Property:Colophontib
From Dudjom Wiki
This is a property of type Text.
ད
དཔལ་རྡོ་རྗེ་ཕུར་བུ་བདུད་འཇོམས་གནམ་ལྕགས་སྤུ་གྲིའི་བརྒྱུད་པའི་བླ་མ་རྣམས་ལ་གསོལ་བ་འདེབས་པ་བྱིན་རླབས་དགའ་སྟོན། +
ཅེས་བཀའ་གཏེར་རྒྱུད་ལུང་མན་ངག་གི་ཆུ་བོ་གཅིག་ཏུ་དྲིལ་བ་རྡོ་རྗེ་ཕུར་བུ་བདུད་འཇོམས་གནམ་ལྕགས་སྤུ་གྲིའི་བཀའ་སྲོལ་གྱི་བརྒྱུད་པའི་བླ་མ་རྣམས་ལ་གསོལ་བ་འདེབས་པ་བྱིན་རླབས་དགའ་སྟོན་ཅེས་བྱ་བ་འདི་ནི། ལྷ་རིགས་ཀྱི་སྔགས་སྨྱོན་འཇིགས་བྲལ་ཡེ་ཤེས་རྡོ་རྙེས་ལྷག་པའི་ལྷ་མཆོག་འདི་ཉིད་ཉེ་བར་བསྙེན་པའི་ཐུན་མཚམས་སུ་སྦྱར་བ་ཛ་ཡནྟུ།། +
དཔལ་རྡོ་རྗེ་ཕུར་བུ་བདུད་འཇོམས་གནམ་ལྕགས་སྤུ་གྲིའི་བྱིན་རླབས་གཏོར་དབང་གི་ཆོ་ག་སྐལ་ལྡན་འདོད་འཇོའི་དགའ་སྟོན། +
།ཅེས་པའང་གཏེར་གཞུང་རྩ་བའི་དགོངས་པ་རིགས་མཐུན་རྡོ་རྗེའི་ཚིག་གིས་རྣམ་པར་བཀྲལ་ཞིང་མཚམས་སྦྱོར་ཉུང་ངུའི་ངག་གིས་དོན་གྱི་སྐབས་ཕྱེས་ཏེ་མོས་ལྡན་འཇུག་པ་བདེ་བའི་ཡན་ལག་ཏུ། རྗེ་རིགས་ཀྱི་སྔགས་བན་འཇིགས་བྲལ་ཡེ་ཤེས་རྡོ་རྗེས་སྦྱར་བ་ཤྲཱི་བི་ཛ་ཡནྟུ།། +
དཔལ་རྡོ་རྗེ་ཕུར་བུ་བདུད་འཇོམས་གནམ་ལྕགས་སྤུ་གྲིའི་མཆོག་གི་ཕྲིན་ལས་དམ་རྫས་བདུད་རྩིའི་སྒྲུབ་ཐབས་དངོས་གྲུབ་རྒྱ་མཚོའི་དགའ་སྟོན། +
དེ་ལྟར་དཔལ་རྡོ་རྗེ་ཕུར་བུ་བདུད་འཇོམས་གནམ་ལྕགས་སྤུ་གྲིའི་མཆོག་གི་ཕྲིན་ལས་དམ་རྫས་བདུད་རྩིའི་སྒྲུབ་ཐབས་དངོས་གྲུབ་རྒྱ་མཚོའི་དགའ་སྟོན་ཅེས་བྱ་བ་འདི་ནི། རང་གཞན་རྣམས་འཆི་མེད་བདེ་ཆེན་ཡེ་ཤེས་རྡོ་རྗེ་གཞོན་ནུའི་སྲོག་སྒྲུབ་པའི་ཆ་རྐྱེན་དུ་ཡང་དག་པར་དམིགས་ནས། བདེ་བ་ཆེན་པོ་པདྨ་སམྦྷ་ཝའི་མན་ངག་གི་གཞུང་ཉིད་མཁས་ཤིང་གྲུབ་པ་བརྙེས་པའི་རྡོ་རྗེ་སློབ་དཔོན་ཆེན་པོ་རྣམས་ཀྱིས་ཇི་ལྟར་བཀྲལ་བའི་རྗེས་སུ་འབྲངས་ཏེ། རིག་འཛིན་གྱི་མྱུ་གུ་འཇིགས་བྲལ་ཡེ་ཤེས་རྡོ་རྗེ་དགེ་ལེགས་རྣམ་པར་རྒྱལ་བའི་སྡེས་རང་ལོ་སུམ་ཅུ་རྩ་བཞིར་སོན་པ་རབ་བྱུང་བཅུ་དྲུག་པའི་མེ་ཁམས་ཁྱུ་མཆོག་གི་ལོ་རྩི་བཅུད་འབྲས་སུ་སྨིན་པ་སྟོན་ཟླ་འབྲིང་པོའི་ཡར་ངོའི་རྒྱལ་བ་གཉིས་པ་ལྷ་དང་དྲང་སྲོང་དཔའ་བོ་ཌཱ་ཀིའི་འདུ་བ་ཀུན་ཏུ་དགའ་མགུར་རོལ་པའི་ཚེ། རང་བྱུང་པདྨས་བྱིན་གྱིས་བརླབས་པའི་སྒྲུབ་གནས་ཀྱི་རྒྱལ་པོ་སྟག་ཚང་སེང་གེ་བསམ་འགྲུབ་ཀྱི་ཀེའུ་ཚང་དཔལ་ཆེན་དགྱེས་པའི་ཕོ་བྲང་དུ་ཁྲག་འཐུང་ཕྲིན་ལས་འདུས་པའི་དཀྱིལ་འཁོར་གྱི་འཁོར་ལོ་ལ་བརྟེན་ནས་སྣང་སྲིད་བདུད་རྩིར་བསྐྱིལ་བའི་སྐབས་སུ་ལེགས་པར་སྦྱར་བ་སྟེ། འདིས་ཀྱང་གྲོལ་བ་རྣམ་པ་བཞིའི་ཕྲིན་ལས་འདོད་རྒུར་འཇོ་བས་འགྲོ་བ་ཐམས་ཅད་ཀྱིས་འཆི་མེད་གཉུག་མའི་ཧེ་རུ་ཀ་མངོན་དུ་འགྲུབ་པའི་རྒྱུར་གྱུར་ཅིག། སརྦ་དཱ་མངྒ་ལཾ།། +
དཔལ་རྡོ་རྗེ་ཕུར་བུ་བདུད་འཇོམས་གནམ་ལྕགས་སྤུ་གྲིའི་ཚེ་སྒྲུབ་ཀྱི་ཕྲིན་ལས་འཆི་མེད་འདོད་འཇོའི་དགའ་སྟོན། +
།ཅེས་པའང་ཟབ་གཏེར་རྩ་བའི་གཞུང་གི་དངོས་བསྟན་ལ་སྐབས་སུ་བབས་པའི་ཁ་སྐོང་དུ་འོས་པ་རྣམས་རིགས་མཐུན་གྱི་གཏེར་ཁ་ལས་བླངས་ཏེ་འཇིགས་བྲལ་ཡེ་ཤེས་རྡོ་རྗེས་སྤེལ་བ་ཨཱ་ཡུ་སིདྡྷི་རསྟུ༎ +
* '''First colophon:''' །ཞེས་པའང་ལྷག་པའི་ལྷ་མཆོག་འདི་ལས་དངོས་གྲུབ་ཀྱི་སྐལ་པ་ཆ་ཐོབ་པ་རྗེ་རིགས་ཀྱི་སྔགས་བན་འཇིགས་བྲལ་ཡེ་ཤེས་རྡོ་རྗེས་བརྒྱུད་འཛིན་རྣམས་ལ་མཆོག་ཏུ་སྨན་པའི་སེམས་ཀྱིས་ཕྲིན་ལས་གྲུབ་པའི་གནས་མཆོག་ཀརྨ་ཚེའི་ཕུག་མོ་ཆེ་དང་འབྲེལ་བ་སེང་གེ་ཡང་རྫོང་གི་ཀེའུ་ཚང་དུ་སྦྱར་བ་ཛ་ཡནྟུ།།
* '''Second colophon:''' །ཞེས་པའང་འཇིགས་བྲལ་ཡེ་ཤེས་རྡོ་རྗེས་སོ།།
* '''Third colophon:''' །ཞེས་པའང་འཇིགས་བྲལ་ཡེ་ཤེས་རྡོ་རྗེས་སོ།། སརྦ་དཱ་མངྒ་ལཾ།
+
དཔལ་རྡོ་རྗེ་ཕུར་བུ་བདུད་འཇོམས་གནམ་ལྕགས་སྤུ་གྲིའི་ལོ་རྒྱུས་ཆོས་ཀྱི་བྱུང་ཚུལ་མདོ་ཙམ་སྤྲོས་པ་སྐལ་བཟང་རྣ་བའི་དགའ་སྟོན། +
།དེ་ལྟར་དཔལ་རྡོ་རྗེ་ཕུར་བུ་བདུད་འཇོམས་གནམ་ལྕགས་སྤུ་གྲིའི་ལོ་རྒྱུས་ཆོས་ཀྱི་བྱུང་ཚུལ་མདོ་ཙམ་སྤྲོས་པ་སྐལ་བཟང་རྣ་བའི་དགའ་སྟོན་ཅེས་བྱ་བ་འདི་ནི། རྗེས་སུ་འཇུག་པའི་སྐྱེ་བོ་རྣམས་ཡིད་ཆེས་ངེས་ཤེས་ཀྱི་སྒོ་འབྱེད་པའི་སླད་དུ་དམིགས་ཏེ། ལྷ་རིགས་ཀྱི་བནྡྷེ་རིག་སྔགས་འཆང་བ་འཇིགས་བྲལ་ཡེ་ཤེས་རྡོ་རྗེ་དགེ་ལེགས་རྣམ་པར་རྒྱལ་བའི་སྡེས་རང་ལོ་སུམ་ཅུ་རྩ་གཉིས་པའི་ཐོག་ཏུ་སོན་པ་ན་ཚོད་ལྡན་གྱི་ལོ་དབོ་ཉ་བའི་ཡར་ཚེས་བཅོ་ལྔ་ལ་མཁན་ལྗོངས་ཕུན་ཚོགས་དགའ་ཚལ་གྱི་བསྟི་གནས་སུ་ལེགས་པར་སྦྱར་བ་སྟེ། འདིས་ཀྱང་ཟབ་གཏེར་རྡོ་རྗེ་ཕུར་བུའི་ཆོས་ཚུལ་འདི་ཉིད་ཕྱོགས་སུ་ཀུན་ཏུ་དར་ཞིང་རྒྱས་ལ་ཡུན་རིང་དུ་གནས་པ་དང་གྲོང་ཁྱེར་གསུམ་གྱི་ཡིད་ཅན་མཐའ་དག་བཅོམ་ལྡན་འདས་ཤྲཱི་བཛྲ་ཀུ་མཱ་རའི་གོ་འཕང་ལ་མྱུར་དུ་རེག་པའི་རྒྱུར་གྱུར་ཅིག ། སརྦ་དཱ་མངྒ་ལ་ཛ་ཡནྟུ།། +
