Property:Colophontib
From Dudjom Wiki
This is a property of type Text.
ར
རྡོ་རྗེ་ཕུར་པ་ཡང་གསང་བཅུད་དྲིལ་གྱི་ཆ་ལག་ཚེ་སྒྲུབ་འཆི་མེད་སྲོག་ཐིག་གི་བརྒྱུད་པའི་གསོལ་འདེབས་དངོས་གྲུབ་ཕུང་། +
ཞེས་པའང་བ་ཆོས་ཀྱི་བདག་པོ་གཏེར་འབྱིན་བླ་མ་གང་ནས་གསུང་བསྐུལ་མཛད་པ་བཞིན། དུས་མཐའི་སྔགས་བཙུན་དཔལ་ཀརྨ་པ་མཁའ་ཁྱབ་བདེ་བའི་རྡོ་རྗེར་འབོད་པས་ལྷག་བསམ་དག་པས་བྲིས་པ་དོན་ལྡན་དུ་གྱུར་ཅིག། +
ཅེས་པའང་པདྨ་བཞད་པའི་དབང་པོས་ཟབ་ཆོས་རིན་པོ་ཆེའི་སྒོར་ཞུགས་པ་དག་ལ་ཕན་ཕྱིར་ཁྱེར་བདེར་བཀོད་པ་དགེའོ།། +
* '''First colophon page 529:''' ཁོ་བོ་བདེ་ཆེན་ཟིལ་གནོན་ནམ་མཁའི་རྡོ་རྗེས་ཤིང་འབྲུག་ཟླ་བ་བཅུ་པའི་ཚེས་ཉེར་བརྒྱད་ལ་དཔལ་གྱི་སེང་གེ་རྫོང་གི་མདུན་རི་བྲག་པདྨ་སྤུངས་པ་འདྲ་བ་ནས་སྤྱན་དྲངས་པའི་ཤོག་སེར་ཚོན་གང་བ་གཅིག་ལས་གནས་དུས་གྲོགས་ཀྱི་རྟེན་འབྱུང་ངང་གིས་འགྲིགས་ནས་འབྲུག་ལྷུན་རྩེ་རྫོང་དུ་ཤར་མར་ཕབ་པ་བཀྲ་ཤིས་དགེ་བར་གྱུར་ཅིག།།
* '''Second colophon page 531:''' ཁོ་བོ་བདེ་ཆེན་ཟིལ་གནོན་ནམ་མཁའི་རྡོ་རྗེས་མོན་ཁ་སེང་གེ་རྫོང་གི་མདུན་རིའི་བྲག་པདྨ་སྤུངས་པ་འདྲ་བ་ནས་སྤྱན་དྲངས་པའི་ཤོག་སེར་ལས་ཕྱིས་སུ་བུམ་ཐང་དཔལ་རི་དགོན་ཏུ་རྟེན་འབྲེལ་ཞིག་ལ་བརྟེན་ནས་ཕབ་པའོ།།
* '''Third colophon page 532:''' ཅེས་པའང་རིགས་ཀྱི་མྱུ་གུ་ཀུན་བཟང་འོད་གསལ་རྟག་བརྟན་རྡོ་རྗེ་དང་སློབ་བུའི་ཐུ་བོ་འབྲུག་བྲང་ལ་སློབ་དཔོན་པདྨ་ཀུན་བཟང་འཕྲིན་ལས་མཐའ་ཡས་ཟུང་གིས་བསྐུལ་ངོར་གཏེར་སྟོན་རང་ཉིད་ཀྱིས་ཤར་མར་སྦྱར་བའོ།།
