Property:Colophontib
From Dudjom Wiki
This is a property of type Text.
བ
།ཞེས་གཏེར་གསར་སྔོན་འགྲོའི་ངག་འདོན་རྒྱས་པ་མི་ཤེས་ཤིང་མི་ལྕོག་པའི་རིགས་ལ་ཕན་ཕྱིར་སྔོན་འགྲོའི་ངག་འདོན་བསྡུས་པ་འདིའི་གནད་དོན་གོ་བདེའི་གསལ་འདེབས་ས་བཅད་ཙམ་དུ་འཇིགས་བྲལ་ཡེ་ཤེས་རྡོ་རྗེས་སོ།། +
* '''First colophon:''' །དེ་ལྟར་བདུད་འཇོམས་གཏེར་བྱོན་བདེ་ཆེན་ཞིང་སྦྱོར་གི་ཆོ་ག་འབྲེལ་ཚད་དོན་ལྡན་ཐར་ལམ་སྒོ་འབྱེད་ཅེས་བྱ་བ་འདི་ནི། རང་ཉིད་ལ་འདྲེལ་ཐོབ་ཀྱི་སྐྱེ་འགྲོ་རྣམས་སངས་རྒྱས་ཀྱི་ཞིང་ཁམས་ཡོངས་སུ་སྦྱོང་བའི་ཆ་རྐྱེན་དུ་དམིགས་པའི་རྒྱུ་བྱས། འ་ཞྭ་མཁའ་འགྲོའི་གླིང་གི་ཕྱོགས་ཀྱི་དགེ་བསྙེན་རྣལ་འབྱོར་སྤྱོད་པ་བྱང་ཆུབ་རྒྱལ་མཚན་ནས་ནན་ཏན་ཆེན་པོས་ བསྐུལ་བ་རྐྱེན་དུ་གྱུར་ཏེ། གཏེར་གཞུང་རྡོ་རྗེའི་གསུང་ལ་འཐད་འོས་ཀྱི་ཁ་སྐོང་ཅི་རིགས་པས་བརྒྱན་ནས་འཇུག་བདེ་བཀླག་ཆོག་གི་ཚུལ་དུ། རྒྱལ་ཁམས་པ་འཇིགས་བྲལ་ཡེ་ཤེས་རྡོ་རྗེས་རང་ལོ་དྲུག་ཅུ་རྩ་བརྒྱད་དུ་སོན་པ་ལྕགས་མོ་ཕག་གི་ལོ་ས་ག་ཉ་བའི་ཡར་ངོའི་དུས་ཚེས་བཟང་པོ་ལ་གྲུབ་པར་བགྱིས་པ་རྣམ་པ་ཀུན་ཏུ་དོན་དང་ལྡན་ཅིང་ཡོངས་ལ་དགེ་ལེགས་སུ་གྱུར་ཅིག །སརྦ་དཱ་མངྒ་ལཾ།།
* '''Second colophon:''' ཞེས་པ་འདི་ཡང་ཁྲག་འཐུང་བདུད་འཇོམས་རྡོ་རྗེས་སྙན་གྲགས་ཀྱི་ངོར་ཕབ་པའོ།།
+
བདུད་འཇོམས་གསོལ་འདེབས་མཁའ་འགྲོ་རལ་གྲི་འབར་མ་སོགས་དང་མཁན་སློབ་ཆོས་གསུམ་གསོལ་འདེབས་གདོད་ནས་ཡང་དག་སོགས། +
* '''First colophon:''' ཞེས་དད་ལྡན་དེ་ཡི་ངོར་བདུད་འཇོམས་པས་སོ།།
* '''Second colophon:''' བདུད་འཇོམས་རྡོ་རྗེས་སོ།།
+
བདུད་འཇོམས་གསོལ་འདེབས་ཨོ་རྒྱན་རྒྱལ་ཚབ་སོགས་དང་གུ་རུའི་གསོལ་འདེབས་རྩ་གསུམ་དམ་ཅན་སོགས་དང་དུས་གསུམ་སངས་རྒྱས་སོགས་སྣེ་གསུམ། +
* '''First colophon:''' ཞེས་རང་སློབ་དམ་པ་རྡོ་རྗེ་རྣམ་པར་རྒྱལ་བས་བསྐུལ་ངོར་བདུད་འཇོམས་རྡོ་རྗེས་བསྒྱུར་བ་དགེའོ།།
* '''Second colophon:''' ཞེས་པ་འདི་གྲུབ་དབང་སྒམ་བུ་པའི་སྐུ་ཕྲེང་བཞི་པའི་ཞབས་པད་བརྟན་ཕྱིར་ཁྲག་འཐུང་བདུད་འཇོམས་རྡོ་རྗེས་སོ། །དགེའོ། །དགེའོ། །དགེའོ།།
* '''Third colophon:''' གཏེར་སྟོན་པས་སོ།།
+
ལོ་གྲངས་བཞི་བཅུ་རྩ་གཅིག་པའི་ལོར་མཁའ་ལ་སྟག་ཞིག་བྱུང་བ་དེའི་ཁ་ནས་བུད་མེད་ཞིག་བྱུང་དེ་ལ་བུ་གཅིག་བཙས་པ་བུ་དེས་མ་ལ་སྲིད་པ་ཆགས་པ་དང་མ་འོངས་འབྱུང་གྱུར་གྱི་ཚུལ་དྲིས་པས་མ་དེས་བུ་ལ་བཤད་པ་ལས་ཁོལ་བྱུང་དུ་བྲིས་སོ༔ +
།ཞེས་པའང་གཏེར་ཆེན་མཐུ་སྟོབས་གླིང་པའི་རྣམ་འཕྲུལ་ཨོ་རྒྱན་ཆེ་མཆོག་འདུས་པ་རྩལ་གྱི་བཞེད་སྐོང་དུ། འཇུག་བདེའི་མཚམས་སྦྱོར་ངག་འདོན་ཆུ་འབབས་ཀྱི་ཚུལ་དུ་འཇིགས་བྲལ་ཡེ་ཤེས་རྡོ་རྗེས་བུ་ཆུ་རིག་པ་འཛིན་པའི་དགའ་ཚལ་དུ་སྦྱར་བའི་ཡི་གེ་པ་ནི་སྐྱུ་རུའི་སྔགས་འཆང་པདྨ་དབང་ཆེན་གྱིས་བགྱིས་པའོ། །ཛ་ཡནྟུ། སརྦ་མངྒ་ལཾ། +
།ཞེས་པའང་གཏེར་བྱོན་བླ་མ་དབང་དྲག་འབར་བའི་མན་ངག་ལས་ཚོགས་ལ་བརྟེན་ནས་འཇིགས་བྲལ་ཡེ་ཤེས་རྡོ་རྗེས་འཇུག་བདེའི་ལག་ལེན་ཁྲིགས་སུ་བསྡེབས་པ་ཛ་ཡནྟུ།། +
།ཞེས་པའང་གཏེར་ཆེན་མཐུ་སྟོབས་གླིང་པའི་རྣམ་འཕྲུལ་ཨོ་རྒྱན་ཆེ་མཆོག་འདུས་པ་རྩལ་གྱི་བཞེད་སྐོང་དུ། རྩ་བའི་གཞུང་གིས་དངོས་བསྟན་རིགས་མཐུན་གྱི་ངག་འདོན་ཁ་སྐོང་དུ་བསྡེབས་ནས་ལག་ལེན་འཇུག་པ་བདེ་བའི་དབང་དུ་བྱས་ཏེ། འཇིགས་བྲལ་ཡེ་ཤེས་རྡོ་རྗེས་བུ་ཆུང་བདེ་ཆེན་སྟེང་གི་དགོན་པར་སྦྱར་བའི་ཡི་གེ་པ་སྐྱུ་རུའི་སྔགས་འཆང་པདྨ་དབང་ཆེན་གྱིས་བགྱིས་པའོ། །སརྦ་མངྒ་ལཾ།། +
བདུད་འདུལ་དབང་དྲག་རྡོ་རྗེ་གྲོ་ལོད་ཀྱི་ཕྲིན་ལས་འགོང་པོ་ཨར་ལ་གཏད་པའི་ལས་ཁྲིགས་འཆོར་མེད་དུས་ཀྱི་ཞགས་པ། +
།ཞེས་པའང་བསྟན་འགྲོ་སྤྱིའི་རིམ་གྲོ་ལ་འདི་ལྟར་རྩོམ་པ་སྐབས་སུ་བབས་པ་ན་ཉེ་བར་མཁོ་བས་མཚམས་སྦྱར་ཏེ། འཇིགས་བྲལ་ཡེ་ཤེས་རྡོ་རྗེས་ཟིལ་གནོན་གྱི་ལོ་དྲག་པོའི་ལས་ལ་བསྔགས་པའི་ཉིན་མོའི་ཐུན་གཅིག་ལ་འཕྲལ་དུ་སྦྱར་བའི་ཡི་གེ་པ་ནི་མོན་གྱི་སྔགས་སྟོན་ཆོས་གྲགས་རྒྱ་མཚོས་བགྱིས་པའོ། །།ཛ་ཡནྟུ།། +
།ཞེས་པའང་གཏེར་ཆེན་མཐུ་སྟོབས་གླིང་པའི་རྣམ་འཕྲུལ་ཨོ་རྒྱན་ཆེ་མཆོག་འདུས་པ་རྩལ་གྱི་བཞེད་སྐོང་དུ། རྩ་བའི་གཞུང་དོན་མན་ངག་གིས་ཕྱེས་ཏེ་དུས་མཐའི་རྡོ་རྗེ་འཛིན་པ་འཇིགས་བྲལ་ཡེ་ཤེས་རྡོ་རྗེ་ཁམས་ཁྱུ་མཆོག་གི་ལོ་དབྱར་ཉི་ལྡོག་པ་དགྲ་བོ་འཆི་བའི་སྦྱོར་བ་དང་ལྡན་པའི་དུས་ཀྱི་ཉིན་ཀོང་ཡུལ་བདུད་རི་རྔམས་ཆེན་སྒྲ་སྒྲོགས་ཀྱི་མགུལ་དུ་སྦྱར་བའི་ཡི་གེ་པ་ནི་སྐྱུ་རུའི་སྔགས་འཆང་པདྨ་དབང་ཆེན་གྱིས་བགྱིས་པའོ། །སརྦ་མངྒ་ལཾ།། +
།ཞེས་པའང་རྩ་བའི་ཆོས་ཀྱི་བདག་པོར་གྲུབ་པ་དཔལ་མིའི་དབང་པོ་ཚེ་དབང་རིག་འཛིན་རྣམ་པར་རྒྱལ་བའི་སྡེའི་ཐུགས་དམ་ཉམས་བཞེས་ཀྱི་གསལ་འདེབས་སུ། འཇིགས་བྲལ་ཡེ་ཤེས་རྡོ་རྗེས་བསམ་འགྲུབ་ཕོ་བྲང་གི་གནྡྷོ་ལར་ཟིན་བྲིས་སུ་བཏབ་པ་ཛ་ཡནྟུ།། +
།ཞེས་པའང་འཇིགས་བྲལ་ཡེ་ཤེས་རྡོ་རྗེས་བརྒྱུད་འཛིན་ངེས་པའི་སྐལ་ལྡན་རྣམས་ཀྱི་དོན་དུ་སྤེལ་བ་སྟེ་གང་བྱུང་གིས་འཆོལ་བར་སྤྱོད་ན་དྲེགས་པ་སྡེ་བརྒྱད་ཀྱི་བཀའ་ཆད་འབེབས་པར་གདོན་མི་ཟ་བས་བག་ཡོད་པར་བྱའོ། +
།ཞེས་པའང་འཇིགས་བྲལ་ཡེ་ཤེས་རྡོ་རྗེས་རང་ལོ་ང་གསུམ་པ་གདོང་ངན་མེ་སྤྲེ་ལོ་སྣྲོན་གྱི་ཟླ་བར་དབུས་རི་ནག་པོ་མཐུར་རྒྱུག་གི་ཟད་མཚམས་ཆུ་བོ་ལོ་ཧི་ཏ་དང་ཉང་ཁའི་གཙང་པོ་སྣེ་འཛོམ་པའི་འདུས་མདོ་རྩེ་ལ་སྒང་གི་རི་རྒྱུད་གླང་པོའི་སྣ་ཞགས་འདྲ་བའི་རྩེར། གནས་ཆུང་ཆོས་སྐྱོང་ཆེན་པོའི་བཀའ་ལུང་གི་དོན་བཞིན་བོད་ཁམས་བསྟན་སྲིད་སྤྱིའི་རིམ་གྲོལ་ཚུ་ལ་འདིའི་སྒོ་ནས་དམ་འགོང་གཟིར་མནན་དང་འབྲེལ་བར་བདུད་འདུལ་མཆོད་རྟེན་ཟབ་མོ་བསྐྲུན་པའི་སྐབས། ལམ་འདིའི་རྣལ་འབྱོར་པ་འགྱུར་མེད་རྡོ་རྗེས་དོན་གཉེར་གྱི་བསྐུལ་མ་དང་ཡི་གེའི་གྲོགས་དན་ལ་བརྟེན་ནས་ཟིན་བྲིས་སུ་བཏབ་པ་ཛ་ཡནྟུ། +
