Property:Colophontib
From Dudjom Wiki
This is a property of type Text.
བ
ཅེས་པའང་དགོངས་འདུས་སྐོང་ཆོག་ལས་བྱང་རིག་པ་འཛིན་པའི་ལམ་བཟང་གི་ཆ་ལག་ཏུ་འཇིགས་བྲལ་ཡེ་ཤེས་རྡོ་རྗེས་སོ།། +
དེ་ལྟར་བླ་མ་དགོངས་པ་འདུས་པའི་སྐོང་ཆོག་དང་འབྲེལ་བར་གཤིན་པོ་རྗེས་འཛིན་གནས་ལུང་གི་ཆོ་ག་ཐུགས་རྗེའི་ལྕགས་ཀྱུ་ཞེས་བྱ་བ་འདི་ཡང་། ཀྲོང་གསར་ཆོས་འཁོར་རབ་བརྩེའི་འདུས་པའི་སྡེའི་ཞལ་སྔ་ནས་ལྷ་རྫས་རིན་པོ་ཆེའི་སྐྱེས་དང་བཅས་ཏེ་སྔར་བཀོད་པའི་སྐོང་ཆོག་གི་ཡན་ལག་ཏུ་འཇུག་པ་བདེ་བའི་ཆོག་ཁྲིགས་འདི་ལྟར་གྱིས་ཞེས་ཡང་ནས་ཡང་དུ་བསྐུལ་བར་མཛད་པ་བཞིན། འཇིགས་བྲལ་ཡེ་ཤེས་རྡོ་རྗེས་སྤེལ་བ་ལྔ་ལམ་དུ་དུབ་པའི་སྐྱེ་འགྲོ་ཡོངས་ལ་ཕན་པ་མཐའ་ཡས་བ་འབྱུང་བའི་རྒྱུར་གྱུར་ཅིག།། །།སརྦ་དཱ་མངྒལཾ། +
དེ་ལྟར་བླ་མ་དགོངས་པ་འདུས་པའི་སྐོང་ཚོག་ལས་བྱང་ཁྲིགས་སུ་བསྡེབས་པ་རིག་པ་འཛིན་པའི་ལམ་བཟང་ཞེས་བྱ་བ་འདི་ནི། ལྷོ་ཕྱོགས་དགེ་བའི་ཞིང་གི་བསྟན་པའི་རྩ་ལག་ཆེན་པོ་ཆོས་འཁོར་རབ་བརྟན་རྩེའི་འདུས་སྡེ་རིན་པོ་ཆེ་ནས་དུས་དང་རྒྱུན་གྱི་ཉམས་བཞེས་འགྲོ་ཕན་ཕྲིན་ལས་བཟང་པོའི་བཙས་སུ་དགོངས་པས་ཕུལ་དུ་བྱུང་བའི་སྐྱེས་དང་བཅས་འཇུག་པ་བདེ་བའི་ཆོག་ཁྲིགས་འདི་ལྟ་བུ་ཞིག་གྱིས་ཞེས་ཡང་དང་ཡང་དུ་བསྐུལ་བར་མཛད་པ་ལ་བརྟེན་ནས། རྩ་བའི་ལས་བྱང་ཆེ་ཆུང་དང་སྐོང་ཆོག་བཅས་ཀྱི་གཏེར་གཞུང་རྡོ་རྗེའི་གསུང་སོར་བཞག་ལ་མངོན་རྟོགས་ཉིད་ཁྱེར་བདེའི་ཚིག་སྣ་ཅུང་ཟད་བསྡུས་ཤིང་སྐབས་སུ་བབས་པའི་ཁ་སྐོང་མེད་དུ་མི་རུང་བ་ཇི་ལྟར་རིགས་པས་ཀྱང་གསལ་བར་བྱས་ཏེ་ལུགས་འདིར་ལ་ཚད་མར་གྱུར་པའི་དམ་པ་གོང་མ་དག་གི་དགོངས་པ་མ་འཁྲུལ་བར། རྒྱལ་