Property:Colophontib
From Dudjom Wiki
This is a property of type Text.
ད
དམ་ཆོས་དགོངས་པ་ཡོངས་འདུས་ལས། སྒྲུབ་ཆེན་གྱི་པྲ་ཁྲིད་ཁྲིགས་སུ་བསྡེབས་པ་དངོས་གྲུབ་འདོད་འཇོའི་བུམ་བཟང་། +
།དེ་ལྟར་སྒྲུབ་ཆེན་གྱི་པྲ་ཁྲིད་ཁྲིགས་སུ་བསྡེབས་པ་དངོས་གྲུབ་འདོད་འཇོའི་བུམ་བཟང་ཞེས་བྱ་བ་འདི་ནི། ཁྱབ་བདག་བླ་མ་མཚོ་སྐྱེས་རྡོ་རྗེ་འཆང་གི་ངོ་བོར་བཞུགས་པ་གར་གྱི་དབང་ཕྱུག་སངས་རྒྱས་རྡོ་རྗེ་འདུས་པ་རྩལ་གྱི་ཞལ་སྔ་ནས་ལམ་འདིའི་རིང་ལུགས་འཛིན་པ་རྣམས་ཀྱི་འཇུག་སྒོར་འདི་ལྟར་ལག་ལེན་འཇུག་པ་བདེ་བའི་ཁྲིགས་སུ་བསྡེབས་པར་གྱིས་ཞེས་བཀས་རྗེས་སུ་གནང་བ་དད་པས་སྤྱི་བོར་མཆོད་དེ། པྲ་ཁྲིད་གཏེར་གཞུང་རྩ་བར་སྐབས་སུ་བབས་པའི་ཁ་སྐོང་དུ་འོས་པ་རྣམས་རིགས་མཐུན་གྱི་གཏེར་ཁ་དག་ལས་བླངས་ཤིང་དཀྱུས་ཀྱི་ཕྱག་ལེན་རྣམ་གསལ་བཀླག་ཆོག་གི་ཚུལ་དུ། རིག་འཛིན་གྱི་མྱུ་གུ་འཇིགས་བྲལ་ཡེ་ཤེས་རྡོ་རྗེས་རང་ལོ་སུམ་ཅུ་ཐམ་པའི་ཐོག་ཏུ་སོན་པ་དཔལ་གདོང་གི་ལོ་ཆུ་སྟོད་ཉ་བའི་ཤེས་རབ་ཀྱི་ཆའི་མཁའ་འགྲོ་འདུ་བའི་དུས་བཟང་པོ་ལ། གྲུབ་པའི་བསྟི་གནས་ཆོས་སྡིངས་རིན་ཆེན་སྤུངས་ཀྱི་ཡང་དབེན་འོད་གསལ་ཐེག་པ་མཆོག་གི་གླིང་དུ་སྦྱར་བ་ལས། ཐོག་མའི་ཡི་གེ་པ་ནི་ལམ་འདི་ཉིད་ལ་མི་ཕྱེད་པའི་དད་གུས་ཀྱི་གཡར་དམ་ལྷུར་ལེན་པ་དགེ་སྦྱོང་པདྨ་བློ་གསལ་དང་འཇིགས་མེད་རང་གྲོལ་ཏེ་རྣམ་པ་གཉིས་ཀྱིས་སོ། །འདིས་ཀྱང་ཟབ་ལམ་གྱི་ཕྲིན་ལས་གོང་ནས་གོང་དུ་འཕེལ་ཞིང་རྒྱས་པ་དང་འགྲོ་བ་ཐམས་ཅད་གུ་རུ་རྩ་བ་གསུམ་གྱི་གོ་འཕང་ལ་མྱུར་དུ་རེག་པའི་རྒྱུར་གྱུར་ཅིག། །། སརྦ་དཱ་མངྒ་ལཾ།། +
