Property:Colophontib
From Dudjom Wiki
This is a property of type Text.
ཟ
ཅེས་པའང་ལམ་འདིར་གཡར་དམ་ལྷུར་ལེན་པའི་རྣལ་འབྱོར་པ་དཀོན་མཆོག་རབ་བརྟན་གྱིས་བསྐུལ་ངོར། བདུད་བཞི་སྙིང་ལ་ཉལ་བའི་གཅོད་པ་འཇིགས་བྲལ་ཡེ་ཤེས་རྡོ་རྗེས་ཐུན་གསེང་འགའ་ཞིག་ལ་སུག་བྲིས་སུ་བགྱིས་པ་དགེ། །མངྒ་ལཾ།། +
ཅེས་པའང་ལམ་འདིར་གཡར་དམ་ལྷུར་ལེན་པའི་རྣལ་འབྱོར་པ་དཀོན་མཆོག་རབ་བརྟན་གྱིས་བསྐུལ་ངོར། བདུད་བཞི་སྙིང་ལ་ཉལ་བའི་གཅོད་པ་འཇིགས་བྲལ་ཡེ་ཤེས་རྡོ་རྗེས་ཐུན་གསེང་འགའ་ཞིག་ལ་སུག་བྲིས་སུ་བགྱིས་པ་དགེ། །མངྒ་ལཾ།། +
ཟབ་མོ་གསང་བ་ཡོངས་འདུས་ཀྱི་མཁའ་འགྲོ་སྤྲུལ་སྐུའི་སྙིང་ཐིག་གི་ཚོགས་མཆོད་ལས་བྱང་ཁྲིགས་སུ་བསྡེབས་པ་པདྨ་འོད་དུ་བགྲོད་པའི་ཤིང་རྟ། +
དེ་ལྟར་རིག་འཛིན་ཆེན་པོ་སྟག་ཤམ་ནུས་ལྡན་རྡོ་རྗེའི་གཏེར་བྱོན་ཟབ་མོ་གསང་བ་ཡོངས་འདུས་ཀྱི་མཁའ་འགྲོ་སྤྲུལ་སྐུའི་སྙིང་ཐིག་གི་ཚོགས་མཆོད་ལས་བྱང་ཁྲིགས་སུ་བསྡེབས་པ་པདྨ་འོད་དུ་བགྲོད་པའི་ཤིང་རྟ་ཞེས་བྱ་བ་འདི་ནི། ལྷ་ལྕམ་པདྨ་གསལ་གྱི་དག་པའི་སྐྱེ་བ་བཅུ་གསུམ་པ་དཔལ་ལྡན་མིའི་དབང་པོ་ཚེ་རིང་དཔལ་འབྱོར་གྱི་བཀའ་ལུང་གུས་པས་མཆོད་དེ། རྩ་བའི་གཞུང་ལས་སྐབས་སུ་བབས་པའི་ཁ་སྐོང་དུ་འོན་པ་རྣམ་རིགས་མཐུན་གྱི་གཏེར་ཁ་ལས་བླངས་ཤིང་རྒྱུན་གྱི་ཉོན་བཞེས་འཇུག་པ་བདེ་བའི་དབང་དུ་བྱས་ཏེ་རིག་འཛིན་གྱི་མྱུ་གུ་འཇིགས་བྲལ་ཡེ་ཤེས་རྡོ་རྗེས་རང་ལོ་སུམ་ཅུ་རྩ་ལྔར་སོན་པ་འབྲུ་མང་ལོའི་ཆོ་འཕྲུལ་ཟླ་བའི་ཤེར་ཕྱོགས་ཀྱི་ཉེར་དགུ་མཁའ་འགྲོ་འདུ་བའི་དུས་བཟང་པོ་ལ་གྲུབ་པར་བགྱིས་པ་ལས། ཡི་གེ་པ་ནི་རིག་བྱེད་སྨྲ་བ་དགེ་སྦྱོང་ཐུབ་བསྟན་རྒྱལ་མཚན་གྱིས་བགྱིས་པའོ། །འདིས་ཀྱང་འགྲོ་བ་ཐམས་ཅད་མཁའ་ལ་སྤྱོད་པའི་ཞིང་དུ་དབུགས་འབྱིན་པའི་རྒྱུར་གྱུར་ཅིག། སརྦ་དཱ་མངྒ་ལཾ།། +