དཔལ་རྡོ་རྗེ་ཕུར་བུ་བདུད་འཇོམས་གནམ་ལྕགས་སྤུ་གྲིའི་སྟོད་ལས་བྱང་ཆུབ་སྒྲུབ་པའི་མན་ངག་གསལ་བར་བྱས་པ་དངོས་གྲུབ་རྒྱ་མཚོའི་དགའ་སྟོན། +
།དེ་ལྟར་དཔལ་རྡོ་རྗེ་ཕུར་བུ་བདུདའཇོམས་གནམ་ལྕགས་སྤུ་གྲིའི་སྟོད་ལས་བྱང་ཆུབ་སྒྲུབ་པའི་མན་ངག་གསལ་བར་བྱས་པ་དངོས་གྲུབ་རྒྱ་མཚོའི་དགའ་སྟོན་ཅེས་བྱ་བ་འདི་ནི། ལྷག་པའི་ལྷ་འདི་ཉིད་ལས་དངོས་གྲུབ་བརྙེས་པ་བཀའ་བབས་ཀྱི་ཆོས་བདག་སྤྲུལ་པའི་སྐུ་འཇིགས་མེད་ཆོས་དབྱིངས་ནོར་བུའི་སྡེའི་གསུང་གིས་བསྐུལ་བ་བཞིན་རང་གཞན་མང་པོ་ལ་སྨན་པའི་བསམ་པ་ཉེ་བར་བསྐྱེད་ནས། རྩ་བའི་གཞུང་གི་དགོངས་དོན་ལ་མཁས་ཤིང་གྲུབ་པ་བརྙེས་པའི་རྡོ་རྗེའི་སློབ་དཔོན་ཆེན་པོ་རྣམས་ཀྱིས་ཇི་ལྟར་བཀྲལ་བའི་མན་ངག་ལེགས་བཤད་ཀྱིས་རྣམ་པར་སྤྲས་ཏེ། རིག་པ་འཛིན་པའི་མྱུ་གུ་འཇིགས་བྲལ་ཡེ་ཤེས་རྡོ་རྗེས་རང་ལོ་སུམ་ཅུ་ཐམ་པའི་ཐོག་ཏུ་སོན་པ་དཔལ་གདོང་གི་ལོ་ས་ག་ཉ་བའི་ཤེས་རབ་ཀྱི་ཆའི་རྫོགས་པ་དང་པོ་ཆུ་ཤེལ་གྱི་དབང་པོ་གྲོ་བཞིན་གྱི་དགའ་མ་དང་རྩེ་བའི་འགྲུབ་སྦྱོར་བཟང་པོ་ལ། ཨེ་ཝཾ་བདེ་ཆེན་ཆོས་འཁོར་གླིང་གི་ཉེ་འདབས་ཕུན་ཚོགས་དགའ་ཚལ་གྱི་བསྟི་གནས་སུ་ལེགས་པར་གྲུབ་པར་བགྱིས་པ་སྟེ། འདིས་ཀྱང་ཟབ་ལམ་གྱི་ཕྲིན་ལས་ཕྱོགས་དུས་ཀུན་ཏུ་དར་ཞིང་རྒྱས་པ་དང༌། འགྲོ་བ་ཐམས་ཅད་བཅོམ་ལྡན་འདས་དཔལ་ཧེ་རུ་ཀའི་གོ་འཕང་ལ་མྱུར་དུ་རེག་པའི་རྒྱུར་གྱུར་ཅིག །སརྦ་དཱ་མངྒལཾ།། +
དཔལ་རྡོ་རྗེ་ཕུར་བུ་བདུད་འཇོམས་གནམ་ལྕགས་སྤུ་གྲིའི་སྟོད་ལས་སྒྲུབ་ཆེན་གྱི་ཁོག་དབུབ་གྲུབ་གཉིས་འདོད་འཇོའི་དགའ་སྟོན། +
དེ་ལྟར་དཔལ་རྡོ་རྗེ་ཕུར་བུ་བདུད་འཇོམས་གནམ་ལྕགས་སྤུ་གྲིའི་སྟོད་ལས་སྒྲུབ་ཆེན་གྱི་ཁོག་དབུབ་གྲུབ་གཉིས་འདོད་འཇོའི་དགའ་སྟོན་ཅེས་བྱ་བ་འདི་ནི། རང་གཞན་མང་པོ་ལ་སྨན་པའི་བསམ་པ་ཉེ་བར་བསྐྱེད་ནས། མཁས་ཤིང་གྲུབ་པ་བརྙེས་པའི་རྡོ་རྗེ་སློབ་དཔོན་རྣམས་ཀྱིས་ཇི་ལྟར་བཀྲལ་བའི་རྗེས་སུ་འབྲང་སྟེ། རྡོ་རྗེ་