Property:Colophontib
From Dudjom Wiki
This is a property of type Text.
ད
ཅེས་བདུད་འཇོམས་པས་སོ།། +
སྤྲུལ་པའི་སྐུ་མཆོག་ཀུན་བཟང་འོད་ཟེར་གྱི་ངོར་མི་རྒན་བདུད་འཇོམས་རྡོ་རྗེས་འཆོལ་གཏམ་དུ་སྨྲས་པའོ། །དགེའོ།། +
དབང་ཆེན་རྟ་མགྲིན་ཡང་ཁྲོས་ནག་པོའི་ཕོ་ཉ་ཕག་སྡིག་ཁྱུང་གསུམ་གྱི་སྒོས་སྒྲུབ་རྡོ་རྗེའི་ཐོག་མདའ་ལོག་འདྲེན་ཀླད་འགེམ། +
ཅེས་པའང་གཏེར་གཞུང་གི་དགོངས་པ་མ་ནོར་བར་སྙིང་པོའི་བཅུད་བསྡུས་ནས་ཡང་ཁྲོས་ཡིག་ཆའི་གསལ་བྱེད་དཀྱུས་གཅིག་ཏུ་འཇིགས་བྲལ་ཡེ་ཤེས་རྡོ་རྗེས་བསྡེབས་པ་ཛ་ཡནྟུ།། +
།དེ་ལྟར་དབང་ཆེན་རྟ་མགྲིན་ཡང་ཁྲོས་ནག་པོའི་ཧོམ་སྲེག་དུས་མེའི་འཕྲུལ་འཁོར་ཞེས་བྱ་བ་འདིའང༌། སྔགས་སྒྲུབ་ཆོ་གའི་ཡན་ལག་མེད་དུ་མི་རུང་བར་མཐོང་ནས། གཏེར་གཞུང་གི་དགོངས་པ་འཇུག་བདེའི་ལས་ཁྲིགས་སུ་བསྡེབས་ཏེ་འཇིགས་བྲལ་ཡེ་ཤེས་རྡོ་རྗེས་སྤེལ་བ་ཛ་ཡནྟུ།། +
།དེ་ལྟར་དབང་དྲག་གནོད་སྦྱིན་ཆེན་པོའི་སྐོང་ཕྲིན་མདོས་ཆོག་ནམ་མཁའ་མཛོད་ཀྱི་དགའ་སྟོན་ཅེས་བྱ་བ་འདི་ནི། ཟབ་གསང་སྙིང་པོའི་རིང་ལུགས་འཛིན་པ་རྣམས་ལ་ཕྲིན་ལས་བསྒྲུབ་པའི་ཆ་རྐྱེན་དུ་དགོས་པར་མཐོང་ནས། ཆོས་རྒྱལ་རཏྣ་གླིང་པ་དང་བདུད་འཇོམས་གླིང་པའི་ཟབ་གཏེར་གྱི་སྐོང་ཆོག་གུང་བསྡེབས་ནས་འཇུག་པ་བདེ་བའི་དག་ཁྲིགས་སུ་བཀོད་པ་སྟེ། འཇིགས་བྲལ་ཡེ་ཤེས་རྡོ་རྗེས་དམར་སེར་ཅན་གྱི་ལོ་ནག་པ་ཉ་བའི་ཡར་ངོ་རྒྱལ་བ་གསུམ་པ་ལ་བལ་ཡུལ་ཉེ་བའི་ཚན་ངྷོ་རུ་སྦྱར་བའི་ཡི་གེ་པ་ནི་མོན་གྱི་སྔགས་སྟོན་བསྟན་འཛིན་ཀུན་ལེགས་སོ། །འདིས་ཀྱང་ལས་ཀྱི་དངོས་གྲུབ་ཐོགས་མེད་ཡིད་བཞིན་དུ་འཇོ་བའི་རྒྱུར་གྱུར་ཅིག །ཛ་ཡནྟུ༎ +
