Property:Colophontib
From Dudjom Wiki
This is a property of type Text.
མ
ཞེས་པའང་ཁྲག་འཐུང་བདུད་འཇོམས་རྡོ་རྗེ་ཁྲོ་ལོད་རྩལ་གྱིས་འབྲོས་ཕུག་མཁའ་འགྲོ་འདུ་གླིང་དུ་དག་པར་ཕབ་པའོ། །དགེའོ། །དགེའོ། །དགེའོ།། +
ཚ
ཅེས་པའང་ཚེ་ཁྲིད་རྡོ་རྗེ་ཕྲེང་བའི་ལས་བྱང་གི་ཡན་ལག་ཏུ་འཇིགས་བྲལ་ཡེ་ཤེས་རྡོ་རྗེས་སོ།། +
།དེ་ལྟར་ཚེ་ཁྲིད་རྡོ་རྗེ་ཕྲེང་བའི་བསྙེན་སྒྲུབ་ཀྱི་ལག་ལེན་གསལ་བྱེད་འཆི་མེད་མཆོག་སྦྱིན་ཞེས་བྱ་བ་འདི་ནི། རྒྱལ་སྲས་མཆོག་གི་སྤྲུལ་སྐུ་པདྨ་ཀུན་བཟང་ཕྲིན་ལས་རྣམ་པར་རྒྱལ་བའི་སྡེའི་གསུང་གིས་བསྐུལ་བ་ལས། ཐུགས་སྲས་ཀུན་བཟང་འགྱུར་མེད་མཆོག་གྲུབ་དཔལ་འབར་བཟང་པོས་ལྷག་པའི་ལྷ་འདི་ཉིད་བསྙེན་སྒྲུབ་ལས་གསུམ་གྱི་སྒྲུབ་པའི་ཐུན་དབར་དུ་གྲུབ་པར་སྦྱར་བའི་ཡི་གེ་ཐོག་མར་སྤེལ་བ་པོ་ནི་གསུང་སྤྲུལ་རིན་པོ་ཆེ་ཀུན་བཟང་པདྨ་བསྟན་འཛིན་གྲུབ་མཆོག་རྡོ་རྗེས་མཛད་པའོ། །འདིས་ཀྱང་བསྟན་འཛིན་གྱི་སྐྱེས་བུ་རྣམས་ཞབས་པད་བརྟན་པ་དང་། འགྲོ་ཀུན་ཚེ་མཐའ་ཡས་པའི་གོ་འཕང་ཐོབ་པའི་རྒྱུར་གྱུར་ཅིག། །། +
།ཅེས་ཚེ་ཁྲིད་རྡོ་རྗེ་ཕྲེང་བའི་ལས་བྱང་ཁྲིགས་སུ་བསྡེབས་པ་འཆི་མེད་མཆོག་གི་དགའ་སྟོན་ཅེས་བྱ་བ་འདི་ནི། ཚུལ་འདིར་གཏེར་གཞུང་རྩ་བ་ལ་ལྷན་ཐབས་ཞལ་སྐོང་སོགས་མཐའ་གཅིག་ཏུ་མ་ངེས་པས་ཕྱིས་སུ་གྲོང་སྔགས་མཁས་བླུན་མང་པོས་ཕྱག་ལེན་འདྲ་མིན་རྒྱས་བསྡུས་ཀྱི་མཐར་ལྷུང་བ་སོགས་ལ་བརྟེན་ནས་དེང་དུས་ཀྱི་གདུལ་བྱའི་བློ་དང་འཚམས་པར་པད་གླིང་ཆོས་ཀྱི་བརྒྱུད་འཛིན་རྣམས་ལ་ཕན་འདོད་ཀྱི་བསམ་པས་ཀུན་ནས་བསླངས་ཏེ། ལྷོ་མོན་ཤར་ཕྱོགས་མངྒ་ལའི་ལྗོངས་ཀྱི་སྔགས་བཙུན་བསྟན་འཛིན་ཀུན་ལེགས་ནས་གཏེར་གཞུང་ངག་འདོན་འཇུག་བདེ་ཀླག་ཆོག་མ་ཞིག་བགྱིད་པར་ཡང་དང་ཡང་དུ་བསྐུལ་བ་དོན་ཡོད་པར་བྱ་བའི་ཕྱིར། སྙོམས་ལས་པ་རྒན་པོ་འཇིགས་བྲལ་ཡེ་ཤེས་རྡོ་རྗེས་རང་ལོ་དྲུག་ཅུ་རྩ་བརྒྱད་དུ་སོན་པའི་རིན་ཆེན་བཞི་པའི་ཁམས་འཛིན་འཁོར་ལོའི་སྣ་ཅན་གྱི་ལོ་ས་ག་ཉ་བའི་ཐབས་ཀྱི་ཆའི་དགའ་བ་གསུམ་པ་ལ་རང་གནས་རིན་ཆེན་སྤུངས་རི་ལྷ་ཆེན་དགའ་ཚལ་དུ་གྲུབ་པར་བསྡེབས་པ་ལས། ཐོག་མའི་གླེགས་བམ་དུ་འབེབས་པ་པོའང་བསྐུལ་བ་པོ་ཉིད་ཀྱིས་ཡིད་གཞུངས་པའི་སྒོ་ནས་ལེགས་པར་འདུ་བགྱིས་པའོ། །འདིས་ཀྱང་ལམ་འདིའི་རིང་ལུགས་དབྱར་གྱི་ཆུ་གཏེར་བཞིན་འཕེལ་ཞིང་ཀུན་ཏུ་རྟག་པའི་རྒྱུར་གྱུར་ཅིག། །། སརྦ་དཱ་མངྒ་ལཾ།། །། +
བདག་འདྲ་པདྨ་འབྱུང་གནས་ཀྱིས༔ འཆི་མེད་གསང་རྒྱུད་ནང་ནས་བསྡུས༔ ད་ལྟའི་ལྷ་ལྕམ་པདྨ་གསལ༔ མ་འོངས་པད་གླིང་སྤྱོད་པར་ཤོག༔ ས་མ་ཡ༔ རྒྱ་རྒྱ་རྒྱ༔ གཏེར་རྒྱ༔ སྦས་རྒྱ༔ གསང་རྒྱ༔ གཏད་རྒྱ༔ བཀའ་རྒྱ༔ ཟབ་རྒྱ༔ དམ་རྒྱ༔ བདག་པདྨ་གླིང་པས་ལྷོ་བྲག་སྨན་མདོའི་བྲག་སེང་གེའི་གདོང་པ་ཅན་ནས་གདན་དྲངས་པའོ། +
རིག་འཛིན་བདུད་འཇོམས་རྡོ་རྗེས་ཤོག་སེར་ལས་བསྒྱུར་བ་དགེ༔ +
།ཞེས་བདུད་འཇོམས་རྡོ་རྗེས་སོ། །དགེའོ།། +
།ཞེས་རྒྱལ་དབང་མཁའ་ཁྱབ་རྡོ་རྗེའི་གསུང་བྱིན་རླབས་ཅན་ཏེ། འདིའི་ལུང་རྒྱུན་མཛད་པ་པོ་ནས། ཁྱབ་བདག་གཏེར་ཆེན་བླ་མའི་ཞལ་སྔ་ཁོ་བོ་འཇིགས་བྲལ་ཡེ་ཤེས་རྡོ་རྗེ་ལ་བཀའ་དྲིན་དུ་ཐོབ་བོ།། +