གཞོན་ནུའི་རྣལ་འབྱོར་པ་འཇིགས་བྲལ་ཡེ་ཤེས་རྡོ་རྗེས་རང་ལོ་ཉེར་དགུར་སོན་པ་ཆུ་ཕོ་སྤྲེའུའི་ལོ་རྒྱལ་གྱི་ཟླ་བའི་ཐབས་ཀྱི་ཆའི་རྒྱལ་བ་དང་པོ་ལ་ཨེ་ཝཾ་བདེ་ཆེན་ཆོས་འཁོར་གླིང་གི་བསྟི་གནས་སུ་གྲུབ་པར་བགྱིས་པ་སྟེ། འདིས་ཀྱང་འགྲོ་བ་ཐམས་ཅད་བདུད་བཞིའི་གཡུལ་ལས་རྣམ་པར་རྒྱལ་ཏེ་བཅོམ་ལྡན་འདས་རྡོ་རྗེ་གཞོན་ནུའི་གོ་འཕང་ལ་མྱུར་དུ་རེག་པའི་རྒྱུར་གྱུར་ཅིག། །། སརྦ་དཱ་མངྒ་ལཾ། +
དཔལ་རྡོ་རྗེ་ཕུར་བུ་བདུད་འཇོམས་གནམ་ལྕགས་སྤུ་གྲིའི་སྟོད་སྨད་ཀྱི་ཕྲིན་ལས་ལ་ཉེ་བར་མཁོ་བ་བཅས་ཀྱི་རྣམ་བཞག་རྨོངས་པའི་མིག་འབྱེད་གནད་ཀྱི་གསེར་ཐུར། +
།དེ་ལྟར་དཔལ་རྡོ་རྗེ་ཕུར་བུ་བདུད་འཇོམས་གནམ་ལྕགས་སྤུ་གྲིའི་སྟོད་སྨད་ཀྱི་ཕྲིན་ལས་ལ་ཉེ་བར་མཁོ་བ་བཅས་ཀྱི་རྣམ་བཞག་རྨོངས་པའི་མིག་འབྱེད་གནད་ཀྱི་གསེར་ཐུར་ཞེས་བྱ་བ་འདི་ནི། རྗེས་སུ་འཇུག་པའི་སྔགས་པ་གསར་བུ་རྣམས་ལ་ཉེ་བར་མཁོ་བའི་ཕྱིར། སྔགས་ཀྱི་བནྡྷེ་རལ་པ་ཅན་འཇིགས་བྲལ་ཡེ་ཤེས་རྡོ་རྗེས་རང་ལོ་སོ་གསུམ་པའི་ཐོག་ཏུ་སོན་པ་འཛིན་བྱེད་ཀྱི་ལོ་སྣྲོན་ཉ་བའི་ཡར་ངོ་རྒྱལ་བ་གཉིས་པར་གྲུབ་པའི་བསྟི་གནས་འཆི་མེད་དགའ་ཚལ་གྱི་སྨན་ལྗོངས་སུ་སྦྱར་བ་སྟེ། འདིས་ཀྱང་ལས་དང་དངོས་གྲུབ་རྒྱ་མཚོ་ཡིད་བཞིན་དུ་འགྲུབ་པའི་རྒྱུར་གྱུར་ཅིག །སརྦ་དཱ་མངྒ་ལཾ།། +
དཔལ་རྡོ་རྗེ་ཕུར་བུ་བདུད་འཇོམས་གནམ་ལྕགས་སྤུ་གྲིའི་སྦྱིན་སྲེག་གི་ཆོ་ག་ཕྲིན་ལས་ལྷུན་གྱིས་གྲུབ་པའི་དགའ་སྟོན། +
དེ་ལྟར་དཔལ་རྡོ་རྗེ་ཕུར་བུ་བདུད་འཇོམས་གནམ་ལྕགས་སྤུ་གྲིའི་སྦྱིན་སྲེག་གི་ཆོ་ག་ཕྲིན་ལས་ལྷུན་གྱིས་གྲུབ་པའི་དགའ་སྟོན་ཅེས་བྱ་བ་འདི་ནི། རང་གཞན་མང་པོ་ལ་སྨན་པའི་བསམ་པ་ཉེ་བར་བསྐྱེད་ནས་རྩ་བའི་གཞུང་དོན་མན་ངག་གིས་ཕྱེས་ཤིང་ལག་ལེན་འཇུག་པ་བདེ་བའི་དབང་དུ་བྱས་ཏེ། རིག་པ་འཛིན་པའི་མྱུ་གུ་འཇིགས་བྲལ་ཡེ་ཤེས་རྡོ་རྗེས་རང་ལོ་སུམ་ཅུ་པའི་ཐོག་ཏུ་སོན་པ་དཔལ་གདོང་གི་ལོ་དབོ་ཉ་བའི་ཡར་ངོའི་བཟང་པོ་གསུམ་པར་མཁན་ལྗོངས་ཕུན་ཚོགས་དགའ་ཚལ་གྱི་བསྟི་གནས་སུ་གྲུབ་པར་བ་གྱིས་པ་སྟེ། འདིས་ཀྱང་ལས་དང་དངོས་གྲུབ་ཐམས་ཅད་ཐོགས་མེད་ཡིད་བཞིན་དུ་འགྲུབ་པའི་རྒྱུར་གྱུར་ཅིག། །།སརྦ་དཱ་མངྒ་ལཾ། +
