རྒྱལ་བའི་དབང་པོ་ལྔ་པ་ཆེན་པོའི་དག་སྣང་རྒྱ་ཅན་ཉེར་ལྔའི་ཐོབ་ཡིག།

Previous Text Back to Volume Page Next Text

Wylie title	rgyal ba'i dbang po lnga pa chen po'i dag snang rgya can nyer lnga'i thob yig
Location	bdud 'joms rin po che bka' 'bum Volume 20, Text 11, Pages 277-280 (Folios 139a1 to 140b2)
Author	བདུད་འཇོམས་འཇིགས་བྲལ་ཡེ་ཤེས་རྡོ་རྗེ་
Citation	Dudjom Rinpoche 'Jigs bral ye shes rdo rje. Rgyal ba'i dbang po lnga pa chen po'i dag snang rgya can nyer lnga'i thob yig. In Bdud 'joms 'jigs bral ye shes rdo rje'i gsung 'bum dam chos rin chen nor bu'i bang mdzod, Vol. 20: 277-280. Kalimpong: Dupjung Lama, 1979-1985.
Side notes	Recto: thob yig Verso: lnga pa chen po'i rgya can skor
More details More details
Genre	Records of Teachings Received - thob yig - gsan yig
Cycle	ཟབ་པ་དང་རྒྱ་ཆེའི་དམ་པའི་ཆོས་ཀྱི་ཐོབ་ཡིག་རིན་ཆེན་སྒྲོན་མེ། (zab pa dang rgya che'i dam pa'i chos kyi thob yig rin chen sgron me)

[edit]