ཅེས་པའམ་མོན་ཡུལ་ཤར་ཕྱོགས་མངྒ་ལའི་ལྗོངས་ཀྱི་སྔགས་སྟོན་ཚེ་དབང་དཔལ་འབྱོར་སོགས་དོན་དུ་གཉེར་བ་ཅན་དུ་མས་བསྐུལ་བ་ལ་བརྟེན་ནས། ནོར་བུ་ལམ་ཁྱེར་རྩ་བའི་གསང་རྒྱུད་ཀྱི་དགོངས་དོན་མན་ངག་ཕྱག་ལེན་གྱིས་བཀྲལ་ཏེ་འཇུག་བདེ་བཀླག་ཆོག་གི་ཚུལ་དུ་རྒྱལ་ཁམས་པ་འཇིགས་བྲལ་ཡེ་ཤེས་རྡོ་རྗེས་རང་ལོ་བདུན་ཅུ་རྩ་ལྔ་པར་སོན་པ་ས་ཕོ་རྟའི་ལོ་ཆོ་འཕྲུལ་ཟླ་བའི་ཡར་ངོ་རྒྱལ་བ་གསུམ་པའི་ཚེས་ལ་བལ་ཡུལ་ཨེ་ཡི་གཙུག་ལག་ཁང་གི་ཉེ་འགྲམ་དུ་བསྡེབས་པ་ལས། ཐོག་མའི་ཡི་གེར་འགོད་པ་པོ་སྔགས་རིགས་རིན་ཆེན་ཕུན་ཚོགས་ཀྱིས་བགྱིས་པའོ། །འདིས་ཀྱང་ཟབ་ལམ་གྱི་ཕྲིན་ལས་མི་ནུབ་རྟག་ཅིང་ཁྱབ་པའི་རྒྱུར་གྱུར་ཅིག །སརྦ་དཱ་མངྒ་ལཾ། +
ཅེས་པའང་གཏེར་འབྱིན་བླ་མ་མཆོག་གི་གསུང་བསྐུལ་ངོར། དཔལ་ཀརྨ་པའི་མཚན་འཛིན་བཅོ་ལྔ་པས་བྲིས་པ་དགེ་ལེགས་འཕེལ།། +
།ཞེས་པའང་དོན་གཉེར་ཅན་དུ་མས་ཡང་དང་ཡང་དུ་རྣ་བའི་བུ་ག་གཙེར་བའི་རྐྱེན་ལས་ཆོ་གའི་ལག་ལེན་ཕྱོགས་མཚོན་ཙམ་དུ་འཇིགས་བྲལ་ཡེ་ཤེས་རྡོ་རྗེ་བྲིས་པ་སིདྡྷི་རསྟུ།། +
ཚེ་སྒྲུབ་འཆི་མེད་སྲོག་ཐིག་གི་དཀྱིལ་འཁོར་བདག་ཉིད་འཇུག་ཅིང་དབང་བླང་བའི་ཆོ་ག་ཚེ་མཆོག་གྲུབ་པའི་བཅུད་ལེན། +
།ཅེས་པའང་ཉེ་བར་མཁོ་བའི་ཡན་ལག་ཏུ་དབང་བསྐུར་རྩ་བའི་གཞུང་ལས་ངག་འདོན་སྙིང་པོར་བཀོལ་ཞིང་མཚམས་སྦྱོར་གྱི་སྤྲོས་པ་འཇུག་བ་བདེ་བར་བྱས་ཏེ། ལུང་ཟིན་ཆོས་ཀྱི་བདག་པོར་དབུགས་དབྱུང་ཐོབ་པ་འཇིགས་བྲལ་ཡེ་ཤེས་རྡོ་རྗེས་ལྕགས་མོ་ཡོས་ཀྱི་ལོ་ས་ཟླ་ཕྱི་མའི་ཡར་ངོ་ལ་བུ་ཆུ་རིག་འཛིན་དགའ་ཚལ་དུ་ཚུལ་འདིའི་སྒྲུབ་ཆེན་སྐབས་ཀྱི་ཐུན་མཚམས་སུ་སྤེལ་བ་ཨཱ་ཡུརྫྙཱ་ན་སིདྡྷི་རསྟུ།། +
