Property:Colophontib
From Dudjom Wiki
This is a property of type Text.
ཟ
ཞེས་པ་འདིའང་རིགས་སྲས་མཁྱེན་བརྩེའི་མྱུ་གུ་དང་། སྐྱེས་མཆོག་མཁས་གྲུབ་རྒྱ་མཚོ་དང་། དབང་ཕྱུག་དང་། ངག་དབང་ཕྲིན་ལས་སོགས་བུ་སློབ་དམ་པ་དུ་མས་ཡང་ཡང་ནན་དུ་བསྐུལ་ངོར། ཁྲག་འཐུང་བདུད་འཇོམས་རྡོ་རྗེས་ཐུགས་སྒྲུབ་གསང་རྒྱ་ཅན་ལས་ཁོལ་དུ་ཕྱུངས་ཏེ་དག་པར་ཕབ་པའི་ཡི་གེ་པ་ནི་གླིང་གི་སྔགས་སྐྱེས་འཇམ་དཔལ་རྡོ་རྗེའོ། །དགེའོ། །དགེའོ། །དགེའོ། །སརྦ་མངྒ་ལཾ།། +
ཟབ་གསང་མཁའ་འགྲོའི་སྙིང་ཐིག་ལསཿ ཚེ་སྒྲུབ་དངོས་གྲུབ་འདོད་འབྱུང་གི་གསོལ་འདེབས་ཐུགས་རྗེའི་རྒྱུད་བསྐུལ༔ +
ཅེས་པ་འདི་ཡང་ཡེ་ཤེས་སྒྱུ་མའི་རྣལ་འབྱོར་བདུད་འཇོམས་རྡོ་རྗེས་གཏེར་ནས་བཏོན་ཏེ་མི་ལོ་བཅོ་བརྒྱད་བར་བཀའ་རྒྱས་བཏབ་སྟེ་མཐར་རང་སློབ་དམ་པ་འགྱུར་མེད་དབང་ཆེན་རྡོ་རྗེས་དབང་གི་ཁ་དོག་བཀྲ་བའི་ལྷ་རེག་རྟེན་དུ་བཞག་ནས་ནན་དུ་བསྐུལ་ངོར་དག་པར་ཕབ་པའི་ཡི་གེ་པའང་དེ་ཉིད་དོ༔ དགེའོ༔ དགེའོ༔ དགེའོ༔ སརྦ་མངྒ་ལཾ༔ +
ཞེས་པ་འདི་ནི་ཁྲག་འཐུང་བདུད་འཇོམས་རྡོ་རྗེས་གཏེར་ནས་བཏོན་ཏེ་མི་ལོ་སུམ་ཅུ་རྩ་བརྒྱད་བར་དུ་བཀའ་རྒྱ་བྱས་མཐར་སྤྲུལ་སྐུ་བསྟན་པའི་རྒྱལ་མཚན་གྱིས་ནན་དུ་བསྐུལ་ངོར་གཏན་ལ་ཕབ་པའོ། །དགེའོ། །དགེའོ། །དགེའོ།། +
།དེ་ལྟར་ཟབ་གསང་རྫོགས་པ་ཆེན་པོའི་ཡང་ཟབ་མྱུར་ལམ་འཕོ་ཆེན་གདམས་པའི་དོན་འགྲེལ་མན་ངག་རོལ་མཚོ་ཞེས་བྱ་བ་འདི་ནི། སངས་རྒྱས་གཉིས་པ་པདྨ་སཾ་བྷ་ཝའི་རྗེས་སུ་ཞུགས་པའི་སྐལ་བཟང་ཅན། སྤྲུལ་མིང་པ་འཇིགས་བྲལ་ཡེ་ཤེས་རྡོ་རྗེས་རང་ལོ་བཅུ་དགུར་སོན་པ་རྔ་ཆེན་གྱི་ལོ། ནག་ཟླའི་དམར་ཕྱོགས་མཁའ་འགྲོ་འདུ་བའི་ཚེས་ལ་པདྨོ་རྣམ་པར་བཀོད་པའི་གྲོང་ཁྱེར་མཁན་པ་ལྗོངས་ཀྱི་ཆོས་གྲྭར་སྤེལ་བ་སྟེ། འདིས་ཀྱང་འོད་གསལ་རྡོ་རྗེ་སྙིང་པོའི་བསྟན་པ་ཕྱོགས་དུས་ཀུན་ཏུ་དར་ཞིང་རྒྱས་ལ་ཡུན་རིང་དུ་གནས་པའི་རྒྱུར་གྱུར་ཅིག། །།སརྦ་དཱ་མངྒ་ལཾ། +