ཅེས་པའང་བསྐུལ་བ་པོའི་བཞེད་པ་སྐོང་ཕྱིར་ཛྙཱ་ནས་སོ། །སརྦ་མངྒལཾ༎ +
།ཅེས་ཟབ་ལ་མཁའ་འགྲོའི་ཐུགས་ཐིག་གི་རིམ་གཉིས་ཀྱི་ཁྲིད་ཡིག་དངོས་གྲུབ་འདོད་འཇོ་ལས་བདེ་བ་ཆོས་ཀྱི་ཕྱག་རྒྱའི་རྣལ་འབྱོར་གྱི་མན་ངག་གུད་དུ་སྦས་པ་གསལ་རྗེན་ལྷན་ཐབས་ཀྱི་ཚུལ་དུ་སྤྲོས་པ་འདི་ནི། རེབ་ཀོང་ཕྱོགས་ཀྱི་སྔགས་སྐྱེས་ཤེས་རབ་རྡོ་རྗེས་བརྩོན་པ་ཆེན་པོས་ཡང་ཡང་དུ་བསྐུལ་བའི་ངོར། འཇིགས་བྲལ་ཡེ་ཤེས་རྡོ་རྗེས་མཁའ་འགྲོའི་གསང་མཛོད་ཟབ་རྒྱའི་བཅུད་ཕྱུངས་ཏེ་བྲིས་པ་སྐལ་ལྡན་རྣམས་ལ་བདེ་ཆེན་མཆོག་གི་དངོས་གྲུབ་མངོན་དུ་བྱེད་པའི་རྒྱུར་གྱུར་ཅིག །སརྦ་དཱ་མངྒལཾ༎ +
།ཞེས་པའང་གཞན་ལ་དབང་བསྐུར་བའི་སྔོན་དང་མར་ངོའི་དུས་མཆོད་སོགས་ཀྱི་ཚེ་རང་ཉིད་ལ་འདོད་པ་འཇོ་བའི་ཆ་རྐྱེན་དང་སྐལ་མཉམ་གཞག་ལའང་ཕན་པའི་བློས་རིགས་མཐུན་ཁུངས་ལྡན་གྱི་གསུང་ལ་བརྟེན་ནས་བྱ་བྲལ་བ་སངས་རྒྱས་རྡོ་རྗེས་རྣམ་རྒྱལ་ཆུ་སྦྲུལ་ཟླ༡༢ཚེས༢༤ལ་གདན་ས་ཆེན་པོ་དཔལ་ལྡན་དྭགས་ལྷ་སྒམ་པོར་སྦྱར་བ་དགེ་ལེགས་སུ་གྱུར་ཅིག །སརྦ་དཱ་ཀ་ལྱཱ་ནཾ་བྷ་བ་ཏུ། +
།ཅེས་པའང་དབུ་རུ་ལྷ་ལྡན་ར་ས་འཕྲུལ་སྣང་གི་བྱང་འདབས་བསམ་འགྲུབ་ཕོ་བྲང་གི་གནྡྷོ་ལ་ནས་ལམ་འདིར་ལས་འཕྲོ་སད་པའི་ཆོས་ཀྱི་བདག་པོར་སྨོན་ལམ་གྱིས་འབྲེལ་བ་དཔལ་མིའི་དབང་པོ་ཚེ་དབང་རིག་འཛིན་རྣམ་པར་རྒྱལ་བའི་སྡེས་ལྷ་རྫས་རིན་པོ་ཆེའི་སྐྱེས་གྱ་ནོམ་པ་དང་བཅས་ཏེ་དང་བའི་གསུང་གིས་རྗེས་སུ་བསྐུལ་བར་མཛད་པ་ལ་བརྟེན་ནས། སྔགས་བན་སྙོམས་ལས་པ་འཇིགས་བྲལ་ཡེ་ཤེས་རྡོ་རྗེས་སྣ་ཚོགས་ཀྱི་ལོ་དབང་ཆེན་སྤྲེལ་ཟླའི་ཡར་ངོའི་ཚེས་བཅུ་ལ་མཆིམས་ཀྱི་ཀོང་ཡུལ་ལྗོན་པ་བུ་ཆུ་བདེ་ཆེན་སྟེང་གི་བསྟི་གནས་རིག་པ་འཛིན་པའི་དགའ་ཚལ་དུ་སྦྱར་བ་གྲུབ་གཉིས་འདོད་རྒུར་འཇོ་བའི་རྒྱུར་གྱུར་ཅིག །སརྦ་ཀ་ལྱཱ་ཎཾ་བྷ་ཝ་ཏུ།། +