དབང་པདྨ་དགྱེས་པའི་བཀའ་འབངས་འཇིགས་བྲལ་ཡེ་ཤེས་རྡོ་རྗེས་རང་ལོ་ལྔ་བཅུ་ང་གཅིག་པའི་ཐོག་ཏུ་སོན་པ་ཤིང་ཕོ་རྟའི་ལོ་ནག་པ་ཉ་བའི་ཡར་ངོའི་རྫོགས་པ་དང་པོ་ལ། གངས་ཅན་གྱི་རྡོ་རྗེ་གདན་ར་ས་འཕྲུལ་སྣང་ཕྱོགས་ལས་རྣམ་པར་རྒྱལ་བའི་འདུན་ས་ཆེན་པོར་སྦྱར་བ་ལས་ཡི་གེ་པ་ནི་ཤར་ཕྱོགས་མངྒ་ལའི་ལྗོངས་ཀྱི་རིག་བྱེད་སྨྲ་བའི་སློབ་དཔོན་ཆོས་གྲགས་རྒྱ་མཚོས་བགྱིས་པའོ། །འདིས་ཀྱང་ཟབ་མོའི་ལམ་གྱི་ཕྲིན་ལས་ཕྱོགས་དུས་གནས་སྐབས་ཀུན་ཏུ་དར་ཞིང་རྒྱས་ལ་འབྲེལ་ཚད་རྣམ་གྲོལ་མཆོག་གི་གོ་སར་བདེ་མྱུར་དུ་དཀྲི་བའི་རྒྱུར་གྱུར་ཅིག། །། སརྦ་དཱ་མངྒ་ལཾ།། +
།ཞེས་པའང་སྔགས་སྟོན་ཚེ་དབང་དཔལ་འབྱོར་གྱི་ནན་ཏན་ཆེན་པོས་བསྐུལ་བའི་གཡར་ངོ་མི་ལྡོག་ཕྱིར་དུ་འཇིགས་བྲལ་ཡེ་ཤེས་རྡོ་རྗེས་སྦྱར་བའི་ཡི་གེ་པ་ནི་སྔགས་བན་ཀུན་བཟང་དབང་འདུས་སོ། །ཛ་ཡནྟུ།། +
འཇིགས་བྲལ་ཡེ་ཤེས་རྡོ་རྗེ་འགྲོ་འདུལ་གླིང་པ་རྩལ་གྱི་ཟབ་མོ་དགོངས་པའི་གཏེར་གྱི་ཆོས་སྡེ་ཡང་དག་པའོ།། +
* '''First colophon:''' ཞེས་པའང་སྐལ་ལྡན་པདྨ་ཀློང་གྲོལ་གྱིས་བསྐུལ་བའི་རྐྱེན་ལས། འཇིགས་བྲལ་དཔའ་བོ་འགྲོ་འདུལ་གླིང་པས་ཐོལ་བྱུང་དུ་བྲིས་པའོ།
* '''Second colophon:''' ཛྙཱ་ནས་སོ༎
+
ཞེས་པའང་རིགས་མཐུན་ལས་ཁོལ་ཕྱུངས་ཁ་སྐོང་དུ་བསྡེབས་པ་སྟེ་བཛྲ་ཛྙཱ་ནས་སོ།། +
ཞེས་པ་འདིའང་རང་སློབ་སྔགས་ཀྱི་སྐྱེས་བུ་བསོད་ནམས་རྒྱལ་ལ་གདམས་པའི་གླུ་དབྱངས་བདུད་རྩིའི་བཅུད་དྲིལ་བདུད་འཇོམས་པས་སྨྲས་སོ། །ལེགས་སོ། །སརྦ་མངྒ་ལཾ།། +