* '''Fourth colophon page 543:''' །ཅེས་པའི་མཚམས་སྦྱོར་འདིའང་རང་སློབ་ཟབ་མོའི་རྣལ་འབྱོར་དམ་པ་བྱང་ཟང་ཟང་བླ་མ་པདྨ་ཐེག་མཆོག་བདེ་ཆེན་དགྱེས་པ་རྡོ་རྗེ་དང་། འབྲུག་བྲང་ལ་སློབ་དཔོན་པདྨ་ཀུན་བཟང་ཐེག་མཆོག་རྡོ་རྗེ་ཟུང་གིས་ཡང་ཡང་བསྐུལ་ངོར་དགྱེས་མཛད་རྡོ་རྗེའི་ཕོ་བྲང་འོག་མིན་གྲོ་བོ་ལུང་གི་དགོན་པར་བསྟན་འགྲོའི་དུས་རིམ་ཆེད་དམིགས་དཔལ་ཆེན་པོའི་ཚོགས་འབུམ་བསགས་པའི་ཐུན་གསེང་དུ་བདེ་ཆེན་ཟིལ་གནོན་ནམ་མཁའི་རྡོ་རྗེས་སྦྱར་བ་ཨཱ་ཡུརྫྙཱ་ན་བཛྲ་ཏིཥྛནྟུ།།
+
རྡོ་རྗེ་ཕུར་པ་ཡང་གསང་འཕྲིན་ལས་བཅུད་དྲིལ་གྱི་གཏོར་མའི་དོན་དབང་ཡེ་ཤེས་སྤྱི་བླུགས་ཀྱི་ངག་ཁྲིགས་དཔལ་ཆེན་དགོངས་རྒྱན། +
།ཅེས་རྡོ་རྗེ་ཕུར་པ་ཡང་གསང་འཕྲིན་ལས་བཅུད་དྲིལ་གྱི་གཏོར་མའི་དོན་དབང་ཡེ་ཤེས་སྤྱི་བླུགས་ཀྱི་ཆོག་ཁྲིགས་སུ་བསྡེབས་པ་དཔལ་ཆེན་དགོངས་རྒྱན་ཞེས་བྱ་བ་འདིའང་། ཟབ་གཏེར་གསང་བའི་མཛོད་འཛིན་ཁྱབ་བདག་གཏེར་ཆེན་ཆོས་ཀྱི་རྒྱལ་པོ་གང་གི་ཞལ་སྔ་ནས་བཀའ་བབ་ལུང་ཟིན་གྱི་ཆོས་བདག་ཏུ་དབུགས་དབྱུང་བ་དང་བཅས་སྨིན་གྲོལ་བདུད་རྩིའི་དགའ་སྟོན་དགྱེས་པར་བསྩལ་བའི་བཀའ་དྲིན་ཐོབ་པ་འཇིགས་བྲལ་ཡེ་ཤེས་རྡོ་རྗེས་གཏེར་གཞུང་རྩ་བའི་དགོངས་དོན་འཇུག་བདེའི་མཚམས་སྦྱོར་གྱིས་བརྒྱན་ཏེ། ཉེ་བའི་ཚནྡྷོ་དུར་ཁྲོད་ལྷུན་གྲུབ་བརྩེགས་པའི་གནས་སུ་སྤྱར་བ་ལས། ཐོག་མའི་ཡི་གེ་པ་ནི་མོན་གྱི་སྔགས་སྟོན་ཀུན་བཟང་འདུས་ཀྱིས་བགྱིས་པའོ། །འདིས་ཀྱང་ཟབ་ལམ་གྱི་འཕྲིན་ལས་རྟག་ཅིང་ཁྱབ་པའི་རྒྱུར་གྱུར་ཅིག །མངྒ་ལ་ཛནྟུ།། +
ཅེས་པ་འདིའང་ཟབ་མོའི་ཆོས་འདིར་མོས་བརྩོན་རྣལ་འབྱོར་དུ་བྱེད་པའི་བླ་མ་དམ་པ་པདྨ་དབང་དྲག་ནས་ནན་བསྐུལ་བགྱིས་པ་དོན་ཡོད་པར་བྱ་བའི་ཕྱིར་གཏེར་སྟོན་རང་ཉིད་ཀྱིས་དེ་འཕྲལ་ཉིད་དུ་ལྷོ་མོན་བུམ་ཐང་དཔལ་རི་དགོན་གྱི་ཡང་དབེན་དུ་སྦྱར་བའོ། །མངྒ་ལཾ།། +