ཞེས་པ་འདི་ཡང་སློབ་བུ་འཇམ་དཔལ་རྡོ་རྗེས་བསྐུལ་ངོར་བདུད་འཇོམས་རྡོ་རྗེས་ཟབ་ཆོས་དགོངས་པ་ཀློང་རྡོལ་ལས་བསྒྱུར་བ་དགེའོ། །དགེའོ། །དགེའོ། །ལེགས་སོ། །སརྦ་མངྒ་ལཾ།། +
ཟབ་ཆོས་དགོངས་པ་ཀློང་རྡོལ་ལས༔ སྔགས་སྲུང་ཤ་ཟ་ཆེན་མོ་ངེས་ནུས་མའི་གསོལ་མཆོད་འདོད་འབྱུང་ཡིད་བཞིན་ནོར་བུ༔ +
ཞེས་པའང་རྫོགས་ཆེན་པ་བདུད་འཇོམས་རྡོ་རྗེས་ཡང་གསང་མཁའ་འགྲོའི་ཀློང་བྱང་བརྡ་རིས་ལས་ཞལ་བཤུས་ཏེ་དག་པར་ཕབ་པའི་ཡི་གེ་པ་ནི་ཕུན་ཚོགས་བཀྲ་ཤིས་ཀྱིས་སོ། །དགེའོ། །སརྦ་མངྒ་ལཾ།། +
ཞེས་པའང་རྒྱ་བཙུན་ཆེན་པོའི་གསུངས་སོར་བཞག་ལ་གཏེར་ཆེན་འགྲོ་འདུལ་གླིང་པའི་གསན་ཡིག་ལྟར་གྱི་བརྒྱུད་རིམ་ཞལ་བསྐངས་ཏེ་ཞི་ཁྲོའི་གསོ་སྦྱོང་གི་ཆོ་གའི་ཆ་ལག་ཏུ་ཏུ་གཏེར་སློབ་བཛྲ་བུདྡྷས་བྲིས་པ་དགེ་ལེགས་སུ་གྱུར་ཅིག། +
།ཞེས་པའང་ཚུལ་འདི་ཉམས་སུ་ལེན་པར་བརྩོན་པའི་མོས་ལྡན་ཨོ་རྒྱན་འཇིགས་བྲལ་དང་པདྨ་བདེ་ཆེན་སྒྲོལ་མ་ཟུང་གིས་བསྐུལ་བའི་ངོར། འཇིགས་བྲལ་ཡེ་ཤེས་རྡོ་རྗེས་ཕ་རན་སིའི་རྒྱལ་ས། དཔལ་རི་སེར། དད་ལྡན་རྣམས་ལ་ཆོས་ཀྱི་དགའ་སྟོན་སྤྲོ་བའི་སྐབས་སུ་འཇུག་བདེའི་ངག་འདོན་སྙིང་པོར་དྲིལ་ཏེ་སྦྱར་བ་ལས། ཐོག་མའི་ཡི་གེ་པ་ནི་སྤྲུལ་པའི་སྐུ་པདྨ་དབང་རྒྱལ་ལོ། །འདིས་ཀྱང་ཟབ་ཆོས་ཀྱི་ཕྲིན་ལས་ཕྱོགས་མཐར་ཁྱབ་པའི་རྒྱུར་གྱུར་ཅིག། །།སརྦ་དཱ་མངྒ་ལཾ།། +
ཟབ་ཆོས་ཡིད་བཞིན་འོད་འཕྲོ་ལས། པདྨ་ཚེ་དཔག་མེད་ཀྱིས་ལས་བྱང་ཁྲིགས་སུ་བསྡེབས་པ་འཆི་མེད་འདོད་འཇོའི་གཏེར་བུམ། +