།དེ་ལྟར་བླ་མ་ཚེ་དཔག་མེད་སྦྲགས་སྒྲུབ་ཀྱི་ཕྲིན་ལས་འཆི་མེད་གྲུབ་པའི་དགའ་སྟོན་ཅེས་བྱ་བ་འདི་ནི། །གཏེར་ཆེན་རྡོ་རྗེ་གླིང་པའི་རིགས་ཆོས་ཀྱི་བརྒྱུད་པ་འཛིན་པ་སྲིན་ཕུག་བླ་མ་འཇམ་དབྱངས་ཡེ་ཤེས་སེང་གེའི་ཞལ་སྔ་ནས་ལྷ་རྫས་རིན་པོ་ཆེའི་སྐྱེས་དང་བཅས་ཏེ་ནན་ཏན་ཆེན་པོས་བསྐུལ་བར་མཛད་པ་བཞིན། གཏེར་ཆེན་ཉིད་ཀྱི་ལྗགས་བསྒྲིགས་འཁྲུལ་མེད་ཀྱི་དགོངས་པ་རྩ་བར་བཟུང་ཞིང་ཁ་སྐོང་འོས་པ་རྣམས་རིགས་མཐུན་གྱི་གཏེར་ཁ་ལས་བླངས་ཏེ་རྣམ་གསལ་བཀླག་ཆོག་གི་ཚུལ་དུ། རྒྱལ་ཁམས་པ་འཇིགས་བྲལ་ཡེ་ཤེས་རྡོ་རྗེས་རང་ལོ་ཞེ་དགུར་སོན་པ་ཆུ་ཕོ་འབྲུག་གི་ལོ་འབྲས་བུ་བཅུད་རྫོགས་ཀྱི་ཟླ་བའི་ཡར་ངོའི་ཚེས་གཅིག་ལ་ལྷ་ལྡན་ར་ས་འཕྲུལ་སྣང་གི་སྐྱེད་མོས་ཚལ་དུ་སྦྱར་བ་ལས་ཡི་གེ་པའང་བསྐུལ་བ་པོ་ཉིད་ཀྱིས་མཛད་པའོ། །འདིས་ཀྱང་བསྟན་འཛིན་རྣམས་ཀྱི་ཞབས་པད་ཡུན་རིང་དུ་བརྟན་ཅིང་། འགྲོ་བ་ཐམས་ཅད་འཆི་མེད་ཡེ་ཤེས་དྭངས་མའི་སྐུར་སྨིན་པའི་རྒྱུར་གྱུར་ཅིག །སརྦ་དཱ་མངྒ་ལཾ།། །། +
།ཞེས་པའང་སྤྲོས་མེད་རྒྱུན་གྱི་ཉམས་ལེན་འཇུག་པ་བདེ་བའི་ཕྱིར་ཡིད་བཞིན་འོད་འཕྲོ་རྩ་བའི་གཞུང་ལས་ཕྱག་རྒྱ་གཅིག་པའི་རྣལ་འབྱོར་ཁོལ་དུ་ཕྱུངས་ཏེ་ངག་འདོད་བཀླག་པས་གྲུབ་པར་འཇིགས་བྲལ་ཡེ་ཤེས་རྡོ་རྗེས་སྤེལ་བ་དགེ་ལེགས་མཆོག་གི་རྒྱུར་གྱུར་ཅིག །སརྦ་དཱ་མངྒ་ལཾ། +
ཅེས་པའང་བྱང་ཆུབ་བསྟན་འཛིན་དང་ཕྲིན་ལས་སྒྲུབ་བརྒྱུད་ཟུང་གིས་བསྐུལ་བ་ལྟར་འཇིགས་བྲལ་ཡེ་ཤེས་རྡོ་རྗེས་སྟན་ཐོག་གཅིག་ཏུ་ཤར་མར་སྤེལ་བ་དགེ་ལེགས་མཆོག་གི་རྒྱུར་གྱུར་ཅིག། སརྦ་དཱ་ཀལྱཎཾ་བྷ་ཝནྟུ། +
ཞེས་ནན་བསྐུལ་ངོར་མི་རྒན་བདུད་འཇོམས་རྡོ་རྗེས་འཆོལ་གླུ་བླངས། །དགེའོ། །དགེའོ། །དགེའོ།། +