།ཅེས་དབང་དྲག་རྟ་མགྲིན་ཡང་ཁྲོས་ནག་པོའི་ལས་བྱང་བདུད་སྡེའི་གཡུལ་ལས་རྒྱལ་བའི་དགའ་སྟོན་ཅེས་བྱ་བ་འདི་ནི། དོན་གཉེར་ཅན་དུ་མས་སྔ་ཕྱིར་ཡང་དང་ཡང་དུ་བསྐུལ་བ་ཡིད་ལ་བཅག་པའི་ཐོག །ཉེ་ཆར་མཁན་ཆེན་བླ་མ་བཀའ་འགྱུར་བ་འཇམ་དབྱངས་རྡོ་རྗེའི་གསུང་གིས་ནན་ཆགས་སུ་བསྐུལ་བ་ལ་བརྟེན་ནས། གཏེར་གཞུང་གི་དགོངས་པ་མ་འཁྲུལ་བར་དཀྱུས་ཀྱི་ལག་ལེན་རྣམ་གསལ་འཇུག་པ་བདེ་བའི་ལས་ཁྲིགས་སུ་བསྡེབས་ཏེ། རིག་པ་འཛིན་པ་འཇིགས་བྲལ་ཡེ་ཤེས་རྡོ་རྗེས་རང་ལོ་བཅུ་ཕྲག་བདུན་གྱི་མཐར་ཐུག་པ་ཆུ་མོ་གླང་གི་ལོ་སྨིན་དྲུག་ཟླ་བའི་དཀར་ཕྱོགས་ཀྱི་རྒྱལ་བ་གསུམ་པ་ལ། རི་བོ་རིན་ཆེན་སྤུངས་པའི་མགུལ་ཁུག་ལྷ་ཆེན་དགའ་ཚལ་གྱི་བསྟི་གནས་སུ་སྦྱར་བ་ལས། ཐོག་མའི་གླེགས་བམ་དུ་འབེབས་པ་པོ་ནི་སྔགས་སྐྱེས་རིན་ཆེན་ཕུན་ཚོགས་ཀྱིས་སོ། །འདིས་ཀྱང་ལས་དང་དངོས་གྲུབ་འདོད་རྒུ་རང་དབང་དུ་བསྒྱུར་བའི་རྒྱུར་གྱུར་ཅིག །། །།སརྦ་དཱ་མངྒ་ལཾ།། +
།ཅེས་དབང་དྲག་རྟ་མགྲིན་ཡང་ཁྲོས་ནག་པོའི་སྨད་ལས་ཐོགས་མེད་གནམ་ལྕགས་རྡོ་རྗེའི་འཕྲུལ་འཁོར་ཞེས་བྱ་བ་འདི་ནི། དོན་གཉེར་ཅན་དུ་མས་སྔ་ཕྱིར་ཡང་དང་ཡང་དུ་བསྐུལ་བ་ཡིད་ལ་བཅག་པའི་ཐོག །ཉེ་ཆར་མཁན་ཆེན་བླ་མ་བཀའ་འགྱུར་བ་འཇམ་དབྱངས་རྡོ་རྗེའི་གསུང་གིས་ནན་ཆགས་སུ་བསྐུལ་བ་ལ་བརྟེན་ནས། གཏེར་གཞུང་གི་དགོངས་པ་མ་འཁྲུལ་བར་སྙིང་པོའི་བཅུད་བསྡུས་ཤིང་དཀྱུས་ཀྱི་ལག་ལེན་རྣམ་གསལ་འཇུག་པ་བདེ་བའི་ལས་ཁྲིགས་སུ་བསྡེབས་ཏེ། དུས་མཐའི་སྔགས་ནག་འཇིགས་བྲལ་ཡེ་ཤེས་རྡོ་རྗེས་རང་ལོ་བཅུ་ཕྲག་བདུན་གྱི་མཐར་ཐུག་པ་ཆུ་མོ་གླང་གི་ལོ་སྨིན་དྲུག་ཟླ་བའི་དམར་ཕྱོགས་རྒྱལ་བ་དང་པོ་ལ། ཀ་པཱ་ལ་ལྷུན་པོར་སྤྲུངས་པའི་རི་བོ་གདུག་པ་ཚང་ཚིང་འཁྲིགས་པའི་དུར་ཁྲོད་དུ་སྦྱར་བ་ལས། ཐོག་མའི་གླེགས་བམ་དུ་འབེབས་པ་པོ་ནི་སྔགས་སྐྱེས་རིན་ཆེན་ཕུན་ཚོགས་ཀྱིས་བགྱིས་པའོ། །འདིས་ཀྱང་མི་མཐུན་ཉེས་པའི་རྩྭ་ཕུང་སྐད་ཅིག་ཉིད་ལ་ཐལ་བར་བྱེད་པའི་དུས་ཀྱི་མེ་དཔུང་ཆེན་པོར་གྱུར་ཅིག །ཛ་ཡནྟུ། +
ཞེས་པ་འདིའང་གདོང་དབོན་པོ་པདྨ་སིདྡྷིས་ནན་དུ་བསྐུལ་ངོར་མི་རྒན་བདུད་འཇོམས་རྡོ་རྗེས་བྲིས་པའོ། །དགེའོ།། +
།བདུད་འཇོམས་པས་སོ།། +
།ཞེས་ཟེར་ཏེ་མི་སྣང་བར་གྱུར་ཏོ། +
འདི་ནི་བྱང་གཏེར། རཏ་གླིང་། འཇའ་མཚོན་པ། བདུད་འཇོམས་རྣམས་ཀྱི་གཏེར་བྱོན་བཀའ་སྲོལ་གྱི་གནད་གཅིག་ཏུ་འདུས་པ་སྟེ། སྲོག་དབང་སྤྱི་ཁྱབ་འདོད་འཇོའི་བུམ་བཟང་བཞིན་ནམ་རང་རང་གི་མོས་ཁྱད་དང་བསྟུན་ཏེ་ལུགས་སོ་སོར་འཇུག་པ་ཆོག་གོ། +
* '''Author colophon:''' །དམ་ཅན་སྤྱིའི་གཏོར་མའི་ཆོ་ག་ཉུང་ངུར་བསྡུས་པ་འདི་ནི་རྒྱུན་གྱི་ཉམས་ལེན་ལ་འཇུག་པ་བདེ་བའི་ཕྱིར་རིག་འཛིན་འགྱུར་མེད་རྡོ་རྗེས་ལྷ་ལྡན་གྲུ་འཛིན་གྱི་རི་བོར་སྦྱར་བའོ།
* '''Editor colophon:''' །སླར་ཡང་རང་ལུགས་ཁ་སྐོང་དུ་འོས་པ་འགའ་ཞིག་བསྡེབས་ཏེ་ཅུང་ཟད་བསྣོན་འཕྲོ་བགྱི་བ་པོ་ནི་ཛྙཱ་ནའོ།།
+
དེ་ལྟར་གཏེར་སྲུང་ཚེ་རིང་མའི་ཕྲིན་ལས་འདོད་འཇོའི་སྙེ་མ་ཞེས་བྱ་བ་འདི་ཡང་། གཏེར་གཞུང་རྩ་བའི་མངོན་རྟོགས་དང་མཆོད་ཕྲིན་ལ་གཞི་བྱས། ཁ་སྐོང་དུ་འོས་པ་རྣམས་གཏེར་ཁ་རིགས་མཐུན་ལས་བླངས་ཤིང་བསྟོད་པ་ཀ་ཕྲེང་མ་སོགས་སྐབས་སུ་བབས་པའི་ཚིག་ཕྲེང་ཇི་ལྟར་རིགས་པས་ཀྱང་གསར་དུ་བརྒྱན་ཏེ། ཟབ་གཏེར་སྙིང་པོའི་རིང་ལུགས་དར་ཞིང་རྒྱས་པའི་ཆ་རྐྱེན་དུ་རིག་འཛིན་གྱི་མྱུ་གུ་འཇིགས་བྲལ་ཡེ་ཤེས་རྡོ་རྗེས་རྩི་བཅུད་འབྲས་བུ་སྨིན་པ་སྟོན་ཟླ་འབྲིང་པོའི་ཡར་ཚེས་དགེ་བར་མོན་ཡུལ་སྤ་གྲོ་སྟག་ཚང་སེང་གེ་བསམ་འགྲུབ་ཀྱི་ཀེའུ་ཚང་དུ་སྦྱར་བ་དགེ་ལེགས་མཆོག་གི་རྒྱུར་གྱུར་ཅིག། +
