས་མི་དགུ་ཡིས༔  ཞི་ཁྲོ་ཡོངས་རྫོགས་དཀྱིལ་འཁོར་ཞལ་ཕྱེས་ཚེ༔  སྒྲུབ་པ་བཀའ་བརྒྱད་དམ་ཅན་ཡོངས་འདུས་ནས༔   {{TibChung|[18a]}} སོ་སོའི༴  ཇི་ལྟར༴  མཆོད་གཏོར༴   དེ་འོག་ལྔ་བརྒྱ་དུས་ཀྱི་སྙིགས་མ་ལ༔  དཔལ་རི་པདྨ་འོད་ཀྱི་གཞལ་ཡས་སུ༔  སློབ་དཔོན་ཆེན་པོ་པདྨ་ཐོད་ཕྲེང་དང་༔  བཀའ་བབས་གཏེར་སྟོན་རིག་འཛིན་རྣམ་དགུ་ཡིས༔  གསང་བ་སྒྲུབ་ཆེན་དཀྱིལ་འཁོར་ཞལ་ཕྱེས་ཚེ༔  དྲེགས་པའི་སྡེ་དཔོན་ཆེན་པོ་སུམ་ཅུ་ཡིས༔  སོ་སོའི༴   ཇི་ལྟར༴   མཆོད་གཏོར་འདི་བཞེས་བཅོལ་བའི་ཕྲིན་ལས་མཛོད༔   {{TibChung|བཞི་པ་བརྟན་མ་སྐྱོང་བ་ནི། གཏོར་མ་}} ཨོཾ་ཨཱཿཧཱུཾ་ {{TibChung|གིས་བརླབས་ཏེ།}} ཧཱུཾ༔ བསྟན་པ་སྐྱོང་མཛད་མ་དང་སྲིང་༔  དཔལ་གནས་མ་དང་ཡང་དག་ཤེས༔  ཁྱུང་བཙུན་ཀོང་ལྷ་གཡུ་བུན་མ༔  མེ་ཏོག་ཟླ་འོད་བྱང་རྒྱལ་མ༔  གསེར་ཐང་ཀུན་བཟང་ཤཱིནྟཾ་དཔལ༔  ཀླུ་མོ་གཟི་འབར་ལ་སོགས་པའི༔  བརྟན་མ་བཅུ་གཉིས་གཏོར་མ་ལོངས༔  མི་མཐུན་གནོད་པའི་ཕྱོགས་རྣམས་ཟློག༔  ཨོཾ་ཨཱཿཧཱུཾ་བཛྲ་ཨ་མྲྀ་ཏ་ཁཱ་ཧིཿ      མ་མ་ཧྲཱིཾ་ཁཱ་ཧི་ཁཱ་ཧི༔   {{TibChung|ལྔ་པ་བྲོ་བརྡུང་བ་ནི།}} ཨེ་ནྲྀ་ཏྲི་སརྦ་ཤ་ཏྲུཾ་བིགྷྣཱན་ཛཿཧཱུཾ་བཾ་ཧོཿ {{TibChung|ས་དམིགས་བྱ་བཀུག་ནས་མནན་པར་བསམ་ལ།}} ཧཱུཾ༔ ཞི་ཁྲོ་བཀའ་བརྒྱད་རོལ་པའི་བྲོ༔  དགྲ་བགེགས་དམ་སྲིའི་སྟེང་དུ་བརྡུང་༔  གཡས་སུ་བསྐོར་ཏེ་དགྲ་ལ་བརྡུང་༔  དགྲ་ཡང་ཕྱེ་མར་ {{TibChung|[18b]}} འཐགས་པའི་བྲོ༔ གཡོན་དུ་བསྐོར་ཏེ་བགེགས་ལ་བརྡུང་༔  བགེགས་ཀྱང་དུམ་བུར་གཏུབ་པའི་བྲོ༔  གཡས་གཡོན་ཐབས་དང་ཤེས་རབ་བྲོ༔  རུ་དྲ་དམ་སྲི་ཐལ་བར་རློག༔  ཨོཾ་ལཾ་ཧཱུྃ་ལཾ་སྟྭཾ་བྷན་ཡ་ནན༔   {{TibChung|འདིར་དངོས་གྲུབ་བླང་བ་ནི།}} ཧཱུཾ༔ ལྷ་དང་རིག་འཛིན་མཁའ་འགྲོ་དགོངས༔  འདིར་འདུས་རིག་འཛིན་བདག་ཅག་རྣམས༔  སྨིན་གྲོལ་གཉིས་ཀྱིས་རྒྱུད་སྦྱང་ཞིང་༔  བསྐྱེད་རྫོགས་གཉིས་ཀྱི་ལས་གཞུང་བསྲངས༔  བསྙེན་སྒྲུབ་རྣམ་གསུམ་མཐའ་རུ་ཕྱིན༔  ལས་དང་ཐུགས་རྗེ་མཐུན་པ་ཡི༔  ཞི་རྒྱས་དབང་དྲག་ཡིད་བཞིན་གཏེར༔  སྐུ་གསུང་ཐུགས་ཀྱི་དངོས་གྲུབ་སྩོལ༔  ཨོཾ་ཨཱཿཧཱུཾ་ཀཱ་ཡ་ཝཱ་ཀ་ཙིཏྟ་སིདྡྷི་སིདྡྷི་ཧཱུཾ་ཨ༔  {{TibChung|དྲུག་པ་ནོངས་པ་བཤགས་པ་ནི། གཏང་རག་གི་མཆོད་བསྟོད་མདོར་བསྡུས་སྔོན་དུ་འགྲོ་བས།}} མ་རྙེད་ཡོངས་སུ་མ་ཚང་དང་། །གང་ཡང་ནུས་པ་མ་མཆིས་པས།  །འདིར་ནི་བགྱི་བ་གང་ནོངས་པ།  །དེ་ཀུན་ཁྱོད་ཀྱིས་བཟོད་མཛད་རིགས།  ། {{TibChung|ཞེས་ཡི་གེ་བརྒྱ་པ་དང་དབྱངས་གསལ་བཟླ།  བདུན་པ་དཀྱིལ་འཁོར་བསྡུ་བ་ནི། མདུན་དཀྱིལ་དང་འབྲེལ་བའི་ཚེ།}} ཧཱུཾ༔ དང་པོ་ཆོས་སྐུ་སྐྱེ་མེད་ངང་ཉིད་ལས༔  འགྲོ་དོན་སྐྱེ་བའི་ཆོ་འཕྲུལ་ཚོམ་བུ་དགུ༔  ཞི་ཁྲོ་ཡོངས་རྫོགས་འགྲོ་བ་ཀུན་བཏུལ་ནས༔  སླར་ཡང་ཆོས་དབྱིངས་རྣམ་དག་ཀློང་ {{TibChung|[19a]}} དུ་བསྡུ༔ ཨོཾ་ཨཱཿཧཱུྃབཛྲ་མུཿ   {{TibChung|ཞེས་བསྡུ། དམ་ཚིག་གི་དཀྱིལ་འཁོར།}} ཧཱུྃ་ཧཱུྃ་ཧཱུྃ། སྣང་སྲིད་ཐམས་ཅད་འོད་དུ་ཞུ་ནས་གཞལ་ཡས་ཁང་ལ་ཐིམ།  གཞལ་ཡས་ཁང་འཁོར་གྱི་ལྷ་ཚོགས་ལ་ཐིམ།  འཁོར་རྣམས་རིམ་གྱིས་གཙོ་བོ་ལ་ཐིམ།  གཙོ་བོ་ཡེ་ཤེས་སེམས་དཔའ་ལ་ཐིམ།  ཡེ་ཤེས་སེམས་དཔའ་ཏིང་འཛིན་སེམས་དཔའ་ལ་ཐིམ།  དེ་དྭངས་མའི་སྲོག་ཧཱུཾ་ལ་ཐིམ།  ཧཱུཾ་གྱེན་རྫོགས་ན་ད་མི་དམིགས་པའི་ངང་དུ་ {{TibChung|མཉམ་པར་བཞག་པས་རྟག་མཐའ་བསལ། དེ་ལས་ལྡང་བ་ན།}} ཕཊ་ཕཊ་ཕཊ། སྟོང་གསལ་གྱི་ངང་ལས་བདག་ཉིད་ཆུ་ལས་ཉ་ལྡང་བའི་ཚུལ་དུ་དཔལ་ཆེན་པོ་ཆེ་མཆོག་ཧེ་རུ་ཀ་ཞལ་གཅིག་ཕྱག་གཉིས་པ་རྡོ་རྗེ་དང་ཐོད་ཁྲག་འཛིན་པ་ཁྲོ་བོའི་ཆས་ཐམས་ཅད་ཀྱིས་བརྒྱན་པའི་སྐུར་གྱུར་པའི་སྤྱི་བོར་ཨོཾ།  མགྲིན་པར་ཨཱཿ  སྙིང་གར་ཧཱུྃ་ཡིག་གིས་མཚན་པར་ {{TibChung|བསམ་པས་ཆད་མཐའ་བསལ།}} རང་གི་ལུས་རྡོ་རྗེ་གོ་ཁྲབ་ཀྱིས་ཞུ་ལུགས་སུ་གཡོགས་པར་ {{TibChung|བལྟས་ལ།}} ཅིས་ཀྱང་མི་ཚུགས་མི་ཤིགས་པའི༔ སྟོང་པའི་གོ་ཆ་བླ་ན་མེད༔  མཚན་མའི་ཡུལ་ཀུན་བཅོམ་ནས་ནི༔  ཐམས་ཅད་དུ་ནི་རྒྱས་པར་གནས༔  ཨོཾ་བཛྲ་ཀཱ་ཝཱ་ཙི་རཀྵ་རཀྵ་ཧཱུཾ༔   {{TibChung|ཞེས་གོ་ཆ་བགོ།}}    ཧཱུཾ༔  ངར་འཛིན་རྣམ་དག་སྒྱུ་ {{TibChung|[19b]}} ལུས་འཇའ་འདྲ་འདི༔ དཔལ་ཆེན་སྐུ་གསུང་ཐུགས་ཀྱིས་རྒྱས་བཏབ་སྟེ༔  བདེན་པ་དབྱེར་མེད་ལྷ་སྤྱོད་ཟུང་འབྲེལ་བས༔  རྒྱུན་དུ་འགྲོ་བ་འདྲེན་པའི་སྤྱོད་ལམ་བྱའོ༔  ཨོཾ་ཨཱཿཧཱུཾ་བཛྲ་ཧྲཱིཿ     {{TibChung|ཞེས་རྒྱུན་གྱི་སྤྱོད་ལམ་བསྐྱང་།  བརྒྱད་པ་སྨོན་ལམ་གདབ་པ་ནི།}} ཧོཿ    བསོད་ནམས་ཡེ་ཤེས་ཚོགས་གཉིས་མཐུ་བྱིན་གྱིས༔  བདག་གཞན་འགྲོ་བ་མ་ལུས་ཐམས་ཅད་ཀུན༔  ཞི་རྒྱས་དབང་དྲག་ཕྲིན་ལས་མངའ་བརྙེས་ཤིང་༔  སྐུ་གསུམ་ལྷུན་གྲུབ་འགྲོ་དོན་མཐར་ཕྱིན་ཤོག༔   {{TibChung|དགུ་པ་བཀྲ་ཤིས་བརྗོད་པ་ནི། མེ་ཏོག་གི་ཆར་དབབ་ལ།}} ཧཱུཾ༔ བདེ་གཤེགས་ཞི་བ་ཡེ་ཤེས་རིགས་ལྔའི་དབྱིངས༔  ཁྲག་འཐུང་ཁྲོ་བོ་ཚོམ་བུ་དགུ་རུ་སྟན༔  མ་མོ་མཁའ་འགྲོ་དཔལ་ཀྱི་བཀའ་སྡོད་བཅས༔  ཡོངས་རྫོགས་དཀྱིལ་འཁོར་ལྷ་ཡི་བཀྲ་ཤིས་ཤོག༔   {{TibChung|ཅེས་སོགས་ཤིས་པ་རྒྱ་ཆེར་བརྗོད་པས་བདེ་ལེགས་སུ་བྱསོ། །འདིའི་སྨིན་བྱེད་གསང་སྔགས་སྔ་ཕྱི་བར་གསུམ་གྱིས་མཚོན་ལུགས་སྲོལ་དགུ་པོ་གང་གི་སྒོ་ནས་ཐོབ་ཀྱང་ཆོག་ལ།  རྫོགས་རིམ་གྱི་མན་ངག་བདེ་འདུས་རྩ་རླུང་ཐིག་ལེ་སེམས་དང་ཡེ་ཤེས་ལ་བརྟེན་པའི་ཁྲིད།  གསང་རྫོགས་རིམ་པ་ལྔ་པ།  རང་ཤར་གནམ་ཞལ་དོན་ཁྲིད་རྣམས་མཚན་གྱི་བྱེ་བྲག་ཙམ་ལས་དོན་གཅིག་པའི་ཕྱིར་གང་ལ་མོས་པ་ལྟར་རམ།  དེང་ {{TibChung|[20a]}} གསུམ་ཀའི་ཁྲིད་རྒྱུན་གྱི་ཆུ་བོ་གཅིག་ཏུ་འདྲེས་ཤིང་ཉེ་བརྒྱུད་བྱིན་རླབས་ངོ་མཚར་རྨད་དུ་བྱུང་བ་མཁྱེན་བརྩེའི་གྲུབ་ཐོབ་བཀའ་བརྒྱད་ཀྱི་རིམ་ལྔའི་ཁྲིད་ཡིག་ཟབ་ལམ་སྙིང་པོ་ལྟར་ཉམས་སུ་བླང་ན་མཆོག་ཏུ་འགྱུར། བསྙེན་ཐབས་ཀྱི་མན་ངག་བཀའ་བརྒྱད་བསྙེན་ཡིག་སྤྱིར་གོ་དོན་ཆགས་པའི་སྒོ་ནས་མཚན་མའི་བསྙེན་པ་ལ་ཚད་ངེས་བཟུང་མེད་ཅིང་།  གྲངས་ཀྱི་དབང་དུ་བྱས་ན།  ཞི་བསྙེན་འབུམ་ཕྲག་གསུམ།  སྒྲུབ་སྔགས་ཁྲོ་བོ་སྤྱི་དྲིལ་འབུམ་ཕྲག་བཞི་དང་སྒོས་ཛཔྲ་རྣམས་ཇི་ཙམ་ནུས་པ།  ལས་སྦྱོར་དྲག་སྔགས་སོ་ལྔ་པ་ཁྲི་ཕྲག་བཞི་བཟླས་པས་སྤྱིར་བཏང་གི་བསྙེན་ཚད་ཐེམས་པ་ཡིན་ལ།  དུས་བསྙེན་འབྲེལ་འཇོག་ཟླ་གཅིག་མ་ལྟ་བུ་ལ་མཚོན་ན།  བདུན་གཅིག་ལ་ཞི་བར་བསྙེན་པ།  བདུན་གསུམ་ཁྲོ་སྒྲུབ་སྤྱི་དྲིལ།  རྗེས་ཉིན་གསུམ་ལ་ལས་སྦྱོར་དྲག་སྔགས་སོ་ལྔ་པ་བཟླ་སྟེ།  དེས་ཀྱང་བསྙེན་སྒྲུབ་ལས་རུང་ཙམ་དུ་འགྱུར་རོ།  །གཞན་དུ་ཚོམ་བུ་ཚོགས་སྒྲུབ་བྱ་བར་འདོད་ན་བདེ་འདུས་སམ་གྲུབ་ཐོབ་བཀའ་བརྒྱད་སྒྲུབ་ཁོག་ལྟ་བུས་ཁོག་ཕུབ་པས་ལག་ཏུ་ལེན་ཅིང་།  དམ་རྫས་བདུད་རྩི་སྒྲུབ་པར་འདོད་ནའང་སྤྲོས་པས་ཆོག་སྟེ་གང་ཡང་མན་ངག་གི་གནད་མཐོང་བརྒྱུད་ཀྱིས་གཏན་ལ་ཕབ་པའི་སྒོ་ནས་ཉམས་སུ་བླངས་པས་དོན་འགྲུབ་པར་འགྱུར་བ་ཡིན་ནོ།  །བདེ་གཤེགས་དགོངས་པ་མ་ལུས་འདུས་ {{TibChung|[20b]}} པའི་ཕུལ། །གསང་བ་ཡོངས་རྫོགས་སྒྲུབ་ཆེན་བཀའ་བརྒྱད་ཀྱི།  །གདམས་སྲོལ་ཆུ་བོ་དགུ་ཡི་བཀའ་བབས་རྒྱུན།  །སྐལ་བཟང་བདག་བློའི་རྒྱ་མཚོར་རོ་གཅིག་སྨིན།  །དྲུག་ལྡན་བརྒྱུད་པའི་མན་ངག་སྒྲུབ་སྡེའི་ལུང་།  །ཟབ་དོན་བཅུད་དུ་དྲིལ་བའི་ཉིང་ཁུ་གང་།  །མཆོག་འདོད་སྲོག་གི་ཟུངས་སུ་འདིར་ཕྱུངས་ཀྱི།  །སྔགས་རིག་འཛིན་རྣམས་སྤྲོ་བས་དེང་ལོངས་ཤིག  །གསང་འཛིན་ཌཱ་ཀིའི་ཚོགས་རྗེ་ཐོད་ཕྲེང་རྩལ།  །གང་གིས་ཐུན་མིན་དབུགས་དབྱུང་སྩལ་ལས་འདིར།  །ཇི་སྙེད་ཟབ་གཏེར་ཆོས་མཛོད་རང་དབང་དུ།  །སྤྱོད་པའི་སྤོབས་པ་གཟེངས་སུ་མཐོ་བ་སྙམ།  །འདིས་ཐོབ་བསོད་ནམས་རྡུལ་བྲལ་གངྒཱའི་རྒྱུན།  །བྱང་ཆེན་མཆོག་གི་རྒྱ་མཚོར་ཡོངས་སྨིན་ཏེ།  །མི་གནས་ཟུང་འཇུག་ཡེ་ཤེས་ཀློང་དགུའི་བདག  །ཧེ་རུ་ཀ་དཔལ་རྒྱལ་ཐབས་ཆེ་བརྙེས་ཤོག  །དེ་ལྟར་བདེ་གཤེགས་སྒྲུབ་པ་བཀའ་བརྒྱད་ཀྱི་ཕྲིན་ལས་སྙིང་པོ་དཔལ་ཆེན་ཐུགས་ཀྱི་ཐིག་ལེ་ཞེས་བྱ་བ་འདི་ཡང་།  རིག་སྔགས་འཆང་བའི་རྣལ་འབྱོར་པ་འཁྲུལ་ཞིག་རྡོ་རྗེས་བསྐུལ་བ་ལ་བརྟེན་ནས།  རིག་པ་འཛིན་པ་འཇིགས་བྲལ་ཡེ་ཤེས་རྡོ་རྗེའམ་ལྷག་པའི་དཀྱིལ་འཁོར་འདི་ཉིད་དུ་མེ་ཏོག་ཕོག་པའི་གསང་མིང་ཀུན་བཟང་ཆེ་མཆོག་ཡོན་ཏན་འདུས་པ་རྩལ་ཅེས་འབོད་པས་རང་ལོ་ལྔ་བཅུ་ང་གཉིས་པའི་ཐོག་ཏུ་སོན་ {{TibChung|[21a]}} པ་མྱོས་བྱེད་ཀྱི་ལོ་ཁྲུམས་སྟོད་ཉ་བའི་ཡར་ཚེས་བཟང་པོ་ལ་དཔལ་བསམ་ཡས་མི་འགྱུར་ལྷུན་གྱིས་གྲུབ་པའི་གཙུག་ལག་ཁང་ཆེན་པོར་བསྡེབས་པའོ། །འདིས་ཀྱང་སྒྲུབ་སྡེ་ཆེན་པོའི་རིང་ལུགས་ཀུན་ཏུ་ཁྱབ་ཅིང་རྟག་པའི་རྒྱུར་གྱུར་ཅིག།  །།  ཛ་ཡནྟུ།།  །།}}
རང་གི་སྙིང་གའི་ཧཱུྃ་ལས་འོད་ཟེར་འཕྲོས་པས་བླ་མ་རིག་འཛིན་དཔལ་ཆེན་གཙོ་དགུའི་དཀྱིལ་འཁོར་གྱི་ལྷ་ཚོགས་འཁོར་དང་བཅས་པ་ཐམས་ཅད་བཛྲ་ས་མཱ་ཛཿ（ས་མཁའ་ཁྱབ་ཏུ་སད་པའི་སྤྱན་སྔར།）རྡོ་རྗེ་སློབ་དཔོན་སངས་རྒྱས་དཔལ། །དུས་གསུམ་བཞུགས་ལ་ཕྱག་འཚལ་ལོ།  །མཆོག་གསུམ་བསྟེན་པའི་ཞིང་གྱུར་ལ།  །གཉིས་མེད་ཡིད་ཀྱིས་སྐྱབས་སུ་མཆི།  །དངོས་འབྱོར་ཡིད་ཀྱིས་རྣམ་སྤྲུལ་པའི།  །དག་པའི་མཆོད་པ་བཞེས་སུ་གསོལ།  །དངོས་གྲུབ་ཆུ་བོ་གཅོད་པའི་གེགས།  །ཉེས་བྱས་མ་ལུས་བཤགས་པར་བགྱི།  །ཕྱོགས་བཅུ་འཁོར་གསུམ་དག་པའི་ཆོས།  །མ་ཆགས་སྤྱོད་ལ་རྗེས་ཡི་རང་།  །དག་པའི་མཐའ་བཞི་དྲི་མ་མེད།  །རྫོགས་པའི་བྱང་ཆུབ་སེམས་བསྐྱེད་དོ།  །བདེ་གཤེགས་བྱང་ཆུབ་སེམས་དཔའ་ལ།  །དག་པ་གསུམ་གྱི་ལུས་འབུལ་ལོ།  །ཚེ་རབས་བགྲངས་པའི་ལས་རྣམས་ཀུན།  །བསྡུས་ཏེ་བྱང་ཆུབ་ཆེན་པོར་བསྔོ།  །སེམས་ཅན་བདེ་དང་ལྡན་གྱུར་ཅིག  །སྡུལ་བསྔལ་ཀུན་དང་བྲལ་བར་ཤོག  །བདེ་དང་རྟག་ཏུ་མི་འབྲལ་ཞིང་།  །ཆོས་（3ན）ཀུན་མཉམ་ཉིད་རྟོགས་པར་ཤོག །（ཅེས་རྒྱུད་སྦྱངས་མཐར།）ཛཿཧཱུཾ་བཾ་ཧོཿས། ཚོགས་ཞིང་རྣམས་རང་ལ་ཐིམ་པར་བསམ། （གཉིས་པ་བགེགས་ལ་བཀའ་བསྒོ་བ་ནི།）བཛྲ་མ་ཧཱ་ཤྲཱི་ཧེ་རུ་ཀོཉཧཾ། རང་ཉིད་སྐད་ཅིག་གིས་ཞེ་སྡང་རྡོ་རྗེ་སྐུ་མདོག་མཐིང་ནག་མཐིང་དཀར་དམར་བའི་ཞལ་གསུམ་ཕྱག་དྲུག་གི་གཡས་གསུམ་རྡོ་རྗེ་ཞགས་པ་ལྕགས་སྒྲོག  །གཡོན་གསུམྦྷན་དམར་དགྲ་སྟྭ་ལྕགས་ཀྱུ་འཛིན་པ།  དུར་ཁྲོད་རོལ་པའི་ཆས་ཅན་ཁྲོ་གཏུམ་བཟོད་པར་དཀའ་བའི་གཟི་བརྗིད་ཆེར་འབར་ཞིང་རང་སྣང་གི་ཡུམ་དང་བཅས་པའི་སྐུར་གྱུར་（པར་བསམ་ཞིང་། འབྱུང་གཏོར་རཾ་ཡཾ་ཁཾ་གིས་བསྲེགས་གཏོར་སྦྱངས།）སྟོང་པའི་ངང་ལས་བྷྲུཾ་ལས་རིན་པོ་ཆེའི་སྣོད་ཟབ་ཅིང་རྒྱ་ཆེ་བའི་ནང་དུ་གཏོར་མ་ཁ་དོག་དྲི་རོ་ནུས་པ་ཕུན་སུམ་ཚོགས་པར་（བལྟས་ལ།）ཨོཾ་ཨཱཿཧཱུཾ་ཧོཿ（ས་བྱིན་རླབས།）སརྦ་བྷུཏ་ཨ་ཀརྵ་ཡ་ཛཿ（ས་མགྲོན་རྣམས་བཀུག་པ་ལ།）སརྦ་བིགྷྣཱན་ན་མཿསརྦ་ཏ་ཐཱ་ག་ཏེ་བྷྱོ་བི་ཤྭ་མུ་ཁེ་བྷྱོཿསརྦ་ཐཱ་ཁཾ་ཨུཏྒ་ཏེ་སྥ་ར་ཎ་ཨི་མཾ་ག་ག་ན་ཁཾ་གྲྀཧྞེ་དཾ་བ་ལིནྟེ་སྭཱ་ཧཱ། （ཞེས་ལན་གསུམ་གྱིས་བསྔོས་ཏེ།）ཧཱུྃ༔ རྒྱལ་བ་ཞི་ཁྲོ་ཡོངས་རྫོགས་དཀྱིལ་འཁོར་དུ༔  སྣང་སྲིད་རྣམ་དག་ཡེ་ཤེས་ལྷ་ཡི་ཚོགས༔ （3བ）ཀུན་བཟང་ཆོས་ཀྱི་དབྱིངས་ལས་མ་གཡོས་ཀྱང་༔ རིག་རྩལ་རྣམ་དག་ཐབས་ཤེས་གཡུང་དྲུང་ལྷ༔  འདི་ལ་ལོག་པར་ལྟ་བའི་དགྲ་དང་བགེགས༔  བདུད་སྡེ་དཔུང་བཅས་ཐམས་ཅད་ཕྱིར་དེངས་ཤིག༔  ཨོཾ་སུམྦྷ་ནི་སུམྦྷ་ནི་ཧཱུྃ༔  གྲྀཧྞ་གྲྀཧྞ་ཧཱུཾ༔  གྲྀཧྞ་པ་ཡ་གྲྀཧྞ་པ་ཡ་ཧཱུཾ༔  ཨཱ་ན་ཡ་ཧོཿ   བྷ་ག་བཱ་ན་བཱིདྱ་རཱ་ཛ་ཧཱུཾ་ཕཊ༔  （ཅེས་དྲག་སྔགས་ཡུངས་ཐུན་དང་བཅས་པས་བགེགས་བསྐྲད།  གསུམ་པ་མཚམས་བཅད་པ་ནི།）ཧཱུྃ༔ བདག་ཉིད་དཔལ་ཆེན་ཁྲག་འཐུང་ཐུགས་ཀ་ནས༔  དྲག་པོའི་བྱིན་རླབས་མཚོན་ཆའི་འོད་ཟེར་འཕྲོ༔  མཚོན་ཆའི་གུར་ཆེན་ཡེ་ཤེས་མེ་དཔུང་འབར༔  ཕྱོགས་མཚམས་སྟེང་འོག་ཀུན་ཏུ་ཁྱབ་པར་བསྲུང༔  ཧཱུཾ་བཛྲ་ཙཁྲ་ཏིཀྵ་ཎ་ཀརྨ་ཀཱི་ལ་ཡ་ཛྭ་ལ་རཾ༔ ཧཱུྃ༔  དྲེགས་པ་ལྷ་ཆེན་ཕྱོགས་སྐྱོང་བསྣོལ་བའི་སྟེང་༔  ཆེ་མཆོག་ལ་སོགས་དཔལ་ཆེན་ཁྲོ་རྒྱལ་ཚོགས༔  གར་དགུའི་ཚུལ་གྱིས་ཧཱུཾ་སྒྲ་སྒྲོགས་ཅིང་བཞུགས༔  བར་ཆད་འབྱུང་པོ་ཐམས་ཅད་རྡུལ་དུ་རློག༔  ཨོཾ་བཛྲ་ཀྲོ་ངྷ་སྭ་བྷཱ་ཝ་ས་མ་ཡ་རུ་ལུ་རུ་ལུ་ཧཱུཾ་ཕཊ༔ ཧཱུྃ་ཧཱུྃ་ཧཱུྃ་བི་ཤྭ་བཛྲ་ཙཀྲ་ཛྭ་ལ་མཎྜ་ལ་ཧ་ལ་ཧ་ལ་ཧཱུྃ་ཕཊ༔
}}
（བཞི་པ་བརྡ་སྒོ་དབྱེ་བ་ནི།）ཧཱུྃ༔ སྣང་སྲིད་ཐམས་ཅད་བདེ་ཆེན་གཞལ་ཡས་ཁང་༔ （4ན）གཟུགས་སྣང་ཐམས་ཅད་རང་རིག་ཡེ་ཤེས་ལྷ༔ དེ་ཉིད་མ་རྟོགས་མ་རིག་སྒོ་བཅད་པས༔  རང་གསལ་ཡེ་ཤེས་འཆར་སྒོ་ད་ཕྱེས་ཤིག༔  བྷྲཱུྃ་པྲ་བེ་ཤ་ཡ་ཕཊ༔
</onlyinclude>
（ལྔ་པ་བརྡ་ཕྱག་འཚལ་བ་ནི།）ཧཱུཾ༔ རང་བྱུང་ཡེ་ཤེས་སྙིང་པོ་སེམས་ཀྱི་ལྷ༔  མ་རྟོགས་རང་ངོ་རང་གིས་མ་ཤེས་པས༔  ཡེ་ནས་རང་དང་འགྲོགས་ཀྱང་ཞལ་མ་མཇལ༔  རང་གསལ་བརྡ་ཡི་དོན་དང་མཇལ་ཕྱག་འཚལ༔  ཧཱུྃ་ཧེ་རུ་ཀ་ཨ་ཏི་པུ་ཧོཿ    
{{TsagliCall}}
（དྲུག་པ་དམ་བཅའ་བ་ནི།）ཧཱུཾ༔ དུས་གསུམ་བདེ་གཤེགས་རྒྱལ་བ་ཞི་ཁྲོའི་ཚོགས༔  བསྐལ་པ་སྔོན་འདས་དུས་ནས་ཡི་དམ་ལྷ༔  ད་ལྟ་གཉིས་མེད་དོན་དམ་རང་ངོ་ཤེས༔  སྲོག་གི་ཕྱིར་ཡང་མི་བཏང་བསྒྲུབ་ལགས་སོ༔  ཧཱུཾ་བཛྲ་ཙིཏྟ་ས་མ་ཡ་ཧཱུྃ༔ （བདུན་པ་བཤགས་པ་བྱ་བ་ནི།）ཧཱུཾ༔ བླ་མ་ཡི་དམ་མཁའ་འགྲོ་ཐམས་ཅད་དགོངས༔  བསྐལ་པ་སྔོན་ནས་ད་ལྟའི་དུས་ཡན་ཆད༔  རྩ་བ་ཡན་ལག་དམ་ཚིག་ཉམས་ཆག་ཚོགས༔  རང་གནོང་འགྱོད་སེམས་དྲག་པོས་མཐོལ་ཞིང་བཤགས༔  ཨོཾ་ཨཱཿཧཱུཾ་སྭཱ་ཧཱ༔  བཛྲ་ས་མ་ཡ་ཛཿ    ན་ར་ཀ༔  པྲ་ཏེ་ཀ༔  ཏིརྻ་ཀ༔  ནི་བི་ཤ༔  དེ་བ་ཨ་ལི་བི་ཤུངྔྷེ༔ རཀྵ་ཀ་ཤུངྔྷེ་ཤུངྔྷེ་སྭཱ་ཧཱ༔  
<headertabs/>
（བརྒྱད་པ་བྱིན་དབབ་པ་ནི།  སྤོས་（4བ）དང་རོལ་མོས་གཟི་བྱིན་བསྐྱེད་ལ།）ཧཱུཾ༔ ཆོས་དབྱིངས་ཡེ་ཤེས་ལྔ་ཡི་ཕོ་བྲང་ནས༔  ཆོས་སྐུ་སྐྱེ་མེད་དབྱིངས་ལས་མ་གཡོས་ཀྱང་༔  ལོངས་སྐུ་རིགས་ལྔ་ཞི་ཁྲོ་འཁོར་དང་བཅས༔  སྤྲུལ་སྐུ་ཡི་དམ་དཀྱིལ་འཁོར་ལྷ་ཚོགས་རྣམས༔  ཐུགས་དམ་དབང་གིས་གནས་འདིར་གཤེགས་སུ་གསོལ༔  སྐུ་གསུང་ཐུགས་ཀྱི་བྱིན་གྱིས་བརླབ་ཏུ་གསོལ༔  ཡེ་ཤེས་ལྔ་ཡི་དབང་མཆོག་བསྐུར་དུ་གསོལ༔  གསང་བའི་དཀྱིལ་འཁོར་འདི་ལ་བྱིན་ཅིག་ཕོབ༔  ཁྱེད་ཀྱི་ཐུགས་རྗེ་མཆོག་གིས་བཟུང་དུ་གསོལ༔  ཨོཾ་ཤྲཱི་བཛྲ་ཀྲོ་ངྷ་ཧེ་བ་དེ་བ་སརྦ་དུཥྚཾ་ཌཱ་ཀི་ནཱི་ས་མ་ཡ་རུ་ལུ་རུ་ལུ་ཧཱུཾ་བྷྱོ་ཧཱུཾ་ཨཱ་དེ་ཤ་ཡ་ཨ་ཨཱ༔  