ཚེ་སྒྲུབ་འཆི་མེད་སྲོག་ཐིག་གི་མན་ངག་གོ་དོན་བསྙེན་ཐབས་ཟབ་ཁྲིད་དང་བཅས་པའི་ཡི་གེ་འཆི་བ་མེད་པའི་ལམ་བཟང་། +
།དེ་ལྟར་ཚེ་སྒྲུབ་འཆི་མེད་སྲོག་ཐིག་གི་བསྙེན་ཐབས་ཟབ་ཁྲིད་དང་བཅས་པའི་ཡི་གེ་འཆི་བ་མེད་པའི་ལམ་བཟང་ཞེས་བྱ་བ་འདི་ནི། སྔ་མོ་ཉིད་ནས་འདི་ལྟར་འབྲི་བའི་འདུན་པ་མཆིས་པའི་ཁར་རྡོ་རྗེའི་མཆེད་པོ་འགའ་ཞིག་གིས་བསྐུལ་མ་བཏུད་མར་བྱུང་བ་ཡིད་ལ་གཅག་ཀྱང་གཞན་དབང་སྙོམས་ལས་ཁོ་ནས་རིམ་ལུས་སུ་གྱུར་ལ། ད་ཆ་བགྲང་བྱའི་ཁུར་གྱིས་དུབ་ཅིང་སྲིད་པའི་ཆུ་བོ་གསུམ་པས་བར་མེད་དུ་གཙེས་པའི་རྐྱེན་ལས་འབྲི་རྩོམ་གྱི་ཕྱོགས་ལ་ངལ་གདུང་ཤིན་ཏུ་ཆེ་ནའང་། རང་ཉིད་ཚེ་འཕྲང་ལྔ་ལས་བརྒལ་ཏེ་ཡུན་དུ་འཚོ་བ་འདི་ལྟ་བུ་ཡང་ཁྱད་པར་འཕགས་པའི་ཟབ་ཆོས་མཆོག་འདིའི་བྱིན་རླབས་ཀྱི་མཐུ་ཁོ་ནར་ངེས་ཤེས་རྙེད་དེ་ཞབས་ཏོག་ཏུ་དམིགས་པའི་རྒྱུ་དང་། སྐལ་མཉམ་གྱི་ཆོས་མཛད་གཞན་ལའང་ཅུང་ཟད་ཕན་འདོད་ཀྱི་བསམ་པས་ཀུན་ནས་བསླངས་ཏེ། གཏེར་གཞུང་རྩ་བའི་དགོངས་པ་ཁྱབ་བདག་རིག་འཛིན་བླ་མའི་མན་ངག་གི་རྗེས་སུ་གདམས་པའི་དོན་ཉིད་གཙོ་བོར་བཟུང་། རིགས་མཐུན་གཏེར་ལ་གོང་མའི་མན་ངག་སྐབས་སུ་བབས་པ་ངང་མཁས་ཤིང་གྲུབ་པ་བརྙེས་པའི་རྡོ་རྗེ་སློབ་དཔོན་ཆེན་པོ་རྣམས་ཀྱིས་ལེགས་པར་བཀྲལ་བའི་ཆ་ཤས་ཇི་ལྟར་རིགས་པས་ཀྱང་གསལ་བར་བྱས་ཏེ། རྒྱལ་ཁམས་པའི་འཇིགས་བྲལ་ཡེ་ཤེས་རྡོ་རྗེས་རང་ལོ་དྲུག་ཅུ་རྩ་དགུ་པའི་ངོ་མཐོང་ཆུ་ཕོ་བྱི་བའི་ལོ་ཆོ་འཕྲུལ་ཟླ་བའི་ཡར་ངོའི་རྒྱལ་བ་དང་པོ་ལ། དུས་གསུམ་མཁྱེན་པ་ཨོ་རྒྱན་ཆེན་པོས་བྱིན་གྱིས་བརླབས་པའི་སྒྲུབ་གནས་ཀྱི་རྒྱལ་པོ་མོན་གྱི་སྤ་གྲོ་སྟག་