ཅེས་པའང་རྩ་གསུམ་ལས་བྱང་རིག་པ་འཛིན་པའི་དགོངས་རྒྱན་དང་འབྲེལ་བར་འཇུག་པ་བདེ་བའི་ཡན་ལག་ཏུ་འཇིགས་བྲལ་ཡེ་ཤེས་རྡོ་རྗེས་སྦྱར་བ་སིདྡྷི་རསྟུ༎ +
དམ་ཆོས་དགོངས་པ་ཡོངས་འདུས་ལས། དམ་རྫས་བདུད་རྩིའི་སྒྲུབ་ཐབས་གསལ་བར་བཀོད་པ་འཆི་མེད་འདོད་འཇོའི་གཏེར་བུམ། +
།དེ་ལྟར་ཡང་གསང་བླ་མ་རྩ་གསུམ་འདུས་པའི་དཀྱིལ་འཁོར་གྱི་འཁོར་ལོ་ལ་བརྟེན་ནས་དམ་རྫས་བདུད་རྩིའི་སྒྲུབ་ཐབས་གསལ་བར་བཀོད་པ་འཆི་མེད་འདོད་འཇོའི་གཏེར་བུམ་ཞེས་བྱ་བ་འདི་ནི། རང་གཞན་མང་པོ་ལ་མཆོག་ཏུ་སྨན་པ་ཆེན་པོའི་སྒོར་འགྱུར་བར་མཐོང་ནས། ཟབ་ལམ་ཐུགས་ཀྱི་སྒྲུབ་པ་ཡན་ལག་དང་བཅས་པའི་གཞུང་དུ་མ་ལ་གཞན་དྲིན་མི་འཇོག་པའི་བློ་གྲོས་ཀྱིས་རྣམ་པར་དཔྱད་ཅིང་ཉམས་ལེན་དཀྱུས་ཀྱི་ཕྱག་བཞེས་རྣམ་གསལ་འཇུག་པ་བདེ་བའི་དབང་དུ་བྱས་ཏེ། དཔལ་ཨཽ་ཌཱི་ཡ་ནའི་སློབ་དཔོན་ཆེན་པོའི་གདམས་ངག་སྨྲ་བའི་སྤོབས་པ་ཅུང་ཟད་ཐོབ་པ་འཇིགས་བྲལ་ཡེ་ཤེས་རྡོ་རྗེས་རང་ལོ་སུམ་ཅུ་རྩ་དགུར་སོན་པ་སྣ་ཚོགས་ཀྱི་ལོ་ས་གས་ཉ་བའི་ཐབས་ཀྱི་ཆའི་དགའ་བ་དང་པོ་སྨན་གྱི་རིག་འཛིན་དཔའ་བོ་ཌཱ་ཀིའི་འདུ་བ་ཀུན་ཏུ་དགྱེས་རྒུར་སྤྱོད་པ་ན། ཤར་ཕྱོགས་ཀོང་ཡུལ་ལྗོན་པའི་སའི་ཐིག་ལེ་བུ་ཆུ་བདེ་ཆེན་སྟེང་གི་ཆོས་སྡེ་རིག་པ་འཛིན་པའི་དགའ་ཚལ་དུ་ལེགས་པར་སྦྱར་བ་ལས། ཐོག་མའི་གླེགས་བམ་དུ་འབེབས་པ་པོ་ནི་རྣམ་པར་དགེ་བའི་བློ་གསལ་ཞིང་དད་སོགས་འཕགས་པའི་ནོར་གྱིས་རྒྱུད་གཏམས་པ་ཚེ་རིང་ནོར་བུས