（དགུ་པ་མཆོད་རྫས་བྱིན་གྱིས་བརླབ་པ་ནི།）རཾ་ཡཾ་ཁཾ། རང་གི་ཐུགས་ཀ་ནས་རཾ་ཡཾ་ཁཾ་འཕྲོས་པ་ཡེ་ཤེས་ཀྱི་མེ་རླུང་ཆུར་གྱུར་པས་མཆོད་རྫས་རྣམས་ཀྱི་དངོས་འཛིན་ཉེས་སྐྱོན་ཐམས་ཅད་བསྲེག་གཏོར་བཀྲུས་ཏེ་སྟོང་པར་གྱུར། སྟོང་པའི་ངང་ལས་ཨོཾ་ལས་རིན་པོ་ཆེའི་སྣོད་ཡངས་ཤིང་རྒྱ་ཆེ་བ་རྣམས་སུ་བདུག་སྤོས་མེ་ཏོག་མར་མེ་དྲི་ཆབ་ཞལ་ཟས་རོལ་མོ་ཐོགས་པའི་ལྷ་མོ་རེ་རེ་ལའང་དཔག་ཏུ་མེད་པར་འཕྲོ་བའི་ཀུན་བཟང་མཆོད་པའི་སྤྲིན་ཕུང་ནམ་མཁའི་མཛོད་ལྟ་བུར་ཟད་མི་ཤེས་པས་ཡོངས་སུ་ཁྱབ་པར་（5ན）（བསམ་ཞིང་།）ཨོཾ་ཨཱཿཧཱུཾ་བཛྲ་ངྷུ་པེ་ཧཱུཾ༔ བཛྲ་པུཥྤེ་ཧཱུཾ༔  བཛྲ་ཨཱ་ལོ་ཀེ་ཧཱུཾ༔  བཛྲ་གནྡྷེ་ཧཱུཾ༔  བཛྲ་ནཻ་བི་དྱ་ཧཱུཾ༔  བཛྲ་ཤཔྡ་ཧཱུཾ༔  བཛྲ་སརྦ་པཱུ་ཛ་མེ་གྷ་ཧཱུཾ༔ （བདུད་རྩི་ལ།）རཾ་ཡཾ་ཁཾ། སྟོང་པའི་ངང་ལས་ཡཾ་ལས་རླུང་།  རཾ་ལས་མེ།  ཀེཾ་ལས་ཐོད་པའི་སྒྱེད་པུ་གསུམ་གྱི་སྟེང་དུ་ཨ་ལས་བྷནྡྷ་ཡངས་ཤིང་རྒྱ་ཆེ་བའི་ནང་དུ་འཁོར་ལོ་རྩིབས་བཞི་པའི་ལྟེ་བ་དང་རྩིབས་རྣམས་ལ་ཤ་ལྔ་བདུད་རྩི་ལྔ་སྨན་ལྔ་རྣམས་གནས་པ་ལ།  རླུང་གིས་མེ་སྦར་ཏེ་ཞུ་བ་ཡོངས་སུ་གྱུར་པ་ལས་ཕྱག་མཚན་བཅུ་སོ་སོའི་ལྟེ་བར་ཧཱུཾ་ཨོཾ་སྭཱ་ཨཱཾ་ཧཱ་མཱུྃ་ལཱྃ་མཱྃ་པཱྃ་ཏཱྃ་གྱིས་མཚན་པ་ལས་འོད་ཟེར་འཕྲོས།  འཁོར་འདས་ཀྱི་བཅུད་ཐམས་ཅད་བསྡུས་ཏེ་ཐིམ་པ་ཡོངས་སུ་གྱུར་པ་ལས་རིགས་ལྔ་ཡབ་ཡུམ་བཅུར་གྱུར་པའི་སྦྱོར་མཚམས་ནས་བྱང་ཆུབ་ཀྱི་སེམས་དཀར་དམར་གྱི་རྒྱུན་བབས་པའི་སྟེང་དུ་རིགས་ལྔ་ཡབ་ཡུམ་འོད་དུ་ཞུ་ནས་ཐིམ་པས་བདུད་རྩིའི་རྒྱ་མཚོ་ཆེན་པོར་གྱུར་（པར་བསམ་ལ།）ཨོཾ་ཨཱཿཧཱུཾ་སརྦ་པཉྩ་ཨ་མྲྀ་ཏ་ཧཱུཾ་ཧྲཱིཿཋཱ༔ （ལན་གསུམ། གཏོར་མ་ལ།）རྃ་ཡྃ་ཁྃ། སྟོང་པའི་ངང་ལས་ཐོད་པ་དུམ་བུ་གཅིག་པ་སྟོང་གསུམ་དང་མཉམ་པའི་པང་དུ་ཨོཾ་ཨཱཿཧཱུཾ་ཞུ་བ་ལས་བྱུང་བའི་ལྷའི་ཞལ་ཟས་འདོད་ཡོན་ལྔའི་ལྷ་མོ་སྤྲིན་གྱི་ཕུང་པོ་ལྟ་བུར་（5བ）འཁྲིགས་པར་（བསམ་ཞིང་།）ཨོཾ་ཨཱཿཧཱུཾ་མ་ཧཱ་བ་ལིཾ་ཏ་ཏེ་ཛྭ་བ་ལིཾ་ཏ་བ་ལ་བ་ཏི་གུ་ཧྱ་ས་མ་ཡ་སྭཱ་ཧཱ༔ （ལན་གསུམ།  རཀྟ་ལ།）རྃ་ཡྃ་ཁྃ།  སྟོང་པའི་ངང་ལས་པདྨ་འབར་བའི་སྣོད་ཆེན་པོར་ར་ལས་རྡོ་རྗེ་སྒེག་མོ་མ་དམར་མོའི་མཁའ་ནས་ཁྲག་གི་རྒྱུན་བབས་ཏེ་ཉོན་མོངས་བག་ཆགས་དང་བཅས་པ་འཇོམས་པའི་རཀྟའི་རྒྱ་མཚོ་རྦ་ཀློང་རྒྱ་མདུད་ཀྱི་ཚུལ་དུ་འཁྲུགས་པ་ལ་ལྷ་མོ་ཉིད་འོད་དུ་ཞུ་ནས་ཐིམ་པས་འཁོར་བ་སྟོང་པར་（བསམ་ལ།）ཨོཾ་ཨཱཿཧཱུཾ་མ་ཧཱ་རཀྟ་ས་མནྟ་མཎྜ་ལ་ཧཱུཾ་ཕཊ༔  （ལན་གསུམ། དེ་ལྟར་ཕྱི་ནང་གི་མཆོད་པ་རྣམས་སོ་སོར་བྱིན་གྱིས་བརླབས་པའམ།  བསྡུ་ན།）ཨོཾ་སརྦ་ཏ་ཐཱ་ག་པཱུ་ཛ༔ མ་ཧཱ་པཉྩ༔  མ་ཧཱ་བ་ལིཾ་ཏ༔  མ་ཧཱ་རཀྟ༔  ཨ་ཧོ་སུ་ཁས་མ་ཡེ་སྭཱ་ཧཱ༔ （ཞེས་མང་དུ་བཟླས་པས་བརླབས་ལ།）ཧཱུྃ༔ རང་དང་གཉིས་མེད་ལྷ་ཚོགས་ལ༔  མར་མེ་སྨན་གཏོར་རཀྟ་དང་༔  ཕྱི་ནང་གསང་བའི་མཆོད་སྤྲིན་རྣམས༔  ཐུགས་དམ་བསྐང་ཕྱིར་འབུལ་གྱིས་བཞེས༔  （ཞེས་སྙན་བསྣན་ནོ།  །）
（གཉིས་པ་དངོས་གཞིའི་ལས་རིམ་ལ་དགུ་ལས། དང་པོ་དམ་ཚིག་གི་དཀྱིལ་འཁོར་བསྐྱེད་པ་ལ།  དེ་བཞིན་ཉིད་ཀྱི་ཏིང་ངེ་འཛིན་ནི།）ཧཱུྃ༔ སྤྲོས་མེད་ཡང་དག་དེ་བཞིན་ཉིད༔  མཉམ་ཡངས་ཕྱོགས་བྲལ་ཀུན་ཏུ་གདལ༔  མ་ནོར་མ་བཅོས་ཆོས་ཀྱི་（6ན）སྐུ༔ རང་བཞིན་ལྷུན་གྲུབ་ངང་གིས་གསལ༔  ཨོཾ་མ་ཧཱ་ཤུནྱ་ཏཱ་ཛྙཱ་ན་བཛྲ་སྭབྷཱ་ཝ་ཨཏྨ་ཀོཉཧཾ༔  （ཀུན་སྣང་གི་ཏིང་ངེ་འཛིན་ནི།） ཧཱུཾ༔  དེ་བཞིན་ཀུན་ཁྱབ་ཀུན་ཏུ་སྣང་༔  མ་རིག་འཁྲུལ་སྣང་འཁོར་བའི་ཀློང་༔  གཟུང་འཛིན་བག་ཆགས་རབ་ཏུ་འཐས༔  མ་རྟོགས་སེམས་ཅན་སྙིང་རེ་རྗེ༔  ཨོཾ་ངྷརྨ་ངྷཱ་ཏུ་སྭ་བྷཱ་ཝ་བིཤུངྔྷེ་མཎྜ་ལ་ཧཱུྃ༔  （རྒྱུའི་ཏིང་ངེ་འཛིན་ནི།）ཧཱུཾ༔ ཆོས་རྣམས་རང་བྱུང་རྟེན་འབྲེལ་ཏེ༔  རྒྱུ་ལས་མ་བྱུང་གང་ཡང་མེད༔  ཧཱུཾ་ནི་ཐམས་ཅད་བསྐྱེད་པའི་རྒྱུ༔  དགོས་འདོད་འབྱུང་བའི་ཡི་གེ་བསྒོམ༔  ཙིཏྟ་བཛྲ་ས་མཱ་ཏི་ཧཱུྃ༔ （འབྱུང་བ་རིམ་བརྩེགས་ནི།）རྒྱུ་ཡི་ཡི་གེ་ཧཱུྃ་སྔོན་ལས༔ རཾ་ཡཾ་ཁཾ་གསུམ་རིམ་བཞིན་འཕྲོས༔  ཧཱུྃ༔  བསྐལ་པ་གསུམ་གྱིས་འཇིག་རྟེན་སྟོང་༔  ཡེ་ནས་དག་པའི་ངང་ཉིད་ལས༔  སྣོད་བཅུད་སྦྱོང་ཕྱིར་འབྱུང་རིམ་བརྩེགས༔  རྣམ་དག་ཡུམ་ལྔའི་མཁའ་ཀློང་གསལ༔  ཧཱུྃ་ཨེ་ཡཾ་ར་སུཾ་ཀེཾ་རཾ་བྷྲུཾ༔  ཧཱུྃ༔  ཨེ་ལས་ནམ་མཁའ་མཐའ་དབུས་མེད༔  ཡཾ་ལས་རླུང་གི་དཀྱིལ་འཁོར་སྟེང་༔  ར་ལས་རཀྟའི་རྒྱ་མཚོ་འཁྱིལ༔  སུཾ་ལས་ཞིང་ཆེན་ས་གཞི་བརྡལ༔  ཀེཾ་ལས་རུས་པའི་རི་རབ་སྟེང་༔  རཾ་ལས་བསྐལ་པའི་མེ་པུང་འབར༔  （6བ）（གཞལ་ཡས་ཁང་བསྐྱེད་པ་ནི།）ཧཱུྃ༔ བྷྲཱུཾ་ལས་དུར་ཁྲོད་གཞལ་ཡས་ཁང་༔  ཟླ་གམ་ཡེ་ཤེས་འཆར་སྒོའི་དབུས༔  ཆོས་སྐུ་འགྱུར་མེད་ཨེ་རུ་གསལ༔  དེ་སྟེང་ཐོད་པ་སྐམ་རློན་གྱི༔  རྩིག་པ་བ་གམ་མཛེས་པ་ལ༔  ལྷ་ཆེན་ཀ་བ་ཀླུ་ཆེན་གདུང་༔  གཟའ་བརྒྱད་ཀ་ཞུ་ཞིང་ཆེན་ཐོག༔  རྒྱུ་སྐར་དྲལ་ཕྱམ་ཐོད་པའི་བད༔  རྒྱུ་མའི་དྲྭ་ཕྱེད་ཙིཏྟའི་ཕོད༔  མོ་རོའི་རྒྱལ་མཚན་ཀེང་རུས་འཕན༔  རྟ་བབ་ཆོས་འཁོར་གསེར་གདུགས་མཛེས༔  གྲུ་ཆད་བར་ཁྱམས་སྒོ་ཁྱུད་རྫོགས༔  ཕྱི་ནང་མེད་པར་ཀུན་ཏུ་གསལ༔  ཕོ་བྲང་གཞལ་ཡས་གླིང་ཆེན་དགུཿ    འཁོར་ལོ་རྩིབས་བཞི་མུ་ཁྱུད་བཅས་༔  མཐིང་ནག་གྲུ་གསུམ་འབར་བའི་སྟེང་༔  དྲེགས་པ་པདྨ་ཉི་ཟླའི་གདན༔  རང་རང་དཀྱིལ་འཁོར་སོ་སོ་གསལ༔  བྷྲཱུྃ་བི་ཤྭ་བི་ཤུངྔྷེ་བྷཉྫ་ཛྙཱ་ན་ཨེ་ཙཀྲ་མཎྜ་ལ་བྷྲཱུཾ༔ རུ་དྲ་ཀྲོ་ངྷི་ཏི་ར་བཾ༔ མ་སུརྻ་མཎྜ་ལ་༔  ཨ་ཙནྡྲ་མཎྜ་ལ༔  པཾ་པདྨ་མཎྜ་ལ༔  ལྷ་བསྐྱེད་པ་ནི།）ཧཱུཾ༔ དཀྱིལ་འཁོར་དབུས་ཀྱི་ལྟེ་བ་ལ༔  རྒྱ་ཡི་ཡི་གེ་གདན་ལ་བབས༔  སྤྲོ་བསྡུའི་སྦྱོར་བས་དཔལ་ཆེན་སྐུ༔  བདག་ཉིད་ཆེ་མཆོག་ཧེ་རུ་ཀ༔  མཐིང་ནག་ཞལ་གསུམ་ཕྱག་དྲུག་པ༔  ཞབས་བཞི་གྱད་ཀྱི་འདོར་སྟབས་བགྲད༔  གཡས་དཀར་གཡོན་（7ན）དམར་དབུས་མཐིང་ཞལ༔ རིགས་ལྔས་དབུ་བརྒྱན་ཐུགས་སྲོག་ཧཱུྃ༔  སྤྱན་དགུ་ཞལ་བགྲད་མཆེ་བ་གཙིགས༔  གཡས་ཀྱི་ཕྱག་གསུམ་རྡོ་རྗེ་གསོར༔  གཡོན་གྱི་ཕྱག་གསུམྦྷན་དམར་འཛིན༔  དུར་ཁྲོད་འཇིགས་པའི་ཆས་ཀྱིས་བརྒྱན༔  གནམ་ཞལ་ཡུམ་ཆེན་ཀུན་བཟང་འཁྲིལ༔  ཞལ་གཅིག་ཕྱག་གཉིས་སྐུ་མདོག་མཐིང་༔  གཡས་པས་གཙོར་འཁྱུད་ཁ་ཊྭཱཾ་བསྣམས༔  གཡོན་པས་དུང་དམར་གཙོ་ལ་སྟོབ༔  བསྐལ་པའི་མེ་དཔུང་ཀློང་ན་བཞུགས༔  མ་སུརྻ་མཎྜ་ལ༔  ཧཱུྃ་བཛྲ་ཨོཾ༔  ཨ་ཙནྡ་མཎྜ་ལ༔  ཨེ་ཨཾ༔  ས་མ་ཡ་ཧོཿ   ས་མ་ཡ་སྟྭཾ༔  ར་ཧོ་ཧཾ༔  རཱ་ག་ཡཱ་མིཿ    ཛཿཧཱུྃ་བྃ་ཧོཿ   ས་མ་ཡ་མུ་དྟ༔  པྲ་བེ་ཤ་ཡ་ཕཊ༔  ཨོཾ་ཨོཾ་ཨོཾ༔  ཧཱུྃ་ཧཱུྃ་ཧཱུྃ༔  ཕཊ་ཕཊ་ཕཊཿ  སྥ་ར་ཎ་ཕཊ༔  ཧཱུྃ་ཧཱུྃ་ཧཱུྃ་ཧཱུྃ༔  ཡབ་ཡུམ་སྦྱོར་བའི་བྱིན་རླབས་ལས༔  རིགས་བཞི་ལ་སོགས་འཁོར་བཅས་གསལ༔  ཨོཾ་བཛྲ་ཀྲོ་ངྷ་མ་ཧཱ་ཤྲི་ཧེ་རུ་ཀ་ཧཱུཾ་ཕཊཿ   མ་ཧཱ་ཀྲོ་ངྷཱི་ཤྭ་རི་སྟྭཾ༔ ཧཱུཾ༔  དཔལ་ཆེན་ཡབ་ཡུམ་མཁའ་གསང་ལས༔  ཕྱོགས་བཞི་མཚམས་བཞིའི་དཀྱིལ་འཁོར་དུ༔  མཐིང་ནག་ཧཱུཾ་ཆེན་ཡིག་འབྲུ་སྤྲོས༔  ཁྲག་འཐུང་ཡབ་ཡུམ་སྲས་བཅས་བསྐྱེད༔  ཧཱུྃ་ཧཱུྃ༔  ཧཱུྃ་ཧཱུྃ༔ （7བ）ཧཱུྃ་ཧཱུྃ༔ ཧཱུྃ་ཧཱུྃ༔  ཧཱུྃ་ཧཱུྃ༔  ཧཱུྃ་ཧཱུྃ༔  ཧཱུྃ་ཧཱུྃ༔  ཧཱུྃ་ཧཱུྃ༔  ཧཱུྃ༔  ཤར་དུ་བཛྲ་ཧེ་རུ་ཀ༔  དབུ་གསུམ་ཕྱག་དྲུག་ཞབས་བཞི་བགྲད༔  གཡས་དཀར་གཡོན་དམར་དབུས་མཐིང་ཞལ༔  རིགས་ལྔས་དབུ་བརྒྱན་ཐུགས་སྲོག་གསལ༔  གཡས་གསུམ་རྩེ་དགུ་ཁ་ཊྭཱཾ་རྔ་༔  གཡོན་གསུམ་དྲིལ་བྷན་རྒྱུ་ཞགས་བསྣམས༔  ཡུམ་ཆེན་ཀྲོ་ངྷཱི་ཤྭ་རི་སྦྱར༔ གཡས་པས་གཙོ་འཁྱུད་ཁ་ཊྭཱཾ་བསྣམས༔  གཡོན་པས་ཆགས་པའི་དུང་དམར་སྟོབ༔  དུར་ཁྲོད་ཆས་བརྒྱད་སྐུ་ལ་བརྒྱན༔  རིགས་བཞི་སྤྲུལ་པའི་འཁོར་བཅས་གསལ༔  ཨོཾ་རུ་ལུ་རུ་ལུ་ཧཱུྃ་བྷྱོ་ཧཱུྃ་ཕཊ༔  ཧཱུྃ༔  ལྷོ་རུ་འཇམ་དཔལ་གཤིན་རྗེ་གཤེད་༔  དབུ་གསུམ་ཕྱག་དྲུག་ཞབས་བཞི་བགྲད༔  གཡས་དཀར་གཡོན་དམར་དབུས་མཐིང་ཞལ༔  རིགས་ལྔས་དབུ་བརྒྱན་ཐུགས་སྲོག་གསལ༔  གཡས་གསུམ་བེ་ཅན་རལ་གྲི་སྟྭཾ༔  གཡོན་གསུམ་སྡིག་མཛུབ་མདུང་བྷན་དམར༔  ཡུམ་མཆོག་ཟ་བྱེད་བེ་ཏཱ་སྦྱར༔  གཡས་པས་གཙོ་འཁྱུད༴ གཡོན་པས་ཆགས་པའི༔  དུར་ཁྲོད་ཆས་བརྒྱད༴ རིགས་བཞི་སྤྲུལ་པའི་འཁོར་བཅས་གསལ༔  ཨོཾ་ཨ་ཀྲོ་ཏེ་ཀ་ཡ་མཱནྟ་ཀ་ཧ་ན་མ་ཐ་བྷཉྫ་ཧཱུཾ་ཕཊ༔  ཧཱུྃ༔  ནུབ་ཏུ་དབང་ཆེན་རྟ་（8ན）མཆོག་དཔལ༔ དབུ་གསུམ་ཕྱག་དྲུག་ཞབས་བཞི་བགྲད༔  གཡས་དཀར་གཡོན་ལྗང་དབུས་དམར་ཞལ༔  དབུ་གཙུག་རྟ་སྐད་ཕྱོགས་བཅུར་སྒྲོག༔  རིགས་ལྔས་དབུ་བརྒྱན་ཐུགས་སྲོག་གསལ༔  གཡས་གསུམ་རྡོ་རྗེ་ཁ་ཊྭཱཾ་ཞགས༔  གཡོན་གསུམ་དྲིལ་བྷན་ལྕགས་སྒྲོག་བསྣམས༔  ཡུམ་མཆོག་པདྨ་གཟི་ལྡན་སྦྱོར༔  གཡས་པས༔  གཡོན་པས༴ དུར་ཁྲོད༴ རིགས་བཞི་སྤྲུལ་པའི་འཁོར་བཅས་གསལ༔  ཨོཾ་པདྨཱནྟ་ཀྲྀ་ཏ་མ་ཧཱ་ཀྲོ་ངྷ་ཧ་ཡི་གྲཱི་ཝ་ཧུ་ལུ་ཧུ་ལུ་ཧཱུཾ་ཕཊ༔ ཧཱུྃ༔  བྱང་དུ་རྡོ་རྗེ་གཞོན་ནུ་ཆེ༔  དབུ་གསུམ་ཕྱག་དྲུག་ཞབས་བཞི་བགྲད༔  གཡས་དཀར་གཡོན་དམར་དབུས་མཐིང་ཞལ༔  རིགས་ལྔས་དབུ་བརྒྱན་ཐུགས་སྲོག་གསལ༔  གཡས་གཉིས་རྩེ་དགུ་རྩེ་ལྔ་འཛིན༔  གཡོན་གཉིས་མེ་དཔུང་ཁ་ཊྭཱཾ་བསྣམས༔  མཐའ་གཉིས་རི་རབ་ཕུར་བུ་འདྲིལ༔  ཡུམ་ཆེན་འཁོར་ལོ་རྒྱས་འདེབས་སྦྱར༔  གཡས་པས༴ གཡོན་པས༴ དུར་ཁྲོད༴ རིགས་བཞི་སྤྲུལ་པའི་འཁོར་བཅས་གསལ༔  ཨོཾ་བཛྲ་ཀཱི་ལི་ཀའི་ལ་ཡ་སརྦ་བིགྷྣཱན་བཾ་ཧཱུཾ་ཕཊ༔  ཧཱུཾ༔  ཤར་ལྷོར་བླ་མེད་ཧེ་རུ་ཀ༔  དབུ་གསུམ་ཕྱག་དྲུག་ཞབས་（8བ）བཞི་བགྲད༔ གཡས་དཀར་གཡོན་དམར་དབུས་མཐིང་ཞལ༔  རིགས་ལྔས་དབུ་བརྒྱན་ཐུགས་སྲོག་གསལ༔  གཡས་གསུམ་རྡོ་རྗེ་ཁྱུང་སྦྲུལ་ཞགས༔  གཡོན་གསུམྦྷནྡྷ་ཞིང་གའུ༔  ཡུམ་ཆེན་ཉིད་བཞི་བདེ་མཆོག་སྦྱོར༔  གཡས་པས༴ དུར་ཁྲོད༴ རིགས་བཞི་སྤྲུལ་པའི་འཁོར་བཅས་གསལ༔  ཨོཾ་གུ་ཧྱ་ཛྙཱ་ན་ཤྲཱི་ཧེ་རུ་ཀ་གུ་ཧྱ་ཛྙཱ་ན་ཀྲོ་ངྷཱི་ཤྭ་རི་སྟཾ་མ་མ་ཡོ་གི་ནི་རུ་ལུ་རུ་ལུ་ཧཱུཾ་བྷྱོ་ཧཱུཾ་ཕཊ༔ ཧཱུཾ༔  ལྷོ་ནུབ་རིག་འཛིན་ཐོད་པ་རྩལ༔  ཞལ་གཅིག་ཕྱག་གཉིས་ཞབས་གཉིས་བགྲད༔  སྐུ་མདོག་དཀར་དམར་རུས་རྒྱན་སྤྲས༔  རིགས་ལྔའི་དབུ་བརྒྱན་ཐུགས་སྲོག་གསལ༔  རྡོ་རྗེ་དྲིལ་བུའི་ཕྱག་རྒྱ་བསྒྱུར༔  ཡུམ་ཆེན་ཆོས་དབྱིངས་རྣལ་འབྱོར་མ༔  གཉིས་མེད་འཁྲིལ་སྦྱོར་ཆེན་ཆེན་བསྐྱེད༔  རིགས་བཞི་སྤྲུལ་པའི་འཁོར་བཅས་གསལ༔  ཨོཾ་བཛྲ་མ་ཧཱ་གུ་རུ་སརྦ་སིངྔྷི་ཧཱུཾ་ཕཊ༔ ཧཱུཾ༔  ནུབ་བྱང་དྲེགས་པ་ཀུན་འདུལ་ནི༔  དབུ་གསུམ་ཕྱག་དྲུག་ཞབས་བཞི་བགྲད༔  གཡས་དཀར་གཡོན་དམར་དབུས་མཐིང་ཞལ༔  རིགས་ལྔས་དབུ་བརྒྱན་ཐུགས་སྲོག་ལས༔  གཡས་གསུམ་རྡོ་རྗེ་ལྷ་བརྒྱད་མགོ༔  གཡོན་གསུམྦྷན་དམར་（9ན）ཀླུ་བརྒྱད་མགོ༔ ཡུམ་མཆོག་སྲིད་པ་སྤྱི་འདུལ་སྦྱོར༔  གཡས་པས༴ གཡོན་པས༴ དུར་ཁྲོད༴ རིགས་བཞི་སྤྲུལ་པའི་འཁོར་བཅས་གསལ༔  ཨོཾ་བཛྲ་ཙཎྜ་སརྦ་དུཥྚན་ཧཱུཾ་ཕཊ༔  ཧཱུྃ༔  བྱང་ཤར་སྟོབས་ལྡན་ནག་པོ་ཆེ༔  དབུ་གསུམ་ཕྱག་དྲུག་ཞབས་བཞི་བགྲད༔  གཡས་དཀར་གཡོན་དམར་དབུས་མཐིང་ཞལ༔  རིགས་ལྔས་དབུ་བརྒྱན་ཐུགས་སྲོག་གསལ༔  གཡས་གསུམ་རྡོ་རྗེ་ལྷ་བརྒྱད་སྙིང༔  གཡོན་གསུམྦྷན་དམར་ཀླུ་བརྒྱད་སྙིང་༔  ཡུམ་ཆེན་འབྱུང་བ་ལྔ་བདག་སྦྱོར༔  གཡས་པས་གཟུགས་ཁམས་མཁའ་ལ་འདེགས༔  གཡོན་པས་འདོད་ཁམས་ས་ལ་མནན༔  དུར་ཁྲོད་ཆས་བརྒྱད་སྐུ་ལ་གསོལ༔  རིགས་བཞི་སྤྲུལ་པའི་འཁོར་བཅས་གསལ༔  ཨོཾ་བཛྲ་སརྦ་དུཥྚན་ཨེ་ཛཿབྷྱོ་ཧཱུཾ་ཕཊ༔  ཧཱུཾ༔  ཉི་མ་དང་ནི་འོད་ཟེར་བཞིན༔  དཔལ་ཆེན་སོ་སོའི་སྤྲུལ་འཁོར་བཅས༔  ཕྱི་རོལ་སྒོ་བ་རིགས་བཞི་ནི༔  ཡ་མཱ་ན་པྲ་ཛྙཱ་ན་པདྨན་བིག༔  ལྕགས་ཀྱུ་ཞགས་པ་ལྕགས་སྒྲོག་དྲིལ༔  ཚོམ་བུ་དགུ་ཡི་ལྷ་ཚོགས་རྣམས༔  སྐུ་མདོག་ཕྱག་མཚན་རྒྱན་ཆ་ལུགས༔  མ་འདྲེས་ཡོངས་སུ་རྫོགས་པར་གསལ༔  ཛཿཧཱུཾ་བཾ་ཧོ༔  ཧཱུཾ༔  ཕྱི་（9བ）རོལ་ལྕགས་རི་ཁོར་ཡུག་ལ༔ མཁའ་འགྲོ་དབང་ཕྱུག་གིང་ལངྐ༔  འབར་མ་མ་སྲིང་བཀའ་སྡོད་ཚོགས༔  བསམ་གྱིས་མི་ཁྱབ་ཡོངས་རྫོགས་གཏིབས༔  མ་ཧཱ་མུ་ཏྲ་ས་མ་ཡ་ཧོཿ     （བྱིན་བརླབ་པ་ནི།）ཧཱུཾ༔ རང་བྱུང་དཀྱིལ་འཁོར་དཔལ་ཆེན་ཚོགས༔  མཐུ་རྩལ་ཡོངས་སུ་རྫོགས་བྱའི་ཕྱིར༔  སྐུ་གསུང་ཐུགས་མཆོག་བྱིན་རློབ་ལ༔  ཡེ་ཤེས་རྣམ་ལྔའི་དབང་སྐུར་ཅིག༔ （ཅེས་པས།）ལྷ་ཚོགས་རྣམས་ཀྱི་དཔྲལ་བར་འཁོར་ལོ་རྩིབས་བརྒྱད་པའི་ལྟེ་བར་རྣམ་སྣང་དཀར་པོ་ཐུགས་ཀར་ཨོཾ་གྱིས་མཚན་པ། ལྗགས་པདྨ་འདབ་བརྒྱད་ཀྱི་ལྟེ་བར་སྣང་མཐའ་དམར་པོ་ཐུགས་ཀར་ཨཱ༔  ས་མཚན་པ།  ཐུགས་རྡོ་རྗེ་རྒྱ་གྲམ་གྱི་ལྟེ་བར་རྡོར་སེམས་མཐིང་ག་ཐུགས་ཀར་ཧཱུཾ་གིས་མཚན་པ།  དེའི་འོད་ཟེར་གྱིས་དེ་བཞིན་གཤེགས་པ་རྣམས་ཀྱི་ཐུགས་རྒྱུད་བསྐུལ་རྡོ་རྗེ་གསུམ་གྱི་ལྷ་ཚོགས་ནམ་མཁའ་གང་བར་བྱོན་ནས་ཐིམ་པས་སྐུ་གསུང་ཐུགས་ཀྱི་བྱིན་རླབས་ཡོངས་སུ་རྫོགས་པ་ཐོབ།  ཨོཾ་ཨཱཿཧཱུྃ༔ （དབང་བསྐུར་བ་ནི།）སྤྱི་བོའི་གནས་ལྔར་དཔའ་བོ་འབྲུ་ལྔ་ལས་རྒྱལ་བ་རིགས་ལྔ་སོགས་ཞི་བ་བཞི་བཅུ་རྩ་གཉིས་ཀྱི་ལྷ་ཚོགས་རྣམས་བཞུགས་ནས་དབང་ཆེན་རབ་（10ན）འབྱམས་ཀྱི་དབང་བསྐུར་བ་ཐོབ་སྟེ་འགྲོ་དོན་ལ་དབང་བར་གྱུར། ཧཱུཾ་ཨོཾ་སྭཱཧྲཱིཿཧཱ༔  ཨོཾ་ན་མཿསརྦ་ཏ་ཐཱ་ག་ཏ་ཀཱ་ཡ་ཝཱ་ཀྩིཏྟ་ཛྙཱ་ན་པཉྩ་བཛྲ་སྭ་བྷཱ་ཝ་ཨཏྨ་ཀོཉ་ཧཾ༔
（གཉིས་པ་ཡེ་ཤེས་ཀྱི་འཁོར་ལོ་སྤྱན་དྲང་བ་ནི།）རང་གི་ཐུགས་ཀའི་ཧཱུཾ་ལས་འོད་ཟེར་འཕྲོས་པས་དཔལ་ཆེན་དཀྱིལ་འཁོར་དགུའི་ལྷ་ཚོགས་འཁོར་དང་བཅས་པ་ཐམས་ཅད་བཛྲ་ས་མཱ་ཛཿ   ཧཱུྃ༔  རྣམ་དག་ཆོས་དབྱིངས་མཉམ་ཉིད་ལས༔  ཞི་ཁྲོ་ཡོངས་རྫོགས་སྐུ་བཞེངས་ལ༔  སྲིད་གསུམ་གདུག་པའི་ཚོགས་བསྒྲལ་ཕྱིར༔  གནས་འདིར་སྤྱན་འདྲེན་གཤེགས་སུ་གསོལ༔  ཨོཾ་ཨེ་ཧྱེ་ཧི་ས་མ་ཡ་ཛཿཧཱུཾ་བཾ་ཧོཿ   ཧྲིཾ་ཧྲིཾ་ཛཿ  
（གསུམ་པ་བཞུགས་སུ་གསོལ་བ་ནི།）ཧཱུཾ༔ བདེ་གཤེགས་ཀུན་འདུས་དཀྱིལ་འཁོར་འདིར༔  དམ་ཚིག་ཡེ་ཤེས་དབྱེར་མེད་པར༔  ཆུ་ལ་ཆུ་བཞག་ཇི་བཞིན་དུ༔  དུ་མ་རོ་གཅིག་བརྟན་པར་བཞུགས༔  ས་མ་ཡ་ཨཱ་བེ་ཤ་ཡ་ཏིཥྛ་སྟྭཾ༔