།ཅེས་པའང་ལམ་འདི་ལས་དངོས་གྲུབ་ཀྱི་སྐལ་བཟང་ཐོབ་པའི་རྣལ་འབྱོར་པ་འཁྲུལ་ཞིག་རྡོ་རྗེས་རིང་མོ་ཉིད་ནས་དོན་གཉེར་ཆེན་པོས་ཡང་དང་ཡང་དུ་བསྐུལ་བ་བློ་ཡུལ་དུ་སིམས་པའི་ཐོག །ང་ཕོད་ལོང་པོ་པདྨ་ཆོས་གླིང་གི་སློབ་དཔོན་ཨོ་རྒྱན་གསང་སྔགས་བསྟན་འཛིན་གྱི་ཞལ་སྔ་ནས་ཀྱང་ཚུལ་འདིའི་ཕྲིན་ལས་སྤེལ་བའི་ཐུགས་བསྐྱེད་ལྷུར་བཞེས་པ་དང་བཅས་ཏེ་ནན་ཆེར་བསྐུལ་བར་མཛད་པ་དང་། ཉེ་ཆར་དཔལ་མིའི་དབང་པོ་ཚེ་དབང་རིག་འཛིན་རྣམ་པར་རྒྱལ་བའི་སྡེས་ཐུགས་དམ་ཉམས་བཞེས་ཀྱི་སྙིང་པོ་གཅིག་ཏུ་དགོངས་ཏེ་ལྡོག་པར་མི་བཟོད་པའི་བཀའི་བསྐུལ་མ་ནན་ཆགས་སུ་སྩལ་བས་མཚམས་སྦྱར་ཏེ། རྗེ་རིགས་ཀྱི་སྔགས་བན་འཇིགས་བྲལ་ཡེ་ཤེས་རྡོ་རྗེས་རང་ལོ་སུམ་ཅུ་རྩ་དགུར་སོན་པ་སྣ་ཚོགས་ཀྱི་ལོ་ཆུ་སྟོད་ཉ་བའི་ཡར་ངོའི་ཚེས་བཅུ་ལ། ཤར་ཕྱོགས་ཀོང་ཡུལ་ལྗོན་པའི་ནགས་ཁྲོད་བུ་ཆུ་བདེ་ཆེན་སྟེང་གི་བསྟི་གནས་རིག་པ་འཛིན་པའི་དགའ་ཚལ་དུ་སྦྱར་བ་གྲུབ་གཉིས་ཡིད་བཞིན་དུ་འཇོ་བའི་རྒྱུར་གྱུར་ཅིག །སརྦ་དཱ་མངྒལཾ།། +
ཟབ་ལམ་མཁའ་འགྲོའི་ཐུགས་ཐིག་གི་རིམ་གཉིས་ཀྱི་རྣལ་འབྱོར་སྟན་ཐོག་གཅིག་ཏུ་ལོ་གསུམ་ཕྱོགས་གསུམ་གྱི་ཉམས་ལེན། +
།ཞེས་པའང་སྒྲུབ་བརྩོན་བླ་མ་འཆི་མེད་རྡོ་རྗེའི་ངོར་འཇིགས་བྲལ་ཡེ་ཤེས་རྡོ་རྗེས་སོ། +
།ཞེས་པའང་པད་གླིང་ཕག་མོའི་ཟབ་ཁྲིད་ལས་ཁོལ་འདོན་ཁ་སྐོང་དུ་བསྡེབས་པ་སྟེ་འཇིགས་བྲལ་ཡེ་ཤེས་རྡོ་རྗེས་སོ། +