* '''First colophon:''' །ཞེས་པའང་མངའ་རིས་ལ་དྭགས་ཕྱོགས་སུ་སྒྲུབ་པའི་རྒྱལ་མཚན་སྒྲེང་བ་འགྱུར་མེད་ཆོས་དབྱིངས་རྡོ་རྗེས་བསྐུལ་བ་ལས། བཀའ་གཏེར་རྡོ་རྗེ་སེམས་དཔའི་རྒྱུད་ལུང་མན་ངག་གི་བཅུད་བསྡུས་ཏེ། རྒྱལ་ཁམས་པ་འཇིགས་བྲལ་ཡེ་ཤེས་རྡོ་རྗེས་སྤེལ་བ་དོན་དང་ལྡན་པར་གྱུར་ཅིག།
* '''Second colophon:''' །ཞེས་པའང་ཛྙཱ་ནས་སོ།། །།སརྦ་དཱ་མངྒ་ལཾ།།
+
།ཞེས་པའང་སྤྲུལ་པའི་སྐུ་འཇིགས་མེད་ཆོས་དབྱིངས་ནོར་བུའི་བཞེད་པ་བཞིན་རང་གཞན་རྣམས་ལ་འདོད་རྒུའི་དངོས་གྲུབ་རེ་བ་བཞིན་འཇོ་བའི་ཆ་རྐྱེན་དུ། འཇིགས་བྲལ་ཡེ་ཤེས་རྡོ་རྗེས་ཀོང་ཡུལ་ལྗོན་པའི་ཚལ་གྱི་བྱང་ཕྱོགས་ལེན་རི་བདེ་བ་ཆེན་པོའི་ཡང་དབེན་བཀྲ་ཤིས་སྣང་བ་འཁྱིལ་བའི་ཕོ་བྲང་དུ་གྲོ་བཞིན་ཟླ་བའི་ཡར་ངོའི་ཚེས་བཅུའི་ཉི་མ་འཆར་ཁའི་དུས་སྟོན་བཟང་པོར་ཤར་མར་བྲིས་པ་སིདྡྷི་རསྟུ༎ +
ཅེས་པའང་མཁྱེན་བརྩེའི་བདག་ཉིད་ཆོས་མཛད་བླ་མ་འགྱུར་མེད་བསྟན་འཛིན་རྡོ་རྗེའི་གསུང་གི་ངོར་འཇིགས་བྲལ་ཡེ་ཤེས་རྡོ་རྗེས་བྲིས་པ་ཛ་ཡནྟུ།། +
ཅེས་པ་འདི་ནི་རེབ་ཀོང་ཕྱོགས་ཀྱི་སྔགས་སྐྱེས་དགེ་འདུན་དང་རྡོ་རྗེ་རྣམ་རྒྱལ་གཉིས་ཀྱིས་ནན་དུ་བསྐུལ་ངོར་ཁྲག་འཐུང་བདུད་འཇོམས་རྡོ་རྗེས་སྨྲས་པའོ། །དགེའོ།། +
།ཅེས་བླ་མའི་ཐུགས་སྒྲུབ་ནོར་བུ་རྒྱ་མཚོའི་ལས་བྱང་པདྨའི་ལྗོན་ཤིང་ཁྲིགས་སུ་བསྡེབས་པ་རིག་པ་འཛིན་པའི་དགོངས་རྒྱན་ཅེས་བྱ་བ་འདི་ནི། ཚུལ་འདིར་གཏེར་སྟོན་ཆོས་བདག་རིམ་བྱོན་བཅས་པའི་ཞལ་སྐོང་ལྷན་ཐབས་སོགས་རྒྱས་འགེབས་ཀྱི་སྤྲོས་པ་ཤིན་ཏུ་མང་ཞིང་ཕྱིས་སུ་གྲོང་སྔགས་མཁས་བླུན་མང་པོའི་ཕྱག་ལེན་འདྲ་མིན་རྒྱས་བསྡུས་ཀྱི་མཐར་ལྷུང་བ་སོགས་ལ་བརྟེན་ནས་དེང་དུས་ཀྱི་གདུལ་བྱའི་བློ་དང་འཚམས་པར་པད་གླིང་ཆོས་ཀྱི་བརྒྱུད་འཛིན་རྣམས་ལ་ཕན་འདོད་ཀྱི་བསམ་པས་ཀུན་ནས་བསླངས་ཏེ། ལྷོ་མོན་ཤར་ཕྱོགས་མངྒ་ལའི་ལྗོངས་ཀྱི་སྔགས་བཙུན་བསྟན་འཛིན་ཀུན་ལེགས་ནས་གཏེར་གཞུང་ངག་འདོན་འཇུག་བདེ་བཀླག་ཆོག་མ་ཞིག་བགྱིད་པར་ཡང་དང་ཡང་དུ་བསྐུལ་བ་དོན་ཡོད་བར་བྱ་བའི་ཕྱིར། སྙོམས་ལས་པ་རྒན་པོ་འཇིགས་བྲལ་ཡེ་ཤེས་རྡོ་རྗེ་རང་ལོ་དྲུག་ཅུ་རྩ་བརྒྱད་དུ་སོན་པ་ལྕགས་ཕག་ས་ཟླའི་ཡར་ཚེས་བཅོ་ལྔ་ལ་གྲུབ་པར་བསྡེབས་པ་ལས་ཐོག་མའི་ཡི་གེ་པའང་བསྐུལ་བ་པོ་ཉིད་ཀྱིས་བགྱིས་པའོ། །འདིས་ཀྱང་ལམ་འདིའི་རིང་ལུགས་མི་ནུབ་དར་ཞིང་རྒྱས་པའི་གཞིར་གྱུར་ཅིག། །། སརྦ་དཱ་མངྒ་ལཾ།། །། +
བླ་མའི་ཐུགས་སྒྲུབ་པདྨ་གསང་བའི་ཐིག་ལེ་ལས། རྩ་བའི་དབང་བསྐུར་རྒྱས་པའི་ཆོ་ག་བཀླག་ཆོག་ཏུ་བསྡེབས་པ་ཡེ་ཤེས་ཆུ་རྒྱུན། +
།ཅེས་པའང་དད་ཤེས་ཀྱི་ནོར་ཅན་ཐུབ་བསྟན་འཇིགས་མེད་ཀྱིས་བསྐུལ་བ་དང་། མཚུངས་མེད་མཆོག་གི་སྤྲུལ་པའི་སྐུ་གང་གི་ཐུགས་ཀྱི་བཞེད་པ་སྐོང་བའི་སླད་དུ། བདུད་འཇོམས་ནམ་མཁའི་རྡོ་རྗེས་ངག་ནས་སྨྲས་རིམ་བཞིན་བློ་གསལ་དགེ་སློང་གྲགས་པ་བསྟན་བཟང་གིས་བྲིས་པ་དགེ་ཞིང་བཀྲ་ཤིས་པར་གྱུར་ཅིག། +
།བླ་མའི་ཐུགས་སྒྲུབ་གདམས་སྲོལ་ཡོངས་འདུས་ཀྱི་ལས་བྱང་སྙིང་པོའི་བཅུད་དུ་དྲིལ་བ་སྐལ་བཟང་འདོད་འཇོ་ཞེས་བྱ་བ་འདི་ཡང་། རང་གཞན་རྣམས་སྐབས་འགའ་ཞིག་ཏུ་ངག་འདོན་གྱི་སྤྲོས་པ་རྒྱས་པར་མི་ལྕོགས་པ་ན་འཇུག་པ་བདེ་བའི་ཕྱིར་གཏེར་གཞུང་རྡོ་རྗེའི་གསང་ཚིག་ཁོ་ན་གུང་བསྡེབས་ཏེ། དུས་སུ་ཁྱབ་ཅིང་ཀུན་ནས་རྟག་པའི་རྒྱུར་གྱུར་ཅིག། །། སརྦ་དཱ་མངྒ་ལཾ།། +
ཞེས་པ་འདི་ཡང་ཁྲག་འཐུང་བདུད་འཇོམས་རྡོ་རྗེས་གཏེར་ནས་བཏོན་ཏེ་མཐར་དག་པར་ཕབ་པའི་ཡི་གེ་པ་ནི་རྒ་ཡི་བནྡེ་ཀུན་བཟང་དགའ་རབ་བོ། །དགེའོ། །དགེའོ། །དགེའོ།། +