ཅེས་པདྨ་ཚེ་དཔག་མེད་ཀྱི་ལས་བྱང་ཁྲིགས་སུ་བསྡེབས་པ་འཆི་མེད་འདོད་འཇོའི་གཏེར་བུམ་ཞེས་བྱ་བ་འདི་ཡང་རྩ་བའི་གཞུང་ལ་རང་གཏེར་འོད་ཀྱི་སྙིང་པོའི་མན་ངག་གིས་གསལ་བར་བྱས་ཏེ་འཇིགས་བྲལ་ཡེ་ཤེས་རྡོ་རྗེ་སྦས་ཡུལ་པདྨ་བཀོད་ཀྱི་གནས་ཆེན་བུདྡྷ་ཚེ་ཕུག་གི་ཀེའུ་ཚར་གོང་མར་ཚུལ་འདིའི་བསྙེན་སྒྲུབ་ལ་ཞུགས་པའི་ཐུན་གསེང་འགའ་ཞིག་ལ་གྲུབ་པར་བགྱིས་པ་སྟེ། འདིས་ཀྱང་འགྲོ་བ་ཐམས་ཅད་འཆི་མེད་ཡེ་ཤེས་ཀྱི་སྐུ་འགྲུབ་པའི་རྒྱུར་གྱུར་ཅིག །ཨ་ཡུརྫྙྰ་ན་སིདྡྷི་རསྟུ།། +
ཟབ་ཆོས་ཡིད་བཞིན་འོད་འཕྲོ་ལས། བླ་མ་ཞི་བ་སྣང་སྲིད་ཟིལ་གནོན་གྱི་ལས་བྱང་ཁྲིགས་སུ་བསྡེབས་པའི་བྱིན་རླབས་རྒྱ་མཚོའི་གཏེར་མཛོད། +
དེ་ལྟར་བླ་མ་ཞི་བ་སྣང་སྲིད་ཟིལ་གནོན་གྱི་ལས་བྱང་ཁྲིགས་སུ་བསྡེབས་པ་བྱིན་རླབས་རྒྱ་མཚོའི་གཏེར་མཛོད་ཅེས་བྱ་བ་འདི་ནི། གཏེར་འབྱིན་སྤྲུལ་པའི་རིག་འཛིན་ཆེན་པོ་ཉིད་ཀྱི་རྡོ་རྗེའི་ལུང་གིས་གསལ་བར་བསྟན་པ་བཞིན་མཁན་ལྗོངས་ཨེ་ཝཾ་བདེ་ཆེན་ཆོས་འཁོར་གླིང་གི་སྒྲུབ་སྡེ་ཆེན་པོ་འདི་ཉིད་ཀྱིས་མཚོན་ངོ་མཚར་ས་ལ་སྤྱོད་པའི་ཞིང་ཁམས་ཀྱི་ཁྱོན་ཀུན་ཏུ་དར་ཞིང་རྒྱས་པའི་བཙས་དམ་པར་འགྱུར་བའི་རྟེན་འབྱུང་ཕུན་སུམ་ཚོགས་པས་མཚམས་སྦྱར་ནས། གཏེར་གཞུང་རྩ་བའི་ཚིག་ལ་མན་ངག་གི་དགོངས་པ་གབ་པ་མངོན་དུ་ཕྱུང་བས་རྣམ་པར་བརྒྱན་ཅིང་རྒྱུན་གྱི་ཉམས་ལེན་འཇུག་ལ་བདེ་བའི་དབང་དུ་བྱས་ཏེ། ལམ་འདིའི་བཀའ་བབས་ལུང་ཐོབ་ཀྱི་སྐལ་བཟང་ཉམས་སུ་མྱོང་བ་རིག་འཛིན་གྱི་མྱུ་གུ་འཇིགས་བྲལ་ཡེ་ཤེས་རྡོ་རྗེས་རང་ལོ་ཉེར་བདུན་དུ་སོན་པ་རབ་མྱོས་ཀྱི་ལོ་དབང་ཆེན་སྤྲེའུ་ཟླ་བའི་ཡར་ངོའི་ཚེས་བཅུ་ལ་ཡིད་འོང་