།ཞེས་མྱོས་སྟོན་ཚེ་དབང་དཔལ་འབྱོར་སོགས་ལམ་འདིར་མོས་པའི་དོན་གཉེར་ཅན་དུ་མས་བསྐུལ་བ་ལས། འཇིགས་བྲལ་ཡེ་ཤེས་རྡོ་རྗེས་སྨར་ཁྲིད་མཛུབ་ཚུགས་ཀྱི་ཚུལ་དུ་གོ་བདེ་ཁྱེར་བདེ་གཙོ་བོར་བྱས་ཏེ་མདོར་བསྡུས་སུ་སྦྱར་བ་ཛ་ཡནྟུ།། +
།དེ་ལྟར་བདུད་འདུལ་དབང་དྲག་རྡོ་རྗེ་གྲོ་ལོད་ཀྱི་ལས་བྱང་དངོས་གྲུབ་འདོད་འཇོ་ཞེས་བྱ་བ་འདི་ནི། རྩ་བའི་ཆོས་ཀྱི་བདག་པོར་གྲུབ་པ་དཔལ་མིའི་དབང་པོ་ཚེ་དབང་རིག་འཛིན་རྣམ་པར་རྒྱལ་བའི་སྡེའི་བཞེད་པ་སྐོང་བའི་སླད་དུ། རིགས་མཐུན་གྱི་ངག་འདོན་ཁ་སྐོང་དང་བཅས་ཐུགས་དམ་རྒྱུན་གྱི་ཉམས་བཞེས་འཇུག་པ་བདེ་བའི་དབང་དུ་བྱས་ཏེ། ལྷག་པའི་ལྷ་མཆོག་འདི་ཉིད་ཀྱི་རིགས་སྔགས་འཆར་བ་འཇིགས་བྲལ་ཡེ་ཤེས་རྡོ་རྗེས་ཤིང་སྤྲེལ་དབྱུག་པ་ཉ་པའི་ཤེས་རབ་ཀྱི་ཆའི་དུས་ཚེས་བཟང་པོ་ལ་ཡབ་གཞིས་བསམ་འགྲུབ་ཕོ་བྲང་ཡང་རྩེ་པདྨ་འཁྱིལ་བའི་གཞལ་མེད་ཁང་དུ་སྦྱར་བ་ཛཡནྟུ།། །།སརྦ་དཱ་མངྒ་ལཾ།། +
།དེ་ལྟར་བདུད་འདུལ་དབང་དྲག་རྡོ་རྗེ་གྲོ་ལོད་ཀྱི་སྒྲུབ་པ་ཆེན་པོའི་ལས་རིམ་དངོས་གྲུབ་གཏེར་མཛོད་ཅེས་བྱ་བ་འདི་ནི། མདོ་ཁམས་རི་བོ་ཆེའི་སྔགས་སྟོན་པདྨ་ལྷུན་གྲུབ་རྡོ་རྗེ་དང་རིགས་བྱེད་པ་ཡོན་ཏན་ཆོས་འཕེལ་སོགས་ཀྱིས་ནན་ཏན་དུ་བསྐུལ་བ་ལ་བརྟེན་ནས། སྔ་འགྱུར་སྒྲུབ་ཆེན་སྤྱིའི་ཁོག་དབུབ་དང་བསྟུན་ཅིང་ལག་ལེན་འཇུག་པ་བདེ་བར་བྱས་ཏེ། ལམ་འདིའི་གསང་བ་འཛིན་པ་འཇིགས་བྲལ་ཡེ་ཤེས་རྡོ་རྗེས་ས་ཁམས་ཁྱུ་མཆོག་གི་ལོ་འབྲས་བུ་བཅུད་དུ་སྨིན་པའི་དུས་ཀྱི་ཟླ་བའི་དཀར་ཕྱོགས་ཀྱི་དགའ་བ་དང་པོར་བུ་ཆུ་རིག་པ་འཛིན་པའི་དགའ་ཚལ་དུ་སྦྱར་བ་ལས། ཐོག་མའི་ཡི་གེ་པ་ནི་སྐྱུ་རུའི་སྔགས་འཆང་པདྨ་དབང་ཆེན་གྱིས་བགྱིས་པའོ། །འདིས་ཀྱང་དངོས་གྲུབ་ཆེན་པོ་མྱུར་དུ་འགྲུབ་པའི་རྒྱུར་གྱུར་ཅིག། །སརྦ་མངྒ་ལཾ།། +