།ཅེས་པའང་ཆོས་ཀྱི་བདག་པོར་གྱུར་པའི་སྐལ་ལྡན་རྣམས་ཀྱི་ཉམས་བཞེས་འཇུག་པ་བདེ་བའི་ཕྱིར་རྩ་བའི་གཞུང་ལ་གསལ་བྱེད་ཁ་སྐོང་གིས་ཅུང་ཟད་བརྒྱན་ཏེ། རིག་པ་འཛིན་པའི་མྱུ་གུ་འཇིགས་བྲལ་ཡེ་ཤེས་རྡོ་རྗེས་ཉི་མའི་ལོ་མགོ་ཉ་བའི་ཤེས་རབ་ཀྱི་ཆའི་ཌཱ་ཀི་འདུ་བའི་དུས་བཟང་པོར་ངོ་མཚར་བསམ་རྒུ་འགྲུབ་པའི་གནྡྷོ་ལ་འོག་མིན་བདེ་བ་ཆེན་པོའི་ཕོ་བྲང་དུ་སྦྱར་བ་ཟུང་འཇུག་ཡེ་ཤེས་མཁའ་འགྲོ་མའི་གོ་འཕང་མངོན་དུ་བྱེད་པའི་རྒྱུར་གྱུར་ཅིག །སརྦ་དཱ་མངྒལཾ༎ ། +
།ཅེས་ཟབ་ལམ་མཁའ་འགྲོའི་ཐུགས་ཐིག་གི་སྔོན་འགྲོའི་ངག་འདོན་ཕན་བདེའི་ངལ་འཚོ་ཞེས་བྱ་བ་འདི་ནི་གཏེར་གཞུང་དུ་མི་གསལ་བ་རྣམས་རྡོ་རྗེའི་གསུང་གཞན་ནས་འབྲེལ་བསྡེབས་ཏེ་འདུས་གསལ་གྱི་ཁྲིགས་སུ། པདྨའི་རྒྱལ་ཚབ་རྡོ་རྗེ་འཛིན་པ་དུ་མའི་འབངས་སུ་གྱུར་པའི་བྱ་བྲལ་བ་སངས་རྒྱས་རྡོ་རྗེས་དཔལ་དྭགས་ལྷ་སྒམ་པོའི་དབེན་གནས་སུ་སྦྱར་བ་སྟེ། འདིས་ཀྱང་འབྲེལ་ཚད་ཀུན་བཟང་པད་འབྱུང་ཡབ་ཡུམ་གྱི་གོ་འཕང་མཆོག་ལ་འགོད་པའི་རྒྱུར་གྱུར་ཅིག །སརྦ་དཱ་ཀ་ལྱཱ་ཎཾ་བྷ་བ་ཏུ༎ +
།ཞེས་པའང་རྣལ་འབྱོར་པ་འཁྲུལ་ཞིག་རྡོ་རྗེའི་བཞེད་པ་བཞིན་འཇིགས་བྲལ་ཡེ་ཤེས་རྡོ་རྗེས་ངག་འདོན་ཁོ་ན་སྙིང་པོར་དྲིལ་ཏེ་སྦྱར་བ་སིདྡྷི་རསྟུ༎ མངྒ་ལཾ༎ +
།ཞེས་པའང་རྣལ་འབྱོར་པ་འཁྲུལ་ཞིག་རྡོ་རྗེས་དོན་གཉེར་ཆེན་པོས་བསྐུལ་བ་ལ་བརྟེན་ནས། དམིགས་རིམ་གྱི་ངོ་བོ་ཙམ་གོ་བདེ་སྙིང་པོར་དྲིལ་ཏེ་འཇིགས་བྲལ་ཡེ་ཤེས་རྡོ་རྗེས་ཆོས་ཐུན་འགའ་ཞིག་གི་བར་གསེང་ལ་ཟིན་བྲིས་སུ་བཏབ་པ་གདུལ་བྱ་ཡོངས་ལ་ཕན་པ་ཆེན་པོའི་རྒྱུར་གྱུར་ཅིག །སརྦ་དཱ་མངྒལཾ༎ +
།ཅེས་པའང་རྣམ་པར་དགེ་བའི་ཐུགས་བསྐྱེད་ཀྱི་ཕྲིན་ལས་ཕུལ་དུ་བྱུང་བས་མངོན་པར་མཐོ་བ་མི་རྗེ་ཚེ་རིང་དཔལ་འབྱོར་བཟང་པོའི་གསུང་གིས་ཡང་ཡང་རྗེས་སུ་བསྐུལ་བ་ལས། ཟབ་མོའི་ལམ་གྱི་བཀའ་བབས་འཛིན་པ་འཇིགས་བྲལ་ཡེ་ཤེས་རྡོ་རྗེས་སྨིན་ཟླའི་ཡར་ངོ་རྒྱལ་བ་གསུམ་པའི་དུས་ཀྱི་སྔ་དྲོའི་ཐུན་གཅིག་ལ་གྲུབ་པར་སྤེལ་བ་སྟེ། གངས་རིའི་ཁྲོད་ཀྱི་ལྷོ་ཕྱོགས་མོན་ཡུལ་སྤ་གྲོ་རིན་སྤུངས་ཀྱི་སྐྱེད་མོས་ཚལ་ཉམས་དགའ་བའི་གནས་སུའོ། །སརྦ་དཱ་མངྒ་ལ་སིདྡྷི་རསྟུ༎ +