（བཞི་པ་ཕྱག་འཚལ་བ་ནི།）ཧཱུྃ༔ ཆོས་རྣམས་རང་བཞིན་ཡེ་ནས་དག༔  རྟོག་འཁྲུལ་འཇིག་རྟེན་སེམས་ཅན་ལ༔  སྐུ་གསུང་ཐུགས་ཡོན་ཕྲིན་ལས་སྟོན༔  དཀྱིལ་འཁོར་ལྷ་ལ་ཕྱག་འཚལ་ལོ༔  ཨ་ཏི་པུ་ཧོ༔ པྲ་ཏཱིཙྪ་ཧོ༔  
（10བ）（ལྔ་པ་མཆོད་པ་འབུལ་བ་ལ།  ཕྱག་རྒྱ་གར་མཆོད་ནི།）ཧཱུྃ༔ གདུལ་བྱའི་མོས་བློ་ཐ་དད་པས༔  ཞི་དང་ཁྲོ་དང་འདྲེས་པའི་ཚུལ༔  ཞལ་དང་ཕྱག་མཚན་ཅིར་ཡང་བསྒྱུར༔  བདེ་གཤེགས་ཐམས་ཅད་གར་གྱི་བདག༔  ཕྱག་རྒྱ་གར་གྱི་མཆོད་པ་བཞེས༔  མ་ཧཱ་མུ་དྲ་པཱུ་ཛ་ཧོཿ   （གླུའི་མཆོད་པ་ནི།）ཧཱུྃ༔ སྟོང་པའི་རང་བཞིན་ཅིར་ཡང་སྣང་༔  སྣང་བའི་མཚན་ཉིད་སྐྱེ་བ་མེད༔  གླུ་ནི་འདུ་འབྲལ་མེད་པའི་གླུ༔  བྲོ་ནི་བར་ཆད་མེད་པར་བརྡུང་༔  ཨོཾ་མ་ཧཱ་ཛྙཱ་ན་ཏེ་ན་ཧཱུྃ་ཏེ་ན་ཏེ་ཏེ་ཧཱུྃ༔ （ཕྱི་མཆོད་ནི།）ཧཱུྃ༔ རྒྱལ་བ་རྒྱ་མཚོའི་དཀྱིལ་འཁོར་དུ༔  བདུག་སྤོས་མེ་ཏོག་མར་མེ་དྲི༔  ཞལ་ཟས་སིལ་སྙན་མཆོད་པའི་སྤྲིན༔  དབྱིངས་ནས་བཏོན་ཏེ་དབྱིངས་སུ་འབུལ༔  ཨོཾ་པ་ན་པེ༔  པེ་ནུ་སུ་ར་ཏོ༔  རི་པུ་པ་ར་མུ༔  སརྦ་ཏ་ཐཱ་ག་ཏ་སིངྔྷི་ས་མ་ཡ་ཧོཿ  ཨོཾ་ཤྲཱི་བཛྲ་རཱ་ག་ངྷུ་པེ་ཧཱུཾ༔ པུཥྤེ་ཏྲྃ༔  ཨཱ་ལོ་ཀེ་ཧྲཱིཿ  གནྡྷེ་ཧྲཱིཿ    ནཻ་བི་དྱཱ་ཨཱཿ    གཱིརྟི་ཤཔྡ་ཧཱུྃ༔ （ནང་མཆོད་ནི།）  ཨོཾ༔  མཆོད་པ་ཕྱག་རྒྱ་ཆེན་པོ་ནི༔  སེམས་ཀྱི་ཡིད་བཞིན་སྤྲིན་ཚོགས་གཏིབས༔  གཟུགས་སྒྲ་དྲི་རོ་རེག་བྱ་ཆོས༔  འདོད་ཡོན་ལྔ་ལྡན་མཆོད་པ་བཞེས༔  ཨོཾ་སརྦ་པཱུ་ཛ་ས་མ་ཡ་ཧོ༔ （གསང་མཆོད་ནི།）ཧཱུྃ༔  འདོད་（11ན）ཆགས་ཞེ་སྡང་གཏི་མུག་ཆེ༔ ང་རྒྱལ་ཕྲག་དོག་ཉོན་མོངས་ལྔ༔  ཡེ་ནས་རིགས་ལྔའི་རང་བཞིན་ཡིན༔  སྦྱོར་སྒྲོལ་ཏིང་འཛིན་དམ་མཆོད་བཞེས༔  ཧ་ལ་པཉྩ་པཱུ་ཛ་ཧོཿ   （དུག་གསུམ་གྱི་མཆོད་པ་ནི།）ཧཱུྃ༔ ཤ་ཁྲག་རུས་པ་རྣམ་པ་གསུམ༔  དུག་གསུམ་མཆོད་པ་བླ་ན་མེད༔  ཡེ་ནས་སྐུ་གསུམ་རང་བཞིན་ཏེ༔  རང་གྲོལ་ཉིད་དུ་མཆོད་པར་བཞེས༔  མ་ཧཱ་མཱཾ་ས༔  མ་ཧཱ་རཀྟ༔  མ་ཧཱ་ཀེཾ་ནི་རི་ཏི་ཁཱ་ཧི༔ （སྨན་མཆོད་ནི།）ཧཱུྃ༔ རང་བྱུང་གདོད་ནས་རྣམ་པར་དག༔  རྩ་བརྒྱད་སྟོང་ལ་སྦྱར་བའི་སྨན༔  རིགས་ལྔ་དམ་ཚིག་ལྔ་ཡི་དངོས༔  ཡེ་ཤེས་ལྔ་རྫོགས་གྲུབ་པའི་རྫས༔  རྒྱུད་ལྔའི་སེམས་ཅན་ཀུན་བསྒྲལ་ཕྱིར༔  དུག་ལྔ་སེལ་བའི་བདུད་རྩི་ཆེ༔  དུས་གསུམ་བླ་མ་ཡི་དམ་ལྷ༔  རྒྱལ་བ་ཞི་ཁྲོའི་ལྷ་ཚོགས་ལ༔  རྣམ་དག་བདུད་རྩིའི་དམ་རྫས་མཉེས་མཆོད་འབུལ༔  ཐུགས་རྗེས་བརྩེར་དགོངས་དབང་དང་དངོས་གྲུབ་སྩོལ༔  ཨོཾ་ཨཱཿཧཱུཾ་སརྦ་པཉྩ་ཨ་མྲྀ་ཏ་ཁ་རཾ་ཁཱ་ཧི༔  དམ་སྐོང་དབང་དང་ཤེས་རྒྱུད་ལུང་སྟོན་པའི༔  ངེས་པའི་དོན་སྟོན་རྩ་བརྒྱུད་བླ་མ་ལ༔  རྣམ་དག༴ ཐུགས་རྗེས༴ ཨོཾ་ཨཱཿཧཱུཾ་སརྦ་པཉྩ་ཨ་མྲྀ༴ བདེ་（11བ）གཤེགས་ཞི་བ་ཆེ་མཆོག་གཤིན་རྗེའི་གཤེད༔ རྟ་མགྲིན་ཡང་དག་ཕུར་པ་རྦོད་གཏོང་ལ༔  རྣམ་དག༴ ཐུགས་རྗེས༴ ཨོཾ་ཨཱཿཧཱུཾ་སརྦ༴ རིག་འཛིན་དྲག་སྔགས་དྲེགས་འདུལ་བཀའ་སྡོད་ཚོགས༔  མཁའ་འགྲོ་ཆོས་སྐྱོང་གཞི་གནས་གཏེར་བདག་ལ༔  རྣམ་དག༴ ཐུགས་རྗེས༴ ཨོཾ་ཨཱཿཧཱུཾ་སརྦ༴ （དངོས་གྲུབ་བླང་བ་ནི།）ཧཱུྃ༔ ལྕེ་ཡི་དམ་ཚིག་རྡོ་རྗེ་ལ༔  དམ་ཚིག་ཅན་གྱིས་ཧཱུཾ་བསྒོམས་ཏེ༔  མཐེབ་སྲིན་ཐབས་ཤེས་ཕྱག་རྒྱ་ཡིས༔  མྱང་ན་དངོས་གྲུབ་མཆོག་ཐོབ་འགྱུར༔  ཀཱ་ཡ་སིངྔྷ་ཨོཾ༔  ཝཱ་ཀ་སིངྔྷིཨཱ༔ ཙིཏྟ་སིངྔྷི་ཧཱུྃ༔ སརྦ་སིངྔྷི་ཧྲཱིཿ    （གཏོར་མའི་མཆོད་པ་ནི།）ཧཱུྃ༔ དམ་རྫས་རྨད་བྱུང་གཏོར་ཆེན་པོ༔  འདོད་ཡོན་ལྔ་ཡི་ཕུང་པོར་འབར༔  ཐམས་ཅད་ཚིམ་བྱེད་མཆོད་སྦྱིན་ཆེ༔  ཞི་ཁྲོ་ཡོངས་རྫོགས་ཐུགས་དམ་བསྐང་༔  མ་ཧཱ་བ་ལིཾ་ཏ་ཁཱ་ཧི༔ （རཀྟའི་མཆོད་པ་ནི།）ཧཱུྃ༔ རུ་དྲ་བསྒྲལ་བའི་ཁྲག་ཆེན་པོ༔  ལྕང་ལོར་བཅས་པའི་བྷཉྫར་བསྐྱིལ༔  འཁོར་བ་དབྱིངས་སུ་དག་བྱའི་ཕྱིར༔  དཔལ་ཆེན་ཚོགས་ཀྱི་ཞལ་དུ་འབུལ༔  མ་ཧཱ་རཀྟ་ཁཱ་ཧི༔ （བདུད་རྩི་གསང་ནན་གྱི་མཆོད་པ་ནི།）ཧཱུྃ༔ རྒྱུ་གཉིས་རྐྱེན་སྦྱར་འབྲུ་བཅུད་འདི༔  དུག་ལྔ་སྨན་གྱུར་དམ་པའི་（12ན）རྫས༔ ཛ་གད་དཔའ་བོའི་བདུད་རྩི་འདིས༔  རྒྱལ་བ་ཞི་ཁྲོའི་ཐུགས་དམ་བསྐང་༔  མ་ཧཱ་པཉྩ་ཨ་མྲྀ་ཏ་ཛ་གད་ཁཱ་ཧི༔ （སྦྱོར་བའི་མཆོད་པ་ནི།）ཧཱུྃ༔ དབྱིངས་རིག་གཉིས་མེད་སྦྱོར་བ་ཡིས༔  འཁོར་འདས་གཉིས་སུ་མེད་པར་སྦྱོར༔  གཉིས་མེད་རྟོགས་པའི་སྦྱོར་མཆོད་འདིས༔  རྒྱལ་བ་ཡབ་ཡུམ་མཉེས་གྱུར་ཅིག༔  ཛཿཧཱུཾ་བཾ་ཧོཿ  པདྨ་ཡོ་གི་ནཱི་ས་མ་ཡ་པྲ་བེ་ཤ་ཡ་ཕཊ༔  （སྒྲོལ་བའི་མཆོད་པ་ནི།）ཧཱུྃ༔ ཡང་དག་དོན་རྟོགས་བློ་ཡིས་ནི༔  མ་རྟོགས་སེམས་ཅན་གནས་སུ་བསྒྲལ༔  དུས་གསུམ་བདེ་གཤེགས་དེ་ལ་མཉེས༔  མཆོག་གི་མཆོད་པ་ཆེན་པོ་བཞེས༔  ཨོཾ་མ་ཧཱ་ཤྲཱི་ཧེ་རུ་ཀ་མ་ཏྲཾ་རུ་ཏྲ་པྲ་བྷཉྫ་ཙཀྲ་ཧཱུཾ་ཕཊ༔  པྲ་བེ་ཤ་ཡ་ཕཊ༔  ཏི་ཧཱུྃ་ཨེ་ཡཾ་སྥ་ར་ཎ་ཕཊ༔
（དྲུག་པ་བསྟོད་པ་ནི།）ཧཱུྃ༔ དུས་གསུམ་བདེ་གཤེགས་ཆོས་རྣམས་རྫོགས་པའི་དཔལ༔  ཞི་བ་ཡོངས་རྫོགས་ལྷ་ལ་ཕྱག་འཚལ་བསྟོད༔  དུས་གསུམ་བདེ་གཤེགས་ཡོན་ཏན་རྫོགས་པའི་དཔལ༔  ཆེ་མཆོག་ཡོངས་རྫོགས༴ དུས་གསུམ་བདེ་གཤེགས་ཐུགས་མཆོག་རྫོགས་པའི་དཔལ༔  ཡང་དག་ཡོངས་རྫོགས༴ དུས་གསུམ་བདེ་གཤེགས་སུ་ཆོས་རྣམས་མཆོག་རྫོགས་པའི་དཔལ༔ （12བ）གཤིན་རྗེ་ཡོངས་རྫོགས༴  དུས་གསུམ་བདེ་གཤེགས་གསུང་མཆོག་རྫོགས་པའི་དཔལ༔  དབང་ཆེན་ཡོངས་རྫོགས༴ དུས་གསུམ་བདེ་གཤེགས་ཕྲིན་ལས་རྫོགས་པའི་དཔལ༔  ཕུར་པ་ཡོངས་རྫོགས༴ དུས་གསུམ་བདེ་གཤེགས་གཟི་བརྗིད་རྫོགས་པའི་དཔལ༔  མ་མོ་ཡོངས་རྫོགས༴ དུས་གསུམ་བདེ་གཤེགས་ཕྱག་རྒྱ་རྫོགས་པའི་དཔལ༔  རིག་འཛིན་ཡོངས་རྫོགས༴ དུས་གསུམ་བདེ་གཤེགས་མངོན་སྤྱོད་རྫོགས་པའི་དཔལ༔  འཇིག་རྟེན་ཡོངས་རྫོགས༴ དུས་གསུམ་བདེ་གཤེགས་དམོད་མཐུ་རྫོགས་པའི་དཔལ༔  དྲག་སྔགས་ཡོངས་རྫོགས༔  ཕྲིན་ལས་བཞི་སྒྲུབ་ཕྱི་ནང་བར་ཆད་སེལ༔  སྒོ་བ་སྒོ་མའི་ཚོགས་ལ་ཕྱག་འཚལ་བསྟོད༔  རྒྱལ་བའི་སྤྱན་སྔར་བསྟན་པའི་གཉེར་བླངས་པའི༔  བཀའ་ཉན་སྲུང་མའི་ཚོགས་ལ་ཕྱག་འཚལ་བསྟོད༔  བླ་མེད་སྐུ་གསུང་ཐུགས་ཀྱི་དངོས་གྲུབ་རྣམས༔  བདག་སོགས་མོས་པའི་བུ་ལ་སྩལ་དུ་གསོལ༔   
（བདུན་པ་ཛཔྲ་བཟླ་བ་ལ་གསུམ་ལས།  དང་པོ་ཞི་བར་བསྙེན་པ་ནི།）དཀྱིལ་འཁོར་གཙོ་དགུའི་ལྷ་རྣམས་ཀྱི་དབུ་གཙུག་ཏུ་རིགས་བདག་ཀུན་བཟང་ཡབ་（13ན）ཡུམ་སྤྱི་བོའི་གནས་ལྔར་སོ་སོའི་རིགས་ལྔ་འཁོར་དང་བཅས་པ་བཞུགས་པའི་གནས་གསུམ་འབྲུ་གསུམ་དང་ཐུགས་སྲོག་ས་བོན་སྔགས་ཕྲེང་གིས་བསྐོར་བ། ལྷ་ཐམས་ཅད་ཀྱི་ཞལ་ནས་སྔགས་བཟླས་པའི་ཐུགས་རྒྱུད་བསྐུལ།  སྔགས་ཕྲེང་ལས་འོད་ཟེར་འཕྲོས་པས་སྟོང་གསུམ་ཐམས་ཅད་ཞི་བའི་ལྷ་དང་སྔགས་སྒྲས་གང་།  ཕྱོགས་བཅུའི་རྒྱལ་བ་སྲས་བཅས་ཀྱི་བྱིན་རླབས་ཚུར་བསྡུས་ནས་ཐིམ་པར་（བསམ་ཞིང་།）ཨོཾ་བོ་ངྷི་ཙིཏྟ་མ་ཧཱ་སུ་ཁ་ཛྙཱ་ན་ངྷཱ་ཏུ་ཨཱ༔  （ཞེས་ཞི་བ་སྤྱི་བསྡུས་ཀྱི་སྙིང་པོ་བཟླ། གཉིས་པ་ཁྲོ་བོར་སྒྲུབ་པ་ལ།  དམིགས་པའི་འཕྲོ་འདུ་རྣམ་གྲངས་གསུམ་གྱི།  དང་པོ་ཕྲ་མོའི་ཏིང་ངེ་འཛིན་གསལ་བས་རང་གི་གནས་སྦྱོང་བ་ནི།）བདག་ཉིད་ཀྱི་ཐུགས་ཙིཏྟ་རིན་པོ་ཆེ་ཟུར་བརྒྱད་པ་མཆོང་གུར་ཕུབ་པ་ལྟ་བུའི་ཀློང་དུ་པད་ཉི་ཟླ་བའི་དཀྱིལ་འཁོར་ལ་ཡེ་ཤེས་སེམས་དཔའ་རྡོར་སེམས་དཀར་པོ་ཚོན་གང་བ། དེའི་ཐུགས་ཁར་རྡོ་རྗེ་སྔོན་པོ་རྩེ་ལྔ་པའི་ལྟེ་བར་ཉི་མ་ལ་གནས་པའི་མི་འགྱུར་བའི་ཐིག་ལ་ཧཱུྃ་ཡིག་གི་མཐར་སྔགས་ཀྱི་ཕྲེང་བ་རྣམས་ཤིན་ཏུ་ཕྲ་བའི་གཟུགས་ཀྱིས་གནས་པ། （གཉིས་པ་བཟླས་བརྗོད་འཕྲོ་འདུས་ཡེ་ཤེས་ལྷ་ཉེ་བར་བསྙེན་པ་ནི།）བཟླས་པའི་རྐྱེན་གྱིས་（13བ）ཐུགས་ཀའི་སྔགས་ཕྲེང་གྱེན་དུ་བྱུང་། ལྗགས་སྟེང་ཨཱཿལ་བསྐོར།  ཤངས་བུག་གཡས་ནས་ཡར་བརྒྱུད།  སྤྱི་བོའི་ཨོཾ་ལ་བསྐོར་བ་བྱས་ནས་ཕྱིར་བྱུང་བ་ཤངས་བུག་གཡོན་གྱི་སྒོར་ཐོན།  ཡུམ་གྱི་ཤངས་བུག་གཡས་ནས་ལུགས་ཏེ་ཐུགས་ཀའི་ཧཱུཾ་ལ་བསྐོར་ཅིང་གསང་བའི་པདྨོར་བབས། （གསུམ་པ་བྱང་སེམས་འཕྲོ་འདུས་དངོས་གྲུབ་ཡུམ་མཁར་བསྡུ་བ་ནི།）ཡུམ་མཁའི་སྔགས་ཕྲེང་ལས་འོད་ཟེར་ཕྱོགས་བཅུར་འཕྲོས་པས་རྒྱལ་བ་ཐམས་ཅད་མཆོད། ཐུགས་རྗེ་བྱིན་རླབས་དངོས་གྲུབ་ཐམས་ཅད་བསྡུས་ནས་ཡུམ་གྱིས་པདྨར་བསྐྱིལ་བ་དེ་རྡོ་རྗེའི་ལམ་བརྒྱུད་ཐུགས་ཀའི་ཧཱུཾ་ལ་ཐིམ།  སྣོད་བཅུད་དག་པ་ལྷ་དང་གཞལ་ཡས་ཁང་གི་རང་བཞིན་དང་གྲག་སྟོང་རྡོ་རྗེའི་སྔགས་སྒྲས་ཞིང་ཁམས་ཐམས་ཅད་ཡོངས་སུ་གང་བར་（བསམ་ཞིང་། བཟླ་བྱའི་སྔགས་ནི།）ཨོཾ་བཛྲ་ཙཎྜ་སརྦ་དུཥྚཱན་ཏ་ཀ་ཧ་ན་ད་ཧ་པ་ཙ་ཧཱུཾ་ཕཊ༔ （ཅེས་ཁྲོ་བོ་སྤྱི་བསྡུས་ཀྱི་སྙིང་པོའོ། །）ཨོཾ་བཛྲ་ཀྲོ་ངྷ་མ་ཧཱ་ཤྲཱི་ཧེ་རུ་ཀ་ཧཱུཾ་ཕཊ༔ （ཆེ་མཆོག་གོ།）ཨོཾ་རུ་ལུ་རུ་ལུ་ཧཱུཾ་བྷྱོ་ཧཱུཾ་ཕཊ༔ （ཡང་དག་གོ།）ཨོཾ་ཨ་ཀྲོ་ཏེ་ཀ་ཡ་མཱནྟ་ཀ་ཧ་ན་མ་ཐ་བྷཉྫ་ཧཱུཾ་ཕཊ༔ （གཤིན་རྗེའོ། །）ཨོཾ་པདྨནྟ་ཀྲྀཏ་བཛྲ་ཀྲོ་ངྷ་ཧ་ཡ་གྲཱི་ཝ་ཧཱུཾ་ཕཊ༔ （རྟ་མགྲིན་ནོ། །）ཨོཾ་བཛྲ་ཀཱི་ལི་ཀཱི་ལ་ཡ་སརྦ་བིགྷྣཱན་（14ན）བཾ་ཧཱུཾ་ཕཊ༔ （ཕུར་པའོ།  །）ཨོཾ་གུ་ཧྱ་ཛྙཱ་ན་ཤྲཱི་ཧེ་རུ་ཀ་གུ་ཧྱ་ཛྙཱ་ན་ཀྲོ་ངྷཱི་ཤྭ་རི་སྟཾ་མ་མ་ཡོ་གི་ནི་རུ་ལུ་རུ་ལུ་ཧཱུཾ་བྷྱོ་ཧཱུཾ་ཕཊཿ   （མ་མོའོ། །）ཨོཾ་བཛྲ་མ་ཧཱ་གུ་རུ་སརྦ་སིངྔྷི་ཧཱུཾ་ཕཊ༔ （རིག་འཛིན་ནོ། །）ཨོཾ་བཛྲ་ཙནྜ་སརྦ་དུཥྚན་ཧཱུཾ་ཕཊ༔  （དྲེགས་འདུལ་ལོ།  །）ཨོཾ་བཛྲ་སརྦ་དུཥྚན་ཨེ་ཛཿབྷྱོ་ཧཱུཾ་ཕཊ༔  （དྲག་སྔགས་སོ།  །）ཁྲོཾ་ག་རུ་ཌ་ཧཱུཾ་ཕཊ༔  （བྱ་ཁྱུང་ངོ་།  །）སརྦ་ངྷཱ་ཀི་ནཱི་ས་མ་ཡ་ཧྲཱིཾ་ཧྲཱིཾ་ཧཱུཾ་ཕཊ༔  （བཀའ་སྡོད་དོ།  །གསུམ་པ་ལས་ལ་སྦྱོར་བ་ནི།）ལྷ་ཚོགས་བདུན་བརྒྱ་ཉེར་ལྔའི་ཞལ་ནས་དྲག་སྔགས་འབྲུག་སྒྲ་སྟོང་གསུམ་གང་བར་བསྒྲགས་པས་ཁམས་གསུམ་ཆོས་ཉིད་དུ་བསྒྲལ།  བ་སྤུའི་བུ་ག་ཚུན་ཆད་ནས་ཡེ་ཤེས་ཀྱི་མེ་ལྕེ་མགར་གྱི་ཚྭ་ཚྭ་ལྟ་བུར་འཕྲོས་པས་སྣང་སྲིད་མེ་ཕུང་གིས་གང་།  ཕྱི་སེམས་ཅན་ཀུན་གྱི་ལས་ཉོན་ཕུང་པོ། ནང་སྒྲུབ་པ་པོའི་རྣམ་རྟོག་འཁྲུལ་འཛིན།  བར་གདོན་བགེགས་ལོག་འདྲེན་ཐམས་ཅད་གཞོབ་ཏུ་བསྲེགས་ནས་སྐྱེ་མེད་ཀྱི་དབྱིངས་སུ་ཐིམ་པར་（བསམ་ཞིང་།）ཨོཾ་བཛྲ་མ་ཧཱ་ཀྲོ་ངྷ་པདྨ་ཀྲོ་ངྷི་ཤྭ་རཱི་བཛྲ་ཀཱི་ལི་ཀཱི་ལ་ཡ་མ་ཧཱ་ཡཀྵ་ཀ་ལ་རུ་པ་ཀརྨ་རཾ་རཾ་ཛྭ་ལ་རཾ་ཧཱུཾ་ཕཊ༔  （ཅེས་དྲག་སྔགས་སོ་ལྔ་པ་སྟེ། དེ་ལྟར་གཙོ་འཁོར་བསྙེན་སྒྲུབ་ལས་སྦྱོར་གྱི་དབྱེ་བས་ཇི་ཙམ་ནུས་པ་བཟླའོ།  །བརྒྱད་པ་སྟོང་ཚིགས་（14བ）ཀྱི་མཆོད་པ་ནི།）ཧཱུྃ༔ ཡེ་ཤེས་ལྷ་ཚོགས་སྤྱན་འདྲེན་གཤེགས༔  ཕྱི་ནང་གསང་བའི་མཆོད་ཚོགས་འབུལ༔  སྐུ་གསུང་ཐུགས་ཡོན་ཕྲིན་ལས་བསྟོད༔  ཉམས་ཆག་འགལ་འཁྲུལ་ཅི་མཆིས་བཤགས༔  ཨོཾ་ཨཱཿཧཱུྃ་མ་ཧཱ་ཨ་མྲྀ་ཏ་བ་ལིཾ་ཏ་རཀྟ་ཁཱ་ཧི༔ （ཞེས་བཟླས་པའི་བར་མཚམས་སོ་སོར་མཆོད་པ་བྱའོ། །དགུ་པ་དངོས་གྲུབ་བླང་བ་ནི་འཁྲུགས་བསྡེབས་ཀྱི་དགོངས་པས་འོག་ཏུ་འཆད་དོ།  །
སྤྱི་དོན་གསུམ་པ་རྗེས་ཀྱི་ལས་རིམ་ལ་དགུ་ལས། དང་པོ་ཚོགས་ཀྱི་མཆོད་པ་ནི།  ཞིང་ལྤགས་ཀྱི་ཁར་ཐབས་ཤེས་ཀྱི་དམ་རྫས་གཙོ་བོར་གྱུར་པའི་བཟའ་བཏུང་གི་ཡོ་བྱད་ཅི་འབྱོར་པ་བཤམས་ལ།  བྱིན་གྱིས་བརླབ་པ་ནི།）ཨོཾ་ཨུཙྪུཥྨ་བཻ་ཏཱ་ལི་ཀྲོ་ངྷཱ་ནི་སརྦ་དྲ་བྱཾ་སཾ་ཤོ་ངྷཱ་ནི་ཧཱུྃ་ཕཊ་སྭཱ་ཧཱ༔ ཧཱུཾ༔  རྡོ་རྗེ་ལྟ་བུའི་ཡེ་ཤེས་ཀྱིས༔  ཆོས་ཀུན་ཐམས་ཅད་སྒྱུ་མར་རིགས༔  རིག་པའི་ཡེ་ཤེས་རཾ་ཡཾ་ཁཾ༔  ཚོགས་ཀྱི་དངོས་པོ་བསྲེག་སྦྱང་བཀྲུ༔  རྃ་ཡྃ་ཁྃ༔  ཚོགས་ཀྱི་ཡོ་བྱད་སྟོང་པའི་ངང་༔  ཆ་དང་མ་ལས་ཉི་ཟླ་ཡི༔  སྣོད་དུ་འབྲུ་གསུམ་ཞུ་བ་ལས༔  འདོད་ཡོན་ལྔ་ལྡན་ཕུང་པོར་གྱུར༔  ཨོཾ་ཨཱཿཧཱུྃ༔ （ཚོགས་ཞིང་སྤྱན་འདྲེན་པ་ནི།）   ཧཱུཾ༔  རྒྱལ་བ་ཞི་ཁྲོའི་ལྷ་ཚོགས་རྣམས༔  ཡེ་ཤེས་རོལ་པའི་ཚོགས་ལ་གཤེགས༔  དམ་ཚིག་དཀྱིལ་འཁོར་གནས་（15ན）འདིར་བཞུགས༔ བདག་དང་གུས་པས་ཕྱག་འཚལ་ལོ༔  ཧཱུྃ༔  གཟུགས་སྒྲ་དྲི་རོ་རེག་བྱ་ཆོས༔  མཛེས་སྙན་དྲི་ཞིམ་རོ་བདའ་ཞིང་༔  རེག་བདེ་གླུ་གར་ཆོས་ཡིད་ཚིམ༔  འདོད་ཡོན་མཆོད་པས་ཐུགས་དམ་བསྐང་༔ （དེ་ནས་ཚོགས་ཕུད་རིམ་པ་གསུམ་དུ་སྤྲོས་པས་ཆ་དང་པོ་མཆོད་པ་ནི།）ཧཱུྃ༔ བླ་མེད་མཆོག་གི་མཆོད་སྦྱར་བས༔  ཡེ་ཤེས་ལྔ་ཡི་འོད་ཟེར་འཕྲོ༔  འདོད་ཡོན་ལྷ་མོས་རབ་བརྒྱན་འབུལ༔  དམ་སྐོང་དབང་དང་དངོས་གྲུབ་སྩོལ༔  ཨོཾ་ན་མཿསརྦ་ཏ་ཐཱ་ག་ཏེ་བྷྱོ་བི་ཤྭ་མུ་ཁེ་བྷྱོཿསརྦ་ཐཱ་ཁཾ་ཨུཏྒ་ཏེ་སྥ་ར་ཎ་ཨི་མཾ་ག་ག་ན་ཁཾ་སྭཱ་ཧཱ༔ （བར་པ་བཤགས་པ་ནི།）ཧཱུཾ༔ མ་རིག་བདག་ཅག་ལུས་ངག་སེམས༔  བདག་མེད་དམ་འགལ་འབྱོར་ཚོགས་ཆུང་༔  བླ་མ་ཡི་དམ་མཁའ་འགྲོ་ཡི༔  ཐུགས་དང་འགལ་གྱུར་བཟོད་པར་གསོལ༔  ཨ་ཧོ་མ་ཧཱ་སུ་ཁ་ས་མ་ཡ་ཧོ༔ （ཐ་མ་བསྒྲལ་བསྟབ་ནི།  དམིགས་བྱའི་གཟུགས་བརྙན་བཅས་ལ།）ན་མོ་རིག་འཛིན་རྩ་བརྒྱུད་ཀྱི་དཔལ་ལྡན་བླ་མ་དམ་པ་རྣམས་ཀྱི་བཀའ་བདེན་པ་དང་། སངས་རྒྱས་ཀྱི་བཀའ༴ ཆོས་ཀྱི་བཀའ༴ དགེ་འདུན་གྱི་བཀའ༴ གསང་སྔགས་དང་རིག་སྔགས་དང་གཟུགས་སྔགས་（15བ）དང་སྙིང་པོ་དང་ཕྱག་རྒྱ་དང་ཏིང་ངེ་འཛིན་གྱི་བདེན༴  ཆོས་ཉིད་གདོད་ནས་སྟོངས་ཀྱང་ཆོས་ཅན་རྒྱུ་འབྲས་བསླུ་བ་མེད་པའི་བདེན༴ ཁྱད་པར་བཅོམ་ལྡན་འདས་བདེ་གཤེགས་སྒྲུབ་པ་བཀའ་བརྒྱད་ཀྱི་ལྷ་ཚོགས་འཁོར་དང་བཅས་པའི་བཀའ་བདེན་པ་དང་།  བདེན་པ་ཆེན་པོའི་མཐུ་ལ་བརྟེན་ནས་བསྟན་དང་འགྲོ་བའི་སྤྱི་དགྲ།  ཁྱད་པར་རིག་པ་འཛིན་པ་བདག་ཅག་ཡོན་མཆོད་འཁོར་དང་བཅས་པ་རྣམས་ལ་སྔ་དགྲ་ལག་གིས་བརྡར་བ།  ཕྱི་དགྲ་ཡིད་ལ་སེམས་པ།  ད་དགྲ་ཐད་དུ་འཛུགས་པའི་གཟུགས་ཅན་སྡང་བའི་དགྲ་དང་།  གཟུགས་མེད་ལནོད་བྱེད་བགེགས་ཀྱི་ཚོགས་དང་བཅས་པ་ཐམས་ཅད་སྲིད་པ་གསུམ་གྱི་ཁོངས་གར་གནས་གར་བྲོས་ཀྱང་སྐད་ཅིག་ཡུད་ཙམ་ལ་དམིགས་པའི་རྟེན་འདི་ལ་ཁུག་ཅིག  །（དྲག་སྔགས་སོ་ལྔ་པའི་མཐར།）ཨཱ་ཀརྵ་ཡ་ཛཿ   ཛཿཧཱུྃ་བཾ་ཧོཿ   （ཞེས་དགུག་གཞུག་བྱས་ལ། ཕུར་ཐུན་བསྐུལ་བ་ནི།）ཧཱུྃ༔ ཆོས་ཀྱི་དབྱིངས་ནས་རང་བྱུང་གྲུབ་པའི་ལྷཿ  ཁྲོ་བོ་རོལ་པའི་དུར་ཁྲོད་ཆེན་པོ་ནས༔  ཤིན་ཏུ་མི་བཟད་རབ་འཇིགས་སྐུར་སྟོན་པ༔  དཔལ་ཆེན་ཡོངས་རྫོགས་དྲག་པོའི་ཕྲིན་ལས་མཛོད༔  ཧཱུཾ༔  