།དེ་ལྟར་དམ་ཆོས་དགོངས་པ་ཡོངས་འདུས་ཀྱི་ཡང་གསང་བླ་མའི་ལས་བྱང་ཁྲིགས་སུ་བསྡེབས་པ་རིགས་འཛིན་པའི་དགོངས་རྒྱན་ཅེས་བྱ་བ་འདི་ནི། འཁོར་ལོའི་མགོན་པོ་གར་གྱི་དབང་ཕྱུག་སངས་རྒྱས་རྡོ་རྗེ་འདུས་པ་རྩལ་གྱི་བཀའི་ཅོད་པན་སྤྱི་བོར་བཅིངས་ཏེ་རང་གཞན་མང་པོ་ལ་སྨན་པའི་བསམ་པ་ཉེ་བར་བསྐྱེད་ནས། རྩ་བའི་ལས་བྱང་ལ་སྐབས་སུ་བབ་པའི་ཁ་སྐོང་དུ་འོས་པ་རྣམས་གཞུང་གི་དངོས་བསྟན་དང་གཏེར་ཆེན་ཉིད་ཀྱི་བཀའ་སྲོལ་བཞིན་རིགས་མཐུན་གྱི་གཏེར་ཁ་གོང་མ་དག་ལས་བླངས་ཤིང་རྒྱུན་གྱི་ཉམས་ལེན་འཇུག་པ་བདེ་བའི་དབང་དུ་བྱས་ཏེ། བདེ་བ་ཆེན་པོ་པདྨ་སམྦྷ་ཝ་ཡབ་ཡུམ་གྱིས་འབྲོག་བན་ལོ་ཙཱའི་སྐྱེས་པ་རབས་ཀྱི་ཕྲེང་བའི་གྲལ་དུ་བྱིན་གྱིས་བརླབས་པའི་ལྷ་རིགས་ཀྱི་སྔགས་བན་འཇིགས་བྲལ་ཡེ་ཤེས་རྡོ་རྗེ་དགེ་ལེགས་རྣམ་པར་རྒྱལ་བའི་སྡེས། རང་ལོ་སུམ་ཅུ་པའི་ཐོག་ཏུ་སོན་པ་དཔལ་གདོང་གི་ལོ་དབང་ཆེན་སྤྲེའུ་ཟླ་བའི་ཡར་ངོའི་ཚེས་བཅུ་ལ་གྲུབ་པའི་གནས་མཆོག་ཆོས་སྡིངས་རིན་ཆེན་སྤུངས་ཀྱི་ཡང་དབེན་འོད་གསལ་ཐེག་པ་མཆོག་གི་གླིང་དུ་སྦྱར་བའི་ཡི་གེ་པ་ནི་རྣམ་བར་དགེ་བའི་ནོར་ལྡན་བླ་མ་པདྨ་བློ་གསལ་ཀྱིས་མཛད་པ་ལས། སླར་ཡང་མཁན་ལྗོངས་ཨེ་ཝཾ་བདེ་ཆེན་ཆོས་འཁོར་གླིང་བཀྲ་ཤིས་ཀྱི་དཔལ་ཕུན་སུམ་ཚོགས་པའི་དགའ་ཚལ་ཆེན་པོར་ཚེས་བཅུའི་དུས་མཆོད་སྤྲོས་བཅས་ཀྱི་ཕྱག་བཞེས་གསར་དུ་འཛུག་པར་ཉེ་བ་ན་ཤིན་ཏུ་གསལ་བར་བགྱིས་པའོ། །འདིས་ཀྱང་རྨད་དུ་བྱུང་བའི་ཟབ་ལམ་གྱི་ཕྲིན་ལས་ཕྱོགས་དུས་ཀུན་ཏུ་དར་ཞིང་རྒྱས་ལ་ཡུན་རིང་དུ་གནས་པ་དང་། མཐའ་ཡས་པའི་འགྲོ་བ་ཐམས་ཅད་སྐུ་བཞིའི་དབང་ཕྱུག་གུ་རུ་ཐོད་ཕྲེང་རྩལ་གྱི་གོ་འཕང་ལ་མྱུར་དུ་རེག་པའི་རྒྱུར་གྱུར་ཅིག །སརྦ་དཱ་མངྒ་ལཾ།། +