།ཞེས་པའང་ཉེ་བར་མཁོ་བའི་ཡན་ལག་ཏུ་༧མི་རྗེ་ཚེ་དབང་རིག་འཛིན་རྣམ་པར་རྒྱལ་བའི་སྡེའི་བཞེད་པ་བཞིན། འཇིགས་བྲལ་ཡེ་ཤེས་རྡོ་རྗེས་རིགས་མཐུན་གྱི་གཞུང་ལ་བརྟེན་ནས་ཁ་སྐོང་བཀླག་ཆོག་ཏུ་བསྡེབས་པ་སིདྡྷི་རསྟུ༎ +
།ཞེས་པའང་ཉེ་བར་མཁོ་བའི་ཡན་ལག་ཏུ་རྣལ་འབྱོར་པ་འཁྲུལ་ཞིག་རྡོ་རྗེའི་བཞེད་པ་བཞིན། འཇིགས་བྲལ་ཡེ་ཤེས་རྡོ་རྗེས་རིགས་མཐུན་གྱི་གཞུང་ལ་བརྟེན་ནས་ཁ་སྐོང་བཀླག་ཆོག་ཏུ་བསྡེབས་པ་སིདྡྷི་རསྟུ༎ +
ཞེས་པའང་ཉེ་བར་མཁོ་བའི་ཡན་ལག་ཏུ་རྣལ་འབྱོར་པ་འཁྲུལ་ཞིང་རྡོ་རྗེའི་བཞེད་པ་བཞིན་འཇིགས་བྲལ་ཡེ་ཤེས་རྡོ་རྗེས་རིགས་མཐུན་གྱི་གཞུང་ལ་བརྟེན་ནས་ཁ་སྐོང་བཀླག་ཆོག་ཏུ་བསྡེབས་པ་སིདྡྷི་རསྟུ༎ +
།ཞེས་པའང་གྲོལ་བ་བཞིའི་ཕྲིན་ལས་མཁའ་ཁྱབ་ཏུ་སྤེལ་ཞིང་རང་གཞན་རྣམས་འཆི་མེད་ཡེ་ཤེས་དྭངས་མའི་སྲོག་བསྒྲུབ་པའི་ཆ་རྐྱེན་དུ། འཇིགས་བྲལ་ཡེ་ཤེས་རྡོ་རྗེས་ལྷ་ལྡན་ར་ས་འཕྲུལ་སྣང་གི་ཤར་ཕྱོགས་ང་ཕོད་ལྟ་ན་སྡུག་གི་སྐྱེད་མོས་ཚལ་དུ་གྲོ་བཞིན་ཟླ་བའི་ཤེས་རབ་ཀྱི་ཆའི་རྒྱལ་བ་དང་པོ་ལ་རྩ་བའི་མན་ངག་འཇུག་བདེའི་ལག་ལེན་གྱིས་རྣམ་པར་བཀྲལ་ཏེ་སྤེལ་བ་སིདྡྷི་རསྟུ༎ +
།ཞེས་པའང་ཉེ་བར་མཁོ་བའི་ཡན་ལག་ཏུ་དཔལ་ལྡན་མིའི་དབང་པོ་ཚེ་དབང་རིག་འཛིན་རྣམ་པར་རྒྱལ་བའི་སྡེའི་བཞེད་པ་བཞིན། འཇིགས་བྲལ་ཡེ་ཤེས་རྡོ་རྗེས་རིགས་འདུས་པདྨའི་ཞལ་ལུང་དྲི་མ་མེད་པའི་མན་ངག་ལ་བརྟེན་ནས་ལག་ལེན་འཇུག་པ་བདེ་བའི་ངག་ཁྲིགས་སུ་བསྡེབས་པ་སིདྡྷི་རསྟུ༎ +