དཔལ་རྡོ་རྗེ་ཕུར་བུ་བདུད་འཇོམས་གནམ་ལྕགས་སྤུ་གྲིའི་སྨད་ལས་དགྲ་བགེགས་སྒྲོལ་བའི་མན་ངག་གསལ་བར་བྱས་པ་བདུད་འདུལ་རིག་པ་འཛིན་པའི་དགའ་སྟོན། +
།དེ་ལྟར་དཔལ་རྡོ་རྗེ་ཕུར་བུ་བདུད་འཇོམས་གནམ་ལྕགས་སྤུ་གྲིའི་སྨད་ལས་དགྲ་བགེགས་སྒྲོལ་བའི་མན་ངག་གསལ་བར་བྱས་པ་བདུད་འདུལ་རིག་པ་འཛིན་པའི་དགའ་སྟོན་ཅེས་བྱ་བ་འདི་ནི། ལུང་ཟིན་གྱི་ཆོས་བདག་སྤྲུལ་པའི་སྐུ་འཇིགས་མེད་ཆོས་དབྱིངས་ནོར་བུའི་སྡེའི་བཞེད་པ་སྐོང་བའི་སླད་དང༌། རྗེས་འཇུག་རྣམས་ལག་ལེན་གྱི་གནད་མི་འཆོལ་བར་བྱ་བའི་ཆེད་དུ། ཀཱི་ལ་ཡའི་རྣལ་འབྱོར་པ་འཇིགས་བྲལ་ཡེ་ཤེས་རྡོ་རྗེས་རང་ལོ་སོ་གཅིག་ཏུ་སོན་པ་དངོས་པོའི་ལོ་སྣྲོན་ཟླ་བའི་ཡར་ངོའི་རྒྱལ་བ་དང་པོ་ལ་མཁན་ལྗོངས་ཕུན་ཚོགས་དགའ་ཚལ་གྱི་བསྟི་གནས་སུ་སྦྱར་བ་སྟེ། འདིས་ཀྱང་ཕས་རྒོལ་ཉམས་པའི་དཔུང་རྣམས་མིང་མཐར་བྱས་ཏེ་གསང་ཆེན་བསྟན་པའི་རྒྱལ་མཚན་དགུང་དུ་བསྙེགས་པའི་རྒྱུར་གྱུར་ཅིག །ཤྲཱི་བི་ཛ་ཡནྟུ།། +
དཔལ་རྡོ་རྗེ་ཕུར་བུ་བདུད་འཇོམས་གནམ་ལྕགས་སྤུ་གྲིའི་སྨད་ལས་དགྲ་བགེགས་སྒྲོལ་བའི་ལས་རིམ་ཁྲག་འཐུང་ཁྲོས་པའི་དགའ་སྟོན། +
དེ་ལྟར་དཔལ་རྡོ་རྗེ་ཕུར་བུ་བདུད་འཇོམས་གནམ་ལྕགས་སྤུ་གྲིའི་སྨད་ལས་དགྲ་བགེགས་སྒྲོལ་བའི་ལས་རིམ་ཁྲག་འཐུང་ཁྲོས་པའི་དགའ་སྟོན་ཅེས་བྱ་བ་འདི་ནི། རིང་མོ་ཉིད་ནས་དོན་དུ་གཉེར་བ་ཅན་དུ་མའི་གསུང་གིས་བསྐུལ་བ་དང་། ཉེ་ཆར་ཟབ་གཏེར་གྱི་ལུང་དོན་བཞིན་བོད་ཁམས་བསྟན་སྲིད་སྤྱིའི་རིམ་གྲོར་དམིགས་ཏེ་ཨེ་ཝཾ་བདེ་ཆེན་ཆོས་འཁོར་གླིང་དུ་བསྙེན་སྒྲུབ་ལས་ཀྱི་སྦྱོར་བ་ཟབ་མོ་འཛུག་པའི་སྐབས་སུ་བབ་པ་ན་ཉེ་བར་མཁོ་བས་མཚམས་སྦྱར་ནས། བདུད་འདུལ་ཕུར་བུའི་རིག་སྔགས་འཆང་བ་འཇིགས་བྲལ་ཡེ་ཤེས་རྡོ་རྗེས་རང་ལོ་སུམ་ཅུ་པའི་ཐོག་ཏུ་སོན་པ་དཔལ་གདོང་གི་ལོ་མགོ་ཉ་པའི་ཤེས་རབ་ཀྱི་ཆའི་རྒྱལ་བ་དང་པོ་ལ་མཁན་ལྗོངས་ཕུན་ཚོགས་དགའ་ཚལ་གྱི་བསྟི་གནས་སུ་གྲུབ་པར་བགྱིས་པ་སྟེ། འདིས་ཀྱང་བསྟན་འགྲོར་འཚེ་བྱེད་ཕས་རྒོལ་བདུད་དགྲའི་དཔུང་རྣམས་མིང་གི་ལྷག་མར་བྱས་ཏེ་ཕྱོགས་ལས་རྣམ་པར་རྒྱལ་བའི་དགེ་ལེགས་ཀྱི་རུ་མཚོན་དགུང་དུ་བསྙེགས་པའི་རྒྱུར་གྱུར་ཅིག། ཛ་ཡནྟུ། +
དཔལ་རྡོ་རྗེ་ཕུར་བུ་བདུད་འཇོམས་གནམ་ལྕགས་སྤུ་གྲིའི་སྲེག་པ་ཧོམ་གྱི་ལས་རིམ་གདུག་ཅན་མཐར་བྱེད་བསྐལ་པའི་མེ་ཆེན། +
དེ་ལྟར་དཔལ་རྡོ་རྗེ་ཕུར་བུ་བདུད་འཇོམས་གནམ་ལྕགས་སྤུ་གྲིའི་སྲེག་པ་ཧོམ་གྱི་ལས་རིམ་གདུག་ཅན་མཐར་བྱེད་བསྐལ་པའི་མེ་ཆེན་ཞེས་བྱ་བ་འདི་ནི། རང་གཞན་མང་པོ་ལ་སྨན་པའི་བསམ་པ་ཉེར་བསྐྱེད་ནས་རྩ་བའི་གཞུང་དོན་མན་ངག་གིས་ཕྱེས་ཤིང་ལག་ལེན་འཇུག་པ་བདེ་བའི་དབང་དུ་བྱས་ཏེ། ལྷ་རིགས་ཀྱི་སྔགས་ནག་འཇིགས་བྲལ་ཡེ་ཤེས་རྡོ་རྗེས་རང་ལོ་སུམ་ཅུ་པའི་ཐོག་ཏུ་སོན་པ་དཔལ་གདོང་གི་ལོ་དབོ་ཉ་བའི་མར་ངོའི་རྫོགས་པ་གསུམ་པར་མཁན་ལྗོངས་ཕུན་ཚོགས་དགའ་འཚལ་གྱི་བསྟི་གནས་སུ་གྲུབ་པར་བགྱིས་པ་སྟེ། འདིས་ཀྱང་བདུད་དགྲ་དམ་སྲིའི་ཚོགས་རྣམས་རྨིགས་མེད་གཞོབ་ཏུ་བསྲེག་པའི་རྒྱུར་གྱུར་ཅིག །ཛ་ཡནྟུ། +
།དེ་ལྟར་དཔལ་རྡོ་རྗེ་ཕུར་བུ་ཡང་གསང་བདེ་གཤེགས་སྙིང་པོའི་ལས་བྱང་བདུད་བཞིའི་གཡུལ་ལས་རྒྱལ་བའི་དགའ་སྟོན་ཞེས་བྱ་བ་འདི་ནི། དོན་དུ་གཉེར་བ་ཅན་དུ་མའི་གསུང་གིས་ནན་ཏན་ཆེན་པོས་བསྐུལ་བའི་ངོར། དགེ་བསྙེན་རྣལ་འབྱོར་སྤྱོད་པའི་འཇིགས་བྲལ་ཡེ་ཤེས་རྡོ་རྗེས་གཏེར་གཞུང་རྩ་བའི་དགོངས་པ་མན་ངག་གིས་གསལ་བར་བྱས་ཏེ་རང་ལོ་ཉེར་གཉིས་པ་ཁྲོ་བོའི་ལོ་རྒྱལ་གྱི་ཉ་བའི་ཤེས་རབ་ཀྱི་ཕྱོགས་ལ་བདེ་ཆེན་ཆོས་འཁོར་གླིང་གི་བསྟི་གནས་སུ་སྦྱར་བ་སྟེ། འདིས་ཀྱང་སྣང་སྲིད་ཐམས་ཅད་རྡོ་རྗེ་ཕུར་བུ་འགྲུབ་པའི་རྒྱུར་གྱུར་ཅིག སརྦ་མངྒ་ལཾ།། +
།དེ་ལྟར་དཔལ་རྡོ་རྗེ་ཕུར་བུ་བདེ་གཤེགས་སྙིང་པོའི་སྨད་ལས་ཁྲག་འཐུང་རྔམས་པའི་དགའ་སྟོན་ཞེས་བྱ་བ་འདི་ནི་དོན་དུ་གཉེར་ཅན་དུ་མའི་གསུང་གི་ནན་ཏན་ཆེན་པོས་བསྐུལ་བའི་ངོར། དགེ་བསྙེན་རྣལ་འབྱོར་སྤྱོད་པ་འཇིགས་བྲལ་ཡེ་ཤེས་རྡོ་རྗེས་གཏེར་གཞུང་རྩ་བའི་དགོངས་དོན་མན་ངག་གནད་ཀྱི་ངེས་པས་གསལ་བར་བྱས་ཏེ་རང་ལོ་ཉེར་གཉིས་པ་ཁྲོ་བོའི་ལོ་རྒྱལ་གྱི་ཉ་བའི་དམར་པོའི་ཕྱོགས་ལ་བདེ་ཆེན་ཆོས་འཁོར་གླིང་གི་སྒྲུབ་ཁང་བདུད་ལས་རྣལ་རྒྱལ་དུ་སྦྱར་བ་སྟེ། འདིས་ཀྱང་བསྟན་དགྲའི་སྡེ་དཔུང་མིང་མཐར་བརླག་པའི་རྒྱུར་གྱུར་ཅིག དགེའོ།། +