ཁོ་བོ་བདེ་ཆེན་ཟིལ་གནོན་ནམ་མཁའི་རྡོ་རྗེས་ལྷོ་ཕྱོགས་མོན་ཁ་སེང་གེ་རྫོང་གི་མཚོ་རྒྱལ་གསང་ཕུག་ནས་ཤིང་འབྲུག་ཟླ་བའི་ཚེས་ལ་སྐལ་ལྡན་གྱི་འདུས་པ་གྲངས་མེད་པའི་དབུས་ནས་ཤིན་ཏུ་འཇིགས་པའི་ཆོ་འཕྲུལ་དང་། ངོ་མཚར་བའི་བཀོད་པ་དཔག་ཏུ་མེད་པ་དང་བཅས་ཏེ་སྤྱན་དྲངས་པའི་ཤོག་སེར་ལས། སླར་ས་ཕོ་སྦྲེལ་གྱི་ལོའི་དུས་ཆེན་ལ་ལྷོ་འབྲུག་ཆོས་ཀྱི་རྒྱལ་པོའི་གཟིམ་སྤྱིལ་བདེ་ཆེན་པདྨ་འཁྱིལ་བའི་ཡང་དབེན་དུ་དག་པར་ཕབ་པའི་དགེ་བས། ལུང་ཟིན་ཆོས་ཀྱི་བདག་པོས་གཙོས་བསྟན་པ་འཛིན་པའི་སྐྱེས་བུ་དམ་པ་རྣམས་ཀྱི་ཞབས་པད་བསྐལ་བརྒྱར་བརྟན་ཅིང་། སྙིགས་དུས་ཀྱི་རྒུད་པ་མཐའ་དག་ཡོངས་སུ་ཞི་ནས་མདོ་སྔགས་བསྟན་པའི་སྲོག་ཤིང་རྡོ་རྗེའི་རང་བཞིན་ཏུ་བརྟན་པའི་རྒྱུར་གྱུར་ཅིག། +
།ཅེས་རྡོ་རྗེ་ཕུར་པ་ཤོག་དྲིལ་མགུལ་ཁུག་མའི་དམར་ཆེན་གཏོར་བཟློག་གི་ལས་ཐོ་འདི་ནི། ༧སྐྱབས་རྗེ་བཀའ་དྲིན་ཟླ་མེད་བདུད་འཇོམས་མཆོག་སྦྲུལ་རིན་པོ་ཆེས་འདི་ལྟར་གྱིས་ཤིག་པའི་བཀའི་གནང་བ་ནོད་པ་ལ་བརྟེན། བཀའི་སློབ་འབངས་བན་ཆུང་བདེ་ཆེན་ཆོས་འཛིན་ཞེས་བྱ་བས་འདྲེན་མཆོག་རྡོར་འཛིན་རྣམ་གཉིས་ཀྱི་ཞལ་སྔ་ནས་ཕྱག་བཞེས་ཀྱི་ལག་ཁྲིད་ཇི་ལྟར་ནོས་པ་བཞིན་ཟིན་ཐོར་བཀོད་པ་དགེ་ལེགས་འཕེལ། །སླར་ཡང་འཇིགས་བྲལ་ཡེ་ཤེས་རྡོ་རྗེས་ཞུས་དག་པར་བགྱིས་པའོ།། +
ཅེས་རྡོ་རྗེ་ཕུར་པ་ཡང་གསང་སྲོག་གི་སྤུ་གྲིའི་ལས་མཐའ་དགྲ་བགེགས་མནན་པའི་མན་ངག་རྡོ་རྗེའི་རི་དབང་ཞེས་བྱ་བ་འདི་ཡང་། རྣམ་འདྲེན་གསུང་སྤྲུལ་བཅུ་པའི་དགོངས་པ་རྗེས་སུ་སྒྲུབ་པའི་སླད་དུ། རིགས་མཐུན་གྱི་གཞུང་དང་མན་ངག་ལ་བརྟེན་ནས། རྒྱལ་ཁམས་བ་འཇིགས་བྲལ་ཡེ་ཤེས་རྡོ་རྗེས་རྣམ་འཕྱང་རྒྱལ་ཟླའི་དམར་ཕྱོགས་ཀྱི་རྫོགས་པ་གཉིས་པར་སྦྱར་བའི་ཡི་གེ་པ་ནི་སྔགས་བན་ཆོས་གྲགས་རྒྱ་མཚོས་བགྱིས་པའོ། །འདིས་ཀྱང་གདུག་ཅན་ཉམས་པའི་དཔུང་རྣམས་ལྡང་མེད་བསྐལ་པར་གནོན་པའི་རྒྱུར་གྱུར་ཅིག། །། ཛ་ཡནྟུ།། +
།དེ་ལྟར་རྡོ་རྗེ་ཕུར་པ་ཡང་གསང་སྲོག་གི་སྤུ་གྲིའི་བསྙེན་སྒྲུབ་ཀྱི་ཡི་གེ་གྲུབ་གཉིས་མཆོག་སྟེར་ཅེས་བྱ་བ་འདིའང་། སྔ་སོར་རྣམ་འདྲེན་གསུང་སྤྲུལ་བཅུ་པའི་བཀའ་སྩལ་སྤྱི་བོར་ལྷུང་བ་དགོངས་པ་རྗེས་སུ་སྒྲུབ་པའི་དམ་བཅའ་མ་བོར་ཡང་གཞན་དབང་མི་བཟད་པའི་ཁོལ་པོར་འཕྱན་ཏེ་ཡུན་དུ་འགྱང་པར་གྱུར་པ། ཕྱིས་ལྷ་ལུང་ཐེག་མཆོག་རབ་རྒྱས་གླིང་གི་རིག་འཛིན་འདུས་པའི་སྡེས་གསུང་བསྐུལ་ནན་ཆགས་སུ་བྱུང་བ་བཞིན་རིང་ལུགས་འདིའི་བརྒྱུད་འཛིན་རྣམས་ཀྱི་ཉམས་བཞེས་གསལ་བྱེད་དུ་མེད་དུ་མི་རུང་བར་མཐོང་ནས། གཏེར་གཞུང་གི་དགོངས་པ་མཁས་གྲུབ་གོང་མ་རྣམས་ཀྱི་ལེགས་པར་བཤད་པའི་ཆ་ཤས་ཀྱིས་བཀྲལ་ནས་འཇུག་བདེ་མདོ་རྒྱས་འཚམས་པའི་ཚུལ་དུ། རྗེ་རིགས་ཀྱི་སྔགས་པ་རྒན་པོ་འཇིགས་བྲལ་ཡེ་ཤེས་རྡོ་རྗེས་རང་ལོ་ང་དྲུག་པའི་ཐོག་ཏུ་སོན་པ་སྒྱུར་བྱེད་ཀྱི་ལོ་རྒྱལ་པའི་ཆོ་འཕྲུལ་ཆེན་པོས་ཡིད་སྲུབས་ཀྱི་དཔུང་རྣམས་ཕམ་པར་མཛད་པའི་དུས་ཀྱི་ཆར། ཡུལ་རྒྱ་བོད་མཚམས་ཀྱི་རོང་ཆེན་ཀ་པཱ་ལ་སྤུངས་པར་གྲགས་པའི་རི་བོ་རིན་ཆེན་སྤུངས་ཀྱི་ནགས་ཁྲོད་དུ་སྦྱར་བ་ལས། །ཐོག་མའི་ཡི་གེ་པ་ནི་ཟབ་མོའི་ལམ་ལ་མི་འཕྲོག་པའི་དད་བརྩོན་གྱི་ནོར་ཅན་སྔགས་བན་ཆོས་གྲགས་རྒྱ་མཚོས་བགྱིས་པའོ། །འདིས་ཀྱང་སྐལ་བཟང་རྣམས་ཕུར་བུ་ཐལ་འབྱིན་གྱི་དགོངས་པ་མངོན་དུ་བྱེད་པའི་རྒྱུར་གྱུར་ཅིག། །།སརྦ་དཱ་མངྒ་ལཾ། +
རྡོ་རྗེ་ཕུར་པ་ཡང་གསང་སྲོག་གི་སྤུ་གྲིའི་མངོན་སྤྱོད་སྲེག་པ་ཧོམ་གྱི་ལས་རིམ་གདུག་པ་ཀུན་སྲེག་ཅེས་བྱ་བ་བཞུགས་སོ། +