་བགྱིས་པའོ། །འདིས་ཀྱང་རྨད་དུ་བྱུང་བའི་ལམ་སྲོལ་འདི་ཉིད་ཕྱོགས་དུས་ཀུན་ཏུ་དར་ཞིང་རྒྱས་ལ་ཡུན་རིང་དུ་གནས་པ་དང་། འགྲོ་བ་ཐམས་ཅད་འཆི་མེད་མཚོ་སྐྱེས་རྡོ་རྗེ་འཆང་གི་རྒྱལ་ཐབས་ལ་བདེ་མྱུར་དུ་དཀྲི་བའི་རྒྱུར་གྱུར་ཅིག །སརྦ་དཱ་མངྒལ་སིདྡྷི་རསྟུ༎ +
དམ་ཆོས་དགོངས་པ་ཡོངས་འདུས་ལས། བླ་མའི་གསང་སྒྲུབ་ནོར་བུ་རྒྱ་མཚོའི་ཕྲིན་ལས་ལམ་ཁྱེར་ཡང་ཟབ་ཐུགས་ཀྱི་ཐིག་ལེ། +
ཅེས་པའང་རང་གི་ཐུགས་དམ་རྒྱུན་གྱི་ཉམས་ལེན་དུ་འཇུག་པ་བདེ་བའི་ངག་ཁྲིགས་འདི་ལྟར་བགྱི་བར་འདུན་པའི་ཐོག །དོན་དུ་གཉེར་བའི་སྐལ་ལྡན་གཞན་མང་པོས་ཀྱང་དྲན་པའི་གསོས་བཏབ་པ་ལ་བརྟེན་ནས། འོད་གསལ་ལྷ་རིགས་ཀྱི་མྱུ་གུར་སྨིན་པའི་རིག་པ་འཛིན་པ་འཇིགས་བྲལ་ཡེ་ཤེས་རྡོ་རྗེས་དཔལ་གདོང་གི་ལོ་དབྱུག་ཟླའི་ཡར་ངོ་དགའ་བ་དང་པོའི་ཚེས་ལ་མཁན་ལྗོངས་འཆི་མེད་སྣང་བའི་བསྟི་གནས་སུ་སྦྱར་བ་སྟེ། འདིས་ཀྱང་གྲོང་ཁྱེར་གསུམ་གྱི་འགྲོ་བ་མཐའ་དག་མཚོ་སྐྱེས་རྡོ་རྗེ་འཆང་གི་རྒྱལ་ཐབས་ལ་མྱུར་དུ་རེག་པའི་རྒྱུར་གྱུར་ཅིག །སརྦ་མངྒ་ལཾ།། +
དམ་ཆོས་དགོངས་པ་ཡོངས་འདུས་ལས། བླ་མའི་དབང་ཆོག་ནོར་བུ་པདྨའི་ལྗོན་ཤིང་ཕྱག་ལེན་མཚམས་སྦྱོར་གྱིས་བརྒྱན་པ་དྲི་མེད་བདུད་རྩིའི་རྫིང་བུ། +
།དེ་ལྟར་ཡང་གསང་བླ་མའི་དབང་ཆོག་ནོར་བུ་པདྨའི་ལྗོན་ཤིང་ཕྱག་ལེན་མཚམས་སྦྱོར་གྱིས་བརྒྱན་པ་དྲི་མེད་བདུད་རྩིའི་རྫིང་བུ་ཞེས་བྱ་བ་འདི་ནི། ཁྱབ་བདག་བླ་མ་རྡོ་རྗེ་སེམས་དཔའི་ངོ་བོར་བཞུགས་པ་གར་དབང་སངས་རྒྱས་རྡོ་རྗེ་འདུས་པ་རྩལ་གྱི་ཞལ་སྔ་ནས་ཆོས་སྐོར་ཡོངས་རྫོགས་ཀྱི་སྨིན་གྲོལ་བདུད་རྩིའི་དགའ་སྟོན་སྐལ་པ་བཟང་པོའི་དཔྱིད་དུ་སྩལ་བའི་ཚེ། གསང་གསུམ་མི་ཟད་རྒྱན་གྱི་འཁོར་ལོ་མཚོན་པའི་རྟེན་དང་བཅས་ཏེ་གསུང་གི་སྣང་བས་ཡིད་ཀྱི་པདྨོ་ཁ་ཕྱེས་པ་ལ་བརྟེན་ནས། བདེ་བ་ཆེན་པོ་པདྨ་སཾ་བྷ་ཝས་འབྲོག་བན་ལོ་ཙཱའི་སྐྱེས་པ་རབས་ཀྱི་ཕྲེང་བའི་གྲལ་དུ་བྱིན་གྱིས་བརླབས་པ་འཇིགས་བྲལ་ཡེ་ཤེས་རྡོ་རྗེར་འབོད་པའི་སྔགས་ཀྱི་བནྡྷེ་སྙོམས་ལས་པས། རང་ལོ་སུམ་ཅུ་ཐམ་པའི་ཐོག་ཏུ་སོན་པ་དཔལ་གདོང་གི་ལོ་ཆུ་སྟོད་ཟླ་བའི་ཡར་ངོའི་དགའ་བ་དང་པོ་ལ་ཆོས་སྡིངས་རིན་ཆེན་སྤུངས་ཀྱི་ཡང་དབེན་འོད་གསལ་ཐེག་མཆོག་གླིང་གི་ཆོས་གྲྭར་སྦྱར་བའི་ཡི་གེ་པ་ནི་ལམ་འདི་ལ་མི་ཕྱེད་པའི་དད་གུས་ཀྱིས་གཡར་དང་ལྷུར་ལེན་པ་འཇིགས་མེད་རང་གྲོལ་གྱིས་བགྱིས་པའོ། །འདིས་ཀྱང་ཟབ་ལམ་གྱི་ཕྲིན་ལས་ནུབ་པ་མེད་པར་གོང་ནས་གོང་དུ་འཕེལ་ཞིང་རྒྱས་པའི་རྒྱུར་གྱུར་ཅིག །སརྦ་དཱ་མངྒ་ལཾ།། +
དམ་ཆོས་དགོངས་པ་ཡོངས་འདུས་ལས། ཡང་གསང་བླ་མ་རྩ་གསུམ་འདུས་པའི་བསྙེན་སྒྲུབ་ཀྱི་ཡི་གེ་སྐལ་བཟང་ཡིད་ཀྱི་འདོད་འཇོ། +
།དེ་ལྟར་ཡང་གསང་བླ་མ་རྩ་གསུམ་འདུས་པའི་བསྙེན་སྒྲུབ་ཀྱི་ཡི་གེ་སྐལ་བཟང་ཡིད་ཀྱི་འདོད་འཇོ་ཞེས་བྱ་བ་འདི་ནི། རང་གཞན་མང་པོ་ལ་སྨན་པའི་བསམ་པ་བཟང་པོས་ཀུན་ནས་བསླངས་ཏེ། རིག་པ་འཛིན་པའི་མྱུ་གུ་འཇིགས་བྲལ་ཡེ་ཤེས་རྡོ་རྗེས་རང་ལོ་སུམ་ཅུ་རྩ་གསུམ་པའི་ཐོག་ཏུ་སོན་པ་འཛིན་བྱེད་ཀྱི་ལོ་ཁྲུམ་སྟོད་ཟླ་བའི་ཡར་ངོ་རྒྱལ་བ་དང་པོ་ལ། གངས་ཅན་གྱི་ལྷོ་ཕྱོགས་མོན་ཡུལ་སྤ་གྲོ་རིན་ཆེན་སྤུངས་ཀྱི་རི་ངོགས་རང་བྱུང་པདྨས་བྱིན་གྱིས་བརླབས་པའི་སྒྲུབ་གནས་ཀྱི་རྒྱལ་པོ་སྟག་ཚང་སེང་གེ་བསམ་འགྲུབ་ཀྱི་ཀེའུ་ཚང་དུ་ལེགས་པར་སྦྱར་བ་སྟེ། འདིས་ཀྱང་ཟབ་མོའི་ལམ་བཟང་ཕྱོགས་དུས་ཀུན་ཏུ་དར་ཞིང་རྒྱས་ལ་ཡུན་རིང་དུ་གནས་པ་དང་། འགྲོ་བ་ཐམས་ཅད་ཨོ་རྒྱན་རྡོ་རྗེ་འཆང་ཆེན་པོའི་གོ་འཕང་ལ་མྱུར་དུ་རེག་པའི་རྒྱུར་གྱུར་ཅིག། །སརྦ་དཱ་མངྒ་ལཾ།། +