ཚང་སེང་ཕུགས་དང་ཉེ་བའི་ཆ། ཡུལ་གྱི་དགེ་བཅུ་གཡང་དུ་འཁྱིལ་བ་བསམ་འགྲུབ་རྩེའི་སྨན་ལྗོངས་ཉམས་དགའ་བའི་སྐྱེད་མོས་ཚལ་གྱིས་བ་གམ་དུ་སྦྱར་བ་ལས། ཐོག་མའི་གླེགས་བམ་དུ་འབེབས་པ་པོ་ནི་མི་ཕྱེད་པའི་དད་བརྩོན་གྱི་ནོར་ཅན་སྔགས་སྟོན་ཆོས་གྲགས་རྒྱ་མཚོས་བགྱིས་པའོ། །འདིས་ཀྱང་བསྟན་པ་འཛིན་པའི་སྐྱེས་བུ་རྣམས་ཀྱི་ཞབས་པད་རྡོ་རྗེའི་རང་བཞིན་དུ་བརྟན་པ་དང་། འབྲེལ་ཚད་ཀྱི་སྐྱེ་འགྲོ་ཐམས་ཅད་འཆི་མེད་རྡོ་རྗེའི་སྲོག་འགྲུབ་པའི་གཞིར་གྱུར་ཅིག །སརྦ་དཱ་མངྒ་ལཾ།། +
ཚེ་སྒྲུབ་འཆི་མེད་སྲོག་ཐིག་གི་འཕྲིན་ལས་དང་འབྲེལ་བར་རྒྱས་པའི་སྦྱིན་སྲེག་གི་ཆོ་ག་ཚེ་དབང་བདེ་ཆེན་རབ་འབར། +
།དེ་ལྟར་ཚེ་སྒྲུབ་འཆི་མེད་སྲོག་ཐིག་གི་འཕྲིན་ལས་དང་འབྲེལ་བར་སྦྱིན་སྲེག་གི་ཆོ་ག་ཚེ་དབང་བདེ་ཆེན་རབ་འབར་ཞེས་བྱ་བ་འདི་ནི། རང་གཞན་རྣམས་རྡོ་རྗེའི་ཚེ་དང་ཡེ་ཤེས་ཀྱི་དངོས་གྲུབ་སྤེལ་བའི་ཆ་རྐྱེན་དམ་པར་མེད་དུ་མི་རུང་བར་མཐོང་ནས་རིགས་མཐུན་གྱི་གཏེར་ཁ་གོང་མ་དག་དང་རྒྱུད་ལུང་གི་ངེས་པ་གྲུབ་པའི་མན་ངག་གིས་ལེགས་པར་ཕྱེས་པ་རྣམས་ལ་བརྟེན་ནས། ལམ་འདིའི་བཀའ་བབས་ལུང་ཐོབ་ཀྱི་རིག་པ་འཛིན་པ་འཇིགས་བྲལ་ཡེ་ཤེས་རྡོ་རྗེས་ཐུན་མོང་གི་ལོ་དཔྱིད་ཟླ་འབྲིང་པོ་བཀྲ་ཤིས་པའི་ཟླ་བའི་ཡར་ཚེས་བཟང་པོ་ལ་གྲུབ་བར་སྤེལ་བའི་ཡི་གེ་པ་ནི་རིག་བྱེད་པ་བསོད་ནམས་རྒྱལ་མཚན་གྱིས་བགྱིས་པ་ཨ་ཡུ་སིདྡྷི་རསྟུ།། +
