DJYD-KABUM-16-MA-051

Previous Text Back to Volume PageNext Text

Wylie title	mkha' 'gro'i thugs thig gi lam rim dang sbyar ba'i smon lam
Location	bdud 'joms rin po che bka' 'bum Volume 16, Text 51, Pages 529-530 (Folios 1a1 to 1b1)
Author	བདུད་འཇོམས་འཇིགས་བྲལ་ཡེ་ཤེས་རྡོ་རྗེ་
Citation	Dudjom Rinpoche 'Jigs bral ye shes rdo rje. Mkha' 'gro'i thugs thig gi lam rim dang sbyar ba'i smon lam. In Bdud 'joms 'jigs bral ye shes rdo rje'i gsung 'bum dam chos rin chen nor bu'i bang mdzod, Vol. 16: 529-530. Kalimpong: Dupjung Lama, 1979-1985.
Side notes	Recto: smon lam   Verso: mkha' 'gro'i thugs thig
More details More details
Tertön	བདུད་འཇོམས་འཇིགས་བྲལ་ཡེ་ཤེས་རྡོ་རྗེ་ (Dudjom Rinpoche)
Genre	Prayers - smon lam
Cycle	ཟབ་ལམ་མཁའ་འགྲོའི་ཐུགས་ཐིག་ (zab lam mkha' 'gro'i thugs thig)
Colophon	ཅེས་པའང་རྟོགས་ལྡན་ཀུན་བཟང་ཀློང་གྲོལ་གྱིས་བསྐུལ་བའི་ངོར་འཇིགས་བྲལ་ཡེ་ཤེས་རྡོ་རྗེས་སོ༎
	ces pa'ang rtogs ldan kun bzang klong grol gyis bskul ba'i ngor 'jigs bral ye shes rdo rjes so//

Tibetan Text

[edit]

༄༅། །མཁའ་འགྲོའི་ཐུགས་ཐིག་གི་ལམ་རིམ་དང་སྦྱར་བའི་སྨོན་ལམ་ནི། ཧོཿ བླ་མ་ཡེ་ཤེས་མཁའ་འགྲོའི་དཀྱིལ་འཁོར་དུ། །བདག་གིས་ཚོགས་གཉིས་བསོད་ནམས་ཅི་བསགས་པ། །མ་ལུས་མཁའ་ཁྱབ་འགྲོ་བ་ཡོངས་ལ་བསྔོ། །ཀུན་ཀྱང་བླ་མེད་འབྲས་བུ་ཐོབ་གྱུར་ཅིག །དེང་བཟུང་བྱང་ཆུབ་སྙིང་པོ་མཆིས་ཀྱི་བར། །ཁྱབ་བདག་བླ་མ་ཡུམ་ཆེན་ལྷག་པའི་ལྷ། །དབྱེར་མེད་སྐྱབས་ཀྱི་མཆོག་ཏུ་མི་འབྲལ་བར། །དགོངས་བརྒྱུད་བྱིན་རླབས་སྙིང་ལ་འཕོ་བར་ཤོག །བསགས་སྦྱོང་ལམ་གྱིས་རང་རྒྱུད་ཞིང་ས་དུལ། །དབང་བཞིའི་རིམ་པས་ཐར་པའི་ས་བོན་ཐེབས། །དམ་ཚིག་དག་པས་ལམ་གྱི་གེགས་ལས་གྲོལ། །མོས་བརྩོན་དྲག་པོས་ཉམས་ལེན་བོགས་ཐོན་ཤོག །བསྐྱེད་རིམ་གསལ་བས་ཐ་མལ་སྣང་ཞེན་དག །རང་བྱིན་བརླབས་ཀྱིས་གཏུམ་མོའི་བདེ་དྲོད་འབར། །ཞུ་བདེའི་སྦྱོང་བས་ཕོ་ཉའི་དགའ་བ་འབྱོངས། །བློ་འདས་དགོངས་པས་ཆོས་ཉིད་དོན་རྟོགས་ཤོག །ཀ་དག་རིག་པ་ཟང་ཐལ་རྗེན་པར་ཤར། །ལྷུན་གྲུབ་སྣང་བཞིའི་ས་ལམ་བཙན་ཐབས་བགྲོད། །རང་དོན་ཀུན་བཟང་ཆོས་སྐུའི་རྒྱལ་ས་ཟིན། །གཞན་དོན་གཟུགས་སྐུས་འཁོར་བ་དོང་སྤྲུགས་ཤོག །ཅེས་པའང་རྟོགས་ལྡན་ཀུན་བཟང་ཀློང་གྲོལ་གྱིས་བསྐུལ་བའི་ངོར་འཇིགས་བྲལ་ཡེ་ཤེས་རྡོ་རྗེས་སོ༎ ༎