དམ་ཆོས་དགོངས་པ་ཡོངས་འདུས་ལས། རིམ་གཉིས་རྣལ་འབྱོར་ཐུན་མོང་གི་སྔོན་འགྲོའི་ངག་འདོན་རིག་པ་འཛིན་པའི་ཤིང་རྟ། +
།ཅེས་པའང་ལམ་འདིར་མོས་པའི་སྐྱེ་བོ་རྣམས་ལ་ཕན་པའི་ཕྱིར་གཏེར་གཞུང་རྩ་བའི་དགོངས་དོན་འཇུག་པ་བདེ་བའི་ངག་འདོན་སྙིང་བོར་དྲིལ་ཏེ། རིག་འཛིན་གྱི་མྱུ་གུ་འཇིགས་བྲལ་ཡེ་ཤེས་རྡོ་རྗེས་བྲིས་པ་ཟབ་ལམ་གྱི་ཕྲིན་ལས་ཕྱོགས་མཐར་ཁྱབ་ཅིང་རྟག་པའི་རྒྱུར་གྱུར་ཅིག། །།སརྦ་དཱ་མངྒ་ལཾ།། +
དམ་ཆོས་དགོངས་པ་ཡོངས་འདུས་ལས། ལས་བཞི་མཆོག་ལྔའི་སྦྱིན་སྲེག་གི་ཆོ་ག་གསལ་བར་བཀོད་པ་ཕྲིན་ལས་ནོར་བུའི་སྣང་བ། +
།དེ་ལྟར་ལས་བཞི་མཆོག་ལྔའི་སྦྱིན་སྲེག་གི་ཆོ་ག་གསལ་བར་བཀོད་པ་ཕྲིན་ལས་ནོར་བུའི་སྣང་བ་ཞེས་བྱ་བ་འདི་ནི། །ཁྱབ་བདག་བླ་མ་རྡོ་རྗེ་སེམས་དཔའི་ངོ་བོར་བཞུགས་པ་གར་དབང་སངས་རྒྱས་རྡོ་རྗེ་འདུས་པ་རྩལ་གྱི་བཀའི་ཅོད་པན་སྤྱི་བོར་བཅིངས་ཏེ་རང་གཞན་མང་པོ་ལ་མཆོག་ཏུ་སྨན་པའི་བསམ་པ་ཉེ་བར་བསྐྱེད་ནས། གཏེར་གཞུང་རྩ་བའི་དགོངས་དོན་ལ་ཆོ་གའི་ངག་ཚིག་ཁ་སྐོང་དུ་འོས་པ་རྣམས་གཏེར་ཁ་འོག་མ་བདུད་འཇོམས་ཟབ་གཏེར་གྱི་གཞུང་ལས་བླངས་ཏེ་ལྷ་རིགས་ཀྱི་སྔགས་བན་འཇིགས་བྲལ་ཡེ་ཤེས་རྡོ་རྗེས་དངོས་པོའི་ལོ་དབྱུག་གུ་ཟླ་བའི་ཡར་ངོའི་རྒྱལ་བ་གསུམ་པའི་དུས་ཚེས་བཟང་པོར་མཁན་ལྗོངས་ཕུན་ཚོགས་དགའ་ཚལ་གྱི་བསྟི་གནས་སུ་གྲུབ་པར་བགྱིས་པ་སྟེ། འདིས་ཀྱང་ལས་དང་དངོས་གྲུབ་ཐམས་ཅད་ཐོགས་མེད་ཡིད་བཞིན་དུ་འགྲུབ་པའི་རྒྱུར་གྱུར་ཅིག །སརྦ་དཱ་མངྒ་ལཾ།། +