དམ་ཆོས་སྤྲུལ་སྐུའི་ཐིག་ལས། འཕགས་མཆོག་ནམ་མཁའི་རྒྱལ་པོའི་སྨིན་བྱེད་དང་འབྲེལ་བར་སངས་རྒྱས་སྟོང་དབང་གི་ཆོ་ག་ཕན་བདེའི་འཛུམ་ཟེར། +
།ཅེས་པའང་དབང་ཆོག་རྩ་བའི་དགོངས་དོན་བཞིན་གཏེར་ཁ་གོང་མའི་གཞུང་ལས་འཇུག་པ་བདེ་བའི་ཡན་ལག་ཏུ་ཁོལ་ཕྱུང་བཀླགས་པས་གྲུབ་པར་བསྡེབས་པ་སྟེ། རྒྱལ་བའི་སྲས་པོ་བློ་གྲོས་ཕན་བདེའི་འོད་ཟེར་རམ་འཇིགས་བྲལ་ཡེ་ཤེས་རྡོ་རྗེས་གངས་རིའི་ཁྲོད་ཀྱི་ལྷོ་ཕྱོགས་མོན་ཡུལ་སྤ་གྲོ་རིན་སྤུངས་ཀྱི་སྐྱེད་མོས་ཚལ་ཉམས་དགའ་བའི་གནས་སུའོ། །འདིས་ཀྱང་འབྲེལ་ཚད་བྱང་ཆེན་མཆོག་གི་ལམ་ལ་དཀྲི་བའི་རྒྱུར་གྱུར་ཅིག། +
དམ་ཆོས་སྤྲུལ་སྐུའི་སྙིང་ཐིག་ལས། འཕགས་མཆོག་ནམ་མཁའི་རྒྱལ་པོའི་སྒྲུབ་ཆེན་གྱི་ཁོག་དབུབ་ཕན་བདེའི་ཆུ་གཏེར། +
།དེ་ལྟར་འཕགས་མཆོག་ནམ་མཁའི་རྒྱལ་པོའི་སྒྲུབ་ཆེན་གྱི་ཁོག་དབུབ་ཕན་བདེའི་ཆུ་གཏེར་ཞེས་བྱ་བ་འདི་ནི། འགྲོ་འདུལ་འཁོར་བ་དོང་སྤྲུགས་ཀྱི་ཕྲིན་ལས་མཁའ་ཁྱབ་ཏུ་བརྡལ་བའི་ཆ་རྐྱེན་ཏུ་ཡང་དག་པར་དམིགས་ནས། ཟབ་གཏེར་རྩ་བའི་ཕྱི་མོ་དགོངས་པ་ཡོངས་འདུས་ཀྱི་པྲ་ཁྲིད་ཉིད་གཞིར་བཟུང་ཞིང་སྐབས་སུ་བབས་པའི་གསལ་བྱེད་ཇི་ལྟར་རིགས་པས་ཀྱང་མི་འགལ་བར་བརྒྱན་ཏེ། རྗེ་རིགས་ཀྱི་སྔགས་བན་འཇིགས་བྲལ་ཡེ་ཤེས་རྡོ་རྗེས་རང་ལོ་སུམ་ཅུ་རྩ་ལྔར་སོན་པས་ཕོ་སྟག་གི་ལོ་རྒྱལ་གྱི་ཉ་བའི་ཡར་ངོའི་ཚེས་བརྒྱད་ལ། གངས་ཅན་གྲུ་འཛིན་གྱི་རི་བོའི་ལྷོ་ཕྱོགས་མོན་གྱི་སྤ་གྲོ་སྟག་ཚང་སེང་ཕུག་གི་ཉེ་འདབ་རིན་ཆེན་སྤུངས་ཀྱི་སྐྱེད་མོས་ཚལ་ཉམས་དགའ་བའི་གནས་སུ་ལེགས་པར་སྦྱར་བ་ལས། ཐོག་མའི་གླེགས་བམ་དུ་འབེབས་པ་པོ་ནི་རིག་བྱེད་སྨྲ་བ་དགེ་སྦྱོར་པདྨ་བཀྲ་ཤིས་ཀྱིས་དགྱིས་པའོ། །འདིས་ཀྱང་འགྲོ་བ་ཐམས་ཅད་རིགས་འདུས་ནམ་མཁའི་རྒྱལ་པོའི་གོ་འཕང་མཆོག་ལ་མྱུར་དུ་དབུགས་འབྱིན་པའི་རྒྱུར་གྱུར་ཅིག །སརྦ་དཱ་མངྒ་ལཾ།། +