།དེ་ལྟར་རྡོ་རྗེ་ཕུར་པ་ཡང་གསང་སྲོག་གི་སྤུ་གྲིའི་མངོན་སྤྱོད་སྲེག་པ་ཧོམ་གྱི་ལས་རིམ་གདུག་པ་ཀུན་སྲེག་ཅེས་བྱ་བ་འདིའང་། རྣམ་འདྲེན་གསུང་སྤྲུལ་བཅུ་པའི་དགོངས་པ་རྗེས་སུ་སྒྲུབ་པའི་སླད་དུ། རྩ་བའི་གཞུང་གི་དགོངས་པ་བཞིན་གཏེར་ཁ་རིགས་མཐུན་གྱི་ཁ་སྐོང་བཀླག་ཆོག་ཏུ་བསྡེབས་ཏེ། དུས་མཐའི་སྔགས་འཆང་འཇིགས་བྲལ་ཡེ་ཤེས་རྡོ་རྗེས་རྣམ་འཕྱང་རྒྱལ་ཟླའི་དམར་ཕྱོགས་དགྲ་བོ་འཆི་བའི་སྦྱོར་བ་དང་ལྡན་པའི་དུས་སུ་མྱུར་བར་སྦྱར་བའི་ཡི་གེ་པ་ནི་མོན་གྱི་སྔགས་བན་ཆོས་གྲགས་རྒྱ་མཚོས་བགྱིས་པའོ། །འདིས་ཀྱང་གདུག་ཅན་ཉམས་པའི་དཔུང་རྣམས་གཞོབ་ཏུ་བསྲེག་པའི་རྒྱུར་གྱུར་ཅིག། །། ཛ་ཡནྟུ། +
།ཅེས་ཕུར་པ་སྤུ་གྲི་རེག་ཕུང་གི་དབང་བསྐུར་མཚམས་སྦྱོར་གྱིས་བརྒྱན་པ་འདིའང་། བཀའ་བབས་ཀྱི་སྐྱེས་མཆོག་རིག་པ་འཛིན་པ་སངས་རྒྱས་རྡོ་རྗེའི་བཞེད་པ་སྐོང་བའི་སླད་དུ། སྙོམས་ལས་པ་འཇིགས་བྲལ་ཡེ་ཤེས་རྡོ་རྗེས་སྐབས་སུ་བབས་པའི་ཁ་སྐོང་ཅུང་ཟད་དང་བཅས་བཀླག་ཆོག་ཏུ་སྤེལ་བའི་ཡི་གེ་པ་ནི་རིག་བྱེད་པ་ནོར་བུ་དབང་རྒྱལ་གྱིས་སོ། །འདིས་ཀྱང་སྐལ་བ་ཅན་གྱི་གདུལ་བྱ་མཐའ་དག་གྲུབ་གཉིས་ཀྱི་དགའ་སྟོན་འདོད་རྒུར་སྤྱོད་པའི་རྒྱུར་གྱུར་ཅིག། །།སརྦ་དཱ་མངྒ་ལཾ། +
།ཅེས་པའང་རང་གཞན་འགའ་ཞིག་ལ་ཉེ་བར་མཁོ་ཞིང་ཕན་པའི་ཕྱིར་རྩ་བའི་གཞུང་གི་བཅུད་བསྡུས་ཤིང་མན་ངག་གི་འབྲེལ་བསྡེབས་ནས་ངག་འདོན་འཇུག་པ་བདེ་བར་བྱས་ཏེ། རྗེ་རིགས་ཀྱི་སྔགས་ནག་འཇིགས་བྲལ་ཡེ་ཤེས་རྡོ་རྗེས་རང་ལོ་ཞེ་ལྔ་པར་སོན་པ་ཀུན་འཛིན་གྱི་ལོ་ཆོ་འཕྲུལ་ཟླ་བའི་ཤེར་ཕྱོགས་ཀྱི་རྒྱལ་བ་གསུམ་པར་དབུ་རུ་ལྷ་ལྡན་གྱི་གྲོང་ཁྱེར་ཆེན་པོའི་ཤར་ཕྱོགས་བོད་ཀྱི་དུར་ཁྲོད་བསིལ་བའི་ཚལ་དུ་སྦྱར་བ་ལས་ཡི་གེ་པ་ནི་མང་དུ་ཐོས་པའི་བཤེས་གཉེན་རིག་སྔགས་འཆང་བ་དོན་དམ་ཆོས་མཆོག་གིས་བགྱིས་པའོ། །འདིས་ཀྱང་གསང་ཆེན་བསྟན་པའི་འགལ་བྱེད་ཆམ་ལ་ཕབ་སྟེ་ཕྱོགས་ལས་རྣམ་པར་རྒྱལ་བའི་རུ་མཚོན་དགུང་དུ་བསྙེགས་པའི་རྒྱུར་གྱུར་ཅིག །སརྦ་དཱ་མངྒ་ལཾ།། +
།ཞེས་པའང་མཐུ་ཆེན་ལང་ལབ་གཉིས་པ་བྱང་ཆུབ་རྡོ་རྗེ་དང་། སྡོམ་བརྩོན་པདྨ་བློ་གྲོས་བཟང་པོ། །སྔགས་བན་ཆོས་གྲགས་རྒྱ་མཚོ་རྣམས་ནས་མངོན་སྤྱོད་ཀྱི་ཆ་རྐྱེན་ལ་བསྔགས་པའི་རྟེན་དང་བཅས་ཏེ་བསྐུལ་བའི་ངོར། འཇིགས་བྲལ་ཡེ་ཤེས་རྡོ་རྗེས་དྲག་པོའི་ལས་ཀྱི་མཐའ་སྡུད་མན་ངག་ལག་ཁྲིགས་སུ་བསྡེབས་ཏེ་སྦྱར་བ་ལས་ཡི་གེ་པ་ནི་བསྐུལ་བ་པོ་ཕྱི་མ་ཉིད་ཀྱིས་བགྱིས་པའོ། །འདིས་ཀྱང་བསྟན་དགྲའི་དཔུང་ཚོགས་མཐར་བྱེད་པའི་རྒྱུར་གྱུར་ཅིག། །།ཛ་ཡནྟུ།། +
།ཞེས་པའང་མཐུ་ཆེན་ལང་ལབ་གཉིས་པ་བྱང་ཆུབ་རྡོ་རྗེ་དང་། སྡོམ་བརྩོན་པདྨ་བློ་གྲོས་བཟང་པོ། སྔགས་བན་ཆོས་གྲགས་རྒྱ་མཚོ་རྣམས་ནས་མངོན་སྤྱོད་ཀྱི་ཆ་རྐྱེན་ལ་བསྔགས་པའི་རྟེན་དང་བཅས་ཏེ་བསྐུལ་བའི་ངོར། འཇིགས་བྲལ་ཡེ་ཤེས་རྡོ་རྗེས་དྲག་པོའི་ལས་ཀྱི་མཐའ་སྡུད་མན་ངག་ལག་ཁྲིགས་སུ་བསྡེབས་ཏེ་སྦྱར་བ་ལས། ཡི་གེ་པ་ནི་བསྐུལ་བ་པོ་ཕྱི་མ་ཉིད་ཀྱིས་བགྱིས་པའོ། །འདིས་ཀྱང་བསྟན་དགྲའི་དཔུང་ཚོགས་མཐར་བྱེད་པའི་རྒྱུར་གྱུར་ཅིག། །།ཛཡནྟུ།། +
།ཅེས་པའང་མདོ་ཁམས་རྫོགས་ཆེན་དགོན་གྱི་བསྟན་འཛིན་དམ་པ་ཕུར་ཚ་སྤྲུལ་སྐུ་རིན་པོ་ཆེ་དང་། བཤེས་གཉེན་རིག་སྔགས་འཆང་བ་དོན་དམ་ཆོས་མཆོག་སོགས་ལམ་འདིའི་བཀའ་བབས་ཀྱི་སྐྱེས་བུ་དུ་མས་སྔ་ཕྱིར་ཡང་ནས་ཡང་དུ་བསྐུལ་བར་མཛད་པ་ཡིད་ལ་སིམ་པའི་ཐོག །ཉེར་ཆར་མི་འཕྲོག་པའི་དད་གུས་ཀྱི་ནོར་ལྡན་དྭགས་པོ་གཤམ་མཁར་བ་འཇིགས་མེད་བློ་གྲོས་ཀྱི་གསུང་གིས་ནན་ཆགས་སུ་བསྐུལ་བས་མཚམས་སྦྱར་ཏེ། རྒྱལ་ཁམས་པ་འཇིགས་བྲལ་ཡེ་ཤེས་རྡོ་རྗེས་ཀུན་འཛིན་གྱི་ལོ་སྨིན་ཟླའི་ཡར་ངོའི་རྒྱལ་བ་དང་པོ་ལ་མཆིམས་ཀྱི་ཀོང་ཡུལ་ལྗོན་པ་བུ་ཆུ་བདེ་ཆེན་སྟེང་གི་རིག་པ་འཛིན་པའི་དགའ་ཚལ་དུ་སྦྱར་བའོ། །འདིས་ཀྱང་སྐལ་ལྡན་རྣམས་ལ་ཕན་པ་རྒྱ་ཆེན་པོ་འབྱུང་བའི་རྒྱུར་གྱུར་ཅིག །སརྦ་དཱ་མངྒ་ལཾ།། +
།ཞེས་པའང་གཏེར་གཞུང་གོང་འོག་ལས་བཏུས་པ་སྟེ་འཇིགས་བྲལ་ཡེ་ཤེས་རྡོ་རྗེས་སོ། །ཤུ་བྷཾ། +
།ཞེས་པའང་རེབ་ཀོང་ཕུར་ཐོགས་པ་ཤེས་རབ་རྡོ་རྗེས་འདི་ལྟ་བུའི་ཉུང་བསྡུས་ཤིག་དགོས་ཞེས་བསྐུལ་ངོར་རྒྱལ་ཁམས་ཉུལ་བའི་ཀུ་སཱ་ལི་ཁྲོ་རྒྱལ་རྡོ་རྗེས་ཉང་ཁོང་གི་བྱེ་བྲག་གུ་རུའི་སྒྲུབ་གནས་ཀྱི་རྒྱལ་པོ་ཤར་ཕྱོགས་ལྗོན་པ་ལུང་གི་གཙུག་ལག་ཁང་དུས་གཏེར་ཆེན་བླ་མའི་གསུང་ལ་གཞི་བྱས་ནས་སྦྱར་བ་དགེ་ལེགས་སུ་གྱུར་ཅིག །སརྦ་དཱ་མངྒ་ལཾ།། +
།ཅེས་རང་ཉིད་ཀྱིས་བརྩམས་པའི་རྡོ་རྗེ་ཕུར་བུའི་ལམ་རིམ་གྱི་སྨོན་ཚིག་འདི་ལ་འབྲུ་གཉེར་བའི་རྣམ་པར་བཤད་པ་ཞིག་གྱིས་ཞེས་གཏེར་འབྱིན་རིག་པ་འཛིན་པའི་ཁྱུ་མཆོག་མི་འགྱུར་བདེ་བའི་རྡོ་རྗེའི་གསུང་གིས་ཆོས་བདག་སྤྲུལ་པའི་སྐུ་འཇིགས་མེད་ཆོས་དབྱིངས་ནོར་བུའི་སྡེར་བསྐུལ་བར་མཛད་པ་བཞིན་དེ་ཉིད་ཀྱི་ཞལ་སྔ་ནས་རྗེས་སུ་བསྐུལ་བ་ལས། ལྷ་རིགས་ཀྱི་བནྡྷེ་རིགས་སྔགས་འཆང་བ་འཇིགས་བྲལ་ཡེ་ཤེས་རྡོ་རྗེས་སྦྱར་བ་ཛ་ཡནྟུ།། +
ཞེས་པ་འདི་ཡང་སྤྲང་སྨྱོན་བདུད་འཇོམས་རྡོ་རྗེའི་ཉམས་སྣང་འོད་གསལ་བདེ་བའི་དབྱིངས་སུ་རྡོ་རྗེ་མཆོག་རབ་རྩལ་གྱིས་ཕུལ་བ་བརྡ་ཐིམ༔ +
ཅེས་བྱང་གཏེར་ཐུགས་སྒྲུབ་མན་ངག་ལས་ཁོལ་ཕྱུང་ཁ་སྐོང་དུ་བསྡེབས་པའོ།། +