།འཆི་མེད་སྲོག་ཐིག་ཟབ་མོ་ཡི། །ཐུན་མོང་རྒྱུན་ཁྱེར་ཉུང་ངུ་འདི། །ཉམས་ལེན་མཁན་འགས་ནན་བསྐུལ་ཕྱིར། །འོག་མིན་མཚུར་མདོའི་གནྡྷོ་ལར། །གཏེར་མིང་ནམ་མཁའི་རྡོ་རྗེ་ཡིས། །གཞུང་དོན་དྲིལ་ནས་སྦྱར་བའི་མཐུས། །བསྟན་འགྲོའི་མགོན་མཆོག་དམ་པ་རྣམས། །ཞབས་པད་བསྐལ་བརྒྱར་བརྟན་གྱུར་ཅིག །བཛྲ་ཨཱ་ཡུརྫྙཱ་ན་བྷ་ཝ་ནྟུ།། +
།ཚུལ་འདིར་རྒྱལ་དབང་མཁའ་ཁྱབ་རྡོ་རྗེའི་ཟུར་འདེབས་བཞུགས་ཀྱང་རྩ་བའི་གཞུང་རྒྱས་པ་ལ་མཚམས་སྦྱོར་རྒྱས་པ་སྤྲོས་པས་མ་ལྕོགས་ཏེ་རང་འདྲ་སྙོམས་ལས་མཁན་གྱི་མོས་བློ་དང་འཚམས་པའི་གསལ་བྱེད་འཇུག་པ་བདེ་བའི་ཡན་ལག་ཏུ་འཇིགས་བྲལ་ཡེ་ཤེས་རྡོ་རྗེས་སོ།། །།ཤུ་བྷཾ།། +
ཚེ་སྒྲུབ་འཆི་མེད་སྲོག་ཐིག་གི་སྒོ་ནས་བསུན་ཟློག་དང་འབྲེལ་བར་བརྟན་བཞུགས་འབུལ་བའི་ཆོ་ག་འཆི་མེད་རྟག་པའི་དགའ་སྟོན། +
།ཞེས་བརྟན་བཞུགས་འབུལ་བའི་ཆོ་ག་གསལ་བདེར་སྤེལ་བ་འཆི་མེད་རྟག་པའི་དགའ་སྟོན་ཅེས་བྱ་བ་འདི་ནི། ཟབ་ཆོས་ཀྱི་བདག་པོ་བསྟན་པ་འཛིན་པའི་སྐྱེས་ཆེན་རྣམས་ཀྱི་ཞབས་པད་ཡུན་རིང་དུ་བརྟན་པའི་སླད་དུ་དམིགས་ཏེ། ཚད་མར་གྱུར་པའི་གཏེར་ཆེན་རིག་འཛིན་རྣམས་ཀྱི་རྡོ་རྗེའི་གསུང་ཁོ་ན་གུང་བསྡེབས་ཏེ་འཇུག་བདེ་རྣམ་གསལ་གྱི་ཚུལ་དུ། སྙོམས་ལས་པ་འཇིགས་བྲལ་ཡེ་ཤེས་རྡོ་རྗེས་ཐུན་མོང་གི་ལོ་དཔྱིད་ཟླ་འབྲིང་པོའི་ཡར་ཚེས་བཅུ་ལ་རི་བོའི་རིན་ཆེན་སྤུངས་ཀྱི་མགུལ་དུ་སྦྱར་བ་ལས་ཡི་གེ་པ་ནི་རིགས་བྱེད་སྨྲ་བ་བསོད་ནམས་རྒྱལ་མཚན་གྱིས་བགྱིས་པ་སིདྡྷི་རསྟུ།། +
།དེ་ལྟར་ཚེ་སྒྲུབ་འཆི་མེད་སྲོག་ཐིག་གི་སྒྲུབ་པ་ཆེན་པོའི་ཁོག་དབུབ་འཆི་མེད་བདུད་རྩིའི་རོལ་མཚོ་ཞེས་བྱ་བ་འདི་ནི། རང་གཞན་རྣམས་མི་ཤིགས་བདེ་བ་ཆེན་པོ་རྡོ་རྗེའི་སྲོག་བསྒྲུབ་པའི་ཆ་རྐྱེན་དམ་པར་མེད་དུ་མི་རུང་བར་མཐོང