ང་（16ན）ནི་དཔལ་ཆེན་ཧེ་རུ་ཀ༔ སྲས་འཁོར་སྤྲུལ་པ་བྱེ་བ་འབུམ༔  བཀའ་སྡོད་རབ་འཇིགས་ཕོ་ཉར་བཅས༔  བཀའ་བརྒྱད་ལྷ་ཚོགས་དུས་ལ་བབ༔  གཡས་ཀྱི་ཕྱག་ན་ཕུར་པ་འདྲིལ༔  གཡོན་གྱི་ཕྱག་ན་ལྕགས་ཀྱུས་འགུགས༔  ལྕགས་ཀྱུས་ཟུངས་ལ་ཕུར་བུས་ཐོབ༔  གནོད་བྱེད་དགྲ་བགེགས་རྡུལ་དུ་རློག༔  （དྲག་སྔགས་སོ་ལྔའི་མཐར།）སརྦ་ནྲྀ་ཏྲི་ཤ་ཏྲུཾ་མཱ་ར་ཡ་རྦད༔  （ཅེས་བསྒྲལ།  ཞལ་དུ་བསྟབ་པ་ནི།）ཧཱུཾ༔ དཔལ་ཆེན་ཁྲག་འཐུང་ལྷ་ཚོགས་ཞལ་ཕྱེས་ཤིག༔  བག་ཆགས་ཀུན་སྦྱོང་འཁོར་བའི་ལམ་དགག་ཕྱིར༔  དགྲ་བགེགས་བསྒྲལ་བའི་དུག་གསུམ་ཤ་ཁྲག་རུས༔  ཟ་བྱེད་མི་འགྱུར་ཆོས་ཉིད་ཀློང་དུ་རོལ༔  བཛྲ་ཡཀྵ་ཀྲོ་ངྷ་མི་ཛ་ཡ་ཁཱ་ཧི༔  （དེ་ནས་བརྡ་དང་བརྡའི་འབུལ་ལེན་དང་བཅས་ཚོགས་ཀྱི་དམ་རྫས་ནང་གི་སྲེག་བླུག་ཏུ་རོལ། ལྷག་མ་གཏོང་བ་ནི།  དམེ་གཏོར་ལ་གཙང་ཕུད་ཀྱི་རས་མ་སྦྲན་ཅིང་དམ་ཚིག་གི་ཁ་ཕྲུ་བཏབ་ལ།）ཨོཾ་ཨཱཿཧཱུཾ་པཉྩ་ཨ་མྲྀ་ཏ་ཧཱུྃ་ཧ་ཧོ་ཧྲཱིཿ   ལྷག་མའི་དམ་ཚིག་འདོད་ཡོན་གྱི་ཕུང་པོ་ཟད་མི་ཤེས་པས་ནམ་མཁའ་གང་བར་（བསམ།）ཨེ་ཨཱ་རལླི་ཧྲཱིཾ་ཧྲཱིཾ་ཛཿ（ས་མགྲོན་བོས་ལ།）ཨོཾ་བཛྲ་པུཥྤེ་（སོགས་ཉེར་སྤྱོད་ལྔས་མཆོད་ནས།）ཧཱུྃ༔ དང་པོ་ཕུད་ཀྱིས་མི་མཆོད་དུ༔  བཀའ་བརྒྱད་（16བ）ཡོངས་རྫོགས་ལྷ་རྣམས་གཉན༔ བར་དུ་ལྷག་མས་མི་མཆོད་དུ༔  མ་དང་མཁའ་འགྲོ་ལྷག་ལ་དགྱེས༔  ཐ་མ་གཅིག་ཏུ་མི་བསྲེ་རྒྱུ༔  ཆོས་ཉིད་ཡེ་ནས་རྒྱུ་འབྲས་གཅིག༔  ཧཱུཾ༔  དཔལ་གྱི་བཀའ་ཉན་ལྷག་སྡུད་མ༔  རིགས་བཞིའི་མཁའ་འགྲོ་ཤུགས་འགྲོར་བཅས༔  དབང་ཕྱུག་ཆེན་མོ་ཉེར་བརྒྱད་དང་༔  མཁའ་འགྲོ་སུམ་ཅུ་རྩ་གཉིས་དང་༔  སྐྱེ་མཆོག་གིང་ཆེན་བཅོ་བརྒྱད་དང་༔  མ་བདུན་སྲིང་བཞི་འབར་མ་བརྒྱད༔  ཕོ་ཉ་དྲུག་ཅུ་རྩ་བཞིའི་ཚོགས༔  ལངྐ་དུར་ཁྲོད་བདག་མོ་དང་༔  འབུམ་ཕྲག་ཡངས་པའི་མཁའ་འགྲོ་མ༔  ལྷ་སྲིན་སྡེ་བརྒྱད་ཐམས་ཅད་ཀྱང་༔  དམ་ཚིག་བསྲུང་ཞིང་མཁའ་ལ་འགྲོ༔  ཟས་སུ་ཤ་དང་ཁྲག་ལ་དགྱེས༔  ལས་སུ་གསོད་དང་གཅོད་ལ་བརྩོན༔  ཤ་ཁྲག་ལྷག་གཏོར་འདི་བཞེས་ལ༔  སྔོན་ཚེ་དཔལ་གྱི་བཀའ་བཞིན་དུ༔  བཅོལ་བའི་ཕྲིན་ལས་སྒྲུབ་པར་མཛོད༔  ཨོཾ་མ་ཧཱ་ཤྲཱི་ཧེ་རུ་ཀ་ས་མ་ཡ་དེ་བི་ཀྲོ་ངྷ་སརྦ་བ་ལིཾ་ཏ་ཁ་ཁ་ཁཱ་ཧི་ཁཱ་ཧིཿ   ཨོཾ་ཨཱཿཧཱུཾ་ཨུཙྪིཥྚ་བཛྲ་ཨ་ཏིཥྛ་ས་མུ་དྲ་ཀྲཱ་མ་ས་མ་ཡ་ཧཱུྃ་ཕཊ༔  ཧཱུཾ་ཧཱུཾ་ཧཱུཾ༔  ཧྲཱིཿཧྲཱིཿཧྲཱིཿ  བྷྱོ་བྷྱོ་བྷྱོཿ  ཨ་རལླི་ཛཿ   （ཞེས་སྒྲུབ་ཁང་གི་ལྷོ་ནུབ་ཟ་ལམ་དུ་བསྐྱལ་ལོ། །）
（གཉིས་（17ན）པ་ཐུགས་དམ་བསྐུལ་བ་ནི།）ཧཱུཾ༔ མི་མངོན་དབྱིངས་ན་བཞུགས་པ་རྒྱལ་བ་ཞི་ཁྲོའི་ཚོགས༔  ཨཱཿ  བཞེངས་ཤིག་བཞེངས་ཤིག་ཆོས་ཀྱི་དབྱིངས་ནས་བཞེངས༔  ཨོཾ༔  བསྐུལ་ལོ་བསྐུལ་ལོ་སེམས་ཅན་དོན་ལ་བསྐུལ༔  ཧྲཱི༔ མཛོད་ཅིག་མཛོད་ཅིག་བཅོལ་བའི་ཕྲིན་ལས་མཛོད༔  ཨཱཿ  ཆོས་སྐུ་སྐྱེ་བ་མེད་པའི་ངང་ཉིད་ལས༔  ཨོཾ༔  སྐྱེ་བའི་ཆོ་འཕྲུལ་ལོངས་སྤྱོད་རྫོགས་པའི་སྐུ༔  ཧཱུཾ༔  སྤྲུལ་སྐུས་འགྲོ་བ་སེམས་ཅན་དོན་མཛད་པ༔  ཧྲཱིཿ  ཞི་ཁྲོ་བཀའ་བརྒྱད་ལྷ་ཚོགས་ཐུགས་དམ་ཅན༔  ཨོཾ༔  གཟུགས་སྣང་ཐམས་ཅད་སྐུ་ཡི་རང་བཞིན་ལ༔  ཨཱཿ  སྒྲ་གྲགས་ཐམས་ཅད་གསུང་གི་ངོ་བོར་སྣང་༔  ཧཱུྃ༔  དྲན་རྟོག་ཐམས་ཅད་ཐུགས་ཀྱི་དགོངས་པར་འདུས༔  ཧྲཱིཿ  ཕྱོགས་བཅུ་དུས་བཞིའི་བདེ་གཤེགས་བཅོམ་ལྡན་འདས༔  སྒྲུབ་པ་བཀའ་བརྒྱད་དཔལ་གྱི་བཀའ་སྡད་བཅས༔  མི་མངོན་དབྱིངས་ནས་གནས་འདིར་སྐུ་སྐྱོད་ཅིག༔  དམ་རྫས་བདུད་རྩི་འབར་བ་འདི་བཞེས་ལ༔  ཐུགས་དམ་རྒྱུད་བསྐུལ་བཅོལ་བའི་ཕྲིན་ལས་མཛོད༔   
（གསུམ་པ་ཆད་མདོ་བསྒྲག་པ་ནི།  གཏོར་མ་ལ་སྨན་རཀ་སྦྲན་ཅིང་།）ཧཱུཾ་བྷྱོ༔ སྔོན་ཚེ་（17བ）འདས་དུས་བསྐལ་པ་དང་པོ་ལ༔ འོག་མིན་དགའ་ལྡན་གནས་མཆོག་དམ་པ་རུ༔  བཅོམ་ལྡན་དཔལ་ཆེན་ཁྲག་འཐུང་ཆེན་པོ་ཡིས༔  སྣང་སྲིད་མ་མོ་དམ་ལ་བཏགས་པའི་ཚེ༔  གཽ་རི་ལ་སོགས་གནས་ཀྱི་མ་མོ་བརྒྱད༔  སེཾ་ཧ་ལ་སོགས་ཡུལ་གྱི་ཕྲ་མེན་བརྒྱད༔  རྟ་གདོང་ལ་སོགས་ཡེ་ཤེས་སྒོ་མ་བཞི༔  སོ་སོའི་གཟུགས་མཆོག་དམ་པ་བསྟན་ནས་ཀྱང་༔  ཇི་ལྟར་ཞལ་བཞེས་དམ་ལས་མ་གཡེལ་བར༔  མཆོད་གཏོར་འདི་བཞེས་བཅོལ་བའི་ཕྲིན་ལས་མཆོད༔  དེ་འོག་བར་གྱི་བསྐལ་པ་དབུས་མ་ལ༔  བལ་ཡུལ་ཡང་ལེ་ཤོད་ཀྱི་དབེན་གནས་སུ༔  སློབ་དཔོན་ཆེན་པོ་པདྨ་འབྱུང་གནས་དང་༔  སློབ་མ་མཁས་པ་བི་མ་མི་ཏྲ་ཡིས༔  རྡོ་རྗེ་དབྱིངས་ཀྱི་དཀྱིལ་འཁོར་ཞལ་ཕྱེས་ཚེ༔ རྡོ་རྗེ་རིགས་ཀྱི་སྲུང་མ་ཡོངས་འདུས་ནས༔  སོ་སོའི་གཟུགས་མཆོག༴ ཇི་ལྟར༴  མཆོད་གཏོར༴ དེ་འོག་བསྐལ་པ་དུས་ཀྱི་ཐ་མ་ལ༔  བསམ་ཡས་ལྷུན་གྱིས་གྲུབ་པའི་གཙུག་ལག་ཏུ༔  སློབ་དཔོན་ཆེན་པོ་པདྨ་འབྱུང་གནས་དང་༔  སློབ་མའི་དྭངས་མ་རྗེ་འབངས་མི་དགུ་ཡིས༔  ཞི་ཁྲོ་ཡོངས་རྫོགས་དཀྱིལ་འཁོར་ཞལ་ཕྱེས་ཚེ༔  སྒྲུབ་པ་བཀའ་བརྒྱད་དམ་ཅན་ཡོངས་འདུས་ནས༔ （18ན）སོ་སོའི༴  ཇི་ལྟར༴  མཆོད་གཏོར༴ དེ་འོག་ལྔ་བརྒྱ་དུས་ཀྱི་སྙིགས་མ་ལ༔  དཔལ་རི་པདྨ་འོད་ཀྱི་གཞལ་ཡས་སུ༔  སློབ་དཔོན་ཆེན་པོ་པདྨ་ཐོད་ཕྲེང་དང་༔  བཀའ་བབས་གཏེར་སྟོན་རིག་འཛིན་རྣམ་དགུ་ཡིས༔  གསང་བ་སྒྲུབ་ཆེན་དཀྱིལ་འཁོར་ཞལ་ཕྱེས་ཚེ༔  དྲེགས་པའི་སྡེ་དཔོན་ཆེན་པོ་སུམ་ཅུ་ཡིས༔  སོ་སོའི༴ ཇི་ལྟར༴ མཆོད་གཏོར་འདི་བཞེས་བཅོལ་བའི་ཕྲིན་ལས་མཛོད༔   
（བཞི་པ་བརྟན་མ་སྐྱོང་བ་ནི།  གཏོར་མ་）ཨོཾ་ཨཱཿཧཱུཾ་（གིས་བརླབས་ཏེ།）ཧཱུཾ༔ བསྟན་པ་སྐྱོང་མཛད་མ་དང་སྲིང་༔  དཔལ་གནས་མ་དང་ཡང་དག་ཤེས༔  ཁྱུང་བཙུན་ཀོང་ལྷ་གཡུ་བུན་མ༔  མེ་ཏོག་ཟླ་འོད་བྱང་རྒྱལ་མ༔  གསེར་ཐང་ཀུན་བཟང་ཤཱིནྟཾ་དཔལ༔  ཀླུ་མོ་གཟི་འབར་ལ་སོགས་པའི༔  བརྟན་མ་བཅུ་གཉིས་གཏོར་མ་ལོངས༔  མི་མཐུན་གནོད་པའི་ཕྱོགས་རྣམས་ཟློག༔  ཨོཾ་ཨཱཿཧཱུཾ་བཛྲ་ཨ་མྲྀ་ཏ་ཁཱ་ཧིཿ      མ་མ་ཧྲཱིཾ་ཁཱ་ཧི་ཁཱ་ཧི༔   
（ལྔ་པ་བྲོ་བརྡུང་བ་ནི།）ཨེ་ནྲྀ་ཏྲི་སརྦ་ཤ་ཏྲུཾ་བིགྷྣཱན་ཛཿཧཱུཾ་བཾ་ཧོཿ（ས་དམིགས་བྱ་བཀུག་ནས་མནན་པར་བསམ་ལ།）ཧཱུཾ༔ ཞི་ཁྲོ་བཀའ་བརྒྱད་རོལ་པའི་བྲོ༔  དགྲ་བགེགས་དམ་སྲིའི་སྟེང་དུ་བརྡུང་༔  གཡས་སུ་བསྐོར་ཏེ་དགྲ་ལ་བརྡུང་༔  དགྲ་ཡང་ཕྱེ་མར་（18བ）འཐགས་པའི་བྲོ༔ གཡོན་དུ་བསྐོར་ཏེ་བགེགས་ལ་བརྡུང་༔  བགེགས་ཀྱང་དུམ་བུར་གཏུབ་པའི་བྲོ༔  གཡས་གཡོན་ཐབས་དང་ཤེས་རབ་བྲོ༔  རུ་དྲ་དམ་སྲི་ཐལ་བར་རློག༔  ཨོཾ་ལཾ་ཧཱུྃ་ལཾ་སྟྭཾ་བྷན་ཡ་ནན༔ （འདིར་དངོས་གྲུབ་བླང་བ་ནི།）ཧཱུཾ༔ ལྷ་དང་རིག་འཛིན་མཁའ་འགྲོ་དགོངས༔  འདིར་འདུས་རིག་འཛིན་བདག་ཅག་རྣམས༔  སྨིན་གྲོལ་གཉིས་ཀྱིས་རྒྱུད་སྦྱང་ཞིང་༔  བསྐྱེད་རྫོགས་གཉིས་ཀྱི་ལས་གཞུང་བསྲངས༔  བསྙེན་སྒྲུབ་རྣམ་གསུམ་མཐའ་རུ་ཕྱིན༔  ལས་དང་ཐུགས་རྗེ་མཐུན་པ་ཡི༔  ཞི་རྒྱས་དབང་དྲག་ཡིད་བཞིན་གཏེར༔  སྐུ་གསུང་ཐུགས་ཀྱི་དངོས་གྲུབ་སྩོལ༔  ཨོཾ་ཨཱཿཧཱུཾ་ཀཱ་ཡ་ཝཱ་ཀ་ཙིཏྟ་སིངྔྷི་སིངྔྷི་ཧཱུཾ་ཨ༔  
（དྲུག་པ་ནོངས་པ་བཤགས་པ་ནི།  གཏང་རག་གི་མཆོད་བསྟོད་མདོར་བསྡུས་སྔོན་དུ་འགྲོ་བས།）མ་རྙེད་ཡོངས་སུ་མ་ཚང་དང་། །གང་ཡང་ནུས་པ་མ་མཆིས་པས།  །འདིར་ནི་བགྱི་བ་གང་ནོངས་པ།  །དེ་ཀུན་ཁྱོད་ཀྱིས་བཟོད་མཛད་རིགས།  །（ཞེས་ཡི་གེ་བརྒྱ་པ་དང་དབྱངས་གསལ་བཟླ།）   
（བདུན་པ་དཀྱིལ་འཁོར་བསྡུ་བ་ནི། མདུན་དཀྱིལ་དང་འབྲེལ་བའི་ཚེ།）ཧཱུཾ༔ དང་པོ་ཆོས་སྐུ་སྐྱེ་མེད་ངང་ཉིད་ལས༔  འགྲོ་དོན་སྐྱེ་བའི་ཆོ་འཕྲུལ་ཚོམ་བུ་དགུ༔  ཞི་ཁྲོ་ཡོངས་རྫོགས་འགྲོ་བ་ཀུན་བཏུལ་ནས༔  སླར་ཡང་ཆོས་དབྱིངས་རྣམ་དག་ཀློང་（19ན）དུ་བསྡུ༔ ཨོཾ་ཨཱཿཧཱུྃབཛྲ་མུཿ   （ཞེས་བསྡུ། དམ་ཚིག་གི་དཀྱིལ་འཁོར།）ཧཱུྃ་ཧཱུྃ་ཧཱུྃ། སྣང་སྲིད་ཐམས་ཅད་འོད་དུ་ཞུ་ནས་གཞལ་ཡས་ཁང་ལ་ཐིམ།  གཞལ་ཡས་ཁང་འཁོར་གྱི་ལྷ་ཚོགས་ལ་ཐིམ།  འཁོར་རྣམས་རིམ་གྱིས་གཙོ་བོ་ལ་ཐིམ།  གཙོ་བོ་ཡེ་ཤེས་སེམས་དཔའ་ལ་ཐིམ།  ཡེ་ཤེས་སེམས་དཔའ་ཏིང་འཛིན་སེམས་དཔའ་ལ་ཐིམ།  དེ་དྭངས་མའི་སྲོག་ཧཱུཾ་ལ་ཐིམ།  ཧཱུཾ་གྱེན་རྫོགས་ན་ད་མི་དམིགས་པའི་ངང་དུ་（མཉམ་པར་བཞག་པས་རྟག་མཐའ་བསལ། དེ་ལས་ལྡང་བ་ན།）ཕཊ་ཕཊ་ཕཊ། སྟོང་གསལ་གྱི་ངང་ལས་བདག་ཉིད་ཆུ་ལས་ཉ་ལྡང་བའི་ཚུལ་དུ་དཔལ་ཆེན་པོ་ཆེ་མཆོག་ཧེ་རུ་ཀ་ཞལ་གཅིག་ཕྱག་གཉིས་པ་རྡོ་རྗེ་དང་ཐོད་ཁྲག་འཛིན་པ་ཁྲོ་བོའི་ཆས་ཐམས་ཅད་ཀྱིས་བརྒྱན་པའི་སྐུར་གྱུར་པའི་སྤྱི་བོར་ཨོཾ།  མགྲིན་པར་ཨཱཿ  སྙིང་གར་ཧཱུྃ་ཡིག་གིས་མཚན་པར་（བསམ་པས་ཆད་མཐའ་བསལ།）རང་གི་ལུས་རྡོ་རྗེ་གོ་ཁྲབ་ཀྱིས་ཞུ་ལུགས་སུ་གཡོགས་པར་（བལྟས་ལ།）ཅིས་ཀྱང་མི་ཚུགས་མི་ཤིགས་པའི༔ སྟོང་པའི་གོ་ཆ་བླ་ན་མེད༔  མཚན་མའི་ཡུལ་ཀུན་བཅོམ་ནས་ནི༔  ཐམས་ཅད་དུ་ནི་རྒྱས་པར་གནས༔  ཨོཾ་བཛྲ་ཀཱ་ཝཱ་ཙི་རཀྵ་རཀྵ་ཧཱུཾ༔  （ཞེས་གོ་ཆ་བགོ།）   ཧཱུཾ༔  ངར་འཛིན་རྣམ་དག་སྒྱུ་（19བ）ལུས་འཇའ་འདྲ་འདི༔ དཔལ་ཆེན་སྐུ་གསུང་ཐུགས་ཀྱིས་རྒྱས་བཏབ་སྟེ༔  བདེན་པ་དབྱེར་མེད་ལྷ་སྤྱོད་ཟུང་འབྲེལ་བས༔  རྒྱུན་དུ་འགྲོ་བ་འདྲེན་པའི་སྤྱོད་ལམ་བྱའོ༔  ཨོཾ་ཨཱཿཧཱུཾ་བཛྲ་ཧྲཱིཿ   （ཞེས་རྒྱུན་གྱི་སྤྱོད་ལམ་བསྐྱང་།）
（བརྒྱད་པ་སྨོན་ལམ་གདབ་པ་ནི།）ཧོཿ    བསོད་ནམས་ཡེ་ཤེས་ཚོགས་གཉིས་མཐུ་བྱིན་གྱིས༔  བདག་གཞན་འགྲོ་བ་མ་ལུས་ཐམས་ཅད་ཀུན༔  ཞི་རྒྱས་དབང་དྲག་ཕྲིན་ལས་མངའ་བརྙེས་ཤིང་༔  སྐུ་གསུམ་ལྷུན་གྲུབ་འགྲོ་དོན་མཐར་ཕྱིན་ཤོག༔   
（དགུ་པ་བཀྲ་ཤིས་བརྗོད་པ་ནི།  མེ་ཏོག་གི་ཆར་དབབ་ལ།）ཧཱུཾ༔ བདེ་གཤེགས་ཞི་བ་ཡེ་ཤེས་རིགས་ལྔའི་དབྱིངས༔  ཁྲག་འཐུང་ཁྲོ་བོ་ཚོམ་བུ་དགུ་རུ་སྟན༔  མ་མོ་མཁའ་འགྲོ་དཔལ་ཀྱི་བཀའ་སྡོད་བཅས༔  ཡོངས་རྫོགས་དཀྱིལ་འཁོར་ལྷ་ཡི་བཀྲ་ཤིས་ཤོག༔ （ཅེས་སོགས་ཤིས་པ་རྒྱ་ཆེར་བརྗོད་པས་བདེ་ལེགས་སུ་བྱསོ། །འདིའི་སྨིན་བྱེད་གསང་སྔགས་སྔ་ཕྱི་བར་གསུམ་གྱིས་མཚོན་ལུགས་སྲོལ་དགུ་པོ་གང་གི་སྒོ་ནས་ཐོབ་ཀྱང་ཆོག་ལ།  རྫོགས་རིམ་གྱི་མན་ངག་བདེ་འདུས་རྩ་རླུང་ཐིག་ལེ་སེམས་དང་ཡེ་ཤེས་ལ་བརྟེན་པའི་ཁྲིད།  གསང་རྫོགས་རིམ་པ་ལྔ་པ།  རང་ཤར་གནམ་ཞལ་དོན་ཁྲིད་རྣམས་མཚན་གྱི་བྱེ་བྲག་ཙམ་ལས་དོན་གཅིག་པའི་ཕྱིར་གང་ལ་མོས་པ་ལྟར་རམ།  དེང་（20ན）གསུམ་ཀའི་ཁྲིད་རྒྱུན་གྱི་ཆུ་བོ་གཅིག་ཏུ་འདྲེས་ཤིང་ཉེ་བརྒྱུད་བྱིན་རླབས་ངོ་མཚར་རྨད་དུ་བྱུང་བ་མཁྱེན་བརྩེའི་གྲུབ་ཐོབ་བཀའ་བརྒྱད་ཀྱི་རིམ་ལྔའི་ཁྲིད་ཡིག་ཟབ་ལམ་སྙིང་པོ་ལྟར་ཉམས་སུ་བླང་ན་མཆོག་ཏུ་འགྱུར། བསྙེན་ཐབས་ཀྱི་མན་ངག་བཀའ་བརྒྱད་བསྙེན་ཡིག་སྤྱིར་གོ་དོན་ཆགས་པའི་སྒོ་ནས་མཚན་མའི་བསྙེན་པ་ལ་ཚད་ངེས་བཟུང་མེད་ཅིང་།  གྲངས་ཀྱི་དབང་དུ་བྱས་ན།  ཞི་བསྙེན་འབུམ་ཕྲག་གསུམ།  སྒྲུབ་སྔགས་ཁྲོ་བོ་སྤྱི་དྲིལ་འབུམ་ཕྲག་བཞི་དང་སྒོས་ཛཔྲ་རྣམས་ཇི་ཙམ་ནུས་པ།  ལས་སྦྱོར་དྲག་སྔགས་སོ་ལྔ་པ་ཁྲི་ཕྲག་བཞི་བཟླས་པས་སྤྱིར་བཏང་གི་བསྙེན་ཚད་ཐེམས་པ་ཡིན་ལ།  དུས་བསྙེན་འབྲེལ་འཇོག་ཟླ་གཅིག་མ་ལྟ་བུ་ལ་མཚོན་ན།  བདུན་གཅིག་ལ་ཞི་བར་བསྙེན་པ།  བདུན་གསུམ་ཁྲོ་སྒྲུབ་སྤྱི་དྲིལ།  རྗེས་ཉིན་གསུམ་ལ་ལས་སྦྱོར་དྲག་སྔགས་སོ་ལྔ་པ་བཟླ་སྟེ།  དེས་ཀྱང་བསྙེན་སྒྲུབ་ལས་རུང་ཙམ་དུ་འགྱུར་རོ།  །གཞན་དུ་ཚོམ་བུ་ཚོགས་སྒྲུབ་བྱ་བར་འདོད་ན་བདེ་འདུས་སམ་གྲུབ་ཐོབ་བཀའ་བརྒྱད་སྒྲུབ་ཁོག་ལྟ་བུས་ཁོག་ཕུབ་པས་ལག་ཏུ་ལེན་ཅིང་།  དམ་རྫས་བདུད་རྩི་སྒྲུབ་པར་འདོད་ནའང་སྤྲོས་པས་ཆོག་སྟེ་གང་ཡང་མན་ངག་གི་གནད་མཐོང་བརྒྱུད་ཀྱིས་གཏན་ལ་ཕབ་པའི་སྒོ་ནས་ཉམས་སུ་བླངས་པས་དོན་འགྲུབ་པར་འགྱུར་བ་ཡིན་ནོ།  །བདེ་གཤེགས་དགོངས་པ་མ་ལུས་འདུས་（20བ）པའི་ཕུལ། །གསང་བ་ཡོངས་རྫོགས་སྒྲུབ་ཆེན་བཀའ་བརྒྱད་ཀྱི།  །གདམས་སྲོལ་ཆུ་བོ་དགུ་ཡི་བཀའ་བབས་རྒྱུན།  །སྐལ་བཟང་བདག་བློའི་རྒྱ་མཚོར་རོ་གཅིག་སྨིན།  །དྲུག་ལྡན་བརྒྱུད་པའི་མན་ངག་སྒྲུབ་སྡེའི་ལུང་།  །ཟབ་དོན་བཅུད་དུ་དྲིལ་བའི་ཉིང་ཁུ་གང་།  །མཆོག་འདོད་སྲོག་གི་ཟུངས་སུ་འདིར་ཕྱུངས་ཀྱི།  །སྔགས་རིག་འཛིན་རྣམས་སྤྲོ་བས་དེང་ལོངས་ཤིག  །གསང་འཛིན་ཌཱ་ཀིའི་ཚོགས་རྗེ་ཐོད་ཕྲེང་རྩལ།  །གང་གིས་ཐུན་མིན་དབུགས་དབྱུང་སྩལ་ལས་འདིར།  །ཇི་སྙེད་ཟབ་གཏེར་ཆོས་མཛོད་རང་དབང་དུ།  །སྤྱོད་པའི་སྤོབས་པ་གཟེངས་སུ་མཐོ་བ་སྙམ།  །འདིས་ཐོབ་བསོད་ནམས་རྡུལ་བྲལ་གངྒཱའི་རྒྱུན།  །བྱང་ཆེན་མཆོག་གི་རྒྱ་མཚོར་ཡོངས་སྨིན་ཏེ།  །མི་གནས་ཟུང་འཇུག་ཡེ་ཤེས་ཀློང་དགུའི་བདག  །ཧེ་རུ་ཀ་དཔལ་རྒྱལ་ཐབས་ཆེ་བརྙེས་ཤོག  །དེ་ལྟར་བདེ་གཤེགས་སྒྲུབ་པ་བཀའ་བརྒྱད་ཀྱི་ཕྲིན་ལས་སྙིང་པོ་དཔལ་ཆེན་ཐུགས་ཀྱི་ཐིག་ལེ་ཞེས་བྱ་བ་འདི་ཡང་།  རིག་སྔགས་འཆང་བའི་རྣལ་འབྱོར་པ་འཁྲུལ་ཞིག་རྡོ་རྗེས་བསྐུལ་བ་ལ་བརྟེན་ནས།  རིག་པ་འཛིན་པ་འཇིགས་བྲལ་ཡེ་ཤེས་རྡོ་རྗེའམ་ལྷག་པའི་དཀྱིལ་འཁོར་འདི་ཉིད་དུ་མེ་ཏོག་ཕོག་པའི་གསང་མིང་ཀུན་བཟང་ཆེ་མཆོག་ཡོན་ཏན་འདུས་པ་རྩལ་ཅེས་འབོད་པས་རང་ལོ་ལྔ་བཅུ་ང་གཉིས་པའི་ཐོག་ཏུ་སོན་（21ན）པ་མྱོས་བྱེད་ཀྱི་ལོ་ཁྲུམས་སྟོད་ཉ་བའི་ཡར་ཚེས་བཟང་པོ་ལ་དཔལ་བསམ་ཡས་མི་འགྱུར་ལྷུན་གྱིས་གྲུབ་པའི་གཙུག་ལག་ཁང་ཆེན་པོར་བསྡེབས་པའོ། །འདིས་ཀྱང་སྒྲུབ་སྡེ་ཆེན་པོའི་རིང་ལུགས་ཀུན་ཏུ་ཁྱབ་ཅིང་རྟག་པའི་རྒྱུར་གྱུར་ཅིག།  །།  ཛ་ཡནྟུ།།  །།）[[Category:Wyckibaat]]

Latest revision as of 16:00, 4 September 2025

Previous Text Back to Volume PageNext Text
Wylie title bde gshegs sgrub pa bka' brgyad kyi phrin las snying po dpal chen thugs kyi thig le DJYD-KABUM-05-CA-006.pdf
Location bdud 'joms rin po che bka' 'bum
Volume 5, Text 6, Pages 89-129 (Folios 1a1 to 21a2)
Author བདུད་འཇོམས་འཇིགས་བྲལ་ཡེ་ཤེས་རྡོ་རྗེ་
Citation Dudjom Rinpoche 'Jigs bral ye shes rdo rje. Bde gshegs sgrub pa bka' brgyad kyi phrin las snying po dpal chen thugs kyi thig le. In Bdud 'joms 'jigs bral ye shes rdo rje'i gsung 'bum dam chos rin chen nor bu'i bang mdzod, Vol. 5: 89-129. Kalimpong: Dupjung Lama, 1979-1985.