།ཞེས་པའང་ཉེ་བར་མཁོ་ཞིང་འཇུག་པ་བདེ་བའི་ཕྱིར་གསང་བ་སྤྱིའི་ཚོ་གའི་འགྲོས་དང་བསྟུན་ཏེ། ལྷ་རིགས་ཀྱི་སྔགས་བན་འཇིགས་བྲལ་ཡེ་ཤེས་རྡོ་རྗེས་ས་ཁམས་ཁྱུ་མཆོག་གི་ལོ་སྨིན་དྲུག་ཟླ་བའི་ཡར་ངོའི་ཚེས་བཅོ་ལྔ་ལ་བྱང་ཀོང་བྲག་གསུམ་མཚོ་ཆུ་དར་མ་འཇའ་འོད་འཁྲུགས་པའི་ལྟེ་བ་མཚོ་རྫོང་དབང་དྲག་འབར་བའི་ཕོ་བྲང་དུ་སྦྱར་བའི་ཡི་གེ་པ་ནི་སྐྱུ་རུའི་སྔགས་འཆང་པདྨ་དབང་ཆེན་གྱིས་བགྱིས་པའོ། །སརྦ་སིདྡྷི་རསྟུ༎ +
།དེ་ལྟར་བདུད་འདུལ་དབང་དྲག་རྡོ་རྗེ་གྲོ་ལོད་ཀྱི་སྨད་ལས་རྡོ་རྗེའི་ཐོག་ཆར་ཞེས་བྱ་བ་འདི་ནི། ལུང་ཟིན་ཤུད་བུ་དཔལ་སེང་གི་རྣམ་འཕྲུལ་དུ་བསྔགས་པ་ཨོ་རྒྱན་ཆེ་མཆོག་འདུས་པ་རྩལ་གྱི་བཞེད་སྐོང་དུ། རིགས་མཐུན་གྱི་ངག་འདོན་ཁ་སྐོང་དང་བཅས་དཀྱུས་ཀྱི་ལག་ལེན་འཇུག་པ་བདེ་བའི་དབང་དུ་བྱས་ཏེ། ལམ་འདིའི་གསང་བ་འཛིན་པ་འཇིགས་བྲལ་ཡེ་ཤེས་རྡོ་རྗེས་ས་ཁམས་ཁྱུ་མཆོག་གི་ལོ་བདུད་སྡེ་ཕུང་བའི་ཉི་མ་ལ་ཀོང་ཡུལ་བདུད་རི་རྔམས་ཆེན་སྒྲ་སྒྲོགས་ཀྱི་མགུལ་བོད་ཀྱི་དུར་ཁྲོད་པདྨ་བརྩེགས་པའི་གནས་སུ་སྦྱར་བ་ཛ་ཡནྟུ།། +
།དེ་ལྟར་བདུད་འདུལ་དྲག་མོ་སེང་གདོང་མའི་དབང་ཆོག་ཁྲིགས་སུ་བསྡེབས་པ་ཕྲིན་ལས་ཡེ་ཤེས་སྒོ་འབྱེད་ཅེས་བྱ་བ་འདིའང༌། དོན་དུ་གཉེར་བའི་བློ་ལྡན་རྣམས་ཀྱིས་བསྐུལ་བ་དང༌། ཟབ་ཆོས་ཀྱི་རྒྱུན་སྤེལ་བའི་ཆ་རྐྱེན་དུ་འཇུག་པ་བདེ་བར་མཐོང་ནས། འཇིགས་བྲལ་ཡེ་ཤེས་རྡོ་རྗེས་རང་ལོ་བདུན་ཅུ་རྩ་གསུམ་འདས་པ་དམར་སེར་ཅན་གྱི་ལོ་དབོ་ཉ་བའི་ཤེས་རབ་ཀྱི་ཆ་ལ། བལ་ཡུལ་ཨེའི་ལྷ་ཁང་དང་ཉེ་བའི་བསྟི་གནས་སུ་ལེགས་པར་བསྡེབས་པ་ལས། ཐོག་མའི་ཡི་གེ་པ་ནི་ཤར་ཕྱོགས་མོན་གྱི་སྔགས་སྟོན་བསྟན་འཛིན་ཀུན་ལེགས་ཀྱིས་བགྱིས་པའོ། །འདིས་ཀྱང་ཟབ་ཆོས་མཆོག་གི་ཕྲིན་ལས་མི་ནུབ་དར་ཞིང་རྒྱས་པའི་རྒྱུར་གྱུར་ཅིག །སརྦ་དཱ་མངྒ་ལཾ།། +
།ཞེས་པའང་འཁྲུལ་ཞིག་རྡོ་རྗེའི་ངོར་འགྲོ་འདུལ་གླིང་པས་སོ༎ +