༄༅། ། [139a] ཨོཾ་སྭསྟི། འཕགས་མཆོག་འཇིག་རྟེན་དབང་ཕྱུག་དང་། མངའ་བདག་ཆོས་རྒྱལ་ཚངས་པ་ལྷའི་མེ་ཏོག་གི་ཕྲིན་ལས་ཀྱི་རོལ་གར་རྩོད་པ་དང་བྲལ་བ་ཀུན་མཁྱེན་རྒྱལ་བའི་དབང་པོ་རྡོ་རྗེ་ཐོགས་མེད་རྩལ་གྱི་དག་པ་རབ་འབྱམས་ཡེ་ཤེས་ཀྱི་གཟིགས་སྣང་ཟབ་མོ་རྒྱ་ཅན་གྱི་སྐོར་ཐོབ་པ་ལ་དབང་ཁྲིད་ལུང་གསུམ་ལས། དང་པོ་ནི། བླ་མ་ཞི་ཁྲོ་སྒྲུབ་སྡེ་དགུ་སྤྱི་དང་བྱེ་བྲག་སོགས་ཡི་དམ་མཁའ་འགྲོ་དམ་ཅན་ཆོས་སྐྱོང་དང་བཅས་པའི་དབང་བཀའ་བྱིན་རླབས་རྗེས་གནང་སྲོག་གཏད་དང་བཅས་པ་རྣམ་གྲངས་བཞི་བཅུས་ཚང་བ་ཆོག་ཁྲིགས་རྣམ་པ་དྲུག་གི་ཁོངས་ནས་ཇི་ལྟར་འབྱུང་བ་བཞིན་སྨིན་རྒྱས་སུ་ནོས། གཉིས་པ་ནི། འཆི་མེད་གདྭངས་མ་བཅུད་འདྲེན་གྱི་ཚེ་ཁྲིད་ཉམས་ཁྲིད་དུ་བསྟར་བའོ། །གསུམ་པ་ལ། རྩ་བ་དང་ཁ་སྐོང་གཉིས་ལས། དང་པོ་རྩ་བ་ལ། འཁོར་ལོའི་རྒྱ་ཅན། ལྡེ་མིག་གི་རྒྱ་ཅན། སྙིང་གི་རྒྱ་ཅན། རྡོ་རྗེའི་རྒྱ་ཅནཔ། རྟ་མགྲིན་པདྨས་མཚན་པའི་བུམ་རྒྱ་ཅན། རྩ་གསུམ་ནོར་བུའི་རྒྱ་ཅན། སྣ་ཚོགས་རྡོ་རྗེས་མཚན་པའི་རལ་གྲི་རྒྱ་ཅན། ཉི་ཟླའི་རྒྱ་ཅན། རིགས་གསུམ་མཚན་མའི་རྒྱ་ཅན། ཕུར་བུའི་རྒྱ་ [139b] ཅན། མེ་འབར་སྡིག་པའི་རྒྱ་ཅན། གྲི་ཐོད་རྒྱ་ཅན། ཨ་ཧཾ་དྷུ་ཏིའི་རྒྱ་ཅན། ཉི་ཟླ་ཁ་སྦྱོར་གྱི་རྒྱ་ཅན། ལྟོ་འགྲོས་བཏེགས་པའི་ཡིད་བཞིན་དབང་རྒྱལ་གྱི་རྒྱ་ཅན། བྷྲཱུྃ་མཚན་རྡོ་རྗེ་རྭ་གདེངས་ཐོག་མདའི་རྒྱ་ཅན། མེ་ལོང་མཚོན་འཁོར་ལྕགས་སྡིག་ཚྭ་ཚྭའི་རྒྱ་ཅན། རྟ་ཞལ་ཡིད་བཞིན་རྒྱ་ཅན། དཔའ་བོའི་རྒྱ་ཅན། པད་དཀར་རྒྱ་ཅན། དུང་གི་རྒྱ་ཅན། གདུགས་དཀར་གྱི་རྒྱ་ཅན། རྒྱལ་མཚན་གྱི་རྒྱ་ཅན། གསེར་ཉའི་རྒྱ་ཅན། ཤྭ་ནའི་རྒྱ་ཅན་རྣམས་དང་། ལས་བཞིའི་ལྷ་མོའི་རྩ་བའི་ཡི་གེ། །མངོན་རྟོགས་དབང་དང་རིག་གཏད། གསང་སྒྲུབ་ཀྱི་མངོན་རྟོགས་སྲོག་དབང་དང་བཅས་པ། ཡང་གསང་དྲག་མོའི་མནན་གཏད་ཟོར་དང་བཅས་པ། གཏོར་མའི་མན་ངག །འཁོར་ལོའི་མན་ངག །ལས་སྦྱོར་གྱི་ཡི་གེ ། འཁོར་ལོའི་ཡིག་ཆུང་། ལས་སྦྱོར་གྱི་གསལ་བྱེད། མནན་གཏད་ཟོར་གྱི་གསལ་བྱེད། ལས་སྦྱོར་དམིགས་པའི་གསལ་བྱེད། འཁོར་ལོའི་རབ་གནས་ཀྱི་མན་ངག་རྣམས་སོ། །གཉིས་པ་ཁ་སྐོང་ལ། རྒྱ་ཅན་ཕལ་ཆེར་གྱི་ཕྲིན་ལས་སྒྲུབ་ཐབས། དབང་ཆོག་དང་བཅས་པ་ནོར་བུ་དབང་གི་རྒྱལ་པོའི་བང་མཛོད། རྟ་ཞལ་ཡིད་ [140a] བཞིན་རྒྱ་ཅན་གྱི་ཆོག་སྒྲིགས་བསམ་དོན་ལྷུན་གྲུབ། བྷྲཱུཾ་མཚན་རྡོ་རྗེ་རྭ་གདེངས་ཐོག་མདའི་རྒྱ་ཅན་ལས་རྡོ་རྗེ་གྲོ་ལོད་ཀྱི་ཆོག་ཁྲིགས་གནམ་ལྕགས་འབར་བ། གྲོ་ལོད་མ་གཏོགས་པའི་བྷྲཱུཾ་མཚན་རྡོ་རྗེ་རྭ་གདེངས་ཐོག་མདའི་རྒྱ་ཅན་གྱི་ཆོག་སྒྲིགས། ཡང་གསང་ཀརྨ་དྲག་པོའི་ཆོག་སྒྲིགས་བདུད་སྡེ་འཇོམས་པའི་བཤན་བ་རྣམ་རོལ། དཔལ་ལྡན་དམག་ཟོར་མའི་ཆོག་སྒྲིགས་ཡོངས་འདུའི་ལྗོན་པ། རྒྱ་ཅན་སྤྱིའི་ཁོག་འབུབས་གསང་བའི་རྣམ་ཐར་མཐོང་བ་དོན་ལྡན་རྣམས་སོ། །དེ་དག་ལས་པད་དཀར་རྒྱ་ཅན་ནས་ཤྭ་ནའི་རྒྱ་ཅན་གྱི་བར་དྲུག་པའི་ཐོག་མཐའི་ཚིགས་བཅད་ཙམ་མ་གཏོགས་རྩ་ཐོ་ཉིད་དང་། གཞན་ཐམས་ཅད་ཚང་བར་ཟབ་དོན་དཀའ་གནས་སུ་ཞིབ་བཤད་དང་བཅས་པའི་ལུང་ཡོངས་སུ་རྫོགས་པའོ། །དེ་ལྟར་ཐོབ་པའི་བརྒྱུད་པ་ནི། སྣང་བ་མཐའ་ཡས། ཐུགས་རྗེ་ཆེན་པོ། པདྨ་འབྱུང་གནས། ཌཱ་ཀི་མཚོ་རྒྱལ། རིག་འཛིན་རྡོ་རྗེ་ཐོགས་མེད། དེ་ལས་རིག་འཛིན་པདྨ་ཕྲིན་ལས་དང་། ཆོས་རྒྱལ་གཏེར་བདག་གླིང་པ་གཉིས་ཀས་གསན། གཉིས་ཀ་ལས་ངག་དབང་ཀླུ་སྒྲུབ། ངག་དབང་འཇིགས་མེད། [140b] འགྱུར་མེད་མཆོག་གྲུབ། པདྨ་ཚེ་དབང་རྩལ། འཇིགས་མེད་གོ་ཆ། འགྱུར་མེད་མཐུ་སྟོབས་རྣམ་རྒྱལ། འཇམ་དབྱངས་མཁྱེན་བརྩེའི་དབང་པོ། འཇམ་མགོན་པདྨ་གར་དབང་། ཀུན་བཟང་བསྟན་པའི་རྒྱལ་མཚན། ཁྱབ་བདག་འགྱུར་མེད་ངེས་དོན་དབང་པོ། དེས་བདག་འཇིགས་བྲལ་ཡེ་ཤེས་རྡོ་རྗེ་ལའོ།། ༎