ཧེ་རུ་ཀ་དཔལ་བདེ་ཆེན་སྒྱུ་མའི་གར།

Previous Text Back to Volume Page Next Text

Wylie title	he ru ka dpal bde chen sgyu ma'i gar
Location	phrin las nor bu'i gsung 'bum Volume 1, sde tshan 6, Text 7, Pages (Folios to )
Author	ཕྲིན་ལས་ནོར་བུ་
Citation	Thinley Norbu. He ru ka dpal bde chen sgyu ma'i gar. In Phrin las nor bu'i gsung 'bum, Vol. 1.
Side notes
More details More details
Genre

[edit]

༄༅། །ཧེ་རུ་ཀ་དཔལ་བདེ་ཆེན་སྒྱུ་མའི་གར། །མི་འགྱུར་མཆོག་གི་ཡེ་ཤེས་མངོན་དུ་གྱུར། །ཡང་དག་གྲུབ་པ་ཐུགས་ཀྱི་རིག་པ་འཛིན། །སློབ་དཔོན་ཧཱུྃ་ཀ་ར་ལ་གསོལ་བ་འདེབས། །དེ་ཡང་ཧེ་རུ་ཀཿ གལ་པོ་ལས། ཡང་དག་གྲུབ་པ་གཅིག་པུ་ཉིད། །སངས་རྒྱས་བདེ་ཆེན་ཀུན་འདུས་པ། །རྣལ་འབྱོར་ཟབ་མོ་སྐུ་གསུམ་རྫོགས། །མཁའ་འགྲོ་སྒྱུ་མ་བདེ་མཆོག་བདེ། །ཞེས་འབྱུང་བ་ལྟར་བདེ་སྡུག་གི་རྣམ་པར་ཤར་བའི་འཁོར་བ་དང་མྱ་ངན་ལས་འདས་པའི་ཆོས་ཐམས་ཅད་རྡུལ་བྲལ་ཆོས་ཀྱི་དབྱིངས་མཉམ་པ་ཉིད་ཀྱི་ཀློང་དུ་སྒྲོལ་བར་བྱེད་པའི་ཧེ༵་རུ༵་ཀ༵ཿ དཔ༵ལ་ཏེ་ཁྲག་འཐུང་ཆེན་པོའོ། །དེའི་མཚན་ཉིད་ནི་ཁམས་གསུམ་གྱི་ཟག་པ་དང་བཅས་པའི་བདེ་བ་རྟག་མི་ཐུབ་པའི་སྒྲིབ་པ་ཀུན་དང་ཡོངས་སུ་བྲལ་བ་རྣམ་ཀུན་མཆོག་ལྡན་སྲིད་ཞིའི་ཁམས་ན་རང་བཞིན་གསལ་བའི་བདེ༵་ཆེ༵ན་ཡེ་ཤེས་སྒྱུ༵་མ༵འི་ག༵ར་གྱི་རྣམ་པར་རོལ་པ་ཅིར་ཡང་བསྒྱུར་བ་ལ་ངོ་བོ་སྟོང་པའི་ཡེ་ཤེས་མཐའ་བྲལ་ཐིག་ལེ་ཆེན་པོའི་དབྱིངས་སུ་རྒྱ་ཡིས་བཏབ་པས་རྟག་ཏུ་མི༵་འགྱུར༵་བའི་མཆོ༵ག་གི༵་ཡེ༵་ཤེ༵ས་གློ་བུར་དྲི་མའི་སྦུབས་སུ་ནམ་ཡང་བག་ལ་ཞ་བ་མ་ཡིན་པར་ཕྱིར་གསལ་སྐུ་དང་ཞིང་ཁམས་སུ་མངོ༵ན་དུ༵་གྱུར༵་བར་འཆར་ཞིང་། གཉིས་སྣང་གི་སྒྲིབ་པ་བག་ཆགས་དང་བཅས་པས་རྡུལ་ཙམ་མ་གོས་པའི་ཡ༵ང་དག༵་པའི་ཟག་མེད་ཡེ་ཤེས་ཀྱི་ཆོས་ཁམས་རྒྱ་མཚོ་ལྟ་བུ་མ་བཙལ་ཡེ་རྫོགས་སུ་གྲུ༵བ་པ༵་ལ་མངའ་དབང་བསྒྱུར་བ་རྒྱལ་བ་ཐམས་ཅད་ཀྱི་ཐུག༵ས་ཀྱི༵་རི༵ག་པ་འཛི༵ན་པ་སློ༵བ་དཔོ༵ན་ཆེན་པོ་ཧཱུ༵ྃ་ཆེན་ཀ༵་ར༵་སྟེ་དེ་ལ༵་གསོ༵ལ་བ༵་འདེ༵བས་སོ། །གོང་དུ་སྒྲུབ་སྡེ་བཀའ་བརྒྱད་ཀྱི་ལོ་རྒྱུས་སྐབས་སུ་བཀའ་བབས་སོ་སོའི་ལོ་རྒྱུས་བསྡུས་ཙམ་རེ་སྤྲོས་པའི་སྐབས་ན་སློབ་དཔོན་འདིའི་ལོ་རྒྱུས་ཡང་དག་ཐུགས་ཀྱི་བཀའ་བབས་སྐབས་སུ་ཆ་ཤས་ཙམ་བརྗོད་ཟིན་པ་ལས་རྟོགས་པར་བྱའོ། །