Side notes Recto: las byang   Verso: bka' brgyad dgu 'dus
More details More details
Tertön བདུད་འཇོམས་འཇིགས་བྲལ་ཡེ་ཤེས་རྡོ་རྗེ་ (Dudjom Rinpoche)
Genre Activity Manual - las byang
Cycle བཀའ་བརྒྱད་གཏེར་ཁ་དགུ་འདུས་ (bka' brgyad gter kha dgu 'dus)
Deity bka' brgyad
Colophon

།དེ་ལྟར་བདེ་གཤེགས་སྒྲུབ་པ་བཀའ་བརྒྱད་ཀྱི་ཕྲིན་ལས་སྙིང་པོ་དཔལ་ཆེན་ཐུགས་ཀྱི་ཐིག་ལེ་ཞེས་བྱ་བ་འདི་ཡང་། རིག་སྔགས་འཆང་བའི་རྣལ་འབྱོར་པ་འཁྲུལ་ཞིག་རྡོ་རྗེས་བསྐུལ་བ་ལ་བརྟེན་ནས། རིག་པ་འཛིན་པ་འཇིགས་བྲལ་ཡེ་ཤེས་རྡོ་རྗེའམ་ལྷག་པའི་དཀྱིལ་འཁོར་འདི་ཉིད་དུ་མེ་ཏོག་ཕོག་པའི་གསང་མིང་ཀུན་བཟང་ཆེ་མཆོག་ཡོན་ཏན་འདུས་པ་རྩལ་ཅེས་འབོད་པས་རང་ལོ་ལྔ་བཅུ་ང་གཉིས་པའི་ཐོག་ཏུ་སོན་པ་མྱོས་བྱེད་ཀྱི་ལོ་ཁྲུམས་སྟོད་ཉ་བའི་ཡར་ཚེས་བཟང་པོ་ལ་དཔལ་བསམ་ཡས་མི་འགྱུར་ལྷུན་གྱིས་གྲུབ་པའི་གཙུག་ལག་ཁང་ཆེན་པོར་བསྡེབས་པའོ། །འདིས་ཀྱང་སྒྲུབ་སྡེ་ཆེན་པོའི་རིང་ལུགས་ཀུན་ཏུ་ཁྱབ་ཅིང་རྟག་པའི་རྒྱུར་གྱུར་ཅིག། །། ཛ་ཡནྟུ།། །།

/de ltar bde gshegs sgrub pa bka' brgyad kyi phrin las snying po dpal chen thugs kyi thig le zhes bya ba 'di yang /__rig sngags 'chang ba'i rnal 'byor pa 'khrul zhig rdo rjes bskul ba la brten nas/__rig pa 'dzin pa 'jigs bral ye shes rdo rje'am lhag pa'i dkyil 'khor 'di nyid du me tog phog pa'i gsang ming kun bzang che mchog yon tan 'dus pa rtsal ces 'bod pas rang lo lnga bcu nga gnyis pa'i thog tu son pa myos byed kyi lo khrums stod nya ba'i yar tshes bzang po la dpal bsam yas mi 'gyur lhun gyis grub pa'i gtsug lag khang chen por bsdebs pa'o/__/'dis kyang sgrub sde chen po'i ring lugs kun tu khyab cing rtag pa'i rgyur gyur cig/__//__dza yan+tu//__//

[edit]
༄༅། །ཤྲཱི མ ཧཱ ཙི ཏྟཿཏི ལ ཀཿ སུ ག ཏ བི ངྷཾ ཨ ཛྙཱ ཥྛ སྱ ཀ རྨ ག རྦྷཿ ན མ བི ཧ ར ཏ སྨ། །

༄༅། །བདེ་གཤེགས་སྒྲུབ་པ་བཀའ་བརྒྱད་ཀྱི་ཕྲིན་ལས་སྙིང་པོ་དཔལ་ཆེན་ཐུགས་ཀྱི་ཐིག་ལེ་ཞེས་བྱ་བ་བཞུགས་སོ། །

༄༅། །ཨོཾ་སྭསྟི་སིདྡྷཾ། ཡེ་ཤེས་ཀློང་དགུའི་རང་གཟུགས་དཀྱིལ་འཁོར་ལྷ། །སྤྲོ་བསྡུའི་བྱེད་པོ་ཁྱབ་བདག་ཐོད་ཕྲེང་རྩལ། །གསང་འཛིན་ཌཱ་ཀིར་བཅས་པའི་ཞབས་པདྨོ། །སྤྱི་བོའི་རྒྱན་དུ་བསྙེན་ན་དབུགས་དབྱུང་སྩོལ། །གུ་རུའི་ཐུགས་ཀྱི་བརྣག་པ་ཆེ། །ཡི་དམ་སྒྲུབ་པ་བཀའ་བརྒྱད་ཀྱི། །གདམས་སྲོལ་ཡང་གསང་བཅུད་འདྲིལ་བ། །སྔོན་མེད་ཤིང་རྟ་འདི་ན་འདྲེན། །དེའང་སྒྲུབ་པ་ཆེན་པོ་བཀའ་བརྒྱད་ཀྱི་ཆོས་སྡེ་ལས་སྙིང་དང་འདྲ་བ་ཉང་གི་བདེ་གཤེགས་འདུས་པ། སྙིང་ཁྲག་དང་འདྲ་བ་ཆོས་དབང་གསང་བ་ཡོངས་རྫོགས། དྭངས་མ་དང་འདྲ་བ་བྱང་གཏེར་རང་བྱུང་རང་ཤར། སྲོག་དང་འདྲ་བ་པདྨ་གླིང་པའི་ཐུགས་ཀྱི་མེ་ལོང་། ལུས་དང་འདྲ་བ་བསམ་གཏན་བདེ་ཆེན་གླིང་པའི་ [2a] ཡང་གསང་དྲེགས་འདུལ་ཏེ་ཐུགས་གཏེར་ཆེན་པོ་ལྔ་དང་༔ རྡོ་རྗེ་གླིང་པའི་གསང་རྫོགས་དྲག་སྔགས་འདུས་པ། འཇའ་ཚོན་ཧཱུྃ་ནག་མེ་འབར་གྱི་དངོས་གྲུབ་སྙིང་པོ། ཀློང་གསལ་སྙིང་པོའི་བདེ་གཤེགས་ཡོངས་འདུས། པདྨ་འོད་གསལ་མདོ་སྔགས་གླིང་པའི་ཁྲག་འཐུང་བདེ་གཤེགས་འདུས་པ་བཅས་གཏེར་བྱོན་བཀའ་སྲོལ་རིམ་པ་དགུའི་བྱིན་རླབས་ཀྱི་ཆུ་བོ་གཅིག་ཏུ་འདྲེས་པའི་ལུགས་སུ་སྙིང་པོར་དྲིལ་ཏེ་ཉམས་སུ་ལེན་པར་འདོད་པས། མཚན་ཉིད་དང་ལྡན་པའི་གནས་སུ་དམ་ཚིག་གི་བྲིས་སྐུ་སོགས་རྟེན་བཀྲམ་པའི་མདུན་དུ་སྟེགས་བུ་གཙང་མར་དཔལ་གྱི་གཏོར་མ་སྨན་རཀ་ལ་སོགས་ཏེ་ཕྱི་ནང་གསང་བའི་མཆོད་པའི་ཚོགས་དང་། ཉེ་བར་མཁོ་བའི་ཡོ་བྱད་མཐའ་དག་མ་ཚང་བ་མེད་པར་འདུ་བྱས་ [2b] ནས། ཕྲིན་ལས་ཀྱི་ཆོ་ག་དངོས་ལ། སྔོན་འགྲོ། དངོས་གཞི། རྗེས་ཀྱི་རིམ་པ་དང་གསུམ་ལས། སྔ་མ་ལ་དགུའི། དང་པོ་ཚོགས་བསགས་པ་ནི། རང་གི་སྙིང་གའི་ཧཱུྃ་ལས་འོད་ཟེར་འཕྲོས་པས་བླ་མ་རིག་འཛིན་དཔལ་ཆེན་གཙོ་དགུའི་དཀྱིལ་འཁོར་གྱི་ལྷ་ཚོགས་འཁོར་དང་བཅས་པ་ཐམས་ཅད་བཛྲ་ས་མཱ་ཛཿ ས་མཁའ་ཁྱབ་ཏུ་སད་པའི་སྤྱན་སྔར། རྡོ་རྗེ་སློབ་དཔོན་སངས་རྒྱས་དཔལ། །དུས་གསུམ་བཞུགས་ལ་ཕྱག་འཚལ་ལོ། །མཆོག་གསུམ་བསྟེན་པའི་ཞིང་གྱུར་ལ། །གཉིས་མེད་ཡིད་ཀྱིས་སྐྱབས་སུ་མཆི། །དངོས་འབྱོར་ཡིད་ཀྱིས་རྣམ་སྤྲུལ་པའི། །དག་པའི་མཆོད་པ་བཞེས་སུ་གསོལ། །དངོས་གྲུབ་ཆུ་བོ་གཅོད་པའི་གེགས། །ཉེས་བྱས་མ་ལུས་བཤགས་པར་བགྱི། །ཕྱོགས་བཅུ་འཁོར་གསུམ་དག་པའི་ཆོས། །མ་ཆགས་སྤྱོད་ལ་རྗེས་ཡི་རང་། །དག་པའི་མཐའ་བཞི་དྲི་མ་མེད། །རྫོགས་པའི་བྱང་ཆུབ་སེམས་བསྐྱེད་དོ། །བདེ་གཤེགས་བྱང་ཆུབ་སེམས་དཔའ་ལ། །དག་པ་གསུམ་གྱི་ལུས་འབུལ་ལོ། །ཚེ་རབས་བགྲངས་པའི་ལས་རྣམས་ཀུན། །བསྡུས་ཏེ་བྱང་ཆུབ་ཆེན་པོར་བསྔོ། །སེམས་ཅན་བདེ་དང་ལྡན་གྱུར་ཅིག །སྡུལ་བསྔལ་ཀུན་དང་བྲལ་བར་ཤོག །བདེ་དང་རྟག་ཏུ་མི་འབྲལ་ཞིང་། །ཆོས་ [3a] ཀུན་མཉམ་ཉིད་རྟོགས་པར་ཤོག ། ཅེས་རྒྱུད་སྦྱངས་མཐར། ཛཿཧཱུཾ་བཾ་ཧོཿ ས། ཚོགས་ཞིང་རྣམས་རང་ལ་ཐིམ་པར་བསམ། གཉིས་པ་བགེགས་ལ་བཀའ་བསྒོ་བ་ནི། བཛྲ་མ་ཧཱ་ཤྲཱི་ཧེ་རུ་ཀོཉཧཾ། རང་ཉིད་སྐད་ཅིག་གིས་ཞེ་སྡང་རྡོ་རྗེ་སྐུ་མདོག་མཐིང་ནག་མཐིང་དཀར་དམར་བའི་ཞལ་གསུམ་ཕྱག་དྲུག་གི་གཡས་གསུམ་རྡོ་རྗེ་ཞགས་པ་ལྕགས་སྒྲོག །གཡོན་གསུམྦྷན་དམར་དགྲ་སྟྭ་ལྕགས་ཀྱུ་འཛིན་པ། དུར་ཁྲོད་རོལ་པའི་ཆས་ཅན་ཁྲོ་གཏུམ་བཟོད་པར་དཀའ་བའི་གཟི་བརྗིད་ཆེར་འབར་ཞིང་རང་སྣང་གི་ཡུམ་དང་བཅས་པའི་སྐུར་གྱུར་ པར་བསམ་ཞིང་། འབྱུང་གཏོར་རཾ་ཡཾ་ཁཾ་གིས་བསྲེགས་གཏོར་སྦྱངས། སྟོང་པའི་ངང་ལས་བྷྲུཾ་ལས་རིན་པོ་ཆེའི་སྣོད་ཟབ་ཅིང་རྒྱ་ཆེ་བའི་ནང་དུ་གཏོར་མ་ཁ་དོག་དྲི་རོ་ནུས་པ་ཕུན་སུམ་ཚོགས་པར་ བལྟས་ལ། ཨོཾ་ཨཱཿཧཱུཾ་ཧོཿ ས་བྱིན་རླབས། སརྦ་བྷུཏ་ཨ་ཀརྵ་ཡ་ཛཿ ས་མགྲོན་རྣམས་བཀུག་པ་ལ། སརྦ་བིགྷྣཱན་ན་མཿསརྦ་ཏ་ཐཱ་ག་ཏེ་བྷྱོ་བི་ཤྭ་མུ་ཁེ་བྷྱོཿསརྦ་ཐཱ་ཁཾ་ཨུཏྒ་ཏེ་སྥ་ར་ཎ་ཨི་མཾ་ག་ག་ན་ཁཾ་གྲྀཧྞེ་དཾ་བ་ལིནྟེ་སྭཱ་ཧཱ། ཞེས་ལན་གསུམ་གྱིས་བསྔོས་ཏེ། ཧཱུྃ༔ རྒྱལ་བ་ཞི་ཁྲོ་ཡོངས་རྫོགས་དཀྱིལ་འཁོར་དུ༔ སྣང་སྲིད་རྣམ་དག་ཡེ་ཤེས་ལྷ་ཡི་ཚོགས༔ [3b] ཀུན་བཟང་ཆོས་ཀྱི་དབྱིངས་ལས་མ་གཡོས་ཀྱང་༔ རིག་རྩལ་རྣམ་དག་ཐབས་ཤེས་གཡུང་དྲུང་ལྷ༔ འདི་ལ་ལོག་པར་ལྟ་བའི་དགྲ་དང་བགེགས༔ བདུད་སྡེ་དཔུང་བཅས་ཐམས་ཅད་ཕྱིར་དེངས་ཤིག༔ ཨོཾ་སུམྦྷ་ནི་སུམྦྷ་ནི་ཧཱུྃ༔ གྲྀཧྞ་གྲྀཧྞ་ཧཱུཾ༔ གྲྀཧྞ་པ་ཡ་གྲྀཧྞ་པ་ཡ་ཧཱུཾ༔ ཨཱ་ན་ཡ་ཧོཿ བྷ་ག་བཱ་ན་བཱིདྱ་རཱ་ཛ་ཧཱུཾ་ཕཊ༔ ཅེས་དྲག་སྔགས་ཡུངས་ཐུན་དང་བཅས་པས་བགེགས་བསྐྲད། གསུམ་པ་མཚམས་བཅད་པ་ནི། ཧཱུྃ༔ བདག་ཉིད་དཔལ་ཆེན་ཁྲག་འཐུང་ཐུགས་ཀ་ནས༔ དྲག་པོའི་བྱིན་རླབས་མཚོན་ཆའི་འོད་ཟེར་འཕྲོ༔ མཚོན་ཆའི་གུར་ཆེན་ཡེ་ཤེས་མེ་དཔུང་འབར༔ ཕྱོགས་མཚམས་སྟེང་འོག་ཀུན་ཏུ་ཁྱབ་པར་བསྲུང༔ ཧཱུཾ་བཛྲ་ཙཁྲ་ཏིཀྵ་ཎ་ཀརྨ་ཀཱི་ལ་ཡ་ཛྭ་ལ་རཾ༔ ཧཱུྃ༔ དྲེགས་པ་ལྷ་ཆེན་ཕྱོགས་སྐྱོང་བསྣོལ་བའི་སྟེང་༔ ཆེ་མཆོག་ལ་སོགས་དཔལ་ཆེན་ཁྲོ་རྒྱལ་ཚོགས༔ གར་དགུའི་ཚུལ་གྱིས་ཧཱུཾ་སྒྲ་སྒྲོགས་ཅིང་བཞུགས༔ བར་ཆད་འབྱུང་པོ་ཐམས་ཅད་རྡུལ་དུ་རློག༔ ཨོཾ་བཛྲ་ཀྲོ་དྷ་སྭ་བྷཱ་ཝ་ས་མ་ཡ་རུ་ལུ་རུ་ལུ་ཧཱུཾ་ཕཊ༔ ཧཱུྃ་ཧཱུྃ་ཧཱུྃ་བི་ཤྭ་བཛྲ་ཙཀྲ་ཛྭ་ལ་མཎྜ་ལ་ཧ་ལ་ཧ་ལ་ཧཱུྃ་ཕཊ༔ བཞི་པ་བརྡ་སྒོ་དབྱེ་བ་ནི། ཧཱུྃ༔ སྣང་སྲིད་ཐམས་ཅད་བདེ་ཆེན་གཞལ་ཡས་ཁང་༔ [4a] གཟུགས་སྣང་ཐམས་ཅད་རང་རིག་ཡེ་ཤེས་ལྷ༔ དེ་ཉིད་མ་རྟོགས་མ་རིག་སྒོ་བཅད་པས༔ རང་གསལ་ཡེ་ཤེས་འཆར་སྒོ་ད་ཕྱེས་ཤིག༔ བྷྲཱུྃ་པྲ་བེ་ཤ་ཡ་ཕཊ༔ ལྔ་པ་བརྡ་ཕྱག་འཚལ་བ་ནི། ཧཱུཾ༔ རང་བྱུང་ཡེ་ཤེས་སྙིང་པོ་སེམས་ཀྱི་ལྷ༔ མ་རྟོགས་རང་ངོ་རང་གིས་མ་ཤེས་པས༔ ཡེ་ནས་རང་དང་འགྲོགས་ཀྱང་ཞལ་མ་མཇལ༔ རང་གསལ་བརྡ་ཡི་དོན་དང་མཇལ་ཕྱག་འཚལ༔ ཧཱུྃ་ཧེ་རུ་ཀ་ཨ་ཏི་པུ་ཧོཿ དྲུག་པ་དམ་བཅའ་བ་ནི། ཧཱུཾ༔ དུས་གསུམ་བདེ་གཤེགས་རྒྱལ་བ་ཞི་ཁྲོའི་ཚོགས༔ བསྐལ་པ་སྔོན་འདས་དུས་ནས་ཡི་དམ་ལྷ༔ ད་ལྟ་གཉིས་མེད་དོན་དམ་རང་ངོ་ཤེས༔ སྲོག་གི་ཕྱིར་ཡང་མི་བཏང་བསྒྲུབ་ལགས་སོ༔ ཧཱུཾ་བཛྲ་ཙིཏྟ་ས་མ་ཡ་ཧཱུྃ༔ བདུན་པ་བཤགས་པ་བྱ་བ་ནི། ཧཱུཾ༔ བླ་མ་ཡི་དམ་མཁའ་འགྲོ་ཐམས་ཅད་དགོངས༔ བསྐལ་པ་སྔོན་ནས་ད་ལྟའི་དུས་ཡན་ཆད༔ རྩ་བ་ཡན་ལག་དམ་ཚིག་ཉམས་ཆག་ཚོགས༔ རང་གནོང་འགྱོད་སེམས་དྲག་པོས་མཐོལ་ཞིང་བཤགས༔ ཨོཾ་ཨཱཿཧཱུཾ་སྭཱ་ཧཱ༔ བཛྲ་ས་མ་ཡ་ཛཿ ན་ར་ཀ༔ པྲ་ཏེ་ཀ༔ ཏིརྻ་ཀ༔ ནི་བི་ཤ༔ དེ་བ་ཨ་ལི་བི་ཤུདྡྷེ༔ རཀྵ་ཀ་ཤུདྡྷེ་ཤུདྡྷེ་སྭཱ་ཧཱ༔ བརྒྱད་པ་བྱིན་དབབ་པ་ནི། སྤོས་ [4b] དང་རོལ་མོས་གཟི་བྱིན་བསྐྱེད་ལ། ཧཱུཾ༔ ཆོས་དབྱིངས་ཡེ་ཤེས་ལྔ་ཡི་ཕོ་བྲང་ནས༔ ཆོས་སྐུ་སྐྱེ་མེད་དབྱིངས་ལས་མ་གཡོས་ཀྱང་༔ ལོངས་སྐུ་རིགས་ལྔ་ཞི་ཁྲོ་འཁོར་དང་བཅས༔ སྤྲུལ་སྐུ་ཡི་དམ་དཀྱིལ་འཁོར་ལྷ་ཚོགས་རྣམས༔ ཐུགས་དམ་དབང་གིས་གནས་འདིར་གཤེགས་སུ་གསོལ༔ སྐུ་གསུང་ཐུགས་ཀྱི་བྱིན་གྱིས་བརླབ་ཏུ་གསོལ༔ ཡེ་ཤེས་ལྔ་ཡི་དབང་མཆོག་བསྐུར་དུ་གསོལ༔ གསང་བའི་དཀྱིལ་འཁོར་འདི་ལ་བྱིན་ཅིག་ཕོབ༔ ཁྱེད་ཀྱི་ཐུགས་རྗེ་མཆོག་གིས་བཟུང་དུ་གསོལ༔ ཨོཾ་ཤྲཱི་བཛྲ་ཀྲོ་དྷ་ཧེ་བ་དེ་བ་སརྦ་དུཥྚཾ་ཌཱ་ཀི་ནཱི་ས་མ་ཡ་རུ་ལུ་རུ་ལུ་ཧཱུཾ་བྷྱོ་ཧཱུཾ་ཨཱ་དེ་ཤ་ཡ་ཨ་ཨཱཿདགུ་པ་མཆོད་རྫས་བྱིན་གྱིས་བརླབ་པ་ནི། རཾ་ཡཾ་ཁཾ། རང་གི་ཐུགས་ཀ་ནས་རཾ་ཡཾ་ཁཾ་འཕྲོས་པ་ཡེ་ཤེས་ཀྱི་མེ་རླུང་ཆུར་གྱུར་པས་མཆོད་རྫས་རྣམས་ཀྱི་དངོས་འཛིན་ཉེས་སྐྱོན་ཐམས་ཅད་བསྲེག་གཏོར་བཀྲུས་ཏེ་སྟོང་པར་གྱུར། སྟོང་པའི་ངང་ལས་ཨོཾ་ལས་རིན་པོ་ཆེའི་སྣོད་ཡངས་ཤིང་རྒྱ་ཆེ་བ་རྣམས་སུ་བདུག་སྤོས་མེ་ཏོག་མར་མེ་དྲི་ཆབ་ཞལ་ཟས་རོལ་མོ་ཐོགས་པའི་ལྷ་མོ་རེ་རེ་ལའང་དཔག་ཏུ་མེད་པར་འཕྲོ་བའི་ཀུན་བཟང་མཆོད་པའི་སྤྲིན་ཕུང་ནམ་མཁའི་མཛོད་ལྟ་བུར་ཟད་མི་ཤེས་པས་ཡོངས་སུ་ཁྱབ་པར་ [5a] བསམ་ཞིང་། ཨོཾ་ཨཱཿཧཱུཾ་བཛྲ་དྷུ་པེ་ཧཱུཾ༔ བཛྲ་པུཥྤེ་ཧཱུཾ༔ བཛྲ་ཨཱ་ལོ་ཀེ་ཧཱུཾ༔ བཛྲ་གནྡྷེ་ཧཱུཾ༔ བཛྲ་ནཻ་བི་དྱ་ཧཱུཾ༔ བཛྲ་ཤཔྡ་ཧཱུཾ༔ བཛྲ་སརྦ་པཱུ་ཛ་མེ་གྷ་ཧཱུཾ༔ བདུད་རྩི་ལ། རཾ་ཡཾ་ཁཾ། སྟོང་པའི་ངང་ལས་ཡཾ་ལས་རླུང་། རཾ་ལས་མེ། ཀེཾ་ལས་ཐོད་པའི་སྒྱེད་པུ་གསུམ་གྱི་སྟེང་དུ་ཨ་ལས་བྷནྡྷ་ཡངས་ཤིང་རྒྱ་ཆེ་བའི་ནང་དུ་འཁོར་ལོ་རྩིབས་བཞི་པའི་ལྟེ་བ་དང་རྩིབས་རྣམས་ལ་ཤ་ལྔ་བདུད་རྩི་ལྔ་སྨན་ལྔ་རྣམས་གནས་པ་ལ། རླུང་གིས་མེ་སྦར་ཏེ་ཞུ་བ་ཡོངས་སུ་གྱུར་པ་ལས་ཕྱག་མཚན་བཅུ་སོ་སོའི་ལྟེ་བར་ཧཱུཾ་ཨོཾ་སྭཱ་ཨཱཾ་ཧཱ་མཱུྃ་ལཱྃ་མཱྃ་པཱྃ་ཏཱྃ་གྱིས་མཚན་པ་ལས་འོད་ཟེར་འཕྲོས། འཁོར་འདས་ཀྱི་བཅུད་ཐམས་ཅད་བསྡུས་ཏེ་ཐིམ་པ་ཡོངས་སུ་གྱུར་པ་ལས་རིགས་ལྔ་ཡབ་ཡུམ་བཅུར་གྱུར་པའི་སྦྱོར་མཚམས་ནས་བྱང་ཆུབ་ཀྱི་སེམས་དཀར་དམར་གྱི་རྒྱུན་བབས་པའི་སྟེང་དུ་རིགས་ལྔ་ཡབ་ཡུམ་འོད་དུ་ཞུ་ནས་ཐིམ་པས་བདུད་རྩིའི་རྒྱ་མཚོ་ཆེན་པོར་གྱུར་ པར་བསམ་ལ། ཨོཾ་ཨཱཿཧཱུཾ་སརྦ་པཉྩ་ཨ་མྲྀ་ཏ་ཧཱུཾ་ཧྲཱིཿཋཱ༔ ལན་གསུམ། གཏོར་མ་ལ། རྃ་ཡྃ་ཁྃ། སྟོང་པའི་ངང་ལས་ཐོད་པ་དུམ་བུ་གཅིག་པ་སྟོང་གསུམ་དང་མཉམ་པའི་པང་དུ་ཨོཾ་ཨཱཿཧཱུཾ་ཞུ་བ་ལས་བྱུང་བའི་ལྷའི་ཞལ་ཟས་འདོད་ཡོན་ལྔའི་ལྷ་མོ་སྤྲིན་གྱི་ཕུང་པོ་ལྟ་བུར་ [5b] འཁྲིགས་པར་ བསམ་ཞིང་། ཨོཾ་ཨཱཿཧཱུཾ་མ་ཧཱ་བ་ལིཾ་ཏ་ཏེ་ཛྭ་བ་ལིཾ་ཏ་བ་ལ་བ་ཏི་གུ་ཧྱ་ས་མ་ཡ་སྭཱ་ཧཱ༔ ལན་གསུམ། རཀྟ་ལ། རྃ་ཡྃ་ཁྃ། སྟོང་པའི་ངང་ལས་པདྨ་འབར་བའི་སྣོད་ཆེན་པོར་ར་ལས་རྡོ་རྗེ་སྒེག་མོ་མ་དམར་མོའི་མཁའ་ནས་ཁྲག་གི་རྒྱུན་བབས་ཏེ་ཉོན་མོངས་བག་ཆགས་དང་བཅས་པ་འཇོམས་པའི་རཀྟའི་རྒྱ་མཚོ་རྦ་ཀློང་རྒྱ་མདུད་ཀྱི་ཚུལ་དུ་འཁྲུགས་པ་ལ་ལྷ་མོ་ཉིད་འོད་དུ་ཞུ་ནས་ཐིམ་པས་འཁོར་བ་སྟོང་པར་ བསམ་ལ། ཨོཾ་ཨཱཿཧཱུཾ་མ་ཧཱ་རཀྟ་ས་མནྟ་མཎྜ་ལ་ཧཱུཾ་ཕཊ༔ ལན་གསུམ། དེ་ལྟར་ཕྱི་ནང་གི་མཆོད་པ་རྣམས་སོ་སོར་བྱིན་གྱིས་བརླབས་པའམ། བསྡུ་ན། ཨོཾ་སརྦ་ཏ་ཐཱ་ག་པཱུ་ཛ༔ མ་ཧཱ་པཉྩ༔ མ་ཧཱ་བ་ལིཾ་ཏ༔ མ་ཧཱ་རཀྟ༔ ཨ་ཧོ་སུ་ཁས་མ་ཡེ་སྭཱ་ཧཱ༔ ཞེས་མང་དུ་བཟླས་པས་བརླབས་ལ། ཧཱུྃ༔ རང་དང་གཉིས་མེད་ལྷ་ཚོགས་ལ༔ མར་མེ་སྨན་གཏོར་རཀྟ་དང་༔ ཕྱི་ནང་གསང་བའི་མཆོད་སྤྲིན་རྣམས༔ ཐུགས་དམ་བསྐང་ཕྱིར་འབུལ་གྱིས་བཞེས༔ ཞེས་སྙན་བསྣན་ནོ། །གཉིས་པ་དངོས་གཞིའི་ལས་རིམ་ལ་དགུ་ལས། དང་པོ་དམ་ཚིག་གི་དཀྱིལ་འཁོར་བསྐྱེད་པ་ལ། དེ་བཞིན་ཉིད་ཀྱི་ཏིང་ངེ་འཛིན་ནི། ཧཱུྃ༔ སྤྲོས་མེད་ཡང་དག་དེ་བཞིན་ཉིད༔ མཉམ་ཡངས་ཕྱོགས་བྲལ་ཀུན་ཏུ་གདལ༔ མ་ནོར་མ་བཅོས་ཆོས་ཀྱི་ [6a] སྐུ༔ རང་བཞིན་ལྷུན་གྲུབ་ངང་གིས་གསལ༔ ཨོཾ་མ་ཧཱ་ཤུནྱ་ཏཱ་ཛྙཱ་ན་བཛྲ་སྭབྷཱ་ཝ་ཨཏྨ་ཀོཉཧཾ༔ ཀུན་སྣང་གི་ཏིང་ངེ་འཛིན་ནི། ཧཱུཾ༔ དེ་བཞིན་ཀུན་ཁྱབ་ཀུན་ཏུ་སྣང་༔ མ་རིག་འཁྲུལ་སྣང་འཁོར་བའི་ཀློང་༔ གཟུང་འཛིན་བག་ཆགས་རབ་ཏུ་འཐས༔ མ་རྟོགས་སེམས་ཅན་སྙིང་རེ་རྗེ༔ ཨོཾ་དྷརྨ་དྷཱ་ཏུ་སྭ་བྷཱ་ཝ་བིཤུདྡྷེ་མཎྜ་ལ་ཧཱུྃ༔ རྒྱུའི་ཏིང་ངེ་འཛིན་ནི། ཧཱུཾ༔ ཆོས་རྣམས་རང་བྱུང་རྟེན་འབྲེལ་ཏེ༔ རྒྱུ་ལས་མ་བྱུང་གང་ཡང་མེད༔ ཧཱུཾ་ནི་ཐམས་ཅད་བསྐྱེད་པའི་རྒྱུ༔ དགོས་འདོད་འབྱུང་བའི་ཡི་གེ་བསྒོམ༔ ཙིཏྟ་བཛྲ་ས་མཱ་ཏི་ཧཱུྃ༔ འབྱུང་བ་རིམ་བརྩེགས་ནི། རྒྱུ་ཡི་ཡི་གེ་ཧཱུྃ་སྔོན་ལས༔ རཾ་ཡཾ་ཁཾ་གསུམ་རིམ་བཞིན་འཕྲོས༔ ཧཱུྃ༔ བསྐལ་པ་གསུམ་གྱིས་འཇིག་རྟེན་སྟོང་༔ ཡེ་ནས་དག་པའི་ངང་ཉིད་ལས༔ སྣོད་བཅུད་སྦྱོང་ཕྱིར་འབྱུང་རིམ་བརྩེགས༔ རྣམ་དག་ཡུམ་ལྔའི་མཁའ་ཀློང་གསལ༔ ཧཱུྃ་ཨེ་ཡཾ་ར་སུཾ་ཀེཾ་རཾ་བྷྲུཾ༔ ཧཱུྃ༔ ཨེ་ལས་ནམ་མཁའ་མཐའ་དབུས་མེད༔ ཡཾ་ལས་རླུང་གི་དཀྱིལ་འཁོར་སྟེང་༔ ར་ལས་རཀྟའི་རྒྱ་མཚོ་འཁྱིལ༔ སུཾ་ལས་ཞིང་ཆེན་ས་གཞི་བརྡལ༔ ཀེཾ་ལས་རུས་པའི་རི་རབ་སྟེང་༔ རཾ་ལས་བསྐལ་པའི་མེ་པུང་འབར༔ [6b] གཞལ་ཡས་ཁང་བསྐྱེད་པ་ནི། ཧཱུྃ༔ བྷྲཱུཾ་ལས་དུར་ཁྲོད་གཞལ་ཡས་ཁང་༔ ཟླ་གམ་ཡེ་ཤེས་འཆར་སྒོའི་དབུས༔ ཆོས་སྐུ་འགྱུར་མེད་ཨེ་རུ་གསལ༔ དེ་སྟེང་ཐོད་པ་སྐམ་རློན་གྱི༔ རྩིག་པ་བ་གམ་མཛེས་པ་ལ༔ ལྷ་ཆེན་ཀ་བ་ཀླུ་ཆེན་གདུང་༔ གཟའ་བརྒྱད་ཀ་ཞུ་ཞིང་ཆེན་ཐོག༔ རྒྱུ་སྐར་དྲལ་ཕྱམ་ཐོད་པའི་བད༔ རྒྱུ་མའི་དྲྭ་ཕྱེད་ཙིཏྟའི་ཕོད༔ མོ་རོའི་རྒྱལ་མཚན་ཀེང་རུས་འཕན༔ རྟ་བབ་ཆོས་འཁོར་གསེར་གདུགས་མཛེས༔ གྲུ་ཆད་བར་ཁྱམས་སྒོ་ཁྱུད་རྫོགས༔ ཕྱི་ནང་མེད་པར་ཀུན་ཏུ་གསལ༔ ཕོ་བྲང་གཞལ་ཡས་གླིང་ཆེན་དགུཿ འཁོར་ལོ་རྩིབས་བཞི་མུ་ཁྱུད་བཅས་༔ མཐིང་ནག་གྲུ་གསུམ་འབར་བའི་སྟེང་༔ དྲེགས་པ་པདྨ་ཉི་ཟླའི་གདན༔ རང་རང་དཀྱིལ་འཁོར་སོ་སོ་གསལ༔ བྷྲཱུྃ་བི་ཤྭ་བི་ཤུདྡྷེ་བྷཉྫ་ཛྙཱ་ན་ཨེ་ཙཀྲ་མཎྜ་ལ་བྷྲཱུཾ༔ རུ་དྲ་ཀྲོ་དྷི་ཏི་ར་བཾ༔ མ་སུརྻ་མཎྜ་ལ་༔ ཨ་ཙནྡྲ་མཎྜ་ལ༔ པཾ་པདྨ་མཎྜ་ལ༔ ལྷ་བསྐྱེད་པ་ནི། ཧཱུཾ༔ དཀྱིལ་འཁོར་དབུས་ཀྱི་ལྟེ་བ་ལ༔ རྒྱ་ཡི་ཡི་གེ་གདན་ལ་བབས༔ སྤྲོ་བསྡུའི་སྦྱོར་བས་དཔལ་ཆེན་སྐུ༔ བདག་ཉིད་ཆེ་མཆོག་ཧེ་རུ་ཀ༔ མཐིང་ནག་ཞལ་གསུམ་ཕྱག་དྲུག་པ༔ ཞབས་བཞི་གྱད་ཀྱི་འདོར་སྟབས་བགྲད༔ གཡས་དཀར་གཡོན་ [7a] དམར་དབུས་མཐིང་ཞལ༔ རིགས་ལྔས་དབུ་བརྒྱན་ཐུགས་སྲོག་ཧཱུྃ༔ སྤྱན་དགུ་ཞལ་བགྲད་མཆེ་བ་གཙིགས༔ གཡས་ཀྱི་ཕྱག་གསུམ་རྡོ་རྗེ་གསོར༔ གཡོན་གྱི་ཕྱག་གསུམྦྷན་དམར་འཛིན༔ དུར་ཁྲོད་འཇིགས་པའི་ཆས་ཀྱིས་བརྒྱན༔ གནམ་ཞལ་ཡུམ་ཆེན་ཀུན་བཟང་འཁྲིལ༔ ཞལ་གཅིག་ཕྱག་གཉིས་སྐུ་མདོག་མཐིང་༔ གཡས་པས་གཙོར་འཁྱུད་ཁ་ཊྭཱཾ་བསྣམས༔ གཡོན་པས་དུང་དམར་གཙོ་ལ་སྟོབ༔ བསྐལ་པའི་མེ་དཔུང་ཀློང་ན་བཞུགས༔ མ་སུརྻ་མཎྜ་ལ༔ ཧཱུྃ་བཛྲ་ཨོཾ༔ ཨ་ཙནྡ་མཎྜ་ལ༔ ཨེ་ཨཾ༔ ས་མ་ཡ་ཧོཿ ས་མ་ཡ་སྟྭཾ༔ ར་ཧོ་ཧཾ༔ རཱ་ག་ཡཱ་མིཿ ཛཿཧཱུྃ་བྃ་ཧོཿ ས་མ་ཡ་མུ་དྟ༔ པྲ་བེ་ཤ་ཡ་ཕཊ༔ ཨོཾ་ཨོཾ་ཨོཾ༔ ཧཱུྃ་ཧཱུྃ་ཧཱུྃ༔ ཕཊ་ཕཊ་ཕཊཿ སྥ་ར་ཎ་ཕཊ༔ ཧཱུྃ་ཧཱུྃ་ཧཱུྃ་ཧཱུྃ༔ ཡབ་ཡུམ་སྦྱོར་བའི་བྱིན་རླབས་ལས༔ རིགས་བཞི་ལ་སོགས་འཁོར་བཅས་གསལ༔ ཨོཾ་བཛྲ་ཀྲོ་དྷ་མ་ཧཱ་ཤྲི་ཧེ་རུ་ཀ་ཧཱུཾ་ཕཊཿ མ་ཧཱ་ཀྲོ་དྷཱི་ཤྭ་རི་སྟྭཾ༔ ཧཱུཾ༔ དཔལ་ཆེན་ཡབ་ཡུམ་མཁའ་གསང་ལས༔ ཕྱོགས་བཞི་མཚམས་བཞིའི་དཀྱིལ་འཁོར་དུ༔ མཐིང་ནག་ཧཱུཾ་ཆེན་ཡིག་འབྲུ་སྤྲོས༔ ཁྲག་འཐུང་ཡབ་ཡུམ་སྲས་བཅས་བསྐྱེད༔ ཧཱུྃ་ཧཱུྃ༔ ཧཱུྃ་ཧཱུྃ༔ [7b] ཧཱུྃ་ཧཱུྃ༔ ཧཱུྃ་ཧཱུྃ༔ ཧཱུྃ་ཧཱུྃ༔ ཧཱུྃ་ཧཱུྃ༔ ཧཱུྃ་ཧཱུྃ༔ ཧཱུྃ་ཧཱུྃ༔ ཧཱུྃ༔ ཤར་དུ་བཛྲ་ཧེ་རུ་ཀ༔ དབུ་གསུམ་ཕྱག་དྲུག་ཞབས་བཞི་བགྲད༔ གཡས་དཀར་གཡོན་དམར་དབུས་མཐིང་ཞལ༔ རིགས་ལྔས་དབུ་བརྒྱན་ཐུགས་སྲོག་གསལ༔ གཡས་གསུམ་རྩེ་དགུ་ཁ་ཊྭཱཾ་རྔ་༔ གཡོན་གསུམ་དྲིལ་བྷན་རྒྱུ་ཞགས་བསྣམས༔ ཡུམ་ཆེན་ཀྲོ་དྷཱི་ཤྭ་རི་སྦྱར༔ གཡས་པས་གཙོ་འཁྱུད་ཁ་ཊྭཱཾ་བསྣམས༔ གཡོན་པས་ཆགས་པའི་དུང་དམར་སྟོབ༔ དུར་ཁྲོད་ཆས་བརྒྱད་སྐུ་ལ་བརྒྱན༔ རིགས་བཞི་སྤྲུལ་པའི་འཁོར་བཅས་གསལ༔ ཨོཾ་རུ་ལུ་རུ་ལུ་ཧཱུྃ་བྷྱོ་ཧཱུྃ་ཕཊ༔ ཧཱུྃ༔ ལྷོ་རུ་འཇམ་དཔལ་གཤིན་རྗེ་གཤེད་༔ དབུ་གསུམ་ཕྱག་དྲུག་ཞབས་བཞི་བགྲད༔ གཡས་དཀར་གཡོན་དམར་དབུས་མཐིང་ཞལ༔ རིགས་ལྔས་དབུ་བརྒྱན་ཐུགས་སྲོག་གསལ༔ གཡས་གསུམ་བེ་ཅན་རལ་གྲི་སྟྭཾ༔ གཡོན་གསུམ་སྡིག་མཛུབ་མདུང་བྷན་དམར༔ ཡུམ་མཆོག་ཟ་བྱེད་བེ་ཏཱ་སྦྱར༔ གཡས་པས་གཙོ་འཁྱུད༴ གཡོན་པས་ཆགས་པའི༔ དུར་ཁྲོད་ཆས་བརྒྱད༴ རིགས་བཞི་སྤྲུལ་པའི་འཁོར་བཅས་གསལ༔ ཨོཾ་ཨ་ཀྲོ་ཏེ་ཀ་ཡ་མཱནྟ་ཀ་ཧ་ན་མ་ཐ་བྷཉྫ་ཧཱུཾ་ཕཊ༔ ཧཱུྃ༔ ནུབ་ཏུ་དབང་ཆེན་རྟ་ [8a] མཆོག་དཔལ༔ དབུ་གསུམ་ཕྱག་དྲུག་ཞབས་བཞི་བགྲད༔ གཡས་དཀར་གཡོན་ལྗང་དབུས་དམར་ཞལ༔ དབུ་གཙུག་རྟ་སྐད་ཕྱོགས་བཅུར་སྒྲོག༔ རིགས་ལྔས་དབུ་བརྒྱན་ཐུགས་སྲོག་གསལ༔ གཡས་གསུམ་རྡོ་རྗེ་ཁ་ཊྭཱཾ་ཞགས༔ གཡོན་གསུམ་དྲིལ་བྷན་ལྕགས་སྒྲོག་བསྣམས༔ ཡུམ་མཆོག་པདྨ་གཟི་ལྡན་སྦྱོར༔ གཡས་པས༔ གཡོན་པས༴ དུར་ཁྲོད༴ རིགས་བཞི་སྤྲུལ་པའི་འཁོར་བཅས་གསལ༔ ཨོཾ་པདྨཱནྟ་ཀྲྀ་ཏ་མ་ཧཱ་ཀྲོ་དྷ་ཧ་ཡི་གྲཱི་ཝ་ཧུ་ལུ་ཧུ་ལུ་ཧཱུཾ་ཕཊ༔ ཧཱུྃ༔ བྱང་དུ་རྡོ་རྗེ་གཞོན་ནུ་ཆེ༔ དབུ་གསུམ་ཕྱག་དྲུག་ཞབས་བཞི་བགྲད༔ གཡས་དཀར་གཡོན་དམར་དབུས་མཐིང་ཞལ༔ རིགས་ལྔས་དབུ་བརྒྱན་ཐུགས་སྲོག་གསལ༔ གཡས་གཉིས་རྩེ་དགུ་རྩེ་ལྔ་འཛིན༔ གཡོན་གཉིས་མེ་དཔུང་ཁ་ཊྭཱཾ་བསྣམས༔ མཐའ་གཉིས་རི་རབ་ཕུར་བུ་འདྲིལ༔ ཡུམ་ཆེན་འཁོར་ལོ་རྒྱས་འདེབས་སྦྱར༔ གཡས་པས༴ གཡོན་པས༴ དུར་ཁྲོད༴ རིགས་བཞི་སྤྲུལ་པའི་འཁོར་བཅས་གསལ༔ ཨོཾ་བཛྲ་ཀཱི་ལི་ཀའི་ལ་ཡ་སརྦ་བིགྷྣཱན་བཾ་ཧཱུཾ་ཕཊ༔ ཧཱུཾ༔ ཤར་ལྷོར་བླ་མེད་ཧེ་རུ་ཀ༔ དབུ་གསུམ་ཕྱག་དྲུག་ཞབས་ [8b] བཞི་བགྲད༔ གཡས་དཀར་གཡོན་དམར་དབུས་མཐིང་ཞལ༔ རིགས་ལྔས་དབུ་བརྒྱན་ཐུགས་སྲོག་གསལ༔ གཡས་གསུམ་རྡོ་རྗེ་ཁྱུང་སྦྲུལ་ཞགས༔ གཡོན་གསུམྦྷནྡྷ་ཞིང་གའུ༔ ཡུམ་ཆེན་ཉིད་བཞི་བདེ་མཆོག་སྦྱོར༔ གཡས་པས༴ དུར་ཁྲོད༴ རིགས་བཞི་སྤྲུལ་པའི་འཁོར་བཅས་གསལ༔ ཨོཾ་གུ་ཧྱ་ཛྙཱ་ན་ཤྲཱི་ཧེ་རུ་ཀ་གུ་ཧྱ་ཛྙཱ་ན་ཀྲོ་དྷཱི་ཤྭ་རི་སྟཾ་མ་མ་ཡོ་གི་ནི་རུ་ལུ་རུ་ལུ་ཧཱུཾ་བྷྱོ་ཧཱུཾ་ཕཊ༔ ཧཱུཾ༔ ལྷོ་ནུབ་རིག་འཛིན་ཐོད་པ་རྩལ༔ ཞལ་གཅིག་ཕྱག་གཉིས་ཞབས་གཉིས་བགྲད༔ སྐུ་མདོག་དཀར་དམར་རུས་རྒྱན་སྤྲས༔ རིགས་ལྔའི་དབུ་བརྒྱན་ཐུགས་སྲོག་གསལ༔ རྡོ་རྗེ་དྲིལ་བུའི་ཕྱག་རྒྱ་བསྒྱུར༔ ཡུམ་ཆེན་ཆོས་དབྱིངས་རྣལ་འབྱོར་མ༔ གཉིས་མེད་འཁྲིལ་སྦྱོར་ཆེན་ཆེན་བསྐྱེད༔ རིགས་བཞི་སྤྲུལ་པའི་འཁོར་བཅས་གསལ༔ ཨོཾ་བཛྲ་མ་ཧཱ་གུ་རུ་སརྦ་སིདྡྷི་ཧཱུཾ་ཕཊ༔ ཧཱུཾ༔ ནུབ་བྱང་དྲེགས་པ་ཀུན་འདུལ་ནི༔ དབུ་གསུམ་ཕྱག་དྲུག་ཞབས་བཞི་བགྲད༔ གཡས་དཀར་གཡོན་དམར་དབུས་མཐིང་ཞལ༔ རིགས་ལྔས་དབུ་བརྒྱན་ཐུགས་སྲོག་ལས༔ གཡས་གསུམ་རྡོ་རྗེ་ལྷ་བརྒྱད་མགོ༔ གཡོན་གསུམྦྷན་དམར་ [9a] ཀླུ་བརྒྱད་མགོ༔ ཡུམ་མཆོག་སྲིད་པ་སྤྱི་འདུལ་སྦྱོར༔ གཡས་པས༴ གཡོན་པས༴ དུར་ཁྲོད༴ རིགས་བཞི་སྤྲུལ་པའི་འཁོར་བཅས་གསལ༔ ཨོཾ་བཛྲ་ཙཎྜ་སརྦ་དུཥྚན་ཧཱུཾ་ཕཊ༔ ཧཱུྃ༔ བྱང་ཤར་སྟོབས་ལྡན་ནག་པོ་ཆེ༔ དབུ་གསུམ་ཕྱག་དྲུག་ཞབས་བཞི་བགྲད༔ གཡས་དཀར་གཡོན་དམར་དབུས་མཐིང་ཞལ༔ རིགས་ལྔས་དབུ་བརྒྱན་ཐུགས་སྲོག་གསལ༔ གཡས་གསུམ་རྡོ་རྗེ་ལྷ་བརྒྱད་སྙིང༔ གཡོན་གསུམྦྷན་དམར་ཀླུ་བརྒྱད་སྙིང་༔ ཡུམ་ཆེན་འབྱུང་བ་ལྔ་བདག་སྦྱོར༔ གཡས་པས་གཟུགས་ཁམས་མཁའ་ལ་འདེགས༔ གཡོན་པས་འདོད་ཁམས་ས་ལ་མནན༔ དུར་ཁྲོད་ཆས་བརྒྱད་སྐུ་ལ་གསོལ༔ རིགས་བཞི་སྤྲུལ་པའི་འཁོར་བཅས་གསལ༔ ཨོཾ་བཛྲ་སརྦ་དུཥྚན་ཨེ་ཛཿབྷྱོ་ཧཱུཾ་ཕཊ༔ ཧཱུཾ༔ ཉི་མ་དང་ནི་འོད་ཟེར་བཞིན༔ དཔལ་ཆེན་སོ་སོའི་སྤྲུལ་འཁོར་བཅས༔ ཕྱི་རོལ་སྒོ་བ་རིགས་བཞི་ནི༔ ཡ་མཱ་ན་པྲ་ཛྙཱ་ན་པདྨན་བིག༔ ལྕགས་ཀྱུ་ཞགས་པ་ལྕགས་སྒྲོག་དྲིལ༔ ཚོམ་བུ་དགུ་ཡི་ལྷ་ཚོགས་རྣམས༔ སྐུ་མདོག་ཕྱག་མཚན་རྒྱན་ཆ་ལུགས༔ མ་འདྲེས་ཡོངས་སུ་རྫོགས་པར་གསལ༔ ཛཿཧཱུཾ་བཾ་ ཧོཿ ཧཱུཾ༔ ཕྱི་ [9b] རོལ་ལྕགས་རི་ཁོར་ཡུག་ལ༔ མཁའ་འགྲོ་དབང་ཕྱུག་གིང་ལངྐ༔ འབར་མ་མ་སྲིང་བཀའ་སྡོད་ཚོགས༔ བསམ་གྱིས་མི་ཁྱབ་ཡོངས་རྫོགས་གཏིབས༔ མ་ཧཱ་མུ་ཏྲ་ས་མ་ཡ་ཧོཿ བྱིན་བརླབ་པ་ནི། ཧཱུཾ༔ རང་བྱུང་དཀྱིལ་འཁོར་དཔལ་ཆེན་ཚོགས༔ མཐུ་རྩལ་ཡོངས་སུ་རྫོགས་བྱའི་ཕྱིར༔ སྐུ་གསུང་ཐུགས་མཆོག་བྱིན་རློབ་ལ༔ ཡེ་ཤེས་རྣམ་ལྔའི་དབང་སྐུར་ཅིག༔ ཅེས་པས། ལྷ་ཚོགས་རྣམས་ཀྱི་དཔྲལ་བར་འཁོར་ལོ་རྩིབས་བརྒྱད་པའི་ལྟེ་བར་རྣམ་སྣང་དཀར་པོ་ཐུགས་ཀར་ཨོཾ་གྱིས་མཚན་པ། ལྗགས་པདྨ་འདབ་བརྒྱད་ཀྱི་ལྟེ་བར་སྣང་མཐའ་དམར་པོ་ཐུགས་ཀར་ཨཱ༔ ས་མཚན་པ། ཐུགས་རྡོ་རྗེ་རྒྱ་གྲམ་གྱི་ལྟེ་བར་རྡོར་སེམས་མཐིང་ག་ཐུགས་ཀར་ཧཱུཾ་གིས་མཚན་པ། དེའི་འོད་ཟེར་གྱིས་དེ་བཞིན་གཤེགས་པ་རྣམས་ཀྱི་ཐུགས་རྒྱུད་བསྐུལ་རྡོ་རྗེ་གསུམ་གྱི་ལྷ་ཚོགས་ནམ་མཁའ་གང་བར་བྱོན་ནས་ཐིམ་པས་སྐུ་གསུང་ཐུགས་ཀྱི་བྱིན་རླབས་ཡོངས་སུ་རྫོགས་པ་ཐོབ། ཨོཾ་ཨཱཿཧཱུྃ༔ དབང་བསྐུར་བ་ནི། སྤྱི་བོའི་གནས་ལྔར་དཔའ་བོ་འབྲུ་ལྔ་ལས་རྒྱལ་བ་རིགས་ལྔ་སོགས་ཞི་བ་བཞི་བཅུ་རྩ་གཉིས་ཀྱི་ལྷ་ཚོགས་རྣམས་བཞུགས་ནས་དབང་ཆེན་རབ་ [10a] འབྱམས་ཀྱི་དབང་བསྐུར་བ་ཐོབ་སྟེ་འགྲོ་དོན་ལ་དབང་བར་གྱུར། ཧཱུཾ་ཨོཾ་སྭཱཧྲཱིཿཧཱ༔ ཨོཾ་ན་མཿསརྦ་ཏ་ཐཱ་ག་ཏ་ཀཱ་ཡ་ཝཱ་ཀྩིཏྟ་ཛྙཱ་ན་པཉྩ་བཛྲ་སྭ་བྷཱ་ཝ་ཨཏྨ་ཀོཉ་ཧཾ༔ གཉིས་པ་ཡེ་ཤེས་ཀྱི་འཁོར་ལོ་སྤྱན་དྲང་བ་ནི། རང་གི་ཐུགས་ཀའི་ཧཱུཾ་ལས་འོད་ཟེར་འཕྲོས་པས་དཔལ་ཆེན་དཀྱིལ་འཁོར་དགུའི་ལྷ་ཚོགས་འཁོར་དང་བཅས་པ་ཐམས་ཅད་བཛྲ་ས་མཱ་ཛཿ ཧཱུྃ༔ རྣམ་དག་ཆོས་དབྱིངས་མཉམ་ཉིད་ལས༔ ཞི་ཁྲོ་ཡོངས་རྫོགས་སྐུ་བཞེངས་ལ༔ སྲིད་གསུམ་གདུག་པའི་ཚོགས་བསྒྲལ་ཕྱིར༔ གནས་འདིར་སྤྱན་འདྲེན་གཤེགས་སུ་གསོལ༔ ཨོཾ་ཨེ་ཧྱེ་ཧི་ས་མ་ཡ་ཛཿཧཱུཾ་བཾ་ཧོཿ ཧྲིཾ་ཧྲིཾ་ཛཿ གསུམ་པ་བཞུགས་སུ་གསོལ་བ་ནི། ཧཱུཾ༔ བདེ་གཤེགས་ཀུན་འདུས་དཀྱིལ་འཁོར་འདིར༔ དམ་ཚིག་ཡེ་ཤེས་དབྱེར་མེད་པར༔ ཆུ་ལ་ཆུ་བཞག་ཇི་བཞིན་དུ༔ དུ་མ་རོ་གཅིག་བརྟན་པར་བཞུགས༔ ས་མ་ཡ་ཨཱ་བེ་ཤ་ཡ་ཏིཥྛ་སྟྭཾ༔ བཞི་པ་ཕྱག་འཚལ་བ་ནི། ཧཱུྃ༔ ཆོས་རྣམས་རང་བཞིན་ཡེ་ནས་དག༔ རྟོག་འཁྲུལ་འཇིག་རྟེན་སེམས་ཅན་ལ༔ སྐུ་གསུང་ཐུགས་ཡོན་ཕྲིན་ལས་སྟོན༔ དཀྱིལ་འཁོར་ལྷ་ལ་ཕྱག་འཚལ་ལོ༔ ཨ་ཏི་པུ་ ཧོཿ པྲ་ཏཱིཙྪ་ ཧོཿ [10b] ལྔ་པ་མཆོད་པ་འབུལ་བ་ལ། ཕྱག་རྒྱ་གར་མཆོད་ནི། ཧཱུྃ༔ གདུལ་བྱའི་མོས་བློ་ཐ་དད་པས༔ ཞི་དང་ཁྲོ་དང་འདྲེས་པའི་ཚུལ༔ ཞལ་དང་ཕྱག་མཚན་ཅིར་ཡང་བསྒྱུར༔ བདེ་གཤེགས་ཐམས་ཅད་གར་གྱི་བདག༔ ཕྱག་རྒྱ་གར་གྱི་མཆོད་པ་བཞེས༔ མ་ཧཱ་མུ་དྲ་པཱུ་ཛ་ཧོཿ གླུའི་མཆོད་པ་ནི། ཧཱུྃ༔ སྟོང་པའི་རང་བཞིན་ཅིར་ཡང་སྣང་༔ སྣང་བའི་མཚན་ཉིད་སྐྱེ་བ་མེད༔ གླུ་ནི་འདུ་འབྲལ་མེད་པའི་གླུ༔ བྲོ་ནི་བར་ཆད་མེད་པར་བརྡུང་༔ ཨོཾ་མ་ཧཱ་ཛྙཱ་ན་ཏེ་ན་ཧཱུྃ་ཏེ་ན་ཏེ་ཏེ་ཧཱུྃ༔ ཕྱི་མཆོད་ནི། ཧཱུྃ༔ རྒྱལ་བ་རྒྱ་མཚོའི་དཀྱིལ་འཁོར་དུ༔ བདུག་སྤོས་མེ་ཏོག་མར་མེ་དྲི༔ ཞལ་ཟས་སིལ་སྙན་མཆོད་པའི་སྤྲིན༔ དབྱིངས་ནས་བཏོན་ཏེ་དབྱིངས་སུ་འབུལ༔ ཨོཾ་པ་ན་པེ༔ པེ་ནུ་སུ་ར་ཏོ༔ རི་པུ་པ་ར་མུ༔ སརྦ་ཏ་ཐཱ་ག་ཏ་སིདྡྷི་ས་མ་ཡ་ཧོཿ ཨོཾ་ཤྲཱི་བཛྲ་རཱ་ག་དྷུ་པེ་ཧཱུཾ༔ པུཥྤེ་ཏྲྃ༔ ཨཱ་ལོ་ཀེ་ཧྲཱིཿ གནྡྷེ་ཧྲཱིཿ ནཻ་བི་དྱཱ་ཨཱཿ གཱིརྟི་ཤཔྡ་ཧཱུྃ༔ ནང་མཆོད་ནི། ཨོཾ༔ མཆོད་པ་ཕྱག་རྒྱ་ཆེན་པོ་ནི༔ སེམས་ཀྱི་ཡིད་བཞིན་སྤྲིན་ཚོགས་གཏིབས༔ གཟུགས་སྒྲ་དྲི་རོ་རེག་བྱ་ཆོས༔ འདོད་ཡོན་ལྔ་ལྡན་མཆོད་པ་བཞེས༔ ཨོཾ་སརྦ་པཱུ་ཛ་ས་མ་ཡ་ ཧོཿ གསང་མཆོད་ནི། ཧཱུྃ༔ འདོད་ [11a] ཆགས་ཞེ་སྡང་གཏི་མུག་ཆེ༔ ང་རྒྱལ་ཕྲག་དོག་ཉོན་མོངས་ལྔ༔ ཡེ་ནས་རིགས་ལྔའི་རང་བཞིན་ཡིན༔ སྦྱོར་སྒྲོལ་ཏིང་འཛིན་དམ་མཆོད་བཞེས༔ ཧ་ལ་པཉྩ་པཱུ་ཛ་ཧོཿ དུག་གསུམ་གྱི་མཆོད་པ་ནི། ཧཱུྃ༔ ཤ་ཁྲག་རུས་པ་རྣམ་པ་གསུམ༔ དུག་གསུམ་མཆོད་པ་བླ་ན་མེད༔ ཡེ་ནས་སྐུ་གསུམ་རང་བཞིན་ཏེ༔ རང་གྲོལ་ཉིད་དུ་མཆོད་པར་བཞེས༔ མ་ཧཱ་མཱཾ་ས༔ མ་ཧཱ་རཀྟ༔ མ་ཧཱ་ཀེཾ་ནི་རི་ཏི་ཁཱ་ཧི༔ སྨན་མཆོད་ནི། ཧཱུྃ༔ རང་བྱུང་གདོད་ནས་རྣམ་པར་དག༔ རྩ་བརྒྱད་སྟོང་ལ་སྦྱར་བའི་སྨན༔ རིགས་ལྔ་དམ་ཚིག་ལྔ་ཡི་དངོས༔ ཡེ་ཤེས་ལྔ་རྫོགས་གྲུབ་པའི་རྫས༔ རྒྱུད་ལྔའི་སེམས་ཅན་ཀུན་བསྒྲལ་ཕྱིར༔ དུག་ལྔ་སེལ་བའི་བདུད་རྩི་ཆེ༔ དུས་གསུམ་བླ་མ་ཡི་དམ་ལྷ༔ རྒྱལ་བ་ཞི་ཁྲོའི་ལྷ་ཚོགས་ལ༔ རྣམ་དག་བདུད་རྩིའི་དམ་རྫས་མཉེས་མཆོད་འབུལ༔ ཐུགས་རྗེས་བརྩེར་དགོངས་དབང་དང་དངོས་གྲུབ་སྩོལ༔ ཨོཾ་ཨཱཿཧཱུཾ་སརྦ་པཉྩ་ཨ་མྲྀ་ཏ་ཁ་རཾ་ཁཱ་ཧི༔ དམ་སྐོང་དབང་དང་ཤེས་རྒྱུད་ལུང་སྟོན་པའི༔ ངེས་པའི་དོན་སྟོན་རྩ་བརྒྱུད་བླ་མ་ལ༔ རྣམ་དག༴ ཐུགས་རྗེས༴ ཨོཾ་ཨཱཿཧཱུཾ་སརྦ་པཉྩ་ཨ་མྲྀ༴ བདེ་ [11b] གཤེགས་ཞི་བ་ཆེ་མཆོག་གཤིན་རྗེའི་གཤེད༔ རྟ་མགྲིན་ཡང་དག་ཕུར་པ་རྦོད་གཏོང་ལ༔ རྣམ་དག༴ ཐུགས་རྗེས༴ ཨོཾ་ཨཱཿཧཱུཾ་སརྦ༴ རིག་འཛིན་དྲག་སྔགས་དྲེགས་འདུལ་བཀའ་སྡོད་ཚོགས༔ མཁའ་འགྲོ་ཆོས་སྐྱོང་གཞི་གནས་གཏེར་བདག་ལ༔ རྣམ་དག༴ ཐུགས་རྗེས༴ ཨོཾ་ཨཱཿཧཱུཾ་སརྦ༴ དངོས་གྲུབ་བླང་བ་ནི། ཧཱུྃ༔ ལྕེ་ཡི་དམ་ཚིག་རྡོ་རྗེ་ལ༔ དམ་ཚིག་ཅན་གྱིས་ཧཱུཾ་བསྒོམས་ཏེ༔ མཐེབ་སྲིན་ཐབས་ཤེས་ཕྱག་རྒྱ་ཡིས༔ མྱང་ན་དངོས་གྲུབ་མཆོག་ཐོབ་འགྱུར༔ ཀཱ་ཡ་སིངྔྷ་ཨོཾ༔ ཝཱ་ཀ་སིདྡྷིཨཱ༔ ཙིཏྟ་སིདྡྷི་ཧཱུྃ༔ སརྦ་སིདྡྷི་ཧྲཱིཿ གཏོར་མའི་མཆོད་པ་ནི། ཧཱུྃ༔ དམ་རྫས་རྨད་བྱུང་གཏོར་ཆེན་པོ༔ འདོད་ཡོན་ལྔ་ཡི་ཕུང་པོར་འབར༔ ཐམས་ཅད་ཚིམ་བྱེད་མཆོད་སྦྱིན་ཆེ༔ ཞི་ཁྲོ་ཡོངས་རྫོགས་ཐུགས་དམ་བསྐང་༔ མ་ཧཱ་བ་ལིཾ་ཏ་ཁཱ་ཧི༔ རཀྟའི་མཆོད་པ་ནི། ཧཱུྃ༔ རུ་དྲ་བསྒྲལ་བའི་ཁྲག་ཆེན་པོ༔ ལྕང་ལོར་བཅས་པའི་བྷཉྫར་བསྐྱིལ༔ འཁོར་བ་དབྱིངས་སུ་དག་བྱའི་ཕྱིར༔ དཔལ་ཆེན་ཚོགས་ཀྱི་ཞལ་དུ་འབུལ༔ མ་ཧཱ་རཀྟ་ཁཱ་ཧི༔ བདུད་རྩི་གསང་ནན་གྱི་མཆོད་པ་ནི། ཧཱུྃ༔ རྒྱུ་གཉིས་རྐྱེན་སྦྱར་འབྲུ་བཅུད་འདི༔ དུག་ལྔ་སྨན་གྱུར་དམ་པའི་ [12a] རྫས༔ ཛ་གད་དཔའ་བོའི་བདུད་རྩི་འདིས༔ རྒྱལ་བ་ཞི་ཁྲོའི་ཐུགས་དམ་བསྐང་༔ མ་ཧཱ་པཉྩ་ཨ་མྲྀ་ཏ་ཛ་གད་ཁཱ་ཧི༔ སྦྱོར་བའི་མཆོད་པ་ནི། ཧཱུྃ༔ དབྱིངས་རིག་གཉིས་མེད་སྦྱོར་བ་ཡིས༔ འཁོར་འདས་གཉིས་སུ་མེད་པར་སྦྱོར༔ གཉིས་མེད་རྟོགས་པའི་སྦྱོར་མཆོད་འདིས༔ རྒྱལ་བ་ཡབ་ཡུམ་མཉེས་གྱུར་ཅིག༔ ཛཿཧཱུཾ་བཾ་ཧོཿ པདྨ་ཡོ་གི་ནཱི་ས་མ་ཡ་པྲ་བེ་ཤ་ཡ་ཕཊ༔ སྒྲོལ་བའི་མཆོད་པ་ནི། ཧཱུྃ༔ ཡང་དག་དོན་རྟོགས་བློ་ཡིས་ནི༔ མ་རྟོགས་སེམས་ཅན་གནས་སུ་བསྒྲལ༔ དུས་གསུམ་བདེ་གཤེགས་དེ་ལ་མཉེས༔ མཆོག་གི་མཆོད་པ་ཆེན་པོ་བཞེས༔ ཨོཾ་མ་ཧཱ་ཤྲཱི་ཧེ་རུ་ཀ་མ་ཏྲཾ་རུ་ཏྲ་པྲ་བྷཉྫ་ཙཀྲ་ཧཱུཾ་ཕཊ༔ པྲ་བེ་ཤ་ཡ་ཕཊ༔ ཏི་ཧཱུྃ་ཨེ་ཡཾ་སྥ་ར་ཎ་ཕཊ༔ དྲུག་པ་བསྟོད་པ་ནི། ཧཱུྃ༔ དུས་གསུམ་བདེ་གཤེགས་ཆོས་རྣམས་རྫོགས་པའི་དཔལ༔ ཞི་བ་ཡོངས་རྫོགས་ལྷ་ལ་ཕྱག་འཚལ་བསྟོད༔ དུས་གསུམ་བདེ་གཤེགས་ཡོན་ཏན་རྫོགས་པའི་དཔལ༔ ཆེ་མཆོག་ཡོངས་རྫོགས༴ དུས་གསུམ་བདེ་གཤེགས་ཐུགས་མཆོག་རྫོགས་པའི་དཔལ༔ ཡང་དག་ཡོངས་རྫོགས༴ དུས་གསུམ་བདེ་གཤེགས་སུ་ཆོས་རྣམས་མཆོག་རྫོགས་པའི་དཔལ༔ 12b] གཤིན་རྗེ་ཡོངས་རྫོགས༴ དུས་གསུམ་བདེ་གཤེགས་གསུང་མཆོག་རྫོགས་པའི་དཔལ༔ དབང་ཆེན་ཡོངས་རྫོགས༴ དུས་གསུམ་བདེ་གཤེགས་ཕྲིན་ལས་རྫོགས་པའི་དཔལ༔ ཕུར་པ་ཡོངས་རྫོགས༴ དུས་གསུམ་བདེ་གཤེགས་གཟི་བརྗིད་རྫོགས་པའི་དཔལ༔ མ་མོ་ཡོངས་རྫོགས༴ དུས་གསུམ་བདེ་གཤེགས་ཕྱག་རྒྱ་རྫོགས་པའི་དཔལ༔ རིག་འཛིན་ཡོངས་རྫོགས༴ དུས་གསུམ་བདེ་གཤེགས་མངོན་སྤྱོད་རྫོགས་པའི་དཔལ༔ འཇིག་རྟེན་ཡོངས་རྫོགས༴ དུས་གསུམ་བདེ་གཤེགས་དམོད་མཐུ་རྫོགས་པའི་དཔལ༔ དྲག་སྔགས་ཡོངས་རྫོགས༔ ཕྲིན་ལས་བཞི་སྒྲུབ་ཕྱི་ནང་བར་ཆད་སེལ༔ སྒོ་བ་སྒོ་མའི་ཚོགས་ལ་ཕྱག་འཚལ་བསྟོད༔ རྒྱལ་བའི་སྤྱན་སྔར་བསྟན་པའི་གཉེར་བླངས་པའི༔ བཀའ་ཉན་སྲུང་མའི་ཚོགས་ལ་ཕྱག་འཚལ་བསྟོད༔ བླ་མེད་སྐུ་གསུང་ཐུགས་ཀྱི་དངོས་གྲུབ་རྣམས༔ བདག་སོགས་མོས་པའི་བུ་ལ་སྩལ་དུ་གསོལ༔ བདུན་པ་ཛཔྲ་བཟླ་བ་ལ་གསུམ་ལས། དང་པོ་ཞི་བར་བསྙེན་པ་ནི། དཀྱིལ་འཁོར་གཙོ་དགུའི་ལྷ་རྣམས་ཀྱི་དབུ་གཙུག་ཏུ་རིགས་བདག་ཀུན་བཟང་ཡབ་ [13a] ཡུམ་སྤྱི་བོའི་གནས་ལྔར་སོ་སོའི་རིགས་ལྔ་འཁོར་དང་བཅས་པ་བཞུགས་པའི་གནས་གསུམ་འབྲུ་གསུམ་དང་ཐུགས་སྲོག་ས་བོན་སྔགས་ཕྲེང་གིས་བསྐོར་བ། ལྷ་ཐམས་ཅད་ཀྱི་ཞལ་ནས་སྔགས་བཟླས་པའི་ཐུགས་རྒྱུད་བསྐུལ། སྔགས་ཕྲེང་ལས་འོད་ཟེར་འཕྲོས་པས་སྟོང་གསུམ་ཐམས་ཅད་ཞི་བའི་ལྷ་དང་སྔགས་སྒྲས་གང་། ཕྱོགས་བཅུའི་རྒྱལ་བ་སྲས་བཅས་ཀྱི་བྱིན་རླབས་ཚུར་བསྡུས་ནས་ཐིམ་པར་ བསམ་ཞིང་། ཨོཾ་བོ་ངྷི་ཙིཏྟ་མ་ཧཱ་སུ་ཁ་ཛྙཱ་ན་དྷཱ་ཏུ་ཨཱཿཞེས་ཞི་བ་སྤྱི་བསྡུས་ཀྱི་སྙིང་པོ་བཟླ། གཉིས་པ་ཁྲོ་བོར་སྒྲུབ་པ་ལ། དམིགས་པའི་འཕྲོ་འདུ་རྣམ་གྲངས་གསུམ་གྱི། དང་པོ་ཕྲ་མོའི་ཏིང་ངེ་འཛིན་གསལ་བས་རང་གི་གནས་སྦྱོང་བ་ནི། བདག་ཉིད་ཀྱི་ཐུགས་ཙིཏྟ་རིན་པོ་ཆེ་ཟུར་བརྒྱད་པ་མཆོང་གུར་ཕུབ་པ་ལྟ་བུའི་ཀློང་དུ་པད་ཉི་ཟླ་བའི་དཀྱིལ་འཁོར་ལ་ཡེ་ཤེས་སེམས་དཔའ་རྡོར་སེམས་དཀར་པོ་ཚོན་གང་བ། དེའི་ཐུགས་ཁར་རྡོ་རྗེ་སྔོན་པོ་རྩེ་ལྔ་པའི་ལྟེ་བར་ཉི་མ་ལ་གནས་པའི་མི་འགྱུར་བའི་ཐིག་ལ་ཧཱུྃ་ཡིག་གི་མཐར་སྔགས་ཀྱི་ཕྲེང་བ་རྣམས་ཤིན་ཏུ་ཕྲ་བའི་གཟུགས་ཀྱིས་གནས་པ། གཉིས་པ་བཟླས་བརྗོད་འཕྲོ་འདུས་ཡེ་ཤེས་ལྷ་ཉེ་བར་བསྙེན་པ་ནི། བཟླས་པའི་རྐྱེན་གྱིས་ [13b] ཐུགས་ཀའི་སྔགས་ཕྲེང་གྱེན་དུ་བྱུང་། ལྗགས་སྟེང་ཨཱཿལ་བསྐོར། ཤངས་བུག་གཡས་ནས་ཡར་བརྒྱུད། སྤྱི་བོའི་ཨོཾ་ལ་བསྐོར་བ་བྱས་ནས་ཕྱིར་བྱུང་བ་ཤངས་བུག་གཡོན་གྱི་སྒོར་ཐོན། ཡུམ་གྱི་ཤངས་བུག་གཡས་ནས་ལུགས་ཏེ་ཐུགས་ཀའི་ཧཱུཾ་ལ་བསྐོར་ཅིང་གསང་བའི་པདྨོར་བབས། གསུམ་པ་བྱང་སེམས་འཕྲོ་འདུས་དངོས་གྲུབ་ཡུམ་མཁར་བསྡུ་བ་ནི། ཡུམ་མཁའི་སྔགས་ཕྲེང་ལས་འོད་ཟེར་ཕྱོགས་བཅུར་འཕྲོས་པས་རྒྱལ་བ་ཐམས་ཅད་མཆོད། ཐུགས་རྗེ་བྱིན་རླབས་དངོས་གྲུབ་ཐམས་ཅད་བསྡུས་ནས་ཡུམ་གྱིས་པདྨར་བསྐྱིལ་བ་དེ་རྡོ་རྗེའི་ལམ་བརྒྱུད་ཐུགས་ཀའི་ཧཱུཾ་ལ་ཐིམ། སྣོད་བཅུད་དག་པ་ལྷ་དང་གཞལ་ཡས་ཁང་གི་རང་བཞིན་དང་གྲག་སྟོང་རྡོ་རྗེའི་སྔགས་སྒྲས་ཞིང་ཁམས་ཐམས་ཅད་ཡོངས་སུ་གང་བར་ བསམ་ཞིང་། བཟླ་བྱའི་སྔགས་ནི། ཨོཾ་བཛྲ་ཙཎྜ་སརྦ་དུཥྚཱན་ཏ་ཀ་ཧ་ན་ད་ཧ་པ་ཙ་ཧཱུཾ་ཕཊ༔ ཅེས་ཁྲོ་བོ་སྤྱི་བསྡུས་ཀྱི་སྙིང་པོའོ། ། ཨོཾ་བཛྲ་ཀྲོ་དྷ་མ་ཧཱ་ཤྲཱི་ཧེ་རུ་ཀ་ཧཱུཾ་ཕཊ༔ ཆེ་མཆོག་གོ། ཨོཾ་རུ་ལུ་རུ་ལུ་ཧཱུཾ་བྷྱོ་ཧཱུཾ་ཕཊ༔ ཡང་དག་གོ། ཨོཾ་ཨ་ཀྲོ་ཏེ་ཀ་ཡ་མཱནྟ་ཀ་ཧ་ན་མ་ཐ་བྷཉྫ་ཧཱུཾ་ཕཊ༔ གཤིན་རྗེའོ། ། ཨོཾ་པདྨནྟ་ཀྲྀཏ་བཛྲ་ཀྲོ་དྷ་ཧ་ཡ་གྲཱི་ཝ་ཧཱུཾ་ཕཊ༔ རྟ་མགྲིན་ནོ། ། ཨོཾ་བཛྲ་ཀཱི་ལི་ཀཱི་ལ་ཡ་སརྦ་བིགྷྣཱན་ [14a] བཾ་ཧཱུཾ་ཕཊ༔ ཕུར་པའོ། ། ཨོཾ་གུ་ཧྱ་ཛྙཱ་ན་ཤྲཱི་ཧེ་རུ་ཀ་གུ་ཧྱ་ཛྙཱ་ན་ཀྲོ་དྷཱི་ཤྭ་རི་སྟཾ་མ་མ་ཡོ་གི་ནི་རུ་ལུ་རུ་ལུ་ཧཱུཾ་བྷྱོ་ཧཱུཾ་ཕཊཿ མ་མོའོ། ། ཨོཾ་བཛྲ་མ་ཧཱ་གུ་རུ་སརྦ་སིདྡྷི་ཧཱུཾ་ཕཊ༔ རིག་འཛིན་ནོ། ། ཨོཾ་བཛྲ་ཙནྜ་སརྦ་དུཥྚན་ཧཱུཾ་ཕཊ༔ དྲེགས་འདུལ་ལོ། ། ཨོཾ་བཛྲ་སརྦ་དུཥྚན་ཨེ་ཛཿབྷྱོ་ཧཱུཾ་ཕཊ༔ དྲག་སྔགས་སོ། ། ཁྲོཾ་ག་རུ་ཌ་ཧཱུཾ་ཕཊ༔ བྱ་ཁྱུང་ངོ་། ། སརྦ་དྷཱ་ཀི་ནཱི་ས་མ་ཡ་ཧྲཱིཾ་ཧྲཱིཾ་ཧཱུཾ་ཕཊ༔ བཀའ་སྡོད་དོ། །གསུམ་པ་ལས་ལ་སྦྱོར་བ་ནི། ལྷ་ཚོགས་བདུན་བརྒྱ་ཉེར་ལྔའི་ཞལ་ནས་དྲག་སྔགས་འབྲུག་སྒྲ་སྟོང་གསུམ་གང་བར་བསྒྲགས་པས་ཁམས་གསུམ་ཆོས་ཉིད་དུ་བསྒྲལ། བ་སྤུའི་བུ་ག་ཚུན་ཆད་ནས་ཡེ་ཤེས་ཀྱི་མེ་ལྕེ་མགར་གྱི་ཚྭ་ཚྭ་ལྟ་བུར་འཕྲོས་པས་སྣང་སྲིད་མེ་ཕུང་གིས་གང་། ཕྱི་སེམས་ཅན་ཀུན་གྱི་ལས་ཉོན་ཕུང་པོ། ནང་སྒྲུབ་པ་པོའི་རྣམ་རྟོག་འཁྲུལ་འཛིན། བར་གདོན་བགེགས་ལོག་འདྲེན་ཐམས་ཅད་གཞོབ་ཏུ་བསྲེགས་ནས་སྐྱེ་མེད་ཀྱི་དབྱིངས་སུ་ཐིམ་པར་ བསམ་ཞིང་། ཨོཾ་བཛྲ་མ་ཧཱ་ཀྲོ་དྷ་པདྨ་ཀྲོ་དྷི་ཤྭ་རཱི་བཛྲ་ཀཱི་ལི་ཀཱི་ལ་ཡ་མ་ཧཱ་ཡཀྵ་ཀ་ལ་རུ་པ་ཀརྨ་རཾ་རཾ་ཛྭ་ལ་རཾ་ཧཱུཾ་ཕཊ༔ ཅེས་དྲག་སྔགས་སོ་ལྔ་པ་སྟེ། དེ་ལྟར་གཙོ་འཁོར་བསྙེན་སྒྲུབ་ལས་སྦྱོར་གྱི་དབྱེ་བས་ཇི་ཙམ་ནུས་པ་བཟླའོ། །བརྒྱད་པ་སྟོང་ཚིགས་ [14b] ཀྱི་མཆོད་པ་ནི། ཧཱུྃ༔ ཡེ་ཤེས་ལྷ་ཚོགས་སྤྱན་འདྲེན་གཤེགས༔ ཕྱི་ནང་གསང་བའི་མཆོད་ཚོགས་འབུལ༔ སྐུ་གསུང་ཐུགས་ཡོན་ཕྲིན་ལས་བསྟོད༔ ཉམས་ཆག་འགལ་འཁྲུལ་ཅི་མཆིས་བཤགས༔ ཨོཾ་ཨཱཿཧཱུྃ་མ་ཧཱ་ཨ་མྲྀ་ཏ་བ་ལིཾ་ཏ་རཀྟ་ཁཱ་ཧི༔ ཞེས་བཟླས་པའི་བར་མཚམས་སོ་སོར་མཆོད་པ་བྱའོ། །དགུ་པ་དངོས་གྲུབ་བླང་བ་ནི་འཁྲུགས་བསྡེབས་ཀྱི་དགོངས་པས་འོག་ཏུ་འཆད་དོ། །སྤྱི་དོན་གསུམ་པ་རྗེས་ཀྱི་ལས་རིམ་ལ་དགུ་ལས། དང་པོ་ཚོགས་ཀྱི་མཆོད་པ་ནི། ཞིང་ལྤགས་ཀྱི་ཁར་ཐབས་ཤེས་ཀྱི་དམ་རྫས་གཙོ་བོར་གྱུར་པའི་བཟའ་བཏུང་གི་ཡོ་བྱད་ཅི་འབྱོར་པ་བཤམས་ལ། བྱིན་གྱིས་བརླབ་པ་ནི། ཨོཾ་ཨུཙྪུཥྨ་བཻ་ཏཱ་ལི་ཀྲོ་དྷཱ་ནི་སརྦ་དྲ་བྱཾ་སཾ་ཤོ་དྷཱ་ནི་ཧཱུྃ་ཕཊ་སྭཱ་ཧཱ༔ ཧཱུཾ༔ རྡོ་རྗེ་ལྟ་བུའི་ཡེ་ཤེས་ཀྱིས༔ ཆོས་ཀུན་ཐམས་ཅད་སྒྱུ་མར་རིགས༔ རིག་པའི་ཡེ་ཤེས་རཾ་ཡཾ་ཁཾ༔ ཚོགས་ཀྱི་དངོས་པོ་བསྲེག་སྦྱང་བཀྲུ༔ རྃ་ཡྃ་ཁྃ༔ ཚོགས་ཀྱི་ཡོ་བྱད་སྟོང་པའི་ངང་༔ ཆ་དང་མ་ལས་ཉི་ཟླ་ཡི༔ སྣོད་དུ་འབྲུ་གསུམ་ཞུ་བ་ལས༔ འདོད་ཡོན་ལྔ་ལྡན་ཕུང་པོར་གྱུར༔ ཨོཾ་ཨཱཿཧཱུྃ༔ ཚོགས་ཞིང་སྤྱན་འདྲེན་པ་ནི། ཧཱུཾ༔ རྒྱལ་བ་ཞི་ཁྲོའི་ལྷ་ཚོགས་རྣམས༔ ཡེ་ཤེས་རོལ་པའི་ཚོགས་ལ་གཤེགས༔ དམ་ཚིག་དཀྱིལ་འཁོར་གནས་ [15a] འདིར་བཞུགས༔ བདག་དང་གུས་པས་ཕྱག་འཚལ་ལོ༔ ཧཱུྃ༔ གཟུགས་སྒྲ་དྲི་རོ་རེག་བྱ་ཆོས༔ མཛེས་སྙན་དྲི་ཞིམ་རོ་བདའ་ཞིང་༔ རེག་བདེ་གླུ་གར་ཆོས་ཡིད་ཚིམ༔ འདོད་ཡོན་མཆོད་པས་ཐུགས་དམ་བསྐང་༔ དེ་ནས་ཚོགས་ཕུད་རིམ་པ་གསུམ་དུ་སྤྲོས་པས་ཆ་དང་པོ་མཆོད་པ་ནི། ཧཱུྃ༔ བླ་མེད་མཆོག་གི་མཆོད་སྦྱར་བས༔ ཡེ་ཤེས་ལྔ་ཡི་འོད་ཟེར་འཕྲོ༔ འདོད་ཡོན་ལྷ་མོས་རབ་བརྒྱན་འབུལ༔ དམ་སྐོང་དབང་དང་དངོས་གྲུབ་སྩོལ༔ ཨོཾ་ན་མཿསརྦ་ཏ་ཐཱ་ག་ཏེ་བྷྱོ་བི་ཤྭ་མུ་ཁེ་བྷྱོཿསརྦ་ཐཱ་ཁཾ་ཨུཏྒ་ཏེ་སྥ་ར་ཎ་ཨི་མཾ་ག་ག་ན་ཁཾ་སྭཱ་ཧཱ༔ བར་པ་བཤགས་པ་ནི། ཧཱུཾ༔ མ་རིག་བདག་ཅག་ལུས་ངག་སེམས༔ བདག་མེད་དམ་འགལ་འབྱོར་ཚོགས་ཆུང་༔ བླ་མ་ཡི་དམ་མཁའ་འགྲོ་ཡི༔ ཐུགས་དང་འགལ་གྱུར་བཟོད་པར་གསོལ༔ ཨ་ཧོ་མ་ཧཱ་སུ་ཁ་ས་མ་ཡ་ ཧོཿ ཐ་མ་བསྒྲལ་བསྟབ་ནི། དམིགས་བྱའི་གཟུགས་བརྙན་བཅས་ལ། ན་མོ་རིག་འཛིན་རྩ་བརྒྱུད་ཀྱི་དཔལ་ལྡན་བླ་མ་དམ་པ་རྣམས་ཀྱི་བཀའ་བདེན་པ་དང་། སངས་རྒྱས་ཀྱི་བཀའ༴ ཆོས་ཀྱི་བཀའ༴ དགེ་འདུན་གྱི་བཀའ༴ གསང་སྔགས་དང་རིག་སྔགས་དང་གཟུགས་སྔགས་ [15b] དང་སྙིང་པོ་དང་ཕྱག་རྒྱ་དང་ཏིང་ངེ་འཛིན་གྱི་བདེན༴ ཆོས་ཉིད་གདོད་ནས་སྟོངས་ཀྱང་ཆོས་ཅན་རྒྱུ་འབྲས་བསླུ་བ་མེད་པའི་བདེན༴ ཁྱད་པར་བཅོམ་ལྡན་འདས་བདེ་གཤེགས་སྒྲུབ་པ་བཀའ་བརྒྱད་ཀྱི་ལྷ་ཚོགས་འཁོར་དང་བཅས་པའི་བཀའ་བདེན་པ་དང་། བདེན་པ་ཆེན་པོའི་མཐུ་ལ་བརྟེན་ནས་བསྟན་དང་འགྲོ་བའི་སྤྱི་དགྲ། ཁྱད་པར་རིག་པ་འཛིན་པ་བདག་ཅག་ཡོན་མཆོད་འཁོར་དང་བཅས་པ་རྣམས་ལ་སྔ་དགྲ་ལག་གིས་བརྡར་བ། ཕྱི་དགྲ་ཡིད་ལ་སེམས་པ། ད་དགྲ་ཐད་དུ་འཛུགས་པའི་གཟུགས་ཅན་སྡང་བའི་དགྲ་དང་། གཟུགས་མེད་ལནོད་བྱེད་བགེགས་ཀྱི་ཚོགས་དང་བཅས་པ་ཐམས་ཅད་སྲིད་པ་གསུམ་གྱི་ཁོངས་གར་གནས་གར་བྲོས་ཀྱང་སྐད་ཅིག་ཡུད་ཙམ་ལ་དམིགས་པའི་རྟེན་འདི་ལ་ཁུག་ཅིག ། དྲག་སྔགས་སོ་ལྔ་པའི་མཐར། ཨཱ་ཀརྵ་ཡ་ཛཿ ཛཿཧཱུྃ་བཾ་ཧོཿ ཞེས་དགུག་གཞུག་བྱས་ལ། ཕུར་ཐུན་བསྐུལ་བ་ནི། ཧཱུྃ༔ ཆོས་ཀྱི་དབྱིངས་ནས་རང་བྱུང་གྲུབ་པའི་ལྷཿ ཁྲོ་བོ་རོལ་པའི་དུར་ཁྲོད་ཆེན་པོ་ནས༔ ཤིན་ཏུ་མི་བཟད་རབ་འཇིགས་སྐུར་སྟོན་པ༔ དཔལ་ཆེན་ཡོངས་རྫོགས་དྲག་པོའི་ཕྲིན་ལས་མཛོད༔ ཧཱུཾ༔ ང་ [16a] ནི་དཔལ་ཆེན་ཧེ་རུ་ཀ༔ སྲས་འཁོར་སྤྲུལ་པ་བྱེ་བ་འབུམ༔ བཀའ་སྡོད་རབ་འཇིགས་ཕོ་ཉར་བཅས༔ བཀའ་བརྒྱད་ལྷ་ཚོགས་དུས་ལ་བབ༔ གཡས་ཀྱི་ཕྱག་ན་ཕུར་པ་འདྲིལ༔ གཡོན་གྱི་ཕྱག་ན་ལྕགས་ཀྱུས་འགུགས༔ ལྕགས་ཀྱུས་ཟུངས་ལ་ཕུར་བུས་ཐོབ༔ གནོད་བྱེད་དགྲ་བགེགས་རྡུལ་དུ་རློག༔ དྲག་སྔགས་སོ་ལྔའི་མཐར། སརྦ་ནྲྀ་ཏྲི་ཤ་ཏྲུཾ་མཱ་ར་ཡ་རྦད༔ ཅེས་བསྒྲལ། ཞལ་དུ་བསྟབ་པ་ནི། ཧཱུཾ༔ དཔལ་ཆེན་ཁྲག་འཐུང་ལྷ་ཚོགས་ཞལ་ཕྱེས་ཤིག༔ བག་ཆགས་ཀུན་སྦྱོང་འཁོར་བའི་ལམ་དགག་ཕྱིར༔ དགྲ་བགེགས་བསྒྲལ་བའི་དུག་གསུམ་ཤ་ཁྲག་རུས༔ ཟ་བྱེད་མི་འགྱུར་ཆོས་ཉིད་ཀློང་དུ་རོལ༔ བཛྲ་ཡཀྵ་ཀྲོ་དྷ་མི་ཛ་ཡ་ཁཱ་ཧི༔ དེ་ནས་བརྡ་དང་བརྡའི་འབུལ་ལེན་དང་བཅས་ཚོགས་ཀྱི་དམ་རྫས་ནང་གི་སྲེག་བླུག་ཏུ་རོལ། ལྷག་མ་གཏོང་བ་ནི། དམེ་གཏོར་ལ་གཙང་ཕུད་ཀྱི་རས་མ་སྦྲན་ཅིང་དམ་ཚིག་གི་ཁ་ཕྲུ་བཏབ་ལ། ཨོཾ་ཨཱཿཧཱུཾ་པཉྩ་ཨ་མྲྀ་ཏ་ཧཱུྃ་ཧ་ཧོ་ཧྲཱིཿ ལྷག་མའི་དམ་ཚིག་འདོད་ཡོན་གྱི་ཕུང་པོ་ཟད་མི་ཤེས་པས་ནམ་མཁའ་གང་བར་ བསམ། ཨེ་ཨཱ་རལླི་ཧྲཱིཾ་ཧྲཱིཾ་ཛཿ ས་མགྲོན་བོས་ལ། ཨོཾ་བཛྲ་པུཥྤེ་ སོགས་ཉེར་སྤྱོད་ལྔས་མཆོད་ནས། ཧཱུྃ༔ དང་པོ་ཕུད་ཀྱིས་མི་མཆོད་དུ༔ བཀའ་བརྒྱད་ [16b] ཡོངས་རྫོགས་ལྷ་རྣམས་གཉན༔ བར་དུ་ལྷག་མས་མི་མཆོད་དུ༔ མ་དང་མཁའ་འགྲོ་ལྷག་ལ་དགྱེས༔ ཐ་མ་གཅིག་ཏུ་མི་བསྲེ་རྒྱུ༔ ཆོས་ཉིད་ཡེ་ནས་རྒྱུ་འབྲས་གཅིག༔ ཧཱུཾ༔ དཔལ་གྱི་བཀའ་ཉན་ལྷག་སྡུད་མ༔ རིགས་བཞིའི་མཁའ་འགྲོ་ཤུགས་འགྲོར་བཅས༔ དབང་ཕྱུག་ཆེན་མོ་ཉེར་བརྒྱད་དང་༔ མཁའ་འགྲོ་སུམ་ཅུ་རྩ་གཉིས་དང་༔ སྐྱེ་མཆོག་གིང་ཆེན་བཅོ་བརྒྱད་དང་༔ མ་བདུན་སྲིང་བཞི་འབར་མ་བརྒྱད༔ ཕོ་ཉ་དྲུག་ཅུ་རྩ་བཞིའི་ཚོགས༔ ལངྐ་དུར་ཁྲོད་བདག་མོ་དང་༔ འབུམ་ཕྲག་ཡངས་པའི་མཁའ་འགྲོ་མ༔ ལྷ་སྲིན་སྡེ་བརྒྱད་ཐམས་ཅད་ཀྱང་༔ དམ་ཚིག་བསྲུང་ཞིང་མཁའ་ལ་འགྲོ༔ ཟས་སུ་ཤ་དང་ཁྲག་ལ་དགྱེས༔ ལས་སུ་གསོད་དང་གཅོད་ལ་བརྩོན༔ ཤ་ཁྲག་ལྷག་གཏོར་འདི་བཞེས་ལ༔ སྔོན་ཚེ་དཔལ་གྱི་བཀའ་བཞིན་དུ༔ བཅོལ་བའི་ཕྲིན་ལས་སྒྲུབ་པར་མཛོད༔ ཨོཾ་མ་ཧཱ་ཤྲཱི་ཧེ་རུ་ཀ་ས་མ་ཡ་དེ་བི་ཀྲོ་དྷ་སརྦ་བ་ལིཾ་ཏ་ཁ་ཁ་ཁཱ་ཧི་ཁཱ་ཧིཿ ཨོཾ་ཨཱཿཧཱུཾ་ཨུཙྪིཥྚ་བཛྲ་ཨ་ཏིཥྛ་ས་མུ་དྲ་ཀྲཱ་མ་ས་མ་ཡ་ཧཱུྃ་ཕཊ༔ ཧཱུཾ་ཧཱུཾ་ཧཱུཾ༔ ཧྲཱིཿཧྲཱིཿཧྲཱིཿ བྷྱོ་བྷྱོ་བྷྱོཿ ཨ་རལླི་ཛཿ ཞེས་སྒྲུབ་ཁང་གི་ལྷོ་ནུབ་ཟ་ལམ་དུ་བསྐྱལ་ལོ། །གཉིས་ [17a] པ་ཐུགས་དམ་བསྐུལ་བ་ནི། ཧཱུཾ༔ མི་མངོན་དབྱིངས་ན་བཞུགས་པ་རྒྱལ་བ་ཞི་ཁྲོའི་ཚོགས༔ ཨཱཿ བཞེངས་ཤིག་བཞེངས་ཤིག་ཆོས་ཀྱི་དབྱིངས་ནས་བཞེངས༔ ཨོཾ༔ བསྐུལ་ལོ་བསྐུལ་ལོ་སེམས་ཅན་དོན་ལ་བསྐུལ༔ ཧྲཱིཿ མཛོད་ཅིག་མཛོད་ཅིག་བཅོལ་བའི་ཕྲིན་ལས་མཛོད༔ ཨཱཿ ཆོས་སྐུ་སྐྱེ་བ་མེད་པའི་ངང་ཉིད་ལས༔ ཨོཾ༔ སྐྱེ་བའི་ཆོ་འཕྲུལ་ལོངས་སྤྱོད་རྫོགས་པའི་སྐུ༔ ཧཱུཾ༔ སྤྲུལ་སྐུས་འགྲོ་བ་སེམས་ཅན་དོན་མཛད་པ༔ ཧྲཱིཿ ཞི་ཁྲོ་བཀའ་བརྒྱད་ལྷ་ཚོགས་ཐུགས་དམ་ཅན༔ ཨོཾ༔ གཟུགས་སྣང་ཐམས་ཅད་སྐུ་ཡི་རང་བཞིན་ལ༔ ཨཱཿ སྒྲ་གྲགས་ཐམས་ཅད་གསུང་གི་ངོ་བོར་སྣང་༔ ཧཱུྃ༔ དྲན་རྟོག་ཐམས་ཅད་ཐུགས་ཀྱི་དགོངས་པར་འདུས༔ ཧྲཱིཿ ཕྱོགས་བཅུ་དུས་བཞིའི་བདེ་གཤེགས་བཅོམ་ལྡན་འདས༔ སྒྲུབ་པ་བཀའ་བརྒྱད་དཔལ་གྱི་བཀའ་སྡད་བཅས༔ མི་མངོན་དབྱིངས་ནས་གནས་འདིར་སྐུ་སྐྱོད་ཅིག༔ དམ་རྫས་བདུད་རྩི་འབར་བ་འདི་བཞེས་ལ༔ ཐུགས་དམ་རྒྱུད་བསྐུལ་བཅོལ་བའི་ཕྲིན་ལས་མཛོད༔ གསུམ་པ་ཆད་མདོ་བསྒྲག་པ་ནི། གཏོར་མ་ལ་སྨན་རཀ་སྦྲན་ཅིང་། ཧཱུཾ་བྷྱོ༔ སྔོན་ཚེ་ [17b] འདས་དུས་བསྐལ་པ་དང་པོ་ལ༔ འོག་མིན་དགའ་ལྡན་གནས་མཆོག་དམ་པ་རུ༔ བཅོམ་ལྡན་དཔལ་ཆེན་ཁྲག་འཐུང་ཆེན་པོ་ཡིས༔ སྣང་སྲིད་མ་མོ་དམ་ལ་བཏགས་པའི་ཚེ༔ གཽ་རི་ལ་སོགས་གནས་ཀྱི་མ་མོ་བརྒྱད༔ སེཾ་ཧ་ལ་སོགས་ཡུལ་གྱི་ཕྲ་མེན་བརྒྱད༔ རྟ་གདོང་ལ་སོགས་ཡེ་ཤེས་སྒོ་མ་བཞི༔ སོ་སོའི་གཟུགས་མཆོག་དམ་པ་བསྟན་ནས་ཀྱང་༔ ཇི་ལྟར་ཞལ་བཞེས་དམ་ལས་མ་གཡེལ་བར༔ མཆོད་གཏོར་འདི་བཞེས་བཅོལ་བའི་ཕྲིན་ལས་མཆོད༔ དེ་འོག་བར་གྱི་བསྐལ་པ་དབུས་མ་ལ༔ བལ་ཡུལ་ཡང་ལེ་ཤོད་ཀྱི་དབེན་གནས་སུ༔ སློབ་དཔོན་ཆེན་པོ་པདྨ་འབྱུང་གནས་དང་༔ སློབ་མ་མཁས་པ་བི་མ་མི་ཏྲ་ཡིས༔ རྡོ་རྗེ་དབྱིངས་ཀྱི་དཀྱིལ་འཁོར་ཞལ་ཕྱེས་ཚེ༔ རྡོ་རྗེ་རིགས་ཀྱི་སྲུང་མ་ཡོངས་འདུས་ནས༔ སོ་སོའི་གཟུགས་མཆོག༴ ཇི་ལྟར༴ མཆོད་གཏོར༴ དེ་འོག་བསྐལ་པ་དུས་ཀྱི་ཐ་མ་ལ༔ བསམ་ཡས་ལྷུན་གྱིས་གྲུབ་པའི་གཙུག་ལག་ཏུ༔ སློབ་དཔོན་ཆེན་པོ་པདྨ་འབྱུང་གནས་དང་༔ སློབ་མའི་དྭངས་མ་རྗེ་འབངས་མི་དགུ་ཡིས༔ ཞི་ཁྲོ་ཡོངས་རྫོགས་དཀྱིལ་འཁོར་ཞལ་ཕྱེས་ཚེ༔ སྒྲུབ་པ་བཀའ་བརྒྱད་དམ་ཅན་ཡོངས་འདུས་ནས༔ [18a] སོ་སོའི༴ ཇི་ལྟར༴ མཆོད་གཏོར༴ དེ་འོག་ལྔ་བརྒྱ་དུས་ཀྱི་སྙིགས་མ་ལ༔ དཔལ་རི་པདྨ་འོད་ཀྱི་གཞལ་ཡས་སུ༔ སློབ་དཔོན་ཆེན་པོ་པདྨ་ཐོད་ཕྲེང་དང་༔ བཀའ་བབས་གཏེར་སྟོན་རིག་འཛིན་རྣམ་དགུ་ཡིས༔ གསང་བ་སྒྲུབ་ཆེན་དཀྱིལ་འཁོར་ཞལ་ཕྱེས་ཚེ༔ དྲེགས་པའི་སྡེ་དཔོན་ཆེན་པོ་སུམ་ཅུ་ཡིས༔ སོ་སོའི༴ ཇི་ལྟར༴ མཆོད་གཏོར་འདི་བཞེས་བཅོལ་བའི་ཕྲིན་ལས་མཛོད༔ བཞི་པ་བརྟན་མ་སྐྱོང་བ་ནི། གཏོར་མ་ ཨོཾ་ཨཱཿཧཱུཾ་ གིས་བརླབས་ཏེ། ཧཱུཾ༔ བསྟན་པ་སྐྱོང་མཛད་མ་དང་སྲིང་༔ དཔལ་གནས་མ་དང་ཡང་དག་ཤེས༔ ཁྱུང་བཙུན་ཀོང་ལྷ་གཡུ་བུན་མ༔ མེ་ཏོག་ཟླ་འོད་བྱང་རྒྱལ་མ༔ གསེར་ཐང་ཀུན་བཟང་ཤཱིནྟཾ་དཔལ༔ ཀླུ་མོ་གཟི་འབར་ལ་སོགས་པའི༔ བརྟན་མ་བཅུ་གཉིས་གཏོར་མ་ལོངས༔ མི་མཐུན་གནོད་པའི་ཕྱོགས་རྣམས་ཟློག༔ ཨོཾ་ཨཱཿཧཱུཾ་བཛྲ་ཨ་མྲྀ་ཏ་ཁཱ་ཧིཿ མ་མ་ཧྲཱིཾ་ཁཱ་ཧི་ཁཱ་ཧི༔ ལྔ་པ་བྲོ་བརྡུང་བ་ནི། ཨེ་ནྲྀ་ཏྲི་སརྦ་ཤ་ཏྲུཾ་བིགྷྣཱན་ཛཿཧཱུཾ་བཾ་ཧོཿ ས་དམིགས་བྱ་བཀུག་ནས་མནན་པར་བསམ་ལ། ཧཱུཾ༔ ཞི་ཁྲོ་བཀའ་བརྒྱད་རོལ་པའི་བྲོ༔ དགྲ་བགེགས་དམ་སྲིའི་སྟེང་དུ་བརྡུང་༔ གཡས་སུ་བསྐོར་ཏེ་དགྲ་ལ་བརྡུང་༔ དགྲ་ཡང་ཕྱེ་མར་ [18b] འཐགས་པའི་བྲོ༔ གཡོན་དུ་བསྐོར་ཏེ་བགེགས་ལ་བརྡུང་༔ བགེགས་ཀྱང་དུམ་བུར་གཏུབ་པའི་བྲོ༔ གཡས་གཡོན་ཐབས་དང་ཤེས་རབ་བྲོ༔ རུ་དྲ་དམ་སྲི་ཐལ་བར་རློག༔ ཨོཾ་ལཾ་ཧཱུྃ་ལཾ་སྟྭཾ་བྷན་ཡ་ནན༔ འདིར་དངོས་གྲུབ་བླང་བ་ནི། ཧཱུཾ༔ ལྷ་དང་རིག་འཛིན་མཁའ་འགྲོ་དགོངས༔ འདིར་འདུས་རིག་འཛིན་བདག་ཅག་རྣམས༔ སྨིན་གྲོལ་གཉིས་ཀྱིས་རྒྱུད་སྦྱང་ཞིང་༔ བསྐྱེད་རྫོགས་གཉིས་ཀྱི་ལས་གཞུང་བསྲངས༔ བསྙེན་སྒྲུབ་རྣམ་གསུམ་མཐའ་རུ་ཕྱིན༔ ལས་དང་ཐུགས་རྗེ་མཐུན་པ་ཡི༔ ཞི་རྒྱས་དབང་དྲག་ཡིད་བཞིན་གཏེར༔ སྐུ་གསུང་ཐུགས་ཀྱི་དངོས་གྲུབ་སྩོལ༔ ཨོཾ་ཨཱཿཧཱུཾ་ཀཱ་ཡ་ཝཱ་ཀ་ཙིཏྟ་སིདྡྷི་སིདྡྷི་ཧཱུཾ་ཨ༔ དྲུག་པ་ནོངས་པ་བཤགས་པ་ནི། གཏང་རག་གི་མཆོད་བསྟོད་མདོར་བསྡུས་སྔོན་དུ་འགྲོ་བས། མ་རྙེད་ཡོངས་སུ་མ་ཚང་དང་། །གང་ཡང་ནུས་པ་མ་མཆིས་པས། །འདིར་ནི་བགྱི་བ་གང་ནོངས་པ། །དེ་ཀུན་ཁྱོད་ཀྱིས་བཟོད་མཛད་རིགས། ། ཞེས་ཡི་གེ་བརྒྱ་པ་དང་དབྱངས་གསལ་བཟླ། བདུན་པ་དཀྱིལ་འཁོར་བསྡུ་བ་ནི། མདུན་དཀྱིལ་དང་འབྲེལ་བའི་ཚེ། ཧཱུཾ༔ དང་པོ་ཆོས་སྐུ་སྐྱེ་མེད་ངང་ཉིད་ལས༔ འགྲོ་དོན་སྐྱེ་བའི་ཆོ་འཕྲུལ་ཚོམ་བུ་དགུ༔ ཞི་ཁྲོ་ཡོངས་རྫོགས་འགྲོ་བ་ཀུན་བཏུལ་ནས༔ སླར་ཡང་ཆོས་དབྱིངས་རྣམ་དག་ཀློང་ [19a] དུ་བསྡུ༔ ཨོཾ་ཨཱཿཧཱུྃབཛྲ་མུཿ ཞེས་བསྡུ། དམ་ཚིག་གི་དཀྱིལ་འཁོར། ཧཱུྃ་ཧཱུྃ་ཧཱུྃ། སྣང་སྲིད་ཐམས་ཅད་འོད་དུ་ཞུ་ནས་གཞལ་ཡས་ཁང་ལ་ཐིམ། གཞལ་ཡས་ཁང་འཁོར་གྱི་ལྷ་ཚོགས་ལ་ཐིམ། འཁོར་རྣམས་རིམ་གྱིས་གཙོ་བོ་ལ་ཐིམ། གཙོ་བོ་ཡེ་ཤེས་སེམས་དཔའ་ལ་ཐིམ། ཡེ་ཤེས་སེམས་དཔའ་ཏིང་འཛིན་སེམས་དཔའ་ལ་ཐིམ། དེ་དྭངས་མའི་སྲོག་ཧཱུཾ་ལ་ཐིམ། ཧཱུཾ་གྱེན་རྫོགས་ན་ད་མི་དམིགས་པའི་ངང་དུ་ མཉམ་པར་བཞག་པས་རྟག་མཐའ་བསལ། དེ་ལས་ལྡང་བ་ན། ཕཊ་ཕཊ་ཕཊ། སྟོང་གསལ་གྱི་ངང་ལས་བདག་ཉིད་ཆུ་ལས་ཉ་ལྡང་བའི་ཚུལ་དུ་དཔལ་ཆེན་པོ་ཆེ་མཆོག་ཧེ་རུ་ཀ་ཞལ་གཅིག་ཕྱག་གཉིས་པ་རྡོ་རྗེ་དང་ཐོད་ཁྲག་འཛིན་པ་ཁྲོ་བོའི་ཆས་ཐམས་ཅད་ཀྱིས་བརྒྱན་པའི་སྐུར་གྱུར་པའི་སྤྱི་བོར་ཨོཾ། མགྲིན་པར་ཨཱཿ སྙིང་གར་ཧཱུྃ་ཡིག་གིས་མཚན་པར་ བསམ་པས་ཆད་མཐའ་བསལ། རང་གི་ལུས་རྡོ་རྗེ་གོ་ཁྲབ་ཀྱིས་ཞུ་ལུགས་སུ་གཡོགས་པར་ བལྟས་ལ། ཅིས་ཀྱང་མི་ཚུགས་མི་ཤིགས་པའི༔ སྟོང་པའི་གོ་ཆ་བླ་ན་མེད༔ མཚན་མའི་ཡུལ་ཀུན་བཅོམ་ནས་ནི༔ ཐམས་ཅད་དུ་ནི་རྒྱས་པར་གནས༔ ཨོཾ་བཛྲ་ཀཱ་ཝཱ་ཙི་རཀྵ་རཀྵ་ཧཱུཾ༔ ཞེས་གོ་ཆ་བགོ། ཧཱུཾ༔ ངར་འཛིན་རྣམ་དག་སྒྱུ་ [19b] ལུས་འཇའ་འདྲ་འདི༔ དཔལ་ཆེན་སྐུ་གསུང་ཐུགས་ཀྱིས་རྒྱས་བཏབ་སྟེ༔ བདེན་པ་དབྱེར་མེད་ལྷ་སྤྱོད་ཟུང་འབྲེལ་བས༔ རྒྱུན་དུ་འགྲོ་བ་འདྲེན་པའི་སྤྱོད་ལམ་བྱའོ༔ ཨོཾ་ཨཱཿཧཱུཾ་བཛྲ་ཧྲཱིཿ ཞེས་རྒྱུན་གྱི་སྤྱོད་ལམ་བསྐྱང་། བརྒྱད་པ་སྨོན་ལམ་གདབ་པ་ནི། ཧོཿ བསོད་ནམས་ཡེ་ཤེས་ཚོགས་གཉིས་མཐུ་བྱིན་གྱིས༔ བདག་གཞན་འགྲོ་བ་མ་ལུས་ཐམས་ཅད་ཀུན༔ ཞི་རྒྱས་དབང་དྲག་ཕྲིན་ལས་མངའ་བརྙེས་ཤིང་༔ སྐུ་གསུམ་ལྷུན་གྲུབ་འགྲོ་དོན་མཐར་ཕྱིན་ཤོག༔ དགུ་པ་བཀྲ་ཤིས་བརྗོད་པ་ནི། མེ་ཏོག་གི་ཆར་དབབ་ལ། ཧཱུཾ༔ བདེ་གཤེགས་ཞི་བ་ཡེ་ཤེས་རིགས་ལྔའི་དབྱིངས༔ ཁྲག་འཐུང་ཁྲོ་བོ་ཚོམ་བུ་དགུ་རུ་སྟན༔ མ་མོ་མཁའ་འགྲོ་དཔལ་ཀྱི་བཀའ་སྡོད་བཅས༔ ཡོངས་རྫོགས་དཀྱིལ་འཁོར་ལྷ་ཡི་བཀྲ་ཤིས་ཤོག༔ ཅེས་སོགས་ཤིས་པ་རྒྱ་ཆེར་བརྗོད་པས་བདེ་ལེགས་སུ་བྱསོ། །འདིའི་སྨིན་བྱེད་གསང་སྔགས་སྔ་ཕྱི་བར་གསུམ་གྱིས་མཚོན་ལུགས་སྲོལ་དགུ་པོ་གང་གི་སྒོ་ནས་ཐོབ་ཀྱང་ཆོག་ལ། རྫོགས་རིམ་གྱི་མན་ངག་བདེ་འདུས་རྩ་རླུང་ཐིག་ལེ་སེམས་དང་ཡེ་ཤེས་ལ་བརྟེན་པའི་ཁྲིད། གསང་རྫོགས་རིམ་པ་ལྔ་པ། རང་ཤར་གནམ་ཞལ་དོན་ཁྲིད་རྣམས་མཚན་གྱི་བྱེ་བྲག་ཙམ་ལས་དོན་གཅིག་པའི་ཕྱིར་གང་ལ་མོས་པ་ལྟར་རམ། དེང་ [20a] གསུམ་ཀའི་ཁྲིད་རྒྱུན་གྱི་ཆུ་བོ་གཅིག་ཏུ་འདྲེས་ཤིང་ཉེ་བརྒྱུད་བྱིན་རླབས་ངོ་མཚར་རྨད་དུ་བྱུང་བ་མཁྱེན་བརྩེའི་གྲུབ་ཐོབ་བཀའ་བརྒྱད་ཀྱི་རིམ་ལྔའི་ཁྲིད་ཡིག་ཟབ་ལམ་སྙིང་པོ་ལྟར་ཉམས་སུ་བླང་ན་མཆོག་ཏུ་འགྱུར། བསྙེན་ཐབས་ཀྱི་མན་ངག་བཀའ་བརྒྱད་བསྙེན་ཡིག་སྤྱིར་གོ་དོན་ཆགས་པའི་སྒོ་ནས་མཚན་མའི་བསྙེན་པ་ལ་ཚད་ངེས་བཟུང་མེད་ཅིང་། གྲངས་ཀྱི་དབང་དུ་བྱས་ན། ཞི་བསྙེན་འབུམ་ཕྲག་གསུམ། སྒྲུབ་སྔགས་ཁྲོ་བོ་སྤྱི་དྲིལ་འབུམ་ཕྲག་བཞི་དང་སྒོས་ཛཔྲ་རྣམས་ཇི་ཙམ་ནུས་པ། ལས་སྦྱོར་དྲག་སྔགས་སོ་ལྔ་པ་ཁྲི་ཕྲག་བཞི་བཟླས་པས་སྤྱིར་བཏང་གི་བསྙེན་ཚད་ཐེམས་པ་ཡིན་ལ། དུས་བསྙེན་འབྲེལ་འཇོག་ཟླ་གཅིག་མ་ལྟ་བུ་ལ་མཚོན་ན། བདུན་གཅིག་ལ་ཞི་བར་བསྙེན་པ། བདུན་གསུམ་ཁྲོ་སྒྲུབ་སྤྱི་དྲིལ། རྗེས་ཉིན་གསུམ་ལ་ལས་སྦྱོར་དྲག་སྔགས་སོ་ལྔ་པ་བཟླ་སྟེ། དེས་ཀྱང་བསྙེན་སྒྲུབ་ལས་རུང་ཙམ་དུ་འགྱུར་རོ། །གཞན་དུ་ཚོམ་བུ་ཚོགས་སྒྲུབ་བྱ་བར་འདོད་ན་བདེ་འདུས་སམ་གྲུབ་ཐོབ་བཀའ་བརྒྱད་སྒྲུབ་ཁོག་ལྟ་བུས་ཁོག་ཕུབ་པས་ལག་ཏུ་ལེན་ཅིང་། དམ་རྫས་བདུད་རྩི་སྒྲུབ་པར་འདོད་ནའང་སྤྲོས་པས་ཆོག་སྟེ་གང་ཡང་མན་ངག་གི་གནད་མཐོང་བརྒྱུད་ཀྱིས་གཏན་ལ་ཕབ་པའི་སྒོ་ནས་ཉམས་སུ་བླངས་པས་དོན་འགྲུབ་པར་འགྱུར་བ་ཡིན་ནོ། །བདེ་གཤེགས་དགོངས་པ་མ་ལུས་འདུས་ [20b] པའི་ཕུལ། །གསང་བ་ཡོངས་རྫོགས་སྒྲུབ་ཆེན་བཀའ་བརྒྱད་ཀྱི། །གདམས་སྲོལ་ཆུ་བོ་དགུ་ཡི་བཀའ་བབས་རྒྱུན། །སྐལ་བཟང་བདག་བློའི་རྒྱ་མཚོར་རོ་གཅིག་སྨིན། །དྲུག་ལྡན་བརྒྱུད་པའི་མན་ངག་སྒྲུབ་སྡེའི་ལུང་། །ཟབ་དོན་བཅུད་དུ་དྲིལ་བའི་ཉིང་ཁུ་གང་། །མཆོག་འདོད་སྲོག་གི་ཟུངས་སུ་འདིར་ཕྱུངས་ཀྱི། །སྔགས་རིག་འཛིན་རྣམས་སྤྲོ་བས་དེང་ལོངས་ཤིག །གསང་འཛིན་ཌཱ་ཀིའི་ཚོགས་རྗེ་ཐོད་ཕྲེང་རྩལ། །གང་གིས་ཐུན་མིན་དབུགས་དབྱུང་སྩལ་ལས་འདིར། །ཇི་སྙེད་ཟབ་གཏེར་ཆོས་མཛོད་རང་དབང་དུ། །སྤྱོད་པའི་སྤོབས་པ་གཟེངས་སུ་མཐོ་བ་སྙམ། །འདིས་ཐོབ་བསོད་ནམས་རྡུལ་བྲལ་གངྒཱའི་རྒྱུན། །བྱང་ཆེན་མཆོག་གི་རྒྱ་མཚོར་ཡོངས་སྨིན་ཏེ། །མི་གནས་ཟུང་འཇུག་ཡེ་ཤེས་ཀློང་དགུའི་བདག །ཧེ་རུ་ཀ་དཔལ་རྒྱལ་ཐབས་ཆེ་བརྙེས་ཤོག །དེ་ལྟར་བདེ་གཤེགས་སྒྲུབ་པ་བཀའ་བརྒྱད་ཀྱི་ཕྲིན་ལས་སྙིང་པོ་དཔལ་ཆེན་ཐུགས་ཀྱི་ཐིག་ལེ་ཞེས་བྱ་བ་འདི་ཡང་། རིག་སྔགས་འཆང་བའི་རྣལ་འབྱོར་པ་འཁྲུལ་ཞིག་རྡོ་རྗེས་བསྐུལ་བ་ལ་བརྟེན་ནས། རིག་པ་འཛིན་པ་འཇིགས་བྲལ་ཡེ་ཤེས་རྡོ་རྗེའམ་ལྷག་པའི་དཀྱིལ་འཁོར་འདི་ཉིད་དུ་མེ་ཏོག་ཕོག་པའི་གསང་མིང་ཀུན་བཟང་ཆེ་མཆོག་ཡོན་ཏན་འདུས་པ་རྩལ་ཅེས་འབོད་པས་རང་ལོ་ལྔ་བཅུ་ང་གཉིས་པའི་ཐོག་ཏུ་སོན་ [21a] པ་མྱོས་བྱེད་ཀྱི་ལོ་ཁྲུམས་སྟོད་ཉ་བའི་ཡར་ཚེས་བཟང་པོ་ལ་དཔལ་བསམ་ཡས་མི་འགྱུར་ལྷུན་གྱིས་གྲུབ་པའི་གཙུག་ལག་ཁང་ཆེན་པོར་བསྡེབས་པའོ། །འདིས་ཀྱང་སྒྲུབ་སྡེ་ཆེན་པོའི་རིང་ལུགས་ཀུན་ཏུ་ཁྱབ་ཅིང་རྟག་པའི་རྒྱུར་གྱུར་ཅིག། །། ཛ་ཡནྟུ།། །།


Retrieved from "https://dudjom.tsadra.org/index.php?title=DJYD-KABUM-05-CA-006&oldid=17251"
Dudjom Tersar
Collected Works of the Masters
A Tsadra Foundation initiative designed to house the writings and revelations of the masters of the Dudjom lineage.
Join the Tsadra Foundation mailing list:

Tsadra Foundation
Translation & Transmission Conference
DharmaCloud Tibetan eBooks
Buddha-Nature
Śāntideva's Life and Works
Rinchen Terdzö Chenmo
Damngak Rinpoche Dzö
Dharma Dictionary

About us
Privacy policy
General disclaimer
Site guide

Project Description

Welcome to the Dudjom Tersar Project, a Tsadra Foundation initiative designed to house the writings and revelations of the masters of the Dudjom lineage in a digital format that allows for open access to these materials in authoritative modern Tibetan editions for the sake of scholars, translators, and practitioners the world over.

About us

© Tsadra Foundation. Please feel free to use this website and its content in accordance with fair use policies for teaching, scholarship, education, and research.
See General disclaimer for more information.