།དེ་ལྟར་རྡོ་རྗེ་ཕུར་བུ་ཡང་གསང་འཕྲིན་ལས་བཅུད་དྲིལ་གྱི་ལས་བྱང་ཁྲིགས་སུ་བསྡེབས་པ་དཔལ་ཆེན་དགོངས་རྒྱན་ཅེས་བྱ་བ་འདི་ཡང་། རྒྱལ་ཁམས་པ་འཇིག་བྲལ་ཡེ་ཤེས་རྡོ་རྗེས་རང་ལོ་བདུན་ཅུ་དོན་གསུམ་འདས་པ་དམར་སེར་ཅན་གྱི་ལོ་དབོ་ཉ་བའི་ཡར་ཚེས་དགེ་བ་ལ། ཕྲིན་ལས་གྲུབ་པའི་གནས་མཆོག་བལ་ཡུལ་ཡང་ལེ་ཤོད་དང་ཉེ་བའི་བསྟི་གནས་སུ་སྦྱར་བ་ལས། ཐོག་མའི་གླེགས་བམ་དུ་འབེབས་པ་པོ་ནི་ཤར་ཕྱོགས་མོན་གྱི་སྔགས་སྟོན་བསྟན་འཛིན་ཀུན་ལེགས་ཀྱིས་བགྱིས་པ་སྟེ། འདིས་ཀྱང་ཟབ་གཏེར་སྙིང་པོའི་བསྟན་པ་མི་ནུབ་ཡུན་དུ་གནས་པའི་རྒྱུར་གྱུར་ཅིག །སརྦ་དཱ་མངྒ་ལཾ། +
སླར་ཡང་རྡོར་འཛིན་བདེ་ཆེན་ཆོས་འཛིན་གྱི་ཞལ་སྔ་ནས་བསླབ་ཁྲིད་ཞིབ་ཏུ་ནོས་པའི་སྐབས་ཤིན་ཏུ་གསལ་བདེར་སྤེལ་བ་པོ་ནི་འཇིགས་བྲལ་ཡེ་ཤེས་རྡོ་རྗེའོ།། +
།དེ་ལྟར་དཔལ་རྡོ་རྗེ་ཕུར་བུ་ཡང་གསང་སྲོག་གི་སྤུ་གྲིའི་ལས་བྱང་ཕྲིན་ལས་རྣམ་པར་རོལ་པའི་རྒྱན་ཅེས་བྱ་བ་འདི་ནི། གསང་ཆེན་བསྟན་པའི་རྩ་ལག་ལྷ་ལུང་ཐེག་མཆོག་རབ་རྒྱས་གླིང་དུ་འདི་ཉིད་ཀྱི་སྒྲུབ་རྒྱུན་གསར་འཛུག་མཛད་པའི་ཚེ་དུས་དང་རྒྱུན་གྱི་ཉམས་བཞེས་འཇུག་པ་བདེ་བའི་ཆོག་ཁྲིགས་འདི་ལྟ་བུ་ཞིག་གྱིས་ཞེས་རྣམ་འདྲེན་གསུང་སྤྲུལ་བཅུ་པ་པདྨ་ངག་དབང་ཆོས་ཀྱི་རྒྱལ་མཚན་གང་གི་བཀའ་སྩལ་རིན་པོ་ཆེའི་ཅོད་པན་སྤྱི་བོའི་རྒྱན་དུ་མཆོད་པར་བྱ་བའི་ཕྱིར། དུས་མཐའི་སྔགས་འཆང་སྙོམས་ལས་པ་འཇིགས་བྲལ་ཡེ་ཤེས་རྡོ་རྗེས་རང་ལོ་ཞེ་དགུར་སོན་པ་ཆུ་ཕོ་འབྲུག་གི་ལོ་སྟོན་ཟླ་འབྲིང་པོ་འབྲས་བུ་བཅུད་དུ་སྨིན་པའི་དུས་བཟང་པོ་ལ། གངས་ཅན་གྱི་ཡུལ་དབུས་ར་ས་འཕྲུལ་སྣང་གི་གྲོང་ཁྱེར་ཕྱོགས་ལས་རྣམ་པར་རྒྱལ་བའི་འདུན་ས་ཆེན་པོར་སྦྱར་བའི་ཡི་གེ་པ་ནི་རིག་བྱེད་པ་ནོར་བུ་དབང་རྒྱལ་གྱིས་བགྱིས་པའོ། །འདིས་ཀྱང་སྐལ་བ་ཅན་གྱི་གདུལ་བྱ་མཐའ་དག་རྡོ་རྗེ་ཕུར་བུའི་ལམ་ལ་བརྟེན་པའི་དངོས་གྲུབ་ཀྱི་དགའ་སྟོན་རང་དབང་དུ་སྤྱོད་པའི་གཞིར་གྱུར་ཅིག། །།སརྦ་དཱ་མངྒ་ལཾ།། +
དཔལ་རྡོ་རྗེ་ཕུར་བུ་ཡང་གསང་སྲོག་གི་སྤུ་གྲིའི་སྒྲུབ་ཆེན་གྱི་ཁོག་དབུབ་དངོས་གྲུབ་འདོད་པ་འཇོ་བའི་ཟ་མ་ཏོག། +