་ནས། གཏེར་གཞུང་རྩ་བའི་དགོངས་པ་ལས་མ་གཡོས་པར་རིགས་མཐུན་གྱི་གཏེར་ཁ་གོང་མ་དག་ལས་ངག་འདོན་ཁ་སྐོང་དུ་བསྡེབས་ཤིང་གསང་བ་སྤྱིའི་མན་ངག་གི་ཟབ་གནད་ལག་ལེན་རྣམ་གསལ་འཇུག་པ་བདེ་བའི་ལུགས་སུ་བཀྲལ་ཏེ། ལམ་འདིའི་བཀའ་བབས་ལུང་ཐོབ་ཀྱི་སྐལ་བཟང་ཉམས་སུ་མྱོང་བ་འཇིགས་བྲལ་ཡེ་ཤེས་རྡོ་རྗེས་རང་ལོ་དྲུག་ཅུ་རྩ་བདུན་དུ་སོན་པ་རིན་ཆེན་བཞི་པའི་ཁམས་འཛིན་ནོར་སྐྱོང་གི་ལོ། ནམ་མཁའི་ནོར་བུ་གཡང་དཀར་གྱི་ཁྱིམ་དུ་རྩེ་བའི་ཟླ་བ་ཡར་ངོའི་རྒྱལ་བ་དང་པོ་ལ་རང་གནས་རི་བོ་རིན་ཆེན་སྤུངས་ཀྱི་མགུལ་ཁུག་བཀྲ་ཤིས་སྐྱེད་ཙལ་དུ་གྲུབ་པར་སྦྱར་བ་ལས། ཐོག་མའི་ཡི་གེར་འབེབས་པ་པོ་ནི་ལྷོ་མོན་ཙནྡན་ནགས་མའི་ལྗོངས་ཀྱི་རིགས་བྱེད་པ་བསོད་ནམས་རྒྱལ་མཚན་གྱིས་བགྱིས་པའོ། །འདིས་ཀྱང་ཟབ་ཆོས་ཀྱི་འཕྲིན་ལས་ཕྱོགས་མཐར་ཁྱབ་ཅིང་རྟག་པ་དང་སྐལ་བཟང་རྣམས་རིང་པོར་འཚོ་བའི་དགའ་སྟོན་ལ་སྤྱོད་བཞིན་པདྨ་ཚེ་མཐའ་ཡས་པའི་གོ་སར་བདེ་མྱུར་ཏུ་བཀྲི་བའི་གཞིར་གྱུར་ཅིག། །།སརྦ་དཱ་མངྒ་ལཾ།། +
།ཞེས་པའང་ཚེ་སྒྲུབ་འདི་དང་འབྲེལ་བར་ཉེ་བར་མཁོ་བའི་ཡན་ལག་ཏུ་དགོས་པར་མཐོང་ནས། འཇིགས་བྲལ་ཡེ་ཤེས་རྡོ་རྗེས་རིགས་མཐུན་གྱི་ཟབ་གཏེར་ལས་འཇུག་བདེའི་ཁ་སྐོང་དུ་བསྡེབས་པའོ།། །།སརྦ་དཱ་མངྒ་ལཾ།། +
ཚེ་སྒྲུབ་འཆི་མེད་སྲོག་ཐིག་ལས་ཡང་གསང་གི་ཚེ་སྒྲུབ་རླུང་སྦྱོར་འབར་འཛག་གི་སྐབས་སུ་གེགས་སེལ་ལུས་སྦྱོང་འཁྲུལ་འཁོར་གྱི་མན་ངག། +
།འདི་ཡང་པད་གླིང་ཚེ་ཁྲིད་རྡོ་རྗེ་ཕྲེང་བའི་སྲོག་རྩོལ་རླུང་གི་མན་ངག་ལས་ཁོལ་ཕྱུངས་སཱ་ཁ་སྐོང་དུ་བསྡེབས་པ་སྟེ་ཛྙཱ་ནས་སོ།། +