བསམ་གཏན་གྱི་རི་བོའི་སྤོ་རང་བྱུང་ཀུན་ཏུ་བཟང་པོའི་ནགས་ཀླུང་ཉམས་དགའ་བའི་ཚལ་དུ་གྲུབ་པར་བགྱིས་པ་སྟེ། འདིས་ཀྱང་རྨད་དུ་བྱུང་བའི་ཟབ་ཆོས་མཆོག་གི་ཕྲིན་ལས་ཕྱོགས་དུས་གནས་སྐབས་ཀུན་ཏུ་དར་ཞིང་རྒྱས་ལ་ཡུན་རིང་དུ་གནས་པ་དང་། མཐའ་ཡས་པའི་སེམས་ཅན་ཐམས་ཅད་བདེ་བ་ཆེན་པོ་ཀུན་བཟང་པདྨ་སམྦྷ་ཝའི་གོ་འཕང་ལ་མྱུར་དུ་རེག་པའི་རྒྱུར་གྱུར་ཅིག +
ཟབ་ཆོས་ཡིད་བཞིན་འོད་འཕྲོ་ལས། བླ་མ་ཞི་བ་སྣང་སྲིད་ཟིལ་གནོན་རྩ་བའི་སྒྲུབ་ཆེན་གྱི་དབུབ་རིག་འཛིན་གྲུབ་པའི་དགའ་སྟོན། +
།དེ་ལྟར་བླ་མ་ཞི་བ་སྣང་སྲིད་ཟིལ་གནོན་རྩ་བའི་སྒྲུབ་ཆེན་གྱི་ཁོག་དབུབ་རིག་འཛིན་གྲུབ་པའི་དགའ་སྟོན་ཅེས་བྱ་བ་འདི་ནི། སྔོན་ཆད་གཞུང་འདིར་ཕྱག་ལེན་རང་རྐང་ཚུགས་པའི་ཡིག་ཆ་མ་བཞུགས་སྟབས་ལམ་འདིའི་རིང་ལུགས་འཛིན་པ་རྣམས་ཀྱི་འཇུག་སྒོར་མེད་དུ་མི་རུང་བར་མཐོང་ནས་འཁྲུལ་མེད་རྡོ་རྗེའི་གསུང་གི་གསང་བ་ཁོ་ན་ལ་བརྟེན་ཏེ་འཇིགས་བྲལ་ཡེ་ཤེས་རྡོ་རྗེས་ཁྲིགས་སུ་བསྡེབས་པར་བགྱིས་པ་སྟེ། འདིས་ཀྱང་མཐའ་ཡས་པའི་སེམས་ཅན་ཐམས་ཅད་ལྷུན་གྲུབ་རིག་པ་འཛིན་པའི་ས་མཆོག་མངོན་དུ་བྱེད་པའི་རྒྱུར་གྱུར་ཅིག །སརྦ་དཱ་མངྒ་ལཾ།། +
ཟབ་ཆོས་ཡིད་བཞིན་འོད་འཕྲོ་ལས། མཁའ་འགྲོ་ཞི་བ་མཚོ་རྒྱལ་བདེ་ཆེན་དཀར་མོའི་ལས་བྱང་ཁྲིགས་སུ་བསྡེབས་པ་མཁའ་སྤྱོད་གྲུབ་པའི་ཤིང་རྟ། +
དེ་ལྟར་མཁའ་འགྲོ་ཞི་བ་མཚོ་རྒྱལ་བདེ་ཆེན་དཀར་མོའི་ལས་བྱང་ཁྲིགས་སུ་བསྡེབས་པ་མཁའ་སྤྱོད་གྲུབ་པའི་ཤིང་རྟ་ཞེས་བྱ་བ་འདི་ནི། ལམ་འདི་འཛིན་ཅིང་སྤེལ་བའི་བཀའ་བབས་ཀྱི་དབུགས་དབྱུང་ཐོབ་པ་འཇིགས་བྲལ་ཡེ་ཤེས་རྡོ་རྗེས་དབང་ཆེན་སྤྲེའུ་ཟླ་བའི་མར་ངོའི་ཚེས་བཅུ་ཉེ་བའི་འདུ་བ་ཁྱད་པར་ཅན་གྱི་དུས་བཟང་པོ་ལ་གྲུབ་པར་བགྱིས་པ་སྟེ། འདིས་ཀྱང་ཟབ་ལམ་མཆོག་འདིའི་ཕྲིན་ལས་མཁའ་ཁྱབ་ཏུ་རྟག་ཅིང་འཕེལ་བ་དང་། འགྲོ་བ་ཐམས་ཅད་དབྱིངས་ཡུམ་མཚོ་རྒྱལ་བདེ་ཆེན་དཀར་མོའི་གོ་འཕང་ལ་རེག་པའི་རྒྱུར་གྱུར་ཅིག །སརྦ་དཱ་མངྒ་ལཾ།། +
།དེ་ལྟར་གོང་གི་བློ་ལྡོག་རྣམ་བཞིས་མཚོན་བསགས་སྦྱོང་གི་རིམ་པ་རྣམས་སོ་སོའི་ཉམས་ཀྱི་མྱོང་བ་མ་སྐྱེས་ཀྱི་བར་དུ་འབད་ཅིང་། ཁྱད་པར་བླ་མའི་རྣལ་འབྱོར་ནི་རྡོ་རྗེ་ཐེག་པའི་ལམ་གྱི་ཟབ་གནད་ཐུན་མོང་མ་ཡིན་པ་ཁོ་ནར་ངེས་པའི་ཕྱིར་འདི་ཉིད་དངོས་གཞིའི་ཉམས་ལེན་གྱི་སྲོག་ཏུ་བཟུང་སྟེ་བརྩོན་པ་དྲག་པོས་ཉམས་སུ་བླངས་ན་བསྐྱེད་རྫོགས་གཞན་གྱི་ཉམས་ལེན་ལ་ལྟོས་མི་དགོས་པར་རྔ་ཡབ་པདྨ་འོད་ཀྱི་ཞིང་དུ་དབུགས་དབྱུང་སྟེ་ས་ལམ་གྱི་བགྲོད་པ་མིག་འཕྲུལ་ལྟ་བུས་ཁྱབ་བདག་ཀུན་བཟང་པདྨ་ཀཱ་རའི་གོ་འཕང་ལ་རེག་པར་གྱུར་པ་ནི་ངེས་པའོ། །ཞེས་པའང་ཟབ་མོའི་ལམ་འདིར་འཇུག་པའི་གང་ཟག་དང་པོའི་ལས་ཅན་རྣམས་ལ་སྨན་པའི་བསམ་པ་བཟང་པོས་ཀུན་ནས་བསླངས་ཏེ། ཡིད་བཞིན་འོད་འཕྲོ་རྩ་བའི་གཞུང་གི་དགོངས་དོན་གཏེར་འབྱིན་རིག་འཛིན་ཆེན་པོ་ཉིད་ཀྱིས་ས་བཅད་ཟིན་ཐུན་དུ་སྩལ་བ་ལས་ཅུང་ཟད་རྒྱས་པར་སྤྲོས་ཏེ་ངག་འདོན་རྣམ་གསལ་བཀླག་ཆོག་གི་ཚུལ་དུ། ལམ་འདིའི་བཀའ་བབས་ལུང་ཐོབ་ཀྱི་སྐལ་བཟང་ཉམས་སུ་མྱོང་བ་འཇིགས་བྲལ་ཡེ་ཤེས་རྡོ་རྗེས་སྦྱར་བ་སྟེ། འདིས་ཀྱང་འབྲེལ་ཚད་རྣམ་པར་གྲོལ་བའི་ལམ་བཟང་མྱུར་དུ་བགྲོད་པའི་རྒྱུར་གྱུར་ཅིག། སརྦ་མངྒ་ལཾ།། +
།ཞེས་པའང་མངོན་པར་འདོད་པའི་དོན་ལ་ཕྲིན་ལས་གསོལ་བའི་སླད་དུ་འཇིགས་བྲལ་ཡེ་ཤེས་སྤེལ་བ་ཛ་ཡནྟུ། +