།དེ་ལྟར་དཔལ་རྡོ་རྗེ་ཕུར་བུ་ཡང་གསང་སྲོག་གི་སྤུ་གྲིའི་སྒྲུབ་ཆེན་གྱི་ཁོག་དབུབ་དངོས་གྲུབ་འདོད་པ་འཇོ་བའི་ཟ་མ་ཏོག་ཅེས་བྱ་བ་འདི་ནི། གསང་ཆེན་བསྟན་པའི་རྩ་ལག་ལྷ་ལུང་ཐེག་མཆོག་རབ་རྒྱས་གླིང་དུ་འདི་ཉིད་ཀྱི་སྒྲུབ་རྒྱུན་གསར་འཛུག་མཛད་པའི་ཆ་རྐྱེན་དུ་འཇུག་པ་བདེ་བའི་ཆོག་ཁྲིགས་འདི་ལྟ་བུ་ཞིག་གྱིས་ཞེས་རྣམ་འདྲེན་གསུང་སྤྲུལ་བཅུ་པ་པདྨ་ངག་དབང་ཆོས་ཀྱི་རྒྱལ་མཚན་གང་གི་བཀའ་སྩལ་རིན་པོ་ཆེའི་ཅོད་པན་སྤྱི་བོའི་རྒྱན་དུ་མཆོད་པར་བྱ་བའི་ཕྱིར། སྤུ་གྲི་རྩ་བའི་སྒྲུབ་འབུམ་ཆེན་མོ་དང་རང་དོན་བྱང་ཆུབ་སྒྲུབ་པ་དབང་གི་མདོ་བྱང་གལ་འགག་ལས་བཀོལ་དང་བཅས་པའི་དགོངས་པ་མ་འཁྲུལ་བར་མན་ངག་ཁྲིགས་བསྡེབས་ཀྱིས་གཏན་ལ་ཕབ་ཅིང་། མཁས་ཤིང་གྲུབ་པ་བརྙེས་པའི་རྡོ་རྗེ་སློབ་དཔོན་ཆེན་པོ་རྣམས་ཀྱིས་ཇི་ལྟར་བཀྲལ་བའི་རྗེས་སུ་འབྲང་སྟེ་དཀྱུས་ཀྱི་ལག་ལེན་རྣམ་གསལ་བཀླག་ཆོག་གི་ཚུལ་དུ་བྱས་ཏེ། རྒྱལ་ཁམས་པ་འཇིགས་བྲལ་ཡེ་ཤེས་རྡོ་རྗེས་རང་ལོ་ཞེ་དགུར་སོན་པ་དགའ་བའི་ལོ་ཁྲུམས་སྟོད་ཉ་བའི་ཤེར་ཕྱོགས་ཀྱི་ཚེས་བཅུ་ལ། ཡུལ་གངས་ཅན་གྱི་རྡོ་རྗེ་གདན་ར་ས་འཕྲུལ་སྣང་གི་གྲོང་ཁྱེར་ཕྱོགས་ལས་རྣམ་པར་རྒྱལ་བའི་འདུན་ས་ཆེན་པོར་སྦྱར་བ་ལས། ཐོག་མའི་གླེགས་བམ་དུ་འབེབས་པ་པོ་ནི་རིག་བྱེད་སྨྲ་བའི་སློབ་དཔོན་ནོར་བུ་དབང་རྒྱལ་གྱིས་བགྱིས་པའོ། །འདིས་ཀྱང་དངོས་གྲུབ་རྣམ་གཉིས་རང་དབང་དུ་སྤྱོད་པས་སྲིད་པ་ཐམས་ཅད་རྡོ་རྗེ་ཕུར་བུ་འགྲུབ་པའི་རྒྱུར་གྱུར་ཅིག།། །།སརྦ་དཱ་མངྒ་ལཾ།། +
།དེ་ལྟར་དཔལ་རྡོ་རྗེ་ཕུར་བུ་ཡང་གསང་སྲོག་གི་སྤུ་གྲིའི་སྦྱིན་སྲེག་གི་ཆོ་ག་ཕྲིན་ལས་མངོན་པར་རོལ་པའི་དབྱིག་ཅེས་བྱ་བ་འདི་ནི། གསང་ཆེན་བསྟན་པའི་རྩ་ལག་ལྷ་ལུང་ཐེག་མཆོག་རབ་རྒྱས་གླིང་དུ་འདི་ཉིད་ཀྱི་སྒྲུབ་རྒྱུན་གསར་འཛུག་མཛད་པའི་ཆ་རྐྱེན་དུ་འཇུག་པ་བདེ་བའི་ཆོག་ཁྲིགས་འདི་ལྟ་བུ་ཞིག་གྱིས་ཞེས་རྣམ་འདྲེན་གསུང་སྤྲུལ་བཅུ་པ་པདྨ་ངག་དབང་ཆོས་ཀྱི་རྒྱལ་མཚན་གང་གི་བཀའ་སྩལ་རིན་པོ་ཆེའི་ཅོད་པན་སྤྱི་བོའི་རྒྱན་དུ་མཆོད་པར་བྱ་བའི་ཕྱིར། རིགས་མཐུན་གྱི་གཞུང་ལ་བརྟེན་ནས་དོན་གསལ་འཇུག་པ་བདེ་བའི་དབང་དུ་བྱས་ཏེ། སྔགས་ཀྱི་བནྡྷེ་སྙོམས་ལས་པ་འཇིགས་བྲལ་ཡེ་ཤེས་རྡོ་རྗེས་སྦྱར་བའི་ཡི་གེ་པ་ནི་རིག་བྱེད་པ་ནོར་བུ་དབང་རྒྱལ་གྱིས་བགྱིས་པའོ། །འདིས་ཀྱང་ལས་དང་དངོས་གྲུབ་ཐམས་ཅད་ཐོགས་མེད་ཡིད་བཞིན་དུ་འགྲུབ་པའི་རྒྱུར་གྱུར་ཅིག། །། སརྦ་དཱ་མངྒ་ལཾ། +