།དེ་ལྟར་འཕགས་མཆོག་ནམ་མཁའི་རྒྱལ་པོའི་སྦྱིན་སྲེག་གི་ཆོ་ག་ཕན་བདེའི་སྣང་བ་ཞེས་བྱ་བ་འདིའང་། དགོངས་པ་ཡོངས་འདུས་རྩ་བའི་སྲེག་བླུགས་ཀྱི་གཞུང་བཞིན་འཇུག་བདེ་བཀླག་པས་གྲུབ་པར་རིག་འཛིན་གྱི་མྱུ་གུ་འཇིགས་བྲལ་ཡེ་ཤེས་རྡོ་རྗེས་མོན་གྱི་སྤ་གྲོ་རིན་སྤུངས་ཀུན་ཏུ་བཟང་པོའི་ནགས་ཀླུང་ཉམས་དགའ་བའི་གནས་སུ་ལེགས་པར་སྦྱར་བ་སྟེ། འདིས་ཀྱང་ལས་དང་དངོས་གྲུབ་ཐམས་ཅད་ཐོགས་མེད་ཡིད་བཞིན་དུ་འགྲུབ་པའི་རྒྱུར་གྱུར་ཅིག །སརྦ་དཱ་མངྒ་ལཾ།། +
།དེ་ལྟར་བསྟན་སྲུང་བདུད་མགོན་ཞིང་སྐྱོང་ཆེན་པོའི་ཕྲིན་ལས་གདུག་པ་ཚར་གཅོད་ཅེས་བྱ་བ་འདི་ཡང་། གཏེར་གཞུང་རྩ་བའི་ལས་བྱང་ལ་སྐོང་བཤགས་སོགས་སྐབས་སུ་བབས་པའི་ཚིག་ཕྲེང་ཇི་ལྟར་རིགས་པས་མི་འགལ་བར་བརྒྱན་ཅིང་རྒྱུན་གྱི་མཆོད་ཕྲིན་འཇུག་པ་བདེ་བའི་དབང་དུ་བྱས་ཏེ། ཟབ་གཏེར་སྙིང་པོའི་རིང་ལུགས་དར་ཞིང་རྒྱས་པའི་ཆ་རྐྱེན་དུ་རྗེ་རིགས་ཀྱི་སྔགས་ནག་འཇིགས་བྲལ་ཡེ་ཤེས་རྡོ་རྗེས་མོན་གྱི་སྤ་གྲོ་སྟག་ཚང་སེང་གེ་བསམ་འགྲུབ་ཀྱི་ཀེའུ་ཚང་དུ་སྦྱར་བ་བསྟན་དགྲ་ཆམ་ལ་འབེབས་པའི་རྒྱུར་གྱུར་ཅིག །ཛ་ཡནྟུ། +
དམ་ཆོས་སྤྲུལ་སྐུའི་སྙིང་ཐིག་ལས། འཕགས་མཆོག་ནམ་མཁའི་རྒྱལ་པོའི་དབང་གཞུང་བདུད་རྩིའི་ལྟེང་ཀ་ཕྱག་ལེན་མཚམས་སྦྱོར་གྱིས་བརྒྱན་པ་ཕན་བདེའི་འཛུམ་རླབས། +
།དེ་ལྟར་འཕགས་མཆོག་ནམ་མཁའི་རྒྱལ་པོའི་དབང་གཞུང་བདུད་རྩིའི་ལྟེང་ཀ་ཕྱག་ལེན་མཚམས་སྦྱོར་གྱིས་བརྒྱན་པ་ཕན་བདེའི་འཛུམ་རླབས་ཞེས་བྱ་བ་འདི་ནི། ཡོངས་ལ་སྨན་པར་བརྩོན་པའི་ཐུགས་བསྐྱེད་ཀྱི་ཕྲིན་ལས་རྨད་དུ་བྱུང་བ་བྱང་ཆུབ་སེམས་དཔའ་ཆེན་པོའི་ངང་ཚུལ་ཅན་མི་དབང་རིག་པ་འཛིན་པ་ཚེ་རིང་དཔལ་འབྱོར་བཟང་པོའི་ཞལ་སྔ་ནས་བཀྲ་ཤིས་པའི་ལྷ་གོས་ཉིན་མོ་བདེ་ལེགས་སོགས་ཕུལ་དུ་བྱུང་བའི་མཎྜལ་དང་བཅས་ཏེ་དང་བའི་གསུང་གིས་རྗེས་སུ་བསྐུལ་བར་མཛད་པ་ལས། གདུལ་བྱའི་འགྲོ་བ་རྣམས་ལ་ཕན་པ་ཆེན་པོའི་སྒོར་འགྱུར་བར་མཐོང་ནས། རིག་འཛིན་གྱི་མྱུ་གུ་འཇིགས་བྲལ་ཡེ་ཤེས་རྡོ་རྗེས་རང་ལོ་སུམ་ཅུ་རྩ་གསུམ་པའི་ཐོག་ཏུ་སོན་པ་འཛིན་བྱེད་ཀྱི་ལོ་སྨིན་དྲུག་ཉ་བའི་ཡར་ངོ་རྒྱལ་བ་དང་པོའི་དུས་དགེ་བ་ལ། གངས་ཅན་གྲུ་འཛིན་གྱི་རི་བོའི་ལྷོ་ཕྱོགས་མོན་ཡུལ་བཀྲ་ཤིས་འཁྱིལ་བའི་ལྗོངས་ཀྱི་བྱེ་བྲག་སྤ་གྲོ་རིན་ཆེན་སྤུངས་ཀྱི་སྐྱེད་མོས་ཚལ་ཉམས་དགའ་བའི་གནས་སུ་ལེགས་པར་སྦྱར་བ་སྟེ། འདིས་ཀྱང་ཟབ་ལམ་གྱི་ཕྲིན་ལས་ཕྱོགས་དུས་ཀུན་ཏུ་དར་ཞིང་རྒྱས་ལ་ཡུན་རིང་དུ་གནས་པ་དང་། མཐའ་ཡས་པའི་འགྲོ་བ་ཐམས་ཅད་ཟུང་འཇུག་འཕགས་པའི་གོ་འཕང་ལ་མྱུར་དུ་རེག་པའི་རྒྱུར་གྱུར་ཅིག །སརྦ་དཱ་མངྒ་ལཾ།། +
།ཞེས་པའང་སྨིན་བྱེད་རྩ་བའི་གཞུང་བཞིན་ངག་འདོན་འཇུག་པ་བདེ་བའི་དབང་དུ་བྱས་ཏེ་འཇུགས་བྲལ་ཡེ་ཤེས་རྡོ་རྗེས་སྦྱར་བ་སིདྡྷི་རསྟུ། །སརྦ་མངྒ་ལཾ།། +
དམ་ཆོས་སྤྲུལ་སྐུའི་སྙིང་ཐིག་ལས། འཕགས་མཆོག་ནམ་མཁའི་རྒྱལ་པོའི་ལས་བྱང་ཁྲིགས་སུ་བསྡེབས་པ་ཕན་བདེའི་ཤིང་རྟ། +
།དེ་ལྟར་འཕགས་མཆོག་ནམ་མཁའི་རྒྱལ་པོའི་གསང་སྒྲུབ་འཁོར་བ་དོང་སྤྲུགས་ཀྱི་ལས་བྱང་ཁྲིགས་སུ་བསྡེབས་པ་ཕན་བདེའི་ཤིང་རྟ་ཞེས་བྱ་བ་འདི་ནི། རིགས་དང་དཀྱིལ་འཁོར་རྒྱ་མཚོའི་ཁྱབ་བདག་གར་དབང་སངས་རྒྱས་རྡོ་རྗེ་འདུས་པ་རྩལ་གྱི་བཀའ་ལུང་ནོར་བུའི་ཅོད་པན་སྤྱི་བོའི་རྒྱན་དུ་བཅིངས་ཏེ་རང་གཞན་མང་པོ་ལ་སྨན་པའི་བསམ་པ་ཉེ་བར་བསྐྱེད་ནས། ཟབ་གཏེར་རྩ་བའི་གཞུང་དོན་མན་ངག་གིས་ཕྱེས་ཤིང་སྐབས་སུ་བབས་པའི་ཁ་སྐོང་དུ་འོས་པ་རྣམས་རིགས་མཐུན་གྱི་གཏེར་ཁ་དང་གསང་བ་སྤྱི་ལ་འཇུག་པའི་ཆོ་གའི་ཡན་ལག་རྣམས་ཀྱིས་མི་འགལ་བར་བརྒྱན་ཏེ། སྤྱན་རས་གཟིགས་ཀྱི་རྣལ་འབྱོར་པ་འཇིག་བྲལ་ཡེ་ཤེས་རྡོ་རྗེ་རང་ལོ་སུམ་ཅུར་སོན་པ་རབ་བྱུང་བཅུ་དྲུག་པའི་དཔལ་གདོང་ཆུ་བྱའི་ལོ་ཁྲུམ་སྟོད་ཉ་བའི་ཡར་ངོ་བཟང་པོ་གཉིས་པའི་དུས་ཚེས་དགེ་བ་ལ། སྦས་ཡུལ་པདྨ་སྦས་པའི་ཚལ་གྱི་བྱེ་བྲག་གྲུབ་པའི་བསྟི་གནས་ཆོས་སྡིངས་རིན་ཆེན་སྤུངས་ཀྱི་ཡང་དབེན་རྗེ་བཙུན་བླ་མ་མཆོག་གི་གསང་གསུམ་ཡེ་ཤེས་ཀྱི་སྣང་བས་བྱིན་གྱིས་བརླབས་བའི་གཞལ་མེད་ཁང་དུ་ལེགས་པར་སྦྱར་བ་ལས། ཐོག་མའི་གླེགས་བམ་དུ་འབེབས་པ་པོ་ནི་རྣམ་པར་བཀྲ་བའི་བློ་གྲོས་ཀྱི་འཇུག་པ་གསལ་བ་ཕྲིན་ལས་རབ་ཏུ་དགའ་བའི་སྡེས་བགྱིས་པའོ། །འདིས་ཀྱང་ཟབ་ལམ་གྱི་ཕྲིན་ལས་ཕྱོགས་དུས་ཀུན་ཏུ་འཕེལ་ཞིང་རྒྱས་པ་དང་སྐྱེ་འགྲོ་ཡོངས་ལ་ཕན་བདེ་རྒྱ་ཆེན་པོ་འབྱུང་བའི་རྒྱུར་གྱུར་ཅིག། །། སརྦ་མངྒ་ལཾ།། +
དམ་ཆོས་སྤྲུལ་སྐུའི་སྙིང་ཐིག་ལས། སྒྲོལ་དཀར་ཡིད་བཞིན་འཁོར་ལོ་སྦྱིན་མའི་སྒྲུབ་ཐབས་ཁྲིགས་སུ་བསྡེབས་པ་འཆི་མེད་བདུད་རྩིའི་བུམ་བཟང་། +
།དེ་ལྟར་རིག་འཛིན་ཆེན་པོ་བདུད་འདུལ་གླིང་པའི་གཏེར་བྱོན་སྒྲོལ་དཀར་ཡིད་བཞིན་འཁོར་ལོ་ཚེ་སྦྱིན་མའི་སྒྲུབ་ཐབས་ཁྲིགས་སུ་བསྡེབས་པ་འཆི་མེད་བདུད་རྩིའི་བུམ་བཟང་ཞེས་བྱ་བ་འདི་ནི། རིགས་ལྡན་གྱི་ཤེས་རབ་མ་ལྷ་ལྕམ་ཀུན་བཟང་བདེ་ཆེན་མཚོ་མོའི་བཞེད་པ་སྐོང་བའི་སླད་དུ། རིག་པ་འཛིན་པའི་མྱུ་གུ་འཇིགས་བྲལ་ཡེ་ཤེས་རྡོ་རྗེས་རང་ལོ་སུམ་ཅུ་རྩ་བདུན་དུ་སོན་པ་རྣམ་གནོན་ལྕགས་འབྲུག་གི་ལོ་གྲོ་བཞིན་ཟླ་བའི་ཡར་ངོའི་རྒྱལ་བ་གཉིས་པའི་དུས་ཚེས་བཟང་པོ་ལ། སློབ་དཔོན་ཆེན་པོས་བྱིན་གྱིས་བརླབས་པའི་སྦས་ཡུལ་དཔལ་འབྲས་མོ་གཤོངས་ཀྱི་སྐྱེད་མོས་ཚལ་ཉམས་དགའ་བའི་གནས་སུ་གྲུབ་པར་བགྱིས་པ་སྟེ། འདིས་ཀྱང་འགྲོ་བ་ཐམས་ཅད་འཆི་མེད་འཕགས་མའི་ཡེ་ཤེས་ཀྱི་སྐུ་འགྲུབ་པའི་རྒྱུར་གྱུར་ཅིག། སརྦ་དཱ་མངྒལཾ།། +
།ཞེས་པའང་རྡོ་རྗེ་འཛིན་པ་ཨོ་རྒྱན་རྣམ་གྲོལ་རྒྱ་མཚོའི་ཞལ་སྔ་ནས་གསང་ཆེན་མྱུར་ལམ་དང་དམ་པ་གོང་མའི་ཟིན་བྲིས་རྣམས་ཀྱི་སྟེང་ནས་མཐོང་བརྒྱུད་ཕྱག་ལེན་གྱིས་གཏན་ལ་ཕབ་པའི་བསླབ་ཁྲིད་ཇི་ལྟར་སྩལ་བ་རྣམས་རང་གི་བརྗེད་བྱང་ཟིན་བྲིས་སུ་སྤེལ་བ་སྟེ་འཇིགས་བྲལ་ཡེ་ཤེས་རྡོ་རྗེས་སོ།། +
གུ་རུ་ཆོས་དབང་གི་གཏེར་མའོ།། +
ཞེས་མི་རྒན་བདུད་འཇོམས་པས་སྨྲས་པ་ཡོངས་སུ་དགེ་བར་གྱུར་ཅིག །ཞུས་སོ།། +
ཅེས་རྣལ་འབྱོར་ཚུལ་ཁྲིམས་པའི་ངོར་བདུད་འཇོམས་རྡོ་རྗེས་སྨྲས་པའོ།། +
ཞེས་དད་ལྡན་བཙུན་མ་གསུམ་གྱིས་ནན་དུ་བསྐུལ་ངོར་བདུད་འཇོམས་རྡོ་རྗེས་སྨྲས་པ་ཡོངས་སུ་དགེ་བར་གྱུར་ཅིག། +
* '''First colophon:''' མི་རྒན་བདུད་འཇོམས་རྡོ་རྗེས་སྨྲས་པ་དགེ།།
* '''Second colophon:''' ཅེས་པ་འདི་པདྨ་རྣམ་རྒྱལ་གྱིས་བསྐུལ་ངོར་བདུད་འཇོམས་རྡོ་རྗེས་སོ།།
+
།བདུད་འཇོམས་རྡོ་རྗེས་སྨྲས་པ་དགེ། +
།མི་རྒན་བདག་གི་སྙིང་གཏམ་འདི། །རྣལ་འབྱོར་རྡོ་རྗེ་ཡེ་ཤེས་ཀྱིས། །བསྐུལ་བ་དོན་ཡོད་ཕྱིར་དུ་བྲིས། །དགེའོ།། +
སེམས་མེད་དཀོན་མཆོག་བཀྲ་ཤིས་ཁྱོད་ལ་ཕུལ། །རྣམ་ཤེས་དབྱིངས་ནུབ་མི་རོ་བདུད་འཇོམས་པས་སོ།། +
ཞེས་པ་འདི་ཡང་ཝ་ཤུལ་བླ་མ་རིག་འཛིན་རྒྱ་མཚོས་བསྐུལ་ངོར་ཁྲག་འཐུང་རྡོ་རྗེ་ཁྲོ་ལོད་ཀྱིས་སྨྱོ་གླུ་བླངས་པའོ། །དགེའོ།། +