ཅེས་པའང་ལམ་འདིའི་བཀའ་བབ་ལུང་ཐོབ་ཀྱི་སྐལ་བཟང་ཉམས་སུ་མྱོང་བ་རིག་འཛིན་གྱི་མྱུ་གུ་འཇིགས་བྲལ་ཡེ་ཤེས་རྡོ་རྗེས་གསོལ་བ་བཏབ་པ་དགེ། གོང་གི་སྒམ་པོ་པ་ཨོ་རྒྱན་འགྲོ་འདུལ་གླིང་པའམ་པདྨ་འགྲོ་མགོན་རྡོ་རྗེ་ཉིད་ད་ལྟའི་སྨིན་གྲོལ་གྱི་བརྒྱུད་པའི་གྲལ་དུ་མི་བཞུགས་ཀྱང་རྩ་བའི་ཆོས་བདག་མཆོག་ཏུ་གྲུབ་པ་དང་། ཆོས་གླིང་གར་དབང་འཆི་མེད་རྡོ་རྗེ་ནི་མཚོ་རྒྱལ་བདེ་ཆེན་དཀར་མོའི་སྨིན་གྲོལ་གྱི་བརྒྱུད་པར་ཐུག་པ་བཅས་གཉིས་ཀར་གཏེར་ཆེན་ཉིད་ཀྱི་ཐུན་མོང་མ་ཡིན་པའི་ཐུགས་ཀྱི་སྲས་སུ་གྱུར་པ་ཙམ་དུ་མ་ཟད་སྦས་ཡུལ་གནས་གཏེར་རྒྱ་མཚོའི་སྒོ་བརྒྱ་ཐོག་མར་འབྱེད་པའི་ཤིང་རྟ་ཆེན་པོར་དེས་པའི་ཕྱིར་རིག་འཛིན་རྣམ་པ་གསུམ་པོ་དཀྱུས་གཅིག་ཏུ་བཀོད་པའོ།། +
ཞེས་པའང་རིགས་མཐུན་རྡོ་རྗེའི་གསུང་ལ་སྐབས་སུ་བབ་པའི་ཁ་སྐོང་ཅུང་ཟད་དབང་བཅས་འཇིགས་བྲལ་ཡེ་ཤེས་རྡོ་རྗེས་སོ།། +
ཞེས་པའང་མཁའ་སྤྱོད་དཔལ་གྱི་འབྲས་མོ་གཤོངས་ཀྱིས་སྐྱོང་རྒྱལ་སྲས་རིན་པོ་ཆེའི་ཐུགས་དམ་ཉམས་བཞེས་ཀྱི་ཆེད་དང་། གཞན་ཡང་གསང་ཆེན་པདྨ་ཡང་རྩེའི་ཆོས་གྲྭ་སོགས་ལམ་འདིའི་རིང་ལུགས་འཛིན་པ་རྣམས་ཀྱི་འཇུག་སྒོར་ཉེ་བར་མཁོ་བས་མཚམས་སྦྱར་ཏེ། འཇིགས་བྲལ་ཡེ་ཤེས་རྡོ་རྗེས་ངག་འདོན་ཁོ་ན་འཇུག་བདེ་བཀླག་ཆོག་ཏུ་བསྡེབས་པ་ཟབ་ལམ་གྱི་ཕྲིན་ལས་མི་ནུབ་རྟག་ཅིང་ཁྱབ་པའི་རྒྱུར་གྱུར་ཅིག། སརྦ་དཱ་མངྒ་ལཾ།། +
།ཞེས་རང་གི་སློབ་མའི་ཚོགས་ལ་ཉེ་བར་མཁོ་བའི་ཆེད་དུ་བདུད་འཇོམས་རྡོ་རྗེས་བྲིས་པ་ཡོངས་སུ་དགེ་བར་གྱུར་ཅིག །དགེའོ། །དགེའོ། །དགེའོ།། +
ཟབ་དོན་གསང་བ་སྙིང་ཐིག་གི་ཚེ་ཁྲིད་རྡོ་རྗེའི་ཕྲེང་བའི་སྒྲུབ་ཐབས་ཕྲིན་ལས་དང་བཅས་པ་འཆི་མེད་འདོད་འཇོའི་བུམ་བཟང་། +
།དེ་ལྟར་ཚེ་ཁྲིད་རྡོ་རྗེའི་ཕྲེང་བའི་སྒྲུབ་ཐབས་ཕྲིན་ལས་དང་བཅས་པ་འཆི་མེད་འདོད་འཇོའི་བུམ་བཟང་ཞེས་བྱ་བ་འདི་ནི། སྐྱབས་གནས་གཅིག་གིས་བསྡུས་པའི་རྡོ་རྗེའི་མཆེད་པོ་སྡོམ་བརྩོན་དགེ་བའི་བཤེས་གཉེན་མཐུ་སྟོབས་རྣམ་པར་རྒྱལ་བའི་གསུང་གིས་ཡང་དང་ཡང་དུ་བསྐུལ་བར་མཛད་པ་ཡིད་ལ་སིམས་པའི་ཐོག །ཉེ་ཆར་རྣམ་འདྲེན་འཁོར་ལོའི་མགོན་པོ་གར་དབང་སངས་རྒྱས་རྡོ་རྗེ་འདུས་པ་རྩལ་གྱི་ཞལ་སྔ་ནས་བཀའ་ལུང་གསེར་གྱི་པདྨོ་སྤྱི་བོའི་རྒྱན་དུ་ལྷུང་བ་དད་པ་རྒྱ་མཚོས་མངོན་པར་མཆོད་པའི་སླད་དུ། གཏེར་གཞུང་རྩ་བའི་དགོངས་པ་རིགས་མཐུན་རྡོ་རྗེའི་ཚིག་གིས་རྣམ་པར་བཀྲལ་ཞིང་ཉེ་བར་མཁོ་བའི་ཕྲིན་ལས་ཇི་ལྟར་རིགས་པས་ཀྱང་མི་འགལ་བར་བརྒྱན་ཏེ། ལྷ་རིགས་ཀྱི་སྔགས་བན་སྙོམས་ལས་པ་འཇིགས་བྲལ་ཡེ་ཤེས་རྡོ་རྗེས་རང་ལོ་བཞི་བཅུ་རྩ་གཉིས་པའི་ཐོག་ཏུ་སོན་པས་སྐྱོང་གི་ལོ་མགོ་ཟླ་ཕྱི་མའི་དཀར་ཕྱོགས་ཀྱི་གྲལ་ཚེས་བཟང་པོ་ལ། མཆིམས་ཀྱི་ཀོང་ཡུལ་ལྗོན་པའི་ལྗོངས་ཀྱི་ཐིག་ལེ་བུ་ཆུ་བདེ་ཆེན་སྟེང་རིག་པ་འཛིན་པའི་དགའ་ཚལ་དུ་སྦྱར་བ་ལས། ཐོག་མའི་ཡི་གེ་བ་ནི་རྣམ་པར་དགེ་བའི་ཤེས་རབ་གསལ་ཞིང་ཟབ་མོའི་ལམ་ལ་གཞོལ་བའི་སྐལ་བ་ཅན་བློ་གྲོས་སྣང་བ་རབ་ཏུ་རྒྱས་པའི་སྡེས་བགྱིས་པའོ། །འདིས་ཀྱང་དཔལ་ལྡན་བླ་མཆོག་གི་ཞབས་པད་བསྐལ་པ་རྒྱ་མཚོར་རྟག་ཅིང་བརྟན་པ་དང། འགྲོ་བ་ཐམས་ཅད་འཆི་མེད་ཡེ་ཤེས་དྭངས་མའི་སྐུ་ཚེ་ལ་མངའ་དབང་འབྱོར་པའི་རྒྱུར་གྱུར་ཅིག། །། ཨཱ་ཡུརྫྙཱ་ན་སིདྡྷི་རསྟུ།། +
།ཅེས་པའང་ལམ་འདིར་གཡར་དམ་ལྷུར་ལེན་པའི་རྣལ་འབྱོར་པ་དཀོན་མཆོག་རབ་བརྟན་གྱིས་བསྐུལ་ངོར། བདུད་བཞི་སྙིང་ལ་ཉལ་བའི་གཅོད་པ་འཇིགས་བྲལ་ཡེ་ཤེས་རྡོ་རྗེའི་ཐུན་གསེང་འགའ་ཞིག་ལ་སུག་བྲིས་སུ་བགྱིས་པ་དགེ། །མངྒ